ما خاب من استشار تحت امركم فى اى استشارات مالية او عقارية

[mfe]

لو سمحت افضل طريقه لاستثمار مبلغ 200 الف هل هو البنك ولا فيه خوف من التضخم و ضياع قيمه الجنيه ؟

اسوء استثمار فى اى مكان هو البنك ، الظروف الاقتصادية فى مصر هى الى اجبرت الحكومة على رفع سعر الفائدة من فترة طويلة
طبعا التضخم هياكل الفلوس دى فى فترة من 3 الى 5 سنوات
البنك لمن ليس له بديل أخر فكر فى الفلوس دى كمقدم لعقار

[mfe]

السلام عليكم
ربنا يجزيك خير على النصائح دى كلها
سؤال
عن الشركات اللى بتشغل فلوسك بنظام المحافظ الماليه
الفكره ببساطه انك بتديهم 5000 دولار وبيعملك عائد شبه ثابت كل اسبوع العائد شهريا فى حدود 6 :7 %
فى شركتين منهم فى مصر واحده اعتقد انها بتصفى والتانيه شغاله

بص ياباشا مع احترامى كل ده نصب لو فيه حد يقدر يعمل مستوى العائد ده بشكل ثابت و مستمر صدقنى هياخد جايزة نوبل
عارف انت 5000 دولار بعائد 7% شهريا تعمل 290 الف دولار بعد 5 سنين تفتكر ده منطقى

[أبو_يوسف]

اسوء استثمار فى اى مكان هو البنك ، الظروف الاقتصادية فى مصر هى الى اجبرت الحكومة على رفع سعر الفائدة من فترة طويلة
طبعا التضخم هياكل الفلوس دى فى فترة من 3 الى 5 سنوات
البنك لمن ليس له بديل أخر فكر فى الفلوس دى كمقدم لعقار

يبقى البديل للبنك هو شراء جنيهات ذهب أو ذهب كسر بحيث ميبقاش فيه مبلغ كبير للمصنعية
ولا ايه رأيك؟

[Abo Yasso]

بص ياباشا مع احترامى كل ده نصب لو فيه حد يقدر يعمل مستوى العائد ده بشكل ثابت و مستمر صدقنى هياخد جايزة نوبل
عارف انت 5000 دولار بعائد 7% شهريا تعمل 290 الف دولار بعد 5 سنين تفتكر ده منطقى

شكرا لآهتمامك
بصراحه طبعا نصب مثال مقنع جدا
طب احسن استثمار ايه مبلغ 40000

[mfe]

ردا على كل التساؤلات المتعلقة بالاستثمار
نقسم حجم الاستثمار قسمين
الاستثمارات فوق 500 الف و تحت 500 الف
و نقسم طبيعة المستثمر قسمين قسم يحتاج دخل شهرى و قسم يحتاج عائد راسمالى طويل الأجل
و نقسم طبيعة عمل المستثمر قسمين قسم تمكنه الظروف من ادارة العمل بنفسه و قسم لا تمكنه الظروف من ادارة العمل بنفسه
و نقسم مدى تقبل المستثمر للمخاطر الى قسمين مستثمر متحفظ و مستثمر غير متحفظ ممكن يتقبل مخاطر
و نقسم المدى الزمنى للمستثمر يختلف فيه واحد ممكن يحتاجها بعد سنة و واحد مش محتاجها خالص وواحد محتاجها بعد خمس سنين

علشان اعرف اجاوب على اي سؤال لازم اى حد يحدد لى هو مين من التقسيمات الى فوق
يعنى مثلا لو مستثمر تحت 500 الف و معندوش القدرة يدير استثمار بنفسه او عنده وظيفة تشغله و يحتاج دخل شهرى و متحفظ مش عايز مخاطر يبقى حله الوحيد يحط فلوسه فى البنك
طب لو نفس المستثمر مش عايز عائد شهرى يبقى ممكن يجيب سبائك دهب او ودائع بالدولار مثلا
طب لو نفس المستثمر ممكن يتقبل المخاطر يبقى ممكن يحط جزء من الفلوس فى صندوق استثمار فى البورصة
يبقى علشان اعرف انصح اى حد لازم الأول يفكر هو مين من الى فوق دول

[mfe]

يبقى البديل للبنك هو شراء جنيهات ذهب أو ذهب كسر بحيث ميبقاش فيه مبلغ كبير للمصنعية
ولا ايه رأيك؟

لو مش عايز مخاطرة السبائك السوسرية افضل من الجنيهات الدهب و فيها احجام مختلفة

[mfe]

شكرا لآهتمامك
بصراحه طبعا نصب مثال مقنع جدا
طب احسن استثمار ايه مبلغ 40000

حضرتك شوف المشاركة السابقة و حدد لى اختياراتك علشان اجاوبك صح

[JapRuleZ]

اسوء استثمار فى اى مكان هو البنك ، الظروف الاقتصادية فى مصر هى الى اجبرت الحكومة على رفع سعر الفائدة من فترة طويلة
طبعا التضخم هياكل الفلوس دى فى فترة من 3 الى 5 سنوات
البنك لمن ليس له بديل أخر فكر فى الفلوس دى كمقدم لعقار

و كخيار اخر غير العقارات بس يكون دخل ثابت ؟ مشروعات صغيرة

[help4me]

طيب معلهش السبائك السويسرية دى تتجاب منين
من بائعى الذهب عادى و لا من البنك و هل فيه احتياطات لازم نتبعها
و جزاكم الله كل خير

[#MAAM#]

أول حاجة جزاكم الله خير يادكتور ....... أنا معايا في حدود 30 ألف كنت بفكر أفتح محل متخصص في الشيكولاتة بس في المنطقة اللي أنا ساكن فيها عندي محل في مكان كويس والحركة فيه كويسة ......... هل المشروع ده كويس ومحتاج فلوس أد اية يعني هل الفلوس ده هتكفي ؟؟؟ وكنت عاوز أخلي فيه كل الانواع والاسعار بحيث ان أي حد يخش يلاقي المناسب ليه وشكرا

[Ah.Farid]

لو مش عايز مخاطرة السبائك السوسرية افضل من الجنيهات الدهب و فيها احجام مختلفة

لو سمحت يا دكتور
معلومات اكتر عن السبائك السويسرية وما هى الافضلية عن سبائك الذهب
شكرا مقدما

[buisnessman]

دكتور محمد بعت لك ايميلي على الخاص ومستني البهاريز

[Ah.Farid]

فى انتظار مشاركتك يا دكتور

[Merooxx]

متابع

[dedi]

دكتور محمد
جزاك اللة خيرا
ماعلش سؤال عن الرخام الصناعى ممكن حضرتك لو سمحت تشرحة باستفاضة واهم حاجة كيفية تعلم اسرارة
وهل حضرتك تعنى الرخام الصناعى بالتكنولوجيا الروسية
شكرا