ما خاب من استشار تحت امركم فى اى استشارات مالية او عقارية

[M!SHO]

هي المنطقه اللي بعد صن سيتي على طريق النصر اسمها ايه

هي جنب b auto بتاع العربيات

والاسعار فيها عامله ايه ؟

ولو مش هتقل على حضرتك ممكن تكلمنا عن مشروع هليوبارك

توصل بالسلامه ان شاء الله

[minicooper20]

ماشاء الله البلد اغلبها بيشتكى من الفقر واحصائيات خط الفقر لمصر وصلت 58% وكل الكلام الى بنشوفه فى الاعلام والمجتمع
وتتفاجىء ان اى جهه حكوميه او استثماريه تطرح وحدات عقاريه بمختلف مستوياتها واسعارها مبتكملش اسبوع على بعضه والا تكون كلها محجوزه او مباعه وبمبالغ خياليه بتوصل ل10 مليون او اكتر بدون مبالغه

انا عارف ان ردى بعيد عن الموضوع شويه لكن شيىء ملحوظه فى البلد بما اننا بنتكلم عن العقارات كمان وسوق الاستثمار فى السوق المصرى ناهيك عن مستثمرين العقارات فى تركيا زى ما الدكتور قال فانا مش لاقى تفسير هو بلدنا فيها ايه وبيحصل فى سوقها ايه
انا بقول الكلام ده لان كل مافى عقارات تتطرح فى السوق الناس الى بتكلم عليهم دول سبب فى ارتفاع سوق العقارات وكل حاجه فى مصر وبيشتروا بطريقه رهيبه فعمر ما سعر العقار هينزل ابدا

هههههههههه
هل تعلم ان الحصه المخصصها مرسيدس لمصر اتباعت كلها و من كتر الجز بيبيعو فى موديلات ٢٠١٦
اقل عربيه ب ٤٠٠ الف جنيه
و من ده كتير
بلدك فيها سوء توزيع للثروات
اما بالنسبه لسوق العقار فا ملوش رابط
فى كل حته شان تاخد سكن مميز بتدفع كتير
اقل شاليه فى الساحل بمليون جنيه
السخنه مليون و نص
و المسكله مش فى الفلوس المشكله ان مفيش اصلن كولو خلصان
يا راجل ده ماونتن فيو خلصت فى اسبوع
شقق الرحاب المنزلها الوزاره خلصت فى يومين قيمت الشقق ١٠٠ مليون جنيه كاش
مصر فيها فلوس كتير بس فى سوء توزيع
تحياتى

[mfe]

ماشاء الله البلد اغلبها بيشتكى من الفقر واحصائيات خط الفقر لمصر وصلت 58% وكل الكلام الى بنشوفه فى الاعلام والمجتمع
وتتفاجىء ان اى جهه حكوميه او استثماريه تطرح وحدات عقاريه بمختلف مستوياتها واسعارها مبتكملش اسبوع على بعضه والا تكون كلها محجوزه او مباعه وبمبالغ خياليه بتوصل ل10 مليون او اكتر بدون مبالغه

انا عارف ان ردى بعيد عن الموضوع شويه لكن شيىء ملحوظه فى البلد بما اننا بنتكلم عن العقارات كمان وسوق الاستثمار فى السوق المصرى ناهيك عن مستثمرين العقارات فى تركيا زى ما الدكتور قال فانا مش لاقى تفسير هو بلدنا فيها ايه وبيحصل فى سوقها ايه
انا بقول الكلام ده لان كل مافى عقارات تتطرح فى السوق الناس الى بتكلم عليهم دول سبب فى ارتفاع سوق العقارات وكل حاجه فى مصر وبيشتروا بطريقه رهيبه فعمر ما سعر العقار هينزل ابدا

الحمد لله وصلت
بص ياباشا انا لفيت العالم كله تقريبا حال مصر زي بقية العالم تعرف ان الشقة ٦٠ متر في كومباوند علي اطراف موسكو ممكن توصل لنص مليون دولار و تبص علي المرتبات تلاقي احسن واحد بياخد ٥٠٠ دولار تعرف انا كنت في موسكو استشاري لشركة عالمية لمدة ٦ شهور قعدوني في شقة جنب الشغل كنت عادي بنزل اجيب الاكل و الفاكهة الاقي كل يوم حد بيخبط عليا من الجيران و يخشوا يسلموا علي كاني اعرفهم من سنين و طبعا اعزم عليهم بكل حاجة بحكي الكلام ده للمرافق بتاعي و بقوله الشعب الروسي بيرحب بالاجانب ضحك و قلي بيطلعوا علشان يكلوا و يشربوا ببلاش عندك نفس الكلام شفته في العديد من الدول فقر شديد و اسعار خيالية

[mfe]

هي المنطقه اللي بعد صن سيتي على طريق النصر اسمها ايه

هي جنب b auto بتاع العربيات

والاسعار فيها عامله ايه ؟

ولو مش هتقل على حضرتك ممكن تكلمنا عن مشروع هليوبارك

توصل بالسلامه ان شاء الله

جيت علي الوجع
بص ياباشا المنطقة دي ليها كذا اسم امتداد شيراتون او الملتقي العربي الي تحبه ليها قصة عجيبة شوية الشيخ صالح كامل خد المنطقةً العالية علي اليمين و سماها حي الملتقي العربي و الشمال كان جبل و انت داخل من مدينة نصر رايح الشيراتون و قسمها فيلات و سابها علي كده ١٥ سنة و كانت الارض ببلاش و انا كنت رايح جي عليها قبل ما اسافر فجاة من كام سنة الشيخ صالح باع الارض في عدة مزادات المتر وصل ١٠ الاف جنيه و الدولة قررت تعمل طريق جديد للمطار الناحية الشمال الي هي الجبل و قسموا الارض علي الحبايب المنر هناك دلوقتي ب ١١ الف شقق جوه كومباوند و مصر الجديدة ليها مشروع ورا صن سيتي مول باعوا فيه من كام شهر ب ٨ الاف جنيه

[mohamed_hamdi]

ممكن حضرتك تبعت لي اسماء مشاريع كمباوندز في مناطق واعدة في اسطنبول و اسعار الشقق لو متاحة على الخاص

[svneleven]

ما شاء الله. الخبرة واضحة في كلامك. أنا كان عند شوية أسئلة كده:
ايجار المحل بيبقي نسبته كام من تمنه؟ و يا تري من تمنه بالتوضيب و الا من غير؟ و النسبة ديه بتتطبق في كل مكان في مصر و الا أماكن أماكن؟
لو واحد هيشتري عقار و يأجره. الأحسن يشتري محل و الا شقة و الا شالية؟
لو عندي شقة و عاوز أبيعها. الأحسن أوضبها و الا اسيبها نص تشطيب؟
ايه رأيك في مشروع محطة البنزين و هل فيه حاجة مكسبها مقارب ليه؟
أنا أسف علي الأسألة الكتير لكن ما صدقت لقيت حد فاهم.

معلش أنا عارف أن في سيل من الأسألة لكن يا ريت حضرتك تجاوب علي اسالتلي اللي فوق في الاقتباس. مشكور مقدما و جزاك الله خير.

[mfe]

بالنسبة للتجارى فى مصر
ده قصة لوحده ممكن يكسب جامد و ممكن يخسر جامد او الاختيار صعب مش سهل
عائد التجارى بالنسبة للى عايز يستثمر يشترى و يأجر اقل بنسبة 1% من السكنى بشكل عام يعنى يتراو ح بين 3-5% طب ليه لان التجارى اسعاره فى مصر مبالغ فيها و فيه مشكلتين
الأولى : ان الى بيشغل المحل دايما لو ربنا فتح عليه بيبقى عايز يشتريه او بيدور على مكان تانى بيشتريه علشان سمعة الاسم التجارى الى هو عمله
التانى ان لو هو فشل بيمشى و يستعوض ربنا فى الخسارة و صاحب المحل يبتدى يدور على حد جديد
فى مصر المحلات نوعين
المناطق السكنية القديمة و دى بدات تروح عليها و ايجارتها بدأت تقل لان الناس بدأت تفضل المولات المتكاملة و بالتالى سعر بيعها بدأ يقل و العائد اعلى ممكن يوصل الى 5% الا فى المناطق المتميزة جدا زى الكوربة و عباس العقاد و جامعة الدول
المولات و دى عائد الاستثمار فيها عالى جدا لو خدت المحل اثناء فترة الانشاء بس لازم يكون مول متكامل و ده طبعا عايز استثمار كبير
عائد الاستثمار هنا هيبقى ايجار + ارتفاع فى السعر

معلش أنا عارف أن في سيل من الأسألة لكن يا ريت حضرتك تجاوب علي اسالتلي اللي فوق في الاقتباس. مشكور مقدما و جزاك الله خير.

ياباشا انت تؤمر صليت الفجر و هرد قبل النوم و الله مرضيت استنى للصبح
اول سؤال رده فى المشاركة دى
احسن حاجة فى الايجار الشقق عائدها اعلى و لو فى مناطق معينة زى مصر الجديدة و المهندسين و الرحاب و المعادى ممكن تؤجر باليوم بالفرش بس تشرف عليها بنفسك للضوابط الاخلاقية و الشرعية. ايجار اليوم من ٣٠٠ الى ٧٠٠ جنيه حسب المساحة و الموقع و الفرش و على فكرة معظم العائلات و الاجانب بيحبوا كده خاصة فى القاهرة و الغردقة يعنى مش سمعة المفروش بتاعة الافلام العربى و ان كان برضه فيه تجاوز بس ده فى ايد صاحب الشقة يوقفه
عمر الشقة ما بتجيب فى تمنها سعر التشطيب لو عايز تبيعها الا لو تشطيب تجارى رخيص و ده هيوقف بيع الشقة لو فى منطقة راقية بس الشقة دى لو فى منطقة سياحية خارج القاهرة زى شارم او الغردقة و الساحل مثلا يبقى يفضل تشطيبها لان معظم الى بيشتروا هناك بيكونوا من خارج هذه المدن او اجانب

[mfe]

مشروع محطة البنزين كويس بس استثماراته ضخمة و مشاكله كتير و عايز رقابة و اهم حاجة مكان المحطة فين
بص فى مجال المشاريع لازم اعرف تخصص سيادتك ايه الاول علشان انصحك بمشروع فيه مشاريع كتير عائدها هايل بس محتاجة تفرغ و قدرات انا مجالى الاساسى هو المشاريع الصناعية ذات العائد المرتفع و اشتغلت استشارى فى اكتر من ١٠٠ مشروع بس معظم اسباب الفشل هو ضعف الادارة و عدم الاهتمام بالمعرفة الفنية
يبقى قبل اي حد يسالنى عن مشروع لازم اعرف خبراته ايه و ميزانيته كام حتى فى رسالة خاصة و انا هدله بمنتهى الامانة يعمل ايه و هساعده كمان بخبرتى لو اقدر دون اى مقابل
انا شفت فى احد الدول الاوروبية ورشة يدوية بتصنع اجزاء الكاربون فيبر بجد مش استيكر صينى لمصانع عربيات عالمية القطعة الواحدة تتكلف حوالى ٧٠ دولار و بتتباع ب ٥٠٠ دولار للمصنع بس محتاجة مهارة يدوية فائقة و الورشة كلها بالادوات الى فيها متتكلفش اكتر من ٥٠ الف دولار و بتحقق اكثر من ٣ مليون دولار عائد سنوى
ده بس مثال و فيه الاف الامثلة زى دى محتاجة تدريب و توجيه و تحقق عائد جبار زى الحجر الصناعى بانواعه و البلاستيك و.الاسمنت المطبوع

[mfe]

ممكن حضرتك تبعت لي اسماء مشاريع كمباوندز في مناطق واعدة في اسطنبول و اسعار الشقق لو متاحة على الخاص

ياباشا اسطنبول قد القاهرة حوالى ٤٠ مرة فى المساحة المسافة بين الشرق و الغرب تصل الى ٢٥٠ كيلو متر فيها اكتر من كل المستويات و الاسعار حددلى الغرض و الميزانية و انا هنصحك هقولك تدور فين و ازاى
لو انت جديد على اسنطبول ممكن تشوف مكانين زى بعض بالضبط فى المستوى و النضافة واحد الشقة فيه ١٠٠ متر بحوالى ٥٠ مليون جنيه دون مبالغة و التانى الشقة فيه ب ٦٠٠ الف جنيه حاجة تانية الاتراك مبيحبوش الاجانب رغم ان اسطنبول فيه حوالى ٦ مليون اجنبى من الدول العربية و شرق و غرب اوروبا عايشين هناك هما معندهمش مشكلة قوى مع المصريين بس عامة احياء الاتراك نادرا اما تلاقى فيها اجنبى و احياء الاجانب نادرا اما تلاقى فيها اتراك
الروس مالكين احياء بالكامل هناك و ساكنين فيها تحس انك فى موسكو و العرب بيفضلوا اماكن تانية للاقامة
فالقصة معقدة يعنى لو عايز تشترى للاستثمار يبقى يفضل تدور على المناطق الى الايجار فيها عالى الى هى مناطق الاجانب و ووسط البلد لو للسكن او الاقامة يبقى بعيد عن وسط البلد و لو هتفتح محل يبقى القصة مختلفة
و على فكرة ايجار المحلات هناك مش عالى قوى و عائدها هايل لو هتشغله بنفسك

[Eslam.Elrefaey]

انت راجل فعلا ماشاء الله برنس والله انا كل ما بقرأ كلامك بحس كده بفرحة وبحس قد ايه ان مصر بيطلع منها ناس دماغها حلوة زى دماغ حضرتك والله بدون مبالغة

[svneleven]

ياباشا انت تؤمر صليت الفجر و هرد قبل النوم و الله مرضيت استنى للصبح
اول سؤال رده فى المشاركة دى
احسن حاجة فى الايجار الشقق عائدها اعلى و لو فى مناطق معينة زى مصر الجديدة و المهندسين و الرحاب و المعادى ممكن تؤجر باليوم بالفرش بس تشرف عليها بنفسك للضوابط الاخلاقية و الشرعية. ايجار اليوم من ٣٠٠ الى ٧٠٠ جنيه حسب المساحة و الموقع و الفرش و على فكرة معظم العائلات و الاجانب بيحبوا كده خاصة فى القاهرة و الغردقة يعنى مش سمعة المفروش بتاعة الافلام العربى و ان كان برضه فيه تجاوز بس ده فى ايد صاحب الشقة يوقفه
عمر الشقة ما بتجيب فى تمنها سعر التشطيب لو عايز تبيعها الا لو تشطيب تجارى رخيص و ده هيوقف بيع الشقة لو فى منطقة راقية بس الشقة دى لو فى منطقة سياحية خارج القاهرة زى شارم او الغردقة و الساحل مثلا يبقى يفضل تشطيبها لان معظم الى بيشتروا هناك بيكونوا من خارج هذه المدن او اجانب

مشروع محطة البنزين كويس بس استثماراته ضخمة و مشاكله كتير و عايز رقابة و اهم حاجة مكان المحطة فين
بص فى مجال المشاريع لازم اعرف تخصص سيادتك ايه الاول علشان انصحك بمشروع فيه مشاريع كتير عائدها هايل بس محتاجة تفرغ و قدرات انا مجالى الاساسى هو المشاريع الصناعية ذات العائد المرتفع و اشتغلت استشارى فى اكتر من ١٠٠ مشروع بس معظم اسباب الفشل هو ضعف الادارة و عدم الاهتمام بالمعرفة الفنية
يبقى قبل اي حد يسالنى عن مشروع لازم اعرف خبراته ايه و ميزانيته كام حتى فى رسالة خاصة و انا هدله بمنتهى الامانة يعمل ايه و هساعده كمان بخبرتى لو اقدر دون اى مقابل
انا شفت فى احد الدول الاوروبية ورشة يدوية بتصنع اجزاء الكاربون فيبر بجد مش استيكر صينى لمصانع عربيات عالمية القطعة الواحدة تتكلف حوالى ٧٠ دولار و بتتباع ب ٥٠٠ دولار للمصنع بس محتاجة مهارة يدوية فائقة و الورشة كلها بالادوات الى فيها متتكلفش اكتر من ٥٠ الف دولار و بتحقق اكثر من ٣ مليون دولار عائد سنوى
ده بس مثال و فيه الاف الامثلة زى دى محتاجة تدريب و توجيه و تحقق عائد جبار زى الحجر الصناعى بانواعه و البلاستيك و.الاسمنت المطبوع

جزاك الله كل خير. أنا مهندس كهربا شغال في الصيانة و أفهم في كاوتش السيارات جدا و ليه أخويا ليه في المقاولات. رأيك أنهي مشروع يكون أحسن و الماديات حوالي نص مليون و ممكن نشوف شريك يبقي معانا مليون.

[hhhhhm]

موضوع مميز ومجهود مشكور من الأستاذ محمد
ربنا يجعله فى ميزان حسناتك

[MuhamedNabil]

موضوع رائع شكرا أ.محمد على مجهودك و مشركتك لخبرتك

و كنت عايز اسأل حضرتك عن مدينتى, الوضع فيها ايه حاليا لو عايز اسكن هناك علما ان الشقة 175 دخلة فى مليون
يترى بعد كام سنة لو حبين انتقل لحاجة تانية حلاقى الفلوس دى تانى ؟
و ايه افضل مكان ممكن الواحد يلاقى في بيت صغير بجنينة فى نفس المتوسط ده.
لانى حاليا ساكن فى الرحاب بس بفكر جديا انى اسيبها لانها فقدت الميزة فى الهدوء و الزحمة و الموضوع وسع منهم شوية.
و بما اننا جران يبقى نروح كلنا ناكل كنافة مع بعض.

[عبدالحكيم]

ياريت يا شباب تقييم الموضوع، ونتمنى من المشرف الكريم تثبيته لأنه مهم للغاية وفرصة كبيرة لا تتوفر بسهولة أن يكون معنا شخص في خبرة وطيبة قلب الدكتور محمد جزاه الله عنا خيرا

[Secret-Man]

هههههههههه
هل تعلم ان الحصه المخصصها مرسيدس لمصر اتباعت كلها و من كتر الجز بيبيعو فى موديلات ٢٠١٦
اقل عربيه ب ٤٠٠ الف جنيه
و من ده كتير
بلدك فيها سوء توزيع للثروات
اما بالنسبه لسوق العقار فا ملوش رابط
فى كل حته شان تاخد سكن مميز بتدفع كتير
اقل شاليه فى الساحل بمليون جنيه
السخنه مليون و نص
و المسكله مش فى الفلوس المشكله ان مفيش اصلن كولو خلصان
يا راجل ده ماونتن فيو خلصت فى اسبوع
شقق الرحاب المنزلها الوزاره خلصت فى يومين قيمت الشقق ١٠٠ مليون جنيه كاش
مصر فيها فلوس كتير بس فى سوء توزيع
تحياتى

ياعم ديه بلد مضروبه فى دماغها وملهاش اى قواعد ولا قوانين بجد الواحد قرف من البلد ديه ومش عارف يقيمها ازى هى فقيره ولا غنيه ولا مجتمع راس مالى ولا اشتراكى الدنيا متلغبطه وكل واحد فى موال وناس فوق اوى وناس مش لاقيه تاكل والى يغيظك كميه الشحاته الاعلاميه فى كل شيىء تقول احنا شعب فعلا غلابه ياعينى على الاخر حاجه تحرق الدم

الحمد لله وصلت
بص ياباشا انا لفيت العالم كله تقريبا حال مصر زي بقية العالم تعرف ان الشقة ٦٠ متر في كومباوند علي اطراف موسكو ممكن توصل لنص مليون دولار و تبص علي المرتبات تلاقي احسن واحد بياخد ٥٠٠ دولار تعرف انا كنت في موسكو استشاري لشركة عالمية لمدة ٦ شهور قعدوني في شقة جنب الشغل كنت عادي بنزل اجيب الاكل و الفاكهة الاقي كل يوم حد بيخبط عليا من الجيران و يخشوا يسلموا علي كاني اعرفهم من سنين و طبعا اعزم عليهم بكل حاجة بحكي الكلام ده للمرافق بتاعي و بقوله الشعب الروسي بيرحب بالاجانب ضحك و قلي بيطلعوا علشان يكلوا و يشربوا ببلاش عندك نفس الكلام شفته في العديد من الدول فقر شديد و اسعار خيالية

انا روحت اكتر من بلد وفعلا لقيت نفس الكلام ده زى مصر بس قولت يمكن هما عندهم خلل فى المجتمع من ناحيه الاستثمار والادخار وسوق توزيع للاموال ولكن اكتشفت فعلا انه خلل بمعنى الكلمه زى عندنا
ناس فوق اوى ولا شايفه الى تحت وناس تحت اوى ومتدمره نفسيا ومش عارفه تعيش
موقف موسكو ده موقف كوميدى هههههه حتى فى موسكو بيحبو السنتحه زى عندنا واضح انه مرض وتفشى فى العالم ههههه
شكرا ليك يادكتور