ما خاب من استشار تحت امركم فى اى استشارات مالية او عقارية

[عبدالحكيم]

شكراً جزيلاً يا دكتور محمد.. ربنا يجعل كل حرف تكتبه من نصيحة مخلصة في ميزان حسناتك


كفيت ووفيت.. وأنا متابع ردودك على الإخوة الأعضاء اللي أكيد هتفيد آلاف غيرهم من زوار المنتدى.. موضوع شراء العقارات يهم كل مصري ومصرية، وهو الهدف الأول لمعظم أبناء الشعب..


مش هنتقل عليك في وقت الشغل، خد راحتك في شغلك وممكن ترد على استفساراتنا بالليل أو في وقت فراغك


بارك الله فيك

[tkamal]

أكد المهندس مجدى فرحات نائب رئيس هيئة المجتمعات العمرانية الجديدة التابعة لوزارة الإسكان، أنه تم بيع 150 وحدة سكنية بمدينة الرحاب من الوحدات التى أعلنت عنها الوزارة، فى ثانى أيام فتح الباب أمام المواطنين للتقديم.

وأضاف "فرحات" فى تصريحاتٍ لـ"اليوم السابع" أن حصيلة بيع هذه الوحدات نحو 67.5 مليون جنيه بمتوسط 450 ألف جنيه للوحدة، مشيراً إلى أنه من المتوقع أن يتم بيع كل الوحدات التى تم طرحها فى أقل من أسبوع، نظرًا للإقبال الكبير على شراء الوحدات.

وكان نائب رئيس هيئة المجتمعات العمرانية بوزارة الإسكان قد أكد أنه تم بيع 100 وحدة سكنية بمبلغ 45 مليون جنيه فى اليوم الأول من طرح هذه الوحدات.

[minicooper20]

مجهود تشكر عليه,
معايا 2 مليون و 800 الف وعايز أشتري شقة في حتة كويّسة تنفع كاستثمار مع مرور الزمن, هل من الافضل آخد في الزمالك مثلاً أو في المُربّعات الراقية في العجوزة أو المهندسين أو الدقي ولا ادوّر في كومباوند؟

انا حاسس ان الكومباوندز ما هي الّا bubble ومع مرور الوقت قيمتها هتقل. ايه رأيك؟

اعمار ميفيدا هات تاون هاوس او توين مش هتندم انا نفس حالتك

[mustafavet]

السلام عليكم
موضوعك شيق وممتع\
سؤالي عن الشراء في تركيا
ازاي اشتري وحده سكنيه هناك وهل لازم اسافرلها او ف مكاتب او عن طريق النت
وياتري هل ف حاجة ف حدود 300 الف؟
شكرا

[mfe]

مجهود تشكر عليه,
معايا 2 مليون و 800 الف وعايز أشتري شقة في حتة كويّسة تنفع كاستثمار مع مرور الزمن, هل من الافضل آخد في الزمالك مثلاً أو في المُربّعات الراقية في العجوزة أو المهندسين أو الدقي ولا ادوّر في كومباوند؟

انا حاسس ان الكومباوندز ما هي الّا bubble ومع مرور الوقت قيمتها هتقل. ايه رأيك؟

سريعا كده الكومباوند بقه ظاهرة عالمية يعنى هتلاقيه فى معظم دول العالم موضة عقارية العملية مش خاصة بمصر بس
مثلا فى موسكو بقت دلوقت الموضة هية الكومباوند و باسعار فلكية
فى اسطنبول نفس الوضع تخيل فى كومباوند اسمه مكة فى منطقة اسمها مسلك تخيل الشقة هناك ب 6 مليون دولار و كلها اتباعت
طب ايه السبب فى الظاهرة دى
السبب ان بعض ناس بقت تفضل تتمتع بجودة السكن و الخدمات و الرفاهية بعيد عن اعين الناس سواء الزائر او الى معدى الشارع بعربيته و الظاهرة دى هتفضل مش هتنتهى و هتزيد لانها غريزية فى طبع النفس البشرية زمان مثلا فى العصور الوسطى كان كل مجموعة تعزل نفسها و تبنى سور باسوار عالية جدا فى قلاع او قصور او حصون
ده رجع تانى فى شكل كومباوند و امن و بودى جاردز
نصيحتى متخدش فى اى منطقة قديمة لان العائد منها مش هيرضيك خد فى منطقة جديدة و تمج السكن مع الاستثمار لو مستعجل على السكن يبقى نصيحة الأخ مينى كوبر هايلة لو مش مستعجل استنى مشروع هيليوبارك فى التجمع و ده تبع شركة مصر الجديدة او خدلك حتة ارض فى التمر حنة و بيع شقتين ثلاثة ابنى بتمنهم و خلى الدور الأرض و البدروم و الأول تربليكس يك هتبقى هايلة يبقى استثمرت و سكنت فى نفس الوقت و العائد هايل
يعنى لو خدت الأرض و دفعت فيها حوالى 2.8 مليون هتطلع حوالى بدروم و ارض و أول و تانى و روف
متر الشقق هناك دلوقتى بحوالى 4000 جنيه هتبيع شقتين فى الأول و شقة فى التانى بمقدم 40% الشقة هتقف بحوالى 900 الف يعنى 2.7 مليون يعنى 40% مليون و 80 الف دول تبنى بيهم الفيلا كلها و تشطب من الأقساط الى هتجيلك المبنى كله هيكلف حوالى 1.6 مليون يعنى بعد 4 سنين هيبقى الوضع كما يلى
معاط كاش 1.1 مليون صافى من بيع الشقق و معاك الأرض و البدروم بالكامل و شقة فى التانى و روف بالكامل دول تمنهم هيعدى 4 مليون على اقل تقدير
يبقى الأجمالى 5 مليون باستثمار 2.8 مليون

[mfe]

السلام عليكم
موضوعك شيق وممتع\
سؤالي عن الشراء في تركيا
ازاي اشتري وحده سكنيه هناك وهل لازم اسافرلها او ف مكاتب او عن طريق النت
وياتري هل ف حاجة ف حدود 300 الف؟
شكرا

اسطنبول فيها كل الأسعار نصيحة اشترى من المالك مباشرة مش وسطاء لان العمولة هناك عالية
فيه مشروعات جديدة بالتقسيط هناك فى اماكن واعدة جدا و المبلغ ده ممكن يجبلك استوديو 50 او 60 متر فى اسكان فندقى او شقة 100 متر فى بعض مناطق اسطنبول الجديدة الى ليها مستقبل
اعتقد برضه ان الذهاب ضرورى علشانتتفرج و تمضى العقود و تقدم على اقامة بالشقة الى هتخدها
فيه مشروعات بالتقسيط هايلة هناك و الكومباوندز هناك مختلفة عن مصر شوية لانها بتبقى ابراج 30 دور وسطها حمامات سباحة و بحيرات و خارجها مول تجارى
لو عايز اسامى مناطق او كومباوندات لبعتلى على الخاص

[tkamal]

علن المهندس مجدى فرحات، نائب رئيس هيئة المجتمعات العمرانية، عن طرح 4500 قطعة أرض متميزة بمساحات تتراوح ما بين 500 متر إلى 1000 متر، وذلك لاستخدامها كفيلات وعمارات كبرى فى نحو 6 مدن جديدة، وذلك خلال أسبوعين.

وأضاف فرحات فى تصريح لـ"اليوم السابع" أن المدن التى سيتم طرحها هذه القطع فيها هى "6 أكتوبر والقاهرة الجديدة ودمياط الجديدة والعبور والشروق"، لافتا إلى أن هذه القطع ستكون غير مدعمة، ويتم طرحها للفئات العليا فى المجتمع.

وأشار إلى أن الهدف من طرح هذه القطع بأسعارها الحقيقية هو القضاء على المتاجرة بهذه الأراضى وتسقيعها والسمسرة وتنشيط السوق العقارى المصرى

[Eslam.Elrefaey]

اولا شكرا طبعا لحضرتك على الموضوع الى انا استفدت منه جدا
حلو اوى حوار اسطنبول ده بس هيا مش تركيا بقت بتأشيره دلوقتى وبقا فيه رخامه هل موضوع شراء شقه هناك سهل ولا فيه رخامة بس هى فكره حلوة الصراحة وحضرتك بتقول ان هناك حلو علشان عائد الايجار بس مين الى هيتابع اجراءات الايجار دى وانت فى مصر فاهمنى

[ramymechanics]

سؤال و أرجو الرد ضرورى لأن قدامى حاجة من فضلك

انا ساكن فى الرحاب حاليا ومعايا مبلغ مش كبير فى حدود 400 الف

قدامى شقة 120 متر فى المرحلة السابعة آخر مراحل العمارات فى الرحاب المتر يقف بحوالى 7700 قسط على 6 سنين عاوز اجيبها كاستثمار هل فى رأيك الموضوع يستاهل ولا لأ خصوصا مع الارتفاع الجنونى فى اسعار التجمع ؟؟ لو عندك استفسار بخصوص الموضوع دة حتى تكتمل الصورة انا تحت امرك

و شكرا مقدما على الرد

[mfe]

سؤال و أرجو الرد ضرورى لأن قدامى حاجة من فضلك

انا ساكن فى الرحاب حاليا ومعايا مبلغ مش كبير فى حدود 400 الف

قدامى شقة 120 متر فى المرحلة السابعة آخر مراحل العمارات فى الرحاب المتر يقف بحوالى 7700 قسط على 6 سنين عاوز اجيبها كاستثمار هل فى رأيك الموضوع يستاهل ولا لأ خصوصا مع الارتفاع الجنونى فى اسعار التجمع ؟؟ لو عندك استفسار بخصوص الموضوع دة حتى تكتمل الصورة انا تحت امرك

و شكرا مقدما على الرد

انا مسافر الساحل دلوقتى بس هجاوبك سريعا باعتبار اننا جيران فى الرحاب و الله بكلمك بامانة متشتريش فى الرحاب روح ماونتن فيو او استنى هليوبارك مصر الجديدة الرحاب جابت اخرها خلاص و اقسملك انا لولا ان محتاج شقتى دلوقتى هناك كنت بعتها من زمان

[mfe]

اولا شكرا طبعا لحضرتك على الموضوع الى انا استفدت منه جدا
حلو اوى حوار اسطنبول ده بس هيا مش تركيا بقت بتأشيره دلوقتى وبقا فيه رخامه هل موضوع شراء شقه هناك سهل ولا فيه رخامة بس هى فكره حلوة الصراحة وحضرتك بتقول ان هناك حلو علشان عائد الايجار بس مين الى هيتابع اجراءات الايجار دى وانت فى مصر فاهمنى

تركيا طول عمرها بتاشيرة
مفيش اى قيود على السفر هناك
الايجار بتتولاه الشركة المطورة زى عامر جروب ما بتعمل فى مشروعاتها و بتاخد نسبة فانا بتكلم على الصافى الى انت بتاخده بعد نسبة الشركة لان اصلا مفيش شقة فى اسطنبول باقل من ١٠٠ يورو فى اليوم
انا كلامى كان للمقيمين فى الخارج علشان يحققوا عائد اعلى دورى للى يحب بس االى عايز يستثمر علشان ارتفاع فى السعر طبعا يجيب فى مصر بالاضافة الى ان فيه قيود على تحويل العملة الاجنبية من مصر و مش من مصلحة البلد ان نسيب بلدنا و نحول فلوسنا و نشترى بره الا لو هنروح نعيش هناك

[ramymechanics]

انا مسافر الساحل دلوقتى بس هجاوبك سريعا باعتبار اننا جيران فى الرحاب و الله بكلمك بامانة متشتريش فى الرحاب روح ماونتن فيو او استنى هليوبارك مصر الجديدة الرحاب جابت اخرها خلاص و اقسملك انا لولا ان محتاج شقتى دلوقتى هناك كنت بعتها من زمان

ماهو ماونتن فيو اسعارها غالية دلوقتى بردو والمساحات معظمها كبيرة الإجمالى عالى اوى ... لو عندك فكرة مختصرة عن الأسعار والمساحات هناك يبقى كتر خيرك مش عاوز اضايقك فالساحل ويشرفنى اشوفك فالرحاب و أعزمك على كنافة عالفحم

[mfe]

ماهو ماونتن فيو اسعارها غالية دلوقتى بردو والمساحات معظمها كبيرة الإجمالى عالى اوى ... لو عندك فكرة مختصرة عن الأسعار والمساحات هناك يبقى كتر خيرك مش عاوز اضايقك فالساحل ويشرفنى اشوفك فالرحاب و أعزمك على كنافة عالفحم

ياباشا عمرك مهضايق من اخواتي هنا فما بالك و احنا جيران ماونتن فيو ارخص من الرحاب و نفس مدة التقسيط و فيها مسااحات من ١١٥ متر المشكلة انها خلصت بس روح كدة و جرب مش هتخسر حاجة
اقولك حاجة و انت واقف كده في الرحاب ٢ هنلاقي مبني كده شكله جامد برهً الرحاب علي طول دي القرنفل فيلات روح خد شقةًهناك تقسيط ب ٤٠٠٠ جنيه المتر علي اربع سنوات و ابقي اتمش لغاية الرحاب هناخد شقة ٢٠٠ متر

[zorg]

والله انتا راجل محترم ومتشكر جدا على النصائح
انا فكرة مدينة بدر دى بدئت تلعب فى دماغى
بس عاوزك تقولى ايه الحتت اللى فى شماليات اكتوبر اللى برضه ااقدر انزل الف فيها
عشان شكلى كده هنزل كمان اسبوع او اسبوعين الف كده واتفرج
وكام سؤال كده بخصوص بدر
هل لو هبنى لازم ابنى فيلا ولا ممكن بيت
ومسموحلى ابنى كام دور
يعنى ايه شروطها البنائية
وشكرا جدا

[Secret-Man]

ماشاء الله البلد اغلبها بيشتكى من الفقر واحصائيات خط الفقر لمصر وصلت 58% وكل الكلام الى بنشوفه فى الاعلام والمجتمع
وتتفاجىء ان اى جهه حكوميه او استثماريه تطرح وحدات عقاريه بمختلف مستوياتها واسعارها مبتكملش اسبوع على بعضه والا تكون كلها محجوزه او مباعه وبمبالغ خياليه بتوصل ل10 مليون او اكتر بدون مبالغه

انا عارف ان ردى بعيد عن الموضوع شويه لكن شيىء ملحوظه فى البلد بما اننا بنتكلم عن العقارات كمان وسوق الاستثمار فى السوق المصرى ناهيك عن مستثمرين العقارات فى تركيا زى ما الدكتور قال فانا مش لاقى تفسير هو بلدنا فيها ايه وبيحصل فى سوقها ايه
انا بقول الكلام ده لان كل مافى عقارات تتطرح فى السوق الناس الى بتكلم عليهم دول سبب فى ارتفاع سوق العقارات وكل حاجه فى مصر وبيشتروا بطريقه رهيبه فعمر ما سعر العقار هينزل ابدا