ما خاب من استشار تحت امركم فى اى استشارات مالية او عقارية

[help4me]

هحاول اسال لحضرتك و بالنسبة لافكار الىستثمار سوف يكون هناكحديث مطول ان شاء الله

جزاكم الله كل خير

[wael]

بص ياباشا الاستثمار العقارى بطبعه استثمار طويل الاجل مكسبه ممتاز بس عيوبه هى
مكسبه على المدى الطويل من ارتفاع سعر العقار
العائد الدورى ليه منخفض يعتبر من اقل العوائد فى الاستثمار عامة لا يتعدى ٦٪ فى افضل الاحوال
صعوبة تسييله بسرعة يعنى متقدرش تبيعه بشكل سريع الا لما تبيعه باقل من قيمته السوقية
مزاياه
نسبة المخاطره فيه منخفضة يعنى مينفعش تشترى عقار و تلاقى نفسك خسرت نصف تمنه مثلا
عائده على المدى الطويل مرتفع جدا اعلى من كل الاستثمارات التانية قد يتعدى ١٠٠٠٪ فى عشر سنوات لاراضى المناطق الجديدةمثلا
يبقى الى هيحتاج الفلوس او عائدها الدورى ما يشتريش بيها عقار
الى عنده فائض مدخر مش هيحتاجه او هيحتاج عوائده يبقى الاستثمار العقارى جيد له

شكرا يا باشا على التوضيح السهل و اعتقد ان حضرتك فى رد من ردودك ذكرت البورصة و الدراسة قبل البداء فيها........بس انا كان لي تعليق لو تسمحلى, ان فهمى البسيط للبورصة بعد قراءة و متابعة لفترة انها زى تربيزة القمار لازم حد يخسر علشان تكسب و طبعا الى بيخسر بيكون العضو الجديد الى داخل جديد بدون دراسة او خبرة و يمكن اكون مخطئ فى وجهة نظرى دى و حضرتك تصححلى.....طيب الدراسة من اية و فى اية و هل هى مجرد risk ولا فيها calculated risk ....و شئ اخر انت اوردت سيرة مصنع الحجر الصناعى و عوائد الاستثمار فية فمكن بعد اذنك شرح اطول بس..... و شكرا على ذوقك.

[mfe]

معلهش ياجماعة لسة واصل من الساحل ان شاء الله غدا صباحا سوف ارد علي كل الاستفسارات

[help4me]

متابعة

[mfe]

عندي عقار عبارة عن عمارة 3 ادوار في برج العرب- اسكندرية, على الطوب الأحمر. سعر السوق حالياً مليون جنيه, هل تنصحني ابيعها؟ لإنّي خايف من الندم بعدين.
مشكلة برج العرب انها بعد الثورة حالها اصبح سئ مع الأسف وبقى فيها تكاتك واهمال في النظافة, والأمرّ من كده ان مسكو المكان بلطجية عرب بياخدوا إتاوة كل شهر مقابل انه يحرسلك المكان.
ما رأيكم؟

لو مدينة برج العرب الجديدة يبقى خليها شوية المنطقة فى تزايد مستمر و المليون جنيه اقل من قيمتها دلوقتى

[mfe]

يا سلام على الجمال
اديني بس طرف الخيط وقوللي أبدأ أقرا منين ، المصادر يعني اللي تثق فيها وأنا هدرس ولو لسنوات
بس بالنسبة للبورصة المصرية ممكن أبدأ فيها على خفيف طبقا لكلام حضرتك
ومستني المثال العملي وكلي آذان صاغية

ابعتلى ايميلك فى رسالة خاصة و انا ابعتلك شوية حاجات هتفيدك جدا بس هتكون بالانجليزى و انا تحت امرك و قريب هبتدى اشرح وسائل أمنة للاستثمار فى البورصة المصرية

[mfe]

انا زيك بالضبط ساكن فى الرحاب من 2006 و دلوقتى مش طايقها بسبب الزحمة و المياة و المستأجرين السلوكهم مش تمام.
عايز اروح حتة هادية و نفسى فى منزل خاص بس للاسف امكنياتى اخرها 150 كاش + سعر الشقة الانا قاعد فيها الممكن تكون فى حدود 700-730
شغلى فى مدينة نصر و بحاول انقله فى التجمع

انا روحت اتفرجت على السليمانية لانها الحاجة الوحيده اللقيت فيها حاجة فيها خصوصية و هدوء و سعرها حنيين و الجو العام هماك جميل بس الشغل بتاعى هو العقبة , ايه رأيك فيها
و ترشحلى ايه فى الميزانية بتعتى للسكن الشخصى و فى نفس الوقت تحتفظ بقيمتها وسط الحجات الحوليها. هل القاهرة الجديد ممكن الاقى ح
لان والدى رحمه الله كان بنا فيلا فى كيلو 23 السحل الشمالى (ابوتلات) و للاسف عايز ابيعها مش بتجيب سعر كويس و سوقها تقيل و بصراحة مش عايز اكرر الغلطة دى تانى .

تحياتى

بلاش السليمانية مشاكلها القانونية مع الدولة كتير
طبعا القاهرة الجديدة هتلاقى شقة بالسعر ده و هتحتفظ بقيمتها المهم تختار المكان المناسب
ابو تلات زيها زى شاطئ النخيل قل مستواها و انخفض سعرها انا والدى كان ليه فيلا فى شاطئ النخيل برده و اصريت انه يبعها من 10 سنين و الحمد لله سمع كلامى لان المستوى تدهور جدا و اتهدت و اتبنت يمكن تلات مرات لغاية دلوقتى
انما التجمع حاجة تانية محافظ على مستواه متخفش

[أبو_يوسف]

إيه رأيك في هليوبوليس الجديدة؟ أنا عارف ان قدامها شوية بس حاليا الشراء فيها سهل وبالتقسيط على فترات طويلة..

[mfe]

طيب لو سمحت يا دكتور قولنا علي كام سهم كدة مضمونين نلعب عليهم في البورصة يمكن ربنا يفتحها علينا

وايه موضوع الاوبشنز؟؟؟؟مش فاهم ده عبارة عن ايه ؟؟؟؟؟ياريت تشرحهولنا بتبسيط

وجزاك الله خيراً علي مجهودك الجميل

بص ياباشا توصيات مباشرة انا مقدرش اتحمل مسئوليتها امام نفسى و أمام الله سبحانه و تعالى بص انا فى جهات بتقيم ادائى و بتحاسبنى على الأداء سواء سلبا او ايجابا و علشان كده بحسب كل خطوة فى الشراء و البيع انما اما أقول توصية مباشرة لسهم معين مين هيتحمل المسئولية لو اتاخرت او لم تتحقق انا
هقولك على طريقة عامة ان شاء الله فى مثال توضيحى موسع هتساعد كل من يرغب فى الدخول فى البورصة الطريقة دى هتساعدنا فى اننا نقيم ادائنا كل فترة و نعدل فيها بشكل مستمر
الأوبشنز موضوع كبير ده سوق خيارات المشتقات المالية و هو من اضخم الأسواق فى العالم
ببساطة هو عقد يدى حضرتك الحق بس مش ملتزم ان انت تشترى او تبيع سهم او سلعة فى تاريخ معين بسعر معين ندى مثل للتوضيح
نفترض انا عايز اشترى سهم شركة مصر الجديدة بسعر 50 جنيه يوم 14 سبتمبر 2014
كده انا ببساطة اشترى عقد اوبشن يدينى الحق فى شراء سهم مصر الجديدة فى التاريخ ده. تمن الأوبش ده نفترض انه 3 جنيه .
طب المكسب بيجيى منين نفترض ان السهم ده بدأ يطلع و وصل الى 60 جنيه فى 14 سبتمبر يبقى انا حققت 10 جنيه مكسب فى التاريخ ده لان المؤسسة الى انا شارى منها العقد هتدينى السهم ب 50جنيه و ابيعه فى نفس اللحظة ب 60 جنيه
بس انا دافع 3 جنيه تمن العقد يبقى حققت 7 جنيه صافى بنسبة 233% على الاستثمار الى هو 3 جنيه
طيب لو السهم مطلعش او انخفض يبقى انا خسرت تمن العقد ده
طب ايه المزايا الى بيحققها سوق الأوبشنز على الفوريكس مثلا
اهم ميزة هى ميزة القدرة على تصحيح الأخطاء الى مش موجوده فى الفوريكس لان انت فى الأوبشنز مش هيطلب منك مارجن اضافى و فترة الأستمار هتبقى أعلى كتير من شهر لغاية ستة شهور كاملين
تانى حاجة العائد بتاعة اعلى بكتير من الفوريكس
ان شاء الله هحاول اشرح الموضوع بتبسيط لانه معقد شوية

[mfe]

ايه اقل مبلغ ممكن ابدء فيه فى بورصة الاسهم لو عايز كده استكشف؟ وهل هى شبيهة بالفوركس ولا الاسهم لها دراسة مستقلة؟
وسؤال تانى
هو مش الاوبشنز ده اللى هو توقع حركة السعر لفترة محددة ولو توقعك صح بتكسب 80% من فلوسك ولو غلط بتخسر النسبة اللى انتا دخلت بيها الصفقة بس ولا ايه؟

الأسهم دراستها اصعب بس اقل مخاطرة بتعتمد على التحليل المالى فى اختيار الأسهم و على التحليل الفنى فى اختيار التوقيت المناسب للشراء و البيع
الأوبشنز لو انت عندك مليون دولار عايز تستثمرها مثلا بتحط 950 الف دولار فى البنك تحت ايدك و تخش فى الأوبشن فى عقد كانك استثمرت المليون دولار كلهم لو حققت 10% على استثمارك يبقى حققت 100 الف دولار يعنى 200% على عقد الأوبشن لوحده

[mfe]

شكرا يا باشا على التوضيح السهل و اعتقد ان حضرتك فى رد من ردودك ذكرت البورصة و الدراسة قبل البداء فيها........بس انا كان لي تعليق لو تسمحلى, ان فهمى البسيط للبورصة بعد قراءة و متابعة لفترة انها زى تربيزة القمار لازم حد يخسر علشان تكسب و طبعا الى بيخسر بيكون العضو الجديد الى داخل جديد بدون دراسة او خبرة و يمكن اكون مخطئ فى وجهة نظرى دى و حضرتك تصححلى.....طيب الدراسة من اية و فى اية و هل هى مجرد risk ولا فيها calculated risk ....و شئ اخر انت اوردت سيرة مصنع الحجر الصناعى و عوائد الاستثمار فية فمكن بعد اذنك شرح اطول بس..... و شكرا على ذوقك.

بص ياباشا البورصة هى وسيلة التمويل الرئيسية للشركات فى معظم دول العالم و هى وسيلة التمويل الوحيدة للشركات فى أمريكا
الفكرة ان المستثمر بدل ما يحط الفلوس فى البنك بيمول هو الشركات بشكل مباشر سواء بنفسه او من خلال صناديق الاستثمار الى بيديرها خبراء
طيب جميل قوى بس هل العائد بيبقى واحد و المخاطرة بتبقى واحدة لكل الشركات طبعا لا
يعنى مثلا سهم شركة فيزا الى كروتها مع معظمنا كانت من كام سنة ب 40 دولار دلوقتى 210 دولار يعنى الى درس الشركة و قرر يستثمر فيها حقق 500 % طيب هو كده كسب طب فى حد خسر قصاده
الاجابة لا محدش خسر الى خسر فى الشركة خسر من المكسب الى كان ممكن تحققه يعنى مش خسارة فعلية
طول ما انت بتختار اسهم مالية قوية و بتختار التوقيت الصح يبقى احتمالات الخسارة بتقل جدا و حتى لو خسرت علشان فيه ازمات اقتصادية او انخفاض فى البورصة دايما يبقى قراراك ممكن تقبل الخسارة او تستنى صعود قادم
الدراسة شقين دراسة مالية توريك مستقبل الشركة دى و دراسة لتوقيت الدخول و الخروج من خلال التحليل الفنى لو اجدت الاثنين احتمالات الخسارة بتقل جدا
مشروع الحجر الصناعى هشرحه بعد ما خلص الرد

[mfe]

إيه رأيك في هليوبوليس الجديدة؟ أنا عارف ان قدامها شوية بس حاليا الشراء فيها سهل وبالتقسيط على فترات طويلة..

كاستثمار هى كويسة و فى تزايد مستمر بس لو معاك امكانيات اكتر خد فى الشروق فى العمارات الى على طريق السويس او فى التجمع

[mfe]

مشروع الحجر الصناعى هو مشروع منخفض الاستثمارات الغرض منه عمل احجار ذات اشكال معمارية جميلة بمواصفات مختلفة و اشكال مختلفة
الاستخدام الرئيسى اعمال الديكور و واجهات المبانى و الفيلات
المادة الخام فيه هى فى الأساس الأسمنت الأبيض بالاضافة الى كسر احجار ملونة او زلط ملون و الوان صناعية اضافية + مواد كيماوية
الفكرة الصناعية هو خفض كمية المياه المستخدم مع الأسمنت الى ادنى حد و معالجة الأسمنت بطريقة صناعية معينة للوصول الى حجر أسمنتى غير مسامى ذو صلابة عالية جدا و شكل جمالى أجمل من الأحجار الطبيعية
الأستثمار المطلوب 2 خلاط أسمنت + طاولة هزازة ذات قدرة عالية + قوالب باشكال أحجار مستوردة من الخارج
المسا حة المطلوية حوالى 500 متر
الأنتاج اليومى يمكن ان يصل الى 300 متر على ورديتين

[JapRuleZ]

لو سمحت افضل طريقه لاستثمار مبلغ 200 الف هل هو البنك ولا فيه خوف من التضخم و ضياع قيمه الجنيه ؟

[Abo Yasso]

السلام عليكم
ربنا يجزيك خير على النصائح دى كلها
سؤال
عن الشركات اللى بتشغل فلوسك بنظام المحافظ الماليه
الفكره ببساطه انك بتديهم 5000 دولار وبيعملك عائد شبه ثابت كل اسبوع العائد شهريا فى حدود 6 :7 %
فى شركتين منهم فى مصر واحده اعتقد انها بتصفى والتانيه شغاله