الموضوع: كيف توفر الوقود من خلال الهيدروجين drycell او wetcell

كل سنه وانت طيب يا استاذ ياسر

المشاركة الأصلية كتبت بواسطة rotanamasoud

تمام يا استاذ مصطفى انا عارف ان دماغك جامده فى الابتكارات والعمل الشخصى
انا شخصيا حبدء تنفيذ بعد العيد وحعمل خليه اشغلها مع المولد 100% واجربها مع العربيه حتى اصل الى افضل النتائج
انا متوقع السلبيات حتكون زى العربيات اللى بتستخدم الغاز الطبيعى (بيقولو حامى على المكنه وبتعمر بسرعه)لاكن الغاز بفلوس والخليه مصاريف بنائها فقط ومهما كانت العيوب اللى حيتوفر حيغطيها بمراحل
ممكن نقلل العيوب دى بستخدام بيكات صغيره جدا مع نسبه غاز كافيه بحيث يكون الخليط 75% غاز 25% بنزين 92 (ده كاربراتير معرفش ازاى تظبط كده فى الانجكشن)
وادينا بنتناقش للوصول لافضل الافكار فينك يا استاذ ياسر لعل المانع خير

جيتلك يا غالي والله ليك وحشة يا اخ rotanamasoud
علي فكرة غاز الهيدروجين غاز احتراقة قوي لكن نتايج احتراقة بخار ماء وليس عادم و كمان غاز مش سخن علي البساتم و لا بيجرحها بل بالعكس بنضفها من الكربون ويطل من عمرها الافتراضي و بيدي قوة اضافية للمحرك اي كان نوعه و يساعدة في عملية التبريد
وكمان دمجة مع المحرك سواء من كربراتير او انجكشن سهل لاننا بنضيف الغاز بعد فلتر الهوا مش قبله ودي مهمة جدا جدا جدا ....ليه؟ لان في احدي التجارب دمجت الغاز قبل فلتر الهواء فعلبة الفلتر اتملت غاز فحصل انه انفجرت علبة الفلتر .... دي ملاحظة خطيرة وعيب اكتشفته ...الخلاصة ان تشغيل الخلية و الغاز قبل تشغيل المحرك ممكن يخرن الغاز في فتحة دخول الاكسجين فاي شرز او فيد باك من البساتم يسبب في فرقعة ممكن تسبب تلف في مواسير تغذية المحرك بالهوا
افضل شئ وصلتله ان المحرك يشتغل عادي بالبنزين في الاول وممكن في نفس الوقت تشغل الخلية او بعد تشغيل المحرك بثواني اما تبطيل الخلية فتقوم بتعطيلها مع المحرك مع بعض مش بعده ودة شئ سهل بانك تاخد اشارة الراليه من الدينمو مثلا فكدة تضمن ان تشغيل و تبطيل الخلية مع المحرك .. فكدة ضمنا مفيش تخزين للغاز ،،، ولا تستهونو بغاز الهيدروجين لانه غاز زي اي وقود

المشاركة الأصلية كتبت بواسطة ZARIF

على فكرة الكلام اللى بيتقال على الغاز دة اشتغلات صنايعية مش اكتر

انا مركب غاز بقالى 8 سنين

وكلمة السر فى المحافظة على الموتور من اى شيى هو الزيت ( فيسكو cng )
الزيت دة مصمم خصيصا من شركة bp للمحركات التى تعمل بالغاز المضغوط والبنزين

لو غيرت الزيت او لو حطيت حتى اغلى زيت موبيل1 هتبدا تظهر معاك المشاكل

والكلام دة من عشرة 8 سنين مع الغاز وسيبك من الهرى اللى بيتقال دى ناس بتسمع وتردد

نيجى بقة لموضوعنا
وهو انى عايز اعمل زيك بالظبط يعنى ابتدى من حيث انتهى الاخرون

بمعنى انى عايز اعمل اكبر خلية ممكن تتحملها بطارية العربية العادية

بس انا هحط شوية لمسات من عندى

يعنى مثلا هجيب عوامة زيت باكم بتاعة لانوس واركبها فى خزان المية بحيث لما تنقص عند مستوى معين تدينى تنبية صوتى وانا سايق ودة عشان الخلية متفضاش من المية وتسخن

@@@ فكرة العوامة هي سهلة بس خطيرة ممكن تسبب مشكله في تسريب الغاز واي شرز كهربي من سويتش العوامة يسبب انفجار التنك و يعمل فلاش باك لانك هتستخدم 12 فولت و لمبه و كلام زي كدة ...احب فقط ان اقولك رايي لو حبيت تستخدم عوامة فممكن عوامة تنك البنزين و الافضل من كل دة دايرة الكترونية شغلها لقياس مستوي الماء و هي دايرة بسيطة عندي مخططها لو عايزه يادوب icو حوالي 7 ليدات وجهدها بالملي فولت يعني عمرها ما تسبب شرز
بالاضافة ان ممكن دايرة قياس مستوي الماء غير انها هتبينلك مستوي الماء كام في التنك الا انها ممكن عند وصول الماء للحد اللي انت محددة تفصل الخليه نهائيا عن العمل..


وحاجة تانية انى هخليها تبدا تحمل على البطارية او الدينامو بعد 30 ثانية من الدوارة عشان متبقاش حمل على الدينامو والبطارية ودى دايرة عادية تتنفذ

@@@ دي فكرة جميلة لكن خد ملاحظاتي علي الموضوع دة طالما طموحك وصل كدة ووصلت للنقطة اللي انا حاليا بلف وادور حواليها...... حاول انك تنسي بطارية و دينمو العربية الاصليين و تفكر في دينمو اضافي ممكن يضاف للمحرك يكون فقط كمصدر تغذية مشروع الخلية ودة حاليا اللي ناوي عليه بعد تعديل الدينمو الاضافي ..ببساطة لانك لو فهمت نظرية دينمو العربية هتكتشف انه مش مجدي للمشروع و المجدي الدينمو الاضافي بعد تعديله ....ليه؟ لان لو حسبتها كويس هتلاقي ان لو كبرت الخلية لتشغيل المتور كليا بالغاز الخلية هتحتاج طاقة اكبر ...هتقولي طيب ما انا ممكن اكبر البطارية هرد عليك واقولك ان بطارية العربية صحيح امبيرها عالي لكن فولتها محدود ..لان كمية الغاز الكبيرة تعتمد علي حجم الخلية + الفولت + الامبير ...فمهما كانت البطارية كبيرة في الامبير مش تشغلك خلية 100 شريحة بحيث تاخد منها 20 لتر في الدقيقة lpm لتشغيل محرك 1300cc فالحل هو مصدر طاقة اضافي و لن تحصل علية بدينمو اضافي و مش اي دينمو كمان اقل دينمو للمشروع بعد تعديله 110 امبير و خرج 120 فولت
اما لو انت عايز بس توفير بنزين و قوة في الهورس باور المحرك فيكفي بطارية العربية الأصلية


وحاجة تالتة انى هعمل لها مروحة تبريد هوا شديدة مخصصة ليها تشتغل معاها مجرد ما تشتغل لانى باذن الله ناوى اركبها بين الاكصدام الامامى والسربنتينة فى الانوس جنب الكلاكس تحت

@@@@ بردو فكرة كويسة لان بصراحة معظم افكارك في دماغي بردو ههههههههههه بص ياسيدي طريقة التبريد مش بس مروحة قوية لو انت ضيفت ليداتير صغير انا اخدته من المكيف السخن من اي عربية و هيركب علي خرطوم تغذية الخلية بالماء من التنك و تركب مراوح تبريد عليه ...

وفية شوية افكار تانية لسة مخلصتهاش عشان اعمل حاجة متكاملة لكن اللى واقف معايا دلوقتى هو اكبر مقاس للخلية واكبر عدد الواح ممكن تتحملها البطارية العادية بتاعة العربية 70 امبير

@@@@ اقصي خلية ممكن تستفاد منها البطارية 31 شريحة او 36 مقاس 15×20 سم لان الخلية حتي لو زادت عن كدة من هتاخد منها كمية غاز اكتر 5 لتر لقلة فولت البطارية


ودة اللى الاخ الفاضل صاحب الموضوع اتمنى انة يفيدنا فية

اقصي خلية ممكن تستفاد منها البطارية 31 شريحة او 36 مقاس 15×20 سم لان الخلية حتي لو زادت عن كدة من هتاخد منها كمية غاز اكتر 5 لتر لقلة فولت البطارية
الكلام ده انا مش مقتنع بيه ده عن تجربه عمليه
لاننا بنقسم بالوحده والوحد 1-موجب-4- ناتيرال -6 الاخير سالب ولو الف شريحه بالترتيب ده الفولت حيوصل صح ووكل مجموعه حطلع كميه غاز وحيتجمع كله فحيزيد الغاز
عيوبها حتكون فى الامبير العالى نظرا للفولت الصغير 12
قريت الرساله اللى بعتهالك

تم شراء الاستالس وتقطيعه 15*20 بالواح 31 وحبدء اجمع قريبا ان شاء الله

المشاركة الأصلية كتبت بواسطة rotanamasoud

تم شراء الاستالس وتقطيعه 15*20 بالواح 31 وحبدء اجمع قريبا ان شاء الله

تمام علي بركة الله و متابع

http://www.nilemotors.net/Nile/472727-a.html
دي تجربة لاحد الاخوة من اعضاء المنتدي
نحسبه علي خير

http://www.nilemotors.net/Nile/472727-a.html
دي تجربة لاحد الاخوة من اعضاء المنتدي
نحسبه علي خير