الموضوع: نصائح سائق جديد .. وخوفه قل شوية من موضوع السواقة .. والبركة فيكم تعلمونا الباقى

المشاركة الأصلية كتبت بواسطة husseinoo

اساسيات القيادة الدفاعية

2- لا تثق فى أى سائق

لقد التقينا بالسائقين المنافسين وسوف نتغلب عليهم


لا يمكن الاعتماد على أن السائق الآخر... وأن تعتقد انه سوف تكون تصرفاته صحيحه فى اى موقف


تذكر كل اخطائك السابقة منذ بداية تعلمك القيادة خلال العام او الشهور السابقة
توقع انك من الممكن ان تكون سببا فى اى خطأ فى المستقبل


انا طبعا موش المقصود انى اخوفك او ارعبك من موضوع القياده هههههههههههههههه


لماذا ؟

لأن جميع السائقين الآخرين .. هم مثلنا تماما ... لا تثق فيهم ابدا اثناء قيادة سيارتك


كل المطلوب انك تركز عينيك على السيارات الأخرى .. واترك لنفسك مسافة كافية بينك وبين السيارة اللى امامك ... لكى تتصرف فيها فى حالة حدوث اى خطأ


توقع الأخطاء من الأخرين ... وكن مستعدا لمواجهة هذه الأخطاء


الخلاصة: ان السائق الآخر سوف يرتكب خطأ ... لأنه مثلنا تماما ..
كل تصرفات وتحكمك فى سيارتك متوقف على السيارات الأخرى
انت الآن تحت رحمة السيارات الآخرى ... وهم ايضا تحت رحمتك

اذا كنت تثق فى السيارات الاخرى جدا
يبقى فى الحالة دى سلامتك دائما متوقفة علي تصرفاتهم وده طبعا كلام موش كويس

هل اصحاب السيارات الأخرى يستحقوا ان نثق فيهم فعلا ؟
طبعا اغلب الناس اللى بتفهم عارفه كويس جدا انه اوعى تثق فى اى سيارة اخرى
انا آسف فعلا انى اقول "ان السائق المغفل والعبيط فقط هو اللى يثق فى قادة السيارات الأخرى"
والأسوء مثلا : ممكن يكون السائق الآخر عنده 11 سنة وسرق مفاتيح عربية والده

لازم يكون اسلوب قيادتك يعتمد على مقولة "ان الآخرين يرتكبوا الآخطاء " وانا سوف اقود سيارتى الآن لإكتشاف هذه الأخطاء
معظم الحوادث يكون السبب عدم توقع الخطأ سواء من السائق الآخر او نكون احنا السبب فيها لا قدر الله وربنا يحفظ الجميع

اذا انت اقتنعت تماما بأن السيارات الآخرى ترتكب اخطاء اثناء القيادة ... اصبح كل المطلوب منك ان تقود بحذر وحرص شديد


كن حذرا من الاقتراب من الضؤ الأحمر ... لان الضؤ الاحمر موش هايوقف العربية بتاعتك هههههههههههههههه ... انت اللى هاتهدى عربيتك او هاتوقفها عند اللزوم


بالأمس على سبيل المثال ... انا ماشى والطريق واسع وفاضى وجميل وزى الفل ... لكن فى لحظة واحدة فوجئت بالمطب الصناعى ... وطبعا كل الالوان اللى على المطب "ممسوحة" ... ولو انا كنت مركز كويس على الضوء الاحمر للسيارة التى تسير امامى كنت اكتشفت مبكرا انه بيهدى سرعته وانه بيعدى من فوق المطب الصناعى


لكن كان كل تركيزى على السيارة التى امامى وليس على نور الفرامل الخاص بالسيارة التى امامى
لو كنت مركز مع نور الفرامل كويس كنت عرفت ان فيه حاجة فى الطريق
لكن كنت مركز مع السيارة فقط
ولم اشعر انه بيهدى إلا بعد الإقتراب منه
طبعا عديت المطب لكن بشكل وحش قوى


واتعلمت من ساعتها ان موش عشان الطريق فاضى وآمان ... ان كل شىء تمام التمام
وكنت مركز جامد مع السيارات التى تسير امامى لو وجدت انها هدأت سرعتها على طول اهدى سرعتى انا كمان ولما اقترب منهم اعرف السبب ... ممكن يكون مطب صناعى
ممكن تكون اشارة وانا موش شايفها
ممكن يكون سيارة متعطلة فى الطريق


الخلاصة: لازم تركز على نور فرامل السيارة التى امامك وكمان على السيارة نفسها ههههههههههههه "عشان فيه اصحاب سيارات النور عندهم بايظ" وربنا يسترها مع الجميع



احترس دائما من السيارات الى بتكون راكنة فى الشارع ومرة واحدة صاحبها قرر انه يخرج بعربيته الى الطريق



توقع دائما اى سيارة تمر بجوارك من مساحة ضيقة جدا بين حارتين
يعنى انت برغم التزامك بحارتك والسيارة الاخرى ملتزمة بالحارة بتاعتها ... يظهر سائق ثالث يريد ان يعبر من بين السيارتين


انظر الى الصورة التالية


السيارة الحمراء تمر من مساحة ضيقة بين حارتين
طبعا الموقف ده بيحصل يوميا
لكن نفسى اعرف ايه التصرف المطلوب نعمله مع واحد زى دى .. يعنى المبتدأ يعمل ايه ؟

لو كان بيبض فى المرايا
ممكن يبعد عنه ولكن قبل كدة يبص فى المرايا التانية اللى هيروح عنها
او ممكن يروح ناحيته مع كلاكسات علشان التانى يعرف انه مش هيعديه


ودى حصلت معايا
انا فى ناحية وفى الناحية الثانية سيارة نقل هو ملتزم بحارته لكنه كان بيجرى من اليمين
وصاحب سيارة فان سوزوكى "العربيات الصغيرة"
مصمم انه يجرى بجوار النقل .. يعنى بالبلدى كده حاشر نفسه فى الطريق وداخل مع السيارة بالعند
حاجة يعنى فى منتهى الغباء

انا عن نفسى اشاهد يوميا نفس نوعية هذه الحوادث بنفس الطريقة "طريقة الدخول بين الحارتين" حتى ولو كانت المساحة ضيقة ههههههههههههه ودى طريقة مفضلة عند سائقى الميكروباص ربنا يحفظنا ويجعل كلامنا خفيف عليهم

عندك كمان العربيات اللى بتغير الاتجاه من حارة الى اخرى بدون اعطاء اشارة مسبقا وبدون مقدمات


انظر الى الصورة التالية



فى الصورة صاحب السيارة الحمراء مرة واحدة قرر انه يغير اتجاهه من حارة الى حارة بدون مقدمات وبدون اشارات



طبعا يوميا يحصل الموقف ده ... واحد يشوف امامه سيارة او اى شىء متوقف ... فى نفس اللحظة صاحبنا يغير اتجاهه عشان ينقل نفسه من حارة الى حارة .....
نادر جدا اللى بيدوا اشارات فى مصر
علشان كدة اما تكون زى مانت قلت بتسوق عربية اللى قدامك هتقدر تتوقع هوة حيكسر شمال لو قدامه عائق
بس مش شرط علشان ممكن يكسر علشان حفرة او علشان مزاجه
واكلمت قبل كدة على حل الموضوع ده بالتفصيل
ذاكروا شوية



طبعا انا بالأمس عملت كده "وده طبعا خطأ كبير"
كنت متوقف خلف ميكروباص
والميكروباص كان واقف امام محطة الاوتوبيس
وكنت متوقع انه ياخد راكب او اثنين ويستمر فى السير على طول
لكن سائق الميكروباص بصراحة "كان بارد زيادة عن اللزوم"
وصمم انه يفضل واقف عشان يحمل
برغم زحام الشارع
وبرغم ان محطة الاوتوبيس موش مكان مخصص للتوفق الدائم "يعنى موش موقف اساسا"
طبعا غصب عنى قررت انى انقل نفسى الى الحارة التالية عشان اعدى منه
بصيت فى المرايا لم اجد اى سيارة
فى الوقت اللى ابتديت اعدى من الميكروباص ... ظهر لى فى ثوانى اوتوبيس بجوارى
سائق الاوتوبيس توقف عشان ياخد ركاب تقريبا
وانا اصبح المطلوب منى ... انى امر من بين الميكروباص واكصدام الاوتوبيس"

واعتقد انى كمان لم استخدم اى اشارات ... عشان اللى جاى من ورايا يعرف انى هاغير مكانى الى الحارة التالية
كله ده خطأ
الحسنة الوحيدة فى الموضوع ده حاجتين
الاول انى كنت تارك مسافة كافية بينى وبين الميكروباص ... لانى متوقع انه يقف فى اى لحظة وتحسبا لاى موقف
الثانية: انى ابتدأ اتشجع وامر من السيارات المتوقفة امامى بدون خوف او تردد لو سنحت الفرصة


الخلاصة: لازم يكون عندك استراتيجية واسلوب فى طريقة قيادتك ... لازم يكون ذهنك حاضر ... وتكون مركز قوى ... ومتوقع دائما اخطاء الآخرين ومستعد دائما انك تتعامل مع اخطاء الآخرين ...

فى انتظار التواصل


مع اطيب التمنيات
اخوكم حسين غزالة