رقم العضوية : 40184
تاريخ التسجيل : 13May2009
المشاركات : 800
النوع : ذكر
الاقامة : cairo
السيارة: Mazda 323 1982
السيارة[2]: toyota corolla 1984
الحالة :
[sor1]https://s15.postimg.org/to3r0graj/Untitled7_jpg.jpg[/sor1]
نصائح سائق جديد .. وخوفه قل شوية من موضوع السواقة
(حصريا ) سلسلة نصائح سائق جديد _ اول كتاب فى اساسيات القيادة الدفاعية
جروب اصدقاء وملاك مازدا 323 على الفيس بوك
رقم العضوية : 40184
تاريخ التسجيل : 13May2009
المشاركات : 800
النوع : ذكر
الاقامة : cairo
السيارة: Mazda 323 1982
السيارة[2]: toyota corolla 1984
الحالة :
[sor1]https://s15.postimg.org/to3r0graj/Untitled7_jpg.jpg[/sor1]
نصائح سائق جديد .. وخوفه قل شوية من موضوع السواقة
(حصريا ) سلسلة نصائح سائق جديد _ اول كتاب فى اساسيات القيادة الدفاعية
جروب اصدقاء وملاك مازدا 323 على الفيس بوك
رقم العضوية : 40184
تاريخ التسجيل : 13May2009
المشاركات : 800
النوع : ذكر
الاقامة : cairo
السيارة: Mazda 323 1982
السيارة[2]: toyota corolla 1984
الحالة :
اساسيات القيادة الدفاعية4- لا تزيد من سرعتك
من المعروف أن زيادة السرعة معناه زيادة المخاطر
وأن زيادة السرعة معناه .. تقليل الوقت اللازم لتجنب المخاطر
طبعا إذا لم تراعى المسافة بينك وبين السيارة التى امامك ... طيب لو انت كنت ماشى بسرعة .. موش هاتلاقى وقت كافى لتجنب اى تصادمات
وكل ما تكون سرعتك معقولة وهادئة ... إن شاء الله سوف تجد الوقت الكافى لحل اى مشكلة تواجهك
ده الشكل العلمى ... لا يمكن تجاهل الكلام ده
عايز تجرى بسرعة قوى وتعمل فيها "حريف" ... خلاص استحمل المخاطرة
نكرر تانى
كل زيادة فى سرعتك بتقلل من فرصة مواجهة اى خطر ... بتقلل من الوقت اللازم لرد الفعل
يعنى بالبلدى كده موش هاتلاقى وقت كافى عشان تتصرف صح وربنا يسترها مع الجميع
المعتاد ان رد فعل قائد السيارة يحتاج من الوقت حوالى 0.75 من الثانية الى 1.5 ثانية
لكى يستطيع التصرف فى المواقف الحرجة
بدون الدخول فى التفاصيل
يكفى ان نقول ان السير ليلا يزيد من نسبة الخطر خصوصا لو كان هناك حالة من الطقس غير متوقعة ... مثل شبورة مائية ... او حتى انخفاض الإضاءة الامامية للسيارة "الفوانيس تعبانة" ...
بعد الشر بعد الشر عن الجميع
ايهما افضل لا قدر الله انك تخبط فى حاجة وانت سرعتك 50 كيلوا فى الساعة
ولا تخبط فى اى حاجة لا قدر الله وسرعتك 120 كيلوا فى الساعة
ربنا يحفظ الجميع
طبع الإجابة موش عايزة عبقرية ... صح ولا لأ ؟
القيادة الدفاعية تحتاج ان تختار السرعة المناسبة لكى تكون فى امان تام
إذا كانت السيارات تسير من حولك بسرعة اكبر منك
خلاص يا اخى ريح نفسك وامشى فى اليمين وخليك فى السليم والامان
ده حتى قانون المرور بيقول نفس الكلام
وإذا كنت مسافر او على طريق سريع مثل الطريق الدائرى ... يبقى لازم تحافظ دائما على مسافة كافية بينك وبين السيارة التى امامك
تذكر دائما أن السرعة العالية لا توفر وقت
زى ما بيقولوا فى المثل "فى العجلة الندامة وفى التأنى السلامة"
تجد كثير من السائقين بالبلدى كده "بيسخن" لما حد يعدى منه
وبمجرد ما اى سيارة تعدى منه ... اول ما تنظر فى المراية تلاقى صاحبك سخن ولازق فى الإكصدام بتاعك ههههههههههه
اللى عايز اقوله ايه
لو انت ماشى مشوار مثلا حوالى 100 كيلوا
عارف الفرق فى الوقت لو كانت سرعتك 90 كيلوا والسيارة الثانية كانت سرعتها 120 كيلوا
عارفين الفرق كام
الفرق 8 دقائق فقط لا غير
طيب معقول عشان اوفر 8 دقائق من الوقت ... يبقى اجرى بالعربية اكثر من 80 او 90 كيلوا
واعرض نفسى للخطر واعرض غيرى للخطر
انا طبعا يوم الجمعة كنت ماشى على الدائرى وفى طريق مدينة العبور فى حدود السرعة المطلوبة حوالى 70 او 80 كيلوا
ممكن لما اشوف العربيات حواليه ماشية بسرعة جامدة جدا ههههههههههههه ازعل واشعر انى راكب "معزة" واحيانا "اسخن" ويبقى نفسى اجرى زيهم ... واحيانا انسى نفسى واجرى زيهم والعربية توصل الى 100 كيلوا فى الساعة ولو استمريت ممكن توصل الى اكثر من كده
لكن الحمد لله برجع لعقلى بسرعة ... وارجع ارفع رجلى من على البنزين عشان العربية تهدى شوية
عملية موش سهله
وربنا يسترها مع الجميع
مع اطيب التمنيات
اخوكم حسين غزالة
[sor1]https://s15.postimg.org/to3r0graj/Untitled7_jpg.jpg[/sor1]
نصائح سائق جديد .. وخوفه قل شوية من موضوع السواقة
(حصريا ) سلسلة نصائح سائق جديد _ اول كتاب فى اساسيات القيادة الدفاعية
جروب اصدقاء وملاك مازدا 323 على الفيس بوك
رقم العضوية : 58081
تاريخ التسجيل : 06Jan2010
المشاركات : 355
النوع : ذكر
الاقامة : فيصل
السيارة: الله المستعان
السيارة[2]: Verna
الحالة :
ازيك يا استاذ / حسين
كلامك كل صح الصح
المفروض انى الواحد يمشى على سرعة معقولة علشان لا قدر الله لو فى اى مشكلة تقدر تلم نفسك بسرعة ولا قدر الله بعد ما يحصل اى حاجة يقعد يلوم نفسه .. طب لية !!
ومهما حد يجرى بالعربية امامك لا تطاوعه فى خطاءة
اخويا دايما يقول لى فى السواقة دائما تجنب اخطاء الاخرين ولو حد عمل حاجة غلط ما تعملش زية
شكرا استاذ حسين لمجهودك الرائع فى هذا الموضوع
وربنا يجعله فى ميزان حسناتك
اخوكم
م.عصام مهنى
رقم العضوية : 6398
تاريخ التسجيل : 25Feb2008
المشاركات : 1,583
النوع : ذكر
الاقامة : tanta
السيارة: مش ناوى
السيارة[2]: دايو نوبيرا 2007
دراجة بخارية: لا
الحالة :
واللة انا عملت الموضوع ده فى تعليم السواقة و حطيتة فى فايل اكسيل بس طلع كبير قسمتة على اجزاء 64kو كل ما ارفعة يقول فشل فى الرفع علشان كدة مش عارف اعمل اية؟
عرفت حعمل اية
انا رفعتة على الميديا فير و لو عجبكم اكمل http://www.mediafire.com/?jjqwnr32myw
رقم العضوية : 58081
تاريخ التسجيل : 06Jan2010
المشاركات : 355
النوع : ذكر
الاقامة : فيصل
السيارة: الله المستعان
السيارة[2]: Verna
الحالة :
رقم العضوية : 40184
تاريخ التسجيل : 13May2009
المشاركات : 800
النوع : ذكر
الاقامة : cairo
السيارة: Mazda 323 1982
السيارة[2]: toyota corolla 1984
الحالة :
اللهم صل على محمد وعلى آله وصحبه أجمعين
أساسيات القيادة الدفاعية5- حافظ على هدوء اعصابك
القيادة بطريقة آمنة هى رغبة اغلب السائقين
وأهم شىء يجب ان نتعلمه جميعا هو التعامل مع المواقف
فكر كويس قوى خصوصا إذا كنت سبق لك القيادة ... وكلنا نعلم اساسيات قواعد المرور جيدا ... لكنك قد تحتاج لتذكيرك مرة اخرى بأساسيات القيادة الدفاعية
مشاكل القيادة لا تنتهى
إذا وجدت نفسك فى أى وقت من الأوقات فى حالة عصبية او مزاجية موش تمام لأى سبب من الاسباب اثناء قيادتك لسيارتك ... يعنى ممكن يكون سيارة حدفت عليك او عملت معاك حركة موش تمام ... اكيد هاتتنرفز واعصابك هاتشد
إذا شعرت بأنك موش تمام
يبقى احسن لك تركن على جنب
وتاخد نفس عميق اكثر من مرة
ولما تهدأ وتحس انك تمام التمام ... استكمل مشوارك
لكن اوعى تمشى وانت مضايق او متعصب جامد
لا يهم عدد السائقين الذين يرتكبوا اخطاء عن سؤ فهم او حتى عن عمد
المهم انك لا تسمح لهم بأن يؤثروا على اعصابك وعلى درجة تحكمك فى قيادة سيارتك
لأنك خلال عشر دقائق لن تتذكر ما حدث لك وموش هاتفتكر اى حاجة من البلاوى اللى قابلتك فى الشارع
يعنى بالبلدى كده "انسى" .. وما تعصبش نفسك وخليك هادى
وبما اننا بشر ...
ولا يمكن ان كل السائقين حواليك يكونوا مثاليين وعشرة على عشرة ...
خلاص يا عم فى الحالة دى ريح نفسك وريح اعصابك ... وحاول تتحكم فيها كويس قوى
مع اطيب التمنيات
اخوكم حسين غزالة
[sor1]https://s15.postimg.org/to3r0graj/Untitled7_jpg.jpg[/sor1]
نصائح سائق جديد .. وخوفه قل شوية من موضوع السواقة
(حصريا ) سلسلة نصائح سائق جديد _ اول كتاب فى اساسيات القيادة الدفاعية
جروب اصدقاء وملاك مازدا 323 على الفيس بوك
رقم العضوية : 40184
تاريخ التسجيل : 13May2009
المشاركات : 800
النوع : ذكر
الاقامة : cairo
السيارة: Mazda 323 1982
السيارة[2]: toyota corolla 1984
الحالة :
السلام عليكم ورحمة الله وبركاته
أساسيات القيادة الدفاعية6- فتح عينيك على الطريق
وده معناه فتح عينيك على الطريق ههههههههه موش "فتح عينيك تاكل ملبن"
ههههههههه
معظم السائقين يركزوا عينيهم على الطريق 5 او 8 ثوانى
والمفروض
انك تركز على الطريق امام سيارتك لمسافة 15 او 20 ثانية
يعنى بالبلدى كده اوعى تبص امام سيارتك فقط
لازم تكون بعيد النظر قوى
وتبص للامام بمسافة كبيرة
عشان تكتشف المخاطر والمشاكل مبكرا ... وفى نفس الوقت تستطيع معالجة الخطأ او المشكلة بسهولة
تبص على الطريق هل هو سالك
هل الحارات التى امامك كلها سالكة يعنى مافيهاش مشاكل فى السير بالعربية
هل فيه اى ازدحام فى حركة المرور فى اى حارة من الحارات
هل فيه عربيات نقل عاملة مشاكل
هل يوجد لا قدر الله حوادث على الطريق ... الخ
ربنا يحفظ الجميع
طبعا طريقة انك تنظر على الطريق للامام بمسافة كافية حوالى 15 او 20 ثانية .. الطريقة دى مفيدة للسائق المبتدأ ... وليس المحترف فقط
ركز عينيك على الطريق للأمام على قدر المستطاع
ده افضل لسلامتك
افضل من انك تركز عينيك على كبوت السيارة هههههههههههه
او تركز عينيك امام سيارتك فقط
او تركز عينيك على السيارة التى تسير امامك فقط
يعنى انا مثلا
كنت مركز على العربية اللى امامى فقط
وهو كان شايف من بدرى ان فيه مطب صناعى
هو عدى فوق المطب بطريقة صحيحة
وانا اكلته بطريقة صحيحة هههههههههههه
طبعا عديت لكن موش بالشكل اللى انا عايزه ... عشان لم يكن عندى مجال للرؤية واسع وللامام ... كان مجال رؤيتى ضيق قوى
طبعا لما تركز عينيك على الطريق لمسافة كافية 15 او 20 ثانية
ده بيجعلك مستقر نفسيا
ده بيجعلك مستقر على الطريق ... لانك اصلا هاتختار الحارة السالكة بسهولة
والموضوع ده مناسب جدا للمبتدأ ويجعله بالبلدى كده "راسى" وموش خايف
لأنه بيتصرف صح وشايف المشكلة من بدرى قوى
إذا عملية القيادة موش ممارسة فقط
لأ
عملية القيادة فهم وعلم
موش فهلوة ومش بالعافية فى الشارع
وتخبيط وانزل الشارع وهو يعلمك
لأ طبعا
كام واحد كان بيعلمك قال لك الكلام ده
انا عن نفسى ما عرفتوش إلا من صاحبى
وممكن من خلال ركوبى الكثيير مع والدى الله يرحمه
او من خلال القراءه والإطلاع
خلاص ... بالطريقة دى اصبح لك "استايل" فى القيادة
لك اسلوب فى القيادة الدفاعية ... محترف وليس هاوى
اسلوب علمى ... موش تجربة وخطأ
وآن الأوان انك تستخدم الاسلوب ده من اليوم
وانت ماشى بعربيتك ... لازم تنظر للأمام بمسافة كبيرة زى ما شرحنا قبل كده
لازم تنظر للأمام ... وكمان على يمينك وشمالك
لازم تنظر للأمام قوى ... تبص لمسافة كبيرة على العربيات سواء امامك او يمينك او شمالك
لان ممكن يكون فيه مشكلة متوقعة للسيارة اللى على يمينك ... لو انت شايف العربيات اللى على يمينك لمسافة كبيرة قوى
هاتقدر تتوقع ايه اللى هايحصل
هل اللى جانبى هايقف
هل هايهدى سرعته
هل هايحدف علي ويعرضنى للخطر
هل هايحاول يسبقنى عشان يعدى المشكلة اللى امامه
كل ده هايدور فى ذهنك فى ثوانى
وما دام انت شايف الطريق لمسافة 15 او 20 ثانية
هاتلحق تتصرف صح إن شاء الله ... وهاتقدر تتجنب اخطاء الآخرين من بدرى قوى
ههههههههههههههههههههه
ممكن مثلا تلاقى اطفال بيلعبوا الكرة على الرصيف او حتى فى الشارع
وتتوقع ان الكرة تجرى فى الشارع امامك
ممكن تلاقى عربيات كانت راكنة وابتدأ صاحبها فى التحرك
ممكن تلاقى عربيات نقل او تاكسى او ميكروباص بتحاول تهرب من اى مكان حواليك ... لكن انت لو شايفه من بدرى قوى ... إن شاء الله هاتعمل حسابك
وتحاول تبعد عنه ههههههههههههههههه مين خاف سلم
نصيحة مهمه للجميع بما فيهم أنا
بلاش تركزعينيك على حاجة واحدة فى الطريق امامك لمدة اكثر من ثانية ...
بالطريقة دى مجال رؤيتك هايكون ضيق قوى اقل من 1.5 متر بالعرض وتقريبا حوالى 30 متر فقط للأمام
كل شىء تتوقعه حسب رؤيتك لما يدور حواليك
آه انت شايف حاجات بتتحرك
ههههههههههههه
لكن موش شايف بشكل كافى
موش شايف مساحة كافية للامام علشان تلحق تتصرف صح
الخلاصة: اوعى تركز عينيك على حاجة واحدة لمدة طويلة
لدرجة انه بيقول لك لو انت ركزت عينيك على الساعة اللى فى ايديك وانت طبعا فارد ايديك لمدة طويلة ... بعد شوية موش هاتعرف الساعة كام ههههههههههههههه
عينيك هاتزغلل
لازم عينيك تتحرك فى كل حتة وفى كل مكان ولمسافة كبيرة للامام ويمين وشمال
ودى مشكلة كبيرة عند المبتدأ فى القيادة
فى الأول بيخاف ينظر فى المراية
وكل تركيزه امامه فقط وممكن يكون نظره مركز على كبوت العربية فقط ... وممكن يكون مركز على العربية اللى امامه فقط
طبعا كل ما آداءه يتقدم نظرتك هاتكون اكبر واوسع واشمل ولمسافة كبيرة للامام
لازم تنظر للامام وتشوف ايه اللى ممكن يعوق تقدمك بالسيارة
انا عن نفسى ممكن اعمل كده ... لكن موش على طول
هاحاول بعد كده انظر للامام قوى بمسافة كبيرة إن شاء الله
هههههههههههههههههه
يعنى المفروض عينيك تعمل "إنذار مبكر" ... تعتبرها جهاز إنذار
اما إذا فضلت حضرتك مركز على حاجة واحدة لمدة طويلة ... فى الحالة دى مساحة رؤيتك هاتقل كثيير وجهاز الإنذار المبكر بتاعك موش هايشتغل كويس هههههههههههه وهاتفقد قدرتك على اكتشاف الحركة على الطريق
حركة عينيك المستمرة
فى كل مكان وعلى كل حاجة وعلى مسافات كبيرة
هى الوحيدة اللى هاتخليك مصحصح وتقدر تتصرف صح ومن بدرى تقدر تتجنب المشاكل و الحوادث لا قدر الله
أنا على سبيل المثال
ماشى على 70 كيلوا تقريبا على طريق مدينة العبور وموش عايز اجرى اكثر من كده ممكن ازيد شوية لحد 80
وشايف الاوتوبيس من مسافة كبيرة قوى بينزل ناس
واول ما هاقرب منه هايبدأ يمشى ويشد يعنى هايجرى بسرعة طبعا وانتم عارفين سائقى الاوتوبيس ... خصوصا انه عايز يوفر وقت والطريق فاضى وبيشجع
خلاص ببساطة
رفعت رجلى عن البنزين ثوانى
كان الاوتوبيس مشى وجرى كمان
وعلى ما حصلته كان هو اسرع منى ومافيش داعى انى اتحداه واحاول اعدى منه
وممكن مثلا
السيارة اللى امامك متوقفة
والسيارة اللى على يسارك متوقفة ايضا
وفيه مسافة خالية بينهم
وفيه سيارة قادمة
انت بتحسب مين فيكم هايوصل اسرع
لو انت خايف زى حالاتى
يبقى من بدرى اهدى قوى ... واعطى فرصة للقادم انه يدخل ويعدى
لكن لو انت موش شايف اللى جاى فى المقابل لك
يبقى معلهش ربنا يسترها معاك
لازم تنظر الى الامام بمسافة كبيرة قوى
رؤيتك الشاملة للطريق
تعتبر من اهم ادواتك فى القيادة الدفاعية
استخدم هذه الآداة بقدر المستطاع
انظر للامام وحواليك لاكبر مسافة تستطيع رؤيتها
واعمل عملية مسح شامل لكل شىء يتحرك حواليك عشان تقدر تحلل المواقف صح وبدرى وتتجنب المخاطر
يا ريت نسمع تجارب الاصدقاء والمشاكل اللى قابلتهم واتعاملوا معاها صح ولا غلط عشان نتعلم كلنا
وربنا يحفظ الجميع
مع اطيب التمنيات
اخوكم حسين غزالة
[sor1]https://s15.postimg.org/to3r0graj/Untitled7_jpg.jpg[/sor1]
نصائح سائق جديد .. وخوفه قل شوية من موضوع السواقة
(حصريا ) سلسلة نصائح سائق جديد _ اول كتاب فى اساسيات القيادة الدفاعية
جروب اصدقاء وملاك مازدا 323 على الفيس بوك
رقم العضوية : 62845
تاريخ التسجيل : 20Feb2010
المشاركات : 117
النوع : انثى
الاقامة : المعادى
السيارة: 127 نصر
السيارة[2]: كيا سيفيا 2003 أتوماتيك
الحالة :
إزيكم ياجماعه أنا بقالى فتره مادخلتش على الموضوع بس النهارده لما دخلت حبيت أشكر أستاذ حسين جدا ربنا يباركلك بجد ويزيد من حسناتك بكل حرف إتكتب فى الموضوع ده بإيدك أو بإيد غيرك يعنى الواحد حاسس إنك واخد على عاتقك إن كل واحد لازم يتعلم كل حاجه إنت بتعرفها فى السواقه والحقيقه الموضوع ده بقى مرجع لأى واحد عايز يتعلم إن كان كيفية القياده أو أخلاق القياده السليمه وأعتقد أن أخلاقيات القياده دى بنتعلم أغلبها منك بأسلوبك الرزين شكرا ليك وماتحرمناش من أى حاجه شايفها هتفيدنا من قريب أو من بعيد تخص القياده
المهم بقى عايزه أسألك سؤال شايفاه واجب على كعضوه من أعضاء هذا النادى الصغير أخبارك إيه فى السواقه دلوقت يعنى بقيت تسوق خلاص عادى فى شوارع المحروسه كمتمرس ولا لسه بتسوق فى أيام الجمع والسبت فقط ؟ أنا عن نفسى لسه بسوق فى المعادى بس خايفه أطلع منها أحسن أعمل حادثه إنت إيه رأيك ؟
رقم العضوية : 40184
تاريخ التسجيل : 13May2009
المشاركات : 800
النوع : ذكر
الاقامة : cairo
السيارة: Mazda 323 1982
السيارة[2]: toyota corolla 1984
الحالة :
[sor1]https://s15.postimg.org/to3r0graj/Untitled7_jpg.jpg[/sor1]
نصائح سائق جديد .. وخوفه قل شوية من موضوع السواقة
(حصريا ) سلسلة نصائح سائق جديد _ اول كتاب فى اساسيات القيادة الدفاعية
جروب اصدقاء وملاك مازدا 323 على الفيس بوك
المفضلات