نصائح سائق جديد .. وخوفه قل شوية من موضوع السواقة .. والبركة فيكم تعلمونا الباقى

**husseinoo** · 29-05-2010 12:44 AM

المشاركة الأصلية كتبت بواسطة sara2001

انا كنت شفت كده فعلا في اول الموضوع وكنت بضبط المرايات الجانبيه على الأساس ده
اتمنى حد يصحح لنا المعلومه دي
لأني كده مش عارفه المفروض ابين اخر العربيه ولا لأ

السلام عليكم ورحمة الله وبركاته

ههههههههههههههه

كلام سليم ومية مية
مافيش اى مشاكل
لكن حضرتك لو "دققتى النظر" فى صورة المراية ... سوف تجدى انك لو حركتيها حاجة بسيطة جدا جدا ... سوف يظهر اكصدام العربية ... يعنى نفس كلامكم

لكن احنا متعودين اننا نشوف جزء من السيارة "اكصدام العربية من الخلف"
بنشعر بالإطمئنان ونحس ان المرايه كده مضبوطة صح

الخلاصة: موش مهم انك تشوف اى جزء من سيارتك ... المهم انك تستغل كل مساحة المرايه عشان يظهر فيها اى سيارة فى المنطقة العمياء

وفى حالة انك تركز على خلفية سيارتك ... فى الحالة دى انت بتشغل المرايه بعرض اجزاء ومساحة موش مهمة لك ...
لو ركزت على انك تشوف جزء من سيارتك الخلفى ... كل ده مالوش لازمة

على الاقل :
أول ما يختفى اكصدام عربيتك من الظهور فى المرايه ... توقف عن تحريكها
كده هاتكون المرايه مضبوطة مية مية

انا الاول كنت اضبطها بحيث يظهر اى جزء من السيارة بتاعتى خصوصا طبعا الإكصدام
لكن الآن مساحة الرؤية اصبحت كبيرة وممتازة

ارجوا ان اكون وفقت

فى انتظار التواصل

مع اطيب التمنيات
اخوكم حسين غزالة

**magid1010** · 29-05-2010 10:59 AM

المشاركة الأصلية كتبت بواسطة lobna_yaseen

الموضوع ياأستاذ حسين بجد تحفه فنيه وكل يوم بيزيد أهميه بالمعلومات اللى بتكتبها كل مره
بس أنا كنت عاوزه أقول حاجه للى يتمنوا إن الموضوع يتثبت وأنا أولهم نفسى يتثبت علشان ندخل عليه على طول من المواضيع المثبته مش ندور عليه فى المواضيع لما ينزل لو كذا موضوع اتكتب جديد
إيه الملاحظه بقى
إننا ماحدش فينا بيقيم الموضوع والتقييم ده من فوق على شمال الصفحه كلنا (اللى عاوز يثبت الموضوع) ندخل ونقيم بممتاز متهيألى هو ده اللى هيثبت الموضوع لأنى لاحظت إن تقييمه 1% إلى 2% فيمكن لو قيمناه ممتاز يتثبت يارب يتثبت لأنه بيفيد الموجودين وهيفيد اللى هيدخلوا بعد كده إن شاء الله وأنا أول واحده هقييم الموضوع بممتاز ويارب دى تكون الطريقه وبكده نضمن إنه هيتثبت لأن كل اللى بيقرأ الموضوع بيثنى عليه جدا إن كان مبتدء أو له خبره وأنا آسفه على الإطاله

السلام عليكم ورحمة الله وبركاته
بجد الادارة لازم تثبت الموضوع دة لانة قيم جدا و بعدين على فكرة يا لبنى انا ممكن ادخل على الموضوع دة عن طريق زرار موجود فى الصفحة الرئيسة اسمة مواضيع مشترك بها ودة برضة التثبيت بيكون افضل بكتيييييييير

**lobna_yaseen** · 29-05-2010 11:15 AM

المشاركة الأصلية كتبت بواسطة magid1010

السلام عليكم ورحمة الله وبركاته
بجد الادارة لازم تثبت الموضوع دة لانة قيم جدا و بعدين على فكرة يا لبنى انا ممكن ادخل على الموضوع دة عن طريق زرار موجود فى الصفحة الرئيسة اسمة مواضيع مشترك بها ودة برضة التثبيت بيكون افضل بكتيييييييير

هو فين الزرار ده دورت عليه أول ماقرأت مشاركتك ومش لاقياه قصدك الصفحه الرئيسيه قبل ماتدخل المنتدى التعليمى ولابعد ماتدخل معلش الواحد لسه فاطر فول فاستحملنى شويه وقولى تانى على مكانه
وهو صحيح إحنا ماينفعش نبعت رساله للإداره ونطلب تثبيت الموضوع ؟ ولو ينفع نبعتها إزاى
وياريت اللى يعرف إيه اللى بيثبت الموضوع يقول أيه الخطوات

**magid1010** · 29-05-2010 03:25 PM

المشاركة الأصلية كتبت بواسطة lobna_yaseen

هو فين الزرار ده دورت عليه أول ماقرأت مشاركتك ومش لاقياه قصدك الصفحه الرئيسيه قبل ماتدخل المنتدى التعليمى ولابعد ماتدخل معلش الواحد لسه فاطر فول فاستحملنى شويه وقولى تانى على مكانه
وهو صحيح إحنا ماينفعش نبعت رساله للإداره ونطلب تثبيت الموضوع ؟ ولو ينفع نبعتها إزاى
وياريت اللى يعرف إيه اللى بيثبت الموضوع يقول أيه الخطوات

السلام عليكم ورحمة الله وبركاته
شوفى يا لبنى الزرار دة موجود فى الصفحة الرئيسية و فى القسم التعليمى كمان تلاقية فوق خالص اول الصفحة جنب زراير قوانين النتدى و المشاركات الجديدة و face book ولوحة التحكم تحت صورة العربية اللى موجودة اول الصفحة

خلاص اقولك اعزمينى على ساندويتش فول بالتقلية و انا اجيلك اشاورك علية

**kemoelord** · 29-05-2010 04:13 PM

بحد موضوع هايل جداااااااااا والله جزاك الله كل خير يا استاذ حسين وانا هو بسوق من سنتين وفي حاجات اول مره اسمع عنها واتعلمتها من الموضوع هنا , ربنا يكرمك

**sara2001** · 29-05-2010 08:50 PM

المشاركة الأصلية كتبت بواسطة lobna_yaseen

الموضوع ياأستاذ حسين بجد تحفه فنيه وكل يوم بيزيد أهميه بالمعلومات اللى بتكتبها كل مره
بس أنا كنت عاوزه أقول حاجه للى يتمنوا إن الموضوع يتثبت وأنا أولهم نفسى يتثبت علشان ندخل عليه على طول من المواضيع المثبته مش ندور عليه فى المواضيع لما ينزل لو كذا موضوع اتكتب جديد
إيه الملاحظه بقى
إننا ماحدش فينا بيقيم الموضوع والتقييم ده من فوق على شمال الصفحه كلنا (اللى عاوز يثبت الموضوع) ندخل ونقيم بممتاز متهيألى هو ده اللى هيثبت الموضوع لأنى لاحظت إن تقييمه 1% إلى 2% فيمكن لو قيمناه ممتاز يتثبت يارب يتثبت لأنه بيفيد الموجودين وهيفيد اللى هيدخلوا بعد كده إن شاء الله وأنا أول واحده هقييم الموضوع بممتاز ويارب دى تكون الطريقه وبكده نضمن إنه هيتثبت لأن كل اللى بيقرأ الموضوع بيثنى عليه جدا إن كان مبتدء أو له خبره وأنا آسفه على الإطاله

انا دوست على تقييم طلع 1% الى 2% برده وظهر لي رساله ان انا قيمته قبل كده مش عارفه ازاي
هو في طريقه تانيه لتقييم الموضوع غير كده

**sara2001** · 29-05-2010 09:00 PM

معلشي يا استاذ حسين حضرتك تعبت مننا
معنى كلام حضرتك ان الأفضل مفيش ولا جزء من العربيه يظهر علشان كده الرؤيه تكون اوضح وفي نفس الوقت تقلل المنطقه العمياء