الموضوع: تجربة قيادة :: كيا سيراتو ::

المشاركة الأصلية كتبت بواسطة formulator

-

اممممممممممممممم, أوتوماتيك و"كاسيت"؟؟!!!
أكيد مش قصدك عـ البرافو؟؟ يا اما حضرتك بقى ماتعرفش؟؟؟!!
عموما اقل فئة دلوقتى بـ160 ألف Pkg5, واللى بعدها بـ173 ألف pkg6..

هقولك بس على الأوبشنز اللى أكيييييييييد الكورى مايعرفهاش (لا سيراتو ولا الانترا الجديدة):
- Re-configurable Multi-fucntion Display كفاية عرض ضغط التربو وكمية الباور المستخدمة دى.
يا كبير دى عربيه تربو لازم تنزل بعداداتها .و الا مكنتش تبقى عربيه اصلا .لكن عربياتنا مفهاش تربو فاكيد مش محتاجين عداد ضغط تيربو
و عموما عداد التيربو مش غالى يعنى ههههههههههه .

- Cruise Control موجود فى السيراتو و الالنترا ال 2000 و ال 2400 سى سى
- Cornering Fog-Light مش موجود بس اضائى الفوجات بتفرش على الجوانب كويس جدا .
- Follow Me Home
- City Parking Power-Assist الكلام ده عشان الركنات الصعبه اوى و مش هتفرق كتير مع السواق القديم .و عندنا بديل الكاميرا و الحساسات الباركينج بتقضى المهمه .
- Bi-Xenon Headlights بيركبلها زينون عادى جدا .بس هى اضائتها كويسه جدا و مش محتاجه اصلا .
- TPMS حساس عـ الجنط من جوا, يقولك عجلة نايمة.. عجلة ضغطها زيادة موجود فى السيراتو ال 2000 و ال 2400 سى سى .
- Bi-Zone Climate Control (بالمناسبة انتو عندكو تكييف ورا فـ السيراتو ولا لأ).. التكييف فى السيراتو قوى جدا و ممتاز و بيقضى المهمه و بيسقع الكابينه كلها .
وطبعا مش هتكلم فـ USB وبلوتوث والكلام الفاضى ده.. ولا هتكلم فـ أيرباجز وأمااااااان وكده.

و مش هنتكلم على الجى بى اس و الديفيدى و الا السوند سيستم اللى فى الكوبيه و لا ال ESP و لا الكاميرا الخلفيه و لا البلوتوث و الملتى فنكشن و الايرباجز و السيراتو اخدت 4/ 5 فى اختبارات اليورو يعنى كلها امان و بتنزل ب 10 ايرباج.
و على فكره السيراتو برا بتنزل ببور و بنزين كهربا .

ياعم لما السيراتو تنزل بـ فوانيس Lensــات (مش هقول زينون), ومثبت سرعة الأول, ابقى تعالى كلمنى..؟؟!!! هههههههههههههه

على فكره انت متحامل اوى على السيراتو
للمعلومه :
السيراتو بتنزل بمثبت سرعه و حساسات ضغط فى الكوتش بتبين انها عجله نايمه او لا .
و السيراتو بتنزل بفوانيس ليدات و السيراتو نزلها فوانيس لينسيس و ليدات و زينون .

السيراتو السيدان و الكوبيه ليهم دلوقتى كذا شكل فى الفوانيس المتعدله عدسات و ليدات امامى و خلفى .
بعض المواصفات اللى انا قايلها بتنزل برا مصر زى مثبت السرعه و حساس ضغط الكوتش
و الباقى موجود فى مصر فى الخليجى .
مشكور على المعلومات القيمه فى تسويق الفيات .
و لكن.
مش كل المصريين شباب او بيفهموا فى السواقه او عيشين عشان العربيه و خلاص.
و عشان كده لما تلاقى عربيه زى السيراتو و الالنترا مقطعه الدنيا عشان مليانه اوبشنز و شكلها تحفه بجد و خلاص غطت على اليابانى و حجات تانيه و كمان سعرها رخيص باكتر من 50 ل 80 الف جنيه .اكيد هتشترى السيراتو اللى بتبدا من 95 لحد ال 135 و مش هتشترى الفيات اللى بتبدا من 160 الف لحد 173 الف .
و كمان تيجى لقطع الغيار المنتشره و اسعارها رخيصه و مراكز كتير بتفهم فيها .غير الفيات اسعار نار و محدش بيفهم فيها غير توكيلها و كمان قطع غيار مش موجود كتير منها .
هو طبعا الغالى تمنه فيه و لكن مش كل الناس تقدر على الغالى .
و لكن الناس عوزه تركب احلى و ارخص و اجمد عربيه باقل فلوس و سعر اعادة بيع و خلافه و فى نقط كتير مش عوزين نتكلم فيها .
و هى دى المعادله اللى حققها الكورى .عشان كده اكل السوق و حلى بيه .

المشاركة الأصلية كتبت بواسطة M.Akef

بالنسبه للؤبل ولله حصلت ادامي و بيكون فاتح كبتها عشان يبردها و صديق لي كان معاه اوبل 2000 2.0 و بردو كان عنده نفس المشكله و غير وش سلندر كزا مره في الحر العربيه بتمسك حراره جامد و دي نقطه كتير جدا عرفها عن الفكترا !!

ياباشا الفكترا B حاجة, والفكترا C/أسترا H حاجة تانى خااااااااااالص..؟!!

مع العلم ان مشكلة السخونة دى GM/Opel حلتها تماما فـ مواتير الـEco-TEC حتى فى الفكترا B2 موديلات 2002-2004.
(يعنى مش بس فـ الجديد, وأكيد الأسترا J والـinsignia بديلة الفكترا طبعا)..

عن الجتا انا مسقتهاش ابل كدا لكن كتير اتكلم هنا في المنتدي من ملاكها ان عفشتها نشفه جدا و زي ما حضرتك عارف موتورها ضعيف جدا و ده كله ب205 الف يا بلاش ولله :))

قد تكون الجيتا HighLine بالجنط الـ17" عفشتها أنشف سيكا من التجهيز الأقل بالجنط الـ16"
لكن ده مش معناه على الأطلاق ان عفشتها ناشفة..؟؟!!!

أصلا عفشة الجولف-جيتا 4-Link (ملتى-لينك) دى تعتبر الـBenchmark بتاع الفئة دى (هى والفوكاس), فى الثباااااااااااات + النعومة..!!!

المشاركة الأصلية كتبت بواسطة moha4tec

- Cruise Control موجود فى السيراتو و الالنترا ال 2000 و ال 2400 سى سى
- TPMS موجود فى السيراتو ال 2000 و ال 2400 سى سى .

أهو, هيرجع يكلمنى عن الـ2.0/2.4 اللى مش بينزلوا مصر,

- City Parking Power-Assist الكلام ده عشان الركنات الصعبه اوى و مش هتفرق كتير مع السواق القديم .و عندنا بديل الكاميرا و الحساسات الباركينج بتقضى المهمه .

مفهمتنيش, اللى قصدى عليه الباور الكهرباء, فيه زرار City بيخلى الدركسيون ميه فـ ايدك.. عيل صغنن يلف الدركسيون Lock-to-Lock فـ ثوانى..
عشان كده بنتكلم فـ الباور الكهرباء, لما يكون معمول صح الصح.. (من اللى اخترعوه).

- Bi-Xenon Headlights بيركبلها زينون عادى جدا .بس هى اضائتها كويسه جدا و مش محتاجه اصلا .

هنقعد نقول بيركبلها, أى عربية فـ مصر.. ينفع يتركبلها أى حااااااااااااااجة..؟؟!!!
المهم هى بتنزل بأيه Standard و أوبشنز؟؟؟!!

و مش هنتكلم على الجى بى اس و الديفيدى و الا السوند سيستم اللى فى الكوبيه و لا ال ESP و لا الكاميرا الخلفيه و لا البلوتوث و الملتى فنكشن و الايرباجز و السيراتو اخدت 4/ 5 فى اختبارات اليورو يعنى كلها امان و بتنزل ب 10 ايرباج.

ياباشا دى أوبشنز تشد الزبون اللى بتغريه الحاجات دى, ومش interested بالأداء؟؟!!!
لكن ولا تفرق مع واحد سواق.. Enthusiasm بيدور على ركوبة, وسواقة رياضية أو عربية Fun-to-Drive..
السواقين بيشجعوا, واحنا معاهم.

و على فكره السيراتو برا بتنزل ببور و بنزين كهربا .

أيـــــــــــــه ده؟؟!!!
هو كل الأوبشنز اللى بتكلمنى فيها دى,
وفـ الآخر يطلع دواسة البنزين فـ السيراتو مش كهرباء؟؟؟!!!!!!
يعنى الـThrottle مش Electric؟؟ أنت متأكد انها wire مش Electronic-Throttle Body..؟؟؟!!

و لكن الناس عوزه تركب احلى و ارخص و اجمد عربيه باقل فلوس و سعر اعادة بيع و خلافه

هههههههههههههههههههه
لا لأ, "أجمد" دى فيها كلااااااااااااااام كتييييييييييييير أوى؟؟!!!
أجمد فـ أيه بالضبط, أكيييييييييييييد مش صنعة ولا كفاءة ولا تكنولوجى ولا سواقة طبعا..؟؟!!!