الموضوع: ماذا تفعل اذا صدمت شخص بسيارتك ؟؟( تجربة واقعيه )

أرسل أصلا بواسطة hesham_tawfiq
انا حصل معايا موقف شبه دا بس كانو اتنين عيال من الشباب الساقع شويتين بس يظهر مكانوش شافو بعض من مده طويله ييجى نص ساعه كده ولا حاجه وقفو يسللمو على بعض ويبوسو بعض وهاتك يا احضان فى نص الشارع بالظبط وانا من اكتر من 150 متر عمال ازمرلهم واهدى سرعه واقللب نور ولا هما هنا . روحت واخد قرار شيطانى مش صحيح بس هما يستاهلو .
خبطتهم بجنب العربيه وسيبتهم ومشيت.
ومع ذلك كان دمى محروق جدا حتى بعد ماخبطتهم

نفس الموقف من عدة أيام
4 شباب عاملين فيها شجعان و الرصيف كان فاضي تماما .......... و أقصد رصيف واسع و فاضي
و ماشيين بعرض الشارع
و أنا جاي من على حوالي 500 متر و أزمر ............ مفيش فايدة
روحت دايس بنزين ............. راحوا جريوا زي المعيز لما لاقوني عامل عبيط بس كان منظرهم يضحك و هما بيجروا قدام العربية يمين وشمال

و بعد ما عديت منهم وقفت ....... و بقولهم ينفع كدا يا شباب تسيبوا الرصيف و تمشوا في وسط الشارع

أنت هاتدوسنا ............ أنت ما بتشوفش
طبعا أنا رحت طالع فيهم
و هزئتهم .............. تمام و رحت سايبهم و ماشي
بس ده يدل على أيه ؟؟؟؟؟؟

على إننا في ج ع ع بإقتدار

نفس الموقف من عدة أيام
4 شباب عاملين فيها شجعان و الرصيف كان فاضي تماما .......... و أقصد رصيف واسع و فاضي
و ماشيين بعرض الشارع
و أنا جاي من على حوالي 500 متر و أزمر ............ مفيش فايدة
روحت دايس بنزين ............. راحوا جريوا زي المعيز لما لاقوني عامل عبيط بس كان منظرهم يضحك و هما بيجروا قدام العربية يمين وشمال

و بعد ما عديت منهم وقفت ....... و بقولهم ينفع كدا يا شباب تسيبوا الرصيف و تمشوا في وسط الشارع

أنت هاتدوسنا ............ أنت ما بتشوفش
طبعا أنا رحت طالع فيهم
و هزئتهم .............. تمام و رحت سايبهم و ماشي
بس ده يدل على أيه ؟؟؟؟؟؟

على إننا في ج ع ع بإقتدار

والله حركة جامده جدا هههههههههههههههههههه

الى يخبط حد يطلع يجرى طبعا مش عاوزة تفكير

بس لو سبتة ضميري هيانبني طول حياتي
؟؟
خصوصا لو عرفت انو مات بعدها ممكن اموت من تانيب الضمير والحسرة ؟؟

أنا حضرت موقف لتاكسى خبط شاب صغير و كنت شايف ان التصرف اللى حصل فيه تصرف صح و أعتقد هو دة اللى المفروض يتعمل فى المواقف المماثلة ... كنت سايق على الكورنيش و فى منطقة سيدى جابر عند الملف ... الحتة دى لمن لا يعرف كورنيش اسكندرية الطريق فيها عرضه واسع جداً و العربيات بتكون طالعة من كوبرى ستانلى مروراً برشدى و واخدة سرعة عالية جداً (اعتقد محدش سرعته بتقل عن 80 فى الحتة دى) و اللى بيفكر يعبر الطريق من المكان دة يبقى بجد بينتحر خاصةً ان فى نفق مشاة معمول فى الحتة دى يعنى محدش عنده حجة ....

المهم كنت ماشى و لقيت الطريق فجأة اتزحم جداً فى المنطقة دى و لقيت تاكسى خابط شاب صغير و الولد مرمى على الأرض و واضح ان الحادثة كانت حاصلة منذ أقل من دقيقة ... الموقف من غير ما تفكر فيه واضح ان الولد هو الغلطان بدون شك لأنه عنده نفق مشاة على بعد خطوات منه و الطريق واسع جداً و العربيات سريعة جداً ... يعنى لو عنده ذرة من العقل كان لازم يعدى من النفق ... ركنت على جنب و روحت لسواق التاكسى اللى كان منهار و كان فى ناس تانية برضو نزلوا من عربياتهم و راحوله ... الراجل كان بيحلف ان الولد رمى نفسه قدام التاكسى و كان بيعدى بجنون و الناس اللى شافوا الحادثة أجمعوا على كدة ...

اللى حصل اننا اتفقنا مع السواق و سيبناله أرقام موبايلاتنا سجلها عنده و واحد اتصل بالاسعاف و بصراحة الاسعاف وصلت فى خلال أقل من 5 دقايق (انا كنت مش مصدق بس عرفت بعد كدة ان حوادث الكورنيش بالذات الاسعاف بتوصل فيها بسرعة جداً فعلاً) ... التمارجية شالوا الولد على نقالة و أخدوه فى الاسعاف و سجلوا نمرة التاكسى، و السواق راح معاه بعض اللى كانوا موجودين على القسم و أنا مروحتش معاه لأن المدام كانت معايا و كنا متأخرين لكن سبتله رقم تليفونى ... هو ما اتصلش بعد كدة فأعتقد انه غالباً محصلهوش مشكلة و الا كان اتصل يطلبنى كشاهد ... الناس اللى بتقول لو خبطت واحد و كان غلطان سيبه و اجرى اتحداهم انهم يقدروا يعملوا كدة لو اتحطوا فى الموقف دة بجد ... ببساطة شديدة رغم ان الولد هو الغلطان مش السواق و رغم ان مش أنا اللى خبطته لكن أنا كانت ركبى سايبة طول السكة بعد كدة و مش قادر أركز فى السواقة عشان فعلاً المنظر بيبقى صعب فما بالك لو أنا اللى خبطته كنت حأبقى عامل ازاى؟؟؟

لكن أعتقد ان التصرف اللى حصل فى الحادث مضبوط و الخلاصة هى الآتى ... لو كنت سايق عربيتك و خبطت حد حتى لو المخبوط هو الغلطان متجريش و تسيبه و لكن اطلب الاسعاف و استنى لحد ما تيجى و ما تحاولش تحرك المصاب أصلاً عشان لو عنده كسور ما تزودش المشكلة و خد ارقام تليفون الناس اللى حتبدى استعدادها للشهادة و طبعاً لازم تحاول تاخد معاك شاهد أو اتنين على الأقل ... أكيد الموضوع مش حيمشى سلس 100% لكن انت كدة حتكون أخدت كل احتياطاتك و عملت اللى عليك و لو إتأذيت يبقى دة ابتلاء من ربنا عشان يشوفك حتصبر على الصح و لا حتهرب و أكيد ربنا حينجيك لو نيتك خير

"أَحَسِبَ النَّاسُ أَن يُتْرَكُوا أَن يَقُولُوا آمَنَّا وَهُمْ لَا يُفْتَنُونَ (2) وَلَقَدْ فَتَنَّا الَّذِينَ مِن قَبْلِهِمْ فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَاذِبِينَ (3)" -- سورة العنكبوت