القواعد الذهبية لاختيار زيت العربية.... موسوعة مبسطة لأساسيات زيوت المحركات

**borio1704** · 27-11-2014 09:58 AM

المشاركة الأصلية كتبت بواسطة abdullahsamir

ياباشا ألف شكر على المعلومات وردك السريع, ربنا يخليك. بس انت مش شايف إن لزوجة ال 5w-30 قلقية شوية لحماية الماتور على المدى الطويل بالنسبة لطقوس الجو في مصر؟ طبعا بإعتبار إنهم حاطين 5w-30 عشان مناسب أكتر لظروف الجو في أوروبا. ولا أخليني بردو ماشي مع الكاتالوج(5w-30)؟

شكرا!

خليك ماشي مع الكتالوج

الـ5w-40 ده بتاع مواصفة vw 502/505

وعلى فكرة.. أنا عايش في السعودية... وبحط زيت 5w-30.. وعنديش أي مشاكل.

...

**borio1704** · 27-11-2014 02:56 PM

المشاركة الأصلية كتبت بواسطة drmimi

سؤال بسيط وهو اول مشاركه بمنتداكم الرائع
عربيتي اسكودا فيفوريت94 ايه افضل زيت ليها صيف وشتا؟؟؟

أهلا وسهلا بيك معانا.. وإن شاء الله تستفيد وتفيدنا كمان :)

الكلام اللي تحت ده اقتباس من المشاركة رقم 167 في نفس الموضوع بتاعنا هنا.

المشاركة الأصلية كتبت بواسطة borio1704

حضرتك اللي تقولنا :)

أنا عملت الموضوع ده بهدف إننا نبعد عن ماركة زيت بعينها ونتجه للبحث في مواصفات الزيوت .. ﻹن هي الفيصل الحقيقي في أداء الزيت

ببساطة.. افتح كتالوج عربيتك.. وادخل على قسم الصيانة وافتح صفحة الزيوت... هتلاقي كل اللي بنتكلم عليه...

وبعد كده... انزل على اقرب محطة بنزين واتعرف على عبوات الزيوت وحاول تعرف الفروق ما بينهم من ناحية تصنيف الapi تحديدا.. لإن ده التصنيف اللي أكيد هتلاقيه مكتوب على العلبة

آخر ملحوظة... تصنيف الapi غالبا بيبقى مكتوب على ظهر العلبة.

وعلشان أساعدك أكتر...
تقدر تنزل كتالوج العربية من هنا:
ŠKODA Favorit - Owner's manuals - ŠKODA

هو للأسف بالبولندي... بس صفحة الزيت فيه رقم 65 وفيها كل اللي حضرتك بتسأل عنه.

...

**abdullahsamir** · 28-11-2014 12:32 AM

المشاركة الأصلية كتبت بواسطة borio1704

خليك ماشي مع الكتالوج

الـ5w-40 ده بتاع مواصفة vw 502/505

وعلى فكرة.. أنا عايش في السعودية... وبحط زيت 5w-30.. وعنديش أي مشاكل.

...

تمام أنا لسه مشتري زيت Mobil 1 ESP Formula وهروح بكرة التوكيل أعمل الصيانة, وإن شاء الله هحاول أعمل تقرير عن الزيت طبقا للمواصفات الي مكتوبة عليه.

**a7med ezz 20** · 30-11-2014 02:49 PM

انا لسة شاري عربية هايما فاملي موديل 2008 ، هي عربية صيني بس بموتور ماذدا 1600 cc ، صاحبها اللي جبتها منه ميعرفش يعني ايه زيت معدني او تخليقي ، فبتالي هو ميعرفش كان بيغير زيت نوعه ايه ، العربية ماشيه 92 الف كيلو ، الموتور بحالة جيدة جدا من حيث الاستخدام ، ومتصلحش فيه حاجة قبل كدا خالص ، تنصحني احط زيت ايه ، ولو هو كان بيحط معدني وانا حطيت تخليقي بعديه هيحصل مشكلة ، اتجنب كل ده ازاي عشان احافظ علي الموتور ، هل في نوع زيت احطه الاول بعد كدا احط التخليقي ، المشكلة كمان اني مش لاقي الكتالوج بتاع العربية فمش عارف هما ناصحين بايه . معلش طولت عليك بس لاني محتار اوي فالموضوع ده وحدش عارف يفدني

**borio1704** · 30-11-2014 08:07 PM

المشاركة الأصلية كتبت بواسطة a7med ezz 20

انا لسة شاري عربية هايما فاملي موديل 2008 ، هي عربية صيني بس بموتور ماذدا 1600 cc ، صاحبها اللي جبتها منه ميعرفش يعني ايه زيت معدني او تخليقي ، فبتالي هو ميعرفش كان بيغير زيت نوعه ايه ، العربية ماشيه 92 الف كيلو ، الموتور بحالة جيدة جدا من حيث الاستخدام ، ومتصلحش فيه حاجة قبل كدا خالص ، تنصحني احط زيت ايه ، ولو هو كان بيحط معدني وانا حطيت تخليقي بعديه هيحصل مشكلة ، اتجنب كل ده ازاي عشان احافظ علي الموتور ، هل في نوع زيت احطه الاول بعد كدا احط التخليقي ، المشكلة كمان اني مش لاقي الكتالوج بتاع العربية فمش عارف هما ناصحين بايه . معلش طولت عليك بس لاني محتار اوي فالموضوع ده وحدش عارف يفدني

والله فعلا مشكلة بجد موضوع الكتالوجات اللي بتضيع دي... تقولش يعني حرام أدي كتالوج العربية للي هيشتريها مني؟؟

سبحان الله

المشكلة إن حتى كتالوج المازدا فاميليا 1997-2003 مش موجود على النت ببلاش

على العموم.. أنا عرفت أنزل كتالوج المازدا 3 موديل 2004.. وأعتقد إن المواصفات ما تختلفش كتير

Owners Manual | Mazda Vehicle Manuals | Mazda Canada

المشكلة إن الكتالوج معمول لعربيات أمريكا

لزوجة الزيت الموصى بيها في الكتالوج هي 5w-20 بس.. ومفيش لزوجات تانية...
وكود الـAPI على الأقل يكون SL .. مع مراعاة إن الزيت يكون موفر في الطاقة Energy Conserving

طبعا... مش هتلاقي لزوجة الـ5w-20... وأعتقد إن أنسب لزوجة في الحالة دي هي 5w-30

الحاجة التانية اللي تاخد بالك منها إن كود الـACEA يكون A5 أو A1 ... لإن الأكواد دي هي الموفرة في الطاقة... وأنا شخصيا بفضل الـA5 بدون شك.

على فكرة... ممكن قوي يكون كتالوج العربية الأصلي مش طالب كل المواصفات دي... بس احنا بنشتغل على حسب المتاح قدامنا.

ورأيي.. زن على دماغ الراجل اللي باع لكم العربية لحد ما يجيب لكم الكتالوج.. أو شوف لو موجود في التوكيل أو يجيبوه من الصين.

...

**Esmat mousa** · 05-12-2014 05:12 PM

انا عندي استفسار عن انا بجرب دلوقتي شيل الجديد الفضي بس api طلعت مش مناسبه للمتور الكاتلوج عندي api SJ/sl فهل في فرق و الزيت الوحيد اللي كل مواصفات متطابقة من اللزوجة و api هو موبل 0w40 فهل ارجعله تاني مع العلم ان السيارة هوندا HRV 2005 والعربية عامله 158 الف

شكرا

**abdullahsamir** · 09-12-2014 10:18 PM

سؤال تاني معلش, هل يوجد فروق في السحب أو كتمة في المتور بين 5W30 و 5W40, عشان واضح إن مواصافات العربية VW 502 Fixed Service Interval و VW 504 Long Term Service Interval وانا كدا كدا مش لائي Castrol 5W30 و كلهم بيقولو بطل ينزل و مفيش غير 5W40 في Castrol.

معلش أستحملني أنا عارف إني صدعتك