القواعد الذهبية لاختيار زيت العربية.... موسوعة مبسطة لأساسيات زيوت المحركات

**borio1704** · 24-04-2015 10:03 PM

المشاركة الأصلية كتبت بواسطة wesam elmansy

انا سيارتى زيرو سوزوكى سويفت ديزاير 2015 موتور 1200 cc
87 حصان موتور vvt عملت صيانه الف فى شهر ديسمبر اللى فات و لطبيعه ظروف شغلى العربيه مشيت 1100 كيلوا بس فى 4 شهور و ناوى اغير الزيت المعدنى اللى فيها توتال كوارتز 5000 لزوجه 20/50 الى زيت تخليقى xado زادو اكسترا درايف تخليقى بالكامل لزوجه 5/40
السؤال لو الزيت فضل فى العربيه اكتر من 6 شهور بيتاكسد و خاصه المعدنى فانا مثلا استهلاكى فى 6 شهور لن يتعدى 2000 كيلو ؛
ايه افضل وقت اغير الزيت المعدنى بزيت تخليقى بعد 6 شهور او بعد كام كيلوا علما بان عداد العربيه من الزيرو 2100 كيلوا بس و مشيت على الزيت التوتال 1100 كيلوا بس فى 4 شهور ؟

هل فى ضرر على العربيه الجديده لو حطت زيت معدنى 5000 كيلوا و غيرت بعد 2000 كيلوا لزيت تخليقى و هل الزيت التخليقى لازم يتغير بعد سنه او 10000 كيلوا و ايه موضوع الاكسده؟

أولا.. مبروك على العربية.. وربنا يباركلك فيها..

بشكل عام... الزيت التخليقي ميزته الأساسية في طول عمره... بالإضافة إلى تقليل التآكل اللي بيحصل في بداية التشغيل (وده أكتر وقت بيحصل فيه تآكل للموتور).

بالنسبة لحضرتك... مش هقدر أوصي بأي نوع زيت قبل ما أشوف الكتالوج بيقول إيه الأول في موضوع الزيوت ده... ما تنساش إن دي أول قاعدة ذهبية لاختيار الزيت.

لو تقدر ترفع لنا صورة صفحة الزيت من الكتالوج هيكون أفضل بكتير ونقدر نتكلم بشكل علمي وعملي.

ونصيحة مني كمان... يا ريت تقرا الموضوع ده:
http://www.nilemotors.net/Nile/434256-a.html

...

**monamize4** · 28-04-2015 10:21 PM

بعد اذنك يابشمهندس عندى كام استفسار ,,

- هل الزيوت ليها فترة صلاحية زمينة من بداية نزولها ف الموتور ?
يعنى لو العربية بتستخدم زيت معدنى وبتمشى ف اليوم 10-15 كيلو يبقى كدا هيعدى
على الزيت سنه و مش هيكون كمل 4 الاف كيلو ,, يتغير و لا نستنى عادى لحد 5 الاف كيلو ?

- ف التغير من زيت معدنى من اى ماركة لزيت معدنى ماركة تانية ,, هل لازم نستخدم flush ?

- ايه رأيك ف التغير من شل الاصفر لكاسترول ماجنتك 10-40 part-synthetic
لعربية بومة عاملة 100 الف كيلو ماشية على زيت معدنى ?

**monamize4** · 29-04-2015 08:48 PM

اجاباتك ماشاء الله وافيه ياباشمهندس ,, ربنا يجعله ف ميزان حسناتك

هو شل الاصفر HX5 15W-50 API SL/CF ACEA A2/B2
اما الكاسترول Magnatec 10W-40 API SM/CF ACEA A3/B4

درجتين اللزوجة دول (15-50 و 10-40 ) موجودين ف الكتالوج ,,
لكن كود ال ACEA بتاع شل (A2/B2) مش موجود من ضمن اختيارات الكتالوج

العربية2009 و ماشية على شل و عاملة 100 الف كيلو لكن حاليا استخدامها قل و بقت تمشى حوالى 15 كيلو
كل يوم بس كلهم ف الزحمة (ماغيرتش ابدا جوانات ولا أويلسيلات ),, رأيك التغير لكاسترول هيبقى مفيد ?
و لا نكمل شل بس ننزله كل 3 شهور (للاسف جدول الصيانة مش موجود )

**borio1704** · 08-05-2015 05:40 PM

المشاركة الأصلية كتبت بواسطة monamize4

اجاباتك ماشاء الله وافيه ياباشمهندس ,, ربنا يجعله ف ميزان حسناتك

هو شل الاصفر hx5 15w-50 api sl/cf acea a2/b2
اما الكاسترول magnatec 10w-40 api sm/cf acea a3/b4

درجتين اللزوجة دول (15-50 و 10-40 ) موجودين ف الكتالوج ,,
لكن كود ال acea بتاع شل (a2/b2) مش موجود من ضمن اختيارات الكتالوج

العربية2009 و ماشية على شل و عاملة 100 الف كيلو لكن حاليا استخدامها قل و بقت تمشى حوالى 15 كيلو
كل يوم بس كلهم ف الزحمة (ماغيرتش ابدا جوانات ولا أويلسيلات ),, رأيك التغير لكاسترول هيبقى مفيد ?
و لا نكمل شل بس ننزله كل 3 شهور (للاسف جدول الصيانة مش موجود )

زي ما قلت لحضرتك.. فعلا دي أول مرة أعرف مواصفات شل الأصفر

والحقيقة أنا اتفاجئت جدا لما لقيت كود الـacea بتاعه a2/b2 ... لإن الكود ده اتلغى من سنة 2004... واتمنع في أوروبا من سنة 2006 !!!!!!!

عموما... زيوت الـa2 مستواها أقل من a3 .. لإن a3 يفترض إنه طويل العمر.. على عكس الـa2.

في الحالة دي... أنصحك بـ"كاسترول ماجناتك 10w-40".. مواصفاته أحسن في كل حاجة... خصوصا إن مواصفة الـa2 (بتاعت الشل) مش مذكورة في الكتالوج.

وتقدر تقعد عليه لحد 6 شهور.. لإنه على حسب علمي نصف تخليقي.

...

**Marwa Galal** · 11-06-2015 02:54 AM

معلش ياجماعة انا عندي سؤال انا عندي عربية 128 كنت باحطلها زيت التعاون اللي بيتغير كل الف كيلو وبعدين بقيت باحطلها الشيل الاحمر اللي حاطه صورته ده اول مرة قعدت بيه 5000 كيلو وبعدين الراجل قالي ده بيقعد 3000 بس هو كان كويس ولزوجته ولونه كويسين وانا كنت متابعاه كل فترة انا مبمشيش بالعربية كل يوم بس باسافر بيها من اسكندرية للقاهرة مرتين في الشهر مثلا غير المشاوير العادية فهل الزيت ده كويس ولا اغيره؟!