الموضوع: مشكلة غريبة بسيارة باسات b5.5

المشاركة الأصلية كتبت بواسطة عمرعبدالله

نصائح قيمة .. بعد موضوع التسارع المفاجئ دا ترجح تكون المشكلة ايه يابااشمهندس ؟

أعمل تنظيف لدورة الوقود كاملة عن طريق العبوات المخصصة لهذا الغرض مع ملاحظة انك هتركب فلتر بنزين جديد قبل ما تضع منظف دورة البنزين و بعد ما تخلص البنزين المضاف اليه المنظف هتركب فلتر تانى جديد و ...إلا الرواسب فى القديم هتزيد الطين بلة

ايضا لا تبرىء الزيت القديم تماما لان عندك مشكلة اتحلت الخاصة بالدخنة البيضا و دى تستلزم عمل تنظيف لبوابة الهوا لانها اكيد امتلأت زيوت و الزيوت دى لها تاثير سلبى على حساس الهوا (الأيدل)

المشاركة الأصلية كتبت بواسطة عمرعبدالله

اللي كنت بستعمله هو 0w-40 وكان شغال تمام ومرة او اتنين استخدمت زيت تويوتا 5w-40 بدون مشاكل بس دي اول مرة اجرب فيها الزيت الاماراتي وإن شاء الله اخر مرة .
على فكرة موبيل 1 0w-40 مخصص لخمستاشر الف كيلو بس انا بغيره في عشرة او اتناشر بالكتير .
دلوقتي الكتاب مش معاي بس إن شاء الله لما ارجع البيت حاصور كل الصفحات اللي ليها علاقة بموضوع الزيت

بعد وضعك لصوره جدول اللزوجات لجميع درجات الحراره الخارجيه .. كده حتكون معلومات الزيت المطلوب كامله

رد المهندس بوريو خبير المنتدى هو الذى سيوضح الكلام الفيصل النهائى فى الموضوع ده ( بخصوص الزيت اللى انت اخترته )

السلام عليكم يظهر ان الموتور ودع بحق وحقيقة.. اليوم المساء وبعد مشوار قصير بالسيارة بدا العزم يضعف جدا والار بي ام يعلى وينزل وطبعا مع صعوبة في تحريك السيارة طلعت من الطريق لاقرب باركن ياللمفاجأة لقيت الادخنة بتطلع من الكبوت بكثافة والشكمان اتحول لمدخنة .. طفيتها واديتها عشرة دقايق وجيت مشغلها من جديد لقيتها بترج بقوة وتطفي تاني حاولت معاها مرتين تلاتة نفس المشهد اتكرر مع مزيد من الادخنة
فسبتها مكانها وجيت بتاكسي .. عموما قدر الله ماشاء فعل .

انا مالقيتش جدول اللزوجات بالكتيب لكن اهو بحط كل الشويتين الاتقالوا عن الزيت في الكتيب عشان لو حد عند الموديل دا (98-2005 ) ممكن تفيده :

المشاركة الأصلية كتبت بواسطة عمرعبدالله

السلام عليكم يظهر ان الموتور ودع بحق وحقيقة.. اليوم المساء وبعد مشوار قصير بالسيارة بدا العزم يضعف جدا والار بي ام يعلى وينزل وطبعا مع صعوبة في تحريك السيارة طلعت من الطريق لاقرب باركن ياللمفاجأة لقيت الادخنة بتطلع من الكبوت بكثافة والشكمان اتحول لمدخنة .. طفيتها واديتها عشرة دقايق وجيت مشغلها من جديد لقيتها بترج بقوة وتطفي تاني حاولت معاها مرتين تلاتة نفس المشهد اتكرر مع مزيد من الادخنة
فسبتها مكانها وجيت بتاكسي .. عموما قدر الله ماشاء فعل .

ما ترفعش الراية البيضا كدة على طول :)

الموتور 6 سلندر و ألمانى يعنى 200 ألف كيلو لسة فى التليين :)

الكلام اللى انت بتتكلم عليه دا تفويت شديد..... و صعب مع الموتور دا


الموتور المفوت عزمه ضعيف من البداية للنهاية مش بيبتدى يضعف فترة من القيادة

الزيوت و المياه و الوقود الغير محترق بصورة كاملة هى اللى بتضعف عملية الحرق

الأحتمالين اللى انصح حضرتك تشوفهم تانى

عملية تنظيف دورة الوقود بالكامل لان لو فى رشاش مسيل و الرذاذ الخارج منه مش مظبوط هتلاقى الدخنة الشديدة دى او فى حاجة كاتماه هتلاقى العربية تفتح مرة واحدة مع دوس البنزين

الحاجة التانية تغيير حساس الشكمان او على الاقل تفصل الفيشة بتاعته مؤقتا علشان تشوف العيب منه و لا لأ ....لأنه لو بايظ هيعمل الدخنة الشديدة دى برضه بس مالوش علاقة بدوسة البنزين

أنا مستبعد جوان وش السلندر و كاوتش الصباب مؤقتا :) و بناء على وصفك

ان شاء الله ربنا يستر و تكون بسيطه

- الافضل توضح مشيت كام كيلو على الزيت الاماراتى .. و هل بسرعات عاليه جدا ام مشى طبيعى .. علشان الزملاء يعطوك رأى سليم

- يمكن يكون زيت مخزن فى اماكن موش المفروض يروح ليها ( بوابه مثلا او ما شابه ) .. و متنساش ان العربيات الفولكس فيها اكثر من سيستم بيتأثر بنوعيه الزيت ( على ما اظن )

- هل مستوى الزيت نقص بعد الدخان ده ؟؟ ام لا .. و اذا استمرت الدخنه ابقى قيس الزيت على فترات علشان تعرف ده زيت جديد ام زيت من القديم و بيتحرق


- هل حصل معاك اى تغيير للاسوء بعد تنظيف علبه البيئه ؟ و هل حساسات الاكسجين لم تتأثر اثناء التنظيف ؟ و هل مشيت طبيعى بعدها لفتره طويله ؟ .. علشان نستبعد الموضوع ده من اسباب العطل

ان شاء الله خير و تعدى بأذن الله

يعني لسة في امل طيب الحمدلله , إن شاء الله اودي السيارة لكراج محترم وافحص الحاجات اللي قلتولي عليها كلها يا احباب .
الاستاذ المستشار borio حقيقة انت والاستاذ tasaka كفيتوا ووفيتوا فيمايخص موضوع الزيت بس إن شاء الله العربية تصحصح معانا وتاني موضوع الزيت دا حيتزبط باذن الله .
الزيت الاماراتي مشيت بيه اسبوع بس لكن بسرعات عادية .
وارد جدا المشكلة تكون من الوقود لانه الطرمبة والفلتر اتغيروا من فترة قريبة وممكن يكونوا ما اتركبوا صح .
واللي بيعزز الفرضية دي انه عداد البنزين بقى غير دقيق بعد تركيب الطرمبة الجديدة .
جاجرب اقتراخاتكم وارد , ربنا يجازيكم كل خير