الموضوع: مشكلة غريبة بسيارة باسات b5.5

المشاركة الأصلية كتبت بواسطة borio1704

أولا... أنا ميال لتفسير م. أحمد إن الموضوع له ارتباط بدايرة الوقود والإشعال...

وممكن أضيف احتمال زيادة إن ممكن جدا تكون أسلاك البوجيهات (أو فيشة كهربائية أخرى) مش راكبة كويس أو اتحركت من مكانها أثناء تغيير الزيت (علشان كده حسيت بالمشكلة بعد تغيير الزيت).. وأنا شخصيا حصل معايا موقف مشابه في عربيتي القديمة.


أما بالنسبة لمواصفة الزيت المنلسب... فاللي فهمته من صور الكتالوج كالتالي:

حط أي زيت بأي لزوجة بشرط إنه يكون مطابق لمواصفة VW 503.01 .. و"أتوقع" إن اللزوجات المتاحة منه هتبقى 0W-40 و 5W-40 فقط.
ولو ما لقيتش الزيت بالمواصفة دي.. يبقى تحط زيت بلزوجة 5W-40 ومعتمد من الـILSAC بمستوى ILSAC 3
وفي حالات الطوارئ فقط.. تقدر تحط زيت بلزوجة 5W-30 وبمستوى أداء API SH على الأقل لإكمال مستوى الزيت في حالة نقصه. (ده لو ما لقيتش زيت بالمواصفات السابقة).

وطبعا.. تقدر تحط أي زيت بمواصفة VW 504.00 .. وويمنع تماما وضع أي زيت بمستوى أقل في مواصفات فولزفاجن (زي VW 502.00 أو VW 501.00 أو VW 500.00)

والحقيقة زميلنا العزيز tasaka غطى المسألة دي بالتفصيل في ردوده السابقة...تحياتي الخالصة له.


...

استاذ عمر عبدالله .. دى مناقشه عامه غير خاصه بيك .. فقط انا عايز افهم حاجه من المهندس بوريو خاصه بعربيتى

- طيب هنا الكتالوج حدد 5W40 .. و هو حط 0W40 و موبيل بتقول عليه متوافق .. يبقى كده هو خالف الكتالوج

- فى الروابط اللى انا وضعتها للزيوت المتوافقه مع مواصفه عربيته ..
معظمها 0W30 لمواصفه VW 503.01
Volkswagen Oil Standard 503.01 Approved Oils | my-gti.com

و معظمها 5W30 لمواصفه VW 504.00
Volkswagen Oil Standard 504.00 / 507.00 Approved Oils | my-gti.com

هل معنى كده ان فولكس سمحت باستعمال لزوجه اقل .. ام ان المواصفه بتاعه فولكس هى لاشياء فنيه لا تدخل فيها اللزوجه .. و يتم الالتزام بمواصفه اللزوجه المكتوبه فى الكتالوج و هى 5W40 ؟

تحياتى و اعزازى

المشاركة الأصلية كتبت بواسطة borio1704

للأسف حاولت أدخل على الروابط اللي فوق دي بس بيديني "Database error"

بص..

شركات السيارات اللي ليها مواصفة خاصة زي فولزفاجن بتقوللك حط الزيت اللي عليه رقم المواصفة بتاعتها.. ولو عايزة تحدد لزوجة هتحط جدول زي الجداول المعتادة بتاعت اللزوجة ..

والحقيقة إن بعض شركات السيارات بتكتب جملة صريحة في الكتالوج معناها إن "اللزوجة مهمة.. ولكن مواصفات الأداء هي الأهم".. وإن "الأولوية دايما لكود الخدمة".


عموما.. خد بالك كويس من المكتوب في الكتالوج



مكتوب في السطر الأولاني : VW 503.01 , VW 505.01 OR

الكلام ده معناه إن هو ده الأساس.. وهنا ما حددش أي لزوجة مطلوبة..

إمتى حدد اللزوجة؟؟؟ لما الزيت ما كانش متوافق مع مواصفة فولزفاجن.

يبقى هو كده ما خالفش الكتالوج ولا حاجة..


الميزة هنا إن الكتالوج مديك 3 اختيارات..

إما زيت متوافق مع مواصفة فولزفاجن.. أو زيت متوافق مع ILSAC بلزوجة هو محددها.. أو زيت متوافق مع API بلزوجة مختلفة هو محددها بردو (والتالتة دي في حالات الطوارئ فقط).

طبعا هو عامل حساب إن الزيوت بمواصفات فولزفاجن ممكن ما تكونش متوفرة في بعض الأسواق.. خصوصا الأسواق الأمريكية وأسواق الخليج.. لإن العربيات الأوروبية في الأسواق دي قليلة.. وبالتالي تجار الزيوت والتوكيلات ممكن ما تديش أهمية كبيرة لتوفر الزيوت دي.

ورمضان كريم :)


...

رمضان كريم .. صوم مقبول بأذن الله

- فعلا الروابط النهارده لا تعمل .. انا اقتبست منها فى الرد المفصل للزميل عمر


مواصفات فولكس واجن

- فيه رابط لمواصفات فولكس واجن بيوضح المواصفه بأختصار
VW 507.00, VW 504.00, etc: Volkswagen Motor Oil Specifications Explained - oilspecifications.org

- يوجد جدول مواصفات فى منتصف الصفحه للمقارنه بين المواصفات المتعدده

- واضح من الجدول ان بدايات المواصفه سواء للبنزين و هى VW 500.00 او الديزل و هى VW 505.00 .. كان التركيز فعلا على مستوى خدمه الزيت و السماح بأى لزوجه طالما تحقق مستوى الخدمه المطلوب

- ثم بعد ذلك فى المواصفات اللاحقه .. اصبحت المواصفه تحدد مستوى الخدمه المطلوب .. و ايضا اللزوجات المسموح باستخدامها داخل رقم المواصفه المحدده

- مثال .. و سنأخذ مواصفه الزميل عمر VW 503.01
سنجد انه تم تحديد مستوى الخدمه المطلوب
و تم تحديد اللزوجات المسموحه و هى 0W30/40 و 5W30/40

فبالتالى اصبح ممكن وجود زيوت متوافقه ذات لزوجات 0W30 و 5W30 .. ( ممكن يكون فيه اكثر من موتور بيختلف فى التصميم .. لكل منهم لزوجه مناسبه للموتور المحدد .. مع اشتراكهم فى متطلبات نفس مستوى خدمه الزيت )

و بالطبع اتباع لزوجه الكتالوج ستكون هى المطلوبه للموتور المحدد فى حاله الاستاذ عمر و 0W40 ممكن يقبل

تحياتى و اعزازى

السلام عليكم ورحمة الله عدنا والعود احمد ..طبعا ماكانش ينفع اطرح المشكلة واعرضها للنقاش بدون ما اوضح الحلول اللي تمت .. فالحمدلله استلمت السيارة اليوم من الكراج والسيارة بسم الله ماشاء الله رجعت وكالة ان لم يكن احسن ههههه .. طبعا وديتها لكراج شامي محترم وعرضت عليهم كل الحلول اللي اقترحتوها هنا وكما اسلفت استلمتها اليوم ناعمة وبسحب ممتاز وتسارع رهيب والحمدلله .
ودا تقرير الاصلاح اللي استلمته :

تنظيف بخاخات ومراجعة الوصلات الكهربية وبرمجة . وتقريبا كلها كانت اتعرضت ضمن الحلول والاقتراحات في المشاركات السابقة .
بارك الله فيكم وجزاكم الف خير .

المشاركة الأصلية كتبت بواسطة عمرعبدالله

السلام عليكم ورحمة الله عدنا والعود احمد ..طبعا ماكانش ينفع اطرح المشكلة واعرضها للنقاش بدون ما اوضح الحلول اللي تمت .. فالحمدلله استلمت السيارة اليوم من الكراج والسيارة بسم الله ماشاء الله رجعت وكالة ان لم يكن احسن ههههه .. طبعا وديتها لكراج شامي محترم وعرضت عليهم كل الحلول اللي اقترحتوها هنا وكما اسلفت استلمتها اليوم ناعمة وبسحب ممتاز وتسارع رهيب والحمدلله .
ودا تقرير الاصلاح اللي استلمته :

تنظيف بخاخات ومراجعة الوصلات الكهربية وبرمجة . وتقريبا كلها كانت اتعرضت ضمن الحلول والاقتراحات في المشاركات السابقة .
بارك الله فيكم وجزاكم الف خير .

ربنا يبارك فيها و شكرا لحضرتك على ال Feed Back لاهميته فى الاستفادة بعد ذلك فى اى عطل و كل عام و أنتم بخير

مبروك ظبط العربية، ربنا يباركلك فيها ان شاء الله
وشكرا لعرضك حل المشكلة علشان الناس تستفيد

حرصا على عدم التشويش على موضوع الزيوت الاصلى .. قمت باستكمال مناقشه ماء التبريد فى موضوعك القديم للسياره

و ده اقتباس سؤالك

السلام عليكم الاخ tasaka
ناسف للتأخير في ايراد المطلوب وعموما اشكرك لانك خليتني دلوقتي افتح حاجات ماشفتهاش في الكتالوج من سنتين لاني شريت السيارة وهي ماشية 150 الف فما اقولك اني اهملتها لكن في اشياء ماقدرتها التقدير الصحيح زي موضوع ماء التبريد وعرفت دلوقتي ليه راس المكينة الاولى سخنت والمحرك باظ لانه كان في تحذير شديد اللهجة في المرفق التالت على عدم الالتزام بسائل التبريد المعتمد وانه ممكن يؤدي لاتلاف المحرك .
اولا المرفق الاول دي الصفحة اللي انت طلبتها وفيها تمامة توصيات الزيت وبيوصي فيها على الاهتمام بوجود API & SAE على علبة الزيت



وفي المرفقين دول كلام عن سائل التبريد الاول بيحدد مواصفاته ونسبة خلطه مع الماء والتاني بيحذر من استخدام سائل مخالف وتفريغ السائل المخالف فورا زي ماحضرتك قلتلي في بداية النقاش والا النتيجة حتكون تلف المحرك





و ده اقتباس ردى الاول لك

المشاركة الأصلية كتبت بواسطة tasaka

و عليكم السلام و رحمه الله .. ان شاء الله ساقرأ المكتوب بدقه و بعدين ارد عليك
بالنسبه للميه مبدئيا ال g12 ده بيكون oat ( بس محتاج اراجع معلوماتى للتأكيد ) .. و اقرا المواصفه كامله من الصوره اللى انت وضعتها

موضوع الميه حساس شويه .. و ساحاول الرد عليه اليوم .. موش متأكد



بس مبدئيا ال IAT ده مكافئ ل g11 و بيكون اللون ( فى ميه فولكس) اخضر مائل للزرقه

و ال OAt ده مكافئ ل G12 و بيكون اللون ( فى ميه فولكس) احمر ..

بس لازم تعرف ان فيه عده انواع ل G12 بتختلف فى خصائصها ( و توافقها ) مع الانواع الاخرى .. فيه منها G12 و G12+ و G12++

و على ما اتذكر ( موش مؤكد و لازم مراجعه للمعلومه ) .. ان ال G12++ ده ممكن خلطه مع الانواع الاخرى مثل G11



مبدئيا ميه التبريد حتشتريها اصليه .. لو فرق سعرها موش كبير خصوصا ان السعر حتدفعه كل اربع سنوات

ال G12 A8D ده اتا موش عارف مواصفته .. و محتاج بحث على النت

البحث موش حيكون علشان نعرف نوع ارخص .. لآ .. البحث حيكون علشان نعرف مدى خطوره اللى تم بوضع الميه الخضرا .. و نعرف حنغسل الدوره ازاى

لازم تحاول تعرف نوع الميه الخضرا اللى انت استعملتها .. لان اللون موش مقياس نهائى .. علشان نعرف مدى خطوره اللى تم بوضع الميه الخضرا



الى الان باتكلم كلام مبدئى .. و لسه لم اقرأ المواصفه بتاعه عربيتك

deleted