الموضوع: انت تسأل وإستشاري منتدى متسوبيشي يجيب (2)

المشاركة الأصلية كتبت بواسطة ahms10

السلام عليكم
سوال خاص للبشمهندس طارق لانة محتاج راى خبير
امكانية تركيب مساعدين الانسر 1600 فى لانسر 1300 امامى وهل بكدة اصبحت الانسر 1300 عفشة رياضية مثلها مثل ال1600 لانى اسمع انى الفرق فى المساعدين الامامين فقط والميزان الخلفى وما احتاج تغير هل مثلا الوست مختلفة ولا كما هى وايضا البطاحة وبلية البطاحة وكل ما يلزم
وكم تكون التكلفة جديدة كاملة لاتمام هذة العملية على اكمل وجة بالمصنعية تكلفة شاملة
والف شكر لمساعدة حضرتك مقدما
سلام عليكم

العربية الـ 1600 بكاوتش 15 بوصة والعربية الـ 1300 بكاوتش 14 بوصة وكل أجزاء العفشة بينهم مختلفة وعلى رأسها المساعدين يعني مساعد الـ 1600 يختلف عن مساعد الـ 1300

وفي التوكيل لا يتم تغيير حاجة من اساسيات العربية يعني لو عربية 1300 مش ممكن يتم في التوكيل تركيب حاجات 1600 لها

المشاركة الأصلية كتبت بواسطة ahmedhosssamy

عزيزى الاستاذ طارق
اولا شكرا على كل المجهود الذى تبذلة لخدمة اعضاء المنتدى
عندى مشكلة واريد رأيك
انا عندى لانسر بومة 2008 سبورت اوتوماتيك اشتريتها من سنة كسر زيرو و كانت عاملة 8000كم و هى بضمان المصرية و قمت انا بعمل صيانات 10000و 20000 وهى الان عاملة 27500
المشكلة انى فجاءة وجدت موشر الحرارة يعلى حتى وصل الى اعلاة وانا فى مشوار فركنت و وجدت مياة القربة ناقصة حوالى نصف لتر فتوقفت فورا و استنيت تبرد و بعد ذلك فتحت الردياتير لاول مرة من سنة و زودت مياة كثيرة حوالى نصف جيركن مياة و استغربت لذلك و بعد ذلك عاد الموشر لمكانة تماما للمنتصف و مشيت عادى بدون اى مشاكل اكتر من مشوار و مشيش اى مية بتنزل ابدا
رحت التوكيل فى الكيت كات و المهندس بدون ان يفحص اى شىء قال فية تسريب فى علبة الردياتير اللى فوق و عندنا اذا فتحنا بنغير كل الردياتير على حسابك و لو عاوز يكون داة فى الضمان روح التوكيل الاصلى فى قليوب او جسر السويس؟؟؟ يمكن يدخلوة فى الضمان او لا
و كل ذلك بدون ان يفحص اى شىء
السيارة لا تسرب اى مياة و انا سوف الاحظ المياة فى الايام القادمة
من فضلك فهمنى اعمل اية و هل الصح انى ازود المياة فى الردياتير نفسة كل كام شهر ولا فى القربة فقط
و هل اذا كان فية حاجة هل هو ى الضمان ولا اية انا معملتش اى حاجة غريبة طول السنة و كل 10 ايام باشوف مية القربة ولو نافصة شوية بازودها وبس و بعمل الصيانات فى الكيت كات

انا مش شايف ان الردياتير بينشع من العلبة اللى فوق و ان ميتة زى ما هية من يومين من بعد ما زودتة
من فضلك ارشدنى

طالما العربية ما زالت في الضمان ومحافظة على صيانتها الدورية يبقى حرام حضرتك تخسر الضمان
الأفضل تجيبها لنا في مركز الخدمة الرئيسي في قليوب للكشف عليها وتحديد المشكلة وحلها
العنوان في الكيلو 16 طريق اسكندرية الزراعي تليفون 42157629

المشاركة الأصلية كتبت بواسطة podeee

السلام عليكم

رجاءممكن اعرف سعر السيارة لانسر 2010 بومة سوبر اكشن ايفليوشن
ومميزات السيارة عشان انا عايز اشترى . ومتردد

سعر اللانسر بومة 2010 سوبر اكشن هو 133000 جنيه

اما الايفوليوشن حاجة تانية خالص اكيد حضرتك متقصدهاش (سعرها لدى الرواس 580 ألف جنيه)

بالنسبة للسوبر اكشن
العربية 1600 سي سي فتيس اوتوماتيك
وكمالياتها تكييف وباور ستيرنج وسنترلوك وريموت كنترول ومفتاح مشفر وزجاج كهرباء ومرايات كهرباء وراديو كاسيت و6 سي دي تشنجر وجنوط اسبور وفتحة سقف وسبويلر خلفي واعتاب جانبية وكساحات امامية وخلفية ولمبات شبورة و 2 ايرباج وفرامل abs , ebd وفرش جلد طبيعي
ضمان 3 سنوات او 100 ألف كيلو متر
المبيعات ت 19830

المشاركة الأصلية كتبت بواسطة ahmedhosssamy

شكرا يا باشمهندس انا ان شاء الله هاجى التوكيل

اهلا بيك تشرف في اي وقت

المشاركة الأصلية كتبت بواسطة ahmedhosssamy

عندى سوال صغير كمان معلش هل اذا كنت بازود القربة بمياة اكتر من العلامة الماكس اى قرب نهايتة داة يودى الى نقص مية الرادياتير على فترة طويلة بكمية كبيرة؟؟؟؟؟

لأ ما اعتقدش - طيب سؤال مهم هل اضفت سائل تبريد لمياه الردياتير من المركز اللي بيتباع في محطات البنزين وعامل المحطة بيقعد يسوق له ويشرح فوايده؟

المشاركة الأصلية كتبت بواسطة ahms10

معلش يا بشمهندس ممكن تقلى اة الاجزاء فى العفشة الى مختلفة بخلاف المساعدين والجنوط هل فى فرق فى المقصات او البارات واى حاجة تانية لانى الى قايلى الكلام دا واحد من التوكيل "ركب مساعدين ال1600 قدام والعربية هتفرق معاك جامد"

كل اجزاء العفشة مختلفة وغريبة جدا ان حد في التوكيل ينصح بتركيب مساعدين 1600 لعربية 1300

المشاركة الأصلية كتبت بواسطة medhatfrag

عايز اعرف ليه ماتجوبش على سؤالى من فتره كنت بسال على كلاتش الكمبروسر بتاع التكيف ودلوقت بسال على حاجه تانيه الباور تقيل ومش عارف ليه العربيه كمان بتحدف لما بعدل الطاره على طول ناحيه اليمين وشكرا للجميع والمهندس طارق بالاخص على مساعدته للجميع
:f_eyeb1[1]:

احيانا فيه بعض الأسئلة بتتنسي وسط الأسئلة الكتير
انما انا راجعت سؤال حضرتك لقيتك بتطلب سعر كلاتش الكمبرسور خارج التوكيل وانا كل معلوماتي من واقع عملي في التوكيل
عموما سعره في التوكيل 1410 ج + 10% ولازم رقم الشاسيه للتأكد من الصنف المطلوب
اما موضوع تقل الدركسيون والحدفة فلها اسباب كتير ويفضل الكشف على العربية