الموضوع: عايز أركن قصاد بيتي

ya man I live on Makram Ebeid and if you have a nightmare when it comes to parking....you have seen nothing....I pray everytime i drive that when i reach the house i will find parking....lol...

the funny thing is...I have Raya in the building and people park to go buy a phone and i always fight with them....one time...some guy parked his car and took 2 parking spots.....one of the owners got pissed he wanted to park when the raya customer went back to his car....he found out that his 4 wheels are empty and a black marker (shakhbata) on his hood....

حضرتك من حق اى واحد يركن فى اى مكان فى الشارع حتى لو امام منزلك لإن المكان اللى امام عمارتك ليس ملكية خاصة بحضرتك لكن دا ملكية عامة

لكن مش من حقه فقط إنه يركن امام مدخل الجراج

حضرتك بتطالب الناس بما ليس من حقوقك و زعلان علشان ما بيسمعوش الكلام !!!!!

لو حضرتك عايز قانون يمنع أى حد يركن فى مكان مش تحت بيته
يبقى حضرتك كده مش حتلاقى اى مكان تركن فيه لو رايح أى مشوار لإن طبيعى المحل او السوبر ماركت أو العيادة أو اى مكان رايحه إحتمال 99% يكون تحت عمارة !

المشاركة الأصلية كتبت بواسطة humhum

اسكن في مدينة نصر التي كانت يوماً ما محترمه
ودلوقت بصراحه لمت شامي على مغربي وبقت لبن سمك تمر هندي
المهم
انا في حي سكني تماماً ، ورغم ذلك أجد صعوبه رهيبه في ركن سيارتي كل يوم وانا راجع من عملي ، بل حتي لو خرجت في مشوار صغير ، برجع الاقي مكاني متاخد ، وطبعا عبثاً كل مره احط ورقه عليها (من فضلك المكان خاص بسكان العماره) ولا الدموع
حاجه بجد تحرق الدم ، انا شكلي ح انسي اني دكتور وح ابتدي امارس سلطاتي بدراعي ، واللي ح يركن مكاني بعد كده ح افسيله الأربع عجلات

اخر المواقف الكوميديه
النهارده راجع بإبني من التطعيم (4شهور) ، وعايز اركن قصاد البيت ، لقيت واحد تبت راكن مكاني وقاعد في العربيه يستمتع بالشجر اللي انا زارعه !!!
فقلتله بمنتهي الذوق " بعد اذنك عايز اركن "
نزلي من العربيه واداني محاضره سخيفه زي وشه العكر عن حقوقه كمواطن بيدفع الضريبه في إنه يركن في الشارع ، وان انا مشتريتش الشارع اللي قصاد بيتي الخ الخ الخ
كان ناقص يحملني مسئولية صفر المونديل ، وفي الآخر تدخل احد العابرين للشارع ، وانتهي الموقف بإن الراجل طلع وسابلي مكاني اركن
وبصراحه لولا ان الواحد بيخاف ربنا ، كنت دخلت ابني البيت ونزل رنيت امه حتة علقه ، وكسرتله عربيته اللي فرحان بيها وبإنه بيدفع ضريبتها
بس انا اكتفيت بإني مشيت اللي في دماغي

السؤال
ليه مفيش قانون للمناطق السكنيه ، اسمه حق الجار ، ولا حق البني ادم ، يعني ايه المعني في ان القانون ميدينش الحق اني اركن قصاد بيتي ، امال اركن فين ؟ قصاد بيت وزير الداخليه ؟
يرضى وزير الداخليه اركن مكانه ؟؟؟ ولا أي حد من اعضاء مجلس الشعب ؟؟

يا ريت حد يقوللي الواحد مفروض يعمل ايه
لأن انا مره جبت النجده الساعه 3 الفجر لواحد راكن مكاني ، والظابط اقسملي انه ميقدرش يعمل له حاجه ، واقصي حاجه انه ح يعمله مخالفه ركن فوق الرصيف !!!!

افيدوني افادكم الله

ترن "....*" علقه عشان ركن "مكانك"؟
طبعاً هو مش مكانك، الشارع ملكية عامة. الا اذا كنت بتتكلم عن الرصيف فده ملك لسكان العمارة.

لو حضرتك جاي تسمع محاضرة ظريفة وبس بدل المحاضرة السخيفة، للاسف حتلاقي ناس زيّي وزي Sharky محاضرتهم سخيفة برضو. ارجو انك ماتعتبرش ان وشنا عكر برضو.

egyptianmafia
أنا شخصيا مؤيد تماماً لموضوع تفسيه العجل ده
لأنه مؤلم وفي نفس الوقت غير مؤذي
خصوصاً مع اللي بيركنوا بشكل مستفز

بس انا بستحرم
لأن ممكن العربيه دي تكون شايله راجل كبير في السن مش حمل انه ينتظر
وممكن يكون صاحبها وراه ميعاد مهم
بس بيني وبينك ، أحسن ، عشان يحترم حق الناس ويسيب مكان لغيره

Sharky

جميل قوي ان حضرتك بتستخدم حق الملكيه الخاصه والملكيه العامة
سؤال
هل ينفع حضرتك تركن قصاد بيت مسئول كبير ؟ ولا حتي نص نص ؟؟؟ أنا اقولك لأ وألف لأ ، لأن انا جاري مستشار متقاعد ، واخر واحد فكر انه يركن قصاده 5 دقايق رجع لقى العربيه مدشدشه وبيجرها الونش !!!!
واهو راجل مستشار ومحترم وفاهم في القانون ، بس قادر على حماية حقوقه

في امريكا بيحكيلي اخويا
ان مره واحده صديقة مراته جت تزورهم وركنت سيارتها في مكان خاص بجارتهم
الست الأمريكانيه جابت قلم فلوماستر وشخبطت على القزاز ، ولا يوم كامل عشان تطلع الشخبطه
طبعا صديقتنا العربيه - يظهر اننا كعرب بنقدس الحقوق العامة - راحت تكلم الأمريكانيه المجنونه وتقولها : طب قوليلي حتي وانا اشيلها
ردت عليها بمنتهي الوضوح : مش مفروض اقولك ، انت اللي مش مفروض انك تركني هنا

سؤال تاني
هل الشجر اللي احنا حاطينه ، وبنسقيه ، والبلاط بتاع الرصيف اللي احنا عاملينه ، وتنظيف المكان قصاد البيت اللي احنا بندفع للبواب عشان يعمله ، ده برضه ملكيه عامه ؟؟؟؟؟
طيب ليه حضرتك بتدفع للسايس ؟؟ تمن للبلطجه بتاعته ؟؟ مين فينا مدفعش للسايس اللي قصاد المولات ؟؟ واللي قصاد اي رصيف جنبه مصلحه ؟؟ ولا السايس غلبان ؟ واللي ساكنين في بيوتهم دول يستاهلوا الحرق ؟؟

اما موضوع نركن فين
نشوف مكان ميئذيش الناس
انا عيادتي في المقطم ، وكل يوم بركن في مكان ميضايقش حد ، ووالله ساعات بركن وامشي مسافة 60 متر مثلا عشان مضايقش حد من السكان

بالمناسبه
انا بيتي قصاده سوق كبير ، وداير مايدور في اماكن للركن ، بس الظاهر بيتي فيه حاجه جذابه بتخلي العربيات تتشد ليه زي المغناطيس

شكلي ح اجيب الحديد والسلسله وامري لله

itsonlyme

يا سيدي وشك ولا وش القمر
متحولش القضيه لمسأله شخصيه
انا مش نازل ارنه علقه لمجرد انه راكن مكاني ، دي مسأله بتحصل كل يوم
بس فكره انعدام الذوق
انا ساعات كتير ببقى مستني حد في العربيه ، ولو جه حد من سكان العماره ، بمنتهي الذوق بفضيله مكاني ، لأنه بيركن ، وانا ماشي
ولأن من حقه انه يركن قصاد بيته
ايوه من حقه ، لأنه ساكن هنا ، امال يركن هو فين ؟؟ في الصحرا ؟؟؟؟
انما اخينا ده
قعد يتكلم كلام ملوش لازمه ، محسسني انه لسه قاري الدستور المصري والقوانين وجاي يحملني جريمة حقه الضايع ، وانه بيدفع ضريبه ع العربيه بتاعته !!! وطريقة كلامه مستفزه
فهمت ليه بقى ليه كان مستفزني لدرجة خلتني افكر فعلا اني انزل اضربه؟

المشاركة الأصلية كتبت بواسطة humhum

Sharky

جميل قوي ان حضرتك بتستخدم حق الملكيه الخاصه والملكيه العامة
سؤال
هل ينفع حضرتك تركن قصاد بيت مسئول كبير ؟ ولا حتي نص نص ؟؟؟ أنا اقولك لأ وألف لأ ، لأن انا جاري مستشار متقاعد ، واخر واحد فكر انه يركن قصاده 5 دقايق رجع لقى العربيه مدشدشه وبيجرها الونش !!!!
واهو راجل مستشار ومحترم وفاهم في القانون ، بس قادر على حماية حقوقه

مش علشان المسئول دا بيسئ إستخدام سلطته يبقى أصبح دا حق لجميع المواطنين !

المشاركة الأصلية كتبت بواسطة humhum

في امريكا بيحكيلي اخويا
ان مره واحده صديقة مراته جت تزورهم وركنت سيارتها في مكان خاص بجارتهم
الست الأمريكانيه جابت قلم فلوماستر وشخبطت على القزاز ، ولا يوم كامل عشان تطلع الشخبطه
طبعا صديقتنا العربيه - يظهر اننا كعرب بنقدس الحقوق العامة - راحت تكلم الأمريكانيه المجنونه وتقولها : طب قوليلي حتي وانا اشيلها
ردت عليها بمنتهي الوضوح : مش مفروض اقولك ، انت اللي مش مفروض انك تركني هنا

هو الاميركان المفروض بيعلموا الصح فقط و إحنا بنعمل الغلط فقط !!

ممكن حضرتك كانت راكنة فى مدخل الجراج بتاعها
و لو كانت راكنه فى الشارع طبيعى يبقى برضه موقف غلط من الاميريكية و مش صح
و طالما موقف غلط منها يبقى إحنا مش مطالبين بإننا نعمل زيه

المشاركة الأصلية كتبت بواسطة humhum

سؤال تاني
هل الشجر اللي احنا حاطينه ، وبنسقيه ، والبلاط بتاع الرصيف اللي احنا عاملينه ، وتنظيف المكان قصاد البيت اللي احنا بندفع للبواب عشان يعمله ، ده برضه ملكيه عامه ؟؟؟؟؟

لأ حضرتك ملكية خاصة لماك العمارة لكن الشارع إللى قصاد الرصيف مش ملكية خاصة لملاك العمارة

المشاركة الأصلية كتبت بواسطة humhum

طيب ليه حضرتك بتدفع للسايس ؟؟ تمن للبلطجه بتاعته ؟؟ مين فينا مدفعش للسايس اللي قصاد المولات ؟؟ واللي قصاد اي رصيف جنبه مصلحه ؟؟ ولا السايس غلبان ؟ واللي ساكنين في بيوتهم دول يستاهلوا الحرق ؟؟

حضرتك انا عمرى ما بدفع اى مبلغ لاى سايس أصلا
و إيه اللى دخل السايس فى موضوعنا !!
ولا دا علشان نفس الأسلوب إللى حضرتك بتعمله (أخذ شئ ليس من حقك )

المشاركة الأصلية كتبت بواسطة humhum

شكلي ح اجيب الحديد والسلسله وامري لله

كده دا نظام بلطجة و اخد شئ ليس من حقك

طيب يا سيدي الفاضل
انا مش عابز غير حقي كمواطن اني اركن سيارتي لما اروح
قوللي اعمل ايه ؟

المشاركة الأصلية كتبت بواسطة humhum

طيب يا سيدي الفاضل
انا مش عابز غير حقي كمواطن اني اركن سيارتي لما اروح
قوللي اعمل ايه ؟

لما تروح حضرتك دور على مكان فاضى و اركن فيه سواء امام منزلك أو امام أى منزل أخر