خطيبتى خانتنى...موقف صعب أتمنى المساعدة

[Mostafa.Mahran]

بصراحة انت تستاهل الحوار الى حصل من عمك ده

سبحان الله اعضاء كتير قالو لك قول لعمك علشان ممكن الموضوع ممكن يتحول ضدك و بالفعل هى ممكن تكون بكل بساطة و لطافة رراحت لباباها و مامتها و بكل براءة و لا مبالاة وتقولهم انا عملت حاجة غلط و حكت القصة الى على مزاجها الى تطلع فيها قصدها خير و انت الى تفكيرك غير سوى و وحش

واساسا اساسا بالعقل كده لو الموضوع خير اوى و هى بتصلح بين راجل و مراته علشان خاطر الاولاد يبقى مين الاولى انها تحكيله انت ولا باباها و مامتها

على العموم الاختيار فى ايدك بس الافضل انك بلاش تكمل الموضوع لانها بتخبى عليك من الاول و عمك و مرات عمك و هى هيعملو جماعة عليك بعد الجواز و اى حاجة هتبقى انت الغلطان

[lomn]

كلامكم صح مليون فى المية وانا متقبل السخرية لأنى من جوايا حاسس نفس إحساسكم وصدقونى إن شاء الله كلها كام يوم وهتسمعوا كلام يريحكم زى مايريحنى إن شاء الله

[M.Elgergawy]

حاول تراقبها او تطب علهم في الشغل مثلا وتشوف الوضع عامل ازاي
حاول تجيب كشف للفاتوره عن الكام يوم اللي فاتو وتشوف كلمته ولا لآ

اكيد هيا مش سازجة عشان تكلموا تاني من نفس الرقم

[mohammedsaid]

السلام عليكم إخوانى الكرام

أنا عضو زميل ليكم من فترة بس دخلت بإسم جديد وذلك لخصوصية الموضوع وأقدم إعتذارى للإدارة.

انا فى مشكلة كبيرة وبصراحة فوق طاقتى...أنا شاب عندى 30 سنة من القاهرة مهندس عائلتى عائلة لها تقاليد وتحترم كبيرها أبى كان كبير العائلة فمات رحمة الله عليه وتولى القيادة عمى الكبير ...أحببت إبنه عمى هذا وتقدمت لخطبتها منذ 3 سنوات لإنها كانت فى الكلية (كان لايمكن أن يسمح بهذا لولا أنى إبن عمها)...المهم بعد الثلاث سنوات من الخطوبة طبعا أصبحت لايمكن لى أن أفكر فى الفراق ففى عقلى وكيانى انها زوجتى الموضوع كله موضوع وقت وكان فاضل 3 أشهر لعقد القران.........المشكلة بدأت حين إشتريت لها خط تليفون فاتورة كنترول علشان نكلم بعض ونججز موضوع الكروت وكده وحصل إنى فوجئت إن 650 دقيقة اللى فخطها خلصوا فى أقل من 3 أسابيع....طبعا ده من غير مكلماتى علشان انا مكلماتى مجانية ..فسألتها قالتلى صحباتى وكده انا قلت اكيد فرحانة بالفاتورة ورغى البنات وكده....المهم بحسن نية والله العظيم طلبت تسجيل تفصيلى للفواتير الخاصة بية ...وجت إمبارح وطبعا كانت الصاعقة.
فى رقم بتكلمه أكتر منى بتبعتله رسايل باليل بعد الساعة 12...بتكلمة فى أوقات غريبة الساعة 7 الصبح والساعة 12 باليل يعتبر معاها طول اليوم وهى رايحة الشغل لحد متنام....وانا فى النص j. رحت مكلم الرقم وطبعا المفاجأة المتوقعه إنه طلع ولد. وكأنك ألقيت على رأسى حجرا والله أقسم بالله انا ماعارف اوصفلكم مشاعرى.أكيد حاسين بيه.
المهم رحتلها البيت وخدتها ونزلت قعدت معاها فى العربية وشايفها وهى فرحانه (أو عامله نفسها فرحانة)إنى جتلها علشان أشوفها وانى واحشها ورحت ورتلها الفاتورة...طبعا موقف لايمكن هاعرف أوصفه وهى بتبصلى وبتبص للورقه...والمهم قالتلى ده واحد زميالها فى الشغل وهو بيحبها وهى لفترة بسيطه إستريحتله بس عمرها ماشافت غيرى ولا تتخيل حد غيرى جوزها والكلام الفاضى ده....المهم هزقتها ورميت الورق فى وشها وقلتلها كدابة وقعدت اهاجمها علشان اعرف العلاقة وصلت لحد إيه منا الشكوك وصلتنى لحد ليس له نهاية...حلفتلى وطبعا الموبايل فاضى مفهوش أى حاجة...ونزلتها من العربية زق ومشيت وأحمد الله إن يوم المطرة ده عدى على خير والله ياجماعة ماكنت شايف انا كنت ماشى بقدرة ربنا بدور على الحتة الزحمة وامشى فيها علشان خايف أجرى...
ومش عارف أعمل إيه...أروح أقول لعمى؟؟؟؟؟؟؟ هايقتلها ومش بعيد يحصلوا حاجة وهو كبير وانا بحبه بصراحة قوى هو ومراة عمى وهما بيحبونى جدا..وعلاقتى بإخواتها الولاد قوية...طبعا إستحالة أقول لأمى علشان إنتوا عارفين الامهات ممكن تعمل إيه هاترفع سماعة التليفون تخربلى الدنيا....بجد مش عارف أعمل إيه ومحدش يقولى شوف إنت غلط فى إيه بوظت العلاقة او سمحت لحد تانى يلعب بيها وهى صغيرة....علشان انا إديتها كل حاجة ممكن يعملها مهندس عنده شغل وطول النهار واليل شقيان فى مشاكل شغله وكان عندى مكتب صغير فاتحه بعد الضهر كان مكمل عليه بس قفلته بعد الثورة. المشكلة إنها رومانسية جدا وانا فعلا الوقت اللى بدهولها لايكفيها وطبعا الوقت ده اللى هو مكالمتين فى اليوم منهم مكالمة طويلة وحبة مكالمات صغيرة طول اليوم.
بجد لو حد عنده حل علمى أقدر أنفذه ياريت متسبونيش لإنى بجد مش لاقى حد أعرفه ممكن أقوله على الموضوع ده دى بنت عمى وخطيبتى.
(طبعا انا بكتب الكلام ده علشان انا ورا الكيبورد لكن فى الحقيقة انا عمرى ماهقدر أقول الكلام ده لحد غيركم)

مش هقدر اقولك الا انها متستهلكش
وانك وانا اسف فى الكلمه يبقى ذليت نفسك لو فضلت معاها
واهتم بنفسك اولا مع احترامى لعمك واخواتها وووو

[أحمد كمال]

منين واحد متجوز ومنين بتكلمه بعد 12 بالليل وهي لما كلمتك قالتلك انه هو اللي بيحبها وانها بترتحله ومنين اهلها بيقولو دي بتحلله مشكله ؟؟؟ معلش كلام ميدخلش الدماغ وانت غلطت انك اول مااللموضوع حصل كنت فورا من غير ماتقولها تقول لأبوها



ممكن برده تحاول تتسلل للشغل بتاعها وتشوف الشاب ولا الراجل اللي متجوز ده وتحاول تشوف ايه نظامه
حاول تراقبها او تطب علهم في الشغل مثلا وتشوف الوضع عامل ازاي
حاول تجيب كشف للفاتوره عن الكام يوم اللي فاتو وتشوف كلمته ولا لآ

ما تتعبش نفسك يا هيثم هو عقله الواعي عارف الحقيقة دي بس بيحاول يتناساها


و اكيد واحدة بالخبث ده انها قرطست اهلها زمانها جابت خط تاني تكلم منه الزغلول بتاعها

[أحمد كمال]

كلامكم صح مليون فى المية وانا متقبل السخرية لأنى من جوايا حاسس نفس إحساسكم وصدقونى إن شاء الله كلها كام يوم وهتسمعوا كلام يريحكم زى مايريحنى إن شاء الله

و الله العظيم الناس لو ماكنت تفرق معاهم ماكانوا اتتريقوا عليك احنا بنحاول نفوقك

فوووووووووووووووووووق

اتق الله في نفسك يا أخي



اقطع عرق و سيح دم و قول انا اسف انا مش هاكمل ........ طبعا دلوقتي هتبقى انت اللي عيل و قماص و بتتلكك ...... طوووووووووووووووظ في اي حد .... المهم انت



مش عايز اقول لك استرجل و اشرب بيريل عشان بقى دمها تقيل أوي

[أحمد كمال]

عايزك تتخيل التطور الطبيعي للحاجة الساقعة


متجوز و مراتك بتكلم زميلها 1 بالليل ....


متجوز و خلصت شغلك في يوم بدري و خارج مع اصحابك تقعدوا على كافيه لقيتها قاعدة مع واحد تاني (زميلها) .... عشان عنده ازمة نفسية !!!!



هتعمل ايه ساعتها ؟؟؟؟؟

[Hany Adel]

سيبها فورااااااااااااااااااااااااااااااااااااااااااااااا ا
وفي هدوء ولازم اهلها يعرفوا عشان ما تطلعش انت السبب

[mohammedsaid]

‘سمحولى قبل أى كلام إنى أوضح مشاعرى
ماشاء الله بجد أسم بالله لم أكن أتخيل هذا العدد الهائل من الردود...حسيت بنشوة غريبة وإحساس لايمكن وصفه..قد إيه المصريين دول عظام وقد إيه نايل موتورز ده رائع والله أنا فخور جدا وانا أحمل الستيكر على زجاج سيارتى...إنتوا عملتوا معاى أهم حاجة كنت محتاجها وإنى أفضفض ومش بس أفضفض لأ ده أنا بفضفض مع واحد مهتم بأمرى وبيفكرلى حتى وانا مش قاعد معاه انا امبارح فضلت طول اليوم بعد الشغل بره البيت علشان أمى متاخدش بالها منى..والنهاردة جيت لقيت الردود زادت وكل دلا بدلوه فى الأمر.....جزاكم الله عنى خيرا ولاوضح أحد فيكم فى مضيقة أبدا ورفع همكم إن شاء الله.

هحكيلكوا اللى حصل إمبارح بقى....
هى لما كلمتنى أنا جرحتها جامد من كلام يقتل بدون لفظ خارج بس كلام صعب ولما قلتلها إنى هاقول لعمى إنهارت ...المهم بعد شوية لقيت زوجة عمى بتكلمنى فرحت مكلمها لقيتها بتقولى انا عرفت اللى حصل والموضوع ده كله غلط وهى قالتلى من فترة إن فيه زميلها كان عنده مشكلة مع مراته(وهنا كانت الصدمة...ده متجوز)قالتلى أه ده متجوز وعنده 3 عيال وهى حبت تساعده وده نابع من طفوله وعدم خبره وإحساس بالكيان إنها ممكن تساعد فى حل المشاكل ديه والبنات بيحبوا يرغوا قوى فى القصص ديه...قلتلها وإزاى بتكلمه فى الوقت ده باليل وبتبعتله رسائل...قالتلى ده كان فترة ساب الشغل وكانت بتشوف عامل إيه فى مشاكله من نوع الإطمئنان على زميل...وده مش مبرر وانا مكنتش أعرف إن فى مكالمات باليل انا كنت أعرف إن فيه مشكلة مع زميلها وكانت بتحكيلى وبتحكى لباباها (اللى هو عمى)وكنا بنعرض حلول لكن مكناش نعرف إنها بتكلمه باليل وهى واثقة مليون فى المية إن بنتها غلطانة وتستاهل الضرب والبهدلة لكن فى نفس الوقت واثقة فى بنتها ومتأكده من حبها ليه وبتشوفها قد إيه لما بتكون مستنيانى وانا جى بتبقى فرحانة وكلام من ده...وانتهت المكالمة
طبعا لم أقتنع لإنى حطيت نفسى مكان أمها لقيتها مينفعش تقول غير كده...
المهم هى حاولة تكلمنى قلتلها إنى كدابه وبتكدبى على أمك وبتقولها كده وإزاى بتكلميه الساعة 12 باليل علشان تصالحيه على مراته؟؟؟ليه !!!! المهم برده كنت بقولها كلام يقتل يعنى!!!! وافرضى إنه مراته عرفت كانت عملت فيكى إيه..كانت فضحتك فى شغلك وسمعتك...
المهم المكالمة لم تحل الموضوع...شوية وبعتتلى رسالة قالتلى إن عمى عرف وإن أمها حكتله المكالمة وانها لما رجعت بهدلها ومرمتها.
المهم كلمنى وطبعا انا استغربت إنه هاجمنى وقالى إزاى تشك فى بنت عمك..إزاى تفكيرك يوصل لكده..أه هى غلطت ولازم تاخد جزائها ولازم تتعلم إنها مدخلش نفسها فى موضوع زى ده تانى أبدا لإن المواضيع ديه بتفرض النية السيئة حتى لو كانت باطنها سليم...وقالى انا عارف بنتى كويس وانا مربيها وده انا اعتبرته نوع من انواع الطيبة المبالغ فيها اللى لازم تنهيها تماما..وانى لاانكر عليك غضبك لكن انكر عليك شكك واى قرار تحب تاخده انا تحت امرك لكن مش هوافق انك تشكك فيها وقالى إنه عارف قد إيه هى مرتبطة بيه واحنا كنا بنخلص العفش فإستحالة يكون في نوع من الريبة أو الشك والشك ده مش مفروض يخش قلوبكم.وقالى إن البنت هاتضيع وانا المفروض أخاف عليها أكتر منك وكان ممكن أموتها لو إتأكدت إن فيه حاجة غلط ..لكن المواضيع ديه لاتحتاج للشباب كان لازم تيجى تقولى من أول لحظة وانا كنت هاساعدك نعرف الحقيقة من غير ماشوف البنت نايمة وسخنة وضغطها على.
وقالى تجهز أمك علشان نطلع يوم الجمعة على النجار علشان الصالون كان فيه حبة تعديلات ونجيب باقى الفلوس علشان نخلص وقالى شد حيلك يامحمد إحنا فاضلنا كام شهر على الجواز.
حالى بعد المكالمة
أولا أنا لم أتوقع إن عمى يكون ده ردة فعله أبدا...انا عارفه كويس جدا وعارف عصبيته...
ثانيا إحساس جوايا حسسنى إنى لبست الحوار.
ثالثا إحساس جوايا إنى هالبس إنى أنا اللى غلطان :)

بس وطبعا مكلمتهاش من ساعتها وهى حاولت تتصل بيه كتير مردتش ورحت قعدت على القهوة ولعبت بولة إستيميشن لحد الساعة 2 وروحت نمت وصحيت متأخر على الشغل.

يلهوى
انتا حرقت دمى يا جدع كل دا لسا بتتكلم
يا برودك
انا كنت شايف كتير كلمه اتقرطست من غير مقرا الرد دا فستغربت
دلوقتى فهمت
انا اسف سامحنى فى الرد بس ياريتنى مكنت شوفت الموضوع اصلا لانى مش ناقص حرقه دم

[حماده المصري]

هههههههههههههههههههههههههههههههههههههههههههههههههه ههه

البنت لعبتها صح بصراحه

هوه انت عموما مش شخصيه مش حاسمه لا انت شخصيه حاسمه وكويسه بس بالنسبه لما يتعلق بالحب معظم الرجال ضعاف جدا ومنهم انا برضو واتقرطست قبل كده وعادي يعني بس الواحد اتعلم امت يخلع وامت يكمل

بص ياباشا انت رقم وااحد والاساس عندك هوه انها قالتلك انه بحبها وهي كمان معجبه بيه وبتتسلى او ايا يكن هوه ده الحوار رقم واحد انسى بقى اي حوار تاني واوعى تصدق الحوارات العبيطه الي بتتحكي دي

انت لازم تسيبها يامعلم

وبشوقك انت بقى تسيبها بخناقه بجلطه لابوها تسيبها بالود المهم انك تسيبها وتحسسها انك ولا فارق معاك اي حاجه في اي حته وان الموضوع ده انتهى تماما ولازم تبقى اسد وانت بتتكلم

انما يقولك تشك في بنتي انت المفروض تقوله واشك ف ابوها كمان

ولازم تفهمهم انها اتعرفت لك بالموضوع وانه بيحبها مش بتصالح مراته والكلام الفارغ ده

----------------------------------------

والله العظيم الحب والجواز مفيش اسهل منهم وصدقني بعد فتره معينه وبعد ما تشاهد امثله كتيره في الحياه وتجارب هتلاقي نفسك بتحب وحده بس متعرفهاش وهتفضل تدور عليها الوحده دي هي الي فيها اساسيات المراه الي ممكن معاليك ترتبط بيها وصدقني اول ما هتلاقيها هتتجوزها فورا لانها مش هترضى تكلمك عشان تصالح مراتك

نسمع مع بعض

محمد فؤاد - مفيش نصيب

[أحمد كمال]

هههههههههههههههههههههههههههههههههههههههههههههههههه ههه

البنت لعبتها صح بصراحه

البنات بقوا بصراحة حاجة فظيعة بقوا احوط من الشباب بكتير و البنات بقت بتلعب بالشباب بصباع رجلها و تخليه يتجنن و يتهبل و هي و لا هنا

[bmw323]

وهو فى حد حضرتك بيحل مشاكل حد بعد الساعة 12 ولمدة 650 دقيقة ؟؟؟؟ لييييييية خير بتحل مشكلة الضفة الغربية وقطاع غزة !!!!!!

[أحمد كمال]

بيحبها + مستريحة له + بتستعمل تليفونك بفلوسك + مقرطساك + مقرطسة أهلها (خبيثة و لئيمة) + متجوز (حلاااااوة !!!) + مكالمات بعد منتصف الليل (مع راجل متجوز ...... و الاسم بتصالحه على مراته ...... مرات عمك دي يا اما عبيطة - سوري - عشان تصدق الكلام ده يا اما بتستعبط و هي فعلا فاهمة الفولة !!!!) ..............


مستني ايه ؟؟؟؟؟؟؟؟؟؟؟؟ ارفع السماعة و كلم ابوها - ابوها مش هي !!!!! - و قول له كل شئ نصيب ........

[حماده المصري]

صدقني والله فعلا كل الزملاء كلامهم صح

اقسم لك بالله انا دلوقتي في نفس مكانك بالضبط والله العظيم وزعلان جدا وافتكرت ايام مكنتش احب افتكرها

بس انا عندي سؤال نفسي اسالهولك عشان اعرف السيناريو اللي حصل معاك هوه هوه سيناريو باقي الرجال الكرام

نظام تكلمها متردش حاجات مستنيها منها متحصلشي - كلميني وانتي نازله تنفض- والجو ده ولا ايه كان النظام

واتمنى لك من كل قلبي انك تمشي يمين مش تمشي شمال وعايزه بقدره قادر يلف يمين

بص الموضوع ده خلاص انتهى بح مش موجود بعد ما تقولنا ايه اللي انت عملته خلاص الموضوع اتقفل لا تتكلم فيه مع صحابك ولا اهلك ولا اي بني ادم خلاص الموضوع ده مش موجود محصلش اساسا واي حاجه متعلقه بيها اتمسحت اتحرقت اترمت

وتكمل طريقك في شغلك وعملك وهوه ده الي هينسيك

[mohammedsaid]

وهو فى حد حضرتك بيحل مشاكل حد بعد الساعة 12 ولمدة 650 دقيقة ؟؟؟؟ لييييييية خير بتحل مشكلة الضفة الغربية وقطاع غزة !!!!!!

رد جامد
الحقيقه الحمد لله خرجنى من حرقه الدم