خطيبتى خانتنى...موقف صعب أتمنى المساعدة

[حماده المصري]

البنات بقوا بصراحة حاجة فظيعة بقوا احوط من الشباب بكتير و البنات بقت بتلعب بالشباب بصباع رجلها و تخليه يتجنن و يتهبل و هي و لا هنا

اه والله بس انا عايز اقولك حاجه هي بتبقى قرف

ممكن يبقى ولد وبنت اقذر من بعض تلاقي العلاقه الي بينهم زي الفل لانهم زي بعض

وممكن ولد وبنت محترمين يكملوا مع بعض عادي

انما طرف في العلاقه مش مزبوط عمرها ما هتستمر تماما

مع ان معظمهم ممكن مبتبقاش عندهم خيانه بمعنى علاقيه عاطفيه من الدرجه الحساسه (كانها متجوزاه قصدي)

انما بتبقى عادي حب وبتاع وكلام فارغ عشان جوزها مش موجود
وحده جوزها معكنن عليها عيشتها وبتنتقم منه بالاسلوب ده مش عاجبك طلقني

صدقني انا اتحط عليا في الموضوع ده من وحده وانا كنت عبيط برضو اصدق واكمل والاقي بصدفه ايميلات ناس كتير اوي ولاد عندها مش عارف دول ايه لازمتهم واتقرطس باي حوار واكمل عادي

ووصلت لنقطه اني فعلا مبقاش ليا حساب ساعتها بس عرفت اني لازم اقطع ولما قطعت قعدت تبوس التراب الي بمشي عليه ولو رجعت كان برضو نفس الاسلوب هيرجع تاني

ساعتها الواحد استغرب ازاي في بني ادمين كده

[A7MED_PHARMA]

يابشمهندس
موقف الأم والأب:
لازم يلموا الموضوع بأقل خساير , إنك تتطلع غلطان إنك بتشك فيها , وإن هي بنت هبلة وعلى نياتها
وبسرعة يلانجوزكوا علشان نخلص
أي عاقل يشوف إنك بتلبص السطانية .. وللأسف عمك(ماتلوموش)مضطر لكده, علشان لما تسيب بنته بعد 3 سنين خطوبة ... البنت سمعتها هتبقا في الطين لما إبن عمها يهطبها3 سنين ويسيبها
بس دي مش مشكلتك يامعلم


موقف البنت:
تيت
تيت كبير أوي كمان
يعني (مثلا) كانت راحت معاه الشقة ... وقالت لأبوها إنا كنت رايحة معاه أصالحه على مراته
عمك برضوو كان هييجي يقولك "البنت هبلة وعلى نياتها" وإنت إزاي تشك فيها لما تروح مع زميلها البيت علشان تعمل خير

ياراجل

البنت طالما زي مابتقول إنها كااااااانت حاكية لأهلها وهما عارفين الموضوع ده من زمان
وطالما أنهم (وهي معاهم) شايفين موضوع انها تكلم زميلها عادي .. ماقلتش ليك ليها؟؟؟

ولما إنت عرفت ماقلتش ليك كده ليه ساعة مانت وريتها الفاتورة ؟؟؟

وماخافتش على رجولتك وكرامتك ليه .. وسابت الشغل على طول (ع الاقل علشان ترضيك ياراجل)؟؟؟

شغل (المحلسة) بتاع حماك(عمك) مفقوس أوي
في نفس المكالمة إلي فضل يلومك فيها إنك إزااااااااي تشك فيها .. دخلك موضوع العفش الي لازم نخلصه علشان تتجاوب معاه هروبا من اللوم الي نازل على دماغك

م الأخر
لو عمك راجل (سبووور) وعادي لما بنته تكلم راجل متجوز في نص الليل قبل ماتنام .. وأول ماتصحى م النوم
فإنت(أكيد) راجل ومش هتقبل مراتك تبقى كده


سبحان مين مخليني هادي وأنا بتكلم
أنا لو مكانك
أول ماشوف الفاتورة
على عمي عدل .. أقوله روح ربي المحروسة إلي ماعرفتش تربيها


وعلشان خاطري

قلبي بيقولي إنك كاتب الموضوع مستني حد يقولك كلمة تريحك علشان ترجع

تبقا راجل تيت على فكرة لو عملتها
ولله الأمــــــــــــــر

[sas5]

الموضوع كده انتهى ولن تستطيع ان تسلك مع عمك ولاتاخذ منه حق ولاباطل
لابد ان يكون معك احد من طرفك يدعمك فى مواجهتك مع عمك لان المواجهه قادمه لامحاله

[ashouhdy]

أتغدت بيك يامعلم قبل ما تتعشى بيها ذى ما قلتلك هى انهارت لما عرفت انك حتقول لابوها وقعدوا و طبخوها سوا عشان يطلعوها بريئة وانت اللى غلطان ... وحتلاقيهم قاعدين بيدعوا انك تلبس الخطة وتكمل الجواز .... للأسف دة يخليك تتمسك بالانفصال أكبر

[bmw323]

قالتلى ده واحد زميالها فى الشغل وهو بيحبها وهى لفترة بسيطه إستريحتله بس عمرها ماشافت غيرى ولا تتخيل حد غيرى جوزها والكلام الفاضى ده....

اللللللللللللللللله طب لما هى بتحل مشكلة بينة وبين مراتة ماقالتش لية كدا من الأول ألى الى خالها تقول البق دا بقااااااااااااا وأستريحتلة وبتاع !!!!!!!!!!!!!!!!! يبقى ماكنتش بتحل مشكلة بقا يا بوب ! وأية ألى هيخلية يحبها وهى بتقول بتحلله مشاكلة !!!!!!!! يا صاحب الموضوع

[JAM]

والله انا مش لاقى كلام أقوله بعد كلام أحمد بيه كمال... عمك كرعك ولامؤخذة فى الكلمة وشربك شاى بالياسمين ولبسك القرطاس الجميل وقيفه عليك تمام.
بس انا قولك عبارة انا كنت قريتها من حوالى 11 سنة فى المدينة الجامعية وهى
مقابل الحب يموت كل شىء
ولكن إذا كان الحب مقابل الكرامة.. فليموت الحب وتحيا الكرامة

[bmya]

رد عم طبيعي جداااااااااا لان هي اللي سبقت وراحت قالتله لو كنت انت سبقتها وقلتله مكانش عرف يرود خصوصا لو دخلت عليه وانت معاك الفاتوره مفصله بالوقت والمده لكل مكالمه وطبعااااااا طبعاااااااااا مفيش حاجه بحب مشكله لواحد زميلي في الشغل متخانق مع مراته ليه اسامه منير ولا ايه من 12 ل 3 ؟!!!!!
وبصراحه ردودهم مستفززززه جدااااااااااا بس فعلا الموضوع مش سهل خالص خصوصا انه عمك واكيد هيقلب عليك خصوصا دلوقتي بعد ما سوري يعني لبسوك العمه وقلبو الطرابيزه عليك وطلعوك غلطان وانت مردتش عليهم
ربنا يوفققك للخير

[sha2e]

انا كنت هكتب رد لكن لقيت A7MED_PHARMA كاتب اغلب الى كنت هقوله فى وصف الوضع
نيجي للحل
لو شخصية والدتك قويه يبقى تحكيلها الى حصل وتسبها هيا تتصرف وتخلع انت من الصوره خالص
بس لو انت ضامن ان والدتك مش هتستحى منهم ومش هيعملو عليها الشويتين اياهم دول
وبرضو حاول تفهمهم ان الموضوع كده فركش ولو حاولوا انهم يغلطوك قولهم احنا نعمل قاعدة رجاله ونجيب ناس من العيله ونقولهم الوضع حصل كذا كذا ونشوف رأي الناس ايه " من الاخر تهديد صريح بالفضيحه"

لو اتمسكت بموقف متستغربش لو المخرج و المؤلف حاولوا يضيعو حلقتين من التمثليه الخايبه الى بيعملوها عليك دي بأنهم يتصلو بيك ويقلولك بأنها حاولت الانتحار بسببك وانهم كانوا مخبيين عليك ومش عايزين يقولولك

[minicooper20]

اخسر عمك و بنتك عامك و مرات عمك و وولاد عمك و دوس عليهم
لان دول ناس اصلن داسو على كرمتك و رجولتك
عمك لا طلع فى مقام ابوك ولا نيله
والله والله انا لو مكانك لسبها و اخطب الصبح بلعند فى عمى و لو فتح بقو معاك قولو العندو معزه يلمها
قال بتصلحو على مراتو قال
و اصلها طيبه
so loooooooooooooooool

[Dr.Mostafa Anwar]

الصراحة يا باشا أنا كنت متخيل إن البنت ممكن تكون في مرحلة مراهقة ومتأثرة بالأفلام والإعلام الوسخ وكده وعندها خلل في المفاهيم لكن واضح من كلامك إن عمك أصلا راجل سبور ع الآخر وديوث أساسا وأخشى إنك تكون من النوعية دي من الرجالة وساعتها مش هتفرق كتير إن إتجوزتها أو إتجوزت غيرها .....

[Donzi]

كنت هارد على الجزء الاول من الموضوع و اقولك فعلا ممكن تكون غلطت و محدش مابيغلطش و الكلام دا و لما وصلت لاخر صفحة لاقيت في تطور في ردود الاعضاء فا رجعت دورت على مشاركتك اللي بتحكي فيها موقف عمك و مراته و هنا بقى تيجي المصيبة

المشكلة مابقتش في بنت عمك بس و في انها غلطت دي المشكلة الاكبر في بابها و مامتها اللي بيبررولها الغلط و يطلعوك انت اللي غلطان و هي ما دام لاقية اهلها الكبار بيبررلوها الغلط و متقبلينو يبقى هاتغلط تاني و تالت مادام بتلاقي اللي يطلعها صح و يطلعك انت غلط و يقلب الاية

يعني الغلط بقى كمان في تربيتها و اللي هي بتتعلموا من بابها و مامتها و الموقف دا هايتكرر تاني بس باشكال مختلفة و اي مشكلة او خلاف هايحصل بينك و بينك هايقلولك انت ازاي تقول عليها كدا احنا بنتنا متربية احنا بنتنا مابتغلطش احنا بنتنا زي الفل و عمرهم ما هايقفوا جنب الحق او جنبك

يبقى العيب هنا من البيت و الاهل قبل ما يكون من البنت بس و في الحالة دي يبقى حتى لو انت سامحتها ولا قررت تكمل هايبقى الموضوع فاشل لأن العيب مش فيها بس و مع احترامي لعائلتك بس العيب الاكبر في والدها و والدتها و دا اللي هايخرب الدنيا ان اجلا او عاجلا

[أحمد كمال]

مدام دونزي ........ جول تاني بعد جول مدام دوللي .......... ربنا يبارك لكم في بناتكم و يطلعوا زيكم

[Donzi]

مدام دونزي ........ جول تاني بعد جول مدام دوللي .......... ربنا يبارك لكم في بناتكم و يطلعوا زيكم

ااااااااانسة لو سمحت

و يسمع من بقك ربنا عشان انا بحب البنات اوي

[AmatoALLAH]

يالهووووووووووووووووي

مش هقدر اقول غير ان كيدهن عظيم

ايه الدماغ دي

يعني قالت لامها و هما الاتنين خططوا و اقنعوا عمك و طلعوك انت الغلطان و الظالم

انا في بداية قرأتي للموضوع و ردي عليك قلت ممكن تكون صغيره في السن و عبيطة و غلط غير مقصود

لكن مع احترامي بئي انها بنت عمك و لا مش بنت عمك اصلا رد فعل عمك غاظني اكتر من تخطيط بنت عمك و مامتها اللي لعبوها صح , في توقيت صح

لا وعمك يقولك لو ماكنتش البنت نايمة و بتعيط و سوخنه ماكونتش عرفت , قال يعني بيحنن قلبك عليها

انا لما كنت بقول ماتقولش لعمك , كان من باب ستر مسمة لعلها تتعظ و تعرف غلطها بفقدانها لك بسبب عملتها دي

الصراحه لا البنت يتبكي عليها و لا اهلها مع احترامي لهم انهم قرايبك

و الاخوه و الاخوات هنا عملوا اللي عليهم و زيادة و نصحوك و انت اللي في ايدك القرار بس ماترجعش تقول ياريت الي جري ما كان و زي ما احمد كمال قال انت اللي اديتهم فرصه يخططوا و يفبركوا و شم راضي تاخد خطوة تحسم بها الموقف

انا هسكت بئي لان الواحد مش ناقص لا ذنوب و لا هموم و الله يهدي عمك , و قال انا يا عيني كنت خايفه يعرف لا الراجل يجرالوا حاجه و لا يعمل فيها هي حاجه

[AmatoALLAH]

معلش فيه كلمه واقفه في زوووري و لازم اقولها لحضرتك

انت لو تغاضيت المره دي عن اللي حصل اعرف ان بعد الجواز هتتغاضي عن حاجات كتير و اكبر من كده بكتير اووووي

ما هي عرفتك خلاص و عرفت اخرك ايه و عارفه اهلها ايه و تجيبهم في صفها ازاي ووقتها بئي هيكون بينكم اولاد و هيصعب عليك ولادك و هتتنازل اكتر و اكتر و تعمل نفسك مش شايف و مش عارف
دا يعني علي اعتبار انك مش مقتنع بكل الي اتقال بس انا احسبك ان شاء الله علي خير و هتعقله و تفكر بعقلك مش قلبك اللي شكله جايبك ورا

حرام عليك دا ضغطي علي