القواعد الذهبية لاختيار زيت العربية.... موسوعة مبسطة لأساسيات زيوت المحركات

**borio1704** · 11-02-2014 01:20 PM

المشاركة الأصلية كتبت بواسطة tamerelbadwy

انا عندي سؤال انا بقالي فتره مش مستقر علي نوع زيت واحد مره موبيل ومره شيل بس كله تخليقي ده ممكن يبقي فيها مشكله

لا مفيش مشكلة ولا حاجة

المهم إنك ما تخلطش نوعين زيت أو حتى ماركتين زيت حتى ولو ليهم نفس المواصفات

زي ما قلنا قبل كده... خلط الزيوت ممكن يكون ليه آثار جانبية غير محسوبة بسبب اختلاف مكونات الإضافات الموجودة في كل ماركة عن التانية.

إنما لما بتنزل الزيت.. البواقي اللي موجودة على الجدران الداخلية ممكن نهمل تأثيرها.

...

**borio1704** · 13-02-2014 10:56 AM

المشاركة الأصلية كتبت بواسطة singary2010

السلام عليكم ورحمته الله وبركاته
انا كنت بستخدم شيل الاحمر ومن يومين سألت عليه قالوا انه مبقاش بينزل لان شركة شيل اتباعت ونزل مكانه توتال ونفس المواصفات api/sf/cd وده زى ما حضرتك وضحت ده اقل زيت .
دلوقتى انا عندى ربع لتر من شيل الاحمر هل ينفع احطه على توتال بما انهم نفس المواصفات
ولكم جزل الشكر

الإجابة في المشاركة اللي قبل مشاركة حضرتك مباشرة :)

...

**teefa1985** · 17-02-2014 02:02 PM

ما شاء الله علي معلوماتك القيمة و طريقتك البسيطة و الجميلة في الشرح

**MoustafaElfaek** · 19-02-2014 05:45 PM

أولا شكرا بجد على الموضوع بالتفاصيل الرائعة دى
ثانيا أنا عندى استفسار معقد شوية
دلوقتى أنا لسة شارى عربية ميجان 2006 بقالها معايا شهر تقريبا بس قدر الله ان الموتور يعمل مشكلة واضريت أغير بلوكة موتور من أسبوعين تقريبا
المهم ان الميكانيكى (مركز القاضى فى الحرفيين) حطلى زيت كالتكس 1000 كيلو (طبعا أنا فاهم ان التسمية دى غلط حسب ما فهمت من موضوعك لكن ده اللى هو قاله) عشان أغسل الموتور قبل ما أحط الزيت الجديد
أنا كنت عايز أحط زيت تخليقى وطول عمرى شغال مع موبيل ومش عارف بصراحة ايه أحسن حاجة أستخدمها للعربية دى
لكن المشكلة الأكبر مش فى دى.......المشكلة انى مش عارف هل فى حاجة أعملها قبل ما أخط الزيت الجديد؟ (ملحوظة فى أويلسيلات بالفعل بتجيب زيت فهغيرها بالمرة - هى فى الموتور ناحية سير الكاتينة ومش فاكر اسمها)
المهم أنا عايز نصيحة منك أعمل ايه بالظبط لأنى ضعيف أوى فى موضوع الميكانيكا ده ومش عايز أعمل حاجة تبوظلى الموتور

**borio1704** · 19-02-2014 10:37 PM

المشاركة الأصلية كتبت بواسطة moustafaelfaek

أولا شكرا بجد على الموضوع بالتفاصيل الرائعة دى
ثانيا أنا عندى استفسار معقد شوية
دلوقتى أنا لسة شارى عربية ميجان 2006 بقالها معايا شهر تقريبا بس قدر الله ان الموتور يعمل مشكلة واضريت أغير بلوكة موتور من أسبوعين تقريبا
المهم ان الميكانيكى (مركز القاضى فى الحرفيين) حطلى زيت كالتكس 1000 كيلو (طبعا أنا فاهم ان التسمية دى غلط حسب ما فهمت من موضوعك لكن ده اللى هو قاله) عشان أغسل الموتور قبل ما أحط الزيت الجديد
أنا كنت عايز أحط زيت تخليقى وطول عمرى شغال مع موبيل ومش عارف بصراحة ايه أحسن حاجة أستخدمها للعربية دى
لكن المشكلة الأكبر مش فى دى.......المشكلة انى مش عارف هل فى حاجة أعملها قبل ما أخط الزيت الجديد؟ (ملحوظة فى أويلسيلات بالفعل بتجيب زيت فهغيرها بالمرة - هى فى الموتور ناحية سير الكاتينة ومش فاكر اسمها)
المهم أنا عايز نصيحة منك أعمل ايه بالظبط لأنى ضعيف أوى فى موضوع الميكانيكا ده ومش عايز أعمل حاجة تبوظلى الموتور

أول حاجة... شوف الموتور من جوه فيه نضيف ولا ﻷ.. يعني ترسبات الزيت لو كتير محتاجين نشيلها.

لو لقيت إن الموتور محتاج نظافة (يعني محتاج نشيل الترسبات بتاعت الزيت ) يبقى نعمل فلش الأول.

طبعا.. الميكانيكي هو اللي يحكم على موضوع النظافة ده.. بحكم إنه هو اللي ركب البلوك... ولو إني أعتقد إنه المفروض يكون عمل نظافة يدوية قبل التركيب.

تاني حاجة.. يفضل نغير كل الأويل سيلات والجوانات...

بعد كده حط زيت تخليقي حسب الكتالوج

بالنسبة لنوع الزيت التخليقي.. الموجود حاليا في السوق يكاد يكون كله زي بعضه.. بس ده ما يمنعش إنك تتأكد من مواصفاته قبل ما تشتريه بحيث يطابق توصيات الكتالوج.

لو الكتالوج عندك.. ارجعله وهتلاقي فيه كل اللي انت عايزه.. ولو مش موجود.. ممكن تنزله من على النت.

...

**borio1704** · 22-02-2014 10:41 PM

المشاركة الأصلية كتبت بواسطة Killed B-4

فالاول احب اشكر حضرتك عالموضوع الرائع ده
وعايز اٍأل عن التعاون الاصفر sm هل هو نصف تخليقى ولا معدنى بس وهل شركه التعاون بتنزل نصف تخليقى لو ده معدنى

بصراحة مش هقدر أفيدك في ماركات الزيوت والتفاصيل بتاعتها

عموما.. ممكن حضرتك تدخل على الموضوع ده
http://www.nilemotors.net/Nile/388328-a.html

بيتهيألي هتلاقي كل المعلومات اللي حضرتك عايزها

...

-

الموضوع: القواعد الذهبية لاختيار زيت العربية.... موسوعة مبسطة لأساسيات زيوت المحركات

LinkBack

أدوات الموضوع

عرض

-

-

-

-

المواضيع المتشابهه

مواصفات زيوت المحركات

زيوت المحركات

ما هو الافضل فى زيوت المحركات

سؤال عن زيوت المحركات

أسعار زيوت المحركات في مصر والخليج (مقارنة)

الكلمات الدلالية لهذا الموضوع

المفضلات

المفضلات

ضوابط المشاركة