القواعد الذهبية لاختيار زيت العربية.... موسوعة مبسطة لأساسيات زيوت المحركات

**MELKASHEF** · 29-09-2013 06:33 AM

موضوع أكتر من رائع
جزيت خيرا يا باشا

**borio1704** · 29-09-2013 11:03 AM

المشاركة الأصلية كتبت بواسطة buddha

موضوع منسق وغنى بالمعلومات .......

ليا سوائل اغلب المواتير بتطلب زيت SAE 15w/40 ...... واغلب الزيوت فى مصر SAE 20w/50
عربيتى موديل 95 ولكن الموتور ممتاز بفضل الله وباستخدم على طول درجة 50 وقررت انى اغير المرة الجاية لــ 40

هل هيكون تغيرر جيد للمحرك ام لة تاثير سلبى ؟؟؟

شاكر جدا جدا

لو مفيش درجة لزوجة معينة موصى بيها من المصنع... يبقى إن شاء الله مفيش مشاكل، وغالبا هتحس بإن الموتور بقت استجابته أسرع بعض الشيء

طبعا ... مفيش شك إن الـ20w-50 حمايته أزيد من 15w-40، لكن الفرق مش كبير وتأثيره ضعيف على ما أعتقد.

...

**elbalashoon** · 02-10-2013 02:27 PM

السلام عليكم عربيتي بيجو 405 موديل 2003 عداد الكيلو متر 238 الف العربية معايا من الزيرو ودائما بحط زيت شل الترا 10 الاف والسؤال هنا
هل انا المفروض اغير الزيت واحط 5 الاف علشان اللزوجة اكيد هتكون اعلى والعربية ماشية كتير مع العلم ان معظم مشاويري بتكون سفر وطرق مفتوحه او بمعنى اصح ايه الزيت المناسب للموتور ....وشكرا

**gadoo30** · 04-10-2013 10:10 PM

المشاركة الأصلية كتبت بواسطة borio1704

المشكلة هنا مش حساب الكيلومترات.... المشكلة إن عمر الجوانات والأويلسيلات في الموتور بقى كبير... والمعروف إن أي أجزاء مطاطية أو بلاستيكية عمرها الافتراضي في حدود الـ5 سنوات، وبعدها بيكون معدل التحلل والتشققات كبير، بغض النظر عن كون الأجزاء دي استخدمت أو ما استخدمتش خلال الفترة دي.

وهو ده السبب الرئيسي في كون العربيات بتفتح بقها في الصيانة بعد 5 سنين

عشان كده بنقول... لو عربيتك عدى عمرها الـ5 سنوات وما عملتش صيانة وتغيير للأجزاء المطاطية في الموتور... ما تغيرش من زيت معدني لزيت تخليقي من غير ما تتابع وتشوف التسربات اللي ممكن تحصل منه من أي مكان فيه... خصوصا إن الزيت التخليقي هيزود التشققات دي لو هي موجودة.

...

برنس والله
فعلا الول ما غيرت من زيت معندى لزيت تخليقى شل الترا 10000 في التوكيل في صيانة ال 55000 كم حصل ترشيح من جوان وش التاكيهات والزيت بعد 6000 كم نقص وغيرتة على 7000 بزيت وولف
عموما هجرب زيت وولف دة ولو نقص هرجع لزيت نص تخليقى او معدنى وربنا يسترها
وربنا يباركلك على المعلومات الجميلة دى

**warfighter2114** · 07-10-2013 10:04 PM

كلام رائع

**Hsenna** · 07-10-2013 11:46 PM

الموضوع هايل جدا وربنا يجازيك خير إن شاء الله بس عندي إستفسار هام جدا وياريت الرد ضروري:
بالنسبة للموتوسيكلات الريسينج زي cbr 919 , cbr 1000 إية أحسن الزيوت اللي تنفع ليها مع العلم إن ال rpm دائما ما بيبقى عالي وبيوصل ل 10000 لفة والسرعة بتيقى عالية جدا بتوصل 300كم وتتغير على كام كيلومتر.