الموضوع: القواعد الذهبية لاختيار زيت العربية.... موسوعة مبسطة لأساسيات زيوت المحركات

المشاركة الأصلية كتبت بواسطة midoalwayswin

السلام عليكم في البداية بشكركم ع مجهودكم الكبير جداااااااااا وكان معلش عندى استفسار انا معايا كروز ٢٠١٠ عدادها الحالى٧٣٠٠٠ انا تانى مالك المالك الاول غير زيت الفتيس عند ٦٧٠٠٠ بس كان نوع مش معروف المهم لما العداد كان ع ٦٩٠٠٠ رحت لميكانيكي عشان اغير كاوتشة الكوبلن فنزل زيت الفتيس من غير ميقصد ولما شفت الزيت لقيته محروق ولزوجته وحشة فجبت زيت موتيل من وكيله وحطيته عند الميكانيكي المهم العربية احيانا بتنتش بين الغيارات وامبارح وهي بتنقل حسيت ان العربية اترجيت بطريقة واضحة مرة واحدة بس فده سببه ايه وحله ايه وينفع امشي بالعربية ولا لا ارجو الافادة للاهمية واسف جدا ع الاطالة

أتوقع إن عربية حضرتك أوتوماتك.. مش كده؟؟

غالبا الزيت اللي حضرتك استخدمته مواصفاته غير المطلوبة في الكتالوج... لإن الفتيس الأوتوماتك بالذات بيفرق فيه نوع الزيت المستخدم بشدة.

راجع الكتالوج وشوف الزيت المطلوب نوعه إيه (مش ماركته).. واشتري الزيت المكابق للمواصفة المطلوبة وما تغيرهوش.

ولازم تنزل كل الزيت اللي اتحط وتحط الزيت الصح.


...

المشاركة الأصلية كتبت بواسطة هشام السيد

ازيك ياباشمهندس كان ليا استفسار دلوقت انا كنت بحط شل ولاقيت زيت اسمه gm وهو مخصص للاوبل فهل الزيت دا معروف او ليه سمعه كويسه مع العلم ان مواصفاته زي الكتالوج وشكرا

ده زيت جنرال موتورز General Motors.. وحضرتك عارف إن أوبل هي إحدى شركات جنرال موتورز..

والأكيد إن الزيوت دي معمولة مخصوص علشان تستخدم في عربيات جنرال موتورز كلها.. ولو عايز تستخدمه يبقى تمام طبعا..

بس في الحالة دي تمشي مع الكتالوج بالضبط من ناحية وقت التغيير.. لو قاللك 5000 كيلو يبقى 5000.. ولو قاللك 10 آلاف يبقى 10 آلاف.. أو بالمدة بردو حسب الكتالوج.


...