الموضوع: القواعد الذهبية لاختيار زيت العربية.... موسوعة مبسطة لأساسيات زيوت المحركات

المشاركة الأصلية كتبت بواسطة هشام السيد

انا مش بعرف ارفق صور ازاي

ادخل على موقع رفع الصور بتاع نايل موتورز بنفس الأكاونت بتاعك على المنتدى.

nileup.com

واتبع التعليمات بتاعتهم. . بالذات بتاعت حجم الصورة (ما تزيدش عن 2 ميجابايت)..

وبعدين.. خد الرابط بتاع الصورة اللي هيطلعلك وحطه في الموضوع من خلال الأيكون ده

بس كده :)


...

المشاركة الأصلية كتبت بواسطة Ahmad Azaaz

شكرًا جزيلًا على الموضوع الرائع،،
محتاج أعرف نوع الزيت لعربية 318i موديل 2009 - عداد 120 ألف كيلومتر جاري حاليًا تغيير شورت بلوك (استيراد).
الوالد شاري العربية مستعملة بدون كتالوج، من خلال البحث على الانترنت وجدت المعلومات التالية في كتالوج السيارة:
Approved oils:
Gasoline:
BMW Longlife-01
BMW Longlife-01 FE
Diesel:
BMW longlife-04
SAE 0W-40, 0W-30, 5W-40, 5W-30
BMW recommend Castrol

حسب المكتوب... حضرتك تقدر تشتري أي زيت باللزوجات :
0W-30 , 0W-40
5W-30 , 5W-40

بشرط إن يكون عليه كود مواصفة BMW longlife-01

أقرب حاجة جاية في دماغي دلوقتي هي موبيل 1

وممكن تسأل عند آمسويل كمان.. عندهم الآمسويل اليوروبيان مناسب لعربيتك

واحتمال الكاسترول إيدج

في جميع الاحوال... اتاكد قبل ما تشتري من وجود الكود على علبة الزيت... ولو ما لقتهوش... ما تشتريهوش.

خلي بالك.. موضوع الكود ده شيء جذري في مواتير البي إم... ولو ما مشيتش عليه الموتور بيفوت.

أنا كل يوم بشوف عربيات بي إم مستعملة مع مصريين في السعودية.. وللأسف.. كلها مواتيرها مفوتة !!!!!! علشان محدش بيحط في دماغه موضوع الزيت ده.


...

المشاركة الأصلية كتبت بواسطة هشام السيد

متشكر لرد حضرتك يابشمهندس هو زيت امسويل (10-40 xL ) الميزه انه تخليقي بالكامل بخلاف نفس اللزوجه دي في الزيوت الاخري واللي عرفته ان امسويل حتي لزوجة )20-50) بتنزل تخليقي . فهل فرق AB يعملي مشكله !!؟ انا فضلته بصراحه عشان تخليقي كامل انا عربيتي اوبل فيكترا بي والكتالوج 10-30 ل10-50 A3B3

ده بروشور مواصفات زيت أمسويل XL بلزوجة 10W-40..

https://www.amsoil.com/lit/databulletins/g1404.pdf

الحقيقة أنا اضطريت أراجع مواصفات الـACEA علشان أقدر أدي حكم.. لإن ACEA طلعت كذا مواصفة من سنة 2002 لحد 2012 .. وكل مواصفات الزيوت ليها نفس الأرقام (A1 , A3, A5).. بس القيم الفعلية بتتطور من مواصفة للتانية (للأحسن).

بناء على الكلام ده.. أقدر أقوللك إن مواصفة الـA1 الجديدة أحسن من مواصفة A3 القديمة اللي كانت موجودة أيام ما العربية اتعملت... ده باعتبار إن آمسويل بتعمل زيوتها طبقا لآخر مواصفة من ACEA.


اطمن.. تقدر تستخدم زيت آمسويل XL بدون مشاكل إن شاء الله.


...