الموضوع: القواعد الذهبية لاختيار زيت العربية.... موسوعة مبسطة لأساسيات زيوت المحركات

المشاركة الأصلية كتبت بواسطة borio1704

تقدر تعرف معلومات أكتر عن تصنيف زيوت الأساس من هنا..
http://www.nilemotors.net/Nile/453047-a.html
...

شكرا على الرابط
مذكور ان زيت امسويل من المجموعه الرابعه .. و كان فيه موضوع لمدير المنتدى للتعريف بزيت امسويل ذكر فيه انه من المجموعه الخامسه و اعتقد انك رديت فى الموضوع

هل امسويل Signature Series من المجموعه الرابعه او الخامسه ؟

وحتى الآن.. لما بيحصل مقارنة علمية لأداء الزيوت في أمريكا .. عادة زيوت آمسويل بتبقى من ضمن الـ5 الأوائل .

- ممكن نعرف اسماء الشركات ال 5 الاوائل ؟ لاضافتهم للاختيارات

- ممكن رابط للمقارنات العلميه دى ؟

- انا وجدت المقارنات دى بعد بحث سريع النهارده الصبح ( و ما اعرفشى متحيزه ام لا ؟ )
What is the best synthetic motor oil?

Motor Oil Comparison Testing Results November 2008

ده ما يمنعش إن آمسويل عندها زيوت أداءها أقل... بس الشيء المميز فعلا لآمسويل إن كل زيوتها تخليقية تماما بلا استثناء.

- انا اخترت امسويل Signature Series .. لانى موش عايز زيت يتغير كل 6 شهور

- بس فيه مشكله
و مفيش لزوجه 5W40 الا للسيارات الاوروبيه و مذكور انها مصممه فقط للسيارات الاوروبيه

- لزوجات ال Signature Series
0W40 و دى موش موجوده فى مصر !! ؟؟ .. اتصلت بيهم النهارده
5W30 موجوده
و اعتقد ممكن كمان 10W30 ممكن تكون موجوده بس موش متأكد



ايه الحل ؟؟ .. ده رابط لسيارات البنزين فقط Signature Series
AMSOIL Synthetic Motor Oil and Engine Oil

سؤال :
هل ممكن استخدم Signature Series اللزوجات الاتيه
0W40 .. هل الرقم 0 سيؤثر بالسلب عند بدايه الدواره ( يعنى الزيت هيهرب من الخلوصات ؟ )
5W30 او 10ًًW30.. هل الرقم 30 ضار .. كنت قريت مقال او فى المنتدى ان لزوجه 30 مسموحه للشرق الاوسط بصفه عامه ؟



المواصفه عندى .. موتور 2000 cc ميتسوبيشي جالانت 4G63-S4M

1- استخدام موبيل 1

2- جدول اللزوجه
- هناك قيمه مهشره بالاسود ( SAE 10W-30 ) .. و اسفل الجدول مربع مهشر و لكن لا يوجد شرح لتوضيح التهشير .. ( بالنسبه لى استطيع ان افهم السبب .. اعتقد هذه اللزوجه هى المستعمله فى الصين على ما اظن .. و ايضا التى قرأتها فى كتالوج الشيرى للموتور الصينى ACTECO

- القيمه SAE 10W-40 .. موجوده ابضا للجالانت القديم 4G63-SOHC ( نفس موتورنا كامه واحده.. راكب على جالنت قديم حتى سنه 1993 ) .. و الزيت الموصى به له هو Semi Synthetic 10w-40

- القيمه SAE 5W-40هى القيمه الجديده التى يتم ذكرها للمره الاولى ( اعتقد علشان موبيل 1)

الملحوظه فى جدول اللزوجات انه ثابت على الرقم 10W .. ما عدا الرقم المضاف حديثا علشان موبيل 1 5W

و كمان موبيل 1 دلوقتى اصبح 0W40







ارجو النصيحه و شكرا على اهتمامك الدائم باعضاء المنتدى

تحياتى

هندسه بعد اذنك دلوقتي انا عايز احافظ علي الموتور لاطول فترة ممكنه و مش فارق معايا توفير البنزين بس المشكله اني ساعات بستخدم العربية في اليوم علي فترات متابعده فاني الافضل استخدم ال 10w40 ولا 20w50 ولا 15w50 و كلهم مناسبين طبقا للكتالوج
و دلوقتي في حاجه انا مستغربها زيوت امسويل منزلين 20w50 تخلقي كامل بس sl طب دلوقتي مش مفروض ان الزيوت التخليقية مستوي خدمه عالي انا استفدت ايه بمستوي خدمه قليل بس زيت تخليقي و هل ينفع استخدم امسويل مع موتور كان طول عمره بين المعدني و النص تخليقي موديل 2005 ؟و ايه رايك في زيوت mannol & motul و خصوصا ان ال موتول فيه ايستر هل استخدمه ؟

المشاركة الأصلية كتبت بواسطة borio1704

بالنسبة ليا أنا شايف الـ3 لزوجات زي بعض... وعلشان نمسك العصايا من النص من ناحية حماية الموتور وسرعة السريان في بداية التشغيل فلزوجة 15W-50 كويسة جدا جدا .. خصوصا إننا داخلين على الصيف.. وكل الزيوت بتبقى سريعة السريان في الحر بدون استثناء.


أما بالنسبة لاستفسارك عن آمسويل...

فالقاعدة دايما هي مقارنة المواصفات أولا.. وبعدين نبقى ندور على موضوع التخليقي والمعدني...

ميزة الزيت التخليقي الحقيقي بتبقى في حاجتين :

1- سرعة سريان عالية في بداية التشغيل... وبالتالي حماية أكبر في النقطة دي تحديدا.

2- ثبات كيماوي عالي خصوصا في درجات الحرارة العالية قوي والمنخفضة جدا.. وبالتالي بيبقى عمره أطول في الموتور.


بس كده...


ومع ذلك.. فمواصفة API SL تعتبر أعلى من متطلبات كتالوج الفيرنا.. وبالتالي فالزيت مناسب لعربيتك..

إنما لو لقيت زيت معدني بنفس اللزوجة ومستوى أداء أعلى (SM أو SN) استخدمه وانت مغمض... بس ابقى غيره حسب توصيات الكتالوج.. مش أكتر من كده.

والزيت ده موجود فعلا في مصر... (التعاون SM بدرجة لزوجة 20W-50).



أما بالنسبة لزيوت Motul... فحسب كتالوج الفيرنا مفيش عندهم حاجة تنفعك... وحتى الزيوت التخليقية بتاعتهم اللي لزوجتها عالية زي 15W-50 فهي مخصصة للسباقات وبيقولوا إنها أعلى من كل المواصفات الحالية.. بس مش شايف أي اعتماد رسمي من أي جهة عالمية (ولا API ولا ACEA ولا أي حاجة خالص)..

https://www.motul.com/fr/en/products...iscosity%5D=32


أما زيوت Mannol.. فبصراحة ما لقيتش عندهم حاجة ملفتة.. زيوتهم عادية جدا ويمكن أقل من العادية..

accessory chemical module title

وأكتر حاجة بتقلقني من شركات الزيوت دي إنهم عندهم قايمة منتجات خاصة بالإضافات.. وأي شركة زي دول مش بفضّل أتعامل معاهم خالص... ودي نفس حالة زيوت ليكوي مولي وزادو مثلا.



ملخص الكلام...

اشتري آمسويل لو عايز حماية في بداية التشغيل ومشيك قليل... واشتري التعاون لو عربيتك بتمشي مشاوير طويلة نسبيا.


...

الف شكر يا بشمهندس معلش سوال تاني طيب دلوقتي في الكتالوج طبقا لظروف القيادة بتعتي و اللي الكتالوج مصنفها قيادة قاسيه الكتالوج بينصح بتغيير الزيت كل 6 شهور فهل انا لو جبت الامسويل هغيرة برده علي 6 شهور ؟ وفي حاجه تاني انا بردة مش فاهمها دلوقتي لو معانا 20w50 معدني و 20w50 تخليقي ليه التخليقي هيبقي اسرع في الانتشار عند بداية دوران الموتور مش هما الاتنين تقال و لزوجتهم عالية؟ بشكرك تاني و تعبتك معايا

المشاركة الأصلية كتبت بواسطة borio1704

بالنسبة للفرق بين كاسترول ماجناتك وكاسترول إيدج... فحضرتك عارف إن شركات الزيوت بتقسم منتجاتها من الناحية "التسويقية" إلى درجات .. درجة أولى تانية وتالتة... وغالبا بيبقى المنتج الدرجة الأولى premium هو الأعلى من ناحية التكنولوجيا والتطور.. والأغلى طبعا.

فعلى حسب معلوماتي :

الكاسترول إيدج يعتبر أعلى مستوى في زيوت كاسترول... أغلب الأنواع اللي بتنزل من "إيدج" بتبقى تخليقية بالكامل من أساس غير معدني.. ومستويات الأداء بتاعتها عالية (api بالذات).

الكاسترول ماجناتك يعتبر المستوى الثاني في زيوت كاسترول... غالبا هتلاقيه إما نصف تخليقي أو تخليقي من أساس معدني

دي الناحية التسويقية... إنما أنا شخصيا ما يهمنيش من الكلام ده كله إلا الأكواد اللي عليه...

أنا شفت كاسترول ماجناتك هنا في السعودية بمستوى api sl... يعني زيت متوسط

سؤال لاستشارى منتدانا المهندس بوريو بخصوص احد الردود قرأتها فى موضوع آخر فى المنتدى

- هل الكاسترول ايدج بكده يعتبر من المجموعه الرابعه على الاقل ؟ .. و بالتالى سيحتوى على الاستر ؟

- الكاسترول ماجنيتك حيكون اما مجموعه 3 ( تصنيعى من أساس معدني ) او اقل .. هل النوع اللى من مجموعه 3 يضاهى او يقل قليلا عن زيوت المجموعه 3 الاخرى فى الجوده لنفس مستوى الخدمه api ( لان احتمال يكون موجود منه لزوجه 10w30 ) .

- ما هو ترتيب جوده زيوت كاسترول ايدج ( 5ًًًw40 ) >> a3/b4 ( ليس C3 ) .. مقارنه مع شل الترا 5ًًًw40 .. موبيل 1 0w40 .. لنفس مستوى الخدمه api

تحياتى

المشاركة الأصلية كتبت بواسطة tasaka

سؤال لاستشارى منتدانا المهندس بوريو بخصوص احد الردود قرأتها فى موضوع آخر فى المنتدى

- هل الكاسترول ايدج بكده يعتبر من المجموعه الرابعه على الاقل ؟ .. و بالتالى سيحتوى على الاستر ؟

- الكاسترول ماجنيتك حيكون اما مجموعه 3 ( تصنيعى من أساس معدني ) او اقل .. هل النوع اللى من مجموعه 3 يضاهى او يقل قليلا عن زيوت المجموعه 3 الاخرى فى الجوده لنفس مستوى الخدمه api ( لان احتمال يكون موجود منه لزوجه 10w30 ) .

- ما هو ترتيب جوده زيوت كاسترول ايدج ( 5ًًًw40 ) >> a3/b4 ( ليس C3 ) .. مقارنه مع شل الترا 5ًًًw40 .. موبيل 1 0w40 .. لنفس مستوى الخدمه api

تحياتى

- كاسترول ملتويه شويه فى كلامها عن زيوتها .. يعنى كلام غير محدد و غير واضح .. يمكن علشان القوانين الالمانيه

- فى منتصف التسعينات .. موبيل رفعت قضيه على كاسترول فى امريكا لان كاسترول بتسمى زيوت المجموعه الثالثه Synthetic .. كاسترول كسبت القضيه و بالتالى ستجد زيوتها المجموعه الثالثه فى امريكا تسمى Synthetic .. على ما فهمت من الموضوع

- اللى قدرت اوصل له ان ليها زيت بيتباع فى امريكا اسمه Syntec الزيت ده مجموعه رابعه PAO .. و الزيت ده مصنوع فى المانيا

- كاسترول فى امريكا وحدت التسميه و حولتها الى Edge .. و لكن باسمين .. Edge Syntec و ده بتاع المجموعه الرابعه .. و Edge Titinium و ده حيكون على ما اعتقد من المجموعه 3 و هى طبقا للمعايير الامريكيه زيوت تصنيعيه
و حتلاقى كاسترول اثناء التحدث عن زيوت ايدج بتقول ان منهم زيت واحد مميز و يختلف تماما عن باقى مجموعه ايدج ( المقصود طبعا هو Edge Syntec )

- ملاحظتى على زيوت كاسترول .. ان الزيوت الخفيفه تحت نفس الاسم سواء من ايدج او ماجنيتك .. بتختلف فى تصنيف المجموعه للزيت ..
يعنى فى ماجنيتك 5W20 او 30 حتلاقيه مجموعه 3 .. اما الزيوت الاتقل ممكن تلاقيها نصف تصنيعى
و فى الايدج 0W30 ده هو بتاع المجموعه الرابعه على ما اظن .. اما باقى زيوت ايدج حتلاقيها مجموعه 3 على ما اعتقد

- بالنسبه للاستر .. اتوقع ان كاسترول بتستخدم الاستر .. و ده حاوضحه فى ردى فى موضوع الزيوت التخليقيه

- ما هو ترتيب جوده زيوت كاسترول ايدج ( 5ًًًw40 ) >> a3/b4 ( ليس C3 ) .. مقارنه مع شل الترا 5ًًًw40 .. موبيل 1 0w40 .. لنفس مستوى الخدمه api

بس ناقص اعرف اجابه السؤال ده .. سعر الكاسترول 360 جم يعنى اغلى من موبيل و شل و فالفولين ..
هل ده علشان انه استيراد ( ام انه بيتصنع فى مصر زى باقى الزيوت ) .. ام علشان الجوده ؟

تحياتى و اعزازى و شكرى لاستشارى منتدانا المهندس بوريو

-

المشاركة الأصلية كتبت بواسطة borio1704

ما شاء الله.. حضرتك جبت الموضوع من الآخر... وحقيقي أنا ما كنتش هجاوبك بأكثر من اللي حضرتك كتبته ده.

فيه حاجة عايزك ألفت نظر حظر حضرتك ليها...

شركات الزيوت الكبيرة زي كاسترول وموبيل وشل بتسوّق منتجاتها بدون الدخول في التفاصيل الفنية لإنهم فاهمين كويس إن 95% من أصحاب السيارات في العالم ما يعرفوش الفرق بين تصنيفات الزيوت أصلا .. وبالتالي نادرا لما حد يدور على نوع زيت الأساس.

فللأسف.... صعب جدا ناخد معلومة مفيدة من الشركات دي... وكل اللي نقدر نعرفه هي إن الزيوت بتاعتهم مطابقة لمواصفات معينة أو لأ.

والموضوع بالنسبالي ما زال مبهم زي حضرتك بالضبط... لإني لسه مش عارف بالتحديد أنهي أنواع من كاسترول من مجموعة 3 وأنهي من مجموعة 4 أو 5.. وكلها مجرد تخمينات.

...

كنت عايز اكتب رد النهارده فى موضوع الزيوت التخليقيه حيكون واضح شويه

موبيل 1 فيه منه مجموعه رابعه PAO .. اعتقد هو اسمه Extended Performance .. اما باقى الموبيل 1 لسه لم اقرأفيها .. بس موبيل بطلت تستعمل الاستر و بتستعمل طريقه تانيه ( اعتقد ستكون اقل فى الجوده )

كاسترول مؤكد ان فيها مجموعه رابعه .. بس لو هى عملت مجموعه 5 .. حتكون عاده من الاستر كزيت اساس زى زيوت كتير مجموعه 5 و ده غالى جدا .. و بالتالى ستكتب بكل وضوح ان منتجها من الاستر

وردا على سؤالك من ناحية مقارنة الزيوت:

فالمقارنة بردو لازم يدخل فيها المواصفات والاعتمادات الرسمية المكتوبة على علبة الزيت...

كقاعدة عامة... الزيت اللي يكون متوافق مع عدد كبير من المواصفات بيكون أداؤه أعلى.


تعالى ناخد فكرة عن الـ3 زيوت

كاسترول إيدج 5W-40
Product Range | Castrol EDGE | Engine Oil - Car Products | Castrol Arabia | Car - Motor Oil & Lubricants | Castrol Arabia | Products | Castrol Middle East | Castrol - Motor Oil & Lubricants | Castrol Middle East
ACEA A3/B4
API SN/CF
BMW Longlife-01
MB-Approval 229.3
Porsche A40
VW 502 00 / 505 00


موبيل 1 نيو لايف 0W-40
0W-40 Oil | Mobil 1 New Life™ 0W-40
API SN/SM/SL/SJ - API CF
ACEA A3/B3, A3/B4
MB-Approval 229.3; MB-Approval 229.5
BMW LONGLIFE OIL 01
VW 502 00/ 505 00 - VW 503 01
PORSCHE A40
SAAB
OPEL GM-LL-A-025 ; GM-LL-B-025
FIAT FIAT 9.55535 - M2 , FIAT FIAT 9.55535 - N2 , FIAT FIAT 9.55535 - Z2


شيل هيليكس ألترا 5W-40

معتمد رسمياً لمواصفة API SL/CF - يلبي متطلبات اختبار المحرك للمواصفة API SN/CF
ACEA A3/B3, A3/B4
BMW LL-01
MB-Approval 226.5; MB-Approval 229.5
VW 502 00/ 505 00
Renault RN 0700/0710


بناء على الكلام ده.. يبقى موبيل 1 هو الأفضل من ناحية الأداء... وبعديه كاسترول ثم شل (شل بمواصفة SL دي ما يستاهلش تشتريه أصلا).

ولو إني شايف كاسترول الأنسب علشان لزوجته زي الكتالوج عند حضرتك.

عموما.. غالبا كاسترول سعره غالي لإنه مستورد... وعايز أقوللك إنه سعره كمان ما يعتبرش غالي مقارنة بزيوت أخرى...

على فكره انا كنت حاطط نفس الترتيب بس بدون مفارنه علميه .. و المقارنه حسمت الموضوع

موبيل كويسه بس بره مصر .. الكاسترول كل اللى بيفهم بيشكر فيه بره مصر

الشل هو ال Pennzoil تقريبا .. زيت منتشر بشده و لكن مواصفته جيده و ليست ممتازه



انا من زمان عايزاسأل استشارى منتدانا عن الاتى .. مثال

API SN/SM/SL/SJ - API CF
ACEA A3/B3, A3/B4

- ايه معنى انه يقول SL برغم انه ذكر الاعلى SN ؟؟ انا عارف ان SL بتسبب Sludge كتير

- كذلك
A5/B5 and A1/B1 .. ايه معنى الجله دى طالما A5 تساوى A1 +A3 .. ازاى يكون موفر و خدمه طويله و فى نفس الوقت موفر و خدمه قليله ؟

- و ياريت تفسر لنا درجات ال C .. يعنى فى زيوت بتكون من نفس الشركه و نفس اللزوجه و لكن مره A3/B4 و زيت تانى بنفس المواصفه و لكن C3 .. ايهما الافضل و ليه الاختلاف .. انا عارف ان ال C علشان علبه البيئه

أنا باشتري زيت بترومين A1 (لزوجته 5W-30) مصنوع في السعودية بسعر 40 ريال للتر الواحد.. يعني حوالي 100 جنيه بأسعار دلوقتي.. وأحد الزملاء اشتراه في مصر من حوالي سنة ودفع 360 جنيه شامل كشف عام على السوائل وأظن كمان نظافة وغسيل للعربية.

دورت عليه على موقع بترومين .. بس لقيت حاجه بديله ليه بنفس المواصفه .. بس فيه مشكله واحده

هو ممتاز و A5/B5 .. و ال VI عاليه .. بس استغربت من رقم مكنتش اتوقع اجده فى زيت بهذه المواصفه .. TBN total Base Number بتاعه 7 فقط و ده قليل على المواصفه العاليه بتاعه الزيت و ده حينقص عمر الزيت علشان مقاومته لل Acids قليله

تحياتى و اعزازى