القواعد الذهبية لاختيار زيت العربية.... موسوعة مبسطة لأساسيات زيوت المحركات

**Mecha** · 29-11-2015 01:19 PM

بلف pcv
Positive crankcase ventilation valve
دا من اسمه تهويه فارغة الكرنك
عشان الاجزاء المتحركه بالفارغه بيحصل انضغاط من الهوا
وغازات الحريق اللي بتهرب ولابد من اخراجها والا السيلات تضرب
او يتخلق ضغط مستهلك يضاف لل pumping loop
في المواتير القديمه خرطوم بيطلع من الفارغه ويهوي للجو
ولتحسين الكفاءة وتقليل الانبعاثات.
اصبح الخرطوم من غطا التاكيهات ويدخل للسحب للحرق ثانيه
لكن الاخد من غطا التاكيهات اللي هو افضل مكان لانه اعلي نقطه
بالمكنه لكن فيه رزاز للزيت بسبب طرطشة التكيهات وضيق الحيز فاتعمل مصيده له في الغطا
ثم check valve بالبلدي سكس بلف ، اللي هو الاخ pcv عشان يخرج الغازات
في اتجاه واحد وميرجعش، ولو pcv بيطلع زيت يبا بايظ يا المصيده
يالمكنه بتنفخ وعاوزه عمره.

**Mecha** · 29-11-2015 01:28 PM

المحركات الحاليه، معظم التزييت بيتم تحت ضغط
للنقط المرغوبه hydrostatic lubrication
والطرطشه للتبريد والغسيل للاجزاء المفتوحه
مثل تروس او كتاين التقسيمه وجسم الكرنك وجدران الاسطوانه
البساتم بيتم تبريدها وغسيلها
ب cooling jets او بشابير بضغط

**El-tanahy** · 14-12-2015 02:30 AM

الموضوع محترم جزاك الله كل خير

**TAMERMEGAHED** · 14-12-2015 10:55 AM

جزاك الله خيرا على المعلومات ده ولى سؤال بعد اذنك خاص بزيت الدركسيوناو السيرفو امتى لازم يتغير لانى على طول بزوده بس وانا بغير زيت العربيه وعملت صيانه ا60 في التوكيل ماقلش انه عايز يتغير والمره ده الفني في صيانه 65 قالى عايز يتغير والعربيه ماشيه لانه ريحته محروقه هو فنى في بترومين الى في جده في صارى اكيد تعرفه بما انك هنا و ازاى اتاكد من كلامه

**borio1704** · 14-12-2015 12:48 PM

المشاركة الأصلية كتبت بواسطة TAMERMEGAHED

جزاك الله خيرا على المعلومات ده ولى سؤال بعد اذنك خاص بزيت الدركسيوناو السيرفو امتى لازم يتغير لانى على طول بزوده بس وانا بغير زيت العربيه وعملت صيانه ا60 في التوكيل ماقلش انه عايز يتغير والمره ده الفني في صيانه 65 قالى عايز يتغير والعربيه ماشيه لانه ريحته محروقه هو فنى في بترومين الى في جده في صارى اكيد تعرفه بما انك هنا و ازاى اتاكد من كلامه

أكيد قصد حضرتك زيت "الباور ستيرينج" Power Steering .. لإن السيرفو ده في الفرامل.

عموما.. أنا دايما بحب أشتغل زي ما الكتاب بيقول... شوف الكتالوج بيقول إيه واعمله

عموما.. لو حضرتك بتتكلم على السيراتو... بأنا عندي كتالوج السيراتو سيدان 2012 .. ومش جايب أي سيرة عن تغيير زيت الباور... إنما بيقول لو حصل تسريب لازم تزوده.. وطبعا المفروض يحصل فحص على خطوط ومواسير الباور والطلمبة كل فترة ..

الأهم من ده... إن الزيت لازم يكون من مواصفة معينة خاصة بالباور ستيرينج.. ومواصفته PSF-4... ودي مش موجودة عند بترومين ولا عند معظم صانعي الزيوت... وغالبا حضرتك هتشتريها من التوكيل أو من عند محلات قطع الغيار الأصلية.

صورة العلبة زي دي

وممكن تلاقيها في هيونداي .. واحتمال تلاقيها أرخص

...

**borio1704** · 15-12-2015 04:06 PM

المشاركة الأصلية كتبت بواسطة kemofayed

الله ينور عليك موضوع تمام جدا هاقلك على اللى فهمته لماتورى انا لانوس 2000 ولسه عامل طقم شنبر وجوان ومافيش خرط مجرد مسيت الوش نظافه انا شايف دلوقتى من كلامك انى احط زيت sj لو ليك راى اخر ياريت وايه افضل زيت ليا ونوعه ايه

حسب كتالوج اللانوس.. فعلا زيت API SJ كافي جدا.

وعموما.. كل ما حطيت زيت أحدث هيكون الكلام ده أفضل للموتور ... وإن كنت أنا شايف إن الفرق مش كبير للدرجة.

والحقيقة .. كتالوج اللانوس مرييييييييييييييييييح جدا في الزيوت... وعامل زي كتالوجات أوبل القديمة (ماهو موتور أوبل أساسا).

وعلى حسب الكتالوج.. فاللزوجات اللي تنفع معاك هي كالتالي:

لو زيت معدني:
20W-40, 20W-50
15W-40, 15W-50
10W-40, 10W-50
5W-50

لو زيت تخليقي أو نصف تخليقي:
10W-30, 10W-40
5W-40, 5W-50

تقدر تستخدم أي زيت من اللي فوق دول بمستوى جودة API SH أو SJ أو SL أو SM أو SN

بالطريقة دي... كل الزيوت اللي في السوق تقريبا ممكن تستخدمها بدون خوف.. بس اختيار اللزوجة له معايير...

أولا.. لو أغلب حالات سواقة العربية فيها تحميل على الموتور.. ففي الحالة دي لازم تستخدم لزوجات عالية.. وحالات التحميل على الموتور زي:
* تحميل العربية بأحمال وزنها تقيل أكتر من نص الحمولة القصوى المسموحة (أكتر من 250 كجم شاملة وزن الركاب).
* قطر مقطورة (كرافان مثلا) أو سيارة أخرى.
* صعود المرتفعات (زي جبل المقطم مثلا).

غير كده.. فاللزوجة الخفيفة كافية.

...

**hh_2k** · 13-01-2016 03:29 AM

سؤال لو تكرمت
انا بحط زيت 20w50 بس مش مريح العربية وحاسس انه تقيل فعلا وعايز احط اخف
هل الافضل اني احط 15w50 ام 10w40 وليه؟
علما بان السيارة ميتسوبيشي لانسر 1998 (كريستالة) والموتور 1600 سي سي انجكشن
وللاسف شاريها مستعملة من غير كتالوج ومش لاقيه على النت
شكرا جدا

**borio1704** · 13-01-2016 09:44 AM

المشاركة الأصلية كتبت بواسطة hh_2k

سؤال لو تكرمت
انا بحط زيت 20w50 بس مش مريح العربية وحاسس انه تقيل فعلا وعايز احط اخف
هل الافضل اني احط 15w50 ام 10w40 وليه؟
علما بان السيارة ميتسوبيشي لانسر 1998 (كريستالة) والموتور 1600 سي سي انجكشن
وللاسف شاريها مستعملة من غير كتالوج ومش لاقيه على النت
شكرا جدا

للأسف .. من غير الكتالوج مش هقدر أفيدك..

عموما.. تقدر تسأل على الكتالوج في قسم ميتسوبيشي هنا في المنتدى.. وإن شاء الله الزملا يفيدوك..

ومتهيألي تقدر تنزل الكتالوج من هنا https://www.mitsubishicars.com/owners/login ... بس محتاج تعمل Account عليه.

...

الموضوع: القواعد الذهبية لاختيار زيت العربية.... موسوعة مبسطة لأساسيات زيوت المحركات

LinkBack

أدوات الموضوع

عرض

-

-

-

-

-

المواضيع المتشابهه

مواصفات زيوت المحركات

زيوت المحركات

ما هو الافضل فى زيوت المحركات

سؤال عن زيوت المحركات

أسعار زيوت المحركات في مصر والخليج (مقارنة)

الكلمات الدلالية لهذا الموضوع

المفضلات

المفضلات

ضوابط المشاركة