نصائح للتخلص من الكرش + أوعي يتنصب عليك

**فادى محمد** · 05-04-2014 02:15 PM

حياك الله يا باشا علي الموضوع الرائع ده..
لي تجربه لعل الاخوه الافاضل تستفيد منها ..
من سنتين كان وزني 110ك وبدات انظم اكلي
- قللت كميات الاكل جدا - العشاء زبديه من غير دسم
+ اي ثمره فاكهه
- شربت ميه كتييرر
- استخدمت دواء حارق امريكي اسمه fat burner
حبايتين الصبح مع الافطار كان بيقفل شهيتي ويحسسني
بالامتلاء وبيحرق الدهون
++ النتيجه بعد حوالي 5 شهور وزني نزل ل89 ك
مقاساتي اختلفت في اللبس . كله نزل بس البطن طبعا
مش زي الوجه والصدر والاكتاف!! المميز بقي ان دهون الاجناب
نزلت اسرع من دهون البطن وكان ليها تاثير برده في المقاس
تقبلوا تحياتي

**mostafa magdy** · 05-04-2014 02:32 PM

المشاركة الأصلية كتبت بواسطة amrelsha3er

الله يكرمك ويباركلك قريت كل كلمه فى الموضوع وكله مفيد ربنا يعزك يااخى
سؤال انا كنت عاوز اسالك على كورس مكملات واحد صحبى قالى عليه مع العلم انى بتمرن من زمان
بس ببطل وانزل وهكذا والفتره الاخيره وزنى زاد للاسف وصلت95ك
الكورس هو xtend+naimal cut+ISO100+AMINO2700
طبعا من الكارديو والجيم نص ساعه كارديو ونص ساعه جيم او ساعه الا ربع وساعه الا ربع
ايه رايك فى الكورس ده ؟
الف شكر للموضوع المتميز ده وياريت لو تفدنا اكتر فى انواع المكملات وفوائدها وهل ليها اضرار جانبيه

زميلي العزيز .. أهلا بيك
amino xtend بتاع شركه scivation محترم جدا و واخد علي موقع Bodybuilding 9.2 و دي حاجه كويسه أوي
بس أنا مستغرب لأن هو هو أمينو 2700 .. بل أفضل ..
Iso 100 بتاع شركه Dymatize منتج محترم بروتين عالي 25 جرام في ال Scoop و كارب قليل .. ينفع أوي في ال Cutting phase عشان تطلع عضله صافيه ..
أنيمال كات منتج محترم طبعا .. و لكني أفضل ال Lipo 6 black .. كلها منتجات محترمه بس تجيبها من مكان موثوق فيه .. المنتجات دي بيتعمل عليها أبحاث كتير و شركات قائمه علي الموضوع ده عشان تطلع منتج كويس .. ملوش أي ضرر إذا تم إستخدامه بصوره صحيحه ..
أتمني تشوف المشاركات و الردود علي الأعضاء الكرام التي تم فيها توضيح أفضل الطرق لإنقاص الوزن .. و سأقوم بإذن الله بعمل موضوع عن المكملات الغذائيه ..
تحياتي ..

**emam** · 05-04-2014 02:32 PM

متابع بكل اهتمام ... موضوع جميل فعلا جزاك الله خيرا اخى الكريم ...

**mostafa magdy** · 05-04-2014 02:36 PM

المشاركة الأصلية كتبت بواسطة minicooper20

معليش هرد انا بنيابه عن الدكتور لان الكرس استفزنى شويه
هو حضرتك عايز تعمل ايه فى جسمك يعنى دفنشن و لا هتزود ضخامه و لا هتنزل وزن مع الاحتفاظ بالعضل
انا من راى المتواضع مع انى معرفش طولك بس هخمنو ١٧٥
ليبو ٦ مع اوبتى مين مع اكسبلود لانك هتنزل بمعدل الكرب للنص فا بورك هيقل
مع ايزو و جلوتامين
و التمارين زود عدد قلل وزن بس متزدش عن ١٢ عده
الكاريدو بعد الحديد ٣٠ دقيقه على المشايه بنزام السبرنتات
هتجيب ٥ كيلو فى الشهر
مع الاحتفاظ ب ٨٠ ٪من العضل و تمشى على الجدول ٦٠ تمرينه مش ٦٠ يوم
لا الاكستند و لا الامينو ليهم لازمه فى حالتك
وجه نظر
Regrds.....

تحياتي .. عاش مره تانيه

أحترم جدا اللي فاهم هو بيعمل أيه في جسمه .. لأن الموضوع مش هين ..

**Silent~Dream** · 05-04-2014 02:36 PM

الف الف شكر لحضرتك جزاك الله خيرا على المجهود الكبير و الشرح الرائع انا ببدا فعلا بعد الفجر و قبل ما الشروق بحاجه بسيطه و بعمل stretching بس بعمله بعد الجرى بس و بسخن مشى سريع لمده 5-7 دقائق و جرى خفيف جدا لمده 3 دقائق بعدين اعمل breathe test واجرى فى نفس الوقت يكون كلامى مفهوم و باخد نفسى بدرجه معقوله لمده 10-14 دقيقه بعدين اريح دقيقه و اكمل 10-14 دقيقه تانى و مسافه الجرى صافى حوالى 4-6 كيلو فهل اكمل كده افضل و ازود كل ما احس انى جريت المسافه دى باريحيه ولا اخدها نظام HIIT و sprint ( طبعا الاسبرنت الواحد بيجرى باقصى سرعه عنده ) يا ريت حضرتك توضحلى ايه نقاط الخلل فى النظام ده و الافضل اعمل ايه لانى عايز ازود اللياقه البدنيه و ال endurance وسرعة الركض عموما عندى و شكرا مره تانيه لحضرتك و لتعبك معانا

**mostafa magdy** · 05-04-2014 02:43 PM

المشاركة الأصلية كتبت بواسطة egyptawy2010

ممكن حضرتك تقولنا على نوعية التمارين الا ممكن نعملها

أهلا بيك ..
حضرتك ممكن تشوف الفيديوهات المرفوعه عن ال Stretch ,& HIIT .. و انا هعمل موضوع منفصل بعد موضوع الأكل و المكملات عن التمرينات اللي ممكن حتي نعملها في البيت Home Workout

تحياتي .. و متابع معاكم في كل أستفسار لا تقلق

**Farouk84** · 05-04-2014 02:43 PM

المشاركة الأصلية كتبت بواسطة فادى محمد

حياك الله يا باشا علي الموضوع الرائع ده..
لي تجربه لعل الاخوه الافاضل تستفيد منها ..
من سنتين كان وزني 110ك وبدات انظم اكلي
- قللت كميات الاكل جدا - العشاء زبديه من غير دسم
+ اي ثمره فاكهه
- شربت ميه كتييرر
- استخدمت دواء حارق امريكي اسمه fat burner
حبايتين الصبح مع الافطار كان بيقفل شهيتي ويحسسني
بالامتلاء وبيحرق الدهون
++ النتيجه بعد حوالي 5 شهور وزني نزل ل89 ك
مقاساتي اختلفت في اللبس . كله نزل بس البطن طبعا
مش زي الوجه والصدر والاكتاف!! المميز بقي ان دهون الاجناب
نزلت اسرع من دهون البطن وكان ليها تاثير برده في المقاس
تقبلوا تحياتي

طيب
fat burner
ده شراب ولا كبسولات وبكام ومن فين وايه تأثيره على الصحه. وكمان خسيت الوزن ده كله من غير اى رياضه.

**mostafa magdy** · 05-04-2014 02:50 PM

المشاركة الأصلية كتبت بواسطة Silent~Dream

الف الف شكر لحضرتك جزاك الله خيرا على المجهود الكبير و الشرح الرائع انا ببدا فعلا بعد الفجر و قبل ما الشروق بحاجه بسيطه و بعمل stretching بس بعمله بعد الجرى بس و بسخن مشى سريع لمده 5-7 دقائق و جرى خفيف جدا لمده 3 دقائق بعدين اعمل breathe test واجرى فى نفس الوقت يكون كلامى مفهوم و باخد نفسى بدرجه معقوله لمده 10-14 دقيقه بعدين اريح دقيقه و اكمل 10-14 دقيقه تانى و مسافه الجرى صافى حوالى 4-6 كيلو فهل اكمل كده افضل و ازود كل ما احس انى جريت المسافه دى باريحيه ولا اخدها نظام HIIT و sprint ( طبعا الاسبرنت الواحد بيجرى باقصى سرعه عنده ) يا ريت حضرتك توضحلى ايه نقاط الخلل فى النظام ده و الافضل اعمل ايه لانى عايز ازود اللياقه البدنيه و ال endurance وسرعة الركض عموما عندى و شكرا مره تانيه لحضرتك و لتعبك معانا

أحييك جدا جدا جدا
لأن الطريقه اللي حضرتك بتعملها طريقه محترفين .. بلا مبالغه

ما شاء الله
اللي أقدر أفيد حضرتك بيه إن الأبحاث اللي أتعملت علي ال HIIT قالت إنه أفضل من الطريقه اللي حضرتك بتقوم بيها في الجري ..
لأنه بيحافظ علي الكتله العضليه و في نفس الوقت بيخلي الجسم يحرق دهون أكتر حتي أثناء الراحه !
كانوا واخدين في البحث ده أكتر من شخص منهم Usaine Bolt اللي عنده الرقم القياسي في سباق ال 100 متر في الأولمبيات 9.8 تقريبا إذا لم تخونني الذاكره ..
يعني حضرتك شوف صوره https://www.google.com.eg/search?new...%3B1228%3B1500
هتلاقيه محتفظ بكتله عضليه محترمه أوي ..
قصاد إن طرق الجري العاديه بتهلك العضلات و تحقق حرق للدهون أقل من المتبع في ال HIIT و الأهم من كده إن حرق الدهون بيستمر بعد التمرين العادي كحد أقصي ساعه .. في مقابل 12 ساعه حرق بعد ال HIIT
ال Sprint طبعا بيكون أقصي سرعه حضرتك تقدر تجيبها ..
فهي مش نقطه خلل ولا حاجه ..عايزين نتفق إن مجرد إن حضرتك بتجري دي حاجه رائعه في البدايه إحنا عايزين نوظف النص ساعه بتاعت الجري دي صح ..
الأهم عشان مطولش علي حضرتك .. إنهم في نتائج البحث ده قالوا بالنص ..
إن وقت أقل و مسافه أقل بطريقه ال HIIT أفضل من وقت أكثر و مسافه أكثر من الجري العادي ..
تحياتي .. أتمني أكون وضحت لحضرتك المعلومه و معاك في أي إستفسار تاني ..