ما خاب من استشار تحت امركم فى اى استشارات مالية او عقارية

**mfe** · 21-09-2014 12:43 PM

المشاركة الأصلية كتبت بواسطة ahmed4000

اولا بشكرك على اهتمامك بافادة الاخرين ودى بقت للاسف حاجة نادرة
سؤالى عن موضوع الاستثمار فى العقارات
بلاقى فعلا ان الايجار كعائد لا يقترب فى افضل الاحوال من 8%
وده معناه انى لو حطيت فلوسى فى البنك افضل...طبعا الزيادة الراسمالية فى قيمة العقار واردة لكن العائد يظل غير مقنع

فهل الاستثمار فى العقارات التجارية (محلات) عائدها اكبر من كده من ناحية الايجار؟

ولو كده ايه افضل الاماكن فى ده حاليا...وهل الافضل فى مول ولا يكون محل حر

سيدى الفاضل عائد العقار فى العالم كله هو عائد فى الزيادة الراسمالية طويل الأجل و ليس عائد دخل دورى
هو ممكن يجيب دخل دورى طبعا و لكن نسبته بتبقى منخفضة بالنسبة لقيمة الاستثمار
عائد التجارى بشكل عام مرتبط بحالة السوق و المنطقة و وعوامل كتير بس برضه عائد منخفض
المشكلة الوحيدة لو حطيت فلوسك فى بنك التضخم بياكل الفلوس دى لان التضخم فى مصر 17% و الفائدة 12% كحد أقصى يعنى القيمة الشرائية لفلوسك بتخسر 5% سنويا فدايما بنحاول نعمل التوازن فى الاستثمار ما بين الاستثمار طويل الأجل و الاستثمار ذو العائد الدورى

**wawamoha** · 21-09-2014 01:01 PM

جزاك الله خيرا عل افادتك للاخرين ......

عندي قطعه ارض طالعالي في 6 اكتوبر باسمي ... اسمها القرعه ب - اللي هيا خلف حي الاشجار

للاسف الشديد - زي مانت عارف - بنم حواليها 4 مناطق ابني بيتك و بالتالي سعرها نزل قوي و بقت في الارض

بفكر ابيع الارض - عن طريق توكيل - لاني استلمتها خلاص و اشغل الفلوس في حاجه تانيه ..

ايه رايك في مساله بيع الارض مبدئيا ؟
و تقترح ايه عليا اشغل فيه الفلوس - حوالي 500 الف- علشان محتاج فلوس ابني قطعه تانيه ؟

وشكرا مره تانيه و بارك الله فيك

**Amro_ON** · 21-09-2014 02:52 PM

جزاك الله كل خير عنا
يا ريت اعرف احسن مكان اجيب منه سبائك او جنيهات ذهب ولو في سبائك سويسريه في مصر

شكرا جزيلا

**tkamal** · 21-09-2014 03:50 PM

ما هو التقيم الاستثمارى لشراء شقه فى منطقه هليوبلس الجديده
مع العلم ان اسعار الشقق بقى نار المتر بقى تقريبا من شركه مصر الجديدة قرب 3000 جنيه
والمنطقه لسه تقريبا فاضيه تماما

**الفجر** · 21-09-2014 06:29 PM

المشاركة الأصلية كتبت بواسطة mfe

ماونتن فيو هايد بارك اول تسليم 2016 و هى اجمل ماونتن فيو فى التجمع
اقولك حاجة مهمة سمعة المطور مهمة جدا فى الموضوع مش كل المطورين بينجحوا و كمان السياسة التسويقية للشركة مهمة جدا للحفاظ على قيمة عقارك
انت فى اى كومبوند مش بتشترى عقار بس انت بتشترى سمعة الشركة علشان تحافظ على قيمة العقار بما فى ذلك الصيانة و الأمن و الشكل الجمالى
دى اسباب اختياراتى
ستون بارك انا مبحبش اعلق على مشروع بس سياسة الشركة و جديتها محل تساؤلات كتير

ما شاء الله عليك ما شاء الله عليك يا دكتور

انت اثرت نقطة هامة جدا جدا وكنا هنلبس فى الحيطة لو جرينا ورا الاعلانات والمناظر الخلابة فى الكمبوندات والشقق .................... والنقطة هى المطور العقارى نفسة وخدمة ما بعد البيع من صيانة المبانى والجناين والحراسة... الخ ودى نقطة هتفرق جامد فى سعر العقار

طيب ممكن حضرتك تقولنا ازاى اعرف سياسة المطور العقارى ومن هم فعلا المطوريين الكويسين اللى هيتموا بيك بعد خدمة ما بعد البيع ومش بتوع كلام وزحلق البيعة للزبون وبعد كدة البس واشربها لوحدك لاننا للاسف فى مصر ومفيش قانون يجبلك حقك

بالنسبة لترشيحك مونت فيو هايد بارك فانا خلاص اخدت بنصيحتك وتوكلنا على الله انا وصديقى وهنركز فى البحث عن مونت فيو فقط

انت كنت فين من زمان ............... انت ثروة فى المنتدى المفروض بجد المفروض الادارة هنا تعملك قسم مخصوص للاستشارات العقارية وتكون مشرف علية والمفروض الاعضاء كلهم يتحالفوا لمطلب افتتاح قسم العقاريات وتعيينك مشرف ودة بعد موافقتك الشخصية طبعا

**الفجر** · 21-09-2014 06:51 PM

المشاركة الأصلية كتبت بواسطة mfe

صباحل الفل بس على فكرة انا مش مهندس lol
ر

الراجل كاتبب غى اول سطر من الموضوع انة طبيب وكان عايش فى امريكا تيجى حضرتك فى الاخر تقولة يا هندسة ويا باشمهندش !!!!!! عيب والله الكلام دة

سمحنا يا دكتور على الكلام االلى كان كاتبة الاخ

**BARSIM** · 22-09-2014 04:53 AM

السلام عليكم
متشكرين كتير يا دكتور على نصايح و وقت حضرتك لافادة الاعضاء المحترمين
كنت حابب استشير انا ملاحظ ان حضرتك معجب وبترشح ماونتتن فيو للاسباب الي حضرتك ذكرتها
طب لو هنعمل مقارنه بينها وبين مشروع جديد اسمو ناينتي افنيو تابع لشركة تبارك القابضه موقعها على التسعين امام جامعة المستقبل والجامعه الامريكيه الارض الفاضيه الي واخده ناصيه 60 فدان. الشركه مهتميه بالمشروع ده جامد البناء على 18% مصممين عالميين للمشرع واللاند سكيب ومعمول سمارت هوم بيبيعوا المتر
ب 11000 والصيانه 10 % هما لسه معملوش الاعلانات بتعتو بس المبيعات شغاله . ماونتن فيو بيبيعو النهارده المتر ب 9800 انا محتار بينهم فياريت حضرتك ترشحلي مين فيهم او لو في حاجه افضل مع الاسباب
مع جزيل الشكر

**wael** · 22-09-2014 05:36 AM

المشاركة الأصلية كتبت بواسطة الفجر

الراجل كاتبب غى اول سطر من الموضوع انة طبيب وكان عايش فى امريكا تيجى حضرتك فى الاخر تقولة يا هندسة ويا باشمهندش !!!!!! عيب والله الكلام دة

سمحنا يا دكتور على الكلام االلى كان كاتبة الاخ

السلام عليكم، انا اسف للدكتور لو زعل من و صفة بباشمهندس عن طريق الخط و ذلك ﻻلمامة الشديد بالأمور العقاريه ليس إلا و لم التفت ( سهوا منى ) لكلمة طبيب و شكرا لة لتقبل الأمر بصدر أكثر رحابة من حضرتك و ردك الجاف.....و على فكرة انا دكتور و أستاذ جامعة كمان مش سواق ميكروباص بتقول للناس يا هندسة و أخيرا تقبل دكتور اعتزارى

**tkamal** · 22-09-2014 10:42 AM

المشاركة الأصلية كتبت بواسطة barsim

بيبيعوا المتر
ب 11000 والصيانه 10 %

يا نهار ابيض ايه الاسعار المجنونه دى

**mfe** · 22-09-2014 11:48 AM

المشاركة الأصلية كتبت بواسطة wael

السلام عليكم، انا اسف للدكتور لو زعل من و صفة بباشمهندس عن طريق الخط و ذلك ﻻلمامة الشديد بالأمور العقاريه ليس إلا و لم التفت ( سهوا منى ) لكلمة طبيب و شكرا لة لتقبل الأمر بصدر أكثر رحابة من حضرتك و ردك الجاف.....و على فكرة انا دكتور و أستاذ جامعة كمان مش سواق ميكروباص بتقول للناس يا هندسة و أخيرا تقبل دكتور اعتزارى

يا راجل زعل ايه بس ايه الى جاب اى زعل فى الموضوع و على فكرة انا برضه مش طبيب انا حامل لشهادة دكتوراة من Wharton Business School , Pennsylvania فى مجال الهندسة المالية للتسهيل يعنى فى الاساليب المتقدمة للاستثمار