الموضوع: انت تسأل وإستشاري منتدى متسوبيشي يجيب (2)

بداية اعتذر عن التأخر في الرد على الأسئلة الكام يوم اللي فاتوا

المشاركة الأصلية كتبت بواسطة basom

باشمهندس طارق باشا عامل اية وباشمهندس محمد ابو ملك عامل اية يا ريت تسلملى علية كتير

المشكلة الازلية الى مالهاش حل مع التوكيل العفشة عندى ورا بقيت بتدب دب غير عادى ورحت لبتاع زوايا جرب العربية قالى فية عندك مساعد بايظ قلتلوة فى التوكيل قالولى لازم المساعد يجيب زيت علشان نعتبروة بايظ

قالى لا طبعا المساعد فية 100حاجة تبوظوة من غير ما يجيب زيت المهم رحت لعفشجى قالى نحل ونشوفة وقعد يهز الكوتش قالى ممكن يكون الدب دة من حاجة مبوشة المهم مارديتش اعمل حاجة برة التوكيل فيا ريت تقولى اعمل اية بدل ما اروح ارفع عليكوا قضية فى جهاز حماية المستهلك والرواس مش ناقص حاجة اليومين دول

اهلا يا باسم باشا .. كده برضه اخرتها تقولي جهاز حماية المستهلك عموما المهندس احمد عناني بيقول لك الآتي :

((( بعد اذن حضرتك برجاء الحضور للتوكيل والتنسيق معي بالتليفون على الميعاد وسوف اقوم بتجربة السيارة مع سيادتك وان شاء الله تتحل المشكلة

موبايل المهندس أحمد عناني 0120002235 )))

انا بأه منتظرك وهنستناك بالطبول

المشاركة الأصلية كتبت بواسطة star2002

سوئالى للمهندس طارق عن زيت موتور لانسر 98 عامله 160 الف كيلوا - انا باستعملها موبيل 1 اللى بيتغير كل 10 الاف حتى الان - بس الميكانيكى و ناس كتير نصحتنى اغير لزيت اخر مثل شيل سوبر لان زيت موبيل 1 لا يفضل للسيارة بعد ما تعدى ال 100 الف
ما مدى صحه هذا الكلام , و انا لم اغير زيت موبيل 1 حتى الان , هل تنصحنى اغير و لا ايه رأى سيادتك
و شكرا

رد المهندس أحمد عناني

((( حاجة بسيطة جدا ممكن تتعمل وهي قياس الزيت قبل تغييره ولو فيه نقص يبقى لازم تغير نوعية الزيت على شرط أن لا يكون هناك اي تسريب زيوت من المحرك أما اذا كان الزيت مستواه مظبوط قبل تغييره فاستعمل موبيل 1 )))

المشاركة الأصلية كتبت بواسطة rebel

السلام عليكم,

من فضلك أنا لسة شاري لانسر سبورت بوما 2008 وعاملة حوالي 38000 كيلو بس بس المالك الأول عمل صيانة ال30000 برة التوكيل دي الوقت لما اتكمل 40000 كيلو وعاوز اعمل سيرفس ال40 الف في التوكيل كده يبقى خلاص الضمان راح؟ وكنت عاوز أعرف بعد إذنك سعر السيرفس ال40 ألف كام.

مع جزيل الشكر

رد المهندس أحمد عناني

((( لو صيانة 30 ألف كلم هيه الوحيدة الناقصة فلارضائك سوف نحتسب السيارة في الضمان
في سيرفيس 40 ألف يتم تغيير فلتر البنزين والبوجيهات وزيت الاوتوماتيك اذا كانت السيارة اوتوماتيك وفلتر الهواء
والتكلفة حوالي 1500 جنيه )))

المشاركة الأصلية كتبت بواسطة star2002

بالمناسبه يا بشمهدس انا عايز اعرف الموتور 1300cc ياخد كام لتر زيت بالفرتر و لو من غير فلتر
وشكراً

كمية الزيت بالفلتر 3 لتر وفي حالة بدون الفلتر 2.75 لتر

المشاركة الأصلية كتبت بواسطة ahmed_moeaz

السلام عليكم
عندى استفسار غريب شوية هل فيه لسه موديلات كلاسيك 2009 فى السوق لان اخويا بيشترى ومقلق جداً من الفتيس الجديد بتاع البوما كلاسيك ..فياريت لو موجودة اعرف بتتباع فين وبكام وجزاكم الله خيراً

بالنسبة للانسر بومة مفيش 2009 منها في السوق خالص
وعموما اذا كان سبب الرغبة في شراء الموديل الفديم هو القلق من الفتيس الجديد فأحب اطمن حضرتك ان الفتيس الجديد هو فتيس اوتوماتيك عادي جدا ويمكن فتحة واصلاح اي جزء فيه بعكس ال CVT الذي اذا ما تلف او قطع السير المعدني داخله يجب ان يتم تغييره بالكامل
اما الفتيس الجديد فموضوع الستيبترونيك ما هو الا برنامج كمبيوتر مضاف له لعمل هذه الخاصية لكنه فتيس عادي بسيط في تكوينه

المشاركة الأصلية كتبت بواسطة hatem_taia

السلام عليكم و رحمة الله و بركاتة
انا معايا عربية لانسر الشكل الجديد موديل 2008 (شارك)
تكيف العربية من يومين جيت شغلتو لاقيتو مابيجيبش هواء ساقع نهائيا
على العلم انو كان شغال معايا قبل كدة كويس بدون اى مشاكل
فاريد ان اعرف ممكن يكون فى اية و تكلفة الاصلاح اد اية
و لو الكمبروسر فى حاجة بايظة هل يتم اصلاحها ام يتم تغيرة بالكامل
ولو هيتغير يتكلف كام و عند تغيير الكمبروسر هل يجب اعادة شحن الفريون
و شكرا لتعب حضرتك معانا

رد المهندس أحمد عناني
(((مشاكل التكييف كثيرة ممكن تبدأ من وحدة تحكم او فيوز وتنتهي بكمبرسور فلا يمكن التوقع فيها
ويجب الحضور للتوكيل للكشف على التكييف)))

المشاركة الأصلية كتبت بواسطة abdullahalbadr

باشمهندس طارق أنا زعلان من حضرتك لعدم الرد على أسئلتى ، على العموم أنا برضه ملتمس لك العذر لإنشغالك بس نفسى ترض على سؤالى للأهميه من فضلك .
كان الله فى العون

يا استاذ عبد الله الاجابة موجودة فوق في الاجابات المجمعة لعدة اسئلة مع بعض في نفس الصفحة