الموضوع: مشكلة تقطيع بعد سرعة 100

بالتوفيق يا محمد باشا

باركلى يا باش مهندس النهارده بس ول يوم ندور فية الموتور بعد ما طلعت عينى مع الميكانيكا وقطع الغيار والمخرطة
الموتور ساعت ما جينا ندورة ما كنتش مصدق انه هيدور بعد كل لى حصل فية ده يلاهوى
بس فى الاول كان صوت الموتور عالى وخشن قوى زى ما يكو ن جرار وما فيش ربع ساعة وصوت الموتور هدى وبعد ساعتين صوت الموتور هدى جداً والعربية نعمت اوى والحمد لله

بس مش عارف لية العربية سخنت اوى بعد اول ربع ساعة وما بردتش غير بعد ما شغلنا المروحة بتوصيلة خارجية
بس الطبيعى بتاع العربية المازدا ان المروحة مش بتشتغل غير لما المؤشر يوصل قرب العلامة الحمرة والميكانيكى قالى ابقى اعمل مفتاح كهربة للمروحة على شان ما توصلش للنص وتكون مشغلها بنفسك

مش عارف
ارجو منك نصائحك الجميلة خلال فترة التليين

باركلى يا باش مهندس النهارده بس ول يوم ندور فية الموتور بعد ما طلعت عينى مع الميكانيكا وقطع الغيار والمخرطة

مبروك ياباشا .....ماهو لازم من التعب فى البدايه لكى ترتاح فى النهايه .............

الموتور ساعت ما جينا ندورة ما كنتش مصدق انه هيدور بعد كل لى حصل فية ده يلاهوى

ياراجل دى عمرة المكن ....دى عاديه جدا ......بس يمكن علشان مش متعود على الحاجات دى

بس فى الاول كان صوت الموتور عالى وخشن قوى زى ما يكو ن جرار وما فيش ربع ساعة وصوت الموتور هدى وبعد ساعتين صوت الموتور هدى جداً والعربية نعمت اوى والحمد لله

الحمد لله

بس مش عارف لية العربية سخنت اوى بعد اول ربع ساعة وما بردتش غير بعد ما شغلنا المروحة بتوصيلة خارجية

لسه المكنه فى أول فترات التطبيع والتليين بعد العمره وفيه خراطه وغيره ورايش بيروح مع الزيت ياراجل ياطيب ......فلازم تسخن شويه الأول ....ومع التليين والتطبيع كله حيبقى تمام أن شاء الله

بس الطبيعى بتاع العربية المازدا ان المروحة مش بتشتغل غير لما المؤشر يوصل قرب العلامة الحمرة والميكانيكى قالى ابقى اعمل مفتاح كهربة للمروحة على شان ما توصلش للنص وتكون مشغلها بنفسك

سيب دورة التبريد زى ماهى شويه على ماالمكنه تلين ......وخللى بالك من الحراره ...........والمفروض أن دورة التبريد زى ماهى عندك مفيش فيها جديد لسه ........وأحتمال الميكانيكى محمل التاكيهات شويه برضه

مش عارف
ارجو منك نصائحك الجميلة خلال فترة التليين

روحله وأسأله ....وقوله على أن التبريد كان كويس وهل التاكيهات محمله زياده عن اللازم .....وأنا شاكك فى كده برضه ............وحرقت قد أيه بنزين وأنت واقف عنده قبل ماتحرك العربيه .........وعاوز أقولك من خلال خبرتى فى محركات الديزل ....المفروض التليين يبقى على سرعات مختلفه للمكنه وأنت واقف الأول وبعد كده تتحرك باعربيه .......ياعنى لو مثلا حتحرق 2 صفيحة بنزين ....نخللى 0.5 على السلانسيه مثلا وبعد كده 0.5 على 1500 لفه وبعد كده 0.5 على 2000 وبعد كده 0.5 على 2500 وهكذا يعنى المفروض بنوزع البنزين المحروق قبل التحرك بالعربيه على سرعات مختلفه برضه ............وبعد كده تبدأ تحرك العربيه بسرعات معقوله ....قول على 80 أو 90 كم فى الألف كيلو الأولانى ..........وأنت فى العربيه لوحدك ..........وبعد كده ممكن تعمل بقه اللى عاوزه مع المكنه ............لأنك أتبعت الأسلوب الصح فى التليين والتحميل ...............وبعد كده أن شاء الله كله حيبقى تمام

والله يا باش مهندس انت بتحرجنى بكرم اخلاقك وبسرعة ردك وبمعلوماتك المفيده
مش عارف اقولك اية
متشكر جداً جداً جداً

الحمد لله بعد تشغيل المحرك قالى هتسبها يومين دايرة فى مكانها(هتحرق صفيحتين بنزين) وان شاء الله استلمها يوم الخميس
وهوافيك باخر الاخبار
خالص تحياتى

ربنا يوفقك يا أستاذ : محمد

بفضل الله يا باش مهندس استلمت العربية واتحركنا بيها
بس هى حرقت بنزين حوالى من 10 الى 15 لتر وهى مكانها عند الورشة وبعدين اتحركنا بيها فهل ده كان كفاية تليين قبل التحرك بيها ولا كان لازم نستنى تحرق تانى؟؟؟؟؟

وبعد ما اتحركنا بيها كانت البنزين على الصفر روحت حطيط 33 لتر بنزين 80
وبعد كده روحت للكهربائى على شان يراجع على الكهربة بتاعتها لانا اتلخبطت شوية

بس انا قلقان على الحرارة بتاعتها عالية شوية
يعنى طول ما هى دايرة فى مكانها كان مشغل المروحه على طول وكانت الحرارة يعنى معقولة عن الطبيعى بتاعها
بس لو فصلت المروحة الحرارة تعلى جامد والمية تغلى

فهل ده وارد بعد العمرة ؟؟؟؟؟
ولو ما كنش طبيعى يبقى اية الوضع والي اعملة؟؟؟؟

معلش سامحنى انا طولت عليك

[quote][بفضل الله يا باش مهندس استلمت العربية واتحركنا بيها
بس هى حرقت بنزين حوالى من 10 الى 15 لتر وهى مكانها عند الورشة وبعدين اتحركنا بيها فهل ده كان كفاية تليين قبل التحرك بيها ولا كان لازم نستنى تحرق تانى؟؟؟؟؟/quote] الخيره فيما أختاره الله ......ومفيش مشاكل أن شاء الله .........بس أهم شىء خللى سرعاتك اليومين دول فى الحدود من 80 الى 90 وأنت سايق لوحدك ومفيش أى أحمال فى العربيه لحد الألف الأولانى .....علشان نبقى حنينين على الموتور واحده واحده.............

بس انا قلقان على الحرارة بتاعتها عالية شوية
يعنى طول ما هى دايرة فى مكانها كان مشغل المروحه على طول وكانت الحرارة يعنى معقولة عن الطبيعى بتاعها
بس لو فصلت المروحة الحرارة تعلى جامد والمية تغلى

......خللى بالك من الحراره وروحله يا أستاذ : محمد وخليه يراجع برضه على التاكيهات .....لأنه ممكن يكون محملها جامد .....وده يسخن المكنه برضه..........وممكن تغير ساعة مروحة الردياتير لساعه واطيه ....على ماتلين برضه .....بحيث تخللى المروحه تشتغل بأستمرار لما الحراره تعللى على ما الأمور تستقر شويه ......وبرضه ممكن تشوف وضع الردياتير عندك .....وشوف برضه دورة التبريد....وقوله كده يشوف هواء فى دورة التبريد وهو أكيد عارف يطلع الهواء أزاى لو كان موجود....

فهل ده وارد بعد العمرة ؟؟؟؟؟

هو وارد بعد العمره شوية مشاكل زى الحراره على ما الأمور تستقر...........وأهم شىء تخللى بالك من الحراره.......وممكن تمشى بالعربيه فى فترات الصبح وبالليل فقط اليومين دول ( لأن الجو بالنهار نار برضه ) نعوذ بالله من نار جهنم ...........آمين يارب

ولو ما كنش طبيعى يبقى اية الوضع والي اعملة؟؟؟؟

روحله تانى يا أستاذ : محمد وأسأله فى الكلام اللى قولناه دلوقتى ..............بتاع التاكيهات .....وتغيير ساعة الردياتير برضه اليومين دول لدرجه أقل على ماتلين ............

معلش سامحنى انا طولت عليك

ياباشا متقولش الكلام ده ......وياريتنى أاقدر أساعد عن كده ......دا كلنا مسلمين وأخوات فى الله ...............

تمام كلامك يا باشا
خلصت الكهربائى وراجع على توصيلات الكهرباء وكلة تمام
وانا راجع من عند الكهربائى ماكنتش مشغل المروحة وكانت الحراة كويسة وماسخنتش بس كنت ماشى على مهلى اوى حتى ما جبتش التالت وفضلت الحرارة كويسة
بس لما وصلت البيت الحرارة عليت حاجة بسيطة مش اوى وده متهألى من المشى البطيىئ منى
ان شاء الله هدورها قبل الفجر والاحظ الحرارة ولو عليت هشغل المروحة
بس حاسس ان الموتور خشن شوية والظاهر ان الشكمان عاوز بتربط كويس بيخبط مع دوارة المرش

من غير ماطول عليك ياباشا ادعيلى ده انا تعبت فيها وخايف لتطلع على فشوش واقول يارتنى كنت جبت موتور استيراد مضمون وريحت دماغى
بس تقريباً الحرارة كويسة هى بس كانت عالية اول مرة ندور فيها الموتور
نفسى اجرب على الطريق اشوف هتجيب اخرها كام بس هصبر لما تحرق صفيحة بنزين تحت البيت هههههههههه
ولو فية اى حاجة تحب تنصحنى بيها
متشكرك جداً يا باش مهندس وجزاك الله خيرا