Tweet
انا نفســى يلموا سولقين المكروباصات دول كلهعم فى جزيرة معزولة فى وسط المحيط .. او يركبوهم عبــارة من البتغرق دى
-
-
وعلى إيه ياسيدى فيه مشاركه تانيه واحد جاب سيرة سواقين الميكروباص واللى قاله إنه الواحد مايسوقش ورا سواقيين ميكروباص فواحد سواق ميكروباص دخل وزعل ورد عليه لاقينا الموضوعالمشاركة الأصلية كتبت بواسطة kamatsho85 مشاهدة المشاركة
إتحول لمناقشة عن أخلاق سواقيين الميكروباص لولا إن الراجل طلع ذوق
ومش من السواقيين اللى واخدينها عافيه ماكانش سلم من هجوم الناس عليه ده حتى اللى ماكانش له مشاركه دخل يرد عليه إزاى يقول (هم مالهم سواقيين الميكروبص) فعلى إيه يمكن حظك يطلع فى واحد من السواقيين اللى أنا فاهمه قصدك عليهم ونسيب الموضوع الأساسى
مع إنى والله نفسى واحد سواق ميكروباص من اللى بيفلت من أى زنقه ده يدخل ويشارك ويقولنا بيسوق إزاى يمكن نستفيد منه بحركه كده ولا كده
المبتدئين والمحترفين أكيد فيه حاجات هو بيعملها ماحدش بيعملها غير سواقيين الميكروباص
Comment
-
شرح وافي جدا يا استاذ حسين لليوترن حضرتك بتفيدنا جدا بالدقه ديالمشاركة الأصلية كتبت بواسطة husseinoo مشاهدة المشاركةالسلام عليكم ورحمة الله وبركات
اللهم صل على محمد وعلى آله وصحبه أجمعين
انا هاكلم على مشاكل اليوتيرن من وجهة نظرى
اظر الى الصورة التالية
بافتراض ان العربية الزرقاء ترغب فى الدخول الى اليوتيرن
1- التزم الحارة اليسرى"من الأول" لانه داخل على اليوتيرن
2- ترك مسافة كافية بينه وبين العربية اللى امامه
"زى ما استاذ محمد قال: اترك مسافة عشان لو العربية اللى امامك عطلت تقدر تعدى منها"
طبعا المسافة دى موش هاتسمح لحد يدخل امامك لانها موش كبيرة قوى ولا صغيرة
3- بالنسبة لى انا عشان مبتدأ
بمجرد ما دخلت على منطقة ازدحام
اترك العربية تسير واتحكم فى السرعة بالفرامل فقط
عمرى ما ادخل على الزحمة ورجلى على البنزين "استحالة"
وكمان رجلى التانية على الدبرياج "احيانا كثيير بكون ضاغط كمان على الدبرياج "
بحيث لو ضغط فرامل عمر العربية ما هاتعطل وتقف
واستطيع نقل الغيار مرة ثانية على الغيار الاول واستمر فى السير بدون مشاكل
انظر الى الصورة التالية
4- لازم ادخل اليوتيرن بسرعة هادئة جدا
اوعى تدخل على اليوتيرن بسرعة عالية
وكمان
اوعى تهدى سرعتك جامد "مرة واحدة" ممكن اللى وراك يخبطوا فيك
عشان كده نسمع كلام الاساتذة لما قالوا " اضغط على الفرامل خفيف قوى" بحيث اللى وراك يشوف نور الفرامل" ويعمل حسابه انك هاتهدى جامد او احتمال انك تقف
انظر الى السيارة الزرقاء ... تقريبا فى المكان ده بالضبط لازم تكون السيارة سرعتها هادئة جدا
ودى تحتاج تدريب فى مكان فاضى
تمشى فى الشارع بسرعتك العادية وعندما تقترب من اليوتيرن .. تهدى السرعة تدريجى وفى المكان المناسب كما هو موضح فى الصورة
5- اعطاء الإشارة
فيه ناس بتخاف على الماكينة بتاعة الإشارات " وعايز تشغل الإشارات متأخر قوى
أنا عن نفسى اشغل الإشارة بدرى شوية عشان اللى ورايا يعرف انى داخل اليوتيرن
6- انظر فى المرايا اللى فى وسط العربية وكمان المرايا اللى على اليمين
اشوف مين اللى جاى ورايا ... احتمال يكون ميكروباص او عربية نص نقل او سائق متهور ... يبقى اعمل حسابى واتوقع انه يعمل اى حركات ويرمى على
طبعا النظرة خاطفة واوعى تسرح وتفضل باصص فى المرايا هههههههههههههه
7- انظر فوق كتفك اليمين
نفس الكلام نظرة خاطفة شوف مين اللى جاى من على يمينك
احتمال يدخل هو كمان اليون تيرن ويعمل لك مشكلة لا قدر الله
انظر الصورة
8- فى اللحظة اللى العربية الزرقاء بتدخل على اليوتيرن
دخل معاها العربية الحمراء ولم تلتزم بالحارة الخاصة به
فى الصورة حدف على العربية الزرقاء
وده خطأ متوقع من المتهورين واللى ماعندهمش صبر واللى موش مقدر خطورة اليوتيرن
وده الخطأ اللى لازم تتوقعه وانت داخل على اليوتيرن "ان واحد يرمى عليك" وانت بتلف
طبعا لو رجلك على الدبرياج والرجل التانية على الفرامل
ببساطة هاتهدى او هاتقف بالعربية "عشان صاحبنا المتخلف يعدى ويبعد عنك" .. اما لو دخلت ورجلك على البنزين واتهورت وخفت "احتمال ان العربية الزرقاء تخبط العربية الحمراء فى اى حتى فى عربيته" ربنا يستر مع الجميع
وزى ماالاصدقاء ما قالوا ... على الاقل كلاكس جامد "عشان تقولوا حرام عليك اللى بتعملوا ده"
انظر الى الصورة
9- فى الصورة نفس الكلام
صاحبنا بالسيارة الحمراء "مستعجل"
وموش قادر ينتظر السيارة الخضراء انها تكمل اليوتيرن
راح رامى عليه وعايز يدخل قبله
طبعا لو العربية الخضراء موش متوقع حاجة زى كده النتيجه انه هايخبطه
دى من الاخطاء اللى بنقول لازم نتوقعها
انظر الى الصورة
10- السيارة الزرقاء فى نفس هذا المكان بالضبط
لازم تنظر الى العربيات القادمة من اليمين
سوف تجد السيارة الحمراء دخلت فى الحارة اللى بتلف فيها العربيات "وده طبعا خطأ"
يبقى الافضل على السيارة الزرقاء انها تنتظر "لحد ما سعادة الباشا يعدى" .. واصبر انا شوية وبعدين ادخل وراه على طول
طبعا ممكن تتمرن فى مكان فاضى على الموضوع ده
خصوصا انك تنظر بطرف عينك على العربيات القادمة
نظرة سريعة وترجع تانى تنظر امامك
11- انظر الى الصورة
السيارة الزرقاء
صاحبها سرح وهو ينظر الى السيارات اللى على اليمين
لدرجه انه نزل بالعربية نصف الشارع
هههههههههههههه
طبعا الموضوع ده حصل معايا ... لكن الحمد لله اثناء التدريب وكان مكان التدريب فاضى
لازم انظر نظرة سريعة خاطفة وارجع انظر امامى وطبعا السرعة لازم تكون هادئة من الاساس
ورجلى على الفرامل بتحكم فى سرعة العربية
ورجلى الثانية ضاغطة على الدبرياج
ومرة ثانية احترس من الدخول على اليوتيرن ورجلك على البنزين
طبعا فى اى ارتباك هاتضغط بنزين هاتلاقى نفسك فى نص الشارع او خابط اللى حدف عليك او اى مشكل لا قدر الله
لو سرحت ههههههههههههههههه هاتلاقى عربيتك دخلت نص الشارع
12- انظر الى الصورة
فى الصورة السيارة الزرقاء لم يقدر السائق حجم وابعاد العربية
واقترب زيادة عن اللزوم من الرصيف
لدرجة انه اصطدم بالرصيف ... واحيانا يطلع بالعربية على الرصيف
وده ايضا موضوع مهم ... موش معنى انى بتمرن فى مكان فاضى انى بضيع وقتى
لا التمرين الجيد .. يمنع المشاكل لا قدر الله
اعتقد انه لازم يكون فيه مسافة نصف متر على الاقل بينك وبين الرصيف
13- انظر الى الصورة
وطبعا احيانا من كثر الارتباك
يتم اللف بالسيارة زيادة عن اللزوم
لدرجة ان السائق لم يستطيع انه يعدل مقدمة العربية الزرقاء الى الامام
وفى نفس الوقت اللى هو بينظر الى السيارات التى بجانبه او ينظر فى المرايا ... يصطدم بمقدمة السيارة فى الرصيف
ودى ممكن تحصل خصوصا لو كنت بتلف بالسيارة بسرعة
ونكرر مرة ثانية لازم تلف بسرعة هادئة
14- انظر الى الصورة
السيارة الزرقاء
بمجرد ان السائق لف اليوتيرن
راح مغير مكانه من الحارة المخصوصة لليوتيرن الى الحارة الثانية
اولا من غير ما يبص فى المرايه معرضا نفسه والعربيات القادمة من الخلف للخطر
لازم الواحد قبل ما ينقل نفسه الى حارة ثانية ينظر فى المرايه
وكمان كان لازم انه يستمر فى السير الى الامام لحد ما تيجى فرصة للانتقال الى الحارة الثانية
ههههههههههههههههه
الموضوع ده حصل معايا وربنا ستر ... لكن اتعلمت منه
قبل ما انقل نفسى الى الحارة التالية:
انظر فى المرايه اليمين
والمرايه اللى فى الوسط
وانظر فوق كتفى اليمين "اشوف العربيات اللى بجوار الباب الخلفى" الموجودة فى المنطقة العمياء التى لا تظهر فى المرايه
ولو كان فيه زحمة يبقى الانتقال يكون بهدوء جدا جدا "احرك الدركسيون بهدوء جدا" عشان اللى ورايا يعرف انى هانقل نفسى للحارة دى ... وطبعا لا انسى الإشارة
15- انظر الى الصورة
بمجرد ان السيارة عدلت نفسها فى اليوتيرن
امشى الى الامام بدون تردد
وطبعا مادام انت اخترت الغيار المناسب للسيارة قبل ما تدخل على اليوتيرن
خلاص هاتمشى على طول بدون مشاكل
اما لو كنت لسه لم تختار الغيار المناسب للسيارة قبل ما تدخل اليوتيرن
هاتعطل نفسك .. وكمان هاتضرب لخمة بين نقل الفتيس ولف الدركسيون فى نفس الوقت
يبقى الاحسن انك تنقل الغيار المناسب قبل ما تدخل اليوتيرن
لو فيه اى حاجة يا جماعة انا كتبتها خطأ
او معلومة خطأ
ياريت التصحيح
خصوصا من اخوانا الخبراء فى الموضوع ده
المرة الجاية نكمل موضوع اليوتيرن
ولو فيه اى استفسار او اسئلة بخصوص الموضوع ده
يا ريت نكتبه ... بحيث نركز فى مشكلة واحد فى كل مرة
وطبعا كل الاخوة المبتدئين عليهم من الآن التدريب فى مكان فاضى على موضوع اليوتيرن
موش اقل من ساعتين فى كل مرة
انا عن نفسى عندى سؤال مهم
بالنسبة للعربيات الحالية
ينصح دائما انك "لا تعشق السيارة" اثناء الدخول على اليوتيرن عشان تحافظ على كبالن السيارة
يعنى المطلوب انى "امور" الفتيس قبل الدخول على اليوتيرن واعتمد على سرعة العربية وهى بتلف
وبعد الانتهاء من اليوتيرن ... اختار الغيار المناسب واستمر فى السير
طبعا الكلام ده مخالف للى انكتب فى المشاركة
وهو انك تختار الغيار المناسب قبل الدخول على اليوتيرن
طيب ايه الصح فى الحكاية دى
الافضل للسائق المبتدأ "انه يختار الغيار المناسب قبل الدخول على اليوتيرن"
الافضل للسيارة انه يختار الغيار المناسب بعد الانتهاء من اليوتيرن عشان يحافظ على الكبالن
ايه هو الصح وايه مشكلة الكبالن دى
مع اطيب التمنيات
اخوكم حسين غزالة
انا طبعته علشان ادرس كل حالاته هي المشكله عندي في الأوتوماتيك ان انا لما بهدي العربيه بالفرامل قبل اليوترن بفتره بتهدي قوي بعد اليوترن لدرجة انها تقف بعده على طول بخاف ادوس بنزين تاني وانا بلف اليوترن تسرع مني الاقي نفسي فجأه في الحاره التانيه من الملف[CENTER][SIZE=5][COLOR=Navy][SIZE=4][SIZE=5]* لا اله الا انت سبحانك اني كنت من الظالمين *[/SIZE] [/SIZE]
[/COLOR][/SIZE][CENTER]
[/CENTER]
[/CENTER]Comment
-
هو ده اللي بيحصل بالضبط بيجي من على شمالي ويدخل يمين بس مش عارفه امنع ده ازاي في المرتين ما قدرتش اشوفهمالمشاركة الأصلية كتبت بواسطة a.saad مشاهدة المشاركة
مش المفروض يديني اشاره يمين الأول علشان يلف[CENTER][SIZE=5][COLOR=Navy][SIZE=4][SIZE=5]* لا اله الا انت سبحانك اني كنت من الظالمين *[/SIZE] [/SIZE]
[/COLOR][/SIZE][CENTER]
[/CENTER]
[/CENTER]Comment
-
انا مش قصدى على المهنــة لان طبعا اى مهنة شريفـة ما اقدرش اتريق عليها لكن انا قصدى على اخلاقيــات الوسط فى المهنــة دى .. ممكن حد يقولـى كام سواق مكروبـاص فى مصـر بيحتـرم قواعد المرور ؟ او سؤال تانى مين من سواقييـن الميكروباصات حتى بعد القانون الجديد ما بيمشيـش عكس اتجاه السيــر ؟ هو بيعمــل كدا لان دى مش استخدام شخصـى دى تجـارى يعنــى وهو بيشتـريها بيبقى حاطط لها نسبـة اهلاك سنويـة فمش فارقةالمشاركة الأصلية كتبت بواسطة lobna_yaseen مشاهدة المشاركةوعلى إيه ياسيدى فيه مشاركه تانيه واحد جاب سيرة سواقين الميكروباص واللى قاله إنه الواحد مايسوقش ورا سواقيين ميكروباص فواحد سواق ميكروباص دخل وزعل ورد عليه لاقينا الموضوع :b4_556:إتحول لمناقشة عن أخلاق سواقيين الميكروباص لولا إن الراجل طلع ذوق ومش من السواقيين اللى واخدينها عافيه ماكانش سلم من هجوم الناس عليه ده حتى اللى ماكانش له مشاركه دخل يرد عليه إزاى يقول (هم مالهم سواقيين الميكروبص) فعلى إيه يمكن حظك يطلع فى واحد من السواقيين اللى أنا فاهمه قصدك عليهم ونسيب الموضوع الأساسى
مع إنى والله نفسى واحد سواق ميكروباص من اللى بيفلت من أى زنقه ده يدخل ويشارك ويقولنا بيسوق إزاى يمكن نستفيد منه بحركه كده ولا كده :y_hi_3[1]:المبتدئين والمحترفين أكيد فيه حاجات هو بيعملها ماحدش بيعملها غير سواقيين الميكروباصComment
-
يبقى تخشى اليوترن وانتى مش خايفةالمشاركة الأصلية كتبت بواسطة sara2001 مشاهدة المشاركة
باخد دواء من التمارين فى مكان فاضى
حتى تعتادى على ذلك
وممكن قبل اخذ الدواء ده
تاخدى دواء اللف بالعربية فى ملفات عادية وشوارع
وتحودى الشارع خمسين مرة
علشان تتعودى على كدة
A.SaadComment
-
المشاركة الأصلية كتبت بواسطة sara2001 مشاهدة المشاركة
المفروض
ده فى البلاد اللى فيها ناس بتفهم
لكن هنا فيه سواقين
لو فهمت
هتموت
انتى بس ابقى توقع اى حركة من دول زى ما الاستاذ حسين قالA.SaadComment
-
وفيه راى استاذ محمد فوزى بس ده محتاج ان العربية تكون شغالة
وهو انك تتعرف على النقطة اللى لما ترفع رجلك عن الدبرياج تبدأ العربية تتحرك ... ده موضوع مهم اوى
ويحافظ على الدبرياج
ان موش كل مره انقل الفتيس احتاج اضغط على الدبرياج على الآخر ... لأ اكيد فى نقطة معينة يبدأ عندها الدبرياج يفصل الحركة وموش محتاج انى اضغط على الدبرياج اكثر من كده ... نفسى اتعلم واعرف مكان النقطة دى بالضبط ... لكن موش قادر اعرفها ... بكون مركز انى انقل الغيار
النقطة دى بالتعود على عربيتك
بتحس ان العربية عايزة تتحرك
عايزها اسهل
شد الهاند بريك واعمل كدة سنة سنة
هتلاقى النقطة اللى عايزها بتيجى اما بوز العربية بيترفع
بس اللى اعرفه ميكانيكيا
فصل الدبرياج للاخر افضل
لكن مش عارف وجهة نظر الاستاذ محمد ايه بالظبط هنا
A.SaadComment
-
السلام عليكم ورحمة الله وبركاته
ههههههههههههه
الظاهر ان موضوع اليوتيرن ده موش هايخلص
النهارده وانا رايح الشغل بالمواصلات شفت المشكلة دى
وقلت لنفسى لما اروح اضيفها فى المشاركة
انظروا الى الصورة التالية
فى الصورة سائق السيارة الصفراء ليس عنده صبر
وعايش فى دور الناصح
واللى بيخلص نفسه وبيسلك نفسه
وموش قادر يصبر انه يلف بعربيته خلف العربية الزرقاء
سائق العربية الزرقاء "كان حريص" فى الملف وكان بياخد وقته وموش عايز ينزل على الشارع الرئيسى إلا لما تيجى له فرصة
سائق السيارة الصفراء عشان راكب عربية جديدة وزى ماقلت شايف نفسه .. حب يعمل فهلوى ويخرج من ورا العربية الزرقاء ويروح للحارة الثانية فى اليوتيرن
طبعا النتيجة انه فيه عربية تانية كانت بتلف فى الحارة التانية
وزى ما الصورة بتوضح انه لولا ان اللى بيلف فى الحارة التانية واخد باله ... مشى بعربيته بعيد عن السيارة الصفراء
والعربية الصفراء قطعت الطريق على العربيات اللى بتلف فى الحارة الثانية
وفضل واقف لحد ما الطريق سلك ومشى
معلهش انا هاتضطر اقول
ان اللى كان سايق العربية الصفراء سيدة
ممكن تكون مستعجلة
ممكن تكون عربيتها جديدة ومستكبرة تمشى وراء عربية قديمة
ممكن تكون موش فاهمة ان ده خطأ
هاترك لكم التعليق
وفى انتظار التواصل
مع اطيب التمنيات
اخوكم حسين غزالة
[sor1]https://s15.postimg.org/to3r0graj/Untitled7_jpg.jpg[/sor1]
[URL="http://www.nilemotors.net/Nile/127724-a.html"]نصائح سائق جديد .. وخوفه قل شوية من موضوع السواقة[/URL]
[URL="http://tinyurl.com/jkc87mj"](حصريا ) سلسلة نصائح سائق جديد _ اول كتاب فى اساسيات القيادة الدفاعية [/URL]
[URL="http://tinyurl.com/M323E"]جروب اصدقاء وملاك مازدا 323 على الفيس بوك[/URL]Comment
-
المشاركة الأصلية كتبت بواسطة a.saad مشاهدة المشاركةمعاك حق طبعاً لازم اتمرن كتير على اليوترن في مكان فاضي ويارب يفرق معايا في موضوع القلق دهالمشاركة الأصلية كتبت بواسطة a.saad مشاهدة المشاركة
وبخصوص توقع خطأ الغير موضوع صعب شويه في البدايه بس بإذن الله ييجي بالممارسه
متشكره جدا لردك[CENTER][SIZE=5][COLOR=Navy][SIZE=4][SIZE=5]* لا اله الا انت سبحانك اني كنت من الظالمين *[/SIZE] [/SIZE]
[/COLOR][/SIZE][CENTER]
[/CENTER]
[/CENTER]Comment
-
موضوع اليوترن مش هايخلص فعلا لأن معظم الشوارع اللي كان اللف في اخرها في اشاره او في ميدان عدلو السير فيه وحولو الملفات الرئيسيه الى كام يوترن في الشارع نفسه يعني في المهندسين في 3 شوارع رئيسيه عدلوا الإشارات فيهم زي البطل احمد عبد العزيز ومحي الدين ابو العز وحتى شارع النيل والموضوع ده بيعطل المرور جدا لأن لو ناحيه من الشارع واقفه بتوقف الناحيه التانيه على طول معلشي انا خرجت بره الموضوعالمشاركة الأصلية كتبت بواسطة husseinoo مشاهدة المشاركةالسلام عليكم ورحمة الله وبركاته
ههههههههههههه
الظاهر ان موضوع اليوتيرن ده موش هايخلص
النهارده وانا رايح الشغل بالمواصلات شفت المشكلة دى
وقلت لنفسى لما اروح اضيفها فى المشاركة
انظروا الى الصورة التالية
فى الصورة سائق السيارة الصفراء ليس عنده صبر
وعايش فى دور الناصح
واللى بيخلص نفسه وبيسلك نفسه
وموش قادر يصبر انه يلف بعربيته خلف العربية الزرقاء
سائق العربية الزرقاء "كان حريص" فى الملف وكان بياخد وقته وموش عايز ينزل على الشارع الرئيسى إلا لما تيجى له فرصة
سائق السيارة الصفراء عشان راكب عربية جديدة وزى ماقلت شايف نفسه .. حب يعمل فهلوى ويخرج من ورا العربية الزرقاء ويروح للحارة الثانية فى اليوتيرن
طبعا النتيجة انه فيه عربية تانية كانت بتلف فى الحارة التانية
وزى ما الصورة بتوضح انه لولا ان اللى بيلف فى الحارة التانية واخد باله ... مشى بعربيته بعيد عن السيارة الصفراء
والعربية الصفراء قطعت الطريق على العربيات اللى بتلف فى الحارة الثانية
وفضل واقف لحد ما الطريق سلك ومشى
معلهش انا هاتضطر اقول
ان اللى كان سايق العربية الصفراء سيدة
ممكن تكون مستعجلة
ممكن تكون عربيتها جديدة ومستكبرة تمشى وراء عربية قديمة
ممكن تكون موش فاهمة ان ده خطأ
هاترك لكم التعليق
وفى انتظار التواصل
مع اطيب التمنيات
اخوكم حسين غزالة
في جنب شغلي يوترن زي اللي حضرتك شرحته النهارده في الصوره مع اختلاف انه اتجاهين كمان وكل يوم اليوترن ده فيه مشاكل بسبب الناس اللي زي العربيه الصفراء ومش مستنيه اللي امامها يلف لما الشارع يفضى وفي النهايه العربيه الصفراء بتقفل على اللي جاي بيلف من الناحيه التانيه
انا طبعا وده بإذن الله لما ابتدي اسوق فعلا هغير الشارع ده وامشي من واحد تاني
[CENTER][SIZE=5][COLOR=Navy][SIZE=4][SIZE=5]* لا اله الا انت سبحانك اني كنت من الظالمين *[/SIZE] [/SIZE]
[/COLOR][/SIZE][CENTER]
[/CENTER]
[/CENTER]Comment
-
شكرا على كم المعلومات المفيدة والقيمة
ربنا يبارك فى كل عضو من اعضاء المنتدى المحترمين اللى شاركوا فى هذا الموضوع ونشكر لهم تعاونهم والجهد المبذول رغم ضغوط العمل والارهارق
على فكرة انا بقالى اسبوع اقرا كل يوم فى الموضوع والمشاركات استفدت جدا من المعلومات والمشاركات والتفاعل مع الموضوع
على فكرة انا برضوا مبتدى فى السواقة
وساكن فى فيصل وما ادراك ما فيصل والهرم وميدان الجيزة
وشغلى فى وسط البلد
مأساة ذهابا وعودة
شكرا من القلب
م.عصام مهنى[B][COLOR=Navy]أبا الزهراء قد جاوزت قدرى
بمدحتك بيد ان لى انتسابا
مدحت المالكين فزدت قدرا
وحين مدحتك اجتزت السحابا [/COLOR][/B]
[COLOR=Green][B]اللهم صلى على سيدنا محمد [/B][/COLOR]Comment
-
بسم الله الرحمن الرحيم
نتابع موضوع اليوتيرن
انظر إلى الصورة
قائد السيارة الزرقاء يريد دخول اليوتيرن "على واسع"
يعنى فى الحارة الثانية
وكان الافضل له انه يدخل فى الحارة الاولى الموازية للرصيف
وطبعا المفاجأة للاستاذ انه امامه سيارة "ميكروباص" توقفت بشكل مفاجىء
والنتيجة طبعا معروفه
على العموم السير وراء سيارة ميكروباص او اوتوبيس او تاكسى ... موش ظريف
وتوقع التوقف المفاجىء
يعنى عملية التوقع دى "موش فهلوة" لأ برده عايزه دراسة وأن الواحد يكون فاهم موش سرحان ويعمل فيها عبقرى وهايكتشف لوحده كل حاجة فى الشارع وينزل ويخبط فى اللى حواليه
ولا إيه رأيكم
انظر الى الصورة التالية
فى الصورة السابقة
لم يتوقع قائد السيارة الزرقاء ان هناك "بنى آدمين" عندهم استعداد يقفوا فى نص الشارع عشان يلحقوا الميكروباص
هههههههههههههههههههه
والنتيجة طبعا ممكن يعمل كارثة "اعوذ بالله"
ربنا يسترها مع الجميع
المرة الجاية نكلم عن اليوتيرن ومشاكل الاوتوبيسات
فى انتظار التواصل
مع اطيب التمنيات
اخوكم حسين غزالة
[sor1]https://s15.postimg.org/to3r0graj/Untitled7_jpg.jpg[/sor1]
[URL="http://www.nilemotors.net/Nile/127724-a.html"]نصائح سائق جديد .. وخوفه قل شوية من موضوع السواقة[/URL]
[URL="http://tinyurl.com/jkc87mj"](حصريا ) سلسلة نصائح سائق جديد _ اول كتاب فى اساسيات القيادة الدفاعية [/URL]
[URL="http://tinyurl.com/M323E"]جروب اصدقاء وملاك مازدا 323 على الفيس بوك[/URL]Comment
-
اخوانى المحترمين
السلام عليكم ورحمة الله وبركاتة
أخوانى اعضاء المنتدى المحترمين جدا
أنا بقالى اسبوع بمشى بالعربية من فيصل لوسط البلد وارجع بيها بس راكب جنبى اخويا
اخويا معاه عربيته بس من ساعة ما جبت العربية وهو راكن عربيتة وبينزل معاى كل يوم ويرجع معايا هو برضوا شغله فى وسط البلد
المهم ان الواحد كل يوم بيتعلم جديد وكل ما اعمل حاجة غلط المرة الثانية بحاول معملهاش بس لسة برضوا الواحد عنده خوف وتوتر هو ابتدى يقل بس فى فى حاجات ممكن تحصل تخلى الواحد يكره نفسه هل دى طبيعى ولا الواحد بطئ فى التعليم
انا اول ما ركبت العربية كان فى 6 أكتوبر يوم جمعة كنت كل يوم جمعة اروح انا واخويا والمدام والاولاد انزل المدام والاولاد فى النادى وابدا انا وهوا كنت بركب وهوا جنبى وامشى بالعربية فى كل اكتوبر وشواراع المصانع منطقة خالية وتتعلم فيها وبعد كدة حب يعلمنى اركن ازاى فذهبنا لجراج جنب دار الفؤاد وفى حارات فى الارض وقعدت اتعلم بس الرجوع لورا كان صعب على ومازال
المشكلة عندى المرايات مش عارف اتعلمها كل ما افكر ابص فيها الاقى العربية حدفت منى ودايما اخويا يقولى المرايات هية عينك التالتة الموضوع دا مضايقنى اوى وانا قريت الموضوع دى كله وخصوصا المرايات بس برضوا حاسس ان فى حاجة غلط !! دى طبيعى ولا ايه !!
اللى عايز اعمله النهاردة انى اخرج مع المدام والاولاد لوحدينا من غير اخويا ما يكون قاعد جانبى بس بصراحة خايف جدا اصل فيصل والهرم وميدان الجيزة مأساة أعمل اية !!!؟؟؟؟
انا اول مرة نزلت بالعربية فى وسط الزحمة كان فى شارع محى الدين ابو العز وجامعة الدول والسودان كان زحمة جدا جدا وكنت خايف جدا جدا جدا والعربية كل شوية تبطا منى والعربيات اللى ورايا مابترحمش بس الحمد لله دلوقتى يعنى الواحد كل يوم بياخد ثقة شوية وربنا يستر
فارجوا من اعضاء المنتدى المحترمين يعرفونى اعمل اية وانت ماشى صح ولا لا
اخوكم
م.عصام مهنى[B][COLOR=Navy]أبا الزهراء قد جاوزت قدرى
بمدحتك بيد ان لى انتسابا
مدحت المالكين فزدت قدرا
وحين مدحتك اجتزت السحابا [/COLOR][/B]
[COLOR=Green][B]اللهم صلى على سيدنا محمد [/B][/COLOR]Comment
-
المشاركة الأصلية كتبت بواسطة midomahany مشاهدة المشاركة[sor1]https://s15.postimg.org/to3r0graj/Untitled7_jpg.jpg[/sor1]
[URL="http://www.nilemotors.net/Nile/127724-a.html"]نصائح سائق جديد .. وخوفه قل شوية من موضوع السواقة[/URL]
[URL="http://tinyurl.com/jkc87mj"](حصريا ) سلسلة نصائح سائق جديد _ اول كتاب فى اساسيات القيادة الدفاعية [/URL]
[URL="http://tinyurl.com/M323E"]جروب اصدقاء وملاك مازدا 323 على الفيس بوك[/URL]Comment
Comment