نصائح سائق جديد .. وخوفه قل شوية من موضوع السواقة .. والبركة فيكم تعلمونا الباقى

[magid1010]

السلام عليكم ورحمة الله وبركاته
يا استاذ حسين اللى بتعملة دة شئ رائع جدا مش حقدر اقول غير اللة اللة ينور عليك ويباركلك فى صحتك استاذ كبير و متشكر لحضرتك أنا لسة ما خرجتش بالعربية علشان اجرب الركن بس اول ما حجرب حقولك

يا ريت تكمل جميلك و تعرفنا ازاى نضبط المريات وكمان كلام سارة دة جميل جدا يا ريت الادارة فعلا تنفذة علشان كلنا نستفيد من المعلومات القيمة دى

[husseinoo]

بسم الله الرحمن الرحيم
اللهم صل على محمد وعلى آله وصحبه أجمعين

متشكر جدا جدا لكلامكم الجميل ده .... طبعا انا بكون سعيد جدا لما اقرأه .... وتشجيعكم الإجابى هو سبب من الاسباب التى تدفعنى دائما للبحث وإضافة الجديد ... وارجوا من الله ان البحث ده يكون مفيد بجد للجميع

مرة ثانية اشكركم بشدة بارك الله فيكم.

خطوات ضبط المرايا

ندخل فى الموضوع على طول

انظر الى الصورة التالية

يظهر فى الصورة سيارة "عليها سهم"
هذه السيارة لو استمرت فى السير ... لن تظهر فى المرايا الجانبية ... يعنى تقدر تقول عليها دخلت فى المنطقة العمياء لسيارتك



انظر الى الصورة التالية

فى الصورة يظهر ان السائق يجب ان تكون رأسه "بجوار" النافذة اثناء ضبط المرايا
يعنى ما ينفعش انك تضبط المرايا وانت جالس بشكل طبيعى على الكرسى
لازم تخرج رأسك شوية زى الصورة



انظر الى الصورة التالية

فى الصورة هنا وضع المرأة "خطأ"
ليس مطلوب ان تضبط المرايه عشان تشوف عربيتك او جزء كبير من عربيتك .... كده يبقى غلط كبير




انظر الى الصورة التالية

فى الصورة وضع المرايه هنا "صحيح" مية مية
المطلوب انك تحرك المرايه بحيث انك تتوقف عن تحريك المرايه "اول ما عربيتك تختفى من الظهور"
يعنى اول ما عربيتك تختفى من الظهور توقف عن تحريك المرايه تماما
موش مطلوب ان عربيتك او جزء منها يظهر فى المرايه
ده الوضع الصحيح للمرايه الخاصة بالسائق





انظر الى الصورة التالية


مرة تانية للتأكيد
يظهر الوضع الخطأ للمرايه
ليس مطلوب ان يظهر اى جزء من سيارتك فى المرايه الخاصة بالسائق







انظر الى الصورة التالية


وضع المرايه هنا صحيح مية مية
استكمالا للشرح
المطلوب هنا ان يظهر فى المرايه السيارة التى تسير بجوارك فى المنطقة العمياء





انظر الى الصورة التالية

حرك نفسك كما فى الصورة
لكى تسطيع ضبط المرايه الجانبية الاخرى
ههههههههه فيه ناس كثيير بتضبط المرايه التانية وهى جالسة فى مكانها زى ماهى
طبعا كده غلط
المفروض انك تحرك نفسك زى الصورة وتبدأ فى ضبط المرايه الاخرى





انظر الى الصورة التالية

وضع خطأ للمرايه
موش مطلوب ان يظهر اى جزء من سيارتك ....







انظر الى الصورة التالية

ده وضع صحيح للمرايه وعشرة على عشرة
حرك المرايه بحيث اول ما عربيتك تختفى من المرايه
توقف تماما عن تحريك المرايه
كده يبقى انت ضبط المرايه بطريقة صحيحة مية مية




بالنسبة للمرايه التى فى المنتصف "مرايه الصالون"
كل المطلوب منك انك تضبطه بحيث ترى ما يحدث فى الخلف بشكل سليم

فيه ناس كثيير تميل اى ان المرايه التى فى المنتصف يتم ضبطه جهة اليمين قليلا ... بحيث انه يرى ما يحدث خلفه وكمان يستطيع ان يرى جزء كبير من السيارات التى تمر من على اليمين فى نفس الوقت



بالنسبة لى انا عملت التالى:
ضبط المرايه كما فى الصورة بالإضافة إلى انى اشتريت مرايه كبيرة شوية مثل الصورة التالية

طبعا بعد ما استخدمت المرايه دى ظهر جزء كبير جدا جدا من كل ما يجرى خلف السيارة
وبعد شوية لما اتمكن بشكل كويس من القيادة
هارجع للمرايه الاصلية عشان زجاج المراية الاصلية طبعا افضل
لكن حجم ومساحة الرؤية فى المرايه دى ممتاز ومريح جدا جدا وثمنها كان تقريبا 15 جنيه من التوفيقية
ممكن شكلها ههههههههه يكون طبعا مضحك فى السيارة الملاكى
وممكن ناس تضحك وتشوف ان شكلها غير مناسب للسيارة
لكن موش مهم ههههههههههههههههه المهم انى اسير بالسيارة وانا شايف كل ما يجرى خلفى بشكل صحيح وتمام التمام

لو المرايه عندك فى العربية مريحاك خلاص مافيش مشاكل ماتشتريش حاجة



تابع

فى انتظار التواصل

مع اطيب التمنيات
اخوكم حسين غزالة

[SunSet]

هم مش كانوا بيقول المراية تبين اخر عربيتك


عشان العربية الملاصقة تبان والا الكلام ده مش مضبوط؟

[husseinoo]

بالنسبة للمرايه الجانبية

انا اشتريت المرايتين دول


اشتريت 2 واحدة تركب يمين
والتانية تركب شمال





انظر الى الصورة التالية

يظهر فى الصورة ان المراية التى تم اضافتها ممتازة جدا
فى الوقت الذى لا تظهر فيه العربية النقل تماما فى المراية الجانبية
ظهرت بشكل ممتاز فى المراية الصغيرة
عشان المراية الصغير زاوية الرؤيا كبيرة جدا برغم ان حجمها صغير


المهم ركبتها
ونزلت اجرب واشوف النتيجة
النتيجة ممتازة جدا جدا
يعنى فى اى وقت عايز تغير الحارة بتاعتك .... نظره سريعة على المرايه الصغيرة للتأكد قبل تحريك السيارة

اكتشفت حاجة جميلة جدا جدا جدا
ايه هى
عندما تدخل على اليوتيرن
برغم ان العربية لم تدخل على الشارع الرئيسى بالكامل
لكن المراية الصغيرة دى ظهر فيها كل العربيات التى تسير فى الشارع الرئيسى كما فى الصورة التالية


فى الصورة يظهر حجم الرؤية الكبير جدا والممتاز للمراية الصغير الجانبية
برغم ان السيارة الزرقاء لم تدخل على الشارع الرئيسى تماما "يعنى العربية الزرقاء مازالت داخلة بزاوية"
إلا أن المراية ظهر فيها كل العربيات الخضراء
ودى كانت مفاجأة كبيرة لى
وبصراحة ريحتنى جامد


على فكرة المراية الصغيرة دى ثمنها تقريبا 5 جنيه الواحدة يعنى الاثنين بـ 10 جنيه
بعض البائعين يطلبوا 7 او 7.5 فيها .... لو لفيت شوية فى التوفيقية ومع الفيصال مع انى موش بتاع فيصال خالص
يمكن عشان انا نزلت فى وقت متأخر وكان الباعة عايزين يروحوا بيتهم هههههههههههه
عشان كده كانوا بيتساهلوا معايا

ارجوا ان اكون وفقت


فى انتظار التواصل

مع اطيب التمنيات
اخوكم حسين غزالة

[sara2001]

هم مش كانوا بيقول المراية تبين اخر عربيتك


عشان العربية الملاصقة تبان والا الكلام ده مش مضبوط؟

انا كنت شفت كده فعلا في اول الموضوع وكنت بضبط المرايات الجانبيه على الأساس ده
اتمنى حد يصحح لنا المعلومه دي
لأني كده مش عارفه المفروض ابين اخر العربيه ولا لأ

[husseinoo]

انا كنت شفت كده فعلا في اول الموضوع وكنت بضبط المرايات الجانبيه على الأساس ده
اتمنى حد يصحح لنا المعلومه دي
لأني كده مش عارفه المفروض ابين اخر العربيه ولا لأ

السلام عليكم ورحمة الله وبركاته


ههههههههههههههه

كلام سليم ومية مية
مافيش اى مشاكل
لكن حضرتك لو "دققتى النظر" فى صورة المراية ... سوف تجدى انك لو حركتيها حاجة بسيطة جدا جدا ... سوف يظهر اكصدام العربية ... يعنى نفس كلامكم

لكن احنا متعودين اننا نشوف جزء من السيارة "اكصدام العربية من الخلف"
بنشعر بالإطمئنان ونحس ان المرايه كده مضبوطة صح

الخلاصة: موش مهم انك تشوف اى جزء من سيارتك ... المهم انك تستغل كل مساحة المرايه عشان يظهر فيها اى سيارة فى المنطقة العمياء

وفى حالة انك تركز على خلفية سيارتك ... فى الحالة دى انت بتشغل المرايه بعرض اجزاء ومساحة موش مهمة لك ...
لو ركزت على انك تشوف جزء من سيارتك الخلفى ... كل ده مالوش لازمة

على الاقل :
أول ما يختفى اكصدام عربيتك من الظهور فى المرايه ... توقف عن تحريكها
كده هاتكون المرايه مضبوطة مية مية


انا الاول كنت اضبطها بحيث يظهر اى جزء من السيارة بتاعتى خصوصا طبعا الإكصدام
لكن الآن مساحة الرؤية اصبحت كبيرة وممتازة

ارجوا ان اكون وفقت

فى انتظار التواصل

مع اطيب التمنيات
اخوكم حسين غزالة

[lobna_yaseen]

الموضوع ياأستاذ حسين بجد تحفه فنيه وكل يوم بيزيد أهميه بالمعلومات اللى بتكتبها كل مره
بس أنا كنت عاوزه أقول حاجه للى يتمنوا إن الموضوع يتثبت وأنا أولهم نفسى يتثبت علشان ندخل عليه على طول من المواضيع المثبته مش ندور عليه فى المواضيع لما ينزل لو كذا موضوع اتكتب جديد
إيه الملاحظه بقى
إننا ماحدش فينا بيقيم الموضوع والتقييم ده من فوق على شمال الصفحه كلنا (اللى عاوز يثبت الموضوع) ندخل ونقيم بممتاز متهيألى هو ده اللى هيثبت الموضوع لأنى لاحظت إن تقييمه 1% إلى 2% فيمكن لو قيمناه ممتاز يتثبت يارب يتثبت لأنه بيفيد الموجودين وهيفيد اللى هيدخلوا بعد كده إن شاء الله وأنا أول واحده هقييم الموضوع بممتاز ويارب دى تكون الطريقه وبكده نضمن إنه هيتثبت لأن كل اللى بيقرأ الموضوع بيثنى عليه جدا إن كان مبتدء أو له خبره وأنا آسفه على الإطاله

[magid1010]

الموضوع ياأستاذ حسين بجد تحفه فنيه وكل يوم بيزيد أهميه بالمعلومات اللى بتكتبها كل مره
بس أنا كنت عاوزه أقول حاجه للى يتمنوا إن الموضوع يتثبت وأنا أولهم نفسى يتثبت علشان ندخل عليه على طول من المواضيع المثبته مش ندور عليه فى المواضيع لما ينزل لو كذا موضوع اتكتب جديد
إيه الملاحظه بقى
إننا ماحدش فينا بيقيم الموضوع والتقييم ده من فوق على شمال الصفحه كلنا (اللى عاوز يثبت الموضوع) ندخل ونقيم بممتاز متهيألى هو ده اللى هيثبت الموضوع لأنى لاحظت إن تقييمه 1% إلى 2% فيمكن لو قيمناه ممتاز يتثبت يارب يتثبت لأنه بيفيد الموجودين وهيفيد اللى هيدخلوا بعد كده إن شاء الله وأنا أول واحده هقييم الموضوع بممتاز ويارب دى تكون الطريقه وبكده نضمن إنه هيتثبت لأن كل اللى بيقرأ الموضوع بيثنى عليه جدا إن كان مبتدء أو له خبره وأنا آسفه على الإطاله

السلام عليكم ورحمة الله وبركاته
بجد الادارة لازم تثبت الموضوع دة لانة قيم جدا و بعدين على فكرة يا لبنى انا ممكن ادخل على الموضوع دة عن طريق زرار موجود فى الصفحة الرئيسة اسمة مواضيع مشترك بها ودة برضة التثبيت بيكون افضل بكتيييييييير

[lobna_yaseen]

السلام عليكم ورحمة الله وبركاته
بجد الادارة لازم تثبت الموضوع دة لانة قيم جدا و بعدين على فكرة يا لبنى انا ممكن ادخل على الموضوع دة عن طريق زرار موجود فى الصفحة الرئيسة اسمة مواضيع مشترك بها ودة برضة التثبيت بيكون افضل بكتيييييييير

هو فين الزرار ده دورت عليه أول ماقرأت مشاركتك ومش لاقياه قصدك الصفحه الرئيسيه قبل ماتدخل المنتدى التعليمى ولابعد ماتدخل معلش الواحد لسه فاطر فول فاستحملنى شويه وقولى تانى على مكانه
وهو صحيح إحنا ماينفعش نبعت رساله للإداره ونطلب تثبيت الموضوع ؟ ولو ينفع نبعتها إزاى
وياريت اللى يعرف إيه اللى بيثبت الموضوع يقول أيه الخطوات

[magid1010]

هو فين الزرار ده دورت عليه أول ماقرأت مشاركتك ومش لاقياه قصدك الصفحه الرئيسيه قبل ماتدخل المنتدى التعليمى ولابعد ماتدخل معلش الواحد لسه فاطر فول فاستحملنى شويه وقولى تانى على مكانه
وهو صحيح إحنا ماينفعش نبعت رساله للإداره ونطلب تثبيت الموضوع ؟ ولو ينفع نبعتها إزاى
وياريت اللى يعرف إيه اللى بيثبت الموضوع يقول أيه الخطوات

السلام عليكم ورحمة الله وبركاته
شوفى يا لبنى الزرار دة موجود فى الصفحة الرئيسية و فى القسم التعليمى كمان تلاقية فوق خالص اول الصفحة جنب زراير قوانين النتدى و المشاركات الجديدة و face book ولوحة التحكم تحت صورة العربية اللى موجودة اول الصفحة خلاص اقولك اعزمينى على ساندويتش فول بالتقلية و انا اجيلك اشاورك علية

[kemoelord]

بحد موضوع هايل جداااااااااا والله جزاك الله كل خير يا استاذ حسين وانا هو بسوق من سنتين وفي حاجات اول مره اسمع عنها واتعلمتها من الموضوع هنا , ربنا يكرمك

[sara2001]

الموضوع ياأستاذ حسين بجد تحفه فنيه وكل يوم بيزيد أهميه بالمعلومات اللى بتكتبها كل مره
بس أنا كنت عاوزه أقول حاجه للى يتمنوا إن الموضوع يتثبت وأنا أولهم نفسى يتثبت علشان ندخل عليه على طول من المواضيع المثبته مش ندور عليه فى المواضيع لما ينزل لو كذا موضوع اتكتب جديد
إيه الملاحظه بقى
إننا ماحدش فينا بيقيم الموضوع والتقييم ده من فوق على شمال الصفحه كلنا (اللى عاوز يثبت الموضوع) ندخل ونقيم بممتاز متهيألى هو ده اللى هيثبت الموضوع لأنى لاحظت إن تقييمه 1% إلى 2% فيمكن لو قيمناه ممتاز يتثبت يارب يتثبت لأنه بيفيد الموجودين وهيفيد اللى هيدخلوا بعد كده إن شاء الله وأنا أول واحده هقييم الموضوع بممتاز ويارب دى تكون الطريقه وبكده نضمن إنه هيتثبت لأن كل اللى بيقرأ الموضوع بيثنى عليه جدا إن كان مبتدء أو له خبره وأنا آسفه على الإطاله

انا دوست على تقييم طلع 1% الى 2% برده وظهر لي رساله ان انا قيمته قبل كده مش عارفه ازاي
هو في طريقه تانيه لتقييم الموضوع غير كده

[mohamedrabia]

السلام عليكم اهم شي في القيادة انك تكون هادي جداااا لان فيه ناس محترمة اوووي في الطريق كونك هادي هتكون مثالي جدااا في القيادة وده كانت نصحتي ليك والجرائة واتخاذ القرار في الوقت المتاسب وربنا يسترها علينا وعليك

[sara2001]

معلشي يا استاذ حسين حضرتك تعبت مننا
معنى كلام حضرتك ان الأفضل مفيش ولا جزء من العربيه يظهر علشان كده الرؤيه تكون اوضح وفي نفس الوقت تقلل المنطقه العمياء

[M.Radwan]

معلشي يا استاذ حسين حضرتك تعبت مننا
معنى كلام حضرتك ان الأفضل مفيش ولا جزء من العربيه يظهر علشان كده الرؤيه تكون اوضح وفي نفس الوقت تقلل المنطقه العمياء

أيوة هو المفروض كده
بس للأسف الواحد مش بيعرف يعمل الحركة دي خالص
لازم على الأقل أشوف ولو جزء بسيط من اكصدام عربيتي عشان أحدد أبعادها
خصوصا لو ماشي في حارات وشوارع ضيقة أو بين عربيات تانية وهكذا أو لما أركن،
ولما بعوز أغير الحارة ببص بسرعة على المراية ونظرة من على كتفي كده للجنب
وبعدين بنقل عادي،