نصائح سائق جديد .. وخوفه قل شوية من موضوع السواقة .. والبركة فيكم تعلمونا الباقى

[husseinoo]

بسم الله الرحمن الرحيم

أنا يا جماعة عن نفسى كلام الاخ "هندسة" ضحكنى جدا
ههههههههههههههههههههههه

هو فعلا طريقة عجلة ورا يا استاذ وكمان عجلة كمان
ههههههههههههههههههههههه

الطريقة دى هى اسمها طريقة الفهلوة
او
طريقة الجراءة والشجاعة بدون فهم

احنا هنا والحمد لله

بنحاول نفهم قبل ما نمشى
بنحاول نتدرب قبل ما نخبط فى اللى حوالينا
بنحاول نتعلم قبل ما نتعلم فى اللى حوالينا

واعتقد والله اعلم انى ما قرأت اى مشاركة كبيرة خاصة بالمبتدأين فى القيادة لتبادل الخبرات مع بعض فى اى منتدى قبل كده
اقصى حاجة كيف تركن السيارة

الشعور بالخوف شعور سىء جدا
لما تروح البيت واعصابك موش تمام
والعرق يتصبب منك
ده معناه انك حريص على انك عايز تعمل الصح موش شجاعة وتخبيط فى عربيتك وعربيات الناس
احنا هنا بنحاول نساعد بعض ... واراهن ان فيه مئات من اصحاب السيارات الجدد لازم يتعلموا الأساسيات صح

ولما تكون فاهم كويس وعن اقتناع وتدريب كل شىء هايمشى تمام التمام
ويا جماله لما يكون معاك حد راكب بجوارك فى البداية وطبعا لازم يكون فاهم وموش عصبى وعنده صبر ويقدر يوصل المعلومة


مثال بسيط

المشى داخل الحارة وعدم المشى على الخطوط بين الحارات

الكلام سهل وجميل
لكن كلام موش عبيط
كلام المفروض يعمله المحترف قبل المبتدأ
لأنك لما بتلتزم بحارة معينة معناه ايه
معناه اتفضل عدى بعربيتك بأمان تام فى الحارة التانيه
بدون خوف لأنى بعيد عنك تماما
معناه اتفضل عدى بعربيتك فى الحارة التانية من غير ما تضرب كلاكسات وتعمل ازعاج لى
معناه انك فى امان وانا كمان فى امان
حتى لا قدر الله لو حد أنا آسف "متهور شوية" ومر من الناحية اليمين
مافيش مشاكل برده انا ملتزم انى امشى داخل الحارة بتاعتى وكمان موش على الخطوط الفاصلة

يعنى المرور
عامل الحارات بحيث انها تكفى العربية تمام التمام
يبقى من الخطأ انى امشى على الخطوط الفاصلة
ومن الخطأ ان اغير الحارة بتاعتى عمال على بطال وانا موش متمكن

ومعناه كمان ان مهما حد ضرب لى كلاكسات من الخلف وعمل اى قلة ادب معايا
موش هغير الحارة بتاعتى
ولو حد حدف على ودخل امامى بشكل مفاجىء
موش هاغير الحارة بتاعتى
لن اعرض نفسى للخطر عشان واحد "متهور او مستعجل" عايز يمر منى لأن مشى موش عاجبه


شوفوا كل ده عشان جمله واحدة فقط التزم به المبتدأ فى القيادة
بالعكس
ده انت كده بتريح الناس القديمة فى السواقة
اولا بيعرف على طول انك مبتدأ
ثانيا بيحاول يعدى منك ويبعد عنك "ههههههههههههههه يتقى شرك يعنى"
ثالثا بيعدى منك بسهولة وأمان ما دام شايف انك ماشى زى الخط المستقيم ومابتحدفش عمال على بطال من حارة الى حارة

والاهم من كده لو كل واحد ملتزم بالحارة اللى هو ماشى فيها كان جزء كبير من آزمة المرور هاتعدى
كل يوم نشوف بعض السائقين أنا آسف "المتخلفين" عايز يعدى من اى مكان ويمشى فى اى مكان وموش فارقة معاه اى حاجة
والنتيجة التسبب فى اختناقات فى المرور عمال على بطال

واحنا كلنا شغف نسمع تجارب زملائنا الجدد فى موضوع القيادة
ونفسنا نسمع كلام الناس القديمة اللى عندها خبرة جامدة

وفى انتظار التواصل إن شاء الله

مع اطيب التمنيات
اخوكم حسين غزالة

[م. عصام مهنى]

[QUOTE=magid1010;3872572113]
السلام عليكم ورحمة الله وبركاته
يا اخ عصام ماتزعلش كلنا ببنتعلم و انا لسة شارى عربية و لسة ممعيش رخصة بس بصراحة موضوع التعليم دة الواحد حاسيس انة عامل زى الطفل اللى لسة بتعلم المشى و دة احساس رائع بس ما تخليش حد يعكر مزاجك بكلام عبيط
و فى الاخر رنبا يسهل و نتعلم كلنا حاجات مفيدة لحد ما نموت

أولا مبروك عليك العربية
ربنا يديك خيرها ويكفيك شرها

يا اخى الفاضل انا مش زعلان
أنا مبحبش حد يتريق علينا
لما دخلت الهندسة وفى اعدادى هندسة كنا خايفين من الكلية وتاتهين ومش عارفين اى حاجة
وكنا بنقابل طلبة فى بكارلويوس كانوا كويسين جدا يطمننونا ومش بتيريقوا علينا علشان لسة سنة اولى ( اتعلمنا واتفوقنا واتميزنا) ، بعد كدة بيقينا فى بكارلويوس وناس سنة اولى عاملناهم زى اللى قبلينا ما كانوا بيعاملونا وهكذا
بتبقى صغير وتكبر
بتبقى مش عارف وتتعلم وتعلم
يعنى محدش اتولد بيسوق
اكيد حد علمه زينا كدة
ومش عيب انى اتعلم

وهفضل اتعلم حتى اخر لحظة فى العمر ومش عيب انى اقول ما اعرفش علشان اتعلم

اخوكم
عصام مهنى

[magid1010]

[QUOTE=midomahany;3872572366]

السلام عليكم ورحمة الله وبركاته
يا اخ عصام ماتزعلش كلنا ببنتعلم و انا لسة شارى عربية و لسة ممعيش رخصة بس بصراحة موضوع التعليم دة الواحد حاسيس انة عامل زى الطفل اللى لسة بتعلم المشى و دة احساس رائع بس ما تخليش حد يعكر مزاجك بكلام عبيط
و فى الاخر رنبا يسهل و نتعلم كلنا حاجات مفيدة لحد ما نموت

أولا مبروك عليك العربية
ربنا يديك خيرها ويكفيك شرها

يا اخى الفاضل انا مش زعلان
أنا مبحبش حد يتريق علينا
لما دخلت الهندسة وفى اعدادى هندسة كنا خايفين من الكلية وتاتهين ومش عارفين اى حاجة
وكنا بنقابل طلبة فى بكارلويوس كانوا كويسين جدا يطمننونا ومش بتيريقوا علينا علشان لسة سنة اولى ( اتعلمنا واتفوقنا واتميزنا) ، بعد كدة بيقينا فى بكارلويوس وناس سنة اولى عاملناهم زى اللى قبلينا ما كانوا بيعاملونا وهكذا
بتبقى صغير وتكبر
بتبقى مش عارف وتتعلم وتعلم
يعنى محدش اتولد بيسوق
اكيد حد علمه زينا كدة
ومش عيب انى اتعلم

وهفضل اتعلم حتى اخر لحظة فى العمر ومش عيب انى اقول ما اعرفش علشان اتعلم

اخوكم
عصام مهنى

واللة دة كلام جميل منك فكرتنى بردة بايام كلية الهندسة لدرجة ان كان الاول على دفعتنا و بالمناسبة هو دكتور دلوقتى و اللة كان بنزل لينا كشكول المحاضرات بتاعتة علشان نصورها
و ربنا يوفقنا كلنا

[sab3aawy]

هو طبعا الموضوع استوفى حقه من تعليمات القيادة للمبتدئين ولذلك انا حابب اتطرق الى مساحة اخرى وهى التفرقة بين 3 انواع من القيادة
1- القيادة المتحفزة(وهو افضل تعريب وجدته aggressive driving)
2- القيادة الدفاعية(defensive driving)
3- القيادة المتوازنة(balanced drving)
اجادة القيادة فى مصر تسلتزم ان تجيد نوعين على الأقل من الأنواع الثلاثة الفائتة، وتستلزم ان تنتقل بين النوعين الذان تجيدهما بسلاسة تامة بحسب مقتضيات الطريق

1- القيادة المتحفزة: فلسفة القيادة المتحفزة هى منع الغير من ارتكاب الأخطاء فى حقك وشغل الاماكن الفارغة بأعلىكفائة ممكنة ودون تعريض الغير للضرر او الارتباك

مفرادت القيادة المتحفزة:
1- الإلمام بتفاصيل كل الأهداف المتحركة حولك (امام-يمين -يسار-خلف )وتقدير سرعاتها ومتابعة حركة السيارات المفرطة السرعة التى تدخل مجال الرؤية من الخلف وهذا يتطلب القاء نظرة على جميع المرايات كل دقيقتين على اقصى تقدير فى الأماكن المزدحمة
2- منع السيارات التى تحاول الانتقال من الحارة اليمنى او اليسرى امامك الى حارتك فى مدى مساحة صغير يجبرك على الفرملة للافساح لها (يعنى اللى بتكسر عليك) من تنفيذ هذا الغرض وذلك من خلال اغلاق هذة الثغرات الضيقة امامك ووالافساح فقط فى حالة وجود متسع مكانى يسمح لمن امامك بالاتقال الى حارتك دون التسبب فى ارباك لك
3- متابعة ما يحدث امام السيارة التى امامك من خلال اختراقها ببصرك سواء من اعلاها او من خلال الزجاج، حتى تكون مستعدا للفرملة فى حالة حدوث مشكلة امام السيارة التى امامك مما يوفر الوقت المفقود فى عملية ادراك الخطر
4- الانتقال الأمن بين الحارات كلما كان ذلك ممكنا لكسب مسافة لكن دون التضييق على شاغلى الحارة الأصليين لأن الأولوية لهم
5- استعمال الاشارات لعمل فلاش واحد او فلاشين فى حالة الانتقال بين الحارات لتنبيه من خلفك بقيامك بعملية الانتقال
6-استعمال الدابل فلاشر(الانتظار) فى حالة حدوث اى طارئ امامك يستدعى الابطاء لتنبيه من خلفك
7- لا تشغل الحارة اليسرى للطريق إلا اذا كنت اسرع من كل من هم على يمينك او لا تستطيع الانتقال للحارة التالية على يمينها بسبب انشغالها
8-لا تقود سيارتك بنفس سرعة السيارة المجاورة لك، لأن هذا يسبب غلق حارتين متتالين وارباك الطريق، اما ان تسبقها او تتركها تسبقك فى اقص زمن ممكن
9- اثناء انتقالك من حارة الى اخرى تابع حركة الطريق من خلفك ولاحظ هل توجد سيارات مفرطة السرعة آتية من الخلف وتقوم (بالتغريز)لكى تشغل المكان الذى تزمع انت الوصول اليه، اذا كان الأمر كذلك فعليك تقدير سرعة سيارتك ومعرفة هل تستطيع ان تشغل انت المكان الجديد فبل السيارة القادمة بفترة زمنية كافية تسمح لقائد هذة السيارة بالانتباه والفرملة وفى هذة الحالة انتقل الى الحارة الجديدة، او ان سرعتك لا تسمح فى هذة الحالة اترك الحارة له
10- فى الزحام والتقاطعات التى لا يوجد عليها كونترول، استعمل قاعدة البوز بيز(حاول شغل المكان الفارغ بمقدمة سيارتك قبل الآخرين) فجميع المصريين يحترمون هذة القاعدة
11- لا تمش ابدا أقل من سرعة الطريق، ويمكنك ان تمشى بأكثر من سرعة الطريق كلما كانت هناك فرصة للانتقال بين الحارات بدون مضايقة لشاغليها
12- فى حالة ان سائق اخر اخد مكانك او نجح فى الكسر عليك فلا تدخل فى تحدى معه واتركه لحال سبيله وركز فى الطريق
13- فى حالة الاضطرار للتخطى من الحارة اليمنى(وهى مسألة فى الاساس غير صحيحة لكن القيادة فى بعض طرقنا تضطرنا لها) يجب تأمين عدم وجود عوائق موجودة او متوقعة فى حارة التخطى حتى مد البصر،واستعمال كل وسائل لفت نظرا الآخرين الى وجودك على يمينهم اثناء التخطى من فلاشات وكلاكسات متقطعة ويفضل عدم اللجوء لذلك كلما كان ذلك ممكنا

هذا الاسلوب فى القيادة يناسب الطريق الدائرى والطرق الرزاعية،وافضل من يتبع هذا الاسلوب فى القيادة هم سائقو سيارات السياحة، كما يتناسب مع قيادة السيارات الصغيرة فى الطرق التى تكثر فيها الشاحنات والباصات الوسيارات الضخمة، وعلى عكس ما يبدو الأمر فأنه الأسلوب الأكثر امانا للقيادة فى الأماكن التى يكثر فيها السائقين الغير مهذبين، لكنه بالطبع يكون اسلوبا مزعجا لك ولمن حولك لو كنت تقود فى مكان يغلب عليه التحضر (طريق صلاح سالم مثلا)، بالطبع يلزم لهذا الاسلوب ان تكون فى حالة مزاجية وعصبية مرتفة وان تكون(متألق) فى تركيزك

2- القيادة الدفاعية:

فلسفة القيادة الدفاعية هى توقع اخطاء الغير وتركهم يرتكبونها مع اتقاء شرها عليك، وهو اسلوب يحتاج الى امكانيات اقل وتنظيم اكثر لمسألة قيادة السيارة،

مفردات هذا الاسلوب:
1- القيادة بسرعة الطريق وفى حالة عدم التمكن من القيادة بسرعة الطريق فان اختيارنا يكون هو اللجوء للسرعة الأقل من سرعة الطريق لحين تحسن الوضع والقدرة على العودة لسرعة الطريق
2- متابعة ما يحدث خلفك وتوقع تصرفات السيارات القادمة من الخلف
3- افسح مكانا للأخرين حتى لو كانوا يأخذونه غصبا واقتدارا، يعنى لو حد كسر عليك هدى سيارتك وسيبه ياخد المكان
4- لا تكثر من تغيير الحارة واحتفظ بحارتك قدر الامكان لأن ذلك سيسهل مهمة توقع تصرفاتك للسيارات المجاورة وتخطيط حركتهم على هذا الاساس، وقدر الامكان لا تستخدم الحارة اليسرى حتى لا تتعرض لضغط من شخص مسرع يريد تجاوزك
5- اذا تعرضت لضغط عصبى من سائق خلفك يريد منك الافساح لكى يتجاوزك، لو كانت الحارة اليمنى التالية لك مباشرة فارغة او ستفرغ فى غضون ثوانى اعط الاشارة اليمنى لمن خلفك حتى يهدأ بالا ثم غير حارتك بهدوء عندما يكون الامر آمنا تماما، اذا كان هناك عسر فى التخلى عن حارتك فلا تلق بالك لمن خلفك وابدا برفع قدمك من على دواسة الوقود لكى تتباطأ سيارتك تدريجيا(دون ضغط الفرامل لأن ذلك غير آمن كما يتسبب فى استفزاز من خلفك، ودون استعمال اشارات الانتظار لأنها بدورها مستفزة) لكن دع الأمر يبدو عفويا، او بالأصح"اعمل عبيط" وبمجرد ان تصبح سرعة سيارتك ابطأ بكثر من سرعة الطريق سيبحث السائق غير المهذب الموجود خلفك عن حارة اخرى ليستفز شاغلها لكى يفسح له)
6- لا تتخطى اى سيارة من يمينها
7- اترك مسافة مناسبة بينك وبين من امامك حتى ولو كان هناك من سيشغلها
8- لا تدخل فى تحديات من اى نوع

هذا الاسلوب مناسب لمن يتعلمون القيادة حديثا، لكن يعيبه بالأساس انك تترك نفسك تحت رحمة الآخرين، انا معظم المرات اللى اتخبطت فيها كنت سايق بشكل دفاعى ولم يعدم الأمر سائق اما انه غشيم او مستضعفنى لكى يترك بصماته القذرة على سيارتى، لكن الجانب المشرق ان صدمات القيادة الدفاعية عدة ما تكون كلام فاضى، يعنى فعصة رفرف، عصرة اكصدام، كدة يعنى ، بعكس حوادث الاسلوب المتحفز التى ربما تكون نسبتها اقل بكثر لكن خسائرها موجعة

3- القيادة المتوازنة: وفلسفة هذا الاسلوب تعتمد على الالتزام التام بقواعد المرور، مع وجود لمحة من الذوق: خلينا نتكلم عن ما هو الالتزام وما هو الذوق
من امثلة الالتزام:
1- لو انت على طريق وناوى تخرج من الطريق التزم بحارة الخروج من قبلها بعدة مئات من الأمتار تتناسب مع سرعتك، يعن مثلا لو انت ماشى بسرعة 100 يبقى تمسك حارة الخروج قبلها ب 200 -300 متر مثلا، متجشي قبل المخرج وتروح معرض مرة واحدة وجايب الطريق من شماله ليمينه علشان تخرج،
2- لو انت داخل من طريق جانبى لطريق رئيسى ادخل فى الحارة اليمين وبعدين انتقل الى نهر الطريق على مراحل، حارة واحدة فى كل مرة، متاخدش الطريق قص وتخرج ترمى بلاك على الناس اللى واخدة سرعتها فى الطريق
3-دائما اولوية التخطى لصاحب الحارة، يعنى لو انت فى الحارة الوسطى مثلا وعايز تدخل الحارة الشمال وفيه عربية جاية فى الحارة الشمال من ورا بسرعة، مش معنى انك قدام ان من حقك تكسر عليه، هو صاحب الحارة يبقى هو صاحب الأولوية
4- دايما الدوران لليسار على واسع والدوران لليمين على ضيق، والأولوية فى التقاطعات والصوانى للى جاى من على شمالك
امثلة للذوق:
1-انت ماشى فى الحارة اليمين فى طريق سريع مزدحم وواحد خارج من شارع جانبى، صحيح ان الأولوية لك لكن هو لو محدش اداله فرصة فى وقت الزحام مش هيعرف يخرج، فكر تهد وتشاورله يخرج وصدقنى ساعة لما هيرفع يده لك بالشكر انت هتحس بسعادة غامرة
2- فى ساعة الذروة والمرور بيتحرك واحدة واحدة وعربية واقفة عمودى على الرصيف بضهرها عايزة تخرج من الانتظار الى نهر الطريق، تذكر انك لو مكانه مش هتعرف تخرج غير لو حد وقف لك، قف له وغالبا هيدعيلك
3-الطريق يضيق امامك بسبب وجود اعمال او عربية عطلانة تاخد نصف الطريق وتترك حارة واحدة، لو انت فى الحارة السالكة اوصل قبل نهاية الحارة المسدودة ودخل عربية واحدة من الحارة المسدودة بينك وبين اللى قدامك ، لما كل واحد هيعمل كدة هنلاقى ان السيارات بتتلم على بعضها زى سوستة الهدوم، واحد من هنا وواحد من هنا، والطريق بيمشى، اما لو كنت انت فى الحارة المسدودة فمش اول ما توصل لنهايتها تكبس على السيارة الللى جاية فى الحارة السليمة، فوت عربية وادخل بعديها، ولا تنس ان تحييى السائق الذى انتظر لك، وبعد ما تعدى العائق ارجع لحارتك علشان تفسح الطريق
5- حادث فى الطريق: صدقنى يا صديقى انك لو وقفت تتفرج لمدة عشرة ثوانى فقط فده هيسبب تعطل كل الناس عن الوصول لأعمالها، لأن انت لو ضيعت 10 ثوانى معناها ان كل 6 سيارات هتضيع دقيقة على اللى وراها، ومعناها ان كل 120 سيارة هتضيع 20 دقيقة على مستعملى الطريق، تذكر انت بتبقى فى عرض نصف دقيقة ازاى وانت رايح شغلك الصبح وادى فرصة للناس تعدى، وفكر فى الصورة الكاريكاتيرية بتاعة الطريق الدائرى لما انت بتقف فيه بالساعة ولما توصل لموضع الاختناق تفاجأ انه بسبب حادثة حاصلة فى الاتجاه الآخر من الطريق والناس معطلة الطريق علشان تتفرج، حاول ألا تكون جزء من هذة الصورة المخزية علشان لما تتكلم عن"شعب متخلف" تبقى بتقولها بقلب جامد وانت حاسس انك مش جزء من هذا التخلف
4-كل ما كانت هناك فرصة انك تهدى علشان حد ماشى على رجليه يعدى الشارع اعملها، وصدقنى انت هتحس فى قرارة نفسك انك انسان عظيم، غير نظرة الامتنان اللى هتشوفها على وش الشخص اللى بيعدى الشارع خصوصا لو كان كبير فى السن او معاه اطفال ، جرب هذا الاحساس مرة وصدقنى هتدمنه

من وجهة نظرى ان الواحد مفروض ان يجيد القيادة المتوازنة بالأساس، مع اجادة نوع اخر من انواع القيادة ، سواء المتحفزة او الدفاعية، ويكون الانتقال بينهما ديناميكا بحسب حالة الطريق وحالة السائق واحلة السيارة،

[attiahf]

مدرسة يا استاذ سبعاوى
انا عن نفسى بفضل القيادة المتوازنة

[sara2001]

هو طبعا الموضوع استوفى حقه من تعليمات القيادة للمبتدئين ولذلك انا حابب اتطرق الى مساحة اخرى وهى التفرقة بين 3 انواع من القيادة
1- القيادة المتحفزة(وهو افضل تعريب وجدته aggressive driving)
2- القيادة الدفاعية(defensive driving)
3- القيادة المتوازنة(balanced drving)
اجادة القيادة فى مصر تسلتزم ان تجيد نوعين على الأقل من الأنواع الثلاثة الفائتة، وتستلزم ان تنتقل بين النوعين الذان تجيدهما بسلاسة تامة بحسب مقتضيات الطريق

1- القيادة المتحفزة: فلسفة القيادة المتحفزة هى منع الغير من ارتكاب الأخطاء فى حقك وشغل الاماكن الفارغة بأعلىكفائة ممكنة ودون تعريض الغير للضرر او الارتباك

مفرادت القيادة المتحفزة:
1- الإلمام بتفاصيل كل الأهداف المتحركة حولك (امام-يمين -يسار-خلف )وتقدير سرعاتها ومتابعة حركة السيارات المفرطة السرعة التى تدخل مجال الرؤية من الخلف وهذا يتطلب القاء نظرة على جميع المرايات كل دقيقتين على اقصى تقدير فى الأماكن المزدحمة
2- منع السيارات التى تحاول الانتقال من الحارة اليمنى او اليسرى امامك الى حارتك فى مدى مساحة صغير يجبرك على الفرملة للافساح لها (يعنى اللى بتكسر عليك) من تنفيذ هذا الغرض وذلك من خلال اغلاق هذة الثغرات الضيقة امامك ووالافساح فقط فى حالة وجود متسع مكانى يسمح لمن امامك بالاتقال الى حارتك دون التسبب فى ارباك لك
3- متابعة ما يحدث امام السيارة التى امامك من خلال اختراقها ببصرك سواء من اعلاها او من خلال الزجاج، حتى تكون مستعدا للفرملة فى حالة حدوث مشكلة امام السيارة التى امامك مما يوفر الوقت المفقود فى عملية ادراك الخطر
4- الانتقال الأمن بين الحارات كلما كان ذلك ممكنا لكسب مسافة لكن دون التضييق على شاغلى الحارة الأصليين لأن الأولوية لهم
5- استعمال الاشارات لعمل فلاش واحد او فلاشين فى حالة الانتقال بين الحارات لتنبيه من خلفك بقيامك بعملية الانتقال
6-استعمال الدابل فلاشر(الانتظار) فى حالة حدوث اى طارئ امامك يستدعى الابطاء لتنبيه من خلفك
7- لا تشغل الحارة اليسرى للطريق إلا اذا كنت اسرع من كل من هم على يمينك او لا تستطيع الانتقال للحارة التالية على يمينها بسبب انشغالها
8-لا تقود سيارتك بنفس سرعة السيارة المجاورة لك، لأن هذا يسبب غلق حارتين متتالين وارباك الطريق، اما ان تسبقها او تتركها تسبقك فى اقص زمن ممكن
9- اثناء انتقالك من حارة الى اخرى تابع حركة الطريق من خلفك ولاحظ هل توجد سيارات مفرطة السرعة آتية من الخلف وتقوم (بالتغريز)لكى تشغل المكان الذى تزمع انت الوصول اليه، اذا كان الأمر كذلك فعليك تقدير سرعة سيارتك ومعرفة هل تستطيع ان تشغل انت المكان الجديد فبل السيارة القادمة بفترة زمنية كافية تسمح لقائد هذة السيارة بالانتباه والفرملة وفى هذة الحالة انتقل الى الحارة الجديدة، او ان سرعتك لا تسمح فى هذة الحالة اترك الحارة له
10- فى الزحام والتقاطعات التى لا يوجد عليها كونترول، استعمل قاعدة البوز بيز(حاول شغل المكان الفارغ بمقدمة سيارتك قبل الآخرين) فجميع المصريين يحترمون هذة القاعدة
11- لا تمش ابدا أقل من سرعة الطريق، ويمكنك ان تمشى بأكثر من سرعة الطريق كلما كانت هناك فرصة للانتقال بين الحارات بدون مضايقة لشاغليها
12- فى حالة ان سائق اخر اخد مكانك او نجح فى الكسر عليك فلا تدخل فى تحدى معه واتركه لحال سبيله وركز فى الطريق
13- فى حالة الاضطرار للتخطى من الحارة اليمنى(وهى مسألة فى الاساس غير صحيحة لكن القيادة فى بعض طرقنا تضطرنا لها) يجب تأمين عدم وجود عوائق موجودة او متوقعة فى حارة التخطى حتى مد البصر،واستعمال كل وسائل لفت نظرا الآخرين الى وجودك على يمينهم اثناء التخطى من فلاشات وكلاكسات متقطعة ويفضل عدم اللجوء لذلك كلما كان ذلك ممكنا

هذا الاسلوب فى القيادة يناسب الطريق الدائرى والطرق الرزاعية،وافضل من يتبع هذا الاسلوب فى القيادة هم سائقو سيارات السياحة، كما يتناسب مع قيادة السيارات الصغيرة فى الطرق التى تكثر فيها الشاحنات والباصات الوسيارات الضخمة، وعلى عكس ما يبدو الأمر فأنه الأسلوب الأكثر امانا للقيادة فى الأماكن التى يكثر فيها السائقين الغير مهذبين، لكنه بالطبع يكون اسلوبا مزعجا لك ولمن حولك لو كنت تقود فى مكان يغلب عليه التحضر (طريق صلاح سالم مثلا)، بالطبع يلزم لهذا الاسلوب ان تكون فى حالة مزاجية وعصبية مرتفة وان تكون(متألق) فى تركيزك

2- القيادة الدفاعية:

فلسفة القيادة الدفاعية هى توقع اخطاء الغير وتركهم يرتكبونها مع اتقاء شرها عليك، وهو اسلوب يحتاج الى امكانيات اقل وتنظيم اكثر لمسألة قيادة السيارة،

مفردات هذا الاسلوب:
1- القيادة بسرعة الطريق وفى حالة عدم التمكن من القيادة بسرعة الطريق فان اختيارنا يكون هو اللجوء للسرعة الأقل من سرعة الطريق لحين تحسن الوضع والقدرة على العودة لسرعة الطريق
2- متابعة ما يحدث خلفك وتوقع تصرفات السيارات القادمة من الخلف
3- افسح مكانا للأخرين حتى لو كانوا يأخذونه غصبا واقتدارا، يعنى لو حد كسر عليك هدى سيارتك وسيبه ياخد المكان
4- لا تكثر من تغيير الحارة واحتفظ بحارتك قدر الامكان لأن ذلك سيسهل مهمة توقع تصرفاتك للسيارات المجاورة وتخطيط حركتهم على هذا الاساس، وقدر الامكان لا تستخدم الحارة اليسرى حتى لا تتعرض لضغط من شخص مسرع يريد تجاوزك
5- اذا تعرضت لضغط عصبى من سائق خلفك يريد منك الافساح لكى يتجاوزك، لو كانت الحارة اليمنى التالية لك مباشرة فارغة او ستفرغ فى غضون ثوانى اعط الاشارة اليمنى لمن خلفك حتى يهدأ بالا ثم غير حارتك بهدوء عندما يكون الامر آمنا تماما، اذا كان هناك عسر فى التخلى عن حارتك فلا تلق بالك لمن خلفك وابدا برفع قدمك من على دواسة الوقود لكى تتباطأ سيارتك تدريجيا(دون ضغط الفرامل لأن ذلك غير آمن كما يتسبب فى استفزاز من خلفك، ودون استعمال اشارات الانتظار لأنها بدورها مستفزة) لكن دع الأمر يبدو عفويا، او بالأصح"اعمل عبيط" وبمجرد ان تصبح سرعة سيارتك ابطأ بكثر من سرعة الطريق سيبحث السائق غير المهذب الموجود خلفك عن حارة اخرى ليستفز شاغلها لكى يفسح له)
6- لا تتخطى اى سيارة من يمينها
7- اترك مسافة مناسبة بينك وبين من امامك حتى ولو كان هناك من سيشغلها
8- لا تدخل فى تحديات من اى نوع

هذا الاسلوب مناسب لمن يتعلمون القيادة حديثا، لكن يعيبه بالأساس انك تترك نفسك تحت رحمة الآخرين، انا معظم المرات اللى اتخبطت فيها كنت سايق بشكل دفاعى ولم يعدم الأمر سائق اما انه غشيم او مستضعفنى لكى يترك بصماته القذرة على سيارتى، لكن الجانب المشرق ان صدمات القيادة الدفاعية عدة ما تكون كلام فاضى، يعنى فعصة رفرف، عصرة اكصدام، كدة يعنى ، بعكس حوادث الاسلوب المتحفز التى ربما تكون نسبتها اقل بكثر لكن خسائرها موجعة

3- القيادة المتوازنة: وفلسفة هذا الاسلوب تعتمد على الالتزام التام بقواعد المرور، مع وجود لمحة من الذوق: خلينا نتكلم عن ما هو الالتزام وما هو الذوق
من امثلة الالتزام:
1- لو انت على طريق وناوى تخرج من الطريق التزم بحارة الخروج من قبلها بعدة مئات من الأمتار تتناسب مع سرعتك، يعن مثلا لو انت ماشى بسرعة 100 يبقى تمسك حارة الخروج قبلها ب 200 -300 متر مثلا، متجشي قبل المخرج وتروح معرض مرة واحدة وجايب الطريق من شماله ليمينه علشان تخرج،
2- لو انت داخل من طريق جانبى لطريق رئيسى ادخل فى الحارة اليمين وبعدين انتقل الى نهر الطريق على مراحل، حارة واحدة فى كل مرة، متاخدش الطريق قص وتخرج ترمى بلاك على الناس اللى واخدة سرعتها فى الطريق
3-دائما اولوية التخطى لصاحب الحارة، يعنى لو انت فى الحارة الوسطى مثلا وعايز تدخل الحارة الشمال وفيه عربية جاية فى الحارة الشمال من ورا بسرعة، مش معنى انك قدام ان من حقك تكسر عليه، هو صاحب الحارة يبقى هو صاحب الأولوية
4- دايما الدوران لليسار على واسع والدوران لليمين على ضيق، والأولوية فى التقاطعات والصوانى للى جاى من على شمالك

عفواً مش فاهمه ليه الدوران لليسار على واسع والدوران لليمين على ضيق

امثلة للذوق:
1-انت ماشى فى الحارة اليمين فى طريق سريع مزدحم وواحد خارج من شارع جانبى، صحيح ان الأولوية لك لكن هو لو محدش اداله فرصة فى وقت الزحام مش هيعرف يخرج، فكر تهد وتشاورله يخرج وصدقنى ساعة لما هيرفع يده لك بالشكر انت هتحس بسعادة غامرة
2- فى ساعة الذروة والمرور بيتحرك واحدة واحدة وعربية واقفة عمودى على الرصيف بضهرها عايزة تخرج من الانتظار الى نهر الطريق، تذكر انك لو مكانه مش هتعرف تخرج غير لو حد وقف لك، قف له وغالبا هيدعيلك
3-الطريق يضيق امامك بسبب وجود اعمال او عربية عطلانة تاخد نصف الطريق وتترك حارة واحدة، لو انت فى الحارة السالكة اوصل قبل نهاية الحارة المسدودة ودخل عربية واحدة من الحارة المسدودة بينك وبين اللى قدامك ، لما كل واحد هيعمل كدة هنلاقى ان السيارات بتتلم على بعضها زى سوستة الهدوم، واحد من هنا وواحد من هنا، والطريق بيمشى، اما لو كنت انت فى الحارة المسدودة فمش اول ما توصل لنهايتها تكبس على السيارة الللى جاية فى الحارة السليمة، فوت عربية وادخل بعديها، ولا تنس ان تحييى السائق الذى انتظر لك، وبعد ما تعدى العائق ارجع لحارتك علشان تفسح الطريق
5- حادث فى الطريق: صدقنى يا صديقى انك لو وقفت تتفرج لمدة عشرة ثوانى فقط فده هيسبب تعطل كل الناس عن الوصول لأعمالها، لأن انت لو ضيعت 10 ثوانى معناها ان كل 6 سيارات هتضيع دقيقة على اللى وراها، ومعناها ان كل 120 سيارة هتضيع 20 دقيقة على مستعملى الطريق، تذكر انت بتبقى فى عرض نصف دقيقة ازاى وانت رايح شغلك الصبح وادى فرصة للناس تعدى، وفكر فى الصورة الكاريكاتيرية بتاعة الطريق الدائرى لما انت بتقف فيه بالساعة ولما توصل لموضع الاختناق تفاجأ انه بسبب حادثة حاصلة فى الاتجاه الآخر من الطريق والناس معطلة الطريق علشان تتفرج، حاول ألا تكون جزء من هذة الصورة المخزية علشان لما تتكلم عن"شعب متخلف" تبقى بتقولها بقلب جامد وانت حاسس انك مش جزء من هذا التخلف
4-كل ما كانت هناك فرصة انك تهدى علشان حد ماشى على رجليه يعدى الشارع اعملها، وصدقنى انت هتحس فى قرارة نفسك انك انسان عظيم، غير نظرة الامتنان اللى هتشوفها على وش الشخص اللى بيعدى الشارع خصوصا لو كان كبير فى السن او معاه اطفال ، جرب هذا الاحساس مرة وصدقنى هتدمنه

من وجهة نظرى ان الواحد مفروض ان يجيد القيادة المتوازنة بالأساس، مع اجادة نوع اخر من انواع القيادة ، سواء المتحفزة او الدفاعية، ويكون الانتقال بينهما ديناميكا بحسب حالة الطريق وحالة السائق واحلة السيارة،

تحليل وشرح رائع من حضرتك لأنظمة السواقه بشكرك عليه جدا
بس المشكله ان معظم الناس بتسوق بالطريقه المتحفزه سواء في زحام او طرق سريعه يعني مش بس على الدائري والطرق المفتوحه وهم اكتر ناس بتسبب ارتباك للمبتدئين في السواقه امثالي عكس متبعوا القياده المتوازنه وبيتهيألي انهم معدودين على الأصابع
شكرا مره اخري لحضرتك واتمنى احتراف طريقتين من القياده ارجو الا تكون احداهم القياده المتحفزه في النهايه

[sara2001]

اللهم صل على محمد وعلى آله وصحبه أجمعين

الاخ الفاضل الاستاذ/ عصام

انا رأى الشخصى كالتالى :

1- عدم النزول فى الازدحام إلا بعد التمكن من اساسيات القيادة ... يعنى تستمر فى التدريب وبدون استعجال فى اماكن خالية وفى اوقات يكون السيارات فيها قليلة جدا
بالطريقة دى هاتاخد ثقة ممتازة

2- التدريب ثم التدريب
التدريب على الأساسيات ... نقل الغيارات .. اليوتيرن .. التقاطعات ... المطبات الصناعية ... الصعود على الكبارى .. الهبوط من على الكبارى ... التوقف على شوارع مرتفعة ثم السير مرة ثانية ... ركن السيارة ... استخدام المرايات ... الخ

لحد ما انك هاتنزل لوحدك آجلا وعاجلا
لكن النصيحة عدم الاستعجال والتدريب

مع اطيب التمنيات
اخوكم حسين غزالة

انا مع حضرتك جدا في الموضوع ده بس ده صعب يتحقق مع مدارس السواقه يعني لازم حد يكون متفرغ لك من البيت علشان يوصلك بالعربيه لمكان فاضي تتدرب فيه وده طبعاً لغاية ما تقدر تنزل لوحدك بالعربيه

انا غيرت المدرب بتاعي زي ما قلت قبل كده واول يوم كان صعب جدا واكتئاب لأني رجعت اتدرب على العربيه المانيوال بتاعة المدرسه ودوست فرامل بدل دبرياج وبطلت مني مرتين والدنيا كانت زحمه........
بس الحمدلله تاني يوم كان على عربيتي ومشيت في الزحمه المرعبه برده بس خرجت بملحوظتين من السواق الجديد
الملحوظه الاولى وارجوكم محدش يضحك انه قاللي انت (قافشه) على الدركسيون وبتلفيه بسرعه وبحده وعلشان كده العربيه بتحدف يمين او شمال بسرعه
حاولي تاخدي الموضوع بهدوء وتمسكيه بيد واحده واليد التانيه على الفتيس طبعا انا الكلام ده معجبنيش وقلتله انه في الأول صعب لأني بخاف معرفش اتحكم في الدريكسيون كويس
بس بدأت الف الدريكسيون لفه بسيطه وبهدوء يمين او شمال علشان اضبط مسار العربيه في الحاره اللي انا ماشيه فيها والحال افضل لكن مازلت مش شايفه حدود العربيه اليمين
الملحوظه التانيه
بخصوص البنزين والفرامل هو لاحظ ان انا بحرك القدم بالكامل على البنزين او على الفرامل وقاللي ان المفروض اثبت القدم او بمعنى اصح الكعب في مكان بين الدواستين واحرك بس مشط الرجل بين الدواستين وبكده ادوس خفيف بنزين وخفيف فرامل وما تطلعش فجأه زي ما كان بيحصل
مش عارفه انا حسيت ان الطريقه دي افضل وخلتني اتحكم في العربيه اكتر في الزحمه
في النهايه انا عندي شعور افضل وان فيه امل اني اتعلم هو صحيح بعد شهووووور كتير بس حالتي احسن والحمدلله
انا اسفه اذا كنت طولت عليكم بس حبيت اشاركم في الجديد وفي انتظار آرائكم وشكرا جزيلا لكم

[lobna_yaseen]

ياأستاذ سبعاوى إحنا كلنا كنا منتظرين مشاركتك لينا أو إبداء رأيك وخاصة أستاذ حسين صاحب الموضوع اللى انا شايفه إنه ياريت موضوعه يتثبت لأنه بجد موضوع تعليم قيادة السياره من الألف للياء
وأنا عن نفسى نفسى أوصل لأسلوب القياده المتحفزه أعرفها وأعرف أتعامل بيها وبعدين أختار بين الثلاث أساليب واللى ينفع الطريق اللى أنا ماشيه فيه بس أنا حاليا متبعه أسلوب الدفاعيه بس هل كل أسلوب له ناسه بمعنى جرأة الشخص أو خوفه هى اللى بتحدد أسلوبه فى الطريق ولا ده من الخبره فى القياده أقدر أعمل أى أسلوب ؟
يعنى من الأول بيبان على الشخص ده إنه أسلوبه هيكون إيه (حسب جرأته فى التعلم وسرعة تعلمه )ولا هى خبره وتمرس مع مرور الوقت ؟
وبجد أنا سعيده جدا إن جضرتك دخلت وشاركتنا الموضوع

[lobna_yaseen]

انا مع حضرتك جدا في الموضوع ده بس ده صعب يتحقق مع مدارس السواقه يعني لازم حد يكون متفرغ لك من البيت علشان يوصلك بالعربيه لمكان فاضي تتدرب فيه وده طبعاً لغاية ما تقدر تنزل لوحدك بالعربيه

انا غيرت المدرب بتاعي زي ما قلت قبل كده واول يوم كان صعب جدا واكتئاب لأني رجعت اتدرب على العربيه المانيوال بتاعة المدرسه ودوست فرامل بدل دبرياج وبطلت مني مرتين والدنيا كانت زحمه........
بس الحمدلله تاني يوم كان على عربيتي ومشيت في الزحمه المرعبه برده بس خرجت بملحوظتين من السواق الجديد
الملحوظه الاولى وارجوكم محدش يضحك انه قاللي انت (قافشه) على الدركسيون وبتلفيه بسرعه وبحده وعلشان كده العربيه بتحدف يمين او شمال بسرعه
حاولي تاخدي الموضوع بهدوء وتمسكيه بيد واحده واليد التانيه على الفتيس طبعا انا الكلام ده معجبنيش وقلتله انه في الأول صعب لأني بخاف معرفش اتحكم في الدريكسيون كويس
بس بدأت الف الدريكسيون لفه بسيطه وبهدوء يمين او شمال علشان اضبط مسار العربيه في الحاره اللي انا ماشيه فيها والحال افضل لكن مازلت مش شايفه حدود العربيه اليمين
الملحوظه التانيه
بخصوص البنزين والفرامل هو لاحظ ان انا بحرك القدم بالكامل على البنزين او على الفرامل وقاللي ان المفروض اثبت القدم او بمعنى اصح الكعب في مكان بين الدواستين واحرك بس مشط الرجل بين الدواستين وبكده ادوس خفيف بنزين وخفيف فرامل وما تطلعش فجأه زي ما كان بيحصل
مش عارفه انا حسيت ان الطريقه دي افضل وخلتني اتحكم في العربيه اكتر في الزحمه
في النهايه انا عندي شعور افضل وان فيه امل اني اتعلم هو صحيح بعد شهووووور كتير بس حالتي احسن والحمدلله
انا اسفه اذا كنت طولت عليكم بس حبيت اشاركم في الجديد وفي انتظار آرائكم وشكرا جزيلا لكم

أنا كنت عايزه أشكرك برضه على إنك بتيجى وتحكى لنا على اللى بيحصل معاكى وبجد هتاخدى ثواب فينا جدا وعلى فكره أنا برضه عاجبانى فكرة إن كعب الرجل اليمين يكون بين الدواستين وبمشط الرجل هقدر أتحكم أكتر فى البنزين والفرامل وأول مره أعرفها وهجربها إن شاء الله بس حاسه إنها هتضبط رجلى أكتر على البنزين وتخليها حساسه أكتر زى ما المدرس قالك شكله كده مدرس شاطر أحسن من اللى قبله مش كده؟ ربنا يوفقك وتسوقى بسرعه قصدى تتعلمى بسرعه ههههههه

[sab3aawy]

عفواً مش فاهمه ليه الدوران لليسار على واسع والدوران لليمين على ضيق

حاولت فى الصورتين دول انى اشرح ليه الدوران لليسار على واسع ولليمين على ضيق، اتمنى الصور تكون وافيه

[أبو صلاح]

الله ينور عليك يا سبعاوي يا كبير

[sara2001]

أنا كنت عايزه أشكرك برضه على إنك بتيجى وتحكى لنا على اللى بيحصل معاكى وبجد هتاخدى ثواب فينا جدا وعلى فكره أنا برضه عاجبانى فكرة إن كعب الرجل اليمين يكون بين الدواستين وبمشط الرجل هقدر أتحكم أكتر فى البنزين والفرامل وأول مره أعرفها وهجربها إن شاء الله بس حاسه إنها هتضبط رجلى أكتر على البنزين وتخليها حساسه أكتر زى ما المدرس قالك شكله كده مدرس شاطر أحسن من اللى قبله مش كده؟ ربنا يوفقك وتسوقى بسرعه قصدى تتعلمى بسرعه ههههههه

العفو على ايه
انا اللي استفدت جدا من الموضوع ده وبستفيد جدا من خبرات وتجارب كل اللي مشاركين في الموضوع
كفايه ان انا عرفت موضوع العربيه اللي بتلف لو شدينا فرامل اليد فجأه وهي ماشيه زي ماحصل معايا مرتين وربنا ستر
وبخصوص طريقة الكعب بين الدواستين في الأول كنت حسه انه صعب علشان دواسة الفرامل عاليه عن البنزين بس اداني تحكم اكبر في الدواستين
جربي وقوليلي وياريت نسمع آراء تانيه في الموضوع
السواق فعلاً اشطر من اللي قبله وده بيخليني اسوق وانا خوفي أقل من وانا سايقه مع حد خايفه ما يعرفش يتصرف
ومتشكره جدا على دعوتك ويارب تتمكني من سواقة المانيوال بسرعه

[sara2001]

حاولت فى الصورتين دول انى اشرح ليه الدوران لليسار على واسع ولليمين على ضيق، اتمنى الصور تكون وافيه

مش عارفه والله اشكرك ازاي الصور واضحه جدا والشرح وافي
جزاك الله كل خير

[husseinoo]

اللهم صل على محمد وعلى آله وصحبه أجمعين

اولا: احب اقول شكرا يا كبير
احب اشكر استاذ سبعاوى ... لان الراجل يا جماعة لب النداء على طول بدون تردد
وبمجرد ما كلمته على الخاص ... اعتقد فى نفس اليوم كان مشرفنا بإضافته الرائعة لأنوع القيادة
وانا عن نفسى بشكره جدا جدا جدا
ويا ريت ما يحرمناش من مشاركاته القيمة
وما يحرمناش من عطاءه وخبراته بالنسبة للاخوة المبتدأين فى القيادة

شكرا مرة ثانية يا كبير
ربنا يبارك فى حضرتك وفى اسرتك
وشاكرين افضالك مرة تانية
وفى انتظار المزيد


النهارده يا جماعة انا خرجت بالعربية
وقررت انى امشى بها مشوار كبير ومهم كنت رايح مدينة العبور
المهم وانا راجع حصل حاجات موش ظريفة :

اولا: كان فيه كوبرى يتم انشاءه على الطريق
الكوبرى ده زحم الدنيا لدرجة انى دخلت فى طريق تانى ولكى اعود مرة تانية للطريق الاصلى هههههههههههه تقدروا تقولوا خرج ولم يعد

ثانيا: وانا ماشى فى مطلع جامد قوى كان فيه " ناس كثيير" امامى
وفى نفس اللحظة سمعت صوت جامد من وراء
افتكرت نفسى حكيت فى حاجة
فى اللحظة اللى انظر فيها من الخلف
كانت العربية ابتدأت تنزل المطلع
وكان المفروض تكون رجلى على الفرامل فقط
ولا انظر الى الخلف مهما كانت الظروف عشان فيه ناس ماشية امامى ببطء شديد
المهم ربنا ستر "لمست الراجل وهو ماشى"
وماحصلش اى حاجة والحمد لله
واعتذرت له بشد جدا جدا
العزاء الوحيد انى كنت ماشى ببطء شديد جدا جدا جدا جدا
واتعلمت طبعا ... ان المشى وفيه ناس ماشية امامك ... انسى موضوع العربية تماما
وكل تركيزك انك تمشى ببطء شديد جدا وتستعمل الكلاكس
ما فيش فايدة لازم تستعمل الكلاكس عشان الناس عندنا معلهش هههههههههههههه
"واكله فول" كثيير قوى ... أنا بهزر طبعا ... واعتذر لحضراتكم
يعنى ممكن تلاقى ناس ماشية فى نص الشارع عادى خالص
وممكن تجد "امهات" ماشيين واطفالهم ناحية العربيات
يعنى بدل ما تمسك الطفل بحيث يكون الشخص الكبير هو اللى ناحية العربية
لأ دى بتمشى فى الشارع عادى خالص والولد ناحية الشارع اللى فيه العربيات
ومافيش اى مشاكل عندهم ولا تقدير
وربنا اللى بيستر والحمد لله


الموضوع الثانى
انظروا الى الصورة التالية


انا هنا ماشى بالعربية الزرقاء فى طريق سريع "الدائرى"
وماشى حوالى 80 كيلوا
يعنى موش ماشى بطىء خالص
والعربيات الثانية ماشية طيارة .. يعنى اكثر من 100 كيلوا هههههههههه صواريخ
والسيارة الحمراء خارجة من شارع جانبى بسرعة هى كمان


انظر الى الصورة التالية

فى الموقف ده خطأ انى استمر فى المشى بجوار السيارة الحمراء
او فى نفس مستوى السرعة
يعنى انا احاول انى امر منه لانى الاسرع
هو يصمم انه يشد ويجرى بجوارى
انا اسرع ... وهو مصمم انه يمشى اسرع
طبعا موش معقول هافضل امشى بجواره مده طويلة والله اعلم
وكمان انا موش عايز اتخطى سرعة الـ 100 كيلوا
على طول قررت انى اهدى نفسى شوية ورفعت رجلى من على البنزين
وصاحبنا اصبح هو الاسرع ونشوف هو عمل ايه بعد كده

انظرو الى الصورة التالية

هنا فى الصورة التالية
صاحب السيارة الحمراء ماشى معلهش زى الآلة
وبالبلدى كده "لازق" للسيارة اللى امامه
وماشى بسرعة ومتوقع ان العربية اللى امامه هاتمشى بسرعة
فى نفس الوقت انا تركت مسافة كافية بينى وبينه
السيارة اللى امام السيارة الحمراء
مرة واحدة قرر انه ينقل نفسه الى الحارة الاولى على اليمين
ومره واحدة راح مهدى سرعته بشكل جامد
والسيارة الحمراء ماشية وراه ولازقه فيه
فى ثانية واحد وجدت ان الطريق اتقفل امامى بسبب صاحب السيارة الحمراء والسيارة اللى امامه

انا من رأى
انت عايز تجرى اكثر من كده
خلاص روح للحارة رقم 3 او 4
واجرى اكثر من 100 كيلوا لو عايز "مع ان طبعا المشى كده خطر قوى"

مرة واحدة هديت سرعتى
وغصب عنى "ضربت كلاكس جامد" للاثنين
خصوصا للسيارة اللى هدأت سرعتها بدون داعى مرة واحدة وفى منتصف الطريق
عايز تمشى بهدوء جامد وفى طريق سريع
يبقى تمشى يمين قوى
وتشغل الإنتظار متهيألى على الاقل
عشان اللى وراك يعرف انك عندك اى ظروف للتوقف المفاجأ

والاهم من كده يا جماعة
موضوع السرحان
يعنى موش عشان بقالك مده طويلة بتسوق "اكثر من ساعة" مثلا
وكمان على طريق سريع
والطريق سالك والحمد لله
انك تتطمئن
وتمشى على اساس ان كل شىء تمام التمام

الخلاصة: المشى على الطرق السريعة خطر جدا
وفى ثانية واحدة من السرحان تفاجأ بالعربيات متوقفة امامك
ولو مافيش مسافة كافية بينك وبين اللى امامك
وكمان تركيز عالى منك
وكمان تركيز على السيارات اللى امام السيارة اللى ماشية امامك
يعنى تكون كاشف العربيات الموجود على الطريق "عينك تكون موش على العربية اللى امامك فقط"
لازم تكون شايف للامام بشكل كافى ومتوقع اى توقف
عشان تلحق تهدى او تقف لكن موش بشكل مفاجىء

المهم ربنا ستر والحمد لله

يا ريت اسمع تعليقات بجد
ورأيكم فى التصرف اللى انا عملته

وفى انتظار التواصل
مع اطيب التمنيات
اخوكم حسين غزالة

[husseinoo]

بسم الله الرحمن الرحيم

احب اضيف الى كلام اخونا الكبير واستاذنا "سبعاوى" بعد إذنه طبعا وارجوا التصحيح لو فيه اى خطأ

اساسيات القيادة الدفاعية

1- كن منتبها

ما شفتش العربية نهائى
هو ده العذر الأكثر شيوعا بعد حدوث اى تصادم لا قدر الله
هى العربية كانت ظاهرة ؟

تقريبا معظم التصادمات يكون السبب هو عدم الاهتمام من احد السائقين او من السائقين الاثنين مع بعض

اسباب المشاكل والتصادمات كثيرة:
1- السرحان واحلام اليقظة
2- الانحراف بالسيارة من الحارة المخصصة لها .. يعنى بالبلدى كده تحدف بالعربية يمين او شمال بدون داعى
3- النعاس ... تكون سهران وموش نايم كويس وفى نفس الوقت مصمم انك تسافر او تمشى بالعربية وانت فى حالة موش تمام
4- الارهاق ... انك تكون شغال جامد قوى وشغل متواصل وتركب عربيتك وانت اصلا جسمك مكسر طبعا حاجة موش معقولة
5- التوهان فى الطريق السريع ... والسرحان
6- الكلام الكثيير ... تفضل تكلم وتفتح مواضيع مع اللى جنبك ... وتنسى نفسك انك اصلا السائق موش راكب عادى وعمال تحكى حكايات هههههههه موش عايزه تخلص ... وطبعا ممكن اللى بيعلمك عمال يكلم عمال على بطال وتوجيهات لا تنتهى ههههههه لدرجة المبتدأ تركيزه يقل جدا ... هايسمع المعلم ولا هايركز على الطريق ولا هايكلم ويرد على المدرب عشان عيب انه مايردش عليه هههههههه


التحرك بالسيارة يحتاج مهارة كبيرة
وأنت كسائق مطلوب منك عدم استخدام هذه الآله فى اصابة او قتل الآخرين لا قدر الله ربنا يحفظ الجميع
او تكون سبب فى تلف سيارات الآخرين

لازم تكون مهتم ومصحصح جدا عشان تتجنب اخطار الطريق

هذه هي العناصر الأساسية الثلاثة للقيادة الدفاعية

• السير بالسيارة بطريقة آمنة
• اليقظة الكاملة
• الاهتمام بالمهارات الاساسية فى القيادة ... "لانك لو كنت متمكن بمهارات القيادة بشكل جيد" ..تستطيع توفير الوقت اللازم لتجنب المخاطر وتوقعها وتجنب الاصطدام باى سيارة اخرى ... يعنى موش معقول تكون موش عارف تنقل الغيارات ومركز فى الفتيس هههههههه وناسى الطريق والعربيات اللى حواليك .. او موش عارف ابعاد عربيتك وعايز تدخل اى يوتيرن طبعا هاتخبط فى اللى حواليك

الملاحظة الغريبة قوى
ان معظم المشاكل والتصادمات تحدث بجوار المنزل هههههههههههههه
ليه الكلام ده صح وموش غلط ؟
لانك وانت نازل من البيت بتكون فى حالة استرخاء وراحة هههههههههههه
يعنى انت نازل مريح والسائق التانى هو كمان نازل من بيته مسترخى ومطمئن

والأفضل من كده انك تكون نازل من بيتك مصحصح ومركز جامد

والشىء الذى يجب ان نعرفه هو ... ان معظم او نسبة كبيرة من المشاكل والتصادمات تحدث اثناء المشى بسرعة منخفضة وبطيئة

موش سهل ابدا انك تفضل على طول الخط يقظ ومركز بشكل جامد
اول ما تنزل بالعربية حاول تركز الاول على مهارات القيادة الاساسية لا تحاول التفكير فى اى شىء آخر
1- تنقل الغيارات
2- تدخل على التقاطعات
3- تدخل على اليوتيرن
4- تمشى فى الزحام
5- تطلع الكبارى
6- تنزل من على الكبارى
7- تتعلم الاحتفاظ بالسيارة على خط مستقيم
8- تمشى على مطبات صناعية ... يعنى اليوم على سبيل المثال ... تجد السيارة التى امامك تعبر المطب الصناعى وتتوقف بعد المطب مرة واحدة عشان الزحام .. طيب مطلوب منك تعمل ايه تطلع المطب وتنزل من عليه تخبط السيارة التى امامك ولا الأفضل تنتظر سير السيارات ثم تطلع المطب وتنزل من عليه بحيث انك لا تجد سيارة متوقف بعد المطب مباشرة ... الموضوع ظاهره سهل ولكن فى المناطق الزحمة شغلانة كبيرة ... يعنى ممكن تلاقى فى الاماكن الشعبية مطبات الاهالى هما اللى عاملينها ... وممكن تلاقى امام كل مستشفى او مدرسة مطب صناعى ... هههههههه وممكن تلاقى مطبات طبيعية هههههههههه تضاريس طبيعية فى الشوارع عندنا وبلاعات وحفر وشغلانة وزحمة كبيرة ...


هل السرحان له علاج ؟
التركيز العالى ممكن يكون عادة لكن انت تحتاج الى التدريب على التركيز الجامد
عدم الأكل اثناء القيادة او عمل اى شىء يبعدك عن تركيزك
تحاول تفهم الذى تراه عينيك وتحلل كل المواقف التى تظهر امامك ... يعنى تكون مصحصح ومركز ومتوقع كل حاجة قبل ما تحصل

مع اطيب التمنيات
اخوكم حسين غزالة