-
A.Saad -
مفيش زعل ولا حاجه انا فعلا بأكسر في الناحيه العكسيه من اي عربيه تقرب مني او تيجي على شمالي ده تلقائي من الخوفالمشاركة الأصلية كتبت بواسطة A.Saad مشاهدة المشاركة
المشكله في اللي بيكبس عليا وهو جاي من ورايا بيربكني لما بيقرب جدا خصوصا لو اتوبيس او ميني باص زي ما حصل النهارده وساعات بأقف خالص لغاية ما يعدي بس ده بينفع دلوقتي علشان الطريق فاضي
السواق الكفتجي زي ما حضرتك بتقول كده كان بيقولي لما اللي جنبك يكسر عليكي شويه اكسري انت كمان على اللي جنبك من الناحيه التانيه
ما تقلقوش انا غيرت السواق وهبدأ مع واحد جديد من بكره بس خاااااايفه جدا من الزحمه
وعن تجربتي النهارده
انا نزلت شويه بالعربيه ولفيت بيها شوارع مستقيمه وفيها ملفات في مكان فاضي شويه بس حصلي 3 مواقف معرفتش اتصرف فيهم كويس
الموقف الأول موضوع الميني باص اللي كان كابس ورايا ووقفت تماما من التوتر لغاية مايعدي وبعدين مشيت وراه
التاني عربيه قطعت الطريق من ملف وداخل اتجاه معاكس في وشي ووقفت في اخر لحظه وده كان خطأه بس انا اتاخرت في لف العربيه يمين مع الوقوف
الموقف التالت كنت بلف العربيه بالكامل علشان ارجع والطريق كان فاضي وبعدين جت عربيه وانتظرت علشان الف لكن جه واحد مستعجل ودخل بجانبه وضيق المسافه اللي بلف فيها وطبعا ارتبكت
الموتوسيكلات بأه مش طايقاها بجد بتطلع من اي حته في اي اتجاه وبسرعه بدون اي مقدمات
وبخصوص ابعاد العربيه الصعوبه بالنسبه لي في الناحيه اليمين من العربيه مش بحس انا قريبه قوي من الرصيف ولا بعيده عنه كفايه[CENTER][SIZE=5][COLOR=Navy][SIZE=4][SIZE=5]* لا اله الا انت سبحانك اني كنت من الظالمين *[/SIZE] [/SIZE]
[/COLOR][/SIZE][CENTER]
[/CENTER]
[/CENTER]Comment
-
المشاركة الأصلية كتبت بواسطة husseinoo مشاهدة المشاركة
انا مش فاهمه ازاي فيه مترو بيقطع الميدانالمشاركة الأصلية كتبت بواسطة husseinoo مشاهدة المشاركةاللهم صل على محمد وعلى آله وصحبه أجمعين
اعتقد يا جماعة إن موضوع اليوتيرن اتكلمنا فيه كثيير
ولو فيه اى اضافة من اى صديق فى المنتدى ياريت نعرفها
ولو فيه اى تصحيح لأى مشاركة يا ريت نعرفها
الآن مع موضوع جديد وبايخ بواخة
هههههههههههههههههههه
آعوذ بالله
الموضوع هو الدخول على الميادين
موش هاكلم كثيير
النهارده نزلت فى الصباح الباكر انا وام الأولاد
واثناء المشوار حصل اكثر من موضوع
انظروا إلى الصورة التالية
فى الصورة السيارة الزرقاء "ههههههه اللى انا راكبها"
داخل على الميدان
صاحب السيارة الحمراء صمم انه يدخل قبلى
قلت مافيش مشاكل "برغم انه فاجئنى"
المفاجأة
ركزوا معايا قوى
فى الوقت اللى صاحبنا بيعدى امامى
وانا متوقع انه هايعدى
صاحبنا وقف مرة واحدة بسبب انه شاف المترو امامه
وفى الوقت اللى انا بتابع السيارات القادمة من اليمين
فوجئت بالعربية الحمراء توقفت وظهر العربية امامى
كويس كده
طبعا انا كنت داخل على الملف ورجلى على الفرامل والدبرياج زى ما اتعلمنا
وماشى بهدوء
هديت العربية اكثر ببساطة
وابتدأت اعدى من خلف العربية الحمراء
المفاجأة الثانية والغبية
فى الوقت اللى انا بعدى من العربية الحمراء
صاحب العربية الصفراء سائق تاكسي موش عاجبه وعايش فى دور الفهلوه الله يسامحه
طبعا العربية الحمراء معطلانى
راح صاحبنا معدى من جنبى
قلت هو ماشى على طول مافيش مشاكل
انظروا إلى الصورة التالية
صاحب السيارة الصفراء "الله يسامحه"
موش ماشى على طول عشان يعمل كل المناورات دى
وتوقف هو ايضا بسبب المترو
وظهر عربيته اصبح امامى
رفعت ايدى ليه ... قلت له ينفع كده
راح رافع ايده من الشباك واعتذر لانه حس انه اخطأ
انا اعتقد وده رأى
ان احنا الثلاثة اخطأنا
السيارة الزرقاء "وانا صاحبها" ههههههههههههههههه
والعربية الصفراء والزرقاء "كانت تاكسيات"
ودول نضيفهم للسواقين المتهورين زى الميكروباص بالضبط يعنى لازم تاخد بالك منهم
ده كان موقف سخيف قوى
فى انتظار رأى الاصدقاء
فى الدخول على الميادين عامه
وفى الحل المناسب للمشكلة السابقة كان المفروض اعمل ايه بالضبط خصوصا انى كنت ماشى على طول موش هالف مع الميدان
مع اطيب التمنيات
اخوكم حسين غزالة
بس موضوع الميادين ده صعب فعلا انا جربته مره واحده في الشيخ زايد في ميادين كتيير جدا بس لقيت انه اسهل وانا بلف بجانب الرصيف على الشمال علشان يبقى اهتمامي باللي جاي من اليمين وبس[CENTER][SIZE=5][COLOR=Navy][SIZE=4][SIZE=5]* لا اله الا انت سبحانك اني كنت من الظالمين *[/SIZE] [/SIZE]
[/COLOR][/SIZE][CENTER]
[/CENTER]
[/CENTER]Comment
-
بسم الله الرحمن الرحيم
نتابع مع بعض المواقف الصعبة اللى بتقابل المبتدأين
الموقف ده حصل معايا اليوم
اثناء العبور فى تقاطع التجنيد قبل ميدان ابن الحكم
المهم انظروا إلى الصورة
الجمعة اللى فاتت دخلت على التقاطع ده بسرعة شوية
وقلت لنفسى ايه اللى انا بعمله ده
المرة دى دخلت بهدوء
ورجلى على الفرامل اتحكم فى سرعة السيارة
والرجل الثانية ضاغطة على الدبرياج
وحاولت الالتزام بالجانب الايمن
عشان فيه عربيات تتجه الى اليسار
ورغم ذلك
تجد ان فيه السيارات الخضراء متجهه الى الامام وملتزمة بالحارة التى على اليسار
يعنى ماشين فى الحارة اللى ممكن فى اى وقت تلاقى عربية داخلة شمال
ولو انت ماشى وراها وسرحان هاتخبط فيها
ولو موش سرحان هاتقف وتعطل اللى ماشى وراك
المهم
فى التقاطع يوجد "كشك شرطة عسكرية"
يحجب الرؤية
انك لا تستطيع مشاهدة القادم من اليمين
عشان كده دخلت براحة قوى زى ما قلتلكم
وفعلا سبحان الله
طلع لى عربية ريجاتا باللون الاحمر
داخل على الطريق الرئيسى بسرعة شوية
ولولا انى داخل رجلى على الفرامل .. ومتوقع انه يظهر لى اى حد بالشكل ده
على طول ضغط على الفرامل بالكامل فى منتهى الهدوء
وعشان الطريق الرئيسى بتاعى انا ... العربية الريجاتا الحمراء وقفت تماما
وعشان انا اصلا داخل التقاطع ورجلى ضاغطة على الدبرياج
نقلت الغيار على طول على الغيار الاول واستمريت فى السير بكل هدوء
طبعا ارجوا التصحيح فى التصرف اللى انا عملته من الاصدقاء لو كان هناك اى خطأ
نشوف الموقف الثانى
انظروا إلى الصورة دى
فى الموقف ده انا امامى سيارة ميكروباص واقفة فى نص الشارع بتحمل ركاب
وفى نفس الوقت جاى ورايا ميكروباص "منافس" وماشى بسرعة وعارف انه موش هايصبر على
ولو حاولت انى اعدى من الميكروباص اللى امامى احتمال انه يمشى ويخبطنى
انظروا إلى الصورة التالية
ببساطة فضلت انى اهدى من سرعتى
وانقل نفسى الى الحارة اليمين وراء الميكروباص الاول
وفعلا على ما حصلته ... صاحبنا جرى زى المجنون
والميكروباص التانى جرى واره زى المجنون
معرفش انا كده اتصرفت صح ولا لأ
انا شخصيا احب امشى بهدوء
وكان ممكان ادخل على الاولانى واضرب كلاكسات واعمل حركات
لكن فى الأول والآخر هاعرض عربيتى للخطر
عايز راى الاصدقاء فى الموضوع ده
نشوف الموقف التالى
فى الموقف ده انا ماشى فى طريق سريع
وظهر امامى اوتوبيس سياحى كبيرقوى
ببساطة قررت انى اهدى سرعتى لانى متوقع ان حجم الاوتوبيس هايكون كبير قوى
شوفوا الصورة التالية
حصل اللى انا توقعته ... ان الاوتوبيس حجمه كبير جدا وطويل جدا
وعندما بدأ فى الدوران قفل الحارتين
على طول قلت لنفسى لو انا انتقلت الى الحارة التانية ... خطر على عشان فيها عربيات ماشية بسرعة
مافيش داعى اركب دماغى واكسل وكبريائى يمنعنى انى اهدى من سرعتى
وانتظر دخول الاوتوبيس الاول
وعلى ما احصله ابدأ فى السير بسرعة تانى
هاتأخر نص دقيقة موش مشكلة
المهم انى لا اسبب مشاكل لى وللأخرين
عايز اسمع راى الاصدقاء فى الموقف ده مع مراعاة انى مبتدأ فى القيادة
نشوف الموقف دى لانى اتنرفزت فيه بجد
فى الصورة السيارة الزرقاء اللى انا راكبها وكنت عايز ادخل يمين
ومن بدرى اعطيت اشارة يمين
ورغم ذلك مرت من الناحية اليمين العربيات الصفراء
ولولا انى شايفهم فى المرايا .. كان حصل مشكلة
الاول هما المفروض يعبروا من على شمالى موش من على يمينى
ورغم ذلك
هديت العربية واجلت الانتقال الى الحارة اليمين .. واعطيت لهم الفرصة عشان يمروا لأنهم ماشيين بسرعة والطريق سريع اساسا
واول ما اقتربت من الملف اليمين
يظهر لى عربية تاكسى "السيارة الحمراء"
واضرب كلاكسات واعمل حركات وحاجة قلة ادب
وموش عايز يهدى شوية
المهم فضلت ملتزم الحارة بتاعتى
ودخلت الملف على واسع
انظر الى الصورة التالية
طبعا الشارع اللى احنا داخلين عليه شارع اضيق من الرئيسى السريع
دخلت الشارع على واسع ملتزم بنفس الحارة اللى انا كنت فيها
وصاحبنا عشان هخبول شوية دخل من على يمينى بشكل وحش قوى
وانا بمجرد ما دخلت يمين رحت موسع له ناحية الشمال ومشاور له بإيدى "اتفضل اجرى يا سيدى براحتك" ورينى هاتروح فيه
وهو عشان كان سلوكه سىء راح جارى وداخل اول يمين واختفى
طبعا لو كان الشارع اللى احنا داخلين فيه واسع لن نجد اى مشكله انا فى حارة وهو فى حارة وهاندخل احنا الانثين
لكن لما يكون الشارع ضيق
وانا اعطيت اشارة من بدرى قوى
وانت شايفها وممكن تنتظر شوية عشان ابعد عن العربيات اللى فى الطريق السريع
لاحظوا انى لازم اهدى وادخل بهدوء
وموش ممكن اهدى وانا ماشى فى منتصف الطريق السريع ... ممكن يكون ورايا فى نفس الحارة سيارة ماشية بسرعة
موش عارف انا اتصرف صح ولا لأ
اعتقد ان مافيش حاجة حصلت النهارده اكثر من كده
يا ريت اسمع راى استاذ محمد فوزى والاخ الكريم الاستاذ احمد
وجميع الاصدقاء فى المنتدى
مع اطيب التمنيات
اخوكم حسين غزالة
[sor1]https://s15.postimg.org/to3r0graj/Untitled7_jpg.jpg[/sor1]
[URL="http://www.nilemotors.net/Nile/127724-a.html"]نصائح سائق جديد .. وخوفه قل شوية من موضوع السواقة[/URL]
[URL="http://tinyurl.com/jkc87mj"](حصريا ) سلسلة نصائح سائق جديد _ اول كتاب فى اساسيات القيادة الدفاعية [/URL]
[URL="http://tinyurl.com/M323E"]جروب اصدقاء وملاك مازدا 323 على الفيس بوك[/URL]Comment
-
ازيك يا باشاالمشاركة الأصلية كتبت بواسطة A.Saad مشاهدة المشاركة
انا الحمد لله تمام
انا ساكن فى شارع العشرين جنب المالكى
انا خرجت بالعربية مع المدام والاولاد يوم الخميس بالليل
واول مرة اسوق من غير اخويا ما يكون جنبى ويوجهنى
مشيت بالراحة فى المنطقة اللى حولينا قولت اجرب أمشى لوحدى
الصراحة انا كنت خايف فى الاول نزلت ورحت جبت العربية من الجراج لحد ما الاولاد ينزلوا
ووقفت تحت العمارة ونزلوا الاولاد وابتديت اتحرك بالعربية كنت ماشى بالراحة وعلى مهلى خالص
الموقف الاول
انا مشيت بالعربية وداخل على شارع فيصل الحتة دى زحمة جدا من الميكروباصات تمشى شوية وتقف وتنزل ناس وانا داخل راح ميكروباس وقف قدامى فجاة روحت دوست فرامل ن العربية بطلت شغلت العربية وبرفع رجلى من الفرامل لاقيت العربية بتريح على اللى ورايى
روحت افتكرت الموقف اللى حصل للى وانا طالع كوبرى الدقى ن شديت فرامل اليد وغيرت على الاول وسنة بنزين وسنة دبرياج وماسك فرامل اليد بايدى اليمين اول ما لاقيت العربية بتنط رحت منزل فرملة اليد سنة سنة لاقيت العربية اتحركت (كنت مبسوط أوى ) وتحس انى خذت ثقة شوية
مشيت ولفيت وغيرت الغيارات تمام التمام
الموقف التانى
الاولاد حبوا ينزلوا يشتروا حاجات من السوبر ماركت فبالتالى عاوز اركن اتوترت شوية وبعدين قلت اجرب نزلت الاولاد وحبيت اركب جنب الرصيف وكانت المشكلة عاوز ارجع علشان اركن بين عربيتين ، افتكرت وانا بركن موضوع اخ فاضل فى المنتدى (ازاى تركن ) المعلومات لسة فى الذاكرة رحت طلعت شوية للامام لحد نصف العربية اللى راكنة وبعدين رجعت لوالرا وكسرت الدركسيون شمال لقيت ضهر العربية كلة راح شمال (ضهر العربية شمال ووش العربية فى الشارع ) مأساة وقفت الشارع كله اتوترت جدا روحت ناقل على الاول وعدلت العربية وطلعت شوية مش هطول عليك لقيت واحد سايس قالى خليك معايا وقعد يقولى شمال يمين لحد ما ركنت
الموقف التالت
العربية نزلت فى حفرة بس ما شفتهاش راحت مبطلة رحت اديتها الغيار علشان اطلع من الحفرة العربية مش عايزة تمشى قولت ابص على الغيارات لقيت انا نسيت واديت العربية الغيار التالت
وعمال ادوس ببنزين والعربية صوتها على قولت امور واغير من جديد غيرت على الاول صح لقيت العربية مشيت على طول
طولت عليكم
بس حبيت انقل التجربة
يمكن اى اخ عنده تعليق او اكون عملت حاجة غلط
فى النهاية اول مارجعت البيت كنت مبسوط بأول تجربة قيادة لوحدى
أخوكم
م.عصام مهنى
[B][COLOR=Navy]أبا الزهراء قد جاوزت قدرى
بمدحتك بيد ان لى انتسابا
مدحت المالكين فزدت قدرا
وحين مدحتك اجتزت السحابا [/COLOR][/B]
[COLOR=Green][B]اللهم صلى على سيدنا محمد [/B][/COLOR]Comment
-
اللهم صل على محمد وعلى آله وصحبه أجمعين
الاخ الفاضل الاستاذ/ عصام
انا رأى الشخصى كالتالى :
1- عدم النزول فى الازدحام إلا بعد التمكن من اساسيات القيادة ... يعنى تستمر فى التدريب وبدون استعجال فى اماكن خالية وفى اوقات يكون السيارات فيها قليلة جدا
بالطريقة دى هاتاخد ثقة ممتازة
2- التدريب ثم التدريب
التدريب على الأساسيات ... نقل الغيارات .. اليوتيرن .. التقاطعات ... المطبات الصناعية ... الصعود على الكبارى .. الهبوط من على الكبارى ... التوقف على شوارع مرتفعة ثم السير مرة ثانية ... ركن السيارة ... استخدام المرايات ... الخ
3- بالنسبة لموضوع الازدحام
هو موش مشكلة قوى .... المشكلة ان العربية بتسخن
والمبتدأ رجله تقيله شوية على الدبرياج والبنزين "طبعا ده موش كويس على العربية"
4- بالنسبة لموضوع أن العربية توقفت بسبب الميكروباس
هانرجع تانى لقصة استخدام المرايه
وكمان التوقع ... انك مادام انت ماشى وراء ميكروباص اوتاكسى او اوتوبيس ... توقع انه هايقف ... وكان لازم تترك مسافة بينك وبينه كافيه
وتكون رجلك ضاغطة على الدبرياج فى الزحمة خصوصا والرجل الثانية على الفرامل تتحكم فى السرعة
لو وقفت مرة واحدة العربية عمرها ما هاتبطل منك
5- بالنسبة لموضوع الركن
اوعى تركن فى مكان ضيق
بعد التمكن من الركن اكثر من مرة فى اماكن واسعة
ممكن تجرب انك تركن فى مكان اضيق "على اد حجم العربية"
اوعى تركن فى مكان فيه زحمة
عشان ما تعطلش العربيات اللى ماشية وترتبك
هاقول لك على حاجة تضحك
مرة فكرت انى انزل ادفع فاتورة الانترنت
روحت داخل على جوجل عشان اشوف المواصلات والمكان المناسب للركن هايكون فين
صدقنى استفدت جدا
عشان احدد الطريق اللى هادخل منه والطريق اللى هارجع منه والمكان اللى هاركن فيه كله ده كان فى الصباح الباكر والموضوع تم على خير والحمد لله
لانى ممكن اروح المشوار وادخل من مكان عشان اخرج منه الف الكرة الارضية ههههههههه
6- بالنسبة لموضوع الحفرة والبلاعات والكلام ده
دى ابوخ حاجة بتحصل للمبتدأ
الواحد بيشوف حاجات عجيبة ... البلد الوحيدة اللى تلاقى بلاعات فى منتصف الشارع موش تحت الرصيف زى بلاد العالم كله
وكمان نفسى اتعلم ازاى اعدى فوق البلاعة او الحفرة من غير ما عجل العربية ينزل فى الحفرة
كان صديقى نصحنى وقال لى: ممكن تنزل فى مطب احسن لك من انك تفادى المطب وتغير حارتك وتحدف على اللى جنبك
وأن كل العربيات بتاكل مطبات مافيش مشاكل احسن ما تخبط عربية قادمة من الخلف عشان عايز تفادى المطب
على فكرة افتكرت كلام الاستاذ محمد فوزى لما قال لنا : اضغط على الفرامل خفيف قوى عشان اللى وراك يشوف نور الإشارة الاحمر ويعمل حسابه انك هاتقف فى اى وقت
الفكرة دى ممتازة قوى وبعملها على طول خصوصا:
لو مثلا داخل على "قضيب مترو" وعايز اعدى عليه بالراحة
او نازل من على كوبرى وعايز اللى ورايا يهدى شوية ويعمل حسابه
او داخل على ملف
يعنى موش لازم قبل المكان المطلوب ادوس فرامل بشكل مفاجىء حتى ولو اعطيت اشارة
طبعا ثقة حضرتك هاتزيد اكثر
لما تتدرب اكثر خصوصا على الاساسيات
ومافيش مشاكل انك تنزل دائما مع الاسرة الكريمة ربنا يبارك لك فيهم يا رب
لحد ما انك هاتنزل لوحدك آجلا وعاجلا
لكن النصيحة عدم الاستعجال والتدريب
مع اطيب التمنيات
اخوكم حسين غزالة
[sor1]https://s15.postimg.org/to3r0graj/Untitled7_jpg.jpg[/sor1]
[URL="http://www.nilemotors.net/Nile/127724-a.html"]نصائح سائق جديد .. وخوفه قل شوية من موضوع السواقة[/URL]
[URL="http://tinyurl.com/jkc87mj"](حصريا ) سلسلة نصائح سائق جديد _ اول كتاب فى اساسيات القيادة الدفاعية [/URL]
[URL="http://tinyurl.com/M323E"]جروب اصدقاء وملاك مازدا 323 على الفيس بوك[/URL]Comment
-
اخى الفاضل / حسين
السلام عليكم ورحمة الله وبركاتة
انا عن نفسى مش عاوز استعجل واتعلم بالراحة بس مشكلة ان اخويا يسيب عربيتة وينزل معايا كل يوم بقت تقيلة على شوية
وانا عاوزر اتعلم ويبقى عندى جراة اصل طول ما أنا خايف مش هتعلم حاجة ولازم اغلط علشان اتعلم ومكررش الخطا تانى
النهادرة وانا جاى الشغل بعد ما نزلت بالعربية يوم الخميس كنت سايق وماشى مية مية لحد ما حبت اطلع على كوبرى فيصل فلازم اخش على u-turn المهم الــ u-turn كان فى وش الشارع اللى انا جاى منه فلازم اخش على طول وبعدين الف شمال المهم الاشارة كانت واقفة فلمحت عربية مقلوبة بعد u-turn بصراحة اتوترت وخفت المهم الاشارة فتحت داخل على u-turn وعينى على العربية المقلوبة راحت العربية مبطلة وحصل نفس المشكلة بدل ما اديها الاول اديتها التالت والعربية مش عاوزة تتحرك كان موقف سخيف جدا المهم اديتها الاول وطلعت من u-turn وكملت لحد الشغل بس طول الطريق وانا ماشى وانا متوتر عكس يوم الخميس تماما ونزلت وركنت العربية والواحد بقى غرقان فى عرقه معرفش اية اللى حصلى مش عارف .
المهم الواحد كل يوم بيتعلم
والله انا بحاول اقرا الموضوع كله من الاول واراجع على اللى انا بعمله اكيد اكيد المعلومة هتثبت
شكرا لاهتمامك
عصام مهنى
[B][COLOR=Navy]أبا الزهراء قد جاوزت قدرى
بمدحتك بيد ان لى انتسابا
مدحت المالكين فزدت قدرا
وحين مدحتك اجتزت السحابا [/COLOR][/B]
[COLOR=Green][B]اللهم صلى على سيدنا محمد [/B][/COLOR]Comment
-
مساء الخير ياأستاذ عصامالمشاركة الأصلية كتبت بواسطة midomahany مشاهدة المشاركة
أنا حابه أقولك على حاجه لاحظتها من مشاركاتك وعلى قدى ياسيدى يعنى هحاول أشارك بالنصيحه المره دى مش على طول باطلب النصيحه
بص ياسيدى اللى أنا ملاحظاه إنك أغلب الوقت العربيه بتقف منك فجأه أنا برضه كنت كده فى الأول بس اللى غير الموضوع ده معايا إنى بقيت دايما كل ماأهدى أدوس فرامل وقبل مالعربيه تقف منى أدوس دبرياج على الآخر ولو انت على التانى ممكن تسيب الدبرياج وتزود بنزين وتكمل (وفيه ناس بتقول لازم ترجع من التانى للأول مادام العربيه وقفت خالص حسب إمكانيات العربيه) بس لو على التالت لازم بعد ماتدوس فرامل والعربيه تهدى تدوس دبرياج وتغير للتانى وانت دايس دبرياج وفرامل وبعدين تشيل رجلك من على الفرامل وتدوس بنزين وتشيل رجلك للنص من على الدبرياج لغاية مالعربيه تتحرك فتشيل رجلك خالص من على الدبرياج وبعدها ب نص دقيقه تدوس على الدبرياج وتغير لتالت تانى وبكده عمر ماالعربيه تبطل منك ولو نطت منك بعد كده ترجع تدوس دبرياج على طول (ده معناه إنك لما شلت رجلك من على الدبرياج خالص ماكنتش دايس بنزين بكميه كويسه)وتدوس بنزين زياده وتشيل رجلك من على الدبرياج نصه بس لغاية ماالعربيه تتحرك
على فكره السر فى حكاية إنك تشيل رجلك من على الدبرياج للنص بس لغاية ماتتأكد من ان العربيه هتمشى وعلى فكره دى أنا إتعلمتها من الأستاذ محمد فوزى الله يجازيه خير نفسى أعرف هو إختفى راح فين والله واحشنا جدا يارب يكون المانع خير
وحكاية الغيارالأول والتالت دى سهله الغيار الأول لازم تحاول تجيبه عليك شويه قبل ماتغير ومور الأول وبعدين إدى الغيار الأولانى اللى هيبقى على الشمال ناحيتك سنه فبكده عمرك ماتغلط وتخليه تالت يعنى وانت على التانى مور للحظه وبعدين إدى الأول وهيكون سنه شمال عليك ويارب أكون أفدتك بأى حاجه حنى لو كانت صغيرهComment
-
شكرا يا اخت لبنى على النصيحة بس الوضوع دى مبيحصلش معايا إلا لما ابقى متوتر شوية واعتقد والحمد لله ان التوتر ابتدئ يقل وابتدئ الواحد يأخذ ثقة شوية انا بتحصلى المشكلة دى لما اشوف الطريق زحمة الواحد ممكن يرتبك شوية ومسألة انى اديت العربية الغيار التالت على اساس انه الاول ( كنت ببقى واقف فى اشارة او زحمة فـ بمور العربية وارفع رجلى من الدبرياج لحد الشارع ما يمشى أو الاشارة تفتح اروح دايس دبرياج واطلع على الاول وانا بغير فى الاول بتبقى عايزة سرعة سوية علشان كم الكلاكسات اللى وراك فبتلخبط انما اعتقد مع الوقت والممارسة كل الحاجات دى ان شاء الله هتختفىالمشاركة الأصلية كتبت بواسطة lobna_yaseen مشاهدة المشاركة
وانا بحب احط التجربة كاملة فى المشاركة علشان الاخوة الافاضل اللى ممكن يصححوا اللى بعمله دى مش غلط الغلط انى استمر على الخطأ وكل لحظة الانسان بيتعلم
شكرا مرة اخرى لردك
م.عصام مهنى[B][COLOR=Navy]أبا الزهراء قد جاوزت قدرى
بمدحتك بيد ان لى انتسابا
مدحت المالكين فزدت قدرا
وحين مدحتك اجتزت السحابا [/COLOR][/B]
[COLOR=Green][B]اللهم صلى على سيدنا محمد [/B][/COLOR]Comment
-
المشاركة الأصلية كتبت بواسطة midomahany مشاهدة المشاركة
اللهم صل على محمد وعلى آله وصحبه أجمعين
بالنسبة لى يا استاذ عصام انا بعمل ايه
لو واقف فى الإشارة ... او فى اى منطقة زحمة ... انظر الى العربيات الموجودة امام السيارة التى امامى
يعنى ممكن من خلال زجاج السيارة التى امامى ... اشوف هل العربيات اتحركت ولا مازالت متوقفة
اذا رأيت من خلال زجاج السيارة التى امامى ان العربيات بدأت تتحرك
فى الحالة دى اكون مستعد ومحضر الغيار الاول
ورجلى جاهزة على الانطلاق بمجرد العربية التى امامى تتحرك
يعنى انا لا انظر الى السيارة التى امامى فقط
ولا انتظر انها تتحرك
ثم ابدأ فى التحرك
كده هاسمع كلاكسات وشغلانة كبيرة ومافيش حد بيصبر للاسف حتى ولو عارف ان اللى امامه مبتدأ فى القيادة وجديد
كمان انا اضغط على الفرامل اثناء التوقف فى الزحمة
وارفع رجلى عن الفرامل لو وجدت ان العربية واقفة كويس خلاص
ارفع رجلى واريحها شوية
ومافيش داعى انى اضغط على الفرامل
او اضغط على الديرياج
او على اى حاجة
اما لو شعرت ان السيارة بتنزلق للامام او الخلف
ممكن ارفع الهاند بريك "فرامل اليد"
لو شعرت ان التوقف هايطول شوية
اما لو كان التوقف قليل
يبقى فى الحالة دى رجلى بتكون على الفرامل عشان امنع السيارة من الاحتكاك بالسيارات التى امامى او التى خلفى
ولو كان حركة السير بطيئة جدا جدا
يبقى مافيش داعى انى ادوس بنزين خالص
كفاية انى ارفع رجلى من على الدبرياج "حاجة خفيفة" يادوب تحرك السيارة
واذا كنت تريد ان توقف السيارة هاضغط على الدبرياج بالكامل
طبعا العربية هاتقف على طول حتى ولو ما ضغطش على الفرامل
طبعا الاحظ
ان دائما اخويا الكبير ... يمور الفتيس على طول فى حالة التوقف
عشان يريح العربية
مافيش داعى انى افضل ناقل غيار فى انتظار ان السيارات تتحرك
كل المطلوب انك تراقب السيارات التى امام العربية التى امامك
ههههههههههههههه
هافضل اقول التى والذى ... حاجة تلخبط الواحد
فى إنتظار التواصل
على فكرة عربيتى متواضعة على اد حالى ودى صورتها
فى إنتظار التواصل
يا ريت نسمع تعليقات وأراء الاستاذ محمد فوزى والاخ الكريم احمد وكل الاخوة الكرام
نفسى اسمع راى الاستاذ سبعاوى
والباشمهندس سمير
وهيرو من قسم البيجو
وهاشم من قسم البيتلز
وكل الاصدقاء الاوفياء فى المنتدى
مع اطيب التنميات
اخوكم حسين غزالة[sor1]https://s15.postimg.org/to3r0graj/Untitled7_jpg.jpg[/sor1]
[URL="http://www.nilemotors.net/Nile/127724-a.html"]نصائح سائق جديد .. وخوفه قل شوية من موضوع السواقة[/URL]
[URL="http://tinyurl.com/jkc87mj"](حصريا ) سلسلة نصائح سائق جديد _ اول كتاب فى اساسيات القيادة الدفاعية [/URL]
[URL="http://tinyurl.com/M323E"]جروب اصدقاء وملاك مازدا 323 على الفيس بوك[/URL]Comment
-
أن شاء الله بكرة هاحكيلك عند تجربة سواقتى النهاردة والذهاب لشغلى من فيصل لوسط البلد والعودة ان شاء الله بدون وجود اى شخص بجوارى وعدم وجود اخطاء تقريباالمشاركة الأصلية كتبت بواسطة husseinoo مشاهدة المشاركةاللهم صل على محمد وعلى آله وصحبه أجمعين
بالنسبة لى يا استاذ عصام انا بعمل ايه
لو واقف فى الإشارة ... او فى اى منطقة زحمة ... انظر الى العربيات الموجودة امام السيارة التى امامى
يعنى ممكن من خلال زجاج السيارة التى امامى ... اشوف هل العربيات اتحركت ولا مازالت متوقفة
اذا رأيت من خلال زجاج السيارة التى امامى ان العربيات بدأت تتحرك
فى الحالة دى اكون مستعد ومحضر الغيار الاول
ورجلى جاهزة على الانطلاق بمجرد العربية التى امامى تتحرك
يعنى انا لا انظر الى السيارة التى امامى فقط
ولا انتظر انها تتحرك
ثم ابدأ فى التحرك
كده هاسمع كلاكسات وشغلانة كبيرة ومافيش حد بيصبر للاسف حتى ولو عارف ان اللى امامه مبتدأ فى القيادة وجديد
كمان انا اضغط على الفرامل اثناء التوقف فى الزحمة
وارفع رجلى عن الفرامل لو وجدت ان العربية واقفة كويس خلاص
ارفع رجلى واريحها شوية
ومافيش داعى انى اضغط على الفرامل
او اضغط على الديرياج
او على اى حاجة
اما لو شعرت ان السيارة بتنزلق للامام او الخلف
ممكن ارفع الهاند بريك "فرامل اليد"
لو شعرت ان التوقف هايطول شوية
اما لو كان التوقف قليل
يبقى فى الحالة دى رجلى بتكون على الفرامل عشان امنع السيارة من الاحتكاك بالسيارات التى امامى او التى خلفى
ولو كان حركة السير بطيئة جدا جدا
يبقى مافيش داعى انى ادوس بنزين خالص
كفاية انى ارفع رجلى من على الدبرياج "حاجة خفيفة" يادوب تحرك السيارة
واذا كنت تريد ان توقف السيارة هاضغط على الدبرياج بالكامل
طبعا العربية هاتقف على طول حتى ولو ما ضغطش على الفرامل
طبعا الاحظ
ان دائما اخويا الكبير ... يمور الفتيس على طول فى حالة التوقف
عشان يريح العربية
مافيش داعى انى افضل ناقل غيار فى انتظار ان السيارات تتحرك
كل المطلوب انك تراقب السيارات التى امام العربية التى امامك
ههههههههههههههه
هافضل اقول التى والذى ... حاجة تلخبط الواحد
فى إنتظار التواصل
على فكرة عربيتى متواضعة على اد حالى ودى صورتها
يا باشا ربنا يباركلك فيها ويديك خيرها ويكفيك شرها
فى إنتظار التواصل
دايما نكون متواصلين فى الخير ان شاء الله
يا ريت نسمع تعليقات وأراء الاستاذ محمد فوزى والاخ الكريم احمد وكل الاخوة الكرام
نفسى اسمع راى الاستاذ سبعاوى
والباشمهندس سمير
وهيرو من قسم البيجو
وهاشم من قسم البيتلز
وكل الاصدقاء الاوفياء فى المنتدى
وانا اشارك الراى فين اراء عمالقة المنتدى اخوانا الكرام الذين لا يكلوا عن عرض راى او معلومة مفيدة فجزاهم الله عنا خير
مع اطيب التنميات
اخوكم حسين غزالة
والحمد لله وانطباعاتى عن التجربة
اخوكم
عصام مهنى[B][COLOR=Navy]أبا الزهراء قد جاوزت قدرى
بمدحتك بيد ان لى انتسابا
مدحت المالكين فزدت قدرا
وحين مدحتك اجتزت السحابا [/COLOR][/B]
[COLOR=Green][B]اللهم صلى على سيدنا محمد [/B][/COLOR]Comment
-
عجلة ورا يااستاذ
كمان عجلة
ايوة
ارجع لحد ماتسمع صوت
بوووووومComment
-
والله يا أخى أنا أعتقد ان الموضوع للاستفادة والتعليم مش للتريقةالمشاركة الأصلية كتبت بواسطة handasa مشاهدة المشاركة
وبعدين مش عيب اننا نتعلم من الاخوة الاعضاء الافاضل ومش عيب انى اقول اللى انا بعمله ان كان صح أو غلط وبعدين اسمع اراء وتعليقات الاخوة الافاضل قالوا صح هكمل قالوا غلط اكيد الاخوة الافاضل مش هيتاخر ان يقولى الصح ايه واعمل زى ما بيقول ..
والعيب انى اصر على الغلط أو اعمل الغلط واصر عليه
لكن تريقة دى اللى مش حلو
والنهاردة انا هتعلم بكرة انا شاء الله هـ علم زى ما انا انعلمت
الانسان ما بيتولدش متعلم ( يتكلم - يمشى - ياكل -يشرب ...... ) بيتعلم
يفضل الانسان يتعلم حتى لو صال وجال وعرف كل حاجة
وتذكر قول سيدنا موسى لما قال أنى أعلم اهل الارض ( قصة سيدنا موسى مع سيدنا الخضر )
وشكرا
اخوكم
عصام مهنى[B][COLOR=Navy]أبا الزهراء قد جاوزت قدرى
بمدحتك بيد ان لى انتسابا
مدحت المالكين فزدت قدرا
وحين مدحتك اجتزت السحابا [/COLOR][/B]
[COLOR=Green][B]اللهم صلى على سيدنا محمد [/B][/COLOR]Comment
-
السلام عليكم ورحمة الله وبركاتهالمشاركة الأصلية كتبت بواسطة midomahany مشاهدة المشاركة
يا اخ عصام ماتزعلش كلنا ببنتعلم و انا لسة شارى عربية و لسة ممعيش رخصة بس بصراحة موضوع التعليم دة الواحد حاسيس انة عامل زى الطفل اللى لسة بتعلم المشى و دة احساس رائع بس ما تخليش حد يعكر مزاجك بكلام عبيط
و فى الاخر رنبا يسهل و نتعلم كلنا حاجات مفيدة لحد ما نموت
[aldl]http://4.bp.blogspot.com/-ErjDUZ8vyBE/T17cPdPyECI/AAAAAAAAwPg/esBRUJ5Tnf0/s1600/%D9%85%D9%8A%D9%86%D9%89+%D9%83%D9%88%D8%A8%D8%B1+2012.jpg[/aldl]Comment
-
عندك حق ياأستاذ عصام انت سبقتنى فى الرد على الأستاذ اللى بيتريق وأنا عايزه أقوله بدل الكلمتين اللى قلتهم دول فيهم إستهانه باللى موجودين وبيتعلموا كنت قولتلنا أى حاجه من خبرتك تفيدنا ؛ إيه اللى فادك باللى انت كتبته ده مش الرسول عليه الصلاة والسلام قال (فليقل خيرا أو ليصمت ) ولو مسيحى أكيد عندك مايدل على فعل الخير وإن لم تستطع فلا تضر مش كده ولا إيه؟ المهم ياريت تشاركنا بحاجه تفيدنا يمكن عندك الخبره كلها وتعلمنا حاجه جديده مانعرفهاش وماتقالتش هنا وشكراالمشاركة الأصلية كتبت بواسطة midomahany مشاهدة المشاركةComment
Tweet
Comment