نصائح سائق جديد .. وخوفه قل شوية من موضوع السواقة .. والبركة فيكم تعلمونا الباقى

[husseinoo]

اللهم صل على محمد وعلى آله وصحبه أجمعين

نتابع مع بعض موضوع اليوتيرن

انظر الى الصورة



فى الصورة يظهر ان السيارة الميكروباص الحمراء تقف فى اليوتيرن وتحمل ركاب
وبالطبع يقف براحته فى نص الشارع
المهم السيارة الزرقاء فى الوقت اللى بتعدى فيه وتبدأ تدخل اليوتيرن
سائق الميكروباص قرر انه يمشى هو كمان
وطبعا النتيجة معروفة

عشان كده كنا بنتكلم على التوقع
وانا راى الشخصى توقع الأخطاء موش فهلوه ... لكن دراسة وتعلم
انت ماشى وراء ميكروباص .. هاتتوقع ايه

توقع انه يتوقف مرة واحدة
توقع انه يحدف يمين او شمال فى اى وقت عشان يعدى بسرعة
توقع كل حاجة
وفى الحالة اللى فى الصورة كان الأفضل تهدى شوية عشان صاحبنا يمشى الأول ويتوكل على الله بعيد عنك
واذا كنت مصر انك تدخل قبل الميكروباص يبقى الافضل انك تصحيه "بكلاكس" عشان ياخد باله منك


انظر إلى الصورة


فى الصورة السيارة الزرقاء
صاحبها موش متدرب كويس للاسف
وموش مقدر الملف كويس
ودخل الملف على ضيق لدرجة انه خبط فى الرصيف
بمجرد انه شاف عربية تانية "العربية الحمراء"
حب يبعد عنها بقدر المستطاع ههههههههههههه لدرجة انه خبط فى الرصيف
اعتقد والله اعلم وياريت تصححوا لى
انه كان لازم يركز على الفانوس اليمين لعربيته
ويحاول ياخد الملف على واسع شوية
يعنى يبعد عن الرصيف حوالى نصف متر ويركز على فانوس الاشارة الشمال للسيارة الحمراء
يعنى بيحاول يروح بعربيته ناحية فانوس الاشارة الشمال للسيارة الحمراء على قدر المستطاع عشان يبعد عن الرصيف وهو بيلف
ياريت الاخوة الاصدقاء يقولوا رايهم فى الموضوع ده



انظر الى الصورة


فى الصورة يظهر الاوتوبيس باللون الاصفر داخل اليوتيرن
وصاحبنا بالعربية الزرقاء مافيش اى خبرة
عايز يدخل مع الاوتوبيس
طبعا النتيجة ان الاوتوبيس بالبلدى كده "زنقه" فى الرصيف
وممكن يخبطه على الاقل بالعجل الخلفى
يعنى ربنا يحفظنا جميعا
اوعى تدخل مع الاوتوبيس إلا اذا كنت مستغنى عن نفسك ههههههههههههههه
ربنا يحفظ الجميع



انظر الى الصورة


صاحبنا قائد السيارة الزرقاء
لسه ما اتعلمش حاجة خالص
وعامل فيها ناصح
وحب يعدى الاوتوبيس من الناحية اليمين
ههههههههههههههه
وزى ما استاذ محمد فوزى ما قال لنا: ان الاوتوبيس ممكن يخبطك "بظهره"
ودى حاجة ماكنتش اعرفها
اول ما الاوتوبيس بدأ يدخل الملف
خبط السيارة الزرقاء بدون قصد طبعا

اعتقد مادام فيه اوتوبيس
يبقى الصح تتقف وتضرب له سلام لحد ما يعدى ويبعد عنك بالسلامة
موش كده ولا إيه

المشكلة التالية حصلت معايا
لكن ربنا ستر والحمد لله
انظر الى الصورة


السيارة الزرقاء دخلت فى آمان وبشكل سليم مع الاوتوبيس
الملاحظ:
ان الاوتوبيس عشان كير دخل على الحارة التانية فى الشارع الرئيسى ... كان صعب عليه انه يدخل فى الحارة الاولى طبعا
المهم السيارة الزرقاء داخلة معاه فى الحارة الاولى كويس قوى وبشكل سليم وكله تمام
الاوتوبيس مغطى على العربيات اللى ماشية فى الشارع الرئيسى
وطبع قائد السيارة الزرقاء موش شايف اى عربيات فى الشارع الرئيسى
وماشى مع نفسه وكله تمام فى السرحان ههههههههههههههههه
انظر الى الصورة التالية

صاحب السيارة الزرقاء قرر انه يدخل وراء الاوتوبيس
دون مراعاة للسيارات القادمة فى الشارع الرئيسى
ده غير انه كان موش شايف اى حاجة بسبب الاوتوبيس
طبعا خد كلاكسات وتوتر ونرفزة وكل حاجة
وربنا ستر فعلا
والحمد لله

عشان كده يا جماعة لو فيه اى خطأ انا وقعت فيه فى الشرح
ياريت التصحيح ضرورى
وكمان لو فيه اى إضافة يا ريت نعرفها مع بعض

واتمنى انى اكون وفقت

فى إنتظار التواصل
مع اطيب التمنيات
اخوكم حسين غزالة

[dolly13]

اعتقد ان فيه خطا فى الصورة الاخيرة
بفرض ان الملاكى دخل من الحارة الضيقة والاتوبيس دخل فى الحارة الواسعة يبقى كدة الملاكى سبق ومن المستحيل انه يبقى بقدرة قادر ورا الاتوبيس الا لو توقف واستناه يعدى وبعدين دخل هو وراه وده حل صعب قوى وغير مثمر للملاكى الا لو كان بيحب الاتوبيس
مجرد اعتقاد!

[husseinoo]

اعتقد ان فيه خطا فى الصورة الاخيرة
بفرض ان الملاكى دخل من الحارة الضيقة والاتوبيس دخل فى الحارة الواسعة يبقى كدة الملاكى سبق ومن المستحيل انه يبقى بقدرة قادر ورا الاتوبيس الا لو توقف واستناه يعدى وبعدين دخل هو وراه وده حل صعب قوى وغير مثمر للملاكى الا لو كان بيحب الاتوبيس
مجرد اعتقاد!

هو فى الحقيقة طبعا ان الاوتوبيس هو اللى كان سابق وماشى طبعا جامد وبسرعة وموش خايف على حد يعنى الكل يوسع
يمكن الصورة موش واضحة شوية
أنا آسف جدا وشاكر لحضرتك التوضيح



افتكرت موقف بالأمس هاضيفه بالمرة
انظرو الى الصورة التالية


الموقف ده شاهدته بالأمس السيارة الحمراء مرة واحدة قرر انه يدخل اليوتيرن ... واعتقد انه استخدم الإشارات متأخر قوى
اما السيارة الزرقاء صاحبنا مستعجل وموش متوقع ان السيارة الحمراء هاتدخل اليوتيرن
وكان متوقع ان السيارة الحمراء هاتمشى على طول فقرر هو كمان انه يدخل على سرعته عادى
حاول انه يفادى الاصطدام بيها
لكن للأسف خبط العربية الحمراء فى الفانوس الخلفى الشمال
وكمان عشان مايخبطش العربية الحمراء جامد طلع فوق الرصيف وراح خابط فى العمود

طبعا انا بزعل لما اكتب الحوادث دى ... لكن قلت لازم كلنا نتعلم من اللى بنشوفه ونستفيد منه كلنا
ربنا يستر مع الجميع
اكرر مرة ثانية وثالثة لازم ندخل على الازدحام بهدوء جدا ورجلنا على الفرامل موش البنزين

والتوقع ده علم ودراسة وفهم موش فهلوه

مع اطيب التمنيات
اخوكم حسين غزالة

[م. عصام مهنى]

بسم الله الرحمن الرحيم
يا باشا ألف شكر على الرود الجميلة دى والله الموضوع دى انا حاطه عند على favorites وكل ما اعوز اعرف معلومة برجع لية علشان تثبت عنى وانا مش عاوز اكون اعرف اسوق عربيتى وخلاص لا أنا بحب اقرا واشوف واتعلم وارجع للمعلومة مرة واتنين وثلاثة وممكن لو فيه معلومة عرفتها من حضراتكم انفذها واشوف اية اللى هيحصل بعد كدة
السلام عليكم ورحمة الله وبركاتة

وعليكم السلام ورحمه الله وبركاته

أخوانى اعضاء المنتدى المحترمين جدا
أنا بقالى اسبوع بمشى بالعربية من فيصل لوسط البلد وارجع بيها بس راكب جنبى اخويا

ممتاز جدا وعشرة على عشرة
بس ببقى خايف قوى قوى ومرعوب بس والله بقالى يومين الخوف ابتدى يقل والرهبة والغلطات اصله شارع زحمة جدا جدا


اخويا معاه عربيته بس من ساعة ما جبت العربية وهو راكن عربيتة وبينزل معاى كل يوم ويرجع معايا هو برضوا شغله فى وسط البلد
المهم ان الواحد كل يوم بيتعلم جديد وكل ما اعمل حاجة غلط المرة الثانية بحاول معملهاش بس لسة برضوا الواحد عنده خوف وتوتر هو ابتدى يقل بس فى فى حاجات ممكن تحصل تخلى الواحد يكره نفسه هل دى طبيعى ولا الواحد بطئ فى التعليم

طبيعى جدا جدا ... وكلنا فى اول يوم مشينا بالعربية قررنا اننا نبيعها فى نفس الاسبوع هههههههههه
انا مرة كنت جاى من التحرير من على كوبرى اكتوبر فاخدت الحارة الشمال ولما طلعت الكوبرى كنت فى الحارة اللى فى النص اترعبت ، اخويا قالى ادى اشارة شمال وخذ الحارةالشمال سنة سنة بس بص فى المرايات علشان محدش يضايقك ، اديت اشارة شمال وبصيت فى المرايا الشمال كان ورايا ميكروباس بس حسيت انه بعيد وانا داخل على الحارة الشمال لاقيتة جاى على شمالى وكابس عليا وهيخش يمين علشان ينزل وهيخبط فيها من الخوف والخضة رميت شوية يمين كل العربيات اللى ورايا كلاكسات وشتايم اخويا قالى انت كنت ماشى صح بس هو اللى غلطان لانك اديتله اشارة شمال ساعتها كرهت نفسى!!

تانى مرة كنت طالع كوبرى الدقى اللى عند وزارة الزراعة وكان الكوبرى زحمة جدا جدا
طلعت شوية على الكوبرى ووقفت لاقيت العربية بتريح على اللى ورايا دوست فرامل لما الطريق اتحرك حبيت امشى لاقيت كل ما ارفع رجلى من على الفرامل علشان ادوس بنزين العربية ترجع لورا ومش عايزة تمشى راح اخوياشد فرامل اليد وقلى دوس بنزين العربية بقت تطنطط راح منزل فرامل اليد ومشيت العربية بس ساعتها كنت متلخبط اوى وصوت العربية بقى عالى واللى ورايا كلاكسات يخلوك تتلخبط بس برضوا فى ناس محترمة ، الراجل اللى كان ورايا عدى من جنبى واتسفت له قالى مفيش حاجة بس على مهلك وهدى نفسك !!!!!!!!!!!!!


انا اول ما ركبت العربية كان فى 6 أكتوبر يوم جمعة كنت كل يوم جمعة اروح انا واخويا والمدام والاولاد انزل المدام والاولاد فى النادى وابدا انا وهوا كنت بركب وهوا جنبى وامشى بالعربية فى كل اكتوبر وشواراع المصانع منطقة خالية وتتعلم فيها

وانا لى احد اقاربى ساكن فى 6 اكتوبر ... وفضل يتعلم فى الشوارع الخالية هناك ...لحد ما قرر انه يزور احد الاقارب فى مصر الجديد ... ركب العربية فى الصباح الباكر جدا يوم الجمعة ووصل مصر الجديدة بالسلامة ... وفى العودة نفس الحكاية ... لحد ما اتعود والخوف قل ودلوقتى كويس والحمد لله
الجمعة اللى فاتت انا ركبت العربية من الجراج الصبح ورحت بيها اكتوبر بس كان اخويا قاعد جنبى ولفت بيها ف اكتوبر ورجعت بيها لحد البيت ومحصلش اى مشاكل على فكرة لما تسوق فى الزحمة وترجع تسوق فى الاماكن الهادية بتبقى الاعصاب هادية والسواقة متعة .


وبعد كدة حب يعلمنى اركن ازاى فذهبنا لجراج جنب دار الفؤاد وفى حارات فى الارض وقعدت اتعلم بس الرجوع لورا كان صعب على ومازال

الركن زى ما اتعلمته ... ولسه انا محتاج تدريب فيه شوي باختصار شديد:
1- توازى السيارة اللى هاتركن بجوارها
2- تبعد عن السيارة حوالى نصف متر "اذا كان المكان اللى هاتركن فيه واسع" وإذا كنت مبتدأ اوعى تجرب فى مكان ضيق عشان ما تخبطش فى عربيات الناس وإذا حاولت تركن فى مكان على اد حجم السيارة يبقى لازم تقرب على قدر المستطاع من السيارة اللى هاتركن بجوارها
3- تحاول ان اكصدامك يكون سابق العربية الموازية بحاجة بسيطة
4- هافترض انك هاتركن فى ناحية اليسار:

- فك الحزام عشان تاخد راحتك
- امسك الكرسى اللى جنبك وانظر فى الزجاج الخلفى
- لف الدركسيون بالكامل ناحية العربية الموازية "ناحية الجانب اللى هاتركن فيه"
- اول ما نص العربية يدخل الملف "ودى اهم خطوة"
- تنظر امامك على كبوت العربية وتاخد بالك انك ما تخبطش العربية اللى امامك
- وتلف الدركسيون عكسى وانت داخل ببطء شديد
- وعند الاقتراب من السيارة اللى فى الخلف
- تبدأ تعدل الدركسيون ناحية الرصيف " وتحضن الشوية اللى فاضلين"
لما بتعلم الركن المشكلة اخويا يقول لى لم شامل وادخل الاقى العربية راحت يمين ، لم يمين الاقى العربية راحت شمال يقول لى انزل وبس انت عامل اية، انزل الاقى العربية مش مظبوطة ، انا بركن بوش العربية كويس بس المشكلة لما تحب ترجع بضهرك لورا !!!!!!!!!

هاحاول اشرحها مرة ثانية بالرسم إن شاء الله

المشكلة عندى المرايات مش عارف اتعلمها كل ما افكر ابص فيها الاقى العربية حدفت منى ودايما اخويا يقولى المرايات هية عينك التالتة الموضوع دا مضايقنى اوى وانا قريت الموضوع دى كله وخصوصا المرايات بس برضوا حاسس ان فى حاجة غلط !! دى طبيعى ولا ايه !!

المرايت .. يا خبر ابيض على المرايات
دى اهم حاجة فى الدنيا كلها المرايات
عشان كده لو تقدر تركب مرايه ممتازة توضح لك الرؤيا كويس ركب ... بس ابعد عن المرايات اللى بتخدع النظر وتحسسك ان العربيات اللى خلفك بعيدة وهى فى الحقيقة قريبة جدا
المهم لازم تتعلم تضبط المرايا الشمال والمرايا اللى فى الصالون
والمرايا اللى فى الصالون دى بالذات حاول انك تضبطها بحيث تبين اللى جاى من ناحية الباب اليمين الى حدا ما
والاهم قبل ما تغير اتجاهك فى اى حالة من الاحوال ... لازم تنظر فوق كتفك نظرة سريعه وخاطفة عشان تتأكد ان ما فيش عربيات ماشية بجوارك عند الباب الخلفى "لانها موش هاتكون ظاهرة فى المرايا" موجودة فى المنطقة العمياء للمرايه
وزى ما استاذ محمد فوزى ما قال لنا: لازم تنظر فى المرايا كل 3 ثوانى ... يعنى خلى عينك شغالة على طول
واوعى تسرح وانت بتنظر فى المرايه وتنسى تنظر امامك هههههههههههههههههه
مشكلتى فى المرايات نفسى اتعلم ابص فيها صح
اللى عايز اعمله النهاردة انى اخرج مع المدام والاولاد لوحدينا من غير اخويا ما يكون قاعد جانبى بس بصراحة خايف جدا اصل فيصل والهرم وميدان الجيزة مأساة أعمل اية !!!؟؟؟؟

انزل معاهم فى الصباح الباكر ... ومافيش داعى للاستعجال
طبعا كلنا عايزين نستفيد من العربية
وعايزين نخرج بها فى كل مكان
لكن الصبر حلو
يكمن عاوز اجرى شوية وامشى بيها لوحدى واقول لنفسى هوا اخويا دى هيسيب عربيته وهيفضل معايا على طول ولا اية
وكويس جدا ان اخوك شغله معاك ... وانك كل يوم بتخرج بها
ده انت إن شاء الله هاتعلمنا كل يوم الجديد
لأنك هاتتعلم بسرعة

انا اول مرة نزلت بالعربية فى وسط الزحمة كان فى شارع محى الدين ابو العز وجامعة الدول والسودان كان زحمة جدا جدا وكنت خايف جدا جدا جدا

انت عايز الحقيقة هو خطأ كبير انك تنزل الشوارع المزدحمة وانت لسه بتتعلم
ده تحذير قالو لى صديقى وده فاهم كويس قوى
انا حسيت ساعتها انه رمانى فى البحر وقالى عوم بس كان بيوجهنى ، بس تصدق الواحد خد منها شوية ثقة ، وعلى فكرة موضوع السواقة بحس انه موضوع ثقة
والأهم ان اللى راكب بجوارك ما يكونش عصبى ... لأنه لو عصبى هايوترك زياده
انا حتى الآن اخرج يوم الجمعة صباح واحيانا يوم السبت وموش مستعجل


والعربية كل شوية تبطا منى والعربيات اللى ورايا مابترحمش بس الحمد لله دلوقتى يعنى الواحد كل يوم بياخد ثقة شوية وربنا يستر
فارجوا من اعضاء المنتدى المحترمين يعرفونى اعمل اية وانت ماشى صح ولا لا
اخوكم

حاول تقرأ موضوع استخدام الدبرياج والفرامل فى التقاطعات والازدحام

خلاصة الموضوع: اوعى تدخل على يوتيرن او تقاطعات او زحمة ورجلك على البنزين
لازم رجلك تكون ضاغطة على الدبرياج
والرجل الثانية بتتحكم فى سرعة العربية عن طريق الفرامل "احنا موش عايزين العربية تقف لكن عايزين ندخل فى هدوء ونستغل سرعة العربية ونتحكم فيها بالضغط على الفرامل"
لو ظهر اى حاجة لا قدر الله هاتضغط على الفرامل بالكامل
وعشان انت ضاغط اصلا على الدبرياج عمر العربية ما هاتقف منك
وفى نفس الوقت هاتقدر تختار الغيار المناسب فى اى وقت للانطلاق بدون خوف

ممكن تدرب نفسك
على السير ثم التوقف بالكامل
ثم السير مرة ثانية
عشان تاخد حساسية الدبرياج والفتيس

مع اطيب التمنيات
اخوكم حسين غزالة
وانا ان شاء الله كل ما هتعلم حاجة هنقلها ليكم ان شاء الله
والف شكر ليك يا باشا


م.عصام مهنى

[A.Saad]

السلام عليكم ورحمة الله وبركاتة
أخوانى اعضاء المنتدى المحترمين جدا
أنا بقالى اسبوع بمشى بالعربية من فيصل لوسط البلد وارجع بيها بس راكب جنبى اخويا
اخويا معاه عربيته بس من ساعة ما جبت العربية وهو راكن عربيتة وبينزل معاى كل يوم ويرجع معايا هو برضوا شغله فى وسط البلد
المهم ان الواحد كل يوم بيتعلم جديد وكل ما اعمل حاجة غلط المرة الثانية بحاول معملهاش بس لسة برضوا الواحد عنده خوف وتوتر هو ابتدى يقل بس فى فى حاجات ممكن تحصل تخلى الواحد يكره نفسه هل دى طبيعى ولا الواحد بطئ فى التعليم
انا اول ما ركبت العربية كان فى 6 أكتوبر يوم جمعة كنت كل يوم جمعة اروح انا واخويا والمدام والاولاد انزل المدام والاولاد فى النادى وابدا انا وهوا كنت بركب وهوا جنبى وامشى بالعربية فى كل اكتوبر وشواراع المصانع منطقة خالية وتتعلم فيها وبعد كدة حب يعلمنى اركن ازاى فذهبنا لجراج جنب دار الفؤاد وفى حارات فى الارض وقعدت اتعلم بس الرجوع لورا كان صعب على ومازال
المشكلة عندى المرايات مش عارف اتعلمها كل ما افكر ابص فيها الاقى العربية حدفت منى ودايما اخويا يقولى المرايات هية عينك التالتة الموضوع دا مضايقنى اوى وانا قريت الموضوع دى كله وخصوصا المرايات بس برضوا حاسس ان فى حاجة غلط !! دى طبيعى ولا ايه !!
اللى عايز اعمله النهاردة انى اخرج مع المدام والاولاد لوحدينا من غير اخويا ما يكون قاعد جانبى بس بصراحة خايف جدا اصل فيصل والهرم وميدان الجيزة مأساة أعمل اية !!!؟؟؟؟
انا اول مرة نزلت بالعربية فى وسط الزحمة كان فى شارع محى الدين ابو العز وجامعة الدول والسودان كان زحمة جدا جدا وكنت خايف جدا جدا جدا والعربية كل شوية تبطا منى والعربيات اللى ورايا مابترحمش بس الحمد لله دلوقتى يعنى الواحد كل يوم بياخد ثقة شوية وربنا يستر
فارجوا من اعضاء المنتدى المحترمين يعرفونى اعمل اية وانت ماشى صح ولا لا
اخوكم
م.عصام مهنى

باشمهندس
انت فكرتنى بنفسى
انا فعلا كنت بخاف امشى فى وسط الزحمة لوحدى
كان اخرى اخدها يوم الجمعة ولا السبت الصبح
الف بيها فى مساكن منتصر او امشى محطتين فى شارع الهرم وارجع من فيصل

بس لازم تتجرأ

امشى بالعربية بكرة الصبح
عندك مساكن منتصر اللى فى طالبية فيصل
وبالراحة هناك يعنى مش تزود عن التانى
زهقت
ادخل على مساكن الظباط اللى فى الرماية
الدنيا هناك حلوة
مش هيضايقك غبر المينى باص
خليك فى اليمين
رخامتها الشارع اللى فيه ميدان الرماية ساعات بيكون فيه نقل
ووانت راجع هتقط الشارع ده
لو تروح بكرة بدرى 6 الصبد كدة
تبقى الدنيا حلوة
الرجوع لورا
ما ترجعش على المرايات فى الاول
اعدل نفسك
فك حزامك
رجل فرامل
رجل دبرياج
ارفع سنة دبرياج
هتلاقى العربية بتمشى وبالراحة علشان هتلاقيها اسرع من الاول
سرعت
فرمل سنة
وسنة دبرياج كمان
ايدك شمال تكون زى الساعة 12 فى نصف الدركسيون
يمين
على الكرسى اللى جنبك
والقاعد
زى قدام
هتجيب الدركسيون يمين
هتلاقى نفسك دخلت يمين
هتجيبه شمال
هتكسر شمال

المرايات
وانت بتبص فيها
هتلاقى ايدك بتتحرك فى ناحية ما
حاول تثبت ايدك
ولو تعمل كدة على الواقف وتلاحظ حكة ايدك يبقى احسن

[A.Saad]

بكرة الجمعة
حاولوا تفكروا تنزلوا بدرى الساعة 6 او 7
فى شوارع جانبية او اماكن فاضية
بس اللى شايف انه لسه مش قادر ينزل لوحده بلاش

[sara2001]

بمجرد انه شاف عربية تانية "العربية الحمراء"
حب يبعد عنها بقدر المستطاع ههههههههههههه لدرجة انه خبط فى الرصيف

والله يا استاذ حسين حضرتك بتعملنا موسوعه في حالات اليوترن متشكرين جدا على تعبك وفي انتظار الجديد
انا للأسف بيحصلي بالضبط نفس الموقف السابق بس في الشارع عادي اول ما بتقرب عربيه بجانبي بلاقيني حدفت الناحيه التانيه لدرجة ان انا لو داخله يوترن شمال وعربيه جايه من ورايا وكلاكسات بحدف يمين من غير ما اقصد لسه مش عارفه افصل نفسي عن الأجواء المحيطه او لسه مش عارفه اتحكم في الدريكسيون كويس يمكن بس موضوع الحدف ده مقلقني جدا

[lobna_yaseen]

إزيك ياأستاذ حسين عاجبنى جدا الموقف ده لأنه بيحصل كتير
افتكرت موقف بالأمس هاضيفه بالمرة
انظرو الى الصورة التالية


الموقف ده شاهدته بالأمس السيارة الحمراء مرة واحدة قرر انه يدخل اليوتيرن ... واعتقد انه استخدم الإشارات متأخر قوى
اما السيارة الزرقاء صاحبنا مستعجل وموش متوقع ان السيارة الحمراء هاتدخل اليوتيرن
وكان متوقع ان السيارة الحمراء هاتمشى على طول فقرر هو كمان انه يدخل على سرعته عادى
حاول انه يفادى الاصطدام بيها
لكن للأسف خبط العربية الحمراء فى الفانوس الخلفى الشمال
وكمان عشان مايخبطش العربية الحمراء جامد طلع فوق الرصيف وراح خابط فى العمود

طبعا انا بزعل لما اكتب الحوادث دى ... لكن قلت لازم كلنا نتعلم من اللى بنشوفه ونستفيد منه كلنا
ربنا يستر مع الجميع
اكرر مرة ثانية وثالثة لازم ندخل على الازدحام بهدوء جدا ورجلنا على الفرامل موش البنزين

والتوقع ده علم ودراسة وفهم موش فهلوه

ياسلام ياأستاذ حسين إنت أجبت على سؤالى اللى سألته قبل كده إزاى أتوقع خطأ الغير وأنا لسه مبتدئه وعلى حسب كلمتك دى أنا كان عندى حق إنه ماينفعش أتوقع ده لازم يكون بالتجارب يعنى مش أقول أنا بتوقع خطأ الغير وأنا مبتدأه يبقى صح بدليل إن الأخطاء أغلبها بتيجى من المبتدئين لأنه مش عارف يتوقع خطأ الغير لأنه ماشفهاش قبل كده
مع اطيب التمنيات
اخوكم حسين غزالة

أنا كنت عايزه أسأل هو مش طبيعى إنى أخاف لما ألاقى حد بيحدف على فأحود عكس الإتجاه عشان أتحاشى الحادثه ماأنا عارفه إنى أكيد اللى غلط عشان مبتدئه حتى لو أنا صح خوفى طبيعى أحسن حد يغلطنى عموما منتظرين جديدك وشكرا لإهتمامك بينا وكل دى حسنات جاريه إن شاء الله يلا ياعم مش بحسد ولا حاجه ههههههههه

[lobna_yaseen]

إزيك ياأستاذ أحمد كلامك ماشاء الله حلو ومنطقى جدا
الرجوع لورا
ما ترجعش على المرايات فى الاول
اعدل نفسك
فك حزامك
رجل فرامل
رجل دبرياج
ارفع سنة دبرياج
هتلاقى العربية بتمشى وبالراحة علشان هتلاقيها اسرع من الاول
سرعت
فرمل سنة
وسنة دبرياج كمان
ايدك شمال تكون زى الساعة 12 فى نصف الدركسيون
يمين
على الكرسى اللى جنبك
والقاعد
زى قدام
هتجيب الدركسيون يمين
هتلاقى نفسك دخلت يمين
هتجيبه شمال
هتكسر شمال

هو ده اللى كنت بسأل عليه اللف بالعكس يمين وشمال بس حضرتك وضحتها خلاص يمين يمين شمال شمال بس يعنى لما أرجع حضرتك بتقول إنى أرجع بالدبرياج والفرامل طيب ده عشان مبتدئين ولا ده اللى بيحصل مع أى حد لأنى بجد مش عارفه أتحكم فى البنزين وسرعته وأنا برجع لورا لأنى الحقيقه بس ماتزعلش منى من الكلام ده أنا خايفه أتعلم على حاجه وأستمر عليها مهما فات من الوقت وبقيت متمرسة سواقه يعنى عايزه أتعلم اللى انتوا بتعملوه اللى بقالكم كتير فى السواقه ولو على الخوف من الغلط ياسيدى الواحد يتعلم فى حته فاضيه شويه فايه رأيك انت لما بترجع لورا بتستخدم الدبرياج والفرامل ولا البنزين عادى ومتحكم فيه ؟ وبتنصحنا بالدبرياج والفرامل علشان لسه مبتدئين ؟؟؟ مش عايزاك تزعل منى بس الواحد بيسأل أستاذه عن اللى مش عارفه بدون حرج


المرايات
وانت بتبص فيها
هتلاقى ايدك بتتحرك فى ناحية ما
حاول تثبت ايدك
ولو تعمل كدة على الواقف وتلاحظ حكة ايدك يبقى احسن

[م. عصام مهنى]

فى البداية الف شكر يا استاذ أحمد على ردك الجميل ومعلوماتك القيمة
باشمهندس
انت فكرتنى بنفسى
انا فعلا كنت بخاف امشى فى وسط الزحمة لوحدى
كان اخرى اخدها يوم الجمعة ولا السبت الصبح
الف بيها فى مساكن منتصر او امشى محطتين فى شارع الهرم وارجع من فيصل
انا بعمل كدة بس الجمعة الماضية مشيت بالعربية من فيصل لـ 6 أكتوبر ورحت مكان فاضى علشان اتعلم ازاى اركن بس كانت العملية صعبة قوى
بس لازم تتجرأ
اعتقد ان نص السواقة جرأة

امشى بالعربية بكرة الصبح
عندك مساكن منتصر اللى فى طالبية فيصل
وبالراحة هناك يعنى مش تزود عن التانى
زهقت
ادخل على مساكن الظباط اللى فى الرماية
الدنيا هناك حلوة
مش هيضايقك غبر المينى باص
خليك فى اليمين
رخامتها الشارع اللى فيه ميدان الرماية ساعات بيكون فيه نقل
ووانت راجع هتقط الشارع ده
لو تروح بكرة بدرى 6 الصبد كدة
تبقى الدنيا حلوة
والله أنت الاحلى
الرجوع لورا
ما ترجعش على المرايات فى الاول
اعدل نفسك
فك حزامك
رجل فرامل
رجل دبرياج
ارفع سنة دبرياج
هتلاقى العربية بتمشى وبالراحة علشان هتلاقيها اسرع من الاول
سرعت
فرمل سنة
وسنة دبرياج كمان
ايدك شمال تكون زى الساعة 12 فى نصف الدركسيون
يمين
على الكرسى اللى جنبك
والقاعد
زى قدام
هتجيب الدركسيون يمين
هتلاقى نفسك دخلت يمين
هتجيبه شمال
هتكسر شمال
هو دا اخويا دايما يقولى بص فى المرايات
المرايات فايدتها اية!!!
انا انا شاء الله هعمل زى حضرتك ما قولت
المرايات
وانت بتبص فيها
هتلاقى ايدك بتتحرك فى ناحية ما
حاول تثبت ايدك
ولو تعمل كدة على الواقف وتلاحظ حكة ايدك يبقى احسن
صح هوا دى اللى بيحصل معايا لما ايديا تتحرك الاقى العربيىة حدفت شوية اروح ارجع تانى ، هاتعلم اعمل زى حضرتك مابتقول
فى النهاية
شكرا على معلوماتك وربنا يجعلها فى ميزان حسناتك
وجمعة مباركة أن شاء الله

[A.Saad]

أنا كنت عايزه أسأل هو مش طبيعى إنى أخاف لما ألاقى حد بيحدف على فأحود عكس الإتجاه عشان أتحاشى الحادثه ماأنا عارفه إنى أكيد اللى غلط عشان مبتدئه حتى لو أنا صح خوفى طبيعى أحسن حد يغلطنى عموما منتظرين جديدك وشكرا لإهتمامك بينا وكل دى حسنات جاريه إن شاء الله يلا ياعم مش بحسد ولا حاجه ههههههههه:e_braces[1]:

انا عايز اهزر يا سارة واقولك انك اللى قالك اما حد يكسر عليكى يحود يعنى زى مانتى كاتبة تقومى انتى كمان محودة ده كفتجى يبقى تسبيه عند اول محل كباب وكفتة وهو عارف طريقه
ولو بتعملى كدة لوحدك وتلقائى مش مشكلة
طبعا انا بهزر واوعى اوعى تزعلى

الصح تفرملى وتدى كلاكس
بس تفرملى مش بغشومية
علشان اللى وراكى
موضوع انك تحدفى انتى كمان خطر
علشان ممكن يكون فيه حد جنبك الناحية التانية
او فيه رصيف تحكى فيه
لا قدر الله

وده هيجرنا للنقطة التانية
افرمل اد ايه
اافرمل مسافة تخللى بوز عربيتى بعيد عنه
ومانساش الكلاكس
حتى لو الطرف التانى شاور انه واسع او ادى رد فعلعصبى شوية
ما اضايقش
ولا افقد ثقتى بنفسى
لان هوة اللى غلطان وعايز يعمل فيها ناصح وطبعا قدام واحدة من الانسات اللى مليين الموضوع - مشفتش منكم ولا اكلة لحد دلوقت - هيبقى عايز يعمل فيها شوماخر وانه سى السيد

النقطة الاهم بقى كمان
ان اعرف ابعاد عربيتى
]ده من خلال تألفى مع السيارة
من خلال جلوسى بيها
مشى فى حطط فاضية شوية
احساسى وهيا بتاخد الملفات
بصى فى المرايات عليها

لو العربية حديثة
ممكن نبقى مش شايفين الكبوت
ممكن نعمل حاجتين
1 - نجيب شاليمو طويل نلزقه على اول الكبوت وتقعد فى العربية
علشان نقدر وعيننا تحفظ مسافة الكبوت بس برده نقدر مسافة للاكصدام
2 - نجيب حد يوقف عند اول الكيوت ونحفظ المسافة برده


يا ريت بقى كل واحد يكتب ايه العربية اللى بيسوقها علشان يبقى عندى خلفية وانا بشرح

كمان
اللى نزل النهاردة يا ريت يقول
واللى عمل تمرين الفتيس يقول برده

[A.Saad]

إزيك ياأستاذ أحمد كلامك ماشاء الله حلو ومنطقى جدا
الله يسلمك يا لبنى
وربنا يخليكى
الرجوع لورا
ما ترجعش على المرايات فى الاول
اعدل نفسك
فك حزامك
رجل فرامل
رجل دبرياج
ارفع سنة دبرياج
هتلاقى العربية بتمشى وبالراحة علشان هتلاقيها اسرع من الاول
سرعت
فرمل سنة
وسنة دبرياج كمان
ايدك شمال تكون زى الساعة 12 فى نصف الدركسيون
يمين
على الكرسى اللى جنبك
والقاعد
زى قدام
هتجيب الدركسيون يمين
هتلاقى نفسك دخلت يمين
هتجيبه شمال
هتكسر شمال

هو ده اللى كنت بسأل عليه اللف بالعكس يمين وشمال بس حضرتك وضحتها خلاص يمين يمين شمال شمال بس يعنى لما أرجع حضرتك بتقول إنى أرجع بالدبرياج والفرامل طيب ده عشان مبتدئين ولا ده اللى بيحصل مع أى حد لأنى بجد مش عارفه أتحكم فى البنزين وسرعته وأنا برجع لورا لأنى الحقيقه بس ماتزعلش منى من الكلام ده أنا خايفه أتعلم على حاجه وأستمر عليها مهما فات من الوقت وبقيت متمرسة سواقه يعنى عايزه أتعلم اللى انتوا بتعملوه اللى بقالكم كتير فى السواقه ولو على الخوف من الغلط ياسيدى الواحد يتعلم فى حته فاضيه شويه فايه رأيك انت لما بترجع لورا بتستخدم الدبرياج والفرامل ولا البنزين عادى ومتحكم فيه ؟ وبتنصحنا بالدبرياج والفرامل علشان لسه مبتدئين ؟؟؟ مش عايزاك تزعل منى بس الواحد بيسأل أستاذه عن اللى مش عارفه بدون حرج

اولا
مفيش زعل
زعل ليه
بالعكس
انا بحب اسئلتكم

على فكرة
انا مش بنصح بالدبرياج والفرامل علشان انتم مبتدئين
انا بنصح علشان انا كمان بعمل كدة
والطريقة دى عرفتها من واحد اقدم منى واكثر خبرة فى المنتدى
واما فكرت فيها لقتها طريقة كويسة
لان فعلا العربية اما تشيلة سنة دبرياج بتلاقيها رجعت
وعلى فكرة
انا بشيل سنة
مش الدواسة كلها
وده ممكن يختلف من عربية للتانية
بس المجمل ان الطريقة دى كويسة

المرايات
وانت بتبص فيها
هتلاقى ايدك بتتحرك فى ناحية ما
حاول تثبت ايدك
ولو تعمل كدة على الواقف وتلاحظ حكة ايدك يبقى احسن

[A.Saad]

شكرا يا باشمهندس عصام وطمننا عليك
انت منين فى فيصل بقى

[husseinoo]

والله يا استاذ حسين حضرتك بتعملنا موسوعه في حالات اليوترن متشكرين جدا على تعبك وفي انتظار الجديد
انا للأسف بيحصلي بالضبط نفس الموقف السابق بس في الشارع عادي اول ما بتقرب عربيه بجانبي بلاقيني حدفت الناحيه التانيه لدرجة ان انا لو داخله يوترن شمال وعربيه جايه من ورايا وكلاكسات بحدف يمين من غير ما اقصد لسه مش عارفه افصل نفسي عن الأجواء المحيطه او لسه مش عارفه اتحكم في الدريكسيون كويس يمكن بس موضوع الحدف ده مقلقني جدا

الاستاذة ساره
لا شكر على واجب
اتمنى فقط ان يكون الموضوع معروض بصورة صحيحة ويكون فيه استفادة للجميع
بالنسبة لموضوع الكلاكسات السخيفة
افضل نصيحة هى انك تلتزمى بالحارة اللى انتى ماشية فيها
خصوصا طبعا لو الشارع مزدحم
يعنى مافيش داعى انى اغير الحارة خالص مادام الشارع مزدحم
وفى البداية يكون كل تركيزى فى الامامى
ومهما سمعتى كلاكسات اوى حد دخل امامك اوعى تغيرى الحارة اللى انت فيها
فقط كل المطلوب تهدى العربية
وتدخلى على الزحمة ورجلك على الفرامل موش على البنزين

انا لحد النهاردة بتأثر بنفس الموضوع
وبخاف طبعا
فى المشاركة اللى جاية هاعرض المواضيع اللى بتقابل كل المبتدأين فى القيادة "المواقف السخيفة" عشان نتعلم منها
وربنا يسترها مع الجميع

أنا كنت عايزه أسأل هو مش طبيعى إنى أخاف لما ألاقى حد بيحدف على فأحود عكس الإتجاه عشان أتحاشى الحادثه ماأنا عارفه إنى أكيد اللى غلط عشان مبتدئه حتى لو أنا صح خوفى طبيعى أحسن حد يغلطنى عموما منتظرين جديدك وشكرا لإهتمامك بينا وكل دى حسنات جاريه إن شاء الله يلا ياعم مش بحسد ولا حاجه ههههههههه:e_braces[1]:

الاخت العزيزة لبنى
الله يكرمك ويسعدك دنيا وآخرة
حضرتك كل اللى بتقولى عليه ده كان بيحصل معايا من شهر
ولسه بيحصل معايا لكن قل شوية
والخوف طبيعى جدا فى المواقف اللى زى دى خصوصا مع المبتدأ
ممكن يكون الخطأ هو قرار التسرع فى النزول الى الشوارع المزدحمة

والنصيحة بالنسبة لى:
مرة ثانية
اوعى تغيرى الحارة اللى انت ماشية فيها مهما كانت الظروف
نفس الكلام قلته مع الاستاذة سارة
يضرب كلاكس
يعمل حركات
يحدف عليكى
اوعى تغيرى الحارة اللى انتى ماشية فيها

متى اغير الحارة
لو انا متمكن من المرايات كويس قوى
وشايف اللى ورايا كويس قوى

عشان ما نتكلمش كثيير فى الموضوع ده
الخلاصة: التزم بالحارة اللى انتى ماشية فيها
امشى داخل الحارة تماما وليس فوق الخط اللى بين الحارات
وإن شاء الله نتكلم اكثر عن الموضوع ده

مع اطيب التمنيات
اخوكم حسين غزالة

[husseinoo]

اللهم صل على محمد وعلى آله وصحبه أجمعين

اعتقد يا جماعة إن موضوع اليوتيرن اتكلمنا فيه كثيير
ولو فيه اى اضافة من اى صديق فى المنتدى ياريت نعرفها
ولو فيه اى تصحيح لأى مشاركة يا ريت نعرفها

الآن مع موضوع جديد وبايخ بواخة

هههههههههههههههههههه
آعوذ بالله
الموضوع هو الدخول على الميادين

موش هاكلم كثيير
النهارده نزلت فى الصباح الباكر انا وام الأولاد
واثناء المشوار حصل اكثر من موضوع

انظروا إلى الصورة التالية


فى الصورة السيارة الزرقاء "ههههههه اللى انا راكبها"
داخل على الميدان
صاحب السيارة الحمراء صمم انه يدخل قبلى
قلت مافيش مشاكل "برغم انه فاجئنى"

المفاجأة
ركزوا معايا قوى
فى الوقت اللى صاحبنا بيعدى امامى
وانا متوقع انه هايعدى
صاحبنا وقف مرة واحدة بسبب انه شاف المترو امامه

وفى الوقت اللى انا بتابع السيارات القادمة من اليمين

فوجئت بالعربية الحمراء توقفت وظهر العربية امامى

كويس كده

طبعا انا كنت داخل على الملف ورجلى على الفرامل والدبرياج زى ما اتعلمنا
وماشى بهدوء

هديت العربية اكثر ببساطة
وابتدأت اعدى من خلف العربية الحمراء


المفاجأة الثانية والغبية
فى الوقت اللى انا بعدى من العربية الحمراء
صاحب العربية الصفراء سائق تاكسي موش عاجبه وعايش فى دور الفهلوه الله يسامحه

طبعا العربية الحمراء معطلانى
راح صاحبنا معدى من جنبى
قلت هو ماشى على طول مافيش مشاكل


انظروا إلى الصورة التالية


صاحب السيارة الصفراء "الله يسامحه"
موش ماشى على طول عشان يعمل كل المناورات دى
وتوقف هو ايضا بسبب المترو
وظهر عربيته اصبح امامى

رفعت ايدى ليه ... قلت له ينفع كده
راح رافع ايده من الشباك واعتذر لانه حس انه اخطأ

انا اعتقد وده رأى
ان احنا الثلاثة اخطأنا
السيارة الزرقاء "وانا صاحبها" ههههههههههههههههه

والعربية الصفراء والزرقاء "كانت تاكسيات"

ودول نضيفهم للسواقين المتهورين زى الميكروباص بالضبط يعنى لازم تاخد بالك منهم

ده كان موقف سخيف قوى

فى انتظار رأى الاصدقاء
فى الدخول على الميادين عامه
وفى الحل المناسب للمشكلة السابقة كان المفروض اعمل ايه بالضبط خصوصا انى كنت ماشى على طول موش هالف مع الميدان

مع اطيب التمنيات
اخوكم حسين غزالة