القواعد الذهبية لاختيار زيت العربية.... موسوعة مبسطة لأساسيات زيوت المحركات

**borio1704** · 17-10-2013 11:08 PM

المشاركة الأصلية كتبت بواسطة Wolf Oil Egypt

للتوضيح الزيت المعدني مش وحش بس ليس بكفائة التخليقي و لتوضيح النقط الحضرتك سألت عليها :

١) لان الزيت المعدني يبدأ برقم عشرين يعني تقيل نسبياً في بداية الدوران و بالتالي لما الموتور بيدور و هو بارد، تظل الأجزاء المعدنية تحتك ببعض بدون وجود زيت لعدة ثواني لان الزيت لسة تقيل و لسة مسخنش و انتشر بين الأجزاء المعدنية عشان يعمل التزييت المطلوب. في الوقت ده و مع كثرة الاحتكاك توسع الخلوصات بين الأجزاء المعدنية و لما توسع تقلل كفائه الموتور من ناحية الكبس و ساعات تسرب بنزين للزيت .
٢) الكلام ده بيحصل بعد وقت و التوكيلات بأحب يبقي عندها الرخيص و الغالي، و فيه عملاء كتير عندها تدفع قليل النهاردة اهم من أنها تحافظ علي موتور عربيهتا ألهو أغلي بكتير. و ده برضو ناتج عن أن شركات زيوت كتير لم تحاول توعية الناس.

لو حضرتك مستريح علي 20W50 ممكن يبقي مناسب لك من التخليقي ال 5w50 و ده بينتشر اسرع في الموتور عند بدء الدوران و يظل محتفظ بالزوجة ٥٠ عند درجة حرارة التشغيل.

مع احترامي الشديد لخبرة حضرتك... ولكن الزيت المعدني فيه منه أنواع ذات لزوجة منخفضة حسب المنطقة المسوق فيها..

منطقة الشرق الأوسط بشكل عام تعتبر من أكثر المناطق حرارة في العالم... وعلشان كده.. الزيت المسوق هنا غالبا بيكون تقيل مقارنة بزيوت أوروبا... وده مالوش أي علاقة بكون الزيوت في أوروبا ذات كفاءة أعلى من زيوتنا هنا..

على سبيل المثال... الزيوت المعدنية في روسيا (من أبرد الأماكن في العالم) لايمكن تسوق فيها زيوت مثل 20W-50 إطلاقا... إنما غالبا الزيوت هناك بتكون في حدود الـ5W-30 أو أقل.... وزيوت معدنية وليست تخليقية

أعتقد إن الزيوت التخليقية ممكن تكون أتقل لو اتخصص منها أنواع للشرق الأوسط ... وحضرتك ممكن تفيدنا أكتر في النقطة دي.

بردو أختلف مع حضرتك في نقطة إني أدفع قليل في الزيت... أنا شايف إني أدفع قليل وأحافظ بردو على موتور عربيتي بإني أستخدم الزيت الموصى عليه من المصنع بحد أدنى... بغض النظر عن كونه معدني أو تخليقي... لإن أغلبية كتالوجات السيارات ما بتقولش لحد اشتري تخليقي (إلا بعض السيارات السوبر رياضية).

من وجهة نظري ... أنا ممكن أستخدم الزيت التخليقي لغرض التوفير أساسا... بإني أشتري الزيت وأغيره كل 20 ألف كيلومتر فما فوق... وفي نفس الوقت أحافظ على الموتور... كده يبقى فعلا أدى المطلوب منه بكفاءة عالية جدا.

...

**michohat** · 18-10-2013 12:39 AM

المشاركة الأصلية كتبت بواسطة michohat

موضوع شيق وجميل ومفيد وتسلم ايدك وربنا يجعله ف ميزان حسناتك ان شاء الله

عربيتي نيواكسنت 2008 ماشية 65 الف تقريبا لسه شاريها وقرب ميعاد تغيير الزيت وهيا ماشية ع شل الاصفر 15- 50
لما راجعت توصيات المصنع لقيته 5-30
وهنا ع المنتدى بينصحوني ب 5-40 ولا 10-40 وانا كنت بفكر اروح ل 5-50 بفكري انه كده هيحمي الموتور اكتر
فايه الاصح بالنسبة ليا
استعمالي يعتبر قياده شاقة حسب ما فهمت كده (ف اليوم الواحد مش ازيد من 20 كيلو في فتره الاربع اشهر اللي فاتوا عملت 2500 كيلو ) واستخدامي كله طرق داخليه مش سفر
كل اللي عاوزة من الزيت انه يحمي وصون الموتور ( وكمان عندي معلومه ان صاحب العربية السابق كان بيتأخر ف تغيير الزيت وبيخليه اكتر من الللازم وحسب ما قال ان صوت الكوستبنات من كده )

المشاركة الأصلية كتبت بواسطة borio1704

بصراحة .. أشك إن تأخير غيار الزيت يكون سبب في إن صوت الكوستبانات يعلى... لإن الزيت المعدني ممكن يقعد في الموتور لأكتر من 10 آلاف كيلو بدون مشاكل لو مستوى الخدمة بتاعه مرتفع... واحنا في مصر بنقول إننا اتأخرنا لو قعدنا الزيت في الموتور أكتر من 5000.

طبعا... كل ما كان الزيت اثقل بيحمي الموتور أكتر... بس لو فيه لزوجة معينة بالمصنع بيوصي بيها فالمفروض نلتزم بيها، لإن ممكن جدا يكونوا واخدين في اعتبارهم الخلوصات الضيقة للموتور ، وفي الحالة دي الزيت التقيل بيدّي تأثير عكسي نتيجة ضعف سريانه داخل الموتور.

آخر نقطة عايز أتأكد منها هي.... الكتالوج اللي الموصى فيه بالزيت الـ5w-30 هو كتالوج العربية نفسها ولا جبته من على النت؟؟؟

...

كتالوج من نزلته النت مش كتالوج جاي مع العربية

في انتظار ردك

**borio1704** · 18-10-2013 12:49 AM

المشاركة الأصلية كتبت بواسطة badry78

كل سنة وانت طيب يا باشمهندس
معلش انا عندي سؤال بخصوص شيل الأصفر اللي سعره حوالي 125 جنيه
ناس كتير بتقول انه بيتغير على 3000 كيلو و ناس كتير بتقول 5000 يا ترى أيه الصح
ثانيا انا عربيتي موديل 92 و الكتالوج بيوصي بزيت 10w/40 to
20w/50, to api sg/cd or better و انا باحط شيل الأصفر api sl/cf 15w/50
يا ترى ده كويس وللا فيه مشكلة ؟

وانت بالصحة والسلامة وكلنا بخير يارب

أقل مسافة لتغيير الزيت المفروض تبقى 5000 كيلومتر... في المنتديات الأمريكية بيعتبروا 3000 ميل (=5000 كيلو) مسافة قليلة قوي على غيار الزيت حتى لو كان من أردأ الأنواع

على العموم... مش المسافة بس هي اللي بتحدد إمتى تغير الزيت... الوقت بردو ليه عامل خصوصا لو كنت من النوع اللي مش بيستخدم عربيته باستمرار.

بالنسبة لنوع الزيت... فمستوى sg حاليا يعادل أقل أنواع الزيت الموجودة في السوق حاليا... من الناحية دي أي زيت مهما كان نوعه هيوفي بالمطلوب...

ومن ناحية اللزوجة فاللي فهمته إن الكتالوج بيقول : من 10w-40 إلى 20w-50 ... يعني أي أرقام ما بين الاتنين تشتغل... وحسب الكتالوج... الـ15w-50 ممتاز للعربية.

...

**borio1704** · 18-10-2013 02:48 AM

المشاركة الأصلية كتبت بواسطة badry78

الف شكر يا هندسة أنا ماكنتش عايز اتقل عليك بس ده اخر استفسار عشان أتمم الموضوع كله
انا تقريبا بامشي 1000 كيلو في الشهر فهل لو غيرت الزيت ده بعد 5 شهور مش مشكلة
شكرا ليك مرة تانية و أسف على كتر أسئلتي

ما تقلتش عليا ولا حاجة... حضرتك اسأل كل الأسئلة اللي في بالك وفي أي وقت... وإن شاء الله أجاوب عليك... إنت تؤمر :)

ألف كيلو في الشهر يعتبر معدل معقول... ومفيش مشاكل أبدا إنك تغيره بعد 5 أو 6 شهور ... خلي بالك إن الزيوت الحالية مستواها أعلى بكتير من الزيوت في 1992... يعني زيت الـsl اللي حضرتك بتحطه ممكن يقعد في العربية مسافة 10 آلاف كيلومتر مستريح بالنسبة لموتور عربيتك.

هو حالة الموتور عندك أخبارها إيه؟؟

...

**borio1704** · 18-10-2013 03:15 AM

المشاركة الأصلية كتبت بواسطة badry78

ربنا يكرمك و متشكر قوي لذوقك

انا مسقط موتور من كم اسبوع و حاطط مؤقتا زيت تعاون بصراحة ماشغلتش نفسي اني اشوف مواصفاته هو جيركن احمر ب 65 جنيه على أساس اني هاغيره بعد 1000 كيلو و احط شيل الأصفر اللي كنت باحطه قبل كده و العربية بيجو 405 بتاخد 4.5 لتر من غير فلتر و 5 لتر بالفلتر ( مفجوعة شوية

) بس بالنسبة للموتور الحمد لله عزم و سحب كويسين بس طبعا ماقدرش احكم هو اشتغل كم سنة .. بس و احنا بنغيره احتاج طقم شنبر فلما الميكانيكي فكه و شاف الأجزاء بتاعته قال ان حالته كويسة و زي ما قلت لحضرتك السحب و العزم تمام الحمد لله و مافيش دخنة اللهم الا شوية دخنة سودا احيانا بسبب كفاءة الحرق بس ده هاعالجها قريب ان شاء الله .. أسف للاطالة .

على فكرة... زيت التعاون اللي حضرتك حطيته في العربية أفتكر إنه sg زي ما الموتور طالب.

على فكرة... أنا مش ببص للماركة بتاعت الزيت أبدا... ما دام مواصفاته مظبوطة باستخدمه على طول.

...

-

-

-

-

-

الموضوع: القواعد الذهبية لاختيار زيت العربية.... موسوعة مبسطة لأساسيات زيوت المحركات

LinkBack

أدوات الموضوع

عرض

-

-

-

-

المواضيع المتشابهه

مواصفات زيوت المحركات

زيوت المحركات

ما هو الافضل فى زيوت المحركات

سؤال عن زيوت المحركات

أسعار زيوت المحركات في مصر والخليج (مقارنة)

الكلمات الدلالية لهذا الموضوع

المفضلات

المفضلات

ضوابط المشاركة