المشاركة الأصلية كتبت بواسطة borio1704
المشكلة هنا مش حساب الكيلومترات.... المشكلة إن عمر الجوانات والأويلسيلات في الموتور بقى كبير... والمعروف إن أي أجزاء مطاطية أو بلاستيكية عمرها الافتراضي في حدود الـ5 سنوات، وبعدها بيكون معدل التحلل والتشققات كبير، بغض النظر عن كون الأجزاء دي استخدمت أو ما استخدمتش خلال الفترة دي.
وهو ده السبب الرئيسي في كون العربيات بتفتح بقها في الصيانة بعد 5 سنين
عشان كده بنقول... لو عربيتك عدى عمرها الـ5 سنوات وما عملتش صيانة وتغيير للأجزاء المطاطية في الموتور... ما تغيرش من زيت معدني لزيت تخليقي من غير ما تتابع وتشوف التسربات اللي ممكن تحصل منه من أي مكان فيه... خصوصا إن الزيت التخليقي هيزود التشققات دي لو هي موجودة.
...
الف شكر على الموضوع المتميز فعلا ... وجزاك الله خيرا
... هل معنى الكلام اللى فوق ده إن من الفضل فعلا زي ما الناس بتقول إن لو الموتور عمره عدى عليه أكتر من خمس سنوات .. يتم استعمال زيت معدني مش تخليقي أو نصف تخليقي
يعني هل عشان الأويل سيلات ابتدى عمرها يخلص يبقى بلاش استعمل زيت تخليقي عشان مركبات المذيبات اللى فيه هاتبتدي تؤثر على الأويل سيلات بشدة
مع العلم إن الواحد بيستعمل شيل ألترا من ساعة ما شترى العربية مثلا ودلوقتي عاملة 100 ألف تقريبا وحوالي خمس سنوات بالضبط
ولا طالما أنا شغال مع الزيت التخليقي من الزيرو يبقى أخليني شغال معاه أفضل .. برضه مع ملاحظة إن مافيش أي مشاكل في العربية الحمد لله
المفضلات