الموضوع: استفسار حول اختيار نوع سائل التبريد

المشاركة الأصلية كتبت بواسطة NaAZoOR

ألف سلامة عليك، ما قصدتش اضغط عليك عشان الرد.
باعتذر لو ده حصل.

لا ابدا .. انا باكون حاسس بالموضوع كانه عندى .. و بكون عايز ارد بسرعه

بس علشان اجهز اجابات كتير فى موضوع كيميا .. باحتاج عده ساعات بحث و مراجعه على الانترنت

و انت اسئلتك دقيقه فيها ذكاء .. و موش حتقتنع الا برد دقيق جدا و علمى

و انا اصلا نفس الشيئ .. فالصعوبه جابه من تضارب الاراء فى الموضوع ده

لما جيت احط مية وولف نزلت المياة كلها في البنزينة و الراجل باستخدام مضخة مياة "عادية" فضل يدخل مياه في الدورة لحد ما بقت تخرج صافية تماماً و زود شوية radiator flush لما لقى المية اللي بتخرج لونها مش حلو "في الأول"
بعد كده ضخ هوا لحد ما بقى مافيش مية بتخرج خالص.

- اللى اعرفه ان فيه ماكينه مخصوصه لاستبدال ميه الرادياتير بالكامل .. و بتحط جواها ميه الراديتير بتاعتك و هى ليها شويه خطوات محدده لاستبدال الميه بالكامل من اول مره


- معنديش اى فكره ان كانت ماكينه موبيل بتخرج اللى فى البلوك ام لا ؟؟ .. بس نحاول نفهم
1- نزل الميه
2- دخل ميه فى الدوره بمضخه .. هل ده كان و خرطوم الراديتير مفكوك .. بمعنى انه كان بنضف البلوك نفسه ام لا ؟ و الميه خرجت من البلوك ملونه ثم صافيه و كميه الملونه 2 لتر ؟
3- وصل الراديتير مع البلوك وحط فلش
4- خلص الفلش و فك الخرطوم الراديتير .. و نفخ البلوك نفسه

المفروض كان يعيد التنظيف بدأ من خطوه رقم 1 الى 3 علشان يشيل اثر الفلش

هل ده يتسمى full flush و لا ناقصه حاجة؟

أعتقد كده المياة اللي فضلت في البلوك مياه عادية مافيهاش أثر للمياة القديمة.

اقرأ الفلش فى موضوع الباسات .. الفارق اللى انا شايفه ان الموتور لما بيددور الطلمبه بتشتغل و الميه بتتقلب .. اما موضوع الضغط ده معرفش بيعمل ايه .. فكرتى بسيطه عن دوره التبريد ( موش عارف بصراحه )

و لو انت مكنتش شغلت السخن بتاع التكييف يبقى حيفضل شويه اللى كانوا فى راديتير التكييف

عموما لو نسبه بسيطه لا اعتقد انها حتكون مؤثره

و فى العاده هم بيحطوا ميه خضرا و انت قلت كان فيها ميه خضرا .. يبقى لو فضل شويه فهم نفس المجموعه

شوف الجدول اللى حطيته لك بتاع الوان الميه .. الميه الخضرا الغامق برضه بتاعه هوندا OAT ( مجرد ملحوظه لا اكثر و لا اقل )

حاجة أخيرة: أنا قرأت في الكتالوج كل ما يتعلق بال cooling system و بال coolant و مافيش أي مواصفة أو ترشيح أو criteria لسائل التبريد أو خامات دورة التبريد.

قلت لك كتير من الشركات بتقول لك لروح للتوكيل لتغيير الميه المناسبه

فى كتالوجى العربى .. قال انها موش ميه عاديه و فيها مواد مانعه للصدا و............
و حدد لى ميه موبيل .. دى كلها criteria

المشاركة الأصلية كتبت بواسطة naazoor

الجدول مدي لون أزرق و وجود سليكات و غياب فوسفات لل g11 و ده بيتفق مع لون و مواصفات ال g11 بتاع وولف.

لاحظت انه ادى اخضر غامق ل other ota و ده مثير للأهتمام عشان لون المياة القديمة

الميه ال iat بتكون اخضر فاتح جدا و لامع ( لون الفسفور )
و اتفقتا قبل كده ان مفيش مواصفه قياسيه للون .. يعنى ممكن اى لون تلاقيه مع اى ميه
ميه موبيل الان خضرا عاديه ( موش فاتح ) .. بس حاروح اتأكد من اللون تانى لو مريت هناك

الميه الخضرا oat اللى فى الجدول دى ميه هوندا .. و هوندا منعت استخدام 2-eha لانه بيسبب تسريب و تلف جوانات المحرك و استبدلت الحمايه بماده اخرى .. و ده برضه كان من ضمن اسباب ظهور ال haot انه يتخلص من الماده دى لان بعض الشركات كان لها نفس الشكوى

2-eha ده كان مكون اساسى فى oat سابقا

توضيح الجزئيه دى كانت حتكون من ضمن الرد المطول ليك

المشاركة الأصلية كتبت بواسطة naazoor

كان أخضر غامق مخلوط ببني فاتح عشان المياه كانت بنص كلام الراجل في البنزينة "يا دوب لحقتها"

هادور على لينك الموضوع حاضر و احطه في موضوع الزيت بتاعي ان شاء الله

بص على اخر سطر فى الجدول
كاتب اللون البنى يكون احد شيئين ( شوف اللون بنفسك )

1- بنى .. دلاله خلط مجموعتين على بعض
2- بنى محمر .. دلاله وجود صدأ و عدم تغيير الميه لفتره طويله

و فى الحالتين طلب انك تعمل فلش كامل


شوفت اللينك بتاع الزيت و قرأته .. بس الاول نخلص قصه الميه دى

ما تنساش الجمله دى .. و خليها فى اعتبارك
- الحمايه التى يوفرها ال oat بتكون الاجززاء المغموره فيه فقط .. على عكس ال iat اللى بيوفر الحمايه فى جميع الاحوال ( لان حمايته بتكون عن طريق تكوين طبقه فوق السطح المراد حمايته ) .. و هنا يدخل تصميم الموتور فى الحسبان

المشاركة الأصلية كتبت بواسطة tasaka

لا ابدا .. انا باكون حاسس بالموضوع كانه عندى .. و بكون عايز ارد بسرعه

بس علشان اجهز اجابات كتير فى موضوع كيميا .. باحتاج عده ساعات بحث و مراجعه على الانترنت

و انت اسئلتك دقيقه فيها ذكاء .. و موش حتقتنع الا برد دقيق جدا و علمى

و انا اصلا نفس الشيئ .. فالصعوبه جابه من تضارب الاراء فى الموضوع ده





- اللى اعرفه ان فيه ماكينه مخصوصه لاستبدال ميه الرادياتير بالكامل .. و بتحط جواها ميه الراديتير بتاعتك و هى ليها شويه خطوات محدده لاستبدال الميه بالكامل من اول مره


- معنديش اى فكره ان كانت ماكينه موبيل بتخرج اللى فى البلوك ام لا ؟؟ .. بس نحاول نفهم
1- نزل الميه
2- دخل ميه فى الدوره بمضخه .. هل ده كان و خرطوم الراديتير مفكوك .. بمعنى انه كان بنضف البلوك نفسه ام لا ؟ و الميه خرجت من البلوك ملونه ثم صافيه و كميه الملونه 2 لتر ؟
3- وصل الراديتير مع البلوك وحط فلش
4- خلص الفلش و فك الخرطوم الراديتير .. و نفخ البلوك نفسه

المفروض كان يعيد التنظيف بدأ من خطوه رقم 1 الى 3 علشان يشيل اثر الفلش



اقرأ الفلش فى موضوع الباسات .. الفارق اللى انا شايفه ان الموتور لما بيددور الطلمبه بتشتغل و الميه بتتقلب .. اما موضوع الضغط ده معرفش بيعمل ايه .. فكرتى بسيطه عن دوره التبريد ( موش عارف بصراحه )

و لو انت مكنتش شغلت السخن بتاع التكييف يبقى حيفضل شويه اللى كانوا فى راديتير التكييف

عموما لو نسبه بسيطه لا اعتقد انها حتكون مؤثره

و فى العاده هم بيحطوا ميه خضرا و انت قلت كان فيها ميه خضرا .. يبقى لو فضل شويه فهم نفس المجموعه

شوف الجدول اللى حطيته لك بتاع الوان الميه .. الميه الخضرا الغامق برضه بتاعه هوندا OAT ( مجرد ملحوظه لا اكثر و لا اقل )



قلت لك كتير من الشركات بتقول لك لروح للتوكيل لتغيير الميه المناسبه

فى كتالوجى العربى .. قال انها موش ميه عاديه و فيها مواد مانعه للصدا و............
و حدد لى ميه موبيل .. دى كلها criteria

أنا لاحظت اهتمامك فعلاً في كذا موضوع ... اهتمام شخصي :)

ربنا يديك الصحة و يعينك.

متفهم جداً وضعك في موضوع الكيميا و البحث حواليها، طول عمري كانت الكيميا بالنسبة لي عقدة "العضوية بالذات" مع التفاضل و التكامل "مع إني مهندس"
بجد الله يعينك، الكيميا مكلكعة بشكل مزعج و خصوصاً العضوية.

ثنائك عليا لا أستحقه لكني أشكرك جداً عليه، و تحليلك في محله ... أنا فعلاً مش بافهم و لا باقتنع إلا بالكلام العلمي الدقيق، أنا لما باجي اشتري جراب للهارد الخارجي باطلع عين المول كله عشان اوصل للجراب اللي يقدر فعلاً يوفي طلباتي من وجوده.

و دي عيب كبير زي ما هي ميزة كبيرة في الحقيقة :(

سمعت عن الماكينة بتاعة الغسيل دي بس ما اعرفش موجودة فين، لو تعرف مكان عنده قوللي عليه و هادعيلك :))

الخطوات كالتالي:
1- نزل المية.
1.1- مش متأكد بس اعتقد انه وصل خرطوم المضخة بالريداتير و ضخ مياه عشان ينضفه.
2- فك خرطوم الريداتير و ركب خرطوم المضخة و بدأ ضخ المياه.
3- لاحظ لون المية الخارجة من البلوك و لما لقى فيها بني "مش محمر" .. أعتقد أقرب للون الصدأ "الفاتح" و شوية رواسب.
4- حط الفلش في المضخة و بص عالقربة و قاللي ان الميه كانت بدأت تكون أملاح و اني يا دوب لحقتها
5- كمل ضخ مياه لحد ما بقت تخرج رائقة تماماً.
6- فك خرطوم المضخة و بدأ ينفخ هوا لحد أما ما عادش فيه أي مياه بتخرج خالص.
7- غسل القربة كويس و بعدين ربّط كل حاجة.
8- بدأ يحط المياة الجديدة و دورت و زود و خد هوا.

أنا ماكنتش اعرف موضوع سخن التكييف للأسف فماشغلتوش بس ظني ان الكمية مش هاتتعدى النص لتر.

كتالوجي العربي ضايع و مافيهوش جزء الصيانة و السوائل من أصله.
الإنجليزي كل اللي بيقوله اني اروح لموزع شيري عشان هلاقي عنده مياه مطابقة لمواصفات شيري "اللي ماجابوش سيرتها".

عشان كده قلتلك ان ماعندهومش criteria .

المشاركة الأصلية كتبت بواسطة tasaka

ما تنساش الجمله دى .. و خليها فى اعتبارك
- الحمايه التى يوفرها ال oat بتكون الاجززاء المغموره فيه فقط .. على عكس ال iat اللى بيوفر الحمايه فى جميع الاحوال ( لان حمايته بتكون عن طريق تكوين طبقه فوق السطح المراد حمايته ) .. و هنا يدخل تصميم الموتور فى الحسبان

بترن في دماغي من يوم ما قرأتها فعلاً ... عشان كده ما جبتش سيرة ال oat في كلامي معاك :)

بجد الله يعينك، الكيميا مكلكعة بشكل مزعج و خصوصاً العضوية.

ده اللى سبب الصداع بسبب قراءه مستمره الاسبوع اللى فات كله .. و الكيميا بعيده جدا عن اهتماماتى

ثنائك عليا لا أستحقه لكني أشكرك جداً عليه، و تحليلك في محله ... أنا فعلاً مش بافهم و لا باقتنع إلا بالكلام العلمي الدقيق، أنا لما باجي اشتري جراب للهارد الخارجي باطلع عين المول كله عشان اوصل للجراب اللي يقدر فعلاً يوفي طلباتي من وجوده.
و دي عيب كبير زي ما هي ميزة كبيرة في الحقيقة

ده اتقان العمل .. و معادله شخصيه لا يمكن تتغير

و ميزه طبعا موش عيب .. بس ميزه متعبه فى الحياه

سمعت عن الماكينة بتاعة الغسيل دي بس ما اعرفش موجودة فين، لو تعرف مكان عنده

انا اعرف انها بره مصر .. بس المفروض تكون موجوده فى التوكيلات .. اعتقد ذلك لان فيه ماكينه بتغير زيت الفرامل كامل بما فيه ال abs

بصراحه معنديش فكره عن ماكينه غسيل الراديتير بتاعه موبيل .. بس لو محطه كبيره بيكون فيها مهندس و ممكن يكون فاهم النقطه دى .. او حتى الميكانيكى حيكون فاهم لانه بيفك البلوك كله

او حد من الزملاء فى المنتدى يكون مهندس ميكانيكا

كتالوجي العربي ضايع و مافيهوش جزء الصيانة و السوائل من أصله.
الإنجليزي كل اللي بيقوله اني اروح لموزع شيري عشان هلاقي عنده مياه مطابقة لمواصفات شيري "اللي ماجابوش سيرتها".

المثال عندك هوندا .. غيرت التركيبه عندها

كل شركه عارفه خاماتها ( و تصميم موتورها ) .. و بتصمم ميتها الخاصه بموتور معين و ممكن نفس شركه السبارات تتصمم اكتر من ميه جسب احتياجات موتورها .. بعضهم بيديك مواصفه و بعضهم بيفضل انك تستعمل ميتهم

فيه عندى كتالوجين عربى واحد دليل المستخدم و الثانى دليل الصيانه .. كانت المعلومه موزعه بين الاثنين .. بس كلمه ميه موبيل كانت فى دليل الصيانه

المشاركة الأصلية كتبت بواسطة naazoor

بترن في دماغي من يوم ما قرأتها فعلاً ... عشان كده ما جبتش سيرة ال oat في كلامي معاك :)

الاكثر احتمالا الاسيوى انه يكون oat .. و تصميم الموتور طبعا موش مؤهلين ان احنا نفهم التصميم الدقيق تم ازاى و ليه

بس مشكله الصينى انه بدأ على مواتير قديمه من هنا و هناك زى موتور الجالانت بتاعى .. و ممكن حتى تصاميم المواتير الصينى تبقى مبنيه على تصاميم قديمه هم اشتروها .. و احيانا بتكون اوروبيه

هى دى النقطه اللى حتحيرك .. ان سيارات حديثه فى الموديل و ( ممكن ؟ ) قديمه فى التصميم او المواتير

لكن الموتور بتاعك المفروض تصميم صينى .. يعنى المفروض حديث .. بس مبنى على ايه ؟؟ هى دى النقطه .. خاماته ايه ؟؟ .. هى دى النقطه

لكن الاسيوى الحديث او الحديث كله بصفه عامه اما oat او hoat ( للمعظم )



دى نقطه كانت حتكون فى الرد المطول .. فيه تحفظات على الميه اليونيفرسال ..

و بيعتبروا انها مبنيه على ال oat اكتر .. فممكن يتقبلوها مع oat بتحفظ اقل

و كتير بيتحفظ على خلطها مع مجموعات اخرى غير OAT

بس لازم تلاحظ برضه انها اكثر من تركيبه .. يعنى متقدرش تحكم على الكل نفس الحكم السابق

و بص عالقربة و قاللي ان الميه كانت بدأت تكون أملاح و اني يا دوب لحقتها

دى نقطه كانت حتكون فى الرد المطول .. السيليكات بعد انهاء العمر الافتراضى لميه التبريد بتنفصل و تتصلب ..

و يظهر انها صلبه جدا .. لانها بتسبب تلف اويل سيل الطلمبه .. و فى كلام انها ممكن تسبب تلف ريش بعض الطلمبات .. و ممكن تعمل سدد و غيره

علشان كده السليكات مفيده جدا و اساسيه فى اول عمرها .. و لو تركت الميه اكثر من اللازم تصبح ضاره

المشاركة الأصلية كتبت بواسطة NaAZoOR

يهمني ردك عالكلام ده.

زى ما قلت لك .. لو فيه مهندس ميكانيكا يرد على النقطه دى

لكن حاقول ملاحظات على طريقه المضخه

1- الطلمبه موش بتدور .. بعنى بالمنطق ان كل الميه اللى بعدها معزوله
هل الطلمبه ليها ByPass ؟؟ .. و لو ليها بيسمح بايه .؟؟ و بيودى على فين ؟؟

2- ثرموستات الكوع بعد مرور شويه ميه بارده حيقفل .. هل هو فك ثرموستات الكوع مثلا .. ام هو عمل دوره عكسيه ؟؟

3- اللى قرأته فى اكثر من مكان للفلش .. انك بتحط ميه و بتدور و العربيه تسخن .. و تفضى الميه بعدها .. و لازم تبرد العربيه قبل تكرار الفلش .. و تكرار العمليه دى فى العاده 3 مرات او اكثر حتى خروج الميه شفافه .. ( موش فاكر ان كانوا بيشيلوا ثرموستات الكوع قبل الفلش ام لا ؟؟ .. راجع انت النقطه دى )

ده بيضمن ان الميه مشيت فى كل البلوك .. و الميه لما تخرج شفافه يبقى البلوك كله اتغسل