الموضوع: استفسار حول اختيار نوع سائل التبريد

المشاركة الأصلية كتبت بواسطة NaAZoOR

الحمد لله المياه مش بتنقص عندي خالص، حتى ان العامل زود المية شوية في القربة تحسباً لنقصها بعد التغيير لكن مستوى القربة مانزلش لحد دلوقت.

معلش هاحتاج خطوات محددة تفصيلية لكيفية عمل الفلش لأنها متبعترة في أكتر من رد.

- الافضل تنقص الميه لغايه ال Max .. و نفس الشيئ بالنسبه لزيت الباور .. علشان ما تحملش على الدوره و الطلمبه

- شوف طريقه فولكس فى موضوع الباسات .. او الافضل لو الطريقه المكتوبه فى كتالوج كورى او يابانى

المشاركة الأصلية كتبت بواسطة tasaka

- ده منحنى بيبين عمر الاضافات و مدى استهلاكها مع الوقت

و من ذلك بتبين ان بعض الاضافات ال inorganic بتستمر لفترات طويله جدا جدا .. و بالطبع ال Organic ستسنمر لفترات اطول

ملف مرفق 15626

لاحظ ان البورات .. نسبه استهلاكه تقريبا صفر .. بعد مرور160 الف كم

لاحظ الفوسفات .. استهلك بنسبه 50% خلال 160 الف كم .. و بنسبه 10% فقط عند 30 الف كم

لاحظ السليكات .. استهلكت بسرعه بنسبه 85% خلال اول 30 الف كم ( لانها بتكون طبقه على جميع الاسطح خلال هذه الفتره ) .. و ده هو سبب قصر عمر مجموعه ال IAT

لاحظ الكاربوكسيلات ( Organic ) .. تقريبا نسبه استهلاكها صفر بعد 160 الف كم .. و ده سبب طول عمر ال OAT بصفه عامه ( بغض النظر عن الماده المستعمله للحمايه )





لاحظ ( فى المنحنى باعلى ) ان البورات .. نسبه استهلاكه تقريبا صفر .. بعد مرور160 الف كم .. و السيليكات بتستنفذ بسرعه


الفارق فى اسلوب الحمايه بين ال OAT و ال IAT
- الاضافات فى ال IAT .. تكون طبقه حمايه فوق السطح المراد حمايته ( الومنيوم او حديد )

- الاضافات فى OAT و ايضا جزئيا فى ال HOAT ( حسب التركيبه المستخدمه ) .. تقوم بالتفاعل مع المراد حمايته فقط و ليس كامل السطح .. بمعنى انها تحدد اماكن التتأكل ثم تقوم بالتفاعل لملى النقطه المتآكله

- الى اليسار طبقه الحمايه فوق كامل السطح باللون البرتقالى الفاتح >> ( IAT ) .. مثال لطريقه عمل السيليكات

- الى اليمين سد الفراغات الناتجه من التأكل فقط باللون البرتقالى >> OAT و ايضا جزئيا فى ال HOAT ( حسب التركيبه المستخدمه ) .. مثال الكاربوكسيلات ( كاحد المواد المستعمله و تختلف الماده طبقا لتركيبه ال OAT )

ملف مرفق 15627

مياه وولف اللي عندي كاتبين ان عمرها 3 - 4 سنوات أو 60 - 85000 كم
هل ممكن يكونوا ضايفين حاجة عشان يحافظوا على عمر السليكات؟ ... احنا بنتكلم على ضعف العمر طبقاً للرسم البياني.

دلوقتي زادت حيرتي في الموضوع أكتر، ساعات باحس الكفة بتميل ناحية ال iat و ساعات باحس الأنسب هي واحدة من الفئتين التانيين !!

المشاركة الأصلية كتبت بواسطة tasaka

- فيه فرق بين الوزن الاقصى .. و الوزن الطبيعى على كل محور
و فيه فرق كمان بين التوزيع ده لما العربيه تكون واقفه و اثناء الحركه .. المهم هو الوزن الطبيعى اثناء الحركه


- موش حتعرف الارقام دى بالظبط للميول التصميميه الا لو كانت فى كتالوج مفصل .. و ساعتها المتخصصين ممكن تخمن مدى الثبات المتوقع .. زى مجلات السيارات المتخصصه يقدر يتوقع الاداء من الارقام دى او من تصميم معروف معين للعقشه مثلا ..

و على ما اتذكر ؟؟؟؟ كمثال لنوع العفشه كان زمان اول ظهور تصميم مرسيدس للعفشه الاماميه ( موش الخلفيه ) متعدده الوصلات ( من 30 او 40 سنه .. موش فاكر ) .. بيتم تثبيت العجله بعده وصلات قصيره فى اكثر من اتجاه و مستوى .. ده بيمتص اى قوه فى الاتجاهات الكثيره دى او يلاشى بعض تأثيرات جزء اخر من العفشه .. و كمان الوصلات دى بتكون بحيث تحقق الميول التصميميه المطلوبه


- العفشه الناشفه دى شكوى فى عربيات غاليه برضه زى كيا و غيرها .. يمكن علشان العربيات دى كلها صغيره و احنا فى مصر مبنركبش الفئات الكبيره .. عربيه صغيره يعنى مقصود تقليل التكلفه و من ضمنها العفشه
اكيد السوست و المساعدين و قطر الجنط و سمك الكاوتش ليهم تأثير كبير جدا فى الاحساس بقسوه نظام التعليق .. و كل ما تزيد قسوه التعليق ( نبض التعليق ) كلما زاد الاحساس بنشفان العفشه ( فى العاده )


- اتفقنا ان فيه 150 كجم حمل زياده على الموتور .. ده كافى للاحساس بضعف العزم ..

و برضه اختيار نسب التروس ممكن يعمل كده ( و دى حاجه بترجع لفكر الشركه المصنعه في اختيار الاداء المتوازن ككل )

الكورولا و مازدا 3 و غيرهم كتير compact cars و عفشتهم مش ناشفة، و كيا بره مش غالية.

- الوزن الزائد يفترض يقابله تصميم موتور قادر على موازنة الزيادة دي.

- الشركة عايزة تعمل عربية اقتصادية التكلفة و التشغيل، ليه زودت وزن يعمل عبئ عالموتور؟ ارخصلها تخفف الوزن !
و الصينين اساتذة copycatting يعني مش هايحتاجوا يصرفوا عالبحث.

المشاركة الأصلية كتبت بواسطة NaAZoOR

الكورولا و مازدا 3 و غيرهم كتير compact cars و عفشتهم مش ناشفة، و كيا بره مش غالية.

كورولا موش رخيصه .. لا فى مصر او بره مصر .. يعنى بيتحط لها خامات ممتازه

كل شركه ليها سمات تصميم موش بتتغيرو ده حتلاقيه لكل عربياتها الصغيره او الكبيره

.. يعنى كل التويوتا بصفه عامه هادى فى المشى و بيهتم بالنعومه اكثر من اهتمامه بالتسارع و العصبيه ( مفيش متعه فى القياده .. عربيه هاديه زياده فى رد فعلها .. الكامرى او الكراون كمثال )
.. على العكس من ذلك هوندا دائما عصبيه فى النقل حتى على السرعات البسيطه او لفات الموتور الواطيه ( و دى حاجه تغيظ لما تكون عايز تمشى بهدوء .. اكورد كمثال )
.. نيسان مزيج من الاثنين و علشان كده كنت بحب النيسان ( الماكسيما تحديدا سعه 3 لتر ) لانها اكثرهم متعه فى القياده من وجهه نظرى

.. و احيانا الشركه بيكون ليها فكر محدد فى فئه معينه عندها .. و التصميم كله بيتمحور حول الفكر المحدد ده

موش فى العفشه بس .. و لكن تصميم الموتور كمان .. انه مثلا للنعومه الزايده بيفضل يستخرج عزم اكثر على حساب قيمه القوه الحصانيه من نفس السعه المتاحه .. و ده تحسه اكثر فى العربيات المترفه

الوزن الزائد يفترض يقابله تصميم موتور قادر على موازنة الزيادة دي.

- الشركة عايزة تعمل عربية اقتصادية التكلفة و التشغيل، ليه زودت وزن يعمل عبئ عالموتور؟ ارخصلها تخفف الوزن !
و الصينين اساتذة copycatting يعني مش هايحتاجوا يصرفوا عالبحث.

- موتور قوى .. كله بتمنه .. و ممكن يخرج السياره من المنافسه فى الفئه لازدياد التكلفه مثلا

و متنساش القوانين الغبيه اللى عندنا للجمرك .. زمان من 15 سنه او يمكن من 20 سنه .. كل من تويوتا كورولا و نيسان صنى و هوندا سيفيك كانوا بينزلوا فى العالم كله بمواتير سعه 1800 و قدره حصانيه 165 او 170 حصان .. دى كانت المواتير الاستاندرد الحديثه التى تم تصميمها وقتها .. و كانت متغيره التوقيت للصمامات

لكن علشان قوانين الجمارك كان بينزل عندنا ال 1300 و ال 1600 .. طبعا اكيد مواتير قديمه بس بتقضى الغرض .. طبعا موش التصميم الحديث لانه موش حيصرف المليارات علشان يصمم موتور حديث يناسب الجمارك عندنا ؟؟؟ .. طبعا ؟؟


- معنديش فكره كبيره عن الحديد فى الصين .. بس ضع فى اعتبارك ان اى تخفيف للوزن بنفس المتانه .. ده تطوير .. محتاج دراسات و فلوس علشان تصممه اصلا ..

و تكلفته ممكن تكون اكبر يعنى حمل اضافى على ثمن السياره

فالقصه دى اكيد ليها خلفيه .. سواء عن التكلفه .. او القدره على التطوير .. او ايه انواع الحديد المتاحه فى الصين ..

بصراحه معنديش اى فكره عن تفاصيل الموضوع ده .. بس الحق يتقال صاج الاسبرانزا جامد جدا .. و صعب ان العربيه تتأثر من الحوادث البسيطه

المشاركة الأصلية كتبت بواسطة tasaka

كورولا موش رخيصه .. لا فى مصر او بره مصر .. يعنى بيتحط لها خامات ممتازه

كل شركه ليها سمات تصميم موش بتتغيرو ده حتلاقيه لكل عربياتها الصغيره او الكبيره

.. يعنى كل التويوتا بصفه عامه هادى فى المشى و بيهتم بالنعومه اكثر من اهتمامه بالتسارع و العصبيه ( مفيش متعه فى القياده .. عربيه هاديه زياده فى رد فعلها .. الكامرى او الكراون كمثال )
.. على العكس من ذلك هوندا دائما عصبيه فى النقل حتى على السرعات البسيطه او لفات الموتور الواطيه ( و دى حاجه تغيظ لما تكون عايز تمشى بهدوء .. اكورد كمثال )
.. نيسان مزيج من الاثنين و علشان كده كنت بحب النيسان ( الماكسيما تحديدا سعه 3 لتر ) لانها اكثرهم متعه فى القياده من وجهه نظرى

.. و احيانا الشركه بيكون ليها فكر محدد فى فئه معينه عندها .. و التصميم كله بيتمحور حول الفكر المحدد ده

موش فى العفشه بس .. و لكن تصميم الموتور كمان .. انه مثلا للنعومه الزايده بيفضل يستخرج عزم اكثر على حساب قيمه القوه الحصانيه من نفس السعه المتاحه .. و ده تحسه اكثر فى العربيات المترفه





- موتور قوى .. كله بتمنه .. و ممكن يخرج السياره من المنافسه فى الفئه لازدياد التكلفه مثلا

و متنساش القوانين الغبيه اللى عندنا للجمرك .. زمان من 15 سنه او يمكن من 20 سنه .. كل من تويوتا كورولا و نيسان صنى و هوندا سيفيك كانوا بينزلوا فى العالم كله بمواتير سعه 1800 و قدره حصانيه 165 او 170 حصان .. دى كانت المواتير الاستاندرد الحديثه التى تم تصميمها وقتها .. و كانت متغيره التوقيت للصمامات

لكن علشان قوانين الجمارك كان بينزل عندنا ال 1300 و ال 1600 .. طبعا اكيد مواتير قديمه بس بتقضى الغرض .. طبعا موش التصميم الحديث لانه موش حيصرف المليارات علشان يصمم موتور حديث يناسب الجمارك عندنا ؟؟؟ .. طبعا ؟؟


- معنديش فكره كبيره عن الحديد فى الصين .. بس ضع فى اعتبارك ان اى تخفيف للوزن بنفس المتانه .. ده تطوير .. محتاج دراسات و فلوس علشان تصممه اصلا ..

و تكلفته ممكن تكون اكبر يعنى حمل اضافى على ثمن السياره

فالقصه دى اكيد ليها خلفيه .. سواء عن التكلفه .. او القدره على التطوير .. او ايه انواع الحديد المتاحه فى الصين ..

بصراحه معنديش اى فكره عن تفاصيل الموضوع ده .. بس الحق يتقال صاج الاسبرانزا جامد جدا .. و صعب ان العربيه تتأثر من الحوادث البسيطه

- في الحقيقة فئة السيارات المدمجة سعرها لا يقارن بالسيارات المتوسطة (كامري و ماكسيما و سوناتا و E class و 5 series ) الخ
و كذلك امكانياتها و كماليتها و وسائل رفاهيتها.

- احنا لحد دلوقتي بتدخل لنا المواتير ال 1600 عشان الجمارك، بينما أغلب دول المنطقة القياسي عندهم 1800

- العربية و هي بتتصمم في كل الأحوال بيتدرس تناسب الوزن مع قوة الموتور و تصميم العفشة و الشاسية، يعني مفروض وسط الدراسات دي يكون فيه مساحة للكلام اللي قلته.

فيه ملحوظة: ال A5 ليها 3 مواتير أكبرهم 2000cc و 129 حصان، و ال 3 مواتير على نفس البودي بدون أي تغيير (و ده اللي بيخلي ناس تغير الموتور بلانسر 2000 بدون مساس بالعفشة أو احساس بتقل الجسم عالموتور)
يمكن يكون ده له عامل في الإحساس بعدم قوة الموتور ال 1600 بالقدر الكافي؟

- اتفق معاك تماماً في رأيك حوالين صاج الإسبيرانزا.

المشاركة الأصلية كتبت بواسطة NaAZoOR

مياه وولف اللي عندي كاتبين ان عمرها 3 - 4 سنوات أو 60 - 85000 كم
هل ممكن يكونوا ضايفين حاجة عشان يحافظوا على عمر السليكات؟ ... احنا بنتكلم على ضعف العمر طبقاً للرسم البياني.

دلوقتي زادت حيرتي في الموضوع أكتر، ساعات باحس الكفة بتميل ناحية ال iat و ساعات باحس الأنسب هي واحدة من الفئتين التانيين !!

اخبارنا ايه هنا؟

المشاركة الأصلية كتبت بواسطة NaAZoOR

مياه وولف اللي عندي كاتبين ان عمرها 3 - 4 سنوات أو 60 - 85000 كم
هل ممكن يكونوا ضايفين حاجة عشان يحافظوا على عمر السليكات؟ ... احنا بنتكلم على ضعف العمر طبقاً للرسم البياني.

قبل اى شيئ .. انت ليك عندى اجابتين متأخرين على ردودك .. و كان بعدهم حيكون فيه رد بالامثل ليك .. ان شاء الله اضع الردين لاحقا


- زى ما هو واضح ان التركيبات التى لا تنتهى داخل نفس المجموعه .. و كذذلك وجود المجموعات المتفرعه من نفس المجموعه مثال هوندا Other OAT ..

لازم تحكم على كل تركيبه بذاتها فقط و بمكوناتها فقط .. يعنى تقدر تستوعب المفاهيم العامه علشان تقدر تحكم .. لكن عند تطبيقها يكون بدراسه كل تركيبه بجميع مكوناتها الخاصه على حده و الاستنتاج يكون خاص و ليس عام

- و كتطبيق للمفهوم ده لاحظ :
1- مجموعه ال G ده تصنيف .. اوروبى فى السمات .. خاص اساسا بفولكس سواء لتصميم المحركات او الخامات .. برغم اننا ممكن نصنفه ضمن المجموعات المعروفه

2- الرسم البيانى ده اكيد خاص بشركه معينه .. لها تركيبتها الخاصه .. و موش معروف هل كان لسائل تبريد long Life ام عادى المده
الرسم البيانى انا وضعته فقط لايضاح كيفيه عمل الاضافات .. و المتوقع تواجده فى ميه التبريد منها بعد انتهاء العمر الافتراضى .. ( يعنى ده كان فقط لايضاح ان المتبقى موش حيكون شويه ميه مقطره و املاح زى ما انت كنت متوقع .. ده فقط علشان تعرف التصور العام لاداء الاضافات )

3- حتى لو اتكلمنا على ميه ال G .. لازم تفرق بين ميه كل شركه .. لان كل شركه لها تركيبتها المتكامله الخاصه بها .. يعنى ميه وولف موش شرط تكون بالظبط نفس تركيبه ميه APie لنفس مجموعه ال G ..

دى انطباعى الشخصى بعد القراءه المطوله فى الموضوع ده .. يعنى الحذر افضل من انك تضع افتراضات




نطبق الكلام ده .. نتكلم عن ميه محدده ميه ال G .. من شركه محدده و هى وولف .. لعربيه محدده ( عربيتك )

1- اتفقنا ان المنحنى البيانى علشان فقط يبين الفكره العامه لتصرف الاضافات .. انما موش حيعبر عن كيلومتر معين لميه شركه معينه

2- وولف وضعت مده من 3 الى 4 سنوات .. و دى تقترب جدا من المده المطوله لل OAT .. ده معناه انها ستضع سليكات تكفى لهذه المده طبعا

3- التركيز للاضافات هو اللى بيطول المده .. يعنى تركيز 33% عمره طبعا اقل من تركيز 50% .. فالتركيز برضه عندك ( 50% ) هو عامل اساسى للمده المطوله 3 سنوات ( او 4 )

4- ده بالاضافه انهم كاتبين ان تركيبتهم شديده التعقيد لمنع تكون الجيل للسيليكات .. دى بقى كيميا موش حعرفها و لا هم حيقولوا تركيبتهم .. بس بيؤكد لك انهم دارسين اداء السيليكات كويس و عاملين حسابهم انها كافيه لتوفير الحمايه المطلوبه للمده المحدده

5 - كمعلومه عامه .. التكلفه العاليه فى سائل التبريد هى تكلفه الاضافات .. و ده اللى بيفرق بين سائلين من نفس المجموعه بفارق كبير فى السعر بينهم ..

المشاركة الأصلية كتبت بواسطة NaAZoOR

هل ممكن يكونوا ضايفين حاجة عشان يحافظوا على عمر السليكات؟
التفكير في هذه النقطة مرعب، ازاي الواحد يعرف ان السليكات بدأت في انحدار الكفاءة؟

1- لاحظ فى الداتا شيت بتاع G11 .. شوف ال PH رقمه 8.15 .. يعنى رافعين ال PH علشان يضمن انه فى بدء مجال عمل السيليكات و هو من 8.5 الى 9.5 .. و ده لان ال G11 يتاع وولف مفيش فيه فوسفات ( اللى بيوفر الحمايه فى ال PH المنخفض )

ساكتب رد خاص بالسيليكا بعد قليل .. انا كنت اخرت المعلومه دى علشان كنت عايز اكتب كل خواص الاضافات مزايا و عيوب لكل اضافه عضويه او غير عضويه

دلوقتي زادت حيرتي في الموضوع أكتر، ساعات باحس الكفة بتميل ناحية ال iat و ساعات باحس الأنسب هي واحدة من الفئتين التانيين !!

ده كان من الردين المؤجلين .. لكن ساضع رد سريع بعد قليل

المشاركة الأصلية كتبت بواسطة NaAZoOR

أنا مش أكيد من أمكانية تركيب مساعدين اللانسر عندك و أعتقد لو سألت حد تاني و أكد لك المعلومة تقدر تتوكل على الله و تجيبهم، هما فرقوا عندي جامد في ليونة العفشة و الدبدبة و هما أطرى طبعاً من بتوع شيري، و أعتقد لو غيرت مقصات و جلب كمان "لو تعبانين" بلانسر النتيجة هاتكون أفضل.

مش متأكد هما زيت بس و لا زيت و هوا.

العفشه :
- فرق الليونه و الدبدبه كنسبه مئويه ؟؟ كام فى الميه

- هل الثبات نقص ام زاد بعد كده ؟؟ .. الثبات على الخط المستقيم و الثبات فى الغرز المفاجئه .. و كنسبه مئويه ؟؟ كام فى الميه

- هل العربيه وطيت شويه على الارض ام زى ( الطبيعى ) بتاع 516 سليمه


تنظيف الرشاشات :
- هل تحسن استهلاك البنزين ؟

- تحسن السحب كام ؟؟ كنسبه مئويه

- هل الراجل اختبرهم قبل التنظيف ؟ .. و لو اخترهم فحالتهم كانت كويسه ام بعضهم كان فيه سدد ؟؟