الموضوع: استفسار حول اختيار نوع سائل التبريد

المشاركة الأصلية كتبت بواسطة tasaka

ده استهلاك جوه البلد ؟؟ ( موش طوالى )

قبل التنظيف كانت بتعمل كام كيلو جوه البلد ؟؟




اختبرهم بالجهاز ؟؟ .. ملؤ قد ايه من الكميه المفروضه و هم وسخين ؟؟ .. 70% مثلا

يعنى الثلث مثلا للمساعدين من التحسن الكلى ؟؟ .. ام النصف تقريبا

- الإستهلاك ده جوه البلد.

قبل التنضيف كانت 8 - 8.5 كم لكل لتر.

- اختبرهم بالنظر و وراني منظر الفتحات قبل و بعد التنظيف يمكن منظرهم ما كانش محتاج اختبار عالجهاز.

- مش هاقدر أحدد نسبة لأن تغيير الكاوتش و المساعدين كان على فترات متقاربة.

ده كان ضمن تعليق واحد في Bob is the oil guy:

Mixing of coolants isn't as dire as some make it out to be... all it really does is lower the "service" life of the coolant. It won't turn to jelly or anything like that when the two are mixed.

مش عارف كلامه صح و لا غلط.

المشاركة الأصلية كتبت بواسطة NaAZoOR

- الإستهلاك ده جوه البلد.

قبل التنضيف كانت 8 - 8.5 كم لكل لتر.

- اختبرهم بالنظر و وراني منظر الفتحات قبل و بعد التنظيف يمكن منظرهم ما كانش محتاج اختبار عالجهاز.

- مش هاقدر أحدد نسبة لأن تغيير الكاوتش و المساعدين كان على فترات متقاربة.

متخليش حد ابدا يقرب من حساس الشكمان لان الاستهلاك زى الكتالوج و يمكن افضل

استهلاك متوسط مجمع 9.5 l/100km

عايز اكتب لك الردود المتأخره او حتى جزء منها .. بس مصدع جامد و الرد حيكون طويل .. ربنا يسهل

المشاركة الأصلية كتبت بواسطة NaAZoOR

ده كان ضمن تعليق واحد في Bob is the oil guy:

Mixing of coolants isn't as dire as some make it out to be... all it really does is lower the "service" life of the coolant. It won't turn to jelly or anything like that when the two are mixed.

مش عارف كلامه صح و لا غلط.

ما هو ده الرد اللى متأخر علشان محتاج ( اعاده ) مراجعه لكميه كبيره جدا من الروابط علشان اجمع لك كل الااراء

ده كان احد الااراء و كتبته لك هنا فى ردود سابقه .. بس يخالف اكثر الروابط .. و الكلام ده بشرط ان تكون سوائل التبريد من شركات معروفه و عاليه الجوده

و بصراحه مغامره غير مأمونه و ليس لها اى داعى .. لان الحل سهل و غير مكلف .. فلش كامل و تستريح من وجع الدماغ .. و تكلفه ميه التبريد بسيطه مقارنه باشياء اخرى فى السياره

عموما الرد الكامل حيكون قيه نص كلام كل رأى

فين رابط المناقشه دى ؟؟ .. انا شوفت مناقشتك بتاعه الفيات على Bob


يمكن اؤجل الرد فى السيليكات و اختلاف الاراء فى الخلط .. و اقول لك رأيى فى الانسب ليك من وجهه نظرى مباشره فى الموضوع بتاعك لان كتابته سهله

و بعدين لاحقا اكتب لك معلومات مفصله عن السيليكات .. و ساضع رابط هام جدا جدا ليك .. لان وصفك للماده البيضا اللى كانت عندك يخليك لازم تقرأه بتمعن شديد

دلوقتي زادت حيرتي في الموضوع أكتر، ساعات باحس الكفة بتميل ناحية ال iat و ساعات باحس الأنسب هي واحدة من الفئتين التانيين !!

- الانسب هو المطلوب فى كتالوجك و اللى العربيه متصممه عليه

- لا تخلط بين ان الناس فى امريكا بتفضل ال IAT عن ال DexCool .. التفضيل ده بسبب ان الديكس كول سيئ مع عربيات GM .. موش علشان ان IAT افضل من OAT

- برضه متفكرش كتير فى موضوع ان ال OAT بيحمى الاشياء الملامسه له فقط .. لانه طبعا اى موتور مصمم لاستعمال OAT فهو عامل حساب كده فى التصميم بديهيا .. دى كانت معلومه عامه ذكرتها من باب العلم بالشيئ و لبيان الفروقات بين طريقه الحمايه فى المجموعات المختلفه

- ده جدول سائل تبريد خاص بالاسيوى .. لاحظ الاتى :

Clipboard Image (20) Resized 2.jpg

1- السيارات الامريكيه فقط هى التى كانت تستعمل ال IAT من 1980 و ما قبلها ( الجدول بادئ من 1980 )
2- الاسيوى و الاوروبى كان HOAT من 1980 و ما قبلها ( الجدول بادئ من 1980 )
3-ال IAT بدأ يخرج من الخدمه من سنه 96 و خرج نهائيا بالكامل عام 2002 ( يعنى من 15 سنه )
4- لو كبرت الصوره جدا ستستطيع قراءه اسماء كل انواع السيارات اليابانى و الكورى

- الكل حاليا اما OAT او HOAT .. يعنى الموضوع واضح جدا ايه هو الاتجاه الحالى

- لكن فى امريكا مازال الكثير يفضل ال IAT بسبب المصايب الناتجه عن ديكس كول تحديدا كماركه ( بيضرب موتور )

- و كمان البعض بيفضل التغيير على مسافات قصيره سنتين او 3 عن التغيير على مدد بعيده جدا .. و عندهم من المنطق ما يبرر هذا التفكير ( انا شخصيا اميل الى هذا المفهوم .. ساوضح لاحقا ) .. لكن باستعمال HOAT مثلا




المطلوب فى كتالوجك و اللى العربيه متصممه عليه :
1- الكتالوج :
- الكتالوج طلب انك تشترى الميه من التوكيل .. و التوكيل غبور بيحط ميه موبيل خضرا فى 516
- و طبعا غبور لازم يكون عنده موافقه من شيرى على الميه دى ( موبيل خضرا ) و التركيز ده 33% .. بمعنى انه كافى للحمايه المطلوبه ( بغض النظر عن كونه الامثل ام لا )
- يبقى المواصفه بتاعه الكتالوج ميه Organic ( موش ميه Inorganic ) .. و التركيز لا يقل عن 33%

2- Oil Selectors :
- اللى اعطى اجابه محدده كلهم اعطوا ميه Organic .. ما عدا وولف
- الااختبار الاول OAT يليه HOAT
- اللى اعطى ماء يونيفرسال .. فده اعطى بطريق غير مباشر ميه Organic برضه
- شركه واحده اعطت IAT و هى وولف .. و اعطت الاختيار ده لموديلات شيرى كلها ( انا راجعت 12 موديل شيرى كلهم نفس الاختيار )

3- جداول التوافق العام لانواع سؤائل التبريد :
- يوجد العديد من تلك الجداول
- كلها بلا استثناء للاسيوى اعطت HOAT للموديلات القديمه جدا .. ثم OAT للاسيوى الحديث
- و زى ما قلنا ال IAT نهائيا بالنسبه للسيارات الحديثه من 15 الى 22 سنه سابقه

4- الخلاصه .. الماء المناسب لسيارتك Organic .. و الافضليه لل OAT ثم ال HOAT ( طبقا لاحمالى المعلومات الغير موثقه ) .. و لكن لاتباع الكتالوج ستكون ميه موبيل خضرا HOAT ( معلومه موثقه )



ميه وولف
- اكيد وولف عرفت اللى احنا عرفناه برضه .. فليه الاصرار على ميه G11 ؟؟
- هل مثلا لان تركيبه G12 ( بتاعه وولف تحديدا ) موش متوافقه مع خامه من محركات شيرى مثلا .. جوانات مثلا زى مشكله ديكس كول مع هوندا
- هل علشان معندهاش تركيبه HOAT اللى هى G12++ ؟؟ .. ال g13 برضه HOAT و لكن الايثيلين جليكول بيكون فيه 7% جلسرين .. يعنى مختلف عن G12++
- هل معندهاش G12 فى مصر مثلا ؟؟ .. ال G12+ هو برضه OAT معدل ( موش HOAT )
- مفيش حد حيقدر يحدد ليه وولف اصرت على الاختيار ده .. هم ادرى بتركيبتهم .. و المواد العضويه اللى بيستعملوها فى تركيبه ال G12

لكن الاكيد هو وصفهم
G11
حمايه معتدله للالومنيوم
Formulated for use in all engines including those constructed from aluminium alloys

- حمايه متوسطه للتآكل
Anti-freeze properties: Very good low/high temperature performance.
Anti-corrosion properties: Adequate corrosion protection


G12
- حمايه خاصه للالومنيوم
Formulated for long-term use in all engines especially those constructed from aluminium, cast iron and
magnesium alloys

- حمايه متفوقه ضد التآكل
Anti-freeze properties: Superior cold temperature performance.
Anti-corrosion properties: Outstanding corrosion protection.
Total system protection: Excellent heat transfer and dispersion.


الخلاصه النهائيه
1- اما ان تثق فى وولف .. و ترضى بحمايه عاديه للالومنيوم .. و حمايه متوسطه للتآكل ( فى الالومنيوم طبعا ) .. و تستمر مع وولف ( علشان توفر 130 جم سنويا باجمالى 400 جم فى 3 سنوات ) .. لا اجبذ هذا

2- فلش كامل ( اساسى ) لانه مبنفعش حلول علشان ال Optimize .. و يكون باستعمال ميه مقطره .. ثم استعمال ميه موبيل الخضرا تركيز 33% .. مع ملاحظه انك ممكن تحتاج تغيرها مره تانيه علشان تظبط التركيز ( بسبب وجود 2 لتر ميه مقطره بعد انتهاء الفلش ) لان تركيز ميه موبيل قليل مبدئيا 33% .. او انك تلاقى انتى فريز موبيل مركز و تضيفه 50% مع الميه المقطره ( معرفش هل فى حاجه زى دى عند موبيل ام لا ) .. احبذ هذا

3- او انك تنقل على OAT .. ده اختبارك .. لا احبذ هذا

- لاحظ ان تكلفه الماء مقسمه على 3 او 4 سنين .. يعنى متوسطها السنوى بسيط جدا مقارنه بمصاريف العربيه المعتاده للصيانات

المشاركة الأصلية كتبت بواسطة tasaka

الاسم بيعبر عن استعمال ال Propylene glycol بدلا من ethylene glycol .. لانه قليل السميه و يعتبر نسبيا آآمن

النسبه بتكون 40 الى 60 .. حسب المناخ .. و الافضل 50 الى 50
عموما لو النسبه نقصت .. يبقى حتنقص مده بقاء الميه شويه ( فى OAT و HOAT )

ميه موبيل الحضرا HOAT فى موقع انجلترا كانت 50 و مدتها 3 سنين
يعنى تركيز 33 يبقى سنتين مثلا و دده الطبيعى عندنا .. عموما ده مجرد رأى و يحتاج بحث للتأكيد
و اكرر موبيل موش شركه صغيره و موش غبيه و موجوده فى مصر .. لو هو حط تركيز 33 .. يبقى حيكون كافى لحد متوسط من الحمايه على الاقل او افضل من ذلك
ميه اينوك الاماراتى شوفتها على الطبيعه من كام يوم .. نسبتها 30 بس

تدقيق

ده رابط الداتا شيت لميه موبيل الخضرا Mobil Coolant Extra Ready Mixed بره مصر
Mobil Coolant Extra Ready Mixed -24°C .

نسبه الخلط 36% فقط
مده الميه 3 سنوات
يعنى بكده ميه موبيل الخضرا اللى عندنا حتكون 3 مدتها سنين

obil Coolant Extra Ready Mixed -24°C is an extra performance coolant designed to provide efficient protection down to -24°C during winter condition. It is a ready to use product that has been premixed with 36% Mobil Antifreeze Extra and 64% water.Features and Benefits

Mobil Coolant Extra Ready Mixed -24°C was developed to protect car, truck and bus engines of both ferrous and aluminium construction against corrosion and frost damage. It contains a blend of inhibitors designed to give a high degree of corrosion protection to engine components such as radiators, cylinder blocks/heads and water pumps over a 3 years period.Mobil Coolant Ready Mixed is free of nitrites, amines and phosphates

ده مثال مبدئى عن التوافق بين المجموعات .. و لكن المره دى لنفس الشركه ..

يعنى نفس الشركه ممكن سوائل تبريدها تكون غير متوافقه .. الشركه موبيل .. السوائل HOAT ( ميه خضرا ) و OAT ( ميه روز او حمرا )

ده استنتاج من الجمله الاولى باللون الاحمر لداتا شيت ميه موبيل الخضرا HOAT ( انه بيمنع الخلط مع OAT اللى بيكون خالى من السيليكات)

لاحظ سائل تبريد موبيل الاحمر OAT خالى برضه من السيليكات .. يعنى طبقا للجمله بالاحمر لا استطيع خلط موبيل الاخضر HOAT مع موبيل الاحمر OAT


و بيحذر ان الخلط تركيبات الاضافات المختلفه .. قد يؤدى الى ابطال مفعول الاضافات و فقد الحمايه ضد التآكل

Pour into vehicle cooling system as recommended by vehicle manufacturer. Mobil Coolant Extra Ready Mixed -24° should not be mixed with silicate free, OAT engine coolants. Most coolant blends are based on carefully balanced mixtures of various corrosion inhibitors. Mixing of coolants with different inhibitor packages can lead to loss of corrosion protection.

مشاكل ديكس كول

https://www.youtube.com/watch?v=PbX4CuE8auY


ليه البعض بيفضلوا المدد القصيره لميه التبريد .. و الميه ال IAT

https://www.youtube.com/watch?v=imhEWFMDU68

تويوتا راف 2008
فيه مسمار لتصريف ماء البلوك نفسه

و بصفه عامه اللى اعرفه ان فيه طبات للبلوك فى اى عربيه .. بس طبعا لا اعتقد انه صح ازالتها من مكانها


https://www.youtube.com/watch?v=f6dMJfZ90dY