الجيم والحديد والرجيم والرشاقه والطخن

**max_ziro** · 19-09-2009 05:47 AM

يلاهوى دى مشكلة كبيرة جدا
انا كنت بلعب حديد لمدة 3 سنوات متواصلة يعنى ب الكتير كنت بطنش يوم او اتنين ف الاسبوع
و الحمد لله وصلت لاوزان كبيرة لدرجة انى انا و صحابى الى كانوا معايا كان بيطلق علينا لقب التيران ولاكن انا عشان قصير و جسمى مدملك زى مبيقولوا مكنش عاجبنى نفسى و انا منفوخ زيادة عن اللزوم و كمان الى زاد و غطى عندى جالى احتباس ف العصب ف منطقة الرستين و تحول موضوع العضل الزائد لمشكلة خطيرة و مزمنة و من ساعتها و انا بقيت برطة و قاعد ف البيت و اندرا مبروح التمرين و النفخة الى كنت فيها قلت و الحمد لله ولاكن انهالت على مشاكل من الى كنت بعملة و هى اجناب بشعة و كرش طبعا و برضو لسة منفوخ من فوق و مبقاش عاجبنى شكلى خالص بس الحمد لله طبعا و للاسف مبيأثرش فيا الحجات البسيطة عشان كنت بلعب هاى فتنس مع الحديد ف عشان احس انى جريت عايز اجريلى 3 كيلو ولا حاجة و طبعا قدرة النفس مش ماشية مع العضل و بقت الحياة كوسة ف ياريت محدش يقرص على نفسة فى التمرين عشان ميعملش زيي ..
الاعتدال جميل ياريت محدش يعمل زيي ..

**شريف** · 19-09-2009 12:51 PM

لازم لازم تغيير life style
مهما عملت و نزلت هترجع تانى مع الوقت زى ماكنت
لازم نغير الكسل و نستمر فى المحافظة على جسمنا
الناس ممكن تبدا بالمشى ساعة واحدة يوميا خطوة سريعة منتظمة
لو المكان مبيساعدش ممكن اى جيم فية جهاز تريدميل
بس لازم نستمر حتى بعد منكون رضينا على جسمنا
لازم الرياضة تكون جزء من حياتنا
حتى ساعة واحدة يوميا 6 ايام بالاسبوع
لازم نواضب على الرياضة

**itsonlyme** · 19-09-2009 05:53 PM

المشاركة الأصلية كتبت بواسطة sheno0o

بص يصحبي ربنا يباركلك انا كنت زيك وكنت بلبس اكتر وصلت لاني بلبس 60 الكلام ده قبل الحادثه وقبل ما صحبي يقرر يموتنا

المهم بعد الحادثه بقا في مسمار لازم اعمل حسابه كنت باكل ربع فول الصبح وربع فول بالليل

وساعات مباكلش ربع بالليل ده وفالغدا انا الي بغرف الرز لنفسي كان في عزيمه وباذن الله هبدا تاني من بعد العيد

الخلاصه خسيت من 130 كيلو نزلت بقيت 100 وفضلت سابت كتير على الوزن ده لغايه ما بدات اكبر دماغي اكيد زدت حوالي كده مش اقل من 8 كيلو المهم

انت صح وانا صح بس غلطك وجبه واحده لان الفطار مهم جدا بطل عشا وهكذا الف شكر ع ردك يصحبي ومنكن نبقا نتكلم نشجع بعض لو حابب موضوع التشجيع بيبقا مهم انا عارف

بلاش يا جماعة موضوع وجبة واحدة في اليوم.
غلط، أنت المفروض تاكل 5 وجبات صغيرة في اليوم.

لما بتاكل وجبة واحدة في اليوم بيبقى السكر في الدم واطي طول اليوم وفجأة يرتفع مع الوجبة (الي غالبا بتبقى وجبة كبيرة). ساعتها البنكرياس يضطر يفرز فجأة انسولين كتير في الدم وده مضر للبنكرياس. كمان فائض السكر يتحول لدهون. يعني هتتخن ويجيلك سكر كمان. لو نمت بعد الوجبة دي تبقى المصيبة أكبر.

أغلب الناس أساساً بتتخن بالطريقة دي. بيبقى شغال طول اليوم وياكل وجبة كبيرة لما يروح ويخش ينام.

المفروض تاكل 5 وجبات صغيرة في اليوم بحيث تكون نسبة السكر في الدم تقريباً ثابته طول اليوم. ده هيريح البنكرياس وبالتالي يقلل الفرص ان يجيلك مرض السكر وفي نفس الوقت مايبقاش في فائض فجأة في السكر يؤدي لتخزينه على صورة دهون.

طبعاً الوجبة الصغيرة يعني طبق سلطة. دي كده وحدها وجبة. طبق رز صغير قوي وشوية خضار. وهكذا ...

وأشرب ماية كتييييييييييييير.

**SheNo0o** · 20-09-2009 12:54 AM

المشاركة الأصلية كتبت بواسطة itsonlyme

بلاش يا جماعة موضوع وجبة واحدة في اليوم.
غلط، أنت المفروض تاكل 5 وجبات صغيرة في اليوم.

لما بتاكل وجبة واحدة في اليوم بيبقى السكر في الدم واطي طول اليوم وفجأة يرتفع مع الوجبة (الي غالبا بتبقى وجبة كبيرة). ساعتها البنكرياس يضطر يفرز فجأة انسولين كتير في الدم وده مضر للبنكرياس. كمان فائض السكر يتحول لدهون. يعني هتتخن ويجيلك سكر كمان. لو نمت بعد الوجبة دي تبقى المصيبة أكبر.

أغلب الناس أساساً بتتخن بالطريقة دي. بيبقى شغال طول اليوم وياكل وجبة كبيرة لما يروح ويخش ينام.

المفروض تاكل 5 وجبات صغيرة في اليوم بحيث تكون نسبة السكر في الدم تقريباً ثابته طول اليوم. ده هيريح البنكرياس وبالتالي يقلل الفرص ان يجيلك مرض السكر وفي نفس الوقت مايبقاش في فائض فجأة في السكر يؤدي لتخزينه على صورة دهون.

طبعاً الوجبة الصغيرة يعني طبق سلطة. دي كده وحدها وجبة. طبق رز صغير قوي وشوية خضار. وهكذا ...

وأشرب ماية كتييييييييييييير.

كلامك صح تماما انا كنت بعترض على كلامه انه غلط الوجبه الواحده انا كنت باكل عادي خالص ربع سندوتش صبح ووجبه الغدا رز قليل قوي مع الخضار ولو حته لحمه حته لو متحمرة اكل عادي جدا بس بتقليل وزياده حركه
ومبتعشاش ساعات باكل الربع بتاع بالليل وساعات لا