نصائح سائق جديد .. وخوفه قل شوية من موضوع السواقة .. والبركة فيكم تعلمونا الباقى

[Nanona2011]

السلام عليكم

انا كمان عندي استفسار ياريت نتكلم فيه بالتفصيل الا و هو القياده اثناء الليل

يعني انا لحد دلوقتي خايف اخرج بالعربيه بالليل و موش عارف ايه الاحتياطات اللي مفروض اعملها و كمان الانوار
امتى اشغل العالي و امتى اشغل الواطي

وحاجه بقه صعبه جدا وهي الركنه بالليل لما ارجع وع الاخذ في الاعتبار ان اماكن الركن غالبا بتكون ضيقه زي ما قلت و الرجوه بظهري

وشكرا

القيااااااادة اثناء الليل نشغل الضوء الامامي المنخفض و ده بيكشف لحد 30 متر للامام ومش نور فظيع زي الزينون والكلام الاوفر ده عشان بيصدع الي سايقين على الطريق
العالي لو طريق ظلام حالك جدا ومش قادرين نميز في ايه قدامنا او منطقة منورة بس مش عارفين نحدد ايه الي من بعيد
وفي الشبورة طبعا بنشغل ضوء منخفض
احتياطات ازاي؟! مفيش احتياطات غير التركيز واني مكلمش حد راكب جنبي وابص على الطريق كويس

الركنة بليل ضيقة وحضرتك بترجع بضهرك اذن نور خافت والمارشدير بالراحة جدا (على اقل من مهلك) ومفيش مشكلة عشان تظبط البوزيشين انك تتحرك للامام وترجع مارشدير تاني مرتين ولا حاجة عادي من وجهة نظري المهم الركنة تكون مظبوطة وامااااااااااان
وصبااااااااااااااح الخير عليكم كلكم

[lela]

هاى Nanona2011 و Quantum اخباركم ايه انا خرجت بالعربية باعتبارى مبتدئة سواقه ومشيت فى الزحمة فترة ودخلت البنزينة علشان امون وكانت اول مرة لوحدى ادخلها بس كانت تجربة انى احاول ادخل بالعربية فى المكان اللى فيه البنزين وكمان كان قريب من البيت مطب عالى جدا ما كنتش متخيله انى هعدى منه ازاى بس الحمد لله بشوية هدوء عديت ورجعت البيت هو الموضوع محتاج شوية جراة بس

اما بالنسبة للركن والخروج انا بركن فى جراج وعربيتى بين عربيتين بتسبب لى مشكلة فى الخروج ازاى هخرج كنت الاول بتحرج ان الناس من العمارات حولين الجراج بتبص عليا لكن شوية شوية ما بقاش يهمنى زى ما Nanona2011 قالت بالضبط علشان الواحد يتعلم لازم يعدى حاجات كتير وبالنسبة لرجوعى ودخول عربيتى الجراج بين العربيتين كانت اكبر المشاكل بالنسبة لى لانى بوقف الشارع كله لغاية ما ظهر العربية يدخل الجراج وابدا اضبط العربية بين العربيتن كنت محرجة بس محدش اشترى الشارع لنفسه وعلى فكرة انت شوية شوى هتعرف تركن كويس مع الوقت وربنا يوفقنا جميعا رمضان كريم

[lela]

اذيك يا استاذ حسين اخبار حضرتك ايه رمضان كريم ممكن اسال ليه حركة الفتيس فى الغيارات ثقيلة وسببه ايه وكمان فرامل اليد عندى مش بتشتغل السبب ايه

[A.Saad]

Nanona2011

موضوع رجلك على الدبرياج ممكن بعد فترة تلاقى رجلك سايقة وهيا مريحة عليه
وده مضر بمكوناته ويقلل من سحب العربية

المرايات
ياريت ترجعى للمشاركات الاقدم اللى الاستاذ حسين كتبها
انا فاكر انى اتعلمت منه نصيحة
كل فترة بص فى المرايا
وكمثال
العربيات الطائشة والموتسيكلات علشان اخد بالى منهم
ولو اضطريت كمان اعمل اى حركة مفاجئة كمفاداة سيارة او مار امامى
ابقى عارف تقريبا مين حولى
الباور ستيرنج مالوش دعوة انتى اوتو ولا مانيوال
والباوز مالوش دعوة كمان بعدد لفات الدركسيون
الباور ده نظام لتخفيف جهد تحريك الدركسيون وبس
لو عطل
الدركسيون اتقل
بنفس عدد اللفات

[Nanona2011]

هاى Nanona2011 و Quantum اخباركم ايه انا خرجت بالعربية باعتبارى مبتدئة سواقه ومشيت فى الزحمة فترة ودخلت البنزينة علشان امون وكانت اول مرة لوحدى ادخلها بس كانت تجربة انى احاول ادخل بالعربية فى المكان اللى فيه البنزين وكمان كان قريب من البيت مطب عالى جدا ما كنتش متخيله انى هعدى منه ازاى بس الحمد لله بشوية هدوء عديت ورجعت البيت هو الموضوع محتاج شوية جراة بس

اما بالنسبة للركن والخروج انا بركن فى جراج وعربيتى بين عربيتين بتسبب لى مشكلة فى الخروج ازاى هخرج كنت الاول بتحرج ان الناس من العمارات حولين الجراج بتبص عليا لكن شوية شوية ما بقاش يهمنى زى ما Nanona2011 قالت بالضبط علشان الواحد يتعلم لازم يعدى حاجات كتير وبالنسبة لرجوعى ودخول عربيتى الجراج بين العربيتين كانت اكبر المشاكل بالنسبة لى لانى بوقف الشارع كله لغاية ما ظهر العربية يدخل الجراج وابدا اضبط العربية بين العربيتن كنت محرجة بس محدش اشترى الشارع لنفسه وعلى فكرة انت شوية شوى هتعرف تركن كويس مع الوقت وربنا يوفقنا جميعا رمضان كريم

تمام يا lela هو ده المطلوب في الركنات و المارشدير
خدي وقتك وعطلي الشارع براحتك (وعذرا اعزائي الرجال) لما يقولو ايه البطيء ده دي لسة مبتدئة ايه العطلة دي احسن ما يقولو منه لله الي ركبك عربيه!!
واللي يبص يبص عادي اعتبريهم معجبين بموديل عربيتك

[Nanona2011]

nanona2011

موضوع رجلك على الدبرياج ممكن بعد فترة تلاقى رجلك سايقة وهيا مريحة عليه
وده مضر بمكوناته ويقلل من سحب العربية
[color="rgb(244, 164, 96)"]
اكيد محدش بيسوق ورجله طول الوقت عليه انا قصدي مريحة تحته او جنبة ايا كان المهم قريب منه عشان المبتدئين الي زينا بيتلبخو انا واحدة من الناس لما برتبك كنت بنسى الفرامل من البنزين ههههههههههه
[/color]
المرايات
ياريت ترجعى للمشاركات الاقدم اللى الاستاذ حسين كتبها
انا فاكر انى اتعلمت منه نصيحة
كل فترة بص فى المرايا
برضو صححححح بس كمبتدئين صعب يكاد يكون مستحيل انا وكذا حد من صحابي روحنا نتعلم وعانينا من نفس النقطة ففي البداية عشان نكسر حدة الخوف بنسوق في مكان اكيد مش زحمة

وكمثال
العربيات الطائشة والموتسيكلات علشان اخد بالى منهم
ولو اضطريت كمان اعمل اى حركة مفاجئة كمفاداة سيارة او مار امامى
ابقى عارف تقريبا مين حولى
طبعااااااا بس المرايات تعود

الباور ستيرنج مالوش دعوة انتى اوتو ولا مانيوال
والباوز مالوش دعوة كمان بعدد لفات الدركسيون
الباور ده نظام لتخفيف جهد تحريك الدركسيون وبس
لو عطل
الدركسيون اتقل
بنفس عدد اللفات

[color="rgb(244, 164, 96)"]??? مش عارفة انا لما سوقت مانيوال الدريكسيون كان تقيل 4 مرات اكتر من الاوتو
ثانيا الاوتو المدرب كان بيقولي بعدد اللفات وحركة العلامة الي فيه والله اعلى واعلم
[/color]

[husseinoo]

اذيك يا استاذ حسين اخبار حضرتك ايه رمضان كريم

كل سنة وحضرتك طيبة والاعضاء كلهم بخير والله اكرم

ممكن اسال ليه حركة الفتيس فى الغيارات ثقيلة وسببه ايه
بصراحة موش متأكد
لكن مبدأيا ... يا ريت تكشفى على زيت الفتيس ... او يفضل تغيير زيت الفتيس ... ممكن يكون ناقص او محتاج تغيير ... والله اعلم

وكمان فرامل اليد عندى مش بتشتغل السبب ايه
فرامل اليد بتعتمد على سلك من اسفل السيارة ... لازم اى صنايعى يكشف عليه ... ويركب السلك او يغيره بسلك جديد ... فرامل اليد مهمة جدا جدا جدا ... خصوصا اثناء التوقف على الاماكن العالية لمدة طويلة ... موش هاينفع افضل معلق العربية باستخدام الدبرياج ... النتيجة هاتكون موش كويسة على الاسطوانة والديسك والبلية "مجموعة نقل الحركة" ودى ثمنها غالى شوية حسب نوع العربية
لو عرفت حاجة بخصول ان حركة غيارات الفتيس ثقيلة هاكتب لحضرتك على طول

فى رعاية الله
مع اطيب التمنيات
اخوكم حسين غزالة

[falcon191]

تمام يا lela هو ده المطلوب في الركنات و المارشدير
خدي وقتك وعطلي الشارع براحتك (وعذرا اعزائي الرجال) لما يقولو ايه البطيء ده دي لسة مبتدئة ايه العطلة دي احسن ما يقولو منه لله الي ركبك عربيه!!
واللي يبص يبص عادي اعتبريهم معجبين بموديل عربيتك

عذرا..لما الناس بتشوف واحده سايقه و معطله الطريق بتكون التعلقات لازعه جدا جدا ، بس مطلوب شوية جرأة في البداية.
ادعو لي أعلم زوجتي السواقة بسرعة لأنها خايفة جدا

[lela]

هاى Falcon191 انا اتعودت على التعليقات ده كتير وكنت بتحرج منها وكلها تعليقات سخيفة وخصوصا انى كنت لسه مبتدئه لكن مع الوقت اتعودت انى مركزش مع حد
ثانيا خوف زوجتك مش هيكون اكثر منى انا لما كنت بعرف انى هنزل من البيت واركب العربية كنت بموت من الرعب بس قلت مفيش فايدة لاز اخرج والامر لله والخوف بدا يقل شوية شوية مش تقلق وربنا يكفينا شرها ورمضان كريم

[Nanona2011]

عذرا..لما الناس بتشوف واحده سايقه و معطله الطريق بتكون التعلقات لازعه جدا جدا ، بس مطلوب شوية جرأة في البداية.
ادعو لي أعلم زوجتي السواقة بسرعة لأنها خايفة جدا

عادي يا جماعة في ايه الحياة بيييييييس ما اعطل الطريق احسن ما اخبط طفل ولا شاب! سوري يعني وراهم ايه الناس مواعيدهم يعني ولا حياة ناس تانية وحياتهم وحياتي ثم الي مستعجل ينزل بدري والسرعات في طرق المدن معروفة هي مش 120 ولا 100 زي ما في ناس مبرمجة نفسها يعني!

الكلام اللازع يلزع اللي بينطق بيه
اصلا لما بسمع تعليقات من ناس دي بقول انها متغاظة مني
طيب احكيلكم موقف
مرة كنت سايقة عادي جدا في شارع زحمة شوية اشارة محمد علي
الناس كلها كسرت الاشارة الا عربيتين وحدة قدامي ووحدة جنبي
لقيت موتوسيكل والاشارة حمرا وفي راجل كبير ومراته وطفلين معاهم وبيعدو الطريق وعشان انا اكسر الاشارة عشان ابقا ماشية مع التيار وفانوسي ميتخبطش ادامي حاجة من اتنين يا اما هخبط في الناس لانهم على بعد 50 سنتي مني يا اما هخبط الموتوسيكل بالجنب!!
ولقيته بياخد غرزة من جنبي وخطبلي الفانوس الامامي وكانت عربية قريبتي فبصراحة كنت عاوزة اكسر دماغه
بس مسكت نفسي واكتفيت اني اقول استغفر الله العظيم وهصلحه على حسابي
لقيت شاب في عربية ورايا وشكله كان مستني حد يرخم عليه لما لاقاني سكتت قال دي غلبانه ياالله اشتغلها
الاشارة فتحت ومشينا انا في المراية لامحاه ورايا وحاسه انه بيصارع وسط الزحام ولسان حالي بيتساءل ده ماله بيستموتت وبيصارع ليه كده
كل ده وانا والله مفيش اي غلط عليا بل بالعكس
لقيته بطء جنبي وقفل الشارع وراه عشان يقولي بعلو صوته مش عارف ايه لزمتها البنات تسوق يعني و قال جملته دي وطااااااااااااار
كان نفسي اقوله انا سايقة ليه
انا مش سايقة دلع ولا مفاخرة
بسوق انا علشان انا والدي رجل كبير ومش بيعرف يروح مشوار من غير عربيتنا لانه عامل عمليات في عينيه ومش بيشوف كويس
سايقة لاني اخواتي مفيهومش حد بيتشجع انه يسوق وكلنا بنات
سايقة لاني بعملهم مشاويرهم كلها
ولان والدتي مريضة ومش بتتحمل زحام مواصلات
ثم اني من حقي اسوق زي زيك انت مش مواطن درجة اولى وانا درجة تانية بل بالعكس ممكن اكون احسن منك بحترم الناس على الاقل!
وكان من اكتر المواقف استفزازا ليا يعني تخيلو استفزاز كسرة الفانوس واستفزاز واحد ربنا يسامحة بجد!
فالمحترم محترم يا جماعة
و التعليقات اللازعه على نفسهم مش علينا
وبالمناسبة مبقتش بسكت لحد بس بحدود الادب
ولو حد رخم عليا وكسرلي فانوس ولا خبطني رخامه هخبطه رخامه بسس كدة !! عدل!!
هي مش حرب بس الي يخربشني اشوهه ايه البلطجة دي ههههههههههههههههههههه

[Nanona2011]

هاى Falcon191 انا اتعودت على التعليقات ده كتير وكنت بتحرج منها وكلها تعليقات سخيفة وخصوصا انى كنت لسه مبتدئه لكن مع الوقت اتعودت انى مركزش مع حد
ثانيا خوف زوجتك مش هيكون اكثر منى انا لما كنت بعرف انى هنزل من البيت واركب العربية كنت بموت من الرعب بس قلت مفيش فايدة لاز اخرج والامر لله والخوف بدا يقل شوية شوية مش تقلق وربنا يكفينا شرها ورمضان كريم

هي دي الروح المطلوبة يا جماعة انا شايفة انك يا lela كسرتي جواكي حواجز خوف كتيرة كانت موجودة من اسابيع مظبوط؟
لازم فعلا منركزش الا في الطريق و في سلامتنا وسلامة الناس!

والي هيتحرم الاشارات هنحترمه والي مش هيحترمها هنتجاهله عشان ده بالظبط زي الجاهل الي بيكلم دكتور جامعة وبيحاول يقنعة ان القمر اكبر من الارض!!!

او ان الزمالك في يوم هيغلب برشلونة
بهزر معاكو والضرب ممنوع

[Nanona2011]

نسيت اقولكو السواقة عاوزة شوية برود على شوية تناحة على شوية طناااااااااااش
بس هو ده الصححححححححححححح
على الاقل مع البناااااات

[falcon191]

مرة كنت سايقة عادي جدا في شارع زحمة شوية اشارة محمد علي

تعتبر بدايات سواقتي في بورسعيد حيث كنت أقيم في شارع محمد علي و حدث في مرة أنا أخذت عربية الشغل في مشوار وفوجئت أثناء خروج العاملين من الاستثمار أنه عند الرغبة للانحراف يمينا أو يسارا يجب لف الدركسيون قبلها بيوم لأن فيه مشكلة وبيلف شوية على الفاضي وطبعا وقفت صف عربيات ورايا وطبعا سمعت كلاكسات كأني في فرح بنت العمدة ، كنت هطلخبت وبعدين قلت منظري هيكون أوحش ، فأخدت وقت شوية وظبت العربية و مشيت. حقيقي مش هنسى اليوم ده

[Nanona2011]

تعتبر بدايات سواقتي في بورسعيد حيث كنت أقيم في شارع محمد علي و حدث في مرة أنا أخذت عربية الشغل في مشوار وفوجئت أثناء خروج العاملين من الاستثمار أنه عند الرغبة للانحراف يمينا أو يسارا يجب لف الدركسيون قبلها بيوم لأن فيه مشكلة وبيلف شوية على الفاضي وطبعا وقفت صف عربيات ورايا وطبعا سمعت كلاكسات كأني في فرح بنت العمدة ، كنت هطلخبت وبعدين قلت منظري هيكون أوحش ، فأخدت وقت شوية وظبت العربية و مشيت. حقيقي مش هنسى اليوم ده

هي التعليقات اللطيفة دي لازم منها
طيب النهاردة كانت في بنت سايقة ماتريكس وفي تاكسي داخل قدامها مخالف ووراها صف عربيات فاضطرت تستناه ينزل الناس وبعدين تمشي
الناس فضلو يضربو كلاكسات ويلا اتحرك يا عم وكدة
وحد وراها قال دي واحدة
وكانه بيقول هجوم
كلاكسات بغباء بقا من القافلة الي وراه
و تهزيق فيها من اليمين للشمال
انا كنت وقفة ع الارض قريب منها
كان هاين عليا والله اقول للناس مش ذنبها انها وحدة ده في تاكسي قدامها داخل مخالف وشارع ضيق اوي
بس عارفين هي فعلا تتساهل التعليقات دي عارفين ليه؟
عشان مخبطتش التاكسي الي داخل مخالف عشان يعرف ان الله حق ويبقا عبرة

مشكلتنا اننا مؤدبين يا جماعة ههههههههههههههههههه

[husseinoo]

هي التعليقات اللطيفة دي لازم منها
طيب النهاردة كانت في بنت سايقة ماتريكس وفي تاكسي داخل قدامها مخالف ووراها صف عربيات فاضطرت تستناه ينزل الناس وبعدين تمشي
الناس فضلو يضربو كلاكسات ويلا اتحرك يا عم وكدة
وحد وراها قال دي واحدة
وكانه بيقول هجوم
كلاكسات بغباء بقا من القافلة الي وراه
و تهزيق فيها من اليمين للشمال
انا كنت وقفة ع الارض قريب منها
كان هاين عليا والله اقول للناس مش ذنبها انها وحدة ده في تاكسي قدامها داخل مخالف وشارع ضيق اوي
بس عارفين هي فعلا تتساهل التعليقات دي عارفين ليه؟
عشان مخبطتش التاكسي الي داخل مخالف عشان يعرف ان الله حق ويبقا عبرة
:_alshmokh11::_alshmokh11::_alshmokh11::_alshmokh1 1:
مشكلتنا اننا مؤدبين يا جماعة ههههههههههههههههههه

السلام عليكم ورحمة الله وبركاته

كل سنة وحضرتك طيبة وكل الاعضاء بخير

انا طبعا مع حضرتك فى انكم مؤدبين جدا ... وده حقيقى
وده سبب عشان كل واحد مالوش لازمة يكلم براحته ... ويستظرف خصوصا لو كانت اللى سايقة السيارة سيدة ... لانه عارف كويس انها موش هاترد عليه

بالنسبة لموضوع الخوف من القيادة ومشاكل المبتدأين
كل المشاكل دى .... تقل بالتعليم الجيد ... وطبعا بالمواقف اللى بنشوفها فى الطريق

لكن طريقة التعامل مع المواقف اللى بنقابلها يتوقف على العلم والمعرفة
وكمان بالعلم والمعرفة فقط اعصابنا هاتكون هادئة إن شاء الله وكل شىء هايكون تمام

نرجع لموضوع التاكسى المتخلف اللى توقف وعطل الطريق
الموضوع ببساطة كالتالى :
اول ما اشوف تاكسى ... خصوصا التاكسى الابيض ... لازم اتعامل معاه ان "مسجل خطر" هههههههه واعتبره مجنون وتم اطلاقه من مستشفى المجانين فى الشارع ... وماحطوش فى دماغى خالص ... كل اللى اقدر عليه انى اوسع له الطريق إذا استطعت ... لكن موش على حسابى ... يعنى ماوسعش الطريق واعرض نفسى للخطر ... دى اول قاعدة

تانى حاجة لازم اتوقع من سائق التاكسى كل "البلاوى السودة" ... عشان كده يفضل عدم السير خلفه مباشرة

الخلاصة: لازم ابتعد عن السيارة التى امامى على قدر الامكان ... على الاقل اشاهد عجل السيارة الخلفى ... يعنى ما دام انت شايف عجل السيارة الخلفى للسيارة التى تسير امامك ... كل شىء هايكون تمام ... طبعا الكلام ده لو انت ماشى فى منطقة مزدحمة والسير فيها بشكل بطىء جدا

معلومة بسيطة: معروف ان عجل السيارة الامامى يتم "كسره" يمين او شمال .. بزاوية 45 درجة
يبقى لو حضرتك شايفة عجل السيارة التى تسير امامك بشكل جيد ...
فى الحالة دى بدون اى تردد او حسابات ... اكسرى الدركسيون على الآخر .. سوف تجدى ان السيارة بتعدى من السيارة التى امامك بدون مشاكل وبدون ان تصطدم بها

لكن طبعا
قبل ما اعمل المناورة دى لازم :
اعطى اشارة يمين اوشمال حسب المشكلة
انظر جيدا فى المراية
اول ما اجد فرصة ابدأ فى الخروج من السيارة التى امامى بلا تردد
وممكن اشاور بإيدى للسيارات القادمة من الخلف انى هاتحرك
واول ما مقدمة العربية تخرج من السيارة التى امامى
على طول
ابدأ فى "عدل العجل" على شكل مستقيم ... عشان العربية لا تتجه الى منتصف الشارع بشكل حاد وخطر

طبعا لو كانت المسافة بينك وبين السيارة التى امامك كافية .. العملية دى هاتم بشكل ممتاز وسهل
اما لو كان مافيش مسافة كافية وضيقة ... كده هاتسمعى كلاكسات للصبح وكلام ملوش لازمة

طبعا ممكن الواحد يتوقع متى تتوقف السيارة التى امامى ... اذا نظرت من خلال زجاج السيارة التى امامك على السيارات الاخرى التى تسير فى الشارع

لدرجة انه ممكن سيارة تتوقف فى مكان بعيد مثلا فى الحارة الاولى ... وتتسبب فى ان السيارات فى الحارة الثالثة مثلا تتوقف من شدة الزحام
فى الحالة دى لازم الواحد لا ينظر امامه فقط
ولا ينظر امامه على السيارات التى امام السيارة التى تسير امامه فقط
لكن
لازم ينظر فى الشارع كله
دائما ينظر ويفحص ويتوقع كل شىء

ده اتوبيس بيتحرك شمال عشان يعدى من سيارة ملاكى
يبقى هايعمل مشكلة بعد قليل
يبقى اهدى نفسى شوية ومافيش داعى احشر نفسى بجواره
وبعد قليل يحصل اللى انت متوقعه

الموضوع كبير ومحتاج تدريب وفهم

وربنا يسترها مع الجميع

كل سنة واتم طيبين

مع اطيب التمنيات
اخوكم حسين غزالة