نصائح سائق جديد .. وخوفه قل شوية من موضوع السواقة .. والبركة فيكم تعلمونا الباقى

[Nanona2011]

السلام عليكم ورحمة الله وبركاته

كل سنة وحضرتك طيبة وكل الاعضاء بخير

انا طبعا مع حضرتك فى انكم مؤدبين جدا ... وده حقيقى
وده سبب عشان كل واحد مالوش لازمة يكلم براحته ... ويستظرف خصوصا لو كانت اللى سايقة السيارة سيدة ... لانه عارف كويس انها موش هاترد عليه

بالنسبة لموضوع الخوف من القيادة ومشاكل المبتدأين
كل المشاكل دى .... تقل بالتعليم الجيد ... وطبعا بالمواقف اللى بنشوفها فى الطريق

لكن طريقة التعامل مع المواقف اللى بنقابلها يتوقف على العلم والمعرفة
وكمان بالعلم والمعرفة فقط اعصابنا هاتكون هادئة إن شاء الله وكل شىء هايكون تمام

نرجع لموضوع التاكسى المتخلف اللى توقف وعطل الطريق
الموضوع ببساطة كالتالى :
اول ما اشوف تاكسى ... خصوصا التاكسى الابيض ... لازم اتعامل معاه ان "مسجل خطر" هههههههه واعتبره مجنون وتم اطلاقه من مستشفى المجانين فى الشارع ... وماحطوش فى دماغى خالص ... كل اللى اقدر عليه انى اوسع له الطريق إذا استطعت ... لكن موش على حسابى ... يعنى ماوسعش الطريق واعرض نفسى للخطر ... دى اول قاعدة

تانى حاجة لازم اتوقع من سائق التاكسى كل "البلاوى السودة" ... عشان كده يفضل عدم السير خلفه مباشرة

الخلاصة: لازم ابتعد عن السيارة التى امامى على قدر الامكان ... على الاقل اشاهد عجل السيارة الخلفى ... يعنى ما دام انت شايف عجل السيارة الخلفى للسيارة التى تسير امامك ... كل شىء هايكون تمام ... طبعا الكلام ده لو انت ماشى فى منطقة مزدحمة والسير فيها بشكل بطىء جدا

معلومة بسيطة: معروف ان عجل السيارة الامامى يتم "كسره" يمين او شمال .. بزاوية 45 درجة
يبقى لو حضرتك شايفة عجل السيارة التى تسير امامك بشكل جيد ...
فى الحالة دى بدون اى تردد او حسابات ... اكسرى الدركسيون على الآخر .. سوف تجدى ان السيارة بتعدى من السيارة التى امامك بدون مشاكل وبدون ان تصطدم بها

لكن طبعا
قبل ما اعمل المناورة دى لازم :
اعطى اشارة يمين اوشمال حسب المشكلة
انظر جيدا فى المراية
اول ما اجد فرصة ابدأ فى الخروج من السيارة التى امامى بلا تردد
وممكن اشاور بإيدى للسيارات القادمة من الخلف انى هاتحرك
واول ما مقدمة العربية تخرج من السيارة التى امامى
على طول
ابدأ فى "عدل العجل" على شكل مستقيم ... عشان العربية لا تتجه الى منتصف الشارع بشكل حاد وخطر

طبعا لو كانت المسافة بينك وبين السيارة التى امامك كافية .. العملية دى هاتم بشكل ممتاز وسهل
اما لو كان مافيش مسافة كافية وضيقة ... كده هاتسمعى كلاكسات للصبح وكلام ملوش لازمة

طبعا ممكن الواحد يتوقع متى تتوقف السيارة التى امامى ... اذا نظرت من خلال زجاج السيارة التى امامك على السيارات الاخرى التى تسير فى الشارع

لدرجة انه ممكن سيارة تتوقف فى مكان بعيد مثلا فى الحارة الاولى ... وتتسبب فى ان السيارات فى الحارة الثالثة مثلا تتوقف من شدة الزحام
فى الحالة دى لازم الواحد لا ينظر امامه فقط
ولا ينظر امامه على السيارات التى امام السيارة التى تسير امامه فقط
لكن
لازم ينظر فى الشارع كله
دائما ينظر ويفحص ويتوقع كل شىء

ده اتوبيس بيتحرك شمال عشان يعدى من سيارة ملاكى
يبقى هايعمل مشكلة بعد قليل
يبقى اهدى نفسى شوية ومافيش داعى احشر نفسى بجواره
وبعد قليل يحصل اللى انت متوقعه

الموضوع كبير ومحتاج تدريب وفهم

وربنا يسترها مع الجميع

كل سنة واتم طيبين

مع اطيب التمنيات
اخوكم حسين غزالة

السلام عليكم
استاذ حسين بجد طريقة حضرتك روعة والله ونصائح تحفة ولازم نحطها جميعا حلقة في وداننا
:b4_556::b4_556::b4_556:
وفعلا صدقت لما قولت
الموضوع كبير ومحتاج تدريب ووعي وتيقظ
يارب يكفينا جميعا شر الطريق ويجعلنا قائدين وليس سائقين:b4_556::b4_556::b4_556::b4_556:

[Quantum]

السلام عليكم

اسف على التأخير
انا فعلا بقيت لما اقرب من مكان الركن انقل على الاول حتى لو الطريق ممهد
انا بسوق بقالي بالضبط شهرين
مشكلتي الوحيده دلوقتي الركنه علشان ببساطه دي الحاجه الوحيده اللي صعب تتدربي عليها فعليا و التجربه بتيجي بالممارسه العمليه
ولاني حكيت في عربيتين وانا بركن(واحده منهم BMW)
حرمت اركن الا في مكان فاضي حتى لو بعيد

النهارده جربت اركن بين عربيتين موازي للرصيف و عملت زي ما اتقال هنا في الموضوع بس برده ماظبطتش معايا تماما
وفي الاخر بعد تعب و عرق رحت ركنت بعيدفي مكان فاضي

وشكرا

عليكم السلام

حضرتك متمشيش على الغيار التاني وانت بتركن لا امشي على الاول ولو اوتو دوس بنزين همسة صغيرة وبفرملة خفيفة تبطء يعني امشي بالراحة كأنك ماشي فوق منطقة مش ممهدة كويس على اقل من مهلك ولما توصل لقرب مناسب ابدأ اركن
ثانيا شكلك مش وحش وانت بتطلع قدام وترجع ورا سوري في التعبير محدش اشترى الشارع بفلوسه اهم حاجة نقطتين انك مش تعطل الطريق تاني شيء ان حضرتك تضمن سلامتك اولا وسلامة العربية ثانيا

و كمان انا على فكرة مبتدئة جدا جدا ومعلوماتي بسيطة اوي بس مش بيهمني اني اغلط طالما اخطاء مش هتضر حد و بعدين لازم نكون مركزين وكل شيء بالتدريب هيبقا تلقائي بعد كدة انا بعد اول حصتين تعليم ركنات لقيتني حفظت ابعاد العربية شوية وبدات اركن في حتت ضيقة وواسعة وبفضل الله كله بسيط

ممكن حضرتك تقولنا حضرتك بتسوق من اد ايه؟!

[Quantum]

السلام عليكم

انا اول مره رحت البنزينه جننت الراجل
دخلت على الناحيه عكس مكان التنك عندي و الراجل عمال يقولي طب اعدل نفسك
اقول له يعني اعمل ايه ؟ يقولي التانك بعيد اعدل نفسك المهم ربنا سهلها
بعد كده بقيت لازم ادخل في الناحيه الاقرب حتى لو عليها عدد سيارات اكتر

هاى Nanona2011 و Quantum اخباركم ايه انا خرجت بالعربية باعتبارى مبتدئة سواقه ومشيت فى الزحمة فترة ودخلت البنزينة علشان امون وكانت اول مرة لوحدى ادخلها بس كانت تجربة انى احاول ادخل بالعربية فى المكان اللى فيه البنزين وكمان كان قريب من البيت مطب عالى جدا ما كنتش متخيله انى هعدى منه ازاى بس الحمد لله بشوية هدوء عديت ورجعت البيت هو الموضوع محتاج شوية جراة بس

اما بالنسبة للركن والخروج انا بركن فى جراج وعربيتى بين عربيتين بتسبب لى مشكلة فى الخروج ازاى هخرج كنت الاول بتحرج ان الناس من العمارات حولين الجراج بتبص عليا لكن شوية شوية ما بقاش يهمنى زى ما Nanona2011 قالت بالضبط علشان الواحد يتعلم لازم يعدى حاجات كتير وبالنسبة لرجوعى ودخول عربيتى الجراج بين العربيتين كانت اكبر المشاكل بالنسبة لى لانى بوقف الشارع كله لغاية ما ظهر العربية يدخل الجراج وابدا اضبط العربية بين العربيتن كنت محرجة بس محدش اشترى الشارع لنفسه وعلى فكرة انت شوية شوى هتعرف تركن كويس مع الوقت وربنا يوفقنا جميعا رمضان كريم

[Quantum]

السلام عليكم

انا حرمت اهتم بالناس اللي بقعد تزعق وتضرب كلاكس والحركات دي علشان يكسب نص متر و لا يسبق و يوفر دقيقتين علشان انا كنت هاتسبب في حادثه مره لان واحد قعد يدي كلاكس علشان كنت سايب مسافه بيني و بين السياره الي قدامي وقلت اريحه بس كانت هاتيجي على دماغي انا

[QUOTE=Nanona2011;3873737590]عادي يا جماعة في ايه الحياة بيييييييس ما اعطل الطريق احسن ما اخبط طفل ولا شاب! سوري يعني وراهم ايه الناس مواعيدهم يعني ولا حياة ناس تانية وحياتهم وحياتي ثم الي مستعجل ينزل بدري والسرعات في طرق المدن معروفة هي مش 120 ولا 100 زي ما في ناس مبرمجة نفسها يعني!

الكلام اللازع يلزع اللي بينطق بيه
اصلا لما بسمع تعليقات من ناس دي بقول انها متغاظة مني
طيب احكيلكم موقف
مرة كنت سايقة عادي جدا في شارع زحمة شوية اشارة محمد علي
الناس كلها كسرت الاشارة الا عربيتين وحدة قدامي ووحدة جنبي
لقيت موتوسيكل والاشارة حمرا وفي راجل كبير ومراته وطفلين معاهم وبيعدو الطريق وعشان انا اكسر الاشارة عشان ابقا ماشية مع التيار وفانوسي ميتخبطش ادامي حاجة من اتنين يا اما هخبط في الناس لانهم على بعد 50 سنتي مني يا اما هخبط الموتوسيكل بالجنب!!
ولقيته بياخد غرزة من جنبي وخطبلي الفانوس الامامي وكانت عربية قريبتي فبصراحة كنت عاوزة اكسر دماغه
بس مسكت نفسي واكتفيت اني اقول استغفر الله العظيم وهصلحه على حسابي
لقيت شاب في عربية ورايا وشكله كان مستني حد يرخم عليه لما لاقاني سكتت قال دي غلبانه ياالله اشتغلها
الاشارة فتحت ومشينا انا في المراية لامحاه ورايا وحاسه انه بيصارع وسط الزحام ولسان حالي بيتساءل ده ماله بيستموتت وبيصارع ليه كده
كل ده وانا والله مفيش اي غلط عليا بل بالعكس
لقيته بطء جنبي وقفل الشارع وراه عشان يقولي بعلو صوته مش عارف ايه لزمتها البنات تسوق يعني و قال جملته دي وطااااااااااااار
كان نفسي اقوله انا سايقة ليه
انا مش سايقة دلع ولا مفاخرة
بسوق انا علشان انا والدي رجل كبير ومش بيعرف يروح مشوار من غير عربيتنا لانه عامل عمليات في عينيه ومش بيشوف كويس
سايقة لاني اخواتي مفيهومش حد بيتشجع انه يسوق وكلنا بنات
سايقة لاني بعملهم مشاويرهم كلها
ولان والدتي مريضة ومش بتتحمل زحام مواصلات
ثم اني من حقي اسوق زي زيك انت مش مواطن درجة اولى وانا درجة تانية بل بالعكس ممكن اكون احسن منك بحترم الناس على الاقل!
وكان من اكتر المواقف استفزازا ليا يعني تخيلو استفزاز كسرة الفانوس واستفزاز واحد ربنا يسامحة بجد!
فالمحترم محترم يا جماعة
و التعليقات اللازعه على نفسهم مش علينا
وبالمناسبة مبقتش بسكت لحد بس بحدود الادب
ولو حد رخم عليا وكسرلي فانوس ولا خبطني رخامه هخبطه رخامه بسس كدة !! عدل!!
هي مش حرب بس الي يخربشني اشوهه
امال لو حرب بقه هاتعملي ايه

[lela]

[QUOTE=Quantum;3873752203]السلام عليكم

انا حرمت اهتم بالناس اللي بقعد تزعق وتضرب كلاكس والحركات دي علشان يكسب نص متر و لا يسبق و يوفر دقيقتين علشان انا كنت هاتسبب في حادثه مره لان واحد قعد يدي كلاكس علشان كنت سايب مسافه بيني و بين السياره الي قدامي وقلت اريحه بس كانت هاتيجي على دماغي انا

عادي يا جماعة في ايه الحياة بيييييييس ما اعطل الطريق احسن ما اخبط طفل ولا شاب! سوري يعني وراهم ايه الناس مواعيدهم يعني ولا حياة ناس تانية وحياتهم وحياتي ثم الي مستعجل ينزل بدري والسرعات في طرق المدن معروفة هي مش 120 ولا 100 زي ما في ناس مبرمجة نفسها يعني!

الكلام اللازع يلزع اللي بينطق بيه
اصلا لما بسمع تعليقات من ناس دي بقول انها متغاظة مني
طيب احكيلكم موقف
مرة كنت سايقة عادي جدا في شارع زحمة شوية اشارة محمد علي
الناس كلها كسرت الاشارة الا عربيتين وحدة قدامي ووحدة جنبي
لقيت موتوسيكل والاشارة حمرا وفي راجل كبير ومراته وطفلين معاهم وبيعدو الطريق وعشان انا اكسر الاشارة عشان ابقا ماشية مع التيار وفانوسي ميتخبطش ادامي حاجة من اتنين يا اما هخبط في الناس لانهم على بعد 50 سنتي مني يا اما هخبط الموتوسيكل بالجنب!!
ولقيته بياخد غرزة من جنبي وخطبلي الفانوس الامامي وكانت عربية قريبتي فبصراحة كنت عاوزة اكسر دماغه
بس مسكت نفسي واكتفيت اني اقول استغفر الله العظيم وهصلحه على حسابي
لقيت شاب في عربية ورايا وشكله كان مستني حد يرخم عليه لما لاقاني سكتت قال دي غلبانه ياالله اشتغلها
الاشارة فتحت ومشينا انا في المراية لامحاه ورايا وحاسه انه بيصارع وسط الزحام ولسان حالي بيتساءل ده ماله بيستموتت وبيصارع ليه كده
كل ده وانا والله مفيش اي غلط عليا بل بالعكس
لقيته بطء جنبي وقفل الشارع وراه عشان يقولي بعلو صوته مش عارف ايه لزمتها البنات تسوق يعني و قال جملته دي وطااااااااااااار
كان نفسي اقوله انا سايقة ليه
انا مش سايقة دلع ولا مفاخرة
بسوق انا علشان انا والدي رجل كبير ومش بيعرف يروح مشوار من غير عربيتنا لانه عامل عمليات في عينيه ومش بيشوف كويس
سايقة لاني اخواتي مفيهومش حد بيتشجع انه يسوق وكلنا بنات
سايقة لاني بعملهم مشاويرهم كلها
ولان والدتي مريضة ومش بتتحمل زحام مواصلات
ثم اني من حقي اسوق زي زيك انت مش مواطن درجة اولى وانا درجة تانية بل بالعكس ممكن اكون احسن منك بحترم الناس على الاقل!
وكان من اكتر المواقف استفزازا ليا يعني تخيلو استفزاز كسرة الفانوس واستفزاز واحد ربنا يسامحة بجد!
فالمحترم محترم يا جماعة
و التعليقات اللازعه على نفسهم مش علينا
وبالمناسبة مبقتش بسكت لحد بس بحدود الادب
ولو حد رخم عليا وكسرلي فانوس ولا خبطني رخامه هخبطه رخامه بسس كدة !! عدل!!
هي مش حرب بس الي يخربشني اشوهه
امال لو حرب بقه هاتعملي ايه

السلام عليكم
اخباركم ايه عادى متركزيش مع الناس لان كل واحد بيسوق دلوقتى فاكر نفسه انه طيار او مولود معاه رخصة سواقة وحمار سواقة زى البرنامج اللى فى رمضان انا حصلى موقف اخذت العربية وخرجت انا واخواتى فى طريق الهرم والحمد لله كان اليوم كويس وعدى على سلام وده كانت اول مرة اخرج مشوار طويل وبعيد زى ده وانا نازلة من الكوبرى الهرم على الجيزة الطبيعى ان الواحد بيهدى وخصوصا لو قابلك مطب ده كانت مشكلة لانى هديت كانت الراجل اللى ورايا مستعجل قوى وعمال يضرب كلاكسات مع انى مش يطيئة ولقيته عدى من جنبى وقالى لما ما بتعرفيش تسوقى بتسوقى ليه وتركبيها طبعا قليل الذوق والمشكلة انه مش من القاهرة ده من بنى سويف وجاى يشتمنا هنا بالذمة مش قلة ذوق بس كان عادى بالنسبة لى وما ردتش عليه لانه قليل الذوق ناس كتيرة ما بقتش بتعرف الذوق ولا الاحترام احنا محتاجين نغير اسلوب الناس مش نغير البلد واللى فيها

[A.Saad]

اللى عايز يمشى براحته ده حقه
لكن لاحظوا ان اليمين للبطيئ
يعنى مثلا النقل على الصحاروى ببمشى يمين بيكون الطريق كويس
يمشى شمال الطريق يقف ويعمل ازمة

غير ان تخطى عربية تانية من يمينك خطر على الكل
لان السواقى اللى بيتخطى بيكون مش شايف حاجة موجودة فى يمين اللى قدامه

[prof1990]

أنا أن شاء الله ناوي أجيب عربيه جديده بس هروح أتعلم سواقه الاول في أماكن تعليم السواقه

بس انا كنت بفكر أجيب عربيه زي مازدا 3 أو سيفيك بس كله قعد يخوفني جدا من أني أشتري عربيه من الفئه ديه علشان خاطر مخبطهاش و أندم عليها و أزعل و أنا مش ناوي خالص أن شاء الله أشتري مستعمل

فا أيه نصيحتكم ليا أنا كنت ناول أتعلم كورس كبير شويه بحيس أنه يعلمني كويس و كل حاجه و أمارس عليه و لما أجيب العربيه أبقي أنزل الفجر ولا حاجه أمارس شويه و حبه حبه أبقي تمام

عايز رأي أهل الخبره من فضلكم

[Nanona2011]

[QUOTE=lela;3873752370]

السلام عليكم

انا حرمت اهتم بالناس اللي بقعد تزعق وتضرب كلاكس والحركات دي علشان يكسب نص متر و لا يسبق و يوفر دقيقتين علشان انا كنت هاتسبب في حادثه مره لان واحد قعد يدي كلاكس علشان كنت سايب مسافه بيني و بين السياره الي قدامي وقلت اريحه بس كانت هاتيجي على دماغي انا



السلام عليكم
اخباركم ايه عادى متركزيش مع الناس لان كل واحد بيسوق دلوقتى فاكر نفسه انه طيار او مولود معاه رخصة سواقة وحمار سواقة زى البرنامج اللى فى رمضان انا حصلى موقف اخذت العربية وخرجت انا واخواتى فى طريق الهرم والحمد لله كان اليوم كويس وعدى على سلام وده كانت اول مرة اخرج مشوار طويل وبعيد زى ده وانا نازلة من الكوبرى الهرم على الجيزة الطبيعى ان الواحد بيهدى وخصوصا لو قابلك مطب ده كانت مشكلة لانى هديت كانت الراجل اللى ورايا مستعجل قوى وعمال يضرب كلاكسات مع انى مش يطيئة ولقيته عدى من جنبى وقالى لما ما بتعرفيش تسوقى بتسوقى ليه وتركبيها طبعا قليل الذوق والمشكلة انه مش من القاهرة ده من بنى سويف وجاى يشتمنا هنا بالذمة مش قلة ذوق بس كان عادى بالنسبة لى وما ردتش عليه لانه قليل الذوق ناس كتيرة ما بقتش بتعرف الذوق ولا الاحترام احنا محتاجين نغير اسلوب الناس مش نغير البلد واللى فيها

صح الكلالالالالالالالام

[ahmedaglan]

بالتوفيق

[husseinoo]

أنا أن شاء الله ناوي أجيب عربيه جديده بس هروح أتعلم سواقه الاول في أماكن تعليم السواقه

ده كلام مضبوط ... وعلى فكرة موش شرط مدارس القيادة تعلمك مضبوط .... يعنى ممكن اى صديق بيفهم كويس يعلمك ... او سائق تاكسى محترم ممكن يعلمك ... المهم انك تشعر بالإستفادة ... الشىء الوحيد المتوفر فى مدارس القيادة وبيكون مفيد فعلا ... هو تواجد الاقماع الخاصة بالمرور والتدريب على اختبار القيادة ... خلاف كده اهم حاجة هو المعلم انه يكون فاهم عشان يقدر يوصلك المعلومة بدون عصبية وبشكل سهل وبسيط

بس انا كنت بفكر أجيب عربيه زي مازدا 3 أو سيفيك بس كله قعد يخوفني جدا من أني أشتري عربيه من الفئه ديه علشان خاطر مخبطهاش و أندم عليها و أزعل و أنا مش ناوي خالص أن شاء الله أشتري مستعمل

هو فى الاول والآخر كل شىء نصيب ... يعنى موضوع الخبطات فى العربية ده احنا موش بإيدينا حاجة ... انت تتوكل على الله وتشترى العربية اللى تعجبك ... لكن بالنسبة للمبتدأين فى القيادة ... بيكون الافضل لهم السيارات الصغيرة .... من 900 الى 1000 سى سى ... سهلة فى القيادة .. وحجمها صغير ... ومفيدة جدا خصوصا لو اللى هايركبها هايكون فى الغالب لوحده وموش هايركب حد معاه ... وموفرة فى البنزين طبعا ... وموضوع البنزين ده يظهر فى شوارع المحروسة المزدحمة ... خصوصا لو كانت المشاوير كثير ... وحجم العربية الصغير بيسهل المشى فى الزحام بدون اى مشاكل وفى منتهى الجمال ... اما لو كان هايركب معاك ناس كثير وبشكل مستمر والموضوع فيه سفر ومشاوير كبيرة ... يبقى الافضل طبعا تكون العربية كبيرة و الاحسن تكون 1600 سى سى وابعد عن الـ 1300 سى سى

فا أيه نصيحتكم ليا أنا كنت ناول أتعلم كورس كبير شويه بحيس أنه يعلمني كويس و كل حاجه و أمارس عليه و لما أجيب العربيه أبقي أنزل الفجر ولا حاجه أمارس شويه و حبه حبه أبقي تمام

عايز رأي أهل الخبره من فضلكم

طبعا خلاصة الكلام: التدريب ثم التدريب ثم التدريب
يعنى طبعا موش معقولة تشترى سيارة ثمنها كبير جدا ... ربنا يبارك لحضرتك فيها مقدما ويسترها معاك
موش معقولة تشترى سيارة غالية ... وتستخسر تتعلم كويس
يعنى الحصة فى الغالب بتكون بحوالى 25 جنيه مثلا
تشوف انت محتاج كام حصة
وتصبر شوية مع اللى بيعلمك خصوصا لو انت حاسس بالإستفادة من المعلم ولو حاسس انه تعبان على طول تغيره ... ومافيش داعى تدفع له حسابه بالكامل ... لان جربه الاول حصة او حصتين ... لو وجدته انسان فاهم وبيوصل المعلومة كويس ... خلاص استمر معاه ... لو وجدته تعبان وعصبى وموش فاهم حاجة ... على طول غيره بواحد تانى

المهم تاخد معاه حصص كثير قوى ... مافيش اى مشاكل
المهم انك بعد التدريب
تنزل الشارع معلم
وبمنتهى الثقة تركب اى عربية تعجبك ... جديدة ... قديمة ... مانيوال ... اوتوماتيك ... مافيش اى مشاكل
وطبعا هاتحافظ عليها لانك هاتكون اتعلمت كويس جدا
لكن التعليم الكويس هايحتاج فلوس ... وهايحتاج صبر ... وهايحتاج حصص كثير
سيبك من اللى بيقول خد لك 5 او 6 حصص واتعلم على الباقى على عربيتك

لا طبعا

فانوس واحد من عربيتك .... بثمن الكورس المحترم اللى كان لازم تاخده
مراية واحدة من عربيتك ... بثمن الكورس
يعنى من الآخر ... تاخد 20 حصة او اكثر اذا لزم الامر ... وطبعا موش على عربيتك حتى ولو تعدى ثمن التدريبة الـ 500 جنيه او اكثر


والنتيجة إن شاء الله هاتكون ممتازة

المهم آخر حاجة تركبها عربيتك ... بعد ما تكون وصلت الى مرحلة ممتازة
مافيش خوف
فيه ثقة
فيه تركيز
فيه فهم وعلم
وشعور جيد ومافيش اى رهبة
وكل شىء يكون تمام التمام

وكل سنة وحضرتك طيب
مع اطيب التمنيات
اخوكم حسين غزالة

[lela]

[QUOTE=prof1990;3873754484]أنا أن شاء الله ناوي أجيب عربيه جديده بس هروح أتعلم سواقه الاول في أماكن تعليم السواقه

بس انا كنت بفكر أجيب عربيه زي مازدا 3 أو سيفيك بس كله قعد يخوفني جدا من أني أشتري عربيه من الفئه ديه علشان خاطر مخبطهاش و أندم عليها و أزعل و أنا مش ناوي خالص أن شاء الله أشتري مستعمل

فا أيه نصيحتكم ليا أنا كنت ناول أتعلم كورس كبير شويه بحيس أنه يعلمني كويس و كل حاجه و أمارس عليه و لما أجيب العربيه أبقي أنزل الفجر ولا حاجه أمارس شويه و حبه حبه أبقي تمام

عايز رأي أهل الخبره من فضلكم[/QUO

السلام عليكم من خلال نصيحتى كسائق مبتدء انك تجيب عربية used الاول علشان تتعلم فيها علشان فى بداية التعليم ممكن تكسر حاجة او تتخبط وكمان اتعلم الاول فى مكان تعليم يكون المدرب كويس جدا لانه تعليماته هى اللى هتبقى معاك وبتمشى بيها وخد وقتك ومش تستعجل علشان تتعلم كويس وربنا معاك

[lela]

كلام حضرتك كله مضبوط لان ده اللى انا عملته بالضبط بس المشكلة كانت فى الخوف والقلق ومع الوقت بيروح شوية شوية

[lela]

السلام عليكم اذيك يا استاذ حسين كل سنة وحضرتك طيب بمناسبة عيد الفطر المبارك اعادة الله على كل اعضاء المنتدى بالخير والسعادة

عايزة اسال حضرتك بخصوص البوجيهات ازاى اعرف انها محتاجة تتغير وهل كل عربية ليها نوع معين وبتاثر على ايه فى العربية وهى لما تكون الصامولة من اعلى لونها احمر تبقى محتاجة تتغير زى لما عرفت ولا ايه
وسؤال ثانى عندى عداد الكيلو متر كان فى الاول مكتوب العربية مشيت قد ايه دلوقتى اتغير لحاجة تانى خالص عايزة اعرف السبب ايه

[husseinoo]

بسم الله الرحمن الرحيم


تغيير المكان من حارة الى حارة اخرى

قبل تغير مكانك من حارة الى حارة اخرى يجب ان تراعى التالى:

- اختيار الوقت المناسب لنقل السيارة الى حارة اخرى ... يعنى موش بمجرد انك فكرت تنقل سيارتك الى حارة اخرى ... تقوم تنقل سيارتك على طول او فى اى وقت

- المفروض انك لا تخفض من سرعة سيارتك اثناء الانتقال من حارة الى اخرى ... فى الحالة دى سوف تصطدم السيارات المسرعة من الخلف بسيارتك .... لازم تجارى سرعة السيارات فى الحارة التى ترغب فى الانتقال اليها .... تلاحظ ان الكثير من المشاكل تكون بسبب ان السيارة التى دخلت امامك من حارة اخرى ... كانت تسير بسرعة بطيئة ومرة واحدة تظهر امامك فى الحارة التى تسير فيها .... وتنتظر ... وتضرب كلاكسات ... ياعم اتحرك .... ههههههههه ... يا عم اعمل معروف .... هههههههههههههه ابوس ايدك ... "شد شوية" الله يكرمك ... وفى الآخر "بوووووووووووووم" يحدث الغير متوقع اصطدام من الخلف ... كل ده لان الباشا على سبيل المثال نقل نفسه فى حارة سريعة وهو اساسا ماشى بطىء .... وينظر فى المراية لا يجد اى سيارة خلفه ... ومرة واحدة وفى ثانية واحدة تجد سيارة مسرعة جدا خلفك ... ولا يتوقع احد انه يجد سيارة بطيئة اساسا تسير فى هذه الحارة ... والنتيجة مؤسفة ... والسبب قد يكون عدم م وجود خبرة ... او الاستاذ بيتكلم فى الموبايل ومشغول ... او اى حاجة سخيفة من اللى انتم عارفينها



- لازم تفحص حركة المرور حول سيارتك ... خصوصا فى المنطقة العمياء من السيارة ... انظر جيدا قبل ما تنقل نفسك ... لو كنت مافيش عندك المقدرة انك تنظر كويس ... خلاص استعمل مراية صالون بزاوية واسعة شوية ... هاتريحك وهاتظهر لك كل اللى بيحصل حوالين عربيتك ... واحترس كل الحرس من الموتسيكلات اللعينة .... خصوصا ان اصحابها اولاد صغيرين ... وعديمى الخبرة ... ودائما يسيروا بالموتسيكلات يا فى نص الشارع او فى الحارة اليمين ... يسيروا بسرعة وبدون تفكير ... ويضرب لك كلاكس بجوارك فقط .... ويعتقدك انك سوف تلاحظه بسرعة .... يا ريت تشغل "اذنك" شوية ... واول ما تسمع صوت الموتوسيكل اللعين ... حاول توسع له شوية عشان يبعد عنك ... خصوصا انه ماشى على عجلتين ... واى خبطة لا قدر الله هاتكون مشكلة


- استخدم الإشارة المناسبة .... لكن مهم جدا انك بعد ما تستخدم الإشارة ... مهم جدا انك تنتظر شوية ... وتنظر فى المرايات جيدا وتشوف "رد فعل" السيارات القادمة من الخلف ... هل عملوا حسابك ... وشايفين اشارتك جيدا ... فى الحالة دى انقل نفسك الى الحارة الاخرى بدون تردد .... لكن مهم جدا انك تعرف ايضا ... انه ليس معنى انك استخدمت الإشارة ... ان موقفك سليم ... هههههههههههه وان الإشارة لا تعفيك من المسئولية عن الخطأ لو وقع لا قدر الله.


- انقل نفسك بهدوء الى الحارة الاخرى ... وبدون حركات مفاجئة ... ولكن الافضل انك تزيد سرعتك تدريجيا ... حتى توسع او تزيد من المسافة بينك وبين السيارة القادمة من الخلف.




اتمنى ان اكون وفقت
مع اطيب التمنيات
اخوكم حسين غزالة

[husseinoo]

السلام عليكم

وعليكم السلام ورحمة الله وبركاته

اذيك يا استاذ حسين كل سنة وحضرتك طيب بمناسبة عيد الفطر المبارك اعادة الله على كل اعضاء المنتدى بالخير والسعادة

اهلا وسهلا بحضرتك وكل سنة وحضرتك بخير وسلامة

عايزة اسال حضرتك بخصوص البوجيهات ازاى اعرف انها محتاجة تتغير وهل كل عربية ليها نوع معين وبتاثر على ايه فى العربية وهى لما تكون الصامولة من اعلى لونها احمر تبقى محتاجة تتغير زى لما عرفت ولا ايه

بالنسبة للبوجيهات محتاجة شوية تركيز شوية :
الاول نجرب على البوجيه رقم واحد .. كالتالى:
نفك البوجيه
ونبدأ فى تشغيل السيارة "ندور العربية" كونتاكت خفيف قوى
ونقرب البوجيه من جسم الموتور
ونراقب الشرارة التى تخرج منه
إذا كانت الشرارة شغالة كويس ... يبقى خلاص احنا كده اتأكدنا من أن دورة الكهرباء شغالة تمام
وأن البوجيهات حالتها كويسة ... ونشاهد رأس البوجيه لكى نتعرف على حالته كالتالى:

انظر الى الصورة السابقة ... موش محتاجة شرح واضح جدا ان البوجيه الثانى لونه اسود وتعبان جدا واكيد شرارته ضعيفة جدا
بخلاف البوجيه الاول مازال جديد وسليم

انظر الى الصورة التالية

البوجيه الاول مستعمل وردىء جدا وحالته فظيعة وتعبان جدا وواضح ان عليه نسبة كربون كبيرة جدا تمنع خروج الشرارة بشكل جيد
اما البوجيه الثانى ... برغم انه مستعمل .. لكن تلاحظ ان لونه ما زال جيد ... والاكيد ان شرارته مازالت جيدة

اذا كانت البوجيهات مازالت جيدة ... خلاص مافيش داعى لتغييرها
انا عن نفسى افضل تغيير البوجيهات من تلقاء نفسى كل مدة معينة ممكن تكون مرور عام او حتى 6 شهور ... على طول اروح اشترى طقم كهرباء "بوجيهات جديدة ـ ابلاتين ـ وكوندنسر" ده بالنسبة للسيارات القديمة ... بالنسبة للسيارات الحديثة نشترى بوجيهات فقط

طبعا فيه ناس تغير البوجيهات لما ينقطع نفسها ... ويلاقى العربية بتقطع منه وخلاص موش عايزة تمشى كويس ... فى الحالة دى ههههههههه يقرر انه يشترى بوجيهات جديد ويركبها

اعتقد ان العمر الافتراضى للبوجيهات هو حوالى 10 آلاف كيلوا ... اما لو كانت السيارة قديمة يبقى الافضل تغييرها بصفة دورية ... كل 6 شهور او سنة وتريح دماغك منها

يفضل ان البوجيهات تكون من نوع "denso او NGK"
يفضل استخدام النوع الموصى به فى كتالوج السيارة
البعض يفضل تركيب بوجيهات 2 شمعة على اساس انها لها شرارة اشعال جيدة جدا

على فكرة ... احيانا كثير قوى ... نركب بوجيهات جديدة ... والمفاجأة ان البوجيهات تكون "بايظة" وخربانة ... والعربية تقطع وتعمل مشاكل ... برغم ان البوجيهات لسه مركبنها من اسبوعين مثلا ... والاحسن ان الواحد يشتريها من محل مشهور وله اسم ... على الاقل يضمن ان البوجيهات عنده موش مركونة "وواخدة رطوبه" وبايظة

ويفضل ان العربية يكون فيها بصفة دائمة طقم بوجيهات وابلاتين وكوندنسر ... عشان لا قدر الله لو حصل اى حاجة فى اى مكان او زمان ههههههههههه مافيش اى مشكلة على طول ببساطة تغير البوجيهات وكل شىء يكون تمام التمام

طبعا فيه بوجيهات 3 شمعة و 4 شمعة ... لكن الافضل تركيب البوجيهات المنصوص عليها فى كتالوج السيارة .... لان كل بوجيه له رقم محدد ... ويفضل انك تشترى البوجيه حسب الرقم الموجود فى كتالوج السيارة



وسؤال ثانى عندى عداد الكيلو متر كان فى الاول مكتوب العربية مشيت قد ايه دلوقتى اتغير لحاجة تانى خالص عايزة اعرف السبب ايه

ههههههههههه اكيد فيه حد لعب فى العداد ... فيه مفتاح صغير عند الضغط عليه ... او تقريبا جذب المفتاح ... او لفه ... حسب نوع العربية .... المهم عند استخدام المفتاح ده ... على طول العداد يبدأ من اول وجديد ... وهو على العموم المفروض انه يقل الى اصفار كل 1000 كيلوا تقريبا
الافضل ان الواحد يصفر العداد خصوصا بعد تغيير زيت السيارة عشان يعرف ميعاد تغير الزيت التالى مثلا بعد 2000 كيلوا او 3000 او 5000 الاف كيلوا ... الخ

ارجوا ان اكون وفقت وآسف جدا على التأخير فى الرد

مع اطيب التمنيات
اخوكم حسين غزالة