نصائح سائق جديد .. وخوفه قل شوية من موضوع السواقة .. والبركة فيكم تعلمونا الباقى

[husseinoo]

السلام عليكم أستاذ حسين

وعليكم السلام ورحمة الله وبركاته

أولاً : أحييك على فكرة المجلة لكن الفكرة هتكون مكتملة إذا جمعت كل موضوع فى شكل مجلة
يعنى مثلاً موضوع :
- القيادة فى 10 أيام
- القيادة الدفاعية
و هكذا يكون كل موضوع مستقل بذاته فى مجلة منفصلة أقصد الموضوع كامل و ليس ملخص


هو كلام حضرتك مضبوط جدا
لكن
المشكلة انى عشان اجمع اكثر من 100 او 200 صفحة فى شكل مجلة مرة واحدة ... الموضوع ده كده يحتاج الى وقت وتفرغ كبير
الافضل ان الواحد يعمل مشاركات بسيطة حتى يكتمل الموضوع وبعد كده يتم تجميعه مرة واحدة
الموضوع صعب شوية ... لكن ربنا ييسر الاحوال ان شاء الله


ثانياً : فى موضوع السواقة أنا عندى مشكلة فى الشوارع الضيقة الجانبية يعنى أحياناً الشارع لا يعدى عربيتين جنب بعض أحياناً تنتظر مكانك لحد الجاى لما يعدى و هكذا لكن مشكلتى فى لفة عجلة القيادة السريعة مش عارفة أظبطها أو أقدرها إزاى و خصوصاً إن فيه عربيات راكنة فى الشارع مطلوب تظبط المسافة بينك و بين العربيات اللى راكنة علشان متخبطهاش و فى نفس الوقت تعدى من جنب العربية اللى قادمة بدون ماتخبطها و فى نفس الوقت تعدل نفسك بسرعة حاسة إن الموضوع ده لسة صعب على شوية و خصوصاً فى تقدير المسافات
فهل عندك أى نصائح او إرشادات لهذا الموضوع

بالنسبة للشوارع الضيقة لازم تركز على الجانب الايمن على قدر المستطاع
يعنى تبتعد عن منتصف الشارع
لماذا ؟
عشان السيارات المقابلة تدخل بشكل مريح
وانت كمان تمشى بشكل مريح
لكن
لازم تحترس من المشاة والسيارات اللى بتفتح ابوابها مرة واحدة .. والسيارات اللى بتكون راكنة ومرة واحدة تتحرك

الخلاصة: ما دام انت شايف ان المسافة اللى امامك هاتعدى العربية .... يبقى خلاص كل تركيزك فى الحالة دى على العربية اللى على شمالك لانها الاقرب منك
تحاول الاقتراب منها على قدر الامكان
وما تحاولش تركز على الجانب الايمن ... عشان ما تضرش لخمة ... كل تركيزك على السيارة المقابلة ... قرب منها على قدر الامكان ... وامشى براجة ...
كل ده بشرط انك تكون واثق ان المساحة هاتعدى عربيتك
اما بخصوص اولوية المرور
ده يرجع لخبرة كل واحد فيكم
يعنى لو انت شايف ان السيارة القادمة هى الاقرب للمرور
يبقى انت تختار مكان فاضى وتركن فيه شوية عشان هو يعدى براحته
اما لو كنت انت الاقرب للمرور
يبقى تضرب له كلاكس .. وممكن تشاور له بإيدك عشان ينتظر شوية حتى تمر بسلام

اما لو انتم الاثنين لازم تمشوا مع بعض فى نفس الوقت
يبقى تمشى براحة قوى ... على اقل من مهلك
ورجلك فوق الدبرياش ... عشان تهدى العربية على قدر الامكان

يعنى الموضوع محتاج شوية ممارسة

و لك منى جزيل الشكر

وانا تحت امر حضرتك وسعيد جدا بمشاركة حضرتك

اذيك يا استاذ حسين اخبارك ايه يا رب تكون بصحة وسلام

اهلا وسهلا بحضرتك ... الحمد لله رب العالمين ... ازى حضرتك إن شاء الله تكونى بخير

فى عندى مشكلة انا لما بخرج بالعربية الناس بقت فظيعة فى الشوارع الكل عايز يجرى وملهوش دعوة بحد

انا لحد النهارده بشتكى من موضوع "قلة الادب" فى الشارع ... لكن بحاول اتحكم فى اعصاببى على قدر الامكان

على سبيل المثال لو انت بطئت شوية تلاقى واحد كان وراك وعدى من جنبك ويشمت بالفاظ زى انتى حمارة - يا غبية - انا مش عارف مين اللى ركبك عربية وما الى ذلك

ده انسان سورى "زبالة" ... وما يتحطش فى الدماغ خالص .... الواحد بيقابل ناس كثير مبتدأين ... وعلى طول يفتكر ايام بداية تعلمه وكان عامل ايه ... واصبر جامد جدا ... مافيش اى مشاكل

مش عارفة اعمل الناس مش عندها صبر وكل واحد فاكر نفسه انه اتولد بيعرف يسوق

ههههههههههه

انا حصل لى موقف لذيذ ان سواق تاكسى كان ماشى ورايا وعمال يضرب كلاكسات عمال على بطال المهم انى عديته لانى زهقت منه ومشى وعقبال ما وصلت اليه لقيته خبط فى عربية والشرطة وقفته على جنب بصراحة فرحت فيه علشان اللى عمله فيا وشكرا ليك

ده قدر ربنا ههههههههههههههه ... واضح ان اللى يجى عليكى ما بيسلمش ههههههههههههه ... وانا كمان حصل معايا نفس الموقف بس كان سيارة مينى باص ... هانروح بعيد ليه ... النهارده واقف عشان فيه ام بتعدى بأطفالها ... توقفت تماما فى الاشارة ... عشان الست تعدى بسلام ... اللى ورايا عمال يضرب كلاكسات ... شاورت له بإيدى على الست ... وقلت له انت موش شايف الناس اللى بتعدى ... انا عندى استعداد للتوقف لمدة طويلة ... المهم انى لا اعرض اى انسان لخطر ....
النهاردة صاحبى اتخبط جامد
سيارة فيات اصطدمت بيه وهو نازل مين الاوتوبيس ... وداست على رجله ... هههههههه ربنا ستر .... لكن انتى اوعى تحطى فى دماغك الاغبياء اللى بيضربوا كلاكس عمال على بطال

اذيك يا استاذ حسين اخبار حضرتك ايه

ازى حضرتك ... الحمد لله رب العالمين

انا خرجت بالعربية بس مش مع المدرب ولكن مع صديق بس كا اعتمادى كله على ما فهمته واتعلمته ومشيت كويس بس عايزة اقولك انى كنت مرعوبة جدا وانا لوحدى من غير المدرب

هايل ... وممتاز جدا
الخوف طبعا هايستمر معاكى شوية
مفيش اى مشاكل ... عادى جدا
بس احلى حاجة انك خرجتى بها لوحدك ... وهو ده المهم

لكن خرجت ورجعت من غير اصابات لحد ما وصلت قبل البيت بشوية غصب عنى كنت نازلة من منزل عالى

نازلة من على منزل عالى ... يبقى رجلك لازم تكون على الفرامل جاهزة للتوقف ... وانزل براحة على قدر الامكان ... واتوقع التوقف فى اى وقت ... اوعى تنزلى ورجلك فوق البنزين ... كده غلط كبير

شوية وبلف فوجئت بسيارة امامى حاولت الف منها لكن العربية اتخبطت والحمد لله ربنا ستر

ما دام المساحة صغيرة ... او انت موش واثقة انك هاتمرى بسلام ... يبقى كان الافضل التوقف تماما خلف السيارة المتوقفة ... وتضربى له كلاكس عشان يتحرك شوية من المكان اللى هو واقف فيه ... لانه ممكن يكون قافل الشارع والغلطة ماتكونش غلطتك
لان الكثير منا بيقف فى اماكن خطر جدا ... وموش فاهم انه بيعرض نفسه ويعرض غيره للخطر ... خصوصا على ناصية اى شارع

ولو كان صاحب السيارة شايف ان المساحة كافية
كان هاينزل من عربيته ويساعدك تعدى منه بسلام
او
هايوسع لك عشان خايف على عربيته ههههههههه
المهم انك كان لازم تدخلى بشكل بطىء جدا ...
ومافيش داعى للمغامرة

بس كنت خايفة من صاحب العربية اللى امامى لحسن يطلع راجل لسانه طويل ويشتمنى لكن شاف ان عربيته محصلش ليها حاجة فسكت وركب ومشى ورحت ثانى يوم عند السمكرى وصلحتها

يا ستى حصل خير
انا فى اول اسبوع
حكتين ثلاثة فى الاكصدام
عادى ... وبعد كده الامور بتكون عال العال
اهم حاجة
ان الواحد ياخد باله كويس جدا من الناس اللى ماشية فى الشارع
حكة فى اكصدام او رفرف ... تتعوض
المهم لما نشوف ناس ... فى الحالة دى نحترس جدا جدا جدا

ولو زعلتى جامد
خلاص
ارتاح شوية من موضوع السواقة ... يومين ثلاثة ... او اسبوع مافيش اى مشاكل
وارجع تانى اكمل تدريبى لما اعصابى تهدأ

شكرا لحضرتك وعلى فكرة موضوع المجلة اللى حضرت بتقول عليها فكرة جميلة جدا وربنا يوفقك

ربنا ييسر الاحوال .. واول ما افضى شوية نبدأ نشتغل فيها
وإن شاء الله نسمع اخبار جميلة من حضرتك

وشكرا على مشاركتك القيمة جدا

مع اطيب التمنيات
اخوكم حسين غزالة

[reco1]

شكراً يا أستاذ حسين

[A.Saad]

استاذ حسين
ازيك

عايز اضيف جزئية بسيطة بعد اذنك
ان ممكن ترعشى نور للمقابل وده معناه ان معندكيش مكان فاضى تركنى فيه علشان تعديه الاول
وده ممكن يتعمل بالليل او النهار

وممكن - بس حركة رجالى طبعا - السائق يشاور بايده للى جاى بعلامة تعالى
يعنى السواق اللى بيشارور بيقوله انه هيستنى والتانى يعدى
او انه يقف لكن يكون واضح انه وقف فى مكان ويرعش نور
يعنى عدى ومتمشيش بالراحة

الترعيش طبعا بيكون بجذب النور العالى فى ومضة سريعة

[husseinoo]

بسم الله الرحمن الرحيم
اللهم صل على محمد وعلى آله وصحبه أجمعين



التواصل بالعيون واستخدام الإشارات

للحصول على الموضوع
ابحث عنه فى موقع 4shared

استخدم النص التالى فى البحث:
التواصل بالعيون واستخدام الإشارات


مع اطيب التمنيات
اخوكم حسين غزالة

[lela]

الف مبرووووووووووك وعقبال كل مرة

[lela]

اذيك يا استاذ حسين اخبار حضرتك ايه يارب تكون بخير وصحة
اولا عند حضرتك حق فى موضوع التواصل بالعيون والاشارات لانها مهمة بس محتاجة تركيز ونفتكرها دايما ومننسهاش

ثانيا انا عندى مشكلة بطارية العربية الايام ده لو مخرجتش بيها يوم تقف وابقى مضطر ة اجيب واحد يشحنها والكهربائى قالى هاتى واحدة جديدة احسن ما تعطل فى الطريق وكانه قلبه حاسس لانى لما خرجت بيها وفى الملف وقفت منى وما اشتغلتش واضطر المدرب يركنها على جنب وياخد وصلة من اى عربية اخرى

يا ترى اجيب نوعها ايه الاحسن لان عربيتى فيات بيترا 2004 الجافة ولا الميه فى ناس قالتلى الجافة احسن من الميه وتكون اسمها النسر فارتا الالمانية يا ترى ده الاحسن ولا عندك حاجة تانية احسن ونوعها وشكرا لحضرتك:b4_611:

[A.Saad]

اذيك يا استاذ حسين اخبار حضرتك ايه يارب تكون بخير وصحة
اولا عند حضرتك حق فى موضوع التواصل بالعيون والاشارات لانها مهمة بس محتاجة تركيز ونفتكرها دايما ومننسهاش

ثانيا انا عندى مشكلة بطارية العربية الايام ده لو مخرجتش بيها يوم تقف وابقى مضطر ة اجيب واحد يشحنها والكهربائى قالى هاتى واحدة جديدة احسن ما تعطل فى الطريق وكانه قلبه حاسس لانى لما خرجت بيها وفى الملف وقفت منى وما اشتغلتش واضطر المدرب يركنها على جنب وياخد وصلة من اى عربية اخرى

يا ترى اجيب نوعها ايه الاحسن لان عربيتى فيات بيترا 2004 الجافة ولا الميه فى ناس قالتلى الجافة احسن من الميه وتكون اسمها النسر فارتا الالمانية يا ترى ده الاحسن ولا عندك حاجة تانية احسن ونوعها وشكرا لحضرتك:b4_611:

البطارية اللى عندك
توعها ايه
من مدة اد ايه
كشفتى على الدينامو ولا لا
ولو عمرها بسيط كشفتى على تسريب ولا لا

[A.Saad]

بسم الله الرحمن الرحيم
اللهم صل على محمد وعلى آله وصحبه أجمعين



التواصل بالعيون واستخدام الإشارات

للحصول على الموضوع
ابحث عنه فى موقع 4shared

استخدم النص التالى فى البحث:
التواصل بالعيون واستخدام الإشارات


مع اطيب التمنيات
اخوكم حسين غزالة

الفكرة دى جميلة جدا وربنا يوفقك فيها
بس انت ليه مش كاتب اسمك على المجلة خالص

[lela]

البطارية عندى من نوع كلورايد بس مياه وبقالها سنتين وكشفت على الدينامو وكان كويس جدا
بس انا عرفت ان الجافة احسن ولا ايه

[lela]

البطارية اللى عندى نوعها كلورايد مياه وبقالها سنتين وكشفت علي الدينامو لقيته كويس مفيهوش حاجة

وقالى المشكلة فى البطارية اشترى واحدة جديدة جافة لانها الاحسن النسر الالمانى

[A.Saad]

الجافة احسن طبعا
لان مفيهاش سائل ، واحيانا بيحصل تسريب ويسبب تأكل فى صاج حوض الموتور
عيب الجافة
ان إنتهائها ساعات بيحصل فجائى

[husseinoo]

اذيك يا استاذ حسين اخبار حضرتك ايه يارب تكون بخير وصحة

اهلا بحضرتك ... الحمد لله على كل حال ...

اولا عند حضرتك حق فى موضوع التواصل بالعيون والاشارات لانها مهمة بس محتاجة تركيز ونفتكرها دايما ومننسهاش

على الاقل استعملى الطريقة دى مع المشاة لتحذيرهم بعدم المرور أو السماح لهم بالمرور ... يعنى تقدرى تشاورى لهم بإيديك ... لكن لو سمحت لهم بالمرور لازم تراعى السيارات القادمة من الخلف ... لانه ممكن تسمحى لهم بالمرور فى توقيت يكون فيه سيارات قادمة من الخلف ... وطبعا ممكن تستخدمى الطريقة دى اثناء السير فى الاماكن الضيقة والزحام والتقاطعات المزدحمة خصوصا لما سيارتين يتقابلوا مع بعض فى طريق ضيق

ثانيا انا عندى مشكلة بطارية العربية الايام ده لو مخرجتش بيها يوم تقف وابقى مضطر ة اجيب واحد يشحنها والكهربائى قالى هاتى واحدة جديدة احسن ما تعطل فى الطريق وكانه قلبه حاسس لانى لما خرجت بيها وفى الملف وقفت منى وما اشتغلتش واضطر المدرب يركنها على جنب وياخد وصلة من اى عربية اخرى

يا ترى اجيب نوعها ايه الاحسن لان عربيتى فيات بيترا 2004 الجافة ولا الميه فى ناس قالتلى الجافة احسن من الميه وتكون اسمها النسر فارتا الالمانية يا ترى ده الاحسن ولا عندك حاجة تانية احسن ونوعها وشكرا لحضرتك:

البطارية الجافة رقم واحد
لكن الافضل على ما اعتقد بطارية فارتا الالمانية
لو كانت بطارية ممتازة وسليمة يبقى لازم عمرها الافتراضى يكون على الاقل 3 سنوات موش عايز اقول 4 سنوات
وفيها مؤشر بيوضح ان البطارية مليانة
يعنى لما يصل الى الاحمر يبقى لازم البطارية تتشحن
وممكن تركنى العربية مدة طويلة تتعدى الاسبوع دون تشغيل وتجدى ان البطارية الجافة شغالة وتمام التمام
لكن عيبها ان سعرها غالى شوية
اعتقد يتخطى الـ 400 او 450 جنيه

او
كلورايد زى اللى راكبة فى العربية ودى عمرها الافتراضى حوالى سنتين تقريبا زى ما حضرتك بتقولى

لكن
اهم حاجة عند الشراء التالى:
تشتريها من محل له سمعة طيبة ... عشان لا قدر الله لو حصل اى حاجة والبطارية فى الضمان ... على طول يغيرها فى منتهى الادب والهدوء بدون مشاكل ... يعنى مافيش داعى نشتريها من واحد بجوار البيت ونقول كلهم زى بعض .... لا المعاملة بتختلف من محل الى آخر
انا عن نفسى اشتريتها من واحد بجوار البيت
وبعد شهر ظهرت البشائر
وكل ما اروح له المحل ... مرة يقول لى: الكهربائى ... ومرة الدينامو .. وحكايات
وفى الآخر قال لى: البطارية فيه "ربع" ضارب ولازم تتغير
وياريت غيرها فى ساعتها
لأ
ركب لى بطارية تعبانة اروح بها البيت
وبعد ثلاث اربع ايام غير لى البطارية بواحدة جديدة ودفعت استهلاك ... تقدرى تقولى فيه شوية استهبال وقلة ادب
المهم عرفت بعد كده ان لما الواحد يشترى اى حاجة لازم يشتريها من محل له سمعة طيبة خصوصا فى المعاملات

ثانيا: لازم اشتريها بتاريخ انتاج حديث
يعنى لما اشتريها احرص على الاطلاع على تاريخ الانتاج

ثالثا: لو العربية سليمة وجيدة يبقى مافيش داعى انى اشترى بطارية "امبير" اكبر من المطلوب يعنى مثلا تكون عربيتك محتاجة بطارية 50 امبير وناس تنصحك تشترى بطارية 70 امبير ... طبعا الـ 70 امبير هاتكون قوية وممتازة ... لكن فى نفس الوقت اغلى فى السعر

رابعا: لازم اختار بطارية مناسبة للحجم اللى راكب ... يعنى لازم يركبها امامى .. ويربطها كويس جدا

يفضل انك تشتريها من التوكيلات الرسمية ... اعتقد ان فيه محل مشهور فى هارون الرشيد فى مصر الجديدة بجوارة مدرسة الانجليش سكول اعتقد انه توكيل لبطاريات كلورويد


وبعد ما اشتريها ... لازم امشى بالعربية مشوار كويس .. يعنى مثلا كل يومين امشى بها مشوار كويس فى الصباح الباكر بعيدا عن الزحام وفى طريق سريع او طوالى وبانتظام خصوصا فى الشتاء ... اما فى الصيف ممكن الخروج بها كل ثلاث او حتى اربع ايام حسب قوة البطارية ... او الاكتفاء بتسخينها كل يومين

والكشف على مياه البطارية كل شهرين على الاقل .. وتزويدها بمياه مقطرة .. الزجاجة فى حدود جنيه ونص

ولازم اغطى الكابلات الخاصة بالبطارية بالقواشيط الخاصة بذلك او اضع قطعة من الكاوتش "الشنبر" فوق قواشيط البطارية ... لان لا قدر الله ممكن تلاقى اى حد وزن ثقيل يجلس على الكبوت ويعمل فى العربية مشاكل

ودائما لازم احتفظ بمفتاح "بلدى" لفتح المسمار الخاص بكابل البطارية
عشان لا قدر الله لو حصل اى حاجة
على طول افتح الكبوت
وافصل كابل البطارية
المفتاح ده لازم يكون معاكى على طول فى تابلوه السيارة

واحترسى من زيارة اى ميكانيكى وهو بيصلح حاجة فى العربية ... الصبيان عنده يسرقوا المفاتيح او اى حاجة من التابلوه هههههههه

مع اطيب التمنيات
اخوكم حسين غزالة

b4_611:

[lela]

انا بشكرك على مساعدتك ليه فى الرد بسرعة عليا
طيب تاكل فى حوض الموتور لو حصل بياثر فى كفاءة الماتور وازاى اعالجه
طيب اشترى ايه انت حيرتنى اعمل ايه عموما انا هشترى الجافة وخلاص بس النسر الالمانية احسن


وشكرا ليك

[A.Saad]

انا بشكرك على مساعدتك ليه فى الرد بسرعة عليا
طيب تاكل فى حوض الموتور لو حصل بياثر فى كفاءة الماتور وازاى اعالجه
طيب اشترى ايه انت حيرتنى اعمل ايه عموما انا هشترى الجافة وخلاص بس النسر الالمانية احسن


وشكرا ليك

لا
تأكل حوض الموتور يعنى الصاج اللى فى بودى العربية نفسه تحت البطارية
مالوش دعوة بالموتور نفسه

افضل بطاريات
النسر فارتا
هيا اتحاد اوربى
توكيلها اسمه مبروك غطاطى
فى المريوطية وفيصل ومينة نصر
انا جايب 40 امبير قريب
بس لقيت سعره اعلى من بره فجبتها من برة
اللى لقيت اسعاره كويسة
اولاد بيومى فى ميدان الدقى بس فيه عضو اشتكى من تعاملهم معاه فى الاطارات
واولاد سليمان فى المهندسين عند ش وادى النيل
وبعد كدة الكويس
هانكوك بس اعتقد انها مش منتشرة
AC Delco توكيلها مع منصور
بس كان زمان ناس بتشكر فيها اكتر
ميزتها عن الفارتا
مؤشر لحالة البطارية
شروط الاستبدال فى الضمان افضل
ابعدى عن الماركات المجهولة
ولازم تثبتى البطارية الجديدة كويس

[lela]

انا متشكرة يا A.saad على مشاركتك ليا وعلى فكرة فى صديق لى قالى على اولا سليمان فى شارع وادى النيل وان شاء الله هروح واشتريها منه النهارة متشكرة جدااااا ليك وفرصة كوبسة لمعرفتك