نصائح سائق جديد .. وخوفه قل شوية من موضوع السواقة .. والبركة فيكم تعلمونا الباقى

[badry78]

أخيرا خلصت قراءة الموضوع اللي بدأت فيه من شهر اكتوبر 2011 واتعلمت منه كتير جدا
باشكر الأستاذ حسين على مجهوده الرائع واشكر كل الإخوة اللي شاركوا بتجاربهم ونصايحهم وأتمنى اني اضيف اي شئ للموضوع ..
انا بدأت اتعلم القيادة من بداية اكتوبر 2011 والحمد لله وصلت لمرحلة مش وحشة .. كانت البداية في مدرسة تعليم في الوراق على الكورنيش اخدت حوالي 12 حصة منهم حصتين اقماع وكنت باكمل مع اصحابي على عربيتي الفيات 128 اللي جبتها مع بداية الحصص .. خلال المرحلة دي العربية اتخبطت من 4 مرات مرة انا الغلطان فيها و3 مش غلطان اول خبطة كنت باعدي من عربية نص نقل واتفاجئت بمطب كنت ناسيه اخدت المطب على سرعة واتفاجئت بعربية ربع نقل في وشي جاية من طريق فرعي يمين وكان المفروض انها تدخل على اوسع من كده .. المهم حاولت افاديها كسرت يمين وبعد كده شمال في اللحظة دي كانت العربية اللي تخطيتها بقت جنبي على اليمين المهم خبط الباب اليمين خلفي بتاعي في اكصدام العربية النص نقل
بقيت الخبطات هاحكيها بعدين ان شاء الله

شكرا مرة تانية للأستاذ حسين غزالة ولكل الزملاء والزميلات اللي شاركوا في إثراء الموضوع

احمد البدري

[kareem2020]

شكرا على النصائح المهمة بارك الله فيك

[mrbaderr]

أنا ابتديت اتعلم السواقة من حوالي عشرة أيام فقط وأخد حصتين مع واحد جاري ولكن ما استفدتش منه زي ما استفدت من الموضوع ده
بجد أنا باتعلم السواقة وباتقدم في السواقة بفضل الله ثم بفضل هذا الموضوع صحيح أنا لسة ما قرأتش التسعين صفحة بس وصلت للعشرين وكل يوم باتعلم أكتر وقلت لازم أشكر اللي شاركوا وعلموني
ألف ألف شكر

[lolod30]

الحمد لله قريت الموضوع كلة ال90 صفحة موضوع اكتر من رائع واستفدت منة جدا شكرا يا استاذ حسين

[احمد ناجي]

معلش يا جماعة سوال ازاي اهدي سرعة العربية الاوتماتيك وانا سايق وداخل علي اشارة او كمين مثلا

[SunSet]

انا عندي مشكلة في المطالع وساعات العربية تقف على حفرة وما اعرفش اطلع منها الا لو حد زق العربية
للأسف اتغلبت على الحرج ده باني اشد ذراع الهواء

ايه رأيكم في الفكرة المدمرة دي !!؟

[احمد ناجي]

تهدي سرعة العربية الاتماتيك وانت داخل علي كمين انك تخفف رجللك من علي البنزين او تشيل رجللج فجاة وانت سايق من علي البنزين او عن طريق محدد السرعة اللي في الدريكسيون لو العربية فيها محدد سرعة

[husseinoo]

السلام عليكم ورحمة الله وبركاته

أخيرا خلصت قراءة الموضوع اللي بدأت فيه من شهر اكتوبر 2011

الف مبروك

واتعلمت منه كتير جدا

الحمد لله

باشكر الأستاذ حسين على مجهوده الرائع واشكر كل الإخوة اللي شاركوا بتجاربهم ونصايحهم وأتمنى اني اضيف اي شئ للموضوع ..

لا شكر على واجب .... احنا كل يوم بنتعلم مع بعض ... حتى وقتنا هذا

انا بدأت اتعلم القيادة من بداية اكتوبر 2011 والحمد لله وصلت لمرحلة مش وحشة .. كانت البداية في مدرسة تعليم في الوراق على الكورنيش اخدت حوالي 12 حصة منهم حصتين اقماع وكنت باكمل مع اصحابي على عربيتي الفيات 128 اللي جبتها مع بداية الحصص .. خلال المرحلة دي العربية اتخبطت من 4 مرات مرة انا الغلطان فيها و3 مش غلطان اول خبطة كنت باعدي من عربية نص نقل واتفاجئت بمطب كنت ناسيه

المطبات الصناعية دى "مصيبة" هههههههه تخيل انا اخدت مطب صناعى بجوار البيت بشكل مهببب ههههههه اكنى اول مرة اعدى على المطب ده .... يعنى هههههههههههه مطب بقالى 3 سنين بعدى عليه ههههههههه ومعرفش ازاى نسيته ربنا يسترها مع الجميع


اخدت المطب على سرعة واتفاجئت بعربية ربع نقل في وشي جاية من طريق فرعي يمين وكان المفروض انها تدخل على اوسع من كده .. المهم حاولت افاديها كسرت يمين وبعد كده شمال في اللحظة دي كانت العربية اللي تخطيتها بقت جنبي على اليمين المهم خبط الباب اليمين خلفي بتاعي في اكصدام العربية النص نقل
بقيت الخبطات هاحكيها بعدين ان شاء الله

ههههههههه هى باقى الخبطات ليها حكاية تانية ربنا يسترها معاك

شكرا مرة تانية للأستاذ حسين غزالة ولكل الزملاء والزميلات اللي شاركوا في إثراء الموضوع

احمد البدري

شكرا يا استاذ احمد على مشاركتك
وعلى كلامك الطيب

مع اطيب التمنيات
اخوكم حسين غزالة

[husseinoo]

السلام عليكم ورحمة الله وبركاتة

وعليكم السلام ورحمة الله وبركاته

أخوتي الاعزاء أحب أولا أشكركم على الموضوع الرائع دة والذي أستفدت كثيراً منه فأنا ايضا مبتدأ فى السواقة
وبصراحة قرأت فى هذا الموضوع على قدر المستطاع وبصراحة أتعلمت حاجة جميلة جدا وكانت مسببالي مشاكل كتير وهية أني لو الطريق وقف أمامي بتبقي مشكلتي أن العربية بترييح على العربية اللى ورايا

أتعلمت أني أشد الهند بريك ولما الطريق يفتح أدوس بنزين وأنزل الهند بريك بصراحة دي فرقت معايا كتير

فعلا موضوع الهاند بريك ده يخليك فى الامان دائما ... اى مكان حتى ولو شارع مرتفع قليلا .... فى اى وقت تشعر ان العربية هاتريح للخلف .... ريح دماغك شد الهاند بريك ... واول العربية ما تتحرك نزل الهاند بريك

لكن نصيحة مهمة
اوعى تنسى الهاند بريك وتستمر فى السير بالعربية
يعنى احيانا الواحد ينسى .... ههههههههههههههه ويقول لنفسه العربية مالها بطيئة كده ... وفين وفين لما يكتشف ان الهاند بريك مرفوعة .... يعنى حاول تنظر نظرة خاطفة على تابلوه السيارة ... على اساس لو "لمبة" الهاند بريك "منورة" هاتاخد بالك منها وتنزلها على طول

بس مشكلتي لو أنا ماشي فى الحارة الوسطي من الطريق ببقي خايف بالاكثر من العربيات اللي على اليمين
ولو مشيت شمال بيبقي غصب عني لازم أزود السرعة وببقي قلقان من السرعة الكبيرة

ولو مشيت فى اليمين أكيد طبعاً أنتو عارفين مشاكل اليمين من سائقي الميكروباص والتاكسي والكائن الغريب اللى أسمه توكتوك

هههههههههه كلام مضبوط
لكن لازم تعرف ان السير فى الوسط .... بيكون لك فى الحالة دى اختيارين لو قابلتك مشكلة .... يعنى لو كان فى الطريق اى مشكلة عندك حل ... تتحرك يمين او تتحرك شمال

اما لو كنت ماشى فى الناحية الشمال
فى الحالة دى
مافيش عندك حل غير ناحية اليمين
لان ناحية الشمال مافيش غير الرصيف ههههههههههههه
وكمان لازم تجرى فى الحارة اليسار
والمفروض ان الحارة الشمال معمولة عشان تعدى من العربية التى امامك فقط ثم تعود الى السير فى الوسط مرة اخرى

لكن فى حالتنا المصرية ههههههههههههه اللى بيمشى فى الشمال موش عايز يتركه هههههههههه سواء كان بيجرى او بيمشى براحة
واللى بيمشى براحة فى الناحية الشمال بيسبب مشاكل كبيرة لنفسه قبل غيره

اما السير ناحية اليمين
فده كله مشاكل
لانك هاتواجه عربيات متوقفة ... وناس واقفة فى نص الشارع منتظرة المواصلات ... وميكروباسات متوقفة صف تانى هههههههههههههه يعنى كل الفوضى فى الناحية اليمين

احسن حاجة للمبتدأ انه يمشى فى منتصف الشارع ههههههههههه بس يجمد قلبه شوية


حبيت أشارك بقدر بسيط من اللى أتعلمتة وهوة خلي أعصابك هادية على قدر المستطاع علشان أنا لما أبتديت أتعلم السواقة لما تيجي عربية من الخلف وتيييييييييييت تتتتتتتتييييييييت كلاكسات ببقي عاوز أنط فوق الرصيف وافتح لها السكة
دلوقتي الوضع أختلف والثقة زادت شوية والخوف أبتدي يروح بالتدريج

هههههههههههه كلامك مضبوط .... بس عشان تكون اعصابك هادئة ... لازم تكون متعلم كويس وفاهم كويس ومتوقع كويس ..... ده طبعا لو كنت ماشى فى شوارع طبيعية مع ناس طبيعية فى ظروف طبيعية ... اما لو ماشى فى وسط سيرك الاوتوبيسات والميكروباسات والنص نقل ههههههههههههه فالأفضل انك تترك "دماغك" فى الثلاجة قبل ركوب السيارة ..... وفى الاول والآخر ربك هو الستار .... لكن احنا نعمل اللى علينا

بس كمان كل مشكلتي ياجماعة الرجوع للخلف وكمان وانا بركن العربية ببقي متوتر جداً

أرجو منكم النصيحة ففى موضوع الركنة عاوز أتعلمها بإحترافية

بالنسبة لموضوع الرجوع للخلف
فيه اكثر من مشاركة بخصوص الموضوع ده
والمشاركات دى كانت موضحة بالرسومات
هابحث لحضرتك على المشاركة واكتبها مرة تانية


أرجو قبول تحياتي

فى رعاية الله وشكرا لحضرتك

مع اطيب التمنيات
اخوكم حسين غزالة

[husseinoo]

بسم الله الرحمن الرحيم
اللهم صل على محمد وعلى آله وصحبه أجمعين

كيف تركن سيارتك

5 خطوات اساسية لركن السيارة

فى البداية يجب ان يكون التدريب فى مكان واسع .... ثم يتدرج التدريب الى مكان مناسب لحجم السيارة ... ويتم التدريب فى الاول فى اماكن خالية من السيارات ... يم يتدرج مرة تانية فى اماكن طبيعية وبها سيارات تسير بشكل طبيعى.


1- تفحص حركة المرور ثم اعطى اشارة ناحية الرصيف "اليمين" ... ثم اترك مسافة بينك وبين السيارة الامامية حوالى (70 سم) متر تقريبا مع مراعاة ان يكون الاكصدامات الخلفية للسيارتين على نفس المحاذاة.

ملحوظة: يفضل البعض احيانا ان يكون متأخر بعض الشىء عن السيارة الامامية

2- تأكد من حالة المرور ثم استخدم الغيار العكسى "للرجوع الى الخلف" ... لف عجلة القيادة "الدركسيون" الى اليمين على الآخر "ناحية الرصيف"

3- اول ما الباب الامامى لسيارتك "يمر" على اكصدام السيارة الامامية ... بسرعة اعدل "عجلة القيادة" على شكل مستقيم

ملحوظة: اذا كنت موش سريع بما فيه الكفاية تستطيع التوقف ثم تحريك عجلة القيادة فى الإتجاه المطلوب .. لكن يفضل ان يتم تحريك الدركسيون اثناء السير للمحافظة على كاوتش السيارة ولخفة تحريك الدركسيون خصوصا اذا كانت السيارة ليست "باور"

4- عندما تظهر خلفية السيارة الامامية بشكل واضح .. ابدأ فى عكس عجلة القيادة اتجاه اليسار "عكس الرصيف" .. والرجوع للخلف بشكل بطىء جدا.

ملحوظة: يعنى اول ما اكصدام سيارتك يمر من اكصدام السيارة الامامية

5- استخدم الغيار الاول وتحرك الى الامام لكى تقف فى منتصف المسافة بين السيارتين .. وعلى بعد 45 سم تقريبا من الرصيف

ارجوا ان اكون وفقت
فى المرات القادمة نتكلم عن الركن الافقى

فى انتظار التواصل

نسألكم الدعاء لى ولوالدى الله يرحمهم

مع اطيب التمنيات
اخوكم حسين غزالة

[husseinoo]

كيف تقود سيارتك بذكاء

القيادة بذكاء توفر المال ... وتحمى الارواح .... ولكنك تحتاج الى بعض الذكاء اثناء القيادة .... جميع الافراد يمكنهم القيادة بذكاء .... التالى بعض النصائح البسيطة والهامة عشان نحتفظ بها فى دماغنا طول ما احنا بنتعلم القيادة :

1- ربط حزام الامان ......... ههههههه واحنا اول ما نسمع كلمة حزام الامان ... نقول لنفسنا ... ييييه هانفضل نتكلم فى كلام فارغ .... ههههههههه لكن فى الحقيقة ان حزام الامان مهم جدا لك وكمان للناس اللى راكبة معاك فى العربية ..... حزام الامان موش رفاهية .. خصوصا لو كنت مسافر على طريق سريع.

2- اترك مسافة كافية بينك وبين السيارة التى امامك .... يعنى الف باء القيادة الذكية .... انك ما تلزقش للعربية التى امامك .... اترك مسافة كافية بينك وبينها .... كده انت ماشى فى السليم ... مهما عمل او توقفت السيارة التى امامك بشكل مفاجىء ... على طول هاتتوقف انت كمان بشكل سليم .... لو شعرت انك بتسير بسرعة .... كل المطلوب من حضرتك شوية ذكاء هههههههههههه كل المطلوب هدى العربية شوية واترك مسافة بينك وبين السيارة التى امامك

3- هدىء السرعة ........ اوعى تفهم ان تهدئة السرعة "خيابة" هههههههههههه وانك لما تجرى بسرعة هى دى الجدعنة هههههههههههه ..... المقصود بتهدئة السرعة هنا .... انك لازم تشعر بحجم سيارتك ووزنها وقوة موتورها .... وبالطبع المسافة التى تحتاجها لكى تتوقف .... يعنى محتاج شوية ذكاء انك تفرق بين سيارة مثلا 128 وبين سيارة bmw واحد ماشى بالكثير 80 كيلوا وواحد ماشى 120 او 140 كيلوا ويمكن اكثر .... لازم تهدى عربيتك اذا شعرت انك بتسير بسرعة اكبر من اللازم وغير مناسبة للقانون وغير مناسبة لامكانيات العربية .... ههههههههه يعنى مثلا لو كانت العربية امكانياتها زى حالاتى ... يبقى محتاج شارع عشان اقف فى الوقت المناسب .... بذكائك فقط تقدر تحدد السرعة المناسبة لعربيتك وامكانياتها.

4- راقب التقاطعات ............. الحاجة اللى لازم تعرفها كويس جدا .... ان اكثر من نصف الحوادث ... ربنا يحفظنا ... اكثر من نصف الحوادث تتم فى التقاطعات .... عينك على الاشارات .. البرتقالى للتحذير ... والاحمر للتوقف ... واوعى تنسى نفسك حتى ولو كانت الاشارة خضراء .... لازم تكون حريص جدا اثناء المرور فى التقاطعات

5- القيادة الدفاعية .... ببساطة خلاصة القيادة الدفاعية هى انك تفترض ان السيارات المحيطة بك سوف تقوم بعمل غير قانونى .... هههههههههه يعنى بالبلدى كده ههههههههههه تعتبر ان اللى ماشيين حواليك "عنبر العقلاء" ..... وانت لازم تتوقع انهم هايعملوا اخطاء .... وعلى حضرتك تجنب هذه الاخطاء ... اوعى تثق فى السيارات المحيطة بك .... خليك على طول مصحصح... وطبعا الافضل انك تقرأ المشاركات من اول الصفحة 1 وفى الحالة دى هانتظرك سنة 2013 إن شاء الله ههههه إن عشنا.

6- ابتعد عن الكحوليات والمخدرات ..... طبعا الكلام ده خصوصا للشباب ... تشرب سيجارة كده ولا كده ... وتفتكر نفسك معلم وعشر رجالة فى بعض .... وتجرى بالعربية ... وتفتكر ان الجرى ده لزوم الجدعنة .... اما اخواتنا السائقين للسيارات النقل والنص نقل .... فنصيحة لهم جميعا ... ابتعدوا عن اصحاب السوء ... وتذكر دائما ان فيه اسرة منتظرة عودتك بالسلامة ... وربنا يسترها مع الجميع

مع اطيب التمنيات
اخوكم حسين غزالة

[badry78]

يا جماعة نصيحة هامة جدا ..

لازم نكشف على زيت الفيتيس من وقت للتاني .. انا مشيت فترة بالعربية من غير ما بص على زيت الفيتيس وكان فيه تسريب والنتيجة ان الفيتيس قفش ورفض ياخد اي غيار واضطريت اغيره و جبت واحد استيراد كلفني بتركيبه 800 جنيه

[badry78]

يا جماعة نصيحة هامة جدا ..

لازم نكشف على زيت الفيتيس من وقت للتاني .. انا مشيت فترة بالعربية من غير ما بص على زيت الفيتيس وكان فيه تسريب والنتيجة ان الفيتيس قفش ورفض ياخد اي غيار واضطريت اغيره و جبت واحد استيراد كلفني بتركيبه 800 جنيه

[husseinoo]

يا جماعة نصيحة هامة جدا ..

لازم نكشف على زيت الفيتيس من وقت للتاني .. انا مشيت فترة بالعربية من غير ما بص على زيت الفيتيس وكان فيه تسريب والنتيجة ان الفيتيس قفش ورفض ياخد اي غيار واضطريت اغيره و جبت واحد استيراد كلفني بتركيبه 800 جنيه

كلامك سليم جدا .... ودى نصيحة من واحد مجرب .... ويستحسن انك اول ما تشعر بأى شىء غريب انك تستعين بشخص عنده خبرة ... وما تحاولش انك تمشى بالعربية كثيير .... يعنى مثلا لو حاسس ان العربية "قفشة" وموش بتسحب بشكل طبيعى ... خصوصا بعد عمل صيانة فى الفرامل ... لازم تتوقف على طول ... لان الاستمرار فى السير هايعمل مشاكل اكثر ... لا داعى لذكرها .....

لكن فى نفس الوقت هههههههههههه البعض يقول لك ... يا عم انت لو سمعت كل صوت فى العربية وجريت على الميكانيكى يبقى موش هاتخلص ههههههههههههه ... وجهة نظر برده ... خصوصا ان الميكانيكى عايز مصلحته وخلاص ... ويا حلاوتك لو انت موش فاهم حاجة .. او مافيش حد معاك بيفهم ... عشان يعرف يتعامل معاهم .... ربنا الستار فى الاول والآخر

شكرا لحضرتك
مع اطيب التمنيات
اخوكم حسين غزالة

[akmm]

هو موضوع مفيد والشكر طبعا لمحرره ........... ولكن الغريب والجميل اعداد اللى دخلو لمشاهده الموضوع هل هو اسنذاده فى المعلومات عن القياده او هو ماكنشى فيه اساسا ... مجرد سؤال ؟