الموضوع: رابطة الوحوش ملاك السيفيا....الجزء الاول

ياعم انا مش قصدى خنافه ,,, انا قصدى انت تقول الى عندك وهوا الى عنده ,, وحنا الى نستفيد فى الاخر

كان لازم اعزق يعنى

السلام عليكم يا رجالة كيا
انا معايا سيفيا 95 وفيها كذا حاجه بس للأمانه العربيه زى الفل
بس مشكلة التابلو المطقطق من الشمس زى اى كيا و مكن الازاز بطئ موووووت
دل مش حاجه اهم حاجه انا العربيه مشاء الله عفيه جدا ولما بجرى بيها بعد 120 مفيش اتزان خالص
مع انى مركب كوتش اعرض 13 - 70 -185 والاصلى اساسا 13 - 70 -175
وظبط زاويا مره عادى ومره كمبيوتر وعملت ترصيص وغيرت مساعدين ورا (استيراد) وبرده مفيش فايده

يطلع ايه ده يا عمو

منورنا ياريس بالمناسبه عاوزك تقولنا اخبار العربيه ديه معاك ايه
من حيث قطع الغيار والصيانه
لان بصراحه مذا واحد دخل على المنتدى وكان قدامو السيفيا 1 بس كنا بننصحوا بسيفيا 2 عشان قطع الغيار متوفره اكتر
فبما انك بقى معاك العربيه قولنا ايه اخبارها معاك

مشاكل العربيه ديه امرها سهل كلها بسيطه
التبلوه قبلت كل الناس
والحمد لله قدرنا نتوصل لتلت حلول
لاما يتزنق بحاجه مع الترعيض للشمس وديه فكرتى
او فكره ماكس انك تلزق التبلوه بامير
وفكره سامح والاخيره انك تروح لواحد يخرجلك التيلوه ويظبطهولك ويرجعلك كل حاجه زى مكانت واحسن

اول فكره هتعمل بسيطه وعاوزه صبر
لو التبلوه عندك قابب لفوق وده عن تجربه عملتها عندى
التبلوه عندنا بيتاثر بالحراره والشمس عشان كدا بيطرقع لفوق
فانت برضوا هتعلجوا بالحراره والشمس
هتوقف العربيه قد 3 او 4 ساعات فى السمش تمام وبعد كدا هتم الاتى
هتجيب ملايه كبيره وهتبدى تزنقها كويس بين التبلوه والازاز هتلاقى التبلوه هيرد معاك لتحت
المهم هتزنق جامد وعلى مهلك وانساها بقى لمده 3 او اربع ايام كدا
وبعد كدا شيل الملايه هتلاقى التبلوه رجع رد تانى لتحت ولو حسيت بعد كدا انوا يجرى تانى هتبتدى تزنقوا بقى باى حاجه صغيره

الفكره التانيه فكره ماكس
والراجل كان عامل موضوع هجبهولك انوا حقن التبلوه بامير وبرضوا بيتزنق لحد مينفش
والموضوع ادى معاه تمام
http://www.nilemotors.net/Nile/173421-a.html

فكره سامح بقى
انوا راح لواحد متخصص وظبطهولوا تمام بصراحه وانا شوفتوا وشغلوا نظيف

بالنسبه لمكن الازاز طبيعى يكون بطىء من الاستخدام الفتره ديه كلها كتير خيرو
هتحاول الاول نظف مجارى الازاز وميكنش بزيت عشان هيلم تراب
وبرضوا شوف البطء من اللوحه الرباعيه ولا من كل زرار
او بمعنى تانى يعنى كل ازاز بيكون ليه زرار لما بترفع من الزرار الى عند كل ازاز بيطلع بسرعه ولا لا
لو بيطلع بسرعه وبيطلع ببطء لما بيتجى ترفع من اللوحه الرباعيه يبقى حاول انك تنظفها باسبراى وتبص على لوصلات بتعتها

لو مكنش فى كل الكلام ده يبقى هتلاقى شربون المكن عاوز يتغير وهيرجع معاك تمام وزى الفل

بالنسبه لموضوع السرعه انا مش معاك فيها بصراحه 120 نفسها كتير اوى
مع الطرق بتعتنا هتلاقى العربيه بتترقص بيك حتى لو راكب بى ام
غير لو فى هوا برضوا هياثر معاك جامد
والعومان بيكون ليه اسباب كتير انت ابتديت بالزوايه وده صح
اكشف على الاتى
أظبط زوايا وتأكد من سلامة المقصات والميزان الاماميين وان مافيش عجلة مأخرة عن التانية
اضبط زوايا ورا وتأكد من سلامة جلب المقصات الخلفية
العربية متكونش مرفوعة من ورا ومكفية من قدام وشوف لو انت مركب ليها علايات ولا لا
اتاكد ان علبة الديريكسيون مافيهاش بوش