الزيوت التخليقية في السوق المصري هي اللي بيسموها "زيت 10000".. على أساس إنك بتغيرها على 10 آلاف كيلومتر.
الماركة فعليا ما بتفرقش ... خاصة لو قارنت الزيوت اللي ليها نفس المواصفات
فحضرتك لازم الأول تعرف إيه المطلوب من كتالوج العربية بالنسبة للزيوت... وبعد كده تشتري "أي زيت بأي ماركة" بشرط تكون زي المكتوب في الكتالوج أو أحسن...
علشان كده مش هقدر أقوللك إذا كان زيت الـ3000 أو الـ5000 اللي حضرتك بتقول عليه ده إلا لما نشوف الكتالوج طالب إيه وبعدين نشوف إيه الزيت المناسب.
لو ناوي تحط زيت تخليقي (10000 يعني).. بردو ده له قواعد.. أولها إن اللزوجة بتاعته تكون منصوص عليها في الكتالوج...
وتاني حاجة.. إن الزيت يكون أساسه معدني علشان ما تبقاش مضطر تغير كل الجوانات والأويلسيلات بتعت الموتور...
يفضل تبعد عن موبيل 1 لإنه - وحسب آخر معلوماتي - تخليقي بالكامل من أساس غير معدني.. وده شيء كويس جدا للمواتير الجديدة .. بس ممكن يسبب مشاكل للمواتير القديمة اللي عمرها فوق 5 سنين.
لو حضرتك لسه محتاج مساعدة.. يا ريت تصور صفحة كتالوج العربية اللي فيها مواصفات الزيوت... وإن شاء الله أقدر أدلك على الزيت المناسب من المتاح قدامك.
...
المفضلات