الموضوع: القواعد الذهبية لاختيار زيت العربية.... موسوعة مبسطة لأساسيات زيوت المحركات

المشاركة الأصلية كتبت بواسطة tasaka

العضو الكريم الفاضل borio1704

جدول اللزوجه

من الكتالوج




- هناك قيمه مهشره بالاسود ( SAE 10W-30 ) .. و اسفل الجدول مربع مهشر و لكن لا يوجد شرح لتوضيح التهشير .. ( بالنسبه لى استطيع ان افهم السبب .. هذه اللزوجه التى قرأتها فى كتالوج الشيرى للموتور الصينى ACTECO

- القيمه SAE 10W-40 .. موجوده ابضا للجالانت القديم 4G63-SOHC ( نفس موتورنا كامه واحده.. راكب على جالنت قديم حتى سنه 1993 ) .. و الزيت الموصى به له هو Semi Synthetic 10w-40

- القيمه SAE 5W-40هى القيمه الجديده التى يتم ذكرها للمره الاولى

القيمة الجديدة دي معمولة علشان الزيوت التخليقية تحديداً.. خصوصا إنها بقت منتشرة .. وكمان.. بتدي انطباع لمشتري العربية إن العربية ينفع معاها زيوت حديثة.. ويمكن تكون بتسهل عليه في نفس الوقت.

المشاركة الأصلية كتبت بواسطة tasaka

مدخلات اضافيه

- استعمل بنزين 92 .. السياره بها علبه بيئه

- كل زيوت موبيل A3 , و طبقا للموضوع فان علبه البيئه تستلزم A5 .. ام ان A5 هو للمواتير الصغيره فقط التى بها علبه بيئه ؟ .. ارجو التفضل بالتوضيح ان امكن

حسب التفسيرات الأخيرة لمواصفة الـACEA في آخر إصدار ليها.. فالفرق الأساسي بين الـA3 والـA5 هو إن زيوت الـA5 تعتبر موفرة في الطاقة... ده غير إنها زيوت تتحمل الخدمة الشاقة زي زيوت الـA3.


الزيوت اللي معمولة مخصوص لعلب البيئة هي زيوت اللي من فئة "C" في المواصفة.. يعني C1 , C2 , C3

ومع ذلك.. مش معنى إن عربيتك تكون فيها علبة بيئة إنك تبقى مُلزم باستخدام زيوت الفئة C... وصراحة.. أنا مع أكواد الـACEA بكون حريص جدا وما أفضلش استخدام زيوت من كود آخر غير الموجود في الكتالوج.

المشاركة الأصلية كتبت بواسطة tasaka

طلب توضيح لفهم درجات اللزوجه الخفيفه

- بالرغم من اننى قرأت حوالى 30 صفحه فى هذا الموضوع الرائع ( اكرر شكرى ) و ساستكمل الباقى اليوم بأذن الله .. الا اننى مرتبك فى فهم اللزوجه الخفيفه

- اللزوجه الاقل تساوى انتشار اسرع و اعمق للاماكن الضيقه ( و لكن هل هذا يقلل الحمايه و يزيد التآكل ام لا ؟؟ )

- لاحظت ان نوعين من الثلاثه لزوجات هو 10W و لابد ان هذا له معنى متناسب مع تصميم دوره تزييت المحرك.. ما الفرق بين اللزوجه 5W و 10W فى كيفيه عملها ؟؟

اللزوجة باختصار بيعرفوها بإنها مقاومة التغيير في الشكل ودي بتظهر في السوائل في شكل "التخانة".. ومعنى الكلام ده إني ممكن أقيسها بأسلوبين:

القوة المبذولة لتغيير الشكل ... أو .. سرعة التغير في الشكل (يعني المسافة المقطوعة خلال وقت محدد).

وزي ما قلنا قبل كده.. تقدر تاخد مثل للزوجة الخفيفة زي "الماء" مثلا... واللزوجة الثقيلة زي "العسل"... طبعا ده للتوضيح.

فالفكرة هنا إن اللزوجة الخفيفة بتساعد على انتشار الزيت بسرعة كبيرة.. بس طبقة الحماية بتبقى ضعيفة... على عكس اللزوجة العالية.. فانتشارها بطيء.. بس حمايتها للأجزاء (لما توصلها) بتبقى أعلى .. خصوصا مع الأحمال العالية.


ويمكن ده السبب اللي بيخلي الكتالوج يقول: "ما تحملش على العربية أثناء فترة الإحماء".. لإن لزوجة الزيت بتكون لسة خفيفة ربما أكثر من اللازم.. والمفروض نمشي بالعربية بأقل حمل ممكن.

أما سبب اختيار أنواع لزوجة بعينها .. فده له دخل بتصميم المحرك بدون شك... والمعروف إن المواتير الحديثة الخلوص فيها أضيق من المواتير القديمة... يمكن علشان طرق التصنيع بقت أفضل.. وكمان.. المواتير المحكومة كويس بتدي أداء أفضل بدون شك.

طبيعة التصميمات الجديدة دي بتجبر الصانع إنه يستخدم زيوت أخف علشان تقدر توصل لكل أجزاء الموتور.. خصوصا أثناء بداية التشغيل اللي هي أكتر فترة بيحصل فيها تآكل.. ده غير إن بقى فيه قوانين صارمة في أوروبا وأمريكا علشان تقليل استهلاك الوقود وتقليل الانبعاثات... واستخدام زيوت أخف معناه تقليل الاستهلاك.. وتقليل الانبعاثات مع بعض أنواع الزيوت.



طيب .. يحصل إيه لو استخدمنا زيوت أثقل (بالذات الزيوت قبل حرف W)؟؟؟

المتوقع إن التآكل في أول التشغيل هيكون عالي جدا لغاية ما الزيت يوصل... وبعدين تبدأ الحماية (بس بعد ما حصل اللي حصل)


ولو استخدمنا زيت أخف؟؟؟

المتوقع إن الحماية حتبدأ بدري.. بس ممكن تكون غير كافية خصوصا مع بدء الحركة بالعربية.. وهتفضل كده لحد ما الزيت يسخن ويوصل لدرجة حرارة التشغيل (100 مئوية)



بالنسبة لدرجات اللزوجة حسب تصنيف الـSAE... فهي متحددة بقيم محددة لسرعة السريان والضغط وقوى القص (Shear Forces)

تقدر تاخد فكرة سريعة عن قيمها من الجدول ده:



على فكرة.. فيه قيم جديدة للزوجة الزيت لسه نازلة السنة دي (2015).. وقريب هنبدأ نشوف لزوجة زيوت بأرقام جديدة زي 8 ، 12، 16... وهكذا.

المشاركة الأصلية كتبت بواسطة tasaka

كميه الزيت للموتور

- ارجو ملاحظه ان كميه الزيت فى الرابط اعلاه هى 3.9 لتر .. الموتور 4G63-SOHC ينتهى فى 1993 .. كامه واحده

كميه زيت الموتور ( شامله الفلتر )



- كميه الزيت فى الرابط اعلاه هى 4.3 لتر .. الموتور 4G63 ينتهى فى 1993 .. اعتقد 2 كامه DOHC

- قد يكون هذا هو سبب النقص على مقياس الزيت !! ؟؟ لا اعلم

تحياتى و اعزازى و احترامى لشخصكم الكريم

احتمال كبير فعلا..

عموما... طول ما الزيت بين العلامتين (Max ، Min) .. ما تقلقش خالص.


...

المشاركة الأصلية كتبت بواسطة teefa1985

لو سمحت سؤال عشان هاتجنن خلاص
انا لسه مغير موتور لعربيتي بسبب ان الزيت كان بينقص جامد وطلع الموتور خفيف والحمد لله لسه ثابت الموتور الجديد علي الرخصة
بس من يومين بابص علي الزيت لاقيته ناقص جدا (تحت العلامة الصغيرة) وروحت غيرت الزيت وقيست الكمية اللي كانت موجودة وطلعت 2 لتر بس رغم اني ماعملتش غير 2600 كم بس (علي فكرة الزيت كان نازل غامق اوي ومفيش تسريب من تحت الموتور او حوالين الموتور او دخان ابيض من الشكمان بس ما شوفتش البوجيهات)
انا باستخدم زيت توتال 5000 (20w50) مع العلم ان الكتالوج بتاع العربية (بس في امريكا) بيوصي ب 5W20, 5W30, 10W30
اعمل ايه انا دلوقتي؟

هو طريقة سواقة حضرتك فيها حرق كتير؟؟؟

لو إجابتك "أيوه" ممكن يكون ده سبب في نقص الزيت.


وكمان .. ممكن جدا يكون بلف الـPCV بايظ

ارجع للموضوع ده لو عايز معلومات أكتر

http://www.nilemotors.net/Nile/418186-a.html


...

المشاركة الأصلية كتبت بواسطة teefa1985

لا حضرتك انا سواقتي مش حرق كتير ولا حاجة سواقة عادية وخصوصا ان العربية اوتوماتيك وباحسها تقيلة مش زي الكورولا 2004 بتاعت والدي اللي كنت باعمل بيها كل حاجة، وكمان بعد ما غيرت الزيت بامشي بيها بالراحة خالص يعني باظبط رجلي عشان تكون النقلات علي 2000 rpm

بس سؤال هو ايه بلف الpcv ده؟

ارجع للموضوع اللي في اللينك.. فيه كل التفاصيل


...