نصائح سائق جديد .. وخوفه قل شوية من موضوع السواقة .. والبركة فيكم تعلمونا الباقى

[husseinoo]

اساسيات القيادة الدفاعية

12- لا تمنع الآخرين من المرور

النور الأحمر ... واشارات السيارة الحمراء ... مسئولين بنسبة كبيرة عن معظم الحوادث الخطيرة ... ربنا يحفظ الجميع

قيادة السيارة تعتبر عادة بالنسبة للكثيرين ... يعنى فيه ناس تقود سيارتها بشكل تلقائى ... وفى نفس الوقت بيفكروا فى أشياء اخرى لا تتعلق بالقيادة ...

سهل جدا انك تمشى من خلال الزحام وبدون تفكير فى "ماذا افعل لو حصل اى شىء من اى سيارة بطريقة مفاجأة ؟"

يجب عليك عدم التوقف المفاجأ بأى حال من الأحوال
هل علمت أن اغلب الحوادث تتم بالقرب من المنزل
هذه هى الحقيقة لماذا ؟

اولا: لان اغلب مشاويرنا بالقرب من المنزل

ثانيا: لانك بمجرد ما تقرب من البيت .. تبدأ بالشعور بالإسترخاء والأمان ... يعنى بالبلدى كده "انت فى حتتك" ... يبقى حد غريب يحاول يعمل معاك اى حاجة وشوف هايحصل له ايه
وتقترب من المنزل بشكل تلقائى وفى منتهى الاسترخاء والراحة واللامبالاة .. وهنا تظهر الخطورة الشديدة

اليوم على سبيل المثال
وقت الغروب
وتقاطع فى الشوارع الداخلية بجوار البيت
سائق التاكسى ماشى فى الشارع الرئيسي
وداخل على التقاطع بهدؤ لكن بدون اى مقدمات لا إضاءة ولا كلاكس "ولا حس ولا خبر"
وخرج له عربية تويوتا من التقاطع
نفس الشىء ماشى بهدؤ وبدون اى مقدمات لا نور ولا كلاكس
الاثنين معتمدين على انهم ماشيين بهدوء

هو فى الحقيقة ربنا ستر والاثنين وقفوا امام بعض بسرعة
لكن كان ايه اللى هايحصل لو واحد فيهم نور نوره
او ضرب كلاكس خفيف يقول انا موجود "برغم هدوء الشارع"
معلهش ده افضل للجميع ... ولا إيه




فكر كام مرة كنت ماشى بسرعة ... وظهرت لك عربية ماشية بسرعة اقل منك ... واول ما شفتها .. على طول تقول لنفسك موش هاخليه يعدى منى ... ازاى يعدى منى وهو ماشى بسرعة بطيئة ... وسرعته اقل منى
وتزعل وتضايق وتكبر فى دماغك ان العربية دى موش هاخليها تعدى منى
هى دى طبيعة البشر

ممكن يكون اللى عايز يعدى منك عنده ظروف ... مثلا عايز يروح المستشفى بسرعة ... عشان كده اوعى تمنع اى حد يمر منك

اجمل واحلى نصيحة
هى انك وانت تقود سيارتك تحاول دائما ألا تكون سبب فى إزعاج الآخرين على قدر المستطاع
ده علشان سلامتك الشخصية اولا
انت لا تريد سيارة خلفك يشعر قائدها بالغيظ او بالإحباط أو الزهق منك
عدم سماحك للسيارة التى فى الخلف من المرور منك ... تشعر قائد السيارة بالغضب الشديد منك بدون داعى لذلك



وتجعل السيارة التى فى الخلف تدخل امامك بطريقة غير آمنة ... "عايز يعدى منك بأى شكل حتى ولو غلط"
وطبعا ده يعرضك للخطر الشديد جدا
فأنت بهذه الطريقة تكون مشارك بشكل او بآخر فى المشكلة
لو انت موش مسئول عن الحادث بشكل قانونى ... لكنك مسئول عن الحادث بشكل "أخلاقى"

نصيحة هامة
إذا كان السائق الآخر يريد المرور منك ... ابذل كل جهدك لكى تساعده على المرور منك ... حتى ولو لزم الأمر بالتوقف على جانب الطريق ... مافيش اى مشاكل خالص ... الموضوع موش هاياخد منك ثانية ... لكن هاتمشى بسلام وهاتوصل مشوارك بالسلامة


ملحوظة هامة:
بالنسبة لشوارعنا والزحام عندنا
اوعى تحاول تعدى عربية منك على حسابك ... يعنى عشان عربية تعدى منى وفى نفس الوقت الشارع ضيق .. يبقى موش معقول عشان اوسع له الطريق اخبط اى سيارة راكنة فى الشارع
او داخل ملف والملف ضيق
عشان اوسع له الطريق ... اطلع انا على الرصيف

احنا بنقول على قدر المستطاع لو حد عايز يعدى ... خليه يعدى وهدى عربيتك ... ووسع له الطريق كمان ... لكن بدون انك تعرض نفسك للخطر

يعنى مثلا وانا ماشى ... شايف عربية ماشية بسرعة 80 كيلوا فى الحارة اللى فى النص
وانا ماشى فى الشمال بنفس السرعة
يعنى لو حبيت اعدى منه ... تقريبا هانقفل الشارع
وكمان هامشى تقريبا 100 كيلوا عشان اعدى منه
وانا اصلا موش عايز اجرى اكثر من 80
وفى المراية ورايا مجموعة عربيات عايزة تعدى
الحل ايه
الحل ببساطة ... رفعت رجلى من على البنزين
العربية هديت
والفرق بينى وبين العربية اللى ماشية فى الحارة الوسطى "الفرق كبر بشكل كويس"
على طول العربيات اللى ورايا عدت منى بسهوله ويسر
وبدون مشاكل


نصيحة
اوعى تمشى بجوار اى سيارة على نفس السرعة ... "هاتقفل الشارع بدون داعى"





الجمعة اللى فاتت زى ما قلت لكم خرج ورايا الشاب الروش المؤدب وراكب بجواره البنت الامورة وهو عايز يعمل توت فروت امامها

انا ماشى فى الشمال والشارع واسع
وكمان داخل شمال
وهو عايز يجرى ... لكن بطريقة الامامى هو اللى يوسع لى حتى ولو خبط اى حد ... المهم انه يجرى
يعنى انت لو كان فيه حتى شوية مهارة هاتعدى لو سمحت الظروف
خصوصا ان الشارع واسع جدا جدا
ده غير الكلاكسات وقلة الادب


المهم
وانا ماشى قبل موقف العاشر ... انا عارف الحتة رخمة شوية
واول ما شفت تجمعات عربيات من بعيد قوى ... حسيت ان الشارع موش ماشى كويس
وهديت سرعتى
وفعلا لمحت حاجة موش طبيعية من بعيد قوى
لكن موش عارف ايه هى
استعملت نور الإنتظار
عشان اللى ورايا يعمل حسابه
واول ما قربت فعلا وجدت سيارة نص نقل متعطلة ناحية اليمين
وخلفها 3 عربيات "لازقين" للعربية النقل .... يعنى اول العربية ما عطلت هما كمان وقفوا لا حول لهم ولا قوة
اعطيت اشارة يمين وخرجت منه الحمد لله رب العالمين فى منتهى الهدوء ومن بعيد من غير ما اقترب منه وبدون ان اسبب مشاكل للماشى من خلفى او اعمل له اى مفاجآت




وفى نفس الوقت
ما فيش ثوانى
وافاجأ بتجمع زحام آخر
وشوفت الزحام من بعيد قوى ... وبرده ما عرفش ايه السبب
اقتربت بحرص
ونورت الإنتظار
واول ما اقتربت ... شاهدت فى نص الشارع "قفص" مرمى فى نص الشارع وموش عارف كان جواه ايه
المهم انا اهدى عشان اعدى بسلام
واللى على يمينى موش عاجبه وعايز يجرى
دخل من على يمينى بسرعة جدا من غير ما يفهم حاجة
النتيجة
بووووووووووووم
راح خابط "القفص" زى لاعيبه الكورة

والعربية اللى وراه راحت خبطاه هى كمان
واللى وراه عايز يفادى القفص ... وشغلانة
وعلى ما اقتربت من المكان كنت عديت الحمد لله فى سلام
لازم تنظر للامام بشكل كبير قوى قوى على قدر المستطاع


وانا ماشى فى النفق وداخل على العبور
ظهرت امام سيارة نص نقل "موتورها مفوت" وعمالة تدخن
فى الوقت اللى قررت فيه انى اعدى منه ظهر فى المراية سيارة ميكروباص
على طول بدون تفكير قلت لنفسى مافيش مشاكل
اهدى شوية
على ما صاحبنا يعدى بالسلامة
وفعلا انا ماشى فى اليمين
والميكروباص ماشى فى الشمال زى الصاروح وعدى بالسلامة


اللى يضحك قوى
سيارة ملاكى حديثة ماشية ورايا انا
وبيضرب لى كلاكس
انا فى اليمين
والشمال فاضى
طيب اعمل لك ايه

هههههههههههههه
المهم راح ناقل نفسه شمال
ومشى على طول
انا شاورت له ... قلت له شوف ... امامى عربية مفوتة هى اللى مانعة تقدمى بسرعة
الراجل مشى بأدب وعرف انه ماشى زى الآلة "آنا آسف جدا للتعبير ده"
لأنه يشاهد السيارة التى امامه فقط
نظره موش بيجيب اكثر من كده
طبعا ده غلط كبير جدا جدا جدا


خلال ثانيتين كانت العربية المفوتة خرجت من النفق وانا عديت منها بالسلامة
وكمان انا عارف ان بعد النفق كل العربيات هاتقف غصب عنها عشان فيه مطب صناعى
يعنى مافيش داعى من الآول ان الواحد يجرى جامد وهو عارف انه هايقف بعد ثوانى


وانا ماشى فى شيراتون ... وكنت هادخل يوتيرن على الشمال وملتزم بالحارة الشمال

شاهدت ميكروباص اخضر "حكومة" بينزل ركاب .. مافيش مشكال
لكن عارفين صاحبنا كان واقف فين ؟
كان واقف فى اليوتيرن
عارفين كان واقف فين فى اليوتيرن
كان واقف على شمال اليوتيرن
طيب يا اخى انت عايز تقف فى المكان ده .. على الاقل توقف على الرصيف اليمين "بتاع اليوتيرن"
وعشان تعدى منه تفاجأ بالناس نازلة من الاوتوبيس
طبعا عشان قلنا انك لازم تدخل على الملفات فى منتها الهدوء ورجلك فوق الفرامل بتتحكم فى سرعة العربية
الحمد لله دخل وعديت بالسلامة
كان ممكن افضل واقف وراه على الشمال لحد ما يمشى
لكن العربيات ورايا كانت هاتعطل شوية
اعتقد ده كان افضل من انى اعدى من على يمين الاوتوبيس خصوصا انه كان بينزل ركاب





اول ما دخلت على الدائرى
ظهر لى عربية 128 عايزة تجرى
قلت لنفسى سيبه يجرى ... مافيش مشاكل الشارع واسع .. وانا ماشى 70 او 80 كيلوا
اوعى يسخنك
وتقول لنفسك يعنى الـ 28 التعبانة دى هاتركها تعدى منى
ضحكت .. وكبرت دماغى
بعد دقيقة واحدة
وجدت تجمع وشبه توقف للسيارات
انا شايف المنظر من بعيد قوى
هديت
واستخدم الإنتظار
وعندما اقتربت
فوجئت بسيارة 28 مافيش فيها حاجة سليمة
كل الزجاج متكسر والابواب مخبطة ... زى ما يكون ربنا يحفظ الجميع "ان العربية اتقلبت" ... وطبعا فيه عربيات تانية مخبوطة
وزجاج مرمى فى نص الشارع
قلت يا نهار ابيض
لا حول ولا قوة إلا بالله
يعنى انت شايف ان الشارع ماشى والحمد لله
والشارع واسع
ايه المشكلة لما تمشى فيه بعقل
كل اللى انت هاتوفره فى الوقت لن يزين عن 6 دقائق ده لو كان المشوار 100 كيلوا
يعنى موش محتاج تمشى 100 او 120 كيلوا

ربنا يسترها يا رب مع الجميع


بعد ما مشيت مافيش 100 او 200 متر
اسمع لك صوت "فيسسسسسسسسسسسسسسس"
ايه الصوت ده

ده عندى انا
ام الاولاد: ايه الصوت ده
قلت لها: دى عجلة نامت .. وتقريبا العجلة اللى فى الخلف
مشيت بالعربية والعجلة نايمة 10 او 20 متر عشان اخرج لاوسع مكان فى الشارع
ووقفت على اليمين
وشغلت نور الإنتظار
وخرجت المثلث
ووضع المثلث على بعد 20 متر تقريبا من العربيه
وقلت لنفسى: اول مرة فى حياتك تغير عجلة .. ربنا يستر
قلت لنفسى: هوى الصواميل الاول قبل ما ترفع العربية
طبعا انا عشان عضلات قوى ... كنت اقف على المفتاح بجسمى عشان الصواميل تفك
والحمد لله كانت بتفك
حبيت ادخل الكوريك من تحت العربية
وجدت العربية واطية قوى
قلت لنفسى : يا نهار ابيض
قلت: خلاص ركب الكوريك من عند الشكمان
الحمد لله الكوريك دخل تحت العربية
بالنظر كده قلت احسن مكان "هو الاكس اللى ماسك العجلتين"
برفع الكوريك ... لاقيته بيرفع

قلت : طيب الحمد لله ... لانى كنت خايف ان الكوريك يكون بايظ انا عمرى ما اتسخدمته من ساعة ما اشتريت العربية
غيرت العجلة
ورجعت كل حاجة مكانها
ودماغى ضرب ... من الشمس
وموش لاقى نفسى

عرفت انى "كبرت خلاص"
ام الاولاد قالت لى ما تسوقش العربية وانت تعبان كده
جابت زجاجة مياه ... وغرقت لى دماغى
حسيت ان النور رجع تانى
واكلت حتة بسكوت بالعجوة ... صحصحت شوية
ومشيت على بركة الله ووصلت البيت
لكن فضلت تعبان موش اقل من 3 ساعات

صاحبى قال لى: ولا كنت تتعب نفسك
كنت وقفت اى سواق تاكسى ... خليه يغير لك العجلة ... واعطى له اللى فيه النصيب وخلاص


قلت له : كلامك سليم مية مية
والاهم يا جماعة
لازم تتأكد من "العجلة الاستبن" .. انها مية مية
انا من شهر كشفت عليها وجدتها نايمة تماما ونفختها مضبوط .. شوف الحظ
ولازم تتأكد من ان الكوريك يعمل بكفاءة ومناسب لعربيتك
ولازم تعرف النقاط المناسبة لرفع السيارة ... يعنى اوعى ترفع من تحت "تنك البنزين مثلا"







انا كترت عليكم الكلام ... صح
اكنكم بتتفرجوا على فيلم هههههههههههههههههههههههه
هههههههههههههههههههههههههههه


ربنا يسترها معاكم ومعانا
وربنا يحفظ الجميع



فى انتظار التواصل


مع اطيب التمنيات
اخوكم حسين غزالة

[hish_hummer]

بجد الواحد مش عارف يشكرك يا استاذ حسين ازاى ع المعلومات دى كلها ......بجد الف شكر

ليك .......ودى اول مشاركة ليا فى المنتدى ككل

وانا كنت اتعلمت من سنة كدة وبعدين رجعت من 3 شهور كدة اتعلم تانى علشان الرخصة والحمد

لله طلعتها ورايح كمان كام يوم اسوق تانى .....علشان حتة الممارسة دى ....وبجد الواحد اتعلم

كتير من الموضوع اللى انت عملتة دة وبشكر برضة استاذ محمد فوزى

عندى سؤال ......بمناسبة العجلة اللى نامت منك هو اية انسب مكان نحط فية الكوريك ؟؟؟؟

[husseinoo]

[/quote]

بجد الواحد مش عارف يشكرك يا استاذ حسين ازاى ع المعلومات دى كلها ......بجد الف شكر

ليك .......
لا شكر على واجب .. انا اللى بشكرك على كلامك الجميل ده

ودى اول مشاركة ليا فى المنتدى ككل

وإن شاء الله ما تكونش آخر المشاركات ونستفيد من تجارب حضرتك

وانا كنت اتعلمت من سنة كدة وبعدين رجعت من 3 شهور كدة اتعلم تانى علشان الرخصة والحمد لله طلعتها

الحمد لله ... ودى تعتبر نسبة 20% من اهمية موضوع القيادة ... انا الاول كنت فاكر ان اهم حاجة هى الرخصة ... طلع موضوع الرخصة ده اسهل حاجة .. لان كل التدريب يدور حول اجتياز اختبار الاقماع فقط لا غير .. يعنى حصتين ثلاثة والموضوع يخلص

ورايح كمان كام يوم اسوق تانى .....علشان حتة الممارسة دى ....
هو ده الكلام السليم والمية مية ... التدريب ثم التدريب ... بدون استعجال وبشىء من الصبر وكل شىء هايكون تمام التمام إن شاء الله

وبجد الواحد اتعلم كتير من الموضوع اللى انت عملتة دة وبشكر برضة استاذ محمد فوزى
الحمد لله رب العالمين .. إن فيه استفادة ... وطبعا الفضل يرجع لاستاذنا الفاضل محمد فوزى ندعوا الله انه يكون بخير وفى احسن حال وكمان الاستاذ احمد والاخوات الفاضلات اميرة ولبنى وسارة وكل الاصدقاء موش عايز انسى اسم منهم

عندى سؤال ......بمناسبة العجلة اللى نامت منك هو اية انسب مكان نحط فية الكوريك ؟؟؟؟
موضوع الكوريك يتوقف على حاجتين
نوع العربية
ونوع الكوريك
يعنى بالنسبة لى عشان العربية تويوتا كورولا 1984 والكوريك نوعه "تمساح"
على فكرة الكرويك ده كويس قوى وتقدر تركبه من خلف العربية ومن الامام ... عشان لو العجلة نامت لا قدر الله ... هاتلاقى العربية قربت من الارض بشكل كبير قوى من الجانب ... وموش هاتقدر تركب كوريك بسهولة من جانب العربية ... والله اعلم

يظهر النقاط المناسبة فى الصورة التالية




اهم حاجة تبعد عن النقاط المتحركة .. يعنى لا يوضع تحت الاكس اللى ماسك العجلة الامامية "الاكس المتحرك" ... موش عارف اسمه ايه
ولا يوضع مثلا تحت تانك البنزين


بالنسبة لحضرتك لو كتبت لى نوع العربية ايه يمكن يكون الشكل مختلف .. فى الحالة دى ممكن ارفع لك صورة توضح النقاط المناسبة لرفع العربية لو وجدتها إن شاء الله

مع اطيب التمنيات
اخوكم حسين غزالة

[lobna_yaseen]

إزيك ياأستاذ حسين وإزيكم جميعا بجد ياأستاذ حسين مجهودك لايقدر بثمن والواحد مش عارف يودى جمايلك دى فين
أنا النهارده داخله أحكى تجربتى الفظيعه لأنى وديت إبنى الإمتحان بدل ما أدفع شهر كامل للباص على كام يوم عملت ابو العريف وقلت أنا اللى هوديه
أنا عموما إلى الآن كل مشاويرى بسيطه وداخل المعادى وده غصب عنى مش بمزاجى لو على أخرج بره المعادى وأواجه الطوفان الحقيقى للسواقه بس الظاهر إن ربنا عايز يسترها معايا لغاية ماأتمكن لأن كل حياتنا فى المعادى وأهلنا وشغلنا وخروجاتنا
المهم مدرسة إبنى بعيده شويه لأ شويتين تلاته عن البيت رحنا الحمدلله من غير خساير بس اللى ملاحظاه فى سواقتى إنى حاسه إن الناس كلها عارفه إنى مبتدءه وبحس إن ممكن لو واحد بيجرى جنبى هيسبقنى عشان بلاقى أغلب اللى حواليا بيعدوا من جنبى عشان يسرعوا مع إنى والله وصلت لل80 أحيانا بس الحمدلله مش كلهم يعنى فيه ناس بتمشى ورايا وحاسه إنها سريعه بس المشكله إنى لسه خايفه حاسه إنى فى وسط البحر والعربيات اللى حواليا كأنها الموج بيحاصرنى من كل مكان اللى مابيعرفش يعوم هيفهم قصدى إيه مع إن الإحساس ده عمره ماحصل لى وأنا بسوق الأتوماتيك يمكن من خوفى من الغيارات اللى لغاية الآن مش عارفه أضبطها يعنى كان فيه مكان مكسر وفيه زلط كبير وصغير فكنت حاسه إنى بكسر العربيه لما كنت بمشى على التانى أرجع على الأول ألاقى صوت الموتور عالى ومش عارفه الصح إن الواحد كل شويه يغير على الأول وبعد دقيقتين يرجع للتانى وهكذا ؟ يعنى ده مش بيبوظ العربيه وينفع الواحد يمشى بالأول مدة 10-15 دقيقه لو الطريق مكسر ماأنا سرعتى بتبقى 20 أو أقل ؟
واللى لاحظته كمان إنى مش عارفه أدخل على الملفات بالسرعه البطيئه اللى بتحكى عنها ياأستاذ حسين أو اللى أنا بتخيلها من كلامك يعنى كنت عاوزه أسألك تقريبا كده بتبقى على سرعة أد إيه وانت بتلف الملف؟ أيوه صحيح وكمان كنت عاوزه أسأل لو أنا على الغيار الرابع مثلا وسرعتى عدت الستين وهديت السرعه لو نقلت على التانى على طول فيها مشكله ولالأ ؟ لأن الطريق كان سالك والعربيات بتجرى بسرعه جدا وطبعا أنا أقل منهم برضه وأنا على الرابع بس مره واحده لاقيت الشارع فى آخره وقف على ماهديت وقربت أوقف العربيه وأنا على الرابع بس ماوقفتش فنقلت من الرابع على التانى فكده صح ولا إيه ؟ وكمان (يالالا الظاهر الواحد لما يسوق بجد فى شوارع سريعه كل شويه هزقكم بالأسئله بتاعتى) أن الصح إنى لغاية ماأوقف العربيه من الرابع كل شويه ألاحظ السرعه وأنزل بالغيار الأقل لغاية ما أوصل للتانى ولا عادى إنى أهدى خالص وبعدين أنقل على طول للتانى من الرابع ؟ وهو كلكم كل شويه لاتزيد عن دقيقه أو دقيقتين بتغيروا للغيار الأعلى أو الأقل ولا أنا اللى عاملاها لعبه وكل دقيقه بغيار شكل ؟ حاجه تزهق بجد وصحيح لما بقف بالعربيه عشان زحمه أو تقاطع أكون على الغيار الأول ولا التانى ؟ لأنى برجع على الأول لغاية ماالعربيات تتحرك ولا خلينى على التانى مادام العربيه مافصلتش ؟ ياه دا أنا هوريكم أيام لو مستعدين لسماع تجاربى فى السواقه
وكنت عاوزه أسأل كل مبتدأ إبتدى معانا الموضوع لغاية دلوقت إنت خايف لا تعمل حادثه ولا خلاص بقى الموضوع عادى ؟ لأنى بحس إنى بحارب وأنا نازله الشارع بس الحقيقه الإحساس ده ما بيجيش غير على الطرق السريعه اللى فيها العربيات بتمشى بسرعه جدا يعنى مثلا أنا فى الزحمه ببقى مطمئنه نفسيا أكتر من الطريق السريع حاسه إنى ممكن ماألحقش أقف فى الوقت المناسب وأعمل كارثه
المهم إنى رجعت الحمدلله بسلام من غير حوادث
أيه رأيكم فى هذه التجربه وياريت تجاوبونى على الأسئله بتاعتى علشان بناءا على ردكم هأطمن واصلح أغلاطى وطبعا يأأستاذ حسين منتظره ردك بالخصوص عشان إنت ماشاء الله عامل زى أستاذ محمد فوزى فى الأسلوب اللى بيفهم اللناس بالتفصيل الدقيق وياسلام لو أستاذ أحمد سعد فهمنى الغلط بتاعى كمان وشاكره لأى عضو من أعضاء المنتدى يقولى رأيه
سلامو عليكم

[husseinoo]

إزيك ياأستاذ حسين وإزيكم جميعا

الحمد لله رب العالمين ... انت عاملة ايه .. ندعوا الله انك تكونى بخير انت والاسرة الكريمة

بجد ياأستاذ حسين مجهودك لايقدر بثمن والواحد مش عارف يودى جمايلك دى فين

الله يكرمك يا رب ويبارك فيك وفى اولادك وفى اسرتك واصدقائك ويسعدك دنيا وآخرة ... شكرا لحضرتك على كلامك الجميل وتشجيعك المستمر لى

أنا النهارده داخله أحكى تجربتى الفظيعه لأنى وديت إبنى الإمتحان بدل ما أدفع شهر كامل للباص على كام يوم عملت ابو العريف وقلت أنا اللى هوديه

عشرة على عشرة ... برافو عليكى ... ده انت اشجع منى بكثيير

أنا عموما إلى الآن كل مشاويرى بسيطه وداخل المعادى وده غصب عنى مش بمزاجى لو على أخرج بره المعادى وأواجه الطوفان الحقيقى للسواقه بس الظاهر إن ربنا عايز يسترها معايا لغاية ماأتمكن لأن كل حياتنا فى المعادى وأهلنا وشغلنا وخروجاتنا

يا ستى ... ربنا يدومها نعمة .. ومانشوفش الزحمة ابدا ... وكويس جدا لك وللعربية ...

المهم مدرسة إبنى بعيده شويه لأ شويتين تلاته عن البيت رحنا الحمدلله من غير خساير

ربنا يستر لك طريقك ... واكيد المشوار ده يزيد عندك الثقة ... وده شىء كويس جدا .. برافو عليكى

بس اللى ملاحظاه فى سواقتى إنى حاسه إن الناس كلها عارفه إنى مبتدءه

وده كويس مافيش مشاكل .. عشان كل واحد يعمل حسابه ... خصوصا لو كان عنده شوية دم واحترام ... وبيراعى المبتدأ اللى بيسوق امامه ... ومايحاولش يربكه بالكلاكسات والحركات اللى مالهاش لازمة

وبحس إن ممكن لو واحد بيجرى جنبى هيسبقنى عشان بلاقى أغلب اللى حواليا بيعدوا من جنبى عشان يسرعوا مع إنى والله وصلت لل80 أحيانا

اتت كده ممتازة ... والمفروض داخل المدينة السرعة اعتقد لا تزيد عن 60 كيلوا اساسا .. وانت وصلتى الى 80 كليوا فى الساعة وده عشرة على عشرة ... آه كل العربيات الحديثة عداد السرعة 200 كيلوا واكثر ... لكن انا بجرى حسب الشارع اللى امامى وحجم الازدحام اللى فيه ... وحتى ولو فاضى والشارع سالك ... المشى على 80 كيلوا فى الساعة ممتاز جدا ... وموش هايفرق فى الوقت مع اللى ماشى بسرعة 120 غير فى حوالى 5 دقائق ... ده لو انتم كنتم مسافرين مشوار 100 كيلوا ... يعنى هو يوصل قبلك بحوالى 6 دقائق ... وقت تافه قوى ولا له تأثير فى أى شىء

بس الحمدلله مش كلهم يعنى فيه ناس بتمشى ورايا وحاسه إنها سريعه

فعلا بيقابلنى ناس محترمة .. كثيير .. وبكون سعيد لما الاقيهم مشايين ورايا ولمسافة كبيرة وموش عايز يعدى منى ... وشايف انى سايق "بعقل وبدون تهور" وبدون توقف وبدون حركات ... بخلاف اللى عايز يجرى ... اتركه يجرى مافيش اى مشاكل المهم انى ابعد عنه على قدر المستطاع واوسع له الطريق إن امكن ذلك دون تعريض نفسى للخطر

بس المشكله إنى لسه خايفه حاسه إنى فى وسط البحر والعربيات اللى حواليا كأنها الموج بيحاصرنى من كل مكان

فعلا المشى فى السريع يخوف جامد ... خصوصا لما تحسى انك بالنسبة لهم ولا حاجة ... وهما داخلين مع بعض سباق ... حتى العربيات النقل اصحابها فاكرين نفسهم سايقين عربيات ملاكى ... "عنبر العقلاء" ... اهم حاجة انك تركزى فى اللى امامك كويس جدا وتلتزمى بحارتك ... ومتخافيش منهم ... اللى عايز يجرى ... يجرى ...

اللى مابيعرفش يعوم هيفهم قصدى إيه مع إن الإحساس ده عمره ماحصل لى وأنا بسوق الأتوماتيك

سواء اوتوماتيك او سيارة عادية .. اول الواحد ما يمشى فى الطريق السريع يشعر بالخوف .. لكن انت عايزة الحقيقة ... اعتقد ان قيادة الاوتوماتيك "متعة" ... واحلى واحسن واريح بكثيير من السيارة العادية

يمكن من خوفى من الغيارات اللى لغاية الآن مش عارفه أضبطها يعنى كان فيه مكان مكسر وفيه زلط كبير وصغير فكنت حاسه إنى بكسر العربيه لما كنت بمشى على التانى أرجع على الأول ألاقى صوت الموتور عالى ومش عارفه الصح إن الواحد كل شويه يغير على الأول وبعد دقيقتين يرجع للتانى وهكذا ؟ يعنى ده مش بيبوظ العربيه وينفع الواحد يمشى بالأول مدة 10-15 دقيقه لو الطريق مكسر ماأنا سرعتى بتبقى 20 أو أقل ؟

شوفى ... الغيار الاول ده ... مالوش اى لازمة غير تحريك العربية ... يعنى اول العربية ما تتحرك معاكى .. ثوانى ... وانقلى الغيار التانى على طول ... خصوصا لو الطريق ماشى امامى
افترضى ان انت واقفة فى الإشارة وبالكاد السيارة بتتحرك وترجع تانى توقف بعد ثانية واحدة ... خلاص يبقى مافيش داعى انقل الغيار الثانى ..

لكن
لو العربيات كانت واقفة فى الإشارة ... وبدأت فى التحرك لمسافة طويلة .. خلاص هانقل الغيار الثانى ... وامشى معاهم عادى

الافضل انى انقل الغيار التانى "مادام العربية اتحركت"

استخدمى الغيار الاول فى حالتين فقط ... ان العربية تكون واقفة تماما او شبه متوقفة

"مثلا وانت طالعة على المطب" ... والعربية اتعلقت على المطب شبه بتتحرك ... الافضل هنا الغيار الاول ... لان العربية تقريبا متوقفة

الاستخدام الثانى ... وده مهم جدا جدا جدا .... لو كنت طالعة شارع مرتفع قوى .. مرتفع جامد ... وكنت ماشية على الثانى ببطء جدا ... اول ما تقربى من الشارع ده ... انقلى على الغيار الاول .... لان العربية تقيلة ... والشارع عالى جدا ومرتفع ... ومحتاجة الى غيار قوى .. يحرك العربية ويدفعها الى اعلى .... الموضوع ده بحرصك منه ... حصل معايا ... وممكن يقابل ناس كثيير خصوصا لما تسافرى اسكندرية وتلاقى شوارعها عالية ومرتفعة وبتنخفض خصوصا اللى بجوار الكورنيش.

واللى لاحظته كمان إنى مش عارفه أدخل على الملفات بالسرعه البطيئه اللى بتحكى عنها ياأستاذ حسين أو اللى أنا بتخيلها من كلامك يعنى كنت عاوزه أسألك تقريبا كده بتبقى على سرعة أد إيه وانت بتلف الملف؟

عمرى ما هادخل على ملف وسرعتى هاتزيد عن 20 كيلوا فى الغالب هاتكون بين 10 و 15 تقريبا ...
خصوصا لو كان الملف "على ضيق"
او الملف نازل على شارع رئيسى والعربيات فيه مسرعة
او ملف مزدحم بالعربيات او المشاة

ببساطة ... انت داخلة على الملف
لو كان فيه عربية امامك ... ابسط حاجة تحاولى تحافظى على مسافة بينك وبينها ...

هاتتركى العربية تمشى لوحدها ...
لو كانت سريعة ... اضغطى على الفرامل خفيف ... ورجلك تفضل مستعدة فوق الفرامل

لو كانت مازالت سريعة ... اضغطى على الفرامل مرة تانية ...
المهم انى
ادخل على الملف وانا بضغط الفرامل
ادخل على الملف وانا بتحكم فى سرعة العربية "بالفرامل"
ادخل على الملف وانا احاول ألا اتوقف تماما

ولو موش محتاج انى اضغط الفرامل على اساس ان العربية مازالت بتتحرك ... يبقى رجلى تكون فوق الفرامل حتى ولو موش هاضغط عليها ... جاهزة لاى طوارىء ... وطبعا رجلى الثانية اساسا ضاغطة على الدبرياج على طول الخط

فيه فرق بين انى اتوقف بالعربية ... وبين انى اترك السيارة تسير بالقوة الدافعة واتحكم فى السرعة بالفرامل
لو انا شايفها داخلة على الملف بهدوء
خلاص موش هاضغط على الفرامل ... وهاتركها تمشى بسرعتها بهدوء
لو حصل اى حاجة امامك انت اصلا ضاغطة على الفرامل او رجلك على الفرامل

طيب لو كان الشارع سالك .. والملف مافيهوش اى مشاكل
خلاص
انا اساسا داخل على الملف وناقل مثلا الغيار الثانى
ده على اساس ان العربية ما زالت بتتحرك
اول ما الاقى الشارع سالك ... هارفع رجلى عن الدبرياج وازود بنزين و امشى على طول

طيب ولو الشارع موش سالك زحمة مثلا
لو العربية سرعتها هادية ... هاتركها تمشى لوحدها ... وانا ضاغط على الدبرياج ورجلى فوق الفرامل ...
لو الشارع وصل لدرجة التوقف
خلاص اضغط على الفرامل بالكامل
وانقل الغيار على الاول او "امور الفتيس" حسب الظروف


أيوه صحيح وكمان كنت عاوزه أسأل لو أنا على الغيار الرابع مثلا وسرعتى عدت الستين وهديت السرعه لو نقلت على التانى على طول فيها مشكله ولالأ ؟

بالنسبة لى ...
لو سرعة العربية نزلت اقل من 40 كيلوا ... انقل الغيار التانى
لو السرعة نزلت عن 60 كيلوا ... انقل الغيار الثالث
لو السرعة اعلى من 65 تقريبا .. انقل الغيار الرابع

وتقريبا الرابع ده داخل المدينة صعب قوى ان الواحد يختاره من كتر الزحمة
المشى داخل الزحام اغلبه على الثانى والثالث

يعنى انا شايف ان الطريق هايتوقف خلال ثوانى
اضغط ضعطة حلوه على البنزين وانا ناقل الغيار الثالث ... واترك العربية تمشى لوحدها الشوية اللى فاضلين ...
لو الشارع مشى .. خلاص استمر فى السير
لو الشارع توقف .. اضغط على الفرامل واتوقف

فيه ناس تانية
تنقل الغيار الرابع وتمشى عليه حتى ولو ثانية واحدة
وقبل الزحام ... تضغط فرامل جامدة وتتوقف بالعربية
وترجع تانى تنقل الى الغيار الثانى او الاول حسب سرعة العربية

طيب ما انت كده كده واضح انك هاتقف بعد ثوانى ... ليه لزومه تنقل الرابع وترجع تنقل الثالث او الثانى ... وتفضل تلعب لعبة الكراسى الموسيقية


انا عن نفسى لا احب ضغط الفرامل كثيير ... ونقل الغيارات كثيير
ممكن استمر فى السير بهدوء ... وعلى ما اوصل للزحام ... يكون ربنا سلكها ... واستمر فى السير خلف تجمع السيارات بشكل عادى


لأن الطريق كان سالك والعربيات بتجرى بسرعه جدا وطبعا أنا أقل منهم برضه وأنا على الرابع بس مره واحده لاقيت الشارع فى آخره وقف على ماهديت وقربت أوقف العربيه وأنا على الرابع بس ماوقفتش فنقلت من الرابع على التانى فكده صح ولا إيه ؟

عشرة على عشرة
اولا: لانك نظرتى الى الامام بمسافة كبيرة .. واكتشفتى ان الشارع متوقف او شبه متوقف
ثانيا: انك اول ما اقتربتى اخترتى الغيار السليم .. الغيار الثانى ... لانك اكيد سرعتك نزلت اقل من 40 كيلوا
مافيش مشاكل انى انقف من الرابع الى الثانى
او من الرابع الى الثالث
او من الرابع الى الاول
ما فيش اى مشاكل ... المهم ان الغيار يكون مناسب لسرعة العربية

وكمان (يالالا الظاهر الواحد لما يسوق بجد فى شوارع سريعه كل شويه هزقكم بالأسئله بتاعتى)

ههههههههههههههههههههههههه
بالعكس
الاسئلة البسيطة بالنسبة لنا
ممكن تكون مهمة جدا جدا لاى سائق مبتدأ
يعنى الواحد لازم يفكرة بعقلية ان موش كل اللى بيقرأ الكلام ده محترف فى القيادة
ولو أن يوجد كلام كثيير بين السطور مفيد للاثنين سواء كان مبتدأ او حتى محترف والله اعلم

أن الصح إنى لغاية ماأوقف العربيه من الرابع كل شويه ألاحظ السرعه وأنزل بالغيار الأقل لغاية ما أوصل للتانى

شوفى
انت ماشية على الرابع مثلا
وشايفة ان الطريق هايبدأ يتوقف
اترك السيارة تسير بدون الضغط على اى حاجة
لو الشارع مشى فى امان
خلاص
هانقل الغيار مثلا
الثالث لو كانت سرعتى نزلت عن 60 كيلوا
الثانى لو كانت سرعتى نزلت عن 40 كيلوا
او هاستمر فى السير على الرابع ... لو كانت سرعتى اعلى من 65 كيلوا او 70 كيلوا

طيب لو كان الشارع هايتوقف
اول ما اقترب من الزحام ابدأ اجهز رجلى على الفرامل
اقتربت جامد
اضغط على الدبرياج
ورجلى الثانية فوق الفرامل واضغط على الفرامل ضغطاط خفيفة ... بحيث العربية تهدى لكن لا تتوقف تماما
اقترب جدا .. ابدأ اهدى العربية واتحكم فى سرعتها بالفرامل
توقف الشارع تمام
خلاص اضغط على الفرامل بالكامل واتوقف انا ايضا

ولا عادى إنى أهدى خالص وبعدين أنقل على طول للتانى من الرابع ؟ وهو كلكم كل شويه لاتزيد عن دقيقه أو دقيقتين بتغيروا للغيار الأعلى أو الأقل ولا أنا اللى عاملاها لعبه وكل دقيقه بغيار شكل ؟

كلامك سليم
مافيش داعى انقل الغيارات عمال على بطال
ما دام الشارع شايف انه هايتوقف ... اترك العربية تسير لوحدها
وبعدين عملية نقل الغيار حسب المسافة اللى امامك
شايف ان الشارع سالك ومية مية
خلاص هانقل وهامشى على طول
هانقل الغيارات ورا بعض بدون مشاكل

لكن لو الشارع شكله هايتوقف
من وجهة نظرى مافيش داعى انقل غيار اعلى لمدة ثانية او ثانيتين .. وارجع تانى اتوقف
واضغط على الفرامل بشكل جامد



حاجه تزهق بجد وصحيح لما بقف بالعربيه عشان زحمه أو تقاطع أكون على الغيار الأول ولا التانى ؟
لو العربية مازالت بتتحرك بهدوء ... اكن فيه واحد ماشى جنبها
خلاص انقلى على الغيار التانى بدون تردد

لأنى برجع على الأول لغاية ماالعربيات تتحرك ولا خلينى على التانى مادام العربيه مافصلتش ؟
تمام كده ... ما دام العربية بتتحرك انقلى على الغيار التانى
لو العربية توقف تماما او كانت يا دوب بتتحرك بصعوبة قوى ... انقلى الغيار الاول
ياه دا أنا هوريكم أيام لو مستعدين لسماع تجاربى فى السواقه
ههههههههههههههههه
والله الكلام ده كله هاتخدى عليه ثواب كبير
لانى اعتقد ان فيه ناس كثيير قوى بالنسبة لها الكلام ده مهم جدا جدا
وموش عيب خالص ان الواحد يسأل مرة واثنين وثلاثة
مافيش اى مشاكل
اهم حاجة ان الواحد يفهم كويس

وكنت عاوزه أسأل كل مبتدأ إبتدى معانا الموضوع لغاية دلوقت إنت خايف لا تعمل حادثه ولا خلاص بقى الموضوع عادى ؟

الخوف بالنسبة بيقل كثيير
لكن عشان احنا مبتدأين
اول ما يواجهنا اى موقف سخيف ... الخوف يرجع لنا بسهولة
اللى يساعد الواحد على مواجهة الخوف ... التدريب ثم التدريب ... والفهم كويس قوى

لأنى بحس إنى بحارب وأنا نازله الشارع بس الحقيقه الإحساس ده ما بيجيش غير على الطرق السريعه اللى فيها العربيات بتمشى بسرعه جدا

ده الواحد لو اعصابه حديد
كفاية يمر بجواره سيارة شاحنة حاوية ... عنده 20 عجلة
ههههههههههههه
رعب على الطريق
اهم حاجة ... امشى داخل الحارة بتاعتك
اوعى تمشى على الخطوط الموجوده بين الحارات
واتركى مسافة كافية بينك وبين العربيات الموجودة امامك


يعنى مثلا أنا فى الزحمه ببقى مطمئنه نفسيا أكتر من الطريق السريع حاسه إنى ممكن ماألحقش أقف فى الوقت المناسب وأعمل كارثه

بعد الشر
هو فعلا المشى فى الزحام مافهوش مشاكل غير فى التقاطعات والميادين خصوصا لو كان مفيش عسكرى مرور ...
وكل واحدعايز يعدى بمعرفته
هنا تظهر الخطورة على المبتدأ
العربيات ماشية خلفك
وعايزينك تعدى التقاطع ... قبل العربيات الاخرى
وانت خايف تخبط حد فى التقاطع ... برغم انك ماشى ببطء

المهم إنى رجعت الحمدلله بسلام من غير حوادث

الف مليون سلامة

أيه رأيكم فى هذه التجربه وياريت تجاوبونى على الأسئله بتاعتى علشان بناءا على ردكم هأطمن واصلح أغلاطى وطبعا يأأستاذ حسين منتظره ردك بالخصوص عشان إنت ماشاء الله عامل زى أستاذ محمد فوزى فى الأسلوب اللى بيفهم اللناس بالتفصيل الدقيق وياسلام لو أستاذ أحمد سعد فهمنى الغلط بتاعى كمان وشاكره لأى عضو من أعضاء المنتدى يقولى رأيه
سلامو عليكم

وعليكم السلام ورحمة الله وبركاته
فى رعاية الله

مع اطيب التمنيات
اخوكم حسين غزالة

[husseinoo]

اساسيات القيادة الدفاعية

13- عدم التسرع

ليس من الحكمة انك تعوض الوقت اللى انت اتأخرته ... من خلال مشوارك اليومى بالسيارة عن طريق الجرى بسرعة فى الطريق

الطريقة دى اسمها "القيادة تحت الضغوط"

تبدأ التحرك بشكل مفاجىء بين الحارات
وقطع الطريق على السيارات الأخرى
متابعة السير خلف السيارات التى امامك بدون ترك اى مسافة "بالبلدى كده لازق للعربية اللى امامك"
المشى فى اماكن ممنوع السير فيها اساسا
او السير خارج الطريق
او عكس الطريق عشان توفر وقت

باختصار تقود السيارة بطريقة استفزازية "كلها قلة ادب وقلة ذوق" اتجاه السيارات الاخرى

دى أمثلة لأسوء انواع القيادة

طبعا معلهش لو فيه تطبيق للقانون بعدالة ... كان اللى عمل كده يترمى فى السجن او على اقل تقدير تتسحب رخصته نهائى

لكن انتم عارفين الحل عند الناس دى ايه ... وللاسف بيعرفوا يخلصوا نفسهم .. ويرجعوا يمشوا فى الطريق تانى وعادى خالص اكن مافيش حاجة حصلت ... مهما كان حجم المخالفات.

المهم
متوسط السرعة المطلوبة والمناسبة داخل المدينة هو بين 60 او 70 كيلوا
اكثر من كده
هاتكسر اشارات بدون داعى
وهاتدخل على تقاطعات بشكل خاطىء
وهاتحدف على عربيات
يعنى هاتعمل حاجات كثيير غلط .. وكل اللى هاتوفره من وقت دقائق بسيطة جدا مالهاش اى تأثير غير انك تعرض نفسك وغيرك للخطر

نصيحة
الافضل لك انك تصحى بدرى شوية


وتنزل والمواصلات هادية وموش زحمة
يعنى نص ساعة بدرى ... هاتجعلك تقود سيارتك فى منتهى الهدوء وبمنتهى العقل وبدون عصبية وبدون ان تعرض نفسك للمخاطر او تعرض غير للخطر



وفى الآخر يا اخى بيقول لك : التأخير طول عمره هايفضل تأخير
يعنى لو اتخرت 5 دقائق .. زى اللى اتأخر 9 دقائق
موش هاتفرق مع رئيسك فى العمل ... خلاص هو عرف انك اتأخرت هههههه
لكن كل اللى هايحصل انك هاتعرض نفسك للخطر


الافضل لنا جميعا اننا يكون عندنا شىء من الصبر ...

خصوصا لو تعاملت على الصبح مع قائد سيارة وقح من النوع اللى اتكلمنا عنه
لازم تكبر مخك ... وتتركه يعدى
وبعدين مافيش ثوانى وهاتلاقى الزبون واقف فى اول اشارة مرور وانت ماشى بهدوء جدا وبدون اى مشاكل
وهو عمره ما هايستطيع توفير وقت بالشكل ده


اليوم
نزلت ميدان المطرية الساعة 8 صباحا
وجدت الناس هاتموت بعض فى الموصلات
واصحاب العربيات الخاصة .. بعضهم ماشى هايتجنن ولازقين لبعض بشكل غريب
يا اخى لو مستعجل انزل بدرى شوية وخليك فى السليم بدل الدوشة وقلة الادب اللى انت عاملها دى
يعنى تروح تسهر جامد ... وتصحى متأخر .. وتجرى على عربيتك وعايز تدوس الناس وتعمل حركات فى الطريق ... ينفع الكلام ده

لكن لو نزلت بدرى عن ميعادك نص ساعة فقط موش احسن لك
على العكس هاتروح بدرى وتلاقى مكان تركن فيه عربتيك براحتك صح ولا لأ
وكمان هاتبعد عن زحمة المواصلات بتاعة الصبح الرخمة


معلهش هو موضوع غريب شوية
لكن الخلاصة مرة تانية
انزل بدرى شغلك نص ساعة
ولو حصل انك اتأخرت اوعى تجرى خلاص اللى حصل حصل وموش هاتفرق مع الريس بتاعك ... انت خلاص كده كده اتأخرت
ولو قابلك اى سائق متهور على الصبح من النوع ده اتعامل معاه فى منتهى الهدوء واتركه يعدى لو استطعت

وربنا يسترها مع الجميع

مع اطيب التمنيات
اخوكم حسين غزالة

[linkin2008]

لكن الخلاصة مرة تانية
انزل بدرى شغلك نص ساعة
ولو حصل انك اتأخرت اوعى تجرى خلاص اللى حصل حصل وموش هاتفرق مع الريس بتاعك ... انت خلاص كده كده اتأخرت
ولو قابلك اى سائق متهور على الصبح من النوع ده اتعامل معاه فى منتهى الهدوء واتركه يعدى لو استطعت

وربنا يسترها مع الجميع

:b4_388::b4_388::b4_388::b4_388::b4_388: يارب الناس تفهم والله مالهاش اى لازمة العفرته الى بيعملوها على الطريق شاكرين مجهودك اوى يا استاذ حسين وفى انتظار المزيد
اخوكم عبدالرحمن

[gade2]

كلام جميل كلام معقول مقدرش اقول حاجه عنه

[husseinoo]

السلام عليكم ورحمة الله وبركاته

اليوم حصل بعض المواقف السخيفة
وفضلت انى اكتب عليها تعليق سريع وهام من وجهة نظرى
وحبيت انى احرص كل الاصدقاء المبتدأين فى القيادة من هذه المواقف

سبق واتكلمنا فى موضوع التقاطعات ... تحت عنوان "احترس من التقاطعات"

اليوم وفى احد الميادين الضيقة الصغيرة "ميدان ابن الحكم"
دخلت على الميدان المرة دى بطريقة صحيحة
كان اليوم الجمعة
والحركة معقولة موش زحمة وموش فاضى قوى

المهم انظر الى الصورة عشان الشرح يكون واضح


انظر الى السيارة الزرقاء ودى بتاعتى انا اللى راكبها
المرة دى دخلت على الميدان بطريقة صحيحة
مشيت على المسار الخارجى للميدان ... لانى طالع على طول
اما لو كنت هالف يعنى سوف يتم الدوران مع الميدان يبقى الافضل انى اكون قريب من الجزيرة الوسطى مثل السيارة الصفراء

المهم انا راكب السيارة الزرقاء
وتقريبا دخلت على الميدان بطريقة صحيحة جدا
وبعد الانتهاء من ملف الميدان
والسير فى الطريق الطوالى
المفاجأة ... سيارة تاكسى وافقة بعرض الشارع عشان ياخد زبون

تيخلوا انتم ... سيارة تاكسى واقفة .. موش فى نص الشارع ... ودى واقفة زى الصورة تمام
يعنى لو كان بوكس عامل كمين "كنا قلنا معلهش" دى شغلته ...

وكمان صاحب التاكسى راجل كبير ... يعنى المفروض خبرة

المهم فى اللحظة اللى انا قررت اعدى فيها من التاكسى
وبالرغم انى دخلت فى منتهى الهدوء والحرص
من اول ما دخلت الميدان وانا ماشى بهدوء وحرص

المفاجأة فى نفس اللحظة اللى بعدى فيها من السيارة التاكسى ... تظهر سيارة نص نقل تعدى من على شمالى

فى الوقت اللى انت كل تركيزك على السيارة التاكسى وانك تعدى بدون ان تحتك بها
تظهر العربية النص نقل من على شمالك "عايز يخطف الطريق" زى ما بيقولوا

لولا ستر ربنا
وانى داخل بهدوء ... طبعا كان ممكن يحصل مشاكل على سبيل المثال
احاول انى امشى يمين شوية .. فى الحالة دى اخبط التاكسى
او انى ادخل على طول .. فى الحالة دى اخبط العربية النص نقل
لولا انى دخلت بهدوء .. ربنا سترها معايا

طبعا انا غلطان ... غلط كبير
غلطان فى ايه ؟
الاول: بمجرد انى دخلت الملف .... لم اتوقع انه يوجد اى عربية او اى معوقات او اى حد أنا آسف غبى "يقف الوقفة دى" بعربيته
ثانيا: المفروض انى كنت وقفت خلف سائق التاكسى "معلهش الغبى" لحد ما تخلص المشكلة اللى هو تسبب فيها
ثالثا: كان المفروض انى اتحلى بالصبر وماكانش لازم اعمل المغامرة دى واعرض عربيتى للمشاكل
رابعا: كان المفروض انى لا ازيد سرعة السيارة خالص ... ما دام هناك معوقات

اما لو كنت مكان السيارة النص نقل
نفس الشىء كان لازم يعمل حسابه كويس ... وبالبلدى كده "مايحشرش نفسه" بجوارى
لانه ضيق على المرور بشكل جامد .. كنا هانخبط بعض احنا الثلاثة
عشان انا موش عندى صبر ولا حكمة فى الموقف ده
ولا هو عنده صبر
وسائق التاكسى الله يسامحه "لا تعليق عليه"


ده موقف بصراحة اتعلمت منه كثيير
وكنت ماشى بالعربية وانا مضايق
وشاورت لسائق التاكسى وقلت له بصوت عالى "حرام عليك" دى وقفة دى
غصب عنى .. الواحد بيشوف حاجات موش عايزة تكون مطلع رخصة ولا حتى كرنيه مترو ههههههههههه
حاجات فى منتهى الذكاء

رببنا يسترها مع الجميع



الموقف الثانى
انى اليوم قررت ان احسن حارة امشى فيها بدون توقف هى الحارة الوسطى
ولنا كلام فيها بعد كده إن شاء الله
ماشى فى الحارة الوسطى واللى عايز يجرى من على شمالى يجرى
واللى عايز يتوقف بسيارته على اليمين يتوقف
واللى عايز يفتح باب عربيته مافيش مشاكل
عايز يمشى براحة على اليمين يمشى

المهم انى فى الحارة اللى فى النص ... والشارع ماشى بطريقة معقولة
واذا قابلنى اى "يوتيرن" انا كده كده بعيد عنه ...
ومريح دماغى ... لا بنقل نفسى من الحارة دى ولا من الحارة دى

المشكلة فى ايه
لو عربية عدت من على شمالك ... ده طبيعى جدا
وانا اصلا تارك الحارة اليسرى عشان اللى عايز يعدى ... اتركه يعدى ... واللى عايز يجرى .. اتركه يجرى

الغلاسة والرخامة وقلة الادب
لما واحد يعدى من على يمينك
المشكلة موش لما يعدى من على يمينك
المشكلة لما يكون اللى بيعدى "اوتوبيس اخضر متوسط" تابع لنقل الركاب
العربية موش صغيرة
وكمان انت رايح فيه
ده احنا ثانيتين وهانقف كلنا
موش هاقول لكم غير انه كان بينى وبينه شبر
تخيل سائق متخلف زى ده ... كان ممكن يعمل معاك ايه
ممكن يكون هو عارف انى موش هاغير حارتى مهما حسل وملتزم بالسير داخلها
وده هو اللى شجعه يدخل الدخلة دى
لكن ليه من الأول
الواحد بقى موش عارف يمشى ازاى فى البلد دى

افتكرت
ان صاحبنا كان بينزل ركاب
وانا عديت منه
وهو بدل ما يعدى من على شمالى زى ما عديت منه
راح معدى من على يمينى ... فاكر نفسه راكب عربية ملاكى صغيرة
اصبح فيه عربيات بتعدى بسرعة من الشمال وهما صح مافيش مشاكل
وصاحبنا بيعدى فى نفس الوقت من على اليمين اللى مساحته اصلا ضيقة ..



الموقف التالى وده خطر جدا جدا جدا
وسبق اتكلمنا قبل كده
وهو باختصار يا جماعة
الله يكرمكم كلكم وربنا يسترها معاكم
اكرر مرة عاشرة وموش هازهق

لو كانت الإشارة خضراء
موش معنى كده ان الطريق سالك
موش معنى كده انى ادخل بسرعتى
اليوم كانت الساعة الثامنة والنصف صباحا "يوم الجمعة"
الطريق سالك وكويس
والإشارة خضراء "محطة المحكمة" فى مصر الجديدة

سيدة كانت راكبة عربيتها وداخلة على التقاطع بسرعة
آه فيه عربيات كانت بتجرى وعدت التقاطع
وانا مافيش ثوانى ... بقول لام الاولاد: شايفة العربيات بتعدى التقاطع ازاى
ثوانى وظهرت عربية السيدة الفاضلة ... داخلة على التقاطع بسرعة
فى نفس الوقت طالع لها 3 او 4 عربيات ... اللى هما ماعندهمش صبر
وبالبلدى كده بيقولوا "طالع ببوز العربية" على الطريق
وغير ملتزم بالتوقف خلف الخطوط البيضاء

طبعا السيدة المسكينة دخلت بسرعة على التقاطع على اساس ان الاشارة خضراء
وثوانى كانت هاتخبط فى العربيات المتقدمة فى التقاطع

انظر الى الصورة


فى الصورة تظهر العربيات الحمراء اللى ماعندهمش صبر ولا احترام لإشارة المرور
والسيارة الصفراء دخلت على التقاطع بسرعة على اساس ان الإشارة خضراء
طبعا ربنا سترها
انا دخلت الحمد لله بهدوء على الرغم من ان الإشارة خضراء
العربيات الحمراء ... جريت ... واعطيت لها فرصة انها تعدى بالسلامة
العربيات الخضراء ... بمجرد ما اقتربت من التقاطع ... بصراحة فى منتهى الادب والالتزام ... كلهم وقفوا خلف الخطوط البيضاء فى انتظار أن الإشارة تفتح لهم

وطبعا لازم تنظر الى السيارت الخضراء كويس فى الناحية اليمين
وتنظر الى السيارات القادمة من الناحية اليسار "معلهش الصورة موش كاملة"
وتنظر اكثر من مرة يمين وشمال قبل ما تدخل على اى تقاطع


فى الحقيقة كل يوم يظهر لى ان الكلام اللى بيتكتب ده الى حد كبير ... صح جدا
واحنا يا جماعة موش بنكتبه للتسلية
وبكرر مرة تانية وثالثة
الكلام ده موش للتسلية
لازم نفهمه كويس ونفتكره كويس جدا طول ما احنا ماشيين فى شوارع المحروسة خصوصا

وربنا يحفظكم من كل سوء
وربنا يسترها مع الجميع

فى انتظار التواصل

مع اطيب التمنيات
اخوكم حسين غزالة

[sara2001]

وكنت عاوزه أسأل كل مبتدأ إبتدى معانا الموضوع لغاية دلوقت إنت خايف لا تعمل حادثه ولا خلاص بقى الموضوع عادى ؟ لأنى بحس إنى بحارب وأنا نازله الشارع بس الحقيقه الإحساس ده ما بيجيش غير على الطرق السريعه اللى فيها العربيات بتمشى بسرعه جدا يعنى مثلا أنا فى الزحمه ببقى مطمئنه نفسيا أكتر من الطريق السريع حاسه إنى ممكن ماألحقش أقف فى الوقت المناسب وأعمل كارثه
المهم إنى رجعت الحمدلله بسلام من غير حوادث

ازيك يا لبنى
عامله ايه فى السواقه؟
انا طبعا لسه خايفه بس اخف من الأول طبعاً انا في الأول كنت مرعوبه مش خايفه
وبرجع خايفه جدا ومتنشنه فعلا على الطرق السريعه زي الدائري مثلا لدرجة ان رقبتي بتوجعني من التنشنه
بس الزحمه برده مش مطمئنه قوي بالذات في الشوارع اللي حارتين بس لو زحمه واشارع واسع بحس ان مفيش مشكله لكن لو زحمه والشارع حارتين التصرف بيبقى صعب مع اللي بيكسروا عليكي ومع المشاه
انا اعتقد ان انت عندك ميزة انك تفضلي تسوقي جوه المعادي فتره من غير ما تخرجي بره لغاية ما تكوني متمكنه
المشكله عندي ان المكان زحمه والخروج منه الى شوارع زحمه برده
تقريبا محاصره
انا كنت عايزه اسألك قبل كده كنت بتسوقي اوتوماتيك لما كنت بتركنيها كنت بتخليها على الp وتشدي فرامل اليد ولا على الn ومن غير فرامل اليد
علشان في ناس قالتلي لو على الp وحد زقها ممكن الفتيس يتكسر
ومتشكره جدا انك بتكتبي تجربتك علشان نستفيد منها

[sara2001]

السلام عليكم ورحمة الله وبركاته

وعليكم السلام ورحمة الله وبركاته

اليوم حصل بعض المواقف السخيفة
وفضلت انى اكتب عليها تعليق سريع وهام من وجهة نظرى
وحبيت انى احرص كل الاصدقاء المبتدأين فى القيادة من هذه المواقف

سبق واتكلمنا فى موضوع التقاطعات ... تحت عنوان "احترس من التقاطعات"

اليوم وفى احد الميادين الضيقة الصغيرة "ميدان ابن الحكم"
دخلت على الميدان المرة دى بطريقة صحيحة
كان اليوم الجمعة
والحركة معقولة موش زحمة وموش فاضى قوى

المهم انظر الى الصورة عشان الشرح يكون واضح


انظر الى السيارة الزرقاء ودى بتاعتى انا اللى راكبها
المرة دى دخلت على الميدان بطريقة صحيحة
مشيت على المسار الخارجى للميدان ... لانى طالع على طول
اما لو كنت هالف يعنى سوف يتم الدوران مع الميدان يبقى الافضل انى اكون قريب من الجزيرة الوسطى مثل السيارة الصفراء

المهم انا راكب السيارة الزرقاء
وتقريبا دخلت على الميدان بطريقة صحيحة جدا
وبعد الانتهاء من ملف الميدان
والسير فى الطريق الطوالى
المفاجأة ... سيارة تاكسى وافقة بعرض الشارع عشان ياخد زبون

تيخلوا انتم ... سيارة تاكسى واقفة .. موش فى نص الشارع ... ودى واقفة زى الصورة تمام
يعنى لو كان بوكس عامل كمين "كنا قلنا معلهش" دى شغلته ...

وكمان صاحب التاكسى راجل كبير ... يعنى المفروض خبرة

المهم فى اللحظة اللى انا قررت اعدى فيها من التاكسى
وبالرغم انى دخلت فى منتهى الهدوء والحرص
من اول ما دخلت الميدان وانا ماشى بهدوء وحرص

المفاجأة فى نفس اللحظة اللى بعدى فيها من السيارة التاكسى ... تظهر سيارة نص نقل تعدى من على شمالى

فى الوقت اللى انت كل تركيزك على السيارة التاكسى وانك تعدى بدون ان تحتك بها
تظهر العربية النص نقل من على شمالك "عايز يخطف الطريق" زى ما بيقولوا

لولا ستر ربنا
وانى داخل بهدوء ... طبعا كان ممكن يحصل مشاكل على سبيل المثال
احاول انى امشى يمين شوية .. فى الحالة دى اخبط التاكسى
او انى ادخل على طول .. فى الحالة دى اخبط العربية النص نقل
لولا انى دخلت بهدوء .. ربنا سترها معايا

طبعا انا غلطان ... غلط كبير
غلطان فى ايه ؟
الاول: بمجرد انى دخلت الملف .... لم اتوقع انه يوجد اى عربية او اى معوقات او اى حد أنا آسف غبى "يقف الوقفة دى" بعربيته
ثانيا: المفروض انى كنت وقفت خلف سائق التاكسى "معلهش الغبى" لحد ما تخلص المشكلة اللى هو تسبب فيها

الحقيقه انا مش عارفه ايه الصح هل المفروض حضرتك كنت تقف لغاية هو ما يمشي وده اللي انا بفضله علشان مبتدئه في السواقه والا المفروض اتصرف زي ما حضرتك اتصرفت بالضبط
انا بتعرض لمواقف مشابهه في المرات اللي بتدرب فيها مع الفارق ان اللي في الحاره التالته بيكون جاي من الإتجاه الآخر وده طريقه لأن الطريق اتجاهين بدون جزيره في النصف
وكل مره اتعرض لموقف مشابه المدرب او ايا كان اللي معايا بيقولي اعدي من جنبه وما انتظرش وراه لغاية مايمشي لأن كده ممكن اضايق الللي ورايا واحياناً بعمل كده بس بكون خايفه جدا وفي نفس الوقت شايفه انه من الأسلم ان انا انتظر وراه لغاية ما يمشي

ثالثا: كان المفروض انى اتحلى بالصبر وماكانش لازم اعمل المغامرة دى واعرض عربيتى للمشاكل
رابعا: كان المفروض انى لا ازيد سرعة السيارة خالص ... ما دام هناك معوقات

اما لو كنت مكان السيارة النص نقل
نفس الشىء كان لازم يعمل حسابه كويس ... وبالبلدى كده "مايحشرش نفسه" بجوارى
لانه ضيق على المرور بشكل جامد .. كنا هانخبط بعض احنا الثلاثة
عشان انا موش عندى صبر ولا حكمة فى الموقف ده
ولا هو عنده صبر
وسائق التاكسى الله يسامحه "لا تعليق عليه"


ده موقف بصراحة اتعلمت منه كثيير
وكنت ماشى بالعربية وانا مضايق
وشاورت لسائق التاكسى وقلت له بصوت عالى "حرام عليك" دى وقفة دى
غصب عنى .. الواحد بيشوف حاجات موش عايزة تكون مطلع رخصة ولا حتى كرنيه مترو ههههههههههه
حاجات فى منتهى الذكاء

رببنا يسترها مع الجميع



الموقف الثانى
انى اليوم قررت ان احسن حارة امشى فيها بدون توقف هى الحارة الوسطى
ولنا كلام فيها بعد كده إن شاء الله
ماشى فى الحارة الوسطى واللى عايز يجرى من على شمالى يجرى
واللى عايز يتوقف بسيارته على اليمين يتوقف
واللى عايز يفتح باب عربيته مافيش مشاكل
عايز يمشى براحة على اليمين يمشى

المهم انى فى الحارة اللى فى النص ... والشارع ماشى بطريقة معقولة
واذا قابلنى اى "يوتيرن" انا كده كده بعيد عنه ...
ومريح دماغى ... لا بنقل نفسى من الحارة دى ولا من الحارة دى

المشكلة فى ايه
لو عربية عدت من على شمالك ... ده طبيعى جدا
وانا اصلا تارك الحارة اليسرى عشان اللى عايز يعدى ... اتركه يعدى ... واللى عايز يجرى .. اتركه يجرى

الغلاسة والرخامة وقلة الادب
لما واحد يعدى من على يمينك
المشكلة موش لما يعدى من على يمينك
المشكلة لما يكون اللى بيعدى "اوتوبيس اخضر متوسط" تابع لنقل الركاب
العربية موش صغيرة
وكمان انت رايح فيه
ده احنا ثانيتين وهانقف كلنا
موش هاقول لكم غير انه كان بينى وبينه شبر
تخيل سائق متخلف زى ده ... كان ممكن يعمل معاك ايه
ممكن يكون هو عارف انى موش هاغير حارتى مهما حسل وملتزم بالسير داخلها
وده هو اللى شجعه يدخل الدخلة دى
لكن ليه من الأول
الواحد بقى موش عارف يمشى ازاى فى البلد دى

افتكرت
ان صاحبنا كان بينزل ركاب
وانا عديت منه
وهو بدل ما يعدى من على شمالى زى ما عديت منه
راح معدى من على يمينى ... فاكر نفسه راكب عربية ملاكى صغيرة
اصبح فيه عربيات بتعدى بسرعة من الشمال وهما صح مافيش مشاكل
وصاحبنا بيعدى فى نفس الوقت من على اليمين اللى مساحته اصلا ضيقة ..



الموقف التالى وده خطر جدا جدا جدا
وسبق اتكلمنا قبل كده
وهو باختصار يا جماعة
الله يكرمكم كلكم وربنا يسترها معاكم
اكرر مرة عاشرة وموش هازهق

لو كانت الإشارة خضراء
موش معنى كده ان الطريق سالك
موش معنى كده انى ادخل بسرعتى
اليوم كانت الساعة الثامنة والنصف صباحا "يوم الجمعة"
الطريق سالك وكويس
والإشارة خضراء "محطة المحكمة" فى مصر الجديدة

سيدة كانت راكبة عربيتها وداخلة على التقاطع بسرعة
آه فيه عربيات كانت بتجرى وعدت التقاطع
وانا مافيش ثوانى ... بقول لام الاولاد: شايفة العربيات بتعدى التقاطع ازاى
ثوانى وظهرت عربية السيدة الفاضلة ... داخلة على التقاطع بسرعة
فى نفس الوقت طالع لها 3 او 4 عربيات ... اللى هما ماعندهمش صبر
وبالبلدى كده بيقولوا "طالع ببوز العربية" على الطريق
وغير ملتزم بالتوقف خلف الخطوط البيضاء

طبعا السيدة المسكينة دخلت بسرعة على التقاطع على اساس ان الاشارة خضراء
وثوانى كانت هاتخبط فى العربيات المتقدمة فى التقاطع

انظر الى الصورة


فى الصورة تظهر العربيات الحمراء اللى ماعندهمش صبر ولا احترام لإشارة المرور
والسيارة الصفراء دخلت على التقاطع بسرعة على اساس ان الإشارة خضراء
طبعا ربنا سترها
انا دخلت الحمد لله بهدوء على الرغم من ان الإشارة خضراء
العربيات الحمراء ... جريت ... واعطيت لها فرصة انها تعدى بالسلامة
العربيات الخضراء ... بمجرد ما اقتربت من التقاطع ... بصراحة فى منتهى الادب والالتزام ... كلهم وقفوا خلف الخطوط البيضاء فى انتظار أن الإشارة تفتح لهم

النهارده حصل موقف برده في الإشاره العربيات اللي قدامي كلها عدت الخط ووقفت زي العربيات الحمراء وانا الوحيده اللي وقفت قبل الخط زي العربيات الخضراء العربيه اللي ورايا مش عاجبها ان الباقين متقدمين بعد الخط وانا وراء وكلاكسات طبعا وكده كده احنا واقفين في اشاره يعني لما اتقدم الخطوتين دوول برده هو واقف !!!!!!!!!
ده غير ان الإشارات الإليكترونيه بتصور دلوقتي لو عديت الخط على ما اعتقد مش كده؟

وطبعا لازم تنظر الى السيارت الخضراء كويس فى الناحية اليمين
وتنظر الى السيارات القادمة من الناحية اليسار "معلهش الصورة موش كاملة"
وتنظر اكثر من مرة يمين وشمال قبل ما تدخل على اى تقاطع


فى الحقيقة كل يوم يظهر لى ان الكلام اللى بيتكتب ده الى حد كبير ... صح جدا
واحنا يا جماعة موش بنكتبه للتسلية
وبكرر مرة تانية وثالثة
الكلام ده موش للتسلية
لازم نفهمه كويس ونفتكره كويس جدا طول ما احنا ماشيين فى شوارع المحروسة خصوصا

وربنا يحفظكم من كل سوء
وربنا يسترها مع الجميع

فى انتظار التواصل

مع اطيب التمنيات
اخوكم حسين غزالة

في موقف تاني حصلي من الميكروباصات بعد ما عديت تقاطع انا كنت في الحاره التانيه من الطريق بعد التقاطع على طول وفي ميكروباص خارج من التقاطع على يميني وبيلف في الحاره اليمين عادي مفيش مشكله
جه ميكروباص تاني من وراه ولف على الواسع من شمالي ووقف في ثانيه قدامي وقدام الميكروباص التاني يعني قفل الحارتين علشان ياخد الناس اللي واقفه قبل الميكروباص التاني
انا طبعا وقفت خالص ولو في حد كان مسرع ورايا اكيد كان خبطني من وراء
بس في حاجه انا مش فاهماها انا شفته لما اصبح على شمالي بس قبل كده لأ مع اني كنت شايفه الميكروباص الأول اللي كان بيلف من في الحاره اليمين
ياتري الخطأ في ايه؟
انا آسفه طولت عليكم

[husseinoo]

الحقيقه انا مش عارفه ايه الصح هل المفروض حضرتك كنت تقف لغاية هو ما يمشي
وده اللي انا بفضله علشان مبتدئه في السواقه

والله انا اعتقد ان ده هو الصح ... ومافيش داعى للمخاطرة

والا المفروض اتصرف زي ما حضرتك اتصرفت بالضبط

انا اتصرفت بحرص ... وحبيت اعدى منه بهدوء ... لكن غيرى ماعندوش صبر ... ومهما كان هو موش هايخاف على عربيته زى العربية الملاكى ... هو عربيته نص نقل ... وكمان هو ينظر امامه فقط .. بمجرد انه راى مساحة خالية امامه ... دخل فيها بسرعة ... لكن لو كان مقدر انى داخل فى نفس المكان ... كان على الاقل ضرب لى كلاكس مرة ولا مرتين ... كنت فى الحالة دى وقفت فى مكانى تماما ... ومافكرتش انى اعدى من التاكسى ... لكنه اتسحب زى الحرامية ... ودخل معايا بشكل "غبى"

انا بتعرض لمواقف مشابهه في المرات اللي بتدرب فيها مع الفارق ان اللي في الحاره التالته بيكون جاي من الإتجاه الآخر وده طريقه لأن الطريق اتجاهين بدون جزيره في النصف

وده موقف خطر جدا جدا

وكل مره اتعرض لموقف مشابه المدرب او ايا كان اللي معايا بيقولي اعدي من جنبه وما انتظرش وراه لغاية مايمشي لأن كده ممكن اضايق الللي ورايا واحياناً بعمل كده بس بكون خايفه جدا وفي نفس الوقت شايفه انه من الأسلم ان انا انتظر وراه لغاية ما يمشي

هو كلامه صح ... لو احنا عندنا القدرة نشوف كويس العربيات اللى ماشية جنبنا .. لكن للاسف العربيات التانية فى الوقت ده بيكونوا ماشيين فى المنطقة العمياء ... اللى احنا موش شايفينهم فى المرايه ... اصبح المطلوب فى الوقت ده ... ان احنا ننظر الى المرايه اللى فى النص .. وننظر الى الامام على العربية المتوقفة ... وننظر الى المرايه الجانبية مثلا ناحية اليسار ... وننظر فوق كتفنا الايسر عشان نشوف السيارات اللى فى المنطقة العمياء ... كل ده فى وقت واحد وبسرعة
عايز تشوف اللى جاى وراك ماشى بسرعة ولا شكله ايه ...
اللى وراك ملاكى ولا ميكروباص ولا اوتوبيس
عملية موش ظريفة ... وفيه فرق بين الفهلوة و"الحداقة" ... وبين المغامرة والتدريب والتجربة الصحيحة ...

النهارده حصل موقف برده في الإشاره العربيات اللي قدامي كلها عدت الخط ووقفت زي العربيات الحمراء وانا الوحيده اللي وقفت قبل الخط زي العربيات الخضراء العربيه اللي ورايا مش عاجبها ان الباقين متقدمين بعد الخط وانا وراء وكلاكسات طبعا وكده كده احنا واقفين في اشاره يعني لما اتقدم الخطوتين دوول برده هو واقف !!!!!!!!!
ده غير ان الإشارات الإليكترونيه بتصور دلوقتي لو عديت الخط على ما اعتقد مش كده؟

كلامك صح وسليم مية مية ....
فيه اشارات كثيير الآن فيها كاميرات تصوير ... فى انجلترا مثلا فيه مناطق معينة السير فيها بالفلوس ... يعنى اول العربية ما تدخل المنطقة المطلوبة ... يتم تصوير السيارة من الامام ومن الخلف ... ولما صاحبها يدفع رسوم العربية ... يكتشف انه عليه مبالغ مرور فى المنطقة المحددة ... المبالغ دى بتدفع تلاقئى
احنا ايضا فى الطريق لتطبيق النظام ده
وسوف يتم الاعتماد على الكاميرات بشكل كبير جدا
اما بخصوص اللى بيضرب لك كلاكس ... فهو ده "الجهل بعينه" ... المفروض الخط الابيض معمول عشان نقف خلفه ... بغرض ان قائد السيارة يستطيع اولا مشاهدة إشارة المرور ... يعنى هايعرف ازاى انها خضراء ولا حمراء .. إذا كان هو عدى الإشارة هههههههههههههههههههه
ثانيا: العربية لما تعدى الخط الابيض ... طيب لو كان فيه مشاه وعايزين يعدوا الشارع يمشوا فين ... بين العربيات ولا على العربيات
فى الاول والآخر ده الجهل والغباء وقلة الأدب ... اللى نفسى نتخلص منها ونكون متحضرين شوية فى سلوكيتنا


في موقف تاني حصلي من الميكروباصات بعد ما عديت تقاطع انا كنت في الحاره التانيه من الطريق بعد التقاطع على طول وفي ميكروباص خارج من التقاطع على يميني وبيلف في الحاره اليمين عادي مفيش مشكله
جه ميكروباص تاني من وراه ولف على الواسع من شمالي ووقف في ثانيه قدامي وقدام الميكروباص التاني يعني قفل الحارتين علشان ياخد الناس اللي واقفه قبل الميكروباص التاني
انا طبعا وقفت خالص ولو في حد كان مسرع ورايا اكيد كان خبطني من وراء
بس في حاجه انا مش فاهماها انا شفته لما اصبح على شمالي بس قبل كده لأ مع اني كنت شايفه الميكروباص الأول اللي كان بيلف من في الحاره اليمين
ياتري الخطأ في ايه؟


سائقى الميكروباس دول "اغلبهم" لان فيهم ناس محترمة وسواقين عشرة على عشرة
لكن الاغلبية منهم اعوذ بالله
موش ممكن اللى بيعملوه ده
شغل مجانين على طول الخط
انت موش عارفة هاتركزى على مين فيهم
وفى منتهى قلة الادب وقلة العقل
يعنى لو كتبنا عليهم ... محتاجين كتاب ... للاسف مافيش قانون بيطبق عليهم
مشاكلهم تظهر خصوصا لو كان راكب العربية اللى اسمها "الترامكو" اللى صاجها معمول من "صاج البراميل" يعنى ماشى لا مؤاخذة بعربية زبالة ... واللى هايخبطوا لا قدر الله ... "مالوش دية عنده"
على العموم انت اتصرفت صح ... والافضل دائما انك لو شوفتى سائق ميكروباس .. اتركيه يعدى بالسلامة ... يعنى اول ما تشوفيه فى مرايه العربية اللى فى النص من بعيد ... اعملى حسابك انك تتركيه يعدى ... وتحاولى تتصرفى كويس عشان يعدى بعيد عنك "لكن بدون انك تعرضى نفسك للخطر عشان خاطر عيونه" ... يعنى لو فيه فرصة تهدى شوية عشان هو يتصرف ويعدى منك ... خلاص هدى شوية ... لو كان فيه فرصة تمشى على جنب ثوانى على ما يعدى ... مافيش مشاكل ... لكن لو كان المكان ضيق والعملية موش مستحملة غباء .. خلاص مافيش داعى للمخاطرة عشان خاطره


انظرى الى الصورة التالية

عربية من النوع ده ... امبارح كانت بتجرى وارء عربية ملاكى راكبها شاب ... الولد كل ما يجرى من الميكروباص ... الميكرباص سخن ومصمم انه يجرى وراه ... انا داخل على اليوتيرن وبلف ... والاقى صاحبنا جاى زى الصاروخ ... صاروخ بيجرى ... المشكلة انه موش هايخبط العربية اللى هاتخرج من اليوتيرن .... لأ ده ممكن لا قدر الله ربنا يحفظنا جميعا "يموت ناس فيها" ... كان بيجرى زى القطار زى المجنون زى الصاروخ ... اوصفى زى ما انت عايزة
انا وقفت فى مكانى على طول بدون تفكير ... على ما نظرت اليه الناحية التانية ... كان اختفى زى السراب .... متخيلة سرعته كانت اد ايه
للاسف مافيش قانون بيطبق عليهم
واحد مجنون زى ده ... يشوف له شغلة تانية احسن ده لو كان فيه قانون
لكن اتعلمت حاجة مهمة جدا جدا ... مهما كان وراكى عربيات ... لازم انظر فى الشارع الرئيسى واتأكد ان الحارة الخاصة باليوتيرن مافيهاش حد بيجرى فيها زى صاحبنا لازم انظر كويس جدا جدا ....

وللمرة العاشرة ... مادام رجلك على الفرامل وانت بتلف ورجلك التانية ضاغطة على الدبرياج ... خلاص هاضغط فرامل ...

لكن لا قدر الله لو كانت رجلى على البنزين ... وبدل ما اضغط على الفرامل اضغط بنزين ... او ادخل على الحارة وانا مطمئن وبدون ان انظر على السيارات القادمة وارتبكت .. ودخلت على "الميكروباص او الملاكى" كان هايحصلى ما لا يحمد عقباه

... فى الاول والآخر ربنا هو اللى بيسترها معانا ... لكن احنا لازم ناخد بالأسباب ... ولا نستخف بأى كلمة مكتوبة او معلومة نعرفها

انا آسفه طولت عليكم

بالعكس ده انت مميزة جدا ... لانك بتكتبى لنا كل المواقف اللى بتقابلك بشكل مفسر وممتاز ... وبنتعلم منه ... وبنقارن المواقف دى مع بعض ... وبنفهم اللى بيحصل كويس ... وبنتأكد هل الخطأ ده مننا ولا احنا غير مسئولين عنه ... وكمان الكلام مع بعض يزيد الثقة .. ويزيد الخبرة والفهم

ربنا يبارك فى حضرتك
وشاكرين افضالك

وفى انتظار المزيد من مشاركاتك القيمة

مع اطيب التمنيات
اخوكم حسين غزالة

[husseinoo]

بسم الله الرحمن الرحيم
اللهم صل على محمد وعلى آله وصحبه أجمعين

اساسيات القيادة الدفاعية

14- شارك الطريق مع سيارات النقل الكبيرة

قيادة السيارة لازم تكون بحرص وامان لمواجهة العقبات والمشاكل التى تقابلك فى الطريق
وانت مسئول بشكل ما عن النتائج ؟



ومن اهم مشاكل الطريق .. هو التعامل مع سيارات النقل الثقيل "الشاحنات"





سائق النقل الثقيل ... هو سائق محترف وليس هاوى ... رخصته فى الغالب درجة اولى ... وشخصيته تتميز بالصرامة ... والقوة ... ويقود سيارته بمنتهى المهارة وإلا يفقد عمله ...

وعشان نعرف الفرق بين العربية النقل والعربية الملاكى ... يوجد اعتبارات خاصة لازم نعرفها مع بعض ...

اعطى السيارة النقل مساحة كبيرة من الفراغ .. لان العربية النقل تعتبر قطعة واحدة مستقيمة ... وتحتاج الى طاقة كبيرة جدا لكى تبدأ فى السير ...
السيارة النقل لا تستطيع المناورة عشان يكسب مساحات صغيرة ... يعنى لا يستطيع عمل حركات فى الطريق عشان يمشى متر ولا 2 متر على الطريق
وسائق السيارة النقل يحاول دائما ترك مساحة خالية حول سيارته

احنا لما نكون راكبين سيارة ملاكى ... اول ما نشوف فراغ بجوار العربية النقل ... على طول نتشجع ونحاول نغير من حارة الى حارة مستغلين الفراغ الموجود بجوار العربية النقل

هنا تظهر الخطورة
العديد من السيارات الملاكى .. تدخل امام العربية النقل عشان يعمل اى مناورة "يغير الحارة مثلا" .. وفجأة يكتشف ان المكان ضيق بعض الشىء
ثم يضغط على الفرامل فجأة عشان يقدر يحرك عربيته بشكل صحيح
يضغط على الفرامل وهو امام السيارة النقل الثقيل

وهنا تظهر خطورة الموقف .. ان العربية النقل محتاجة مساحة عشان تقف ... وسعادتك دخلت فى المساحة اللى سائق النقل المحترف عامل حسابه عليها لو احتاج يقف





نصيحة
لازم تنظر فى المرايه كويس جدا ... خصوصا لو حبيت تنقل نفسك الى الحارة اليمين .. لان الحارة اليمين بيمشى فيها ايضا السيارات النقل الثقيل ... لانها تسير بسرعة معقولة ....
نصيحة لكل مبتدأ ... خصوصا لو انت ماشى فى طريق سريع ... وقلت لنفسك انا امشى فى اليمين احسن ما دام سرعتى عادية ... قبل ما انقل نفسى للحارة اليمين لازم انظر فى المراية واتأكد ان مافيش عربية نقل ماشية يمين ... ومرة واحدة ادخل امامها ولا قدر الله اتوقف بشكل مفاجىء
ربنا يحفظ الجميع



انظر الى الصورة التالية


النصيحة التالية
مافيش داعى تمشى وراء السيارات النقل "وانت لازق لهم"
اذا كنت ماشى وراء "مقطورة" ... اكيد قائد السيارة النقل موش شايفك خالص فى المراية
وانت كمان موش شايف الطريق امام العربية النقل


انظر الى الصورة التالية


فى الصورة صاحب السيارة الملاكى ترك مسافة كافية وواسعة وممتازة خلف السيارة النقل ... بالطريقة دى يستطيع مشاهدة الطريق امامه بشكل جيد ... ويكون مستعد دائما لاى مشاكل تقابله








انظر الى مرايات السيارة النقل
اذا شاهدت سائق النقل فى مرايه العربية النقل ... هو كمان اكيد شايفك كويس

اذا قائد السيارة النقل ضغط على الفرامل ... والسيارة الملاكى كانت "لازقة للعربية النقل" من الخلف ... وموش تاركة مساحة كافية بينهم .... وكمان اكيد سائق النقل موش عارف انك ماشى وراه ... يبقى ربنا يستر حقيقى ....

اترك لنفسك مساحة كافية امامك ... ومساحة كبيرة على قدر المستطاع بنيك وبين السيارة النقل التى امامك ... عشان لو توقف لاى سبب تستطيع المناورة ... وقبل ما تعدى منه ... لازم تنظر فى المراية قبل تغيير حارتك

المفروض المساحة المطلوبة بينك وبين العربية النقل حوالى 3 ثوانى مشى بينك وبينه او 5 ثوانى

انظر الى الصورة التالية


انظر جيدا لإشارات السيارة النقل
واحترس دائما ...
معظم سيارات النقل
على سبيل المثال:
لو كان داخل يمين ... يحرك نفسه شمال شوية ... عشان يوسع لنفسه .. وبعد كده يدخل يمين

هههههههههههههه

تخيل انت لو واحد ماشى وارء عربية نقل وموش فاهم الحكاية دى

يعنى اول ما يشوف اشارة النقل يمين .. يفرح هو .. ويجرى من الناحية الشمال للعربية النقل
وانتم عارفين الباقى ....ههههههههههههه .... ربنا يسترها مع الجميع


لازم يكون عندك صبر
الكثيير من السيارات النقل ... تحاول احيانا التخلص من اى موقف ... فى نفس الوقت تحاول السيارات الملاكى الدخول فى المساحة الخالية الموجودة حول السيارة النقل ... مما يؤدى الى حاجتين:
الاول: اصبح من الصعب على السيارة النقل التخلص من الموقف اللى هى فيه
ثانيا: سائق النقل اصبح لا يستطيع مشاهدة العربيات الملاكى كلها
ثالثا: كل ما يحاول انه يعمل مناورة ويتخلص من الموقف اللى هو فيه ... ممكن يعرض العربيات الملاكى لمشاكل "يخبطها"





نصيحة هامة
اترك للسيارة النقل ... المساحة الكافية حوله
عشان يستطيع قائد السيارة النقل ... حمايتك والمحافظة عليك ... عشان لو ظهر للسيارة النقل اى حاجة ... يقدر يعمل مناورة ... ويتجنب الاصطدام باى عربية ملاكى.




النصيحة الاخيرة
استخدم النور ... عشان تتواصل مع العربيات الاخرى
سبق وتحدثنا ان سائق السيارة النقل لا يستطيع رؤية ما يحدث خلف سيارته
استخدم النور ... "الرعاش" ... عشان يعرف انك خلفه ويعرف مكانك بالتقريب ... انت بعيد ولا قريب منه ... عشان يعمل حسابك

لو الدنيا نهار
راقب مرايات العربية النقل
ولو تأكدت ان سائق السيارة النقل يشاهدك فى "مرايته"
استخدم نور سيارتك لعدة ثوانى



لو انت ماشى بالليل
اطفىء نورك ثوانى
ليه ؟
لانك لو نورت نورك .. ممكن سائق النقل نظره يتأثر "ثوانى"
وممكن هو كمان ينور نوره العالى وهو ماشى وراك ... شوف هايعمل معاك ايه ... موش هاتشوف حاجة
نفس الشىء ... لما هايلاقيك ... اغلقت نورك ثانية او ثانيتين ... هايعرف انك فاهم كويس ... وانك بتحافظ عليه وبتخاف عليه ...
هايعرف انك شايفه كويس قوى
وفى الغالب هو هايفهم الرسالة
هو كمان .. هايطفى نوره ثوانى عشان ما يضربش فى عينينك

وهايرد عليك "بنور فلاش" .... ويقول لك شكرا لك

الله يرحمه "والدى" ... كنت اراقبه اثناء السفر معاه ... وكنت استغرب لما الاقيه طافى نور العربية .. وماشى على نور السيارة النقل القادمة .. يعنى هو ماشى على النور الصغير وسائق النقل هو ايضا يطفى نوره العالى ويشغل النور الصغير .. ومن وقت لآخر ممكن ينور النور العالى بسرعة ويرجع يطفيه تانى ... وبعد الانتهاء من المناورة دى
سائق النقل بيعرف ان اللى ماشى امامه ده "بيفهم" كويس
وفعلا يضرب لنا كلاكس "تحية" هههههههههههههه


نسألكم الدعاء لى ولوالدى الله يرحمهم


فى انتظار التواصل



مع اطيب التمنيات
اخوكم حسين غزالة

[husseinoo]

اساسيات القيادة الدفاعية

15- تعلم كيف تقف بسيارتك

تستطيع خفض احتمالات وقوع اى حادث لا قدر الله اثناء مرورك فى التقاطعات ... ذلك بأن تتعلم كيف تقف بسيارتك بطريقة مثالية "الطريقة الدفاعية"

اولا: لازم تتأكد انك لن تفاجىء العربية التى فى الخلف بتوقفك المفاجىء

مثال:
انت شايف إشارة المرور كويس قوى ... وشايف نور الإشارة "الأصفر" وده معناه ان فى اى وقت الإشارة هاتنور احمر ...
يبقى فى الحالة دى لازم امشى بهدوء وادخل على الشارع بهدوء جدا ... ولو حصل نورت احمر ... اتوقف لكن دون اى مفاجأت للسيارة التى فى الخلف ... لانك تعطى فرصة للسيارة التى فى الخلف انها تعرف انك سوف تتوقف فى اى وقت عشان يعمل حسابه.

طبعا للاسف ده موش بيحصل عندنا
العربيات اول ماتشوف النور الاصفر للإشارة
الجميع يتجنن اكثر ... ويجرى اكثر واسرع
عشان يلحق الإشارة
ويدخل على التقاطع بسرعة كبيرة
فى نفس الوقت الإشارة تنور احمر
امامه حل من اثنين
التوقف المفاجىء ... وده يعمل مشاكل مع السيارة التى فى الخلف
او الاندفاع الى التقاطع ... لانه موش قادر يقف بشكل كويس
فى نفس الوقت تكون العربيات الثانية فى التقاطع اشاراتها خضراء ... ويحصل ما لا يحمد عقباه ... وربنا يحفظ الجميع




ثانيا: تعلم اين تقف بسيارتك
اترك مسافة امام سيارتك
بحيث
اذا كنت اول عربية متوقفة فى الإشارة ... يبقى لازم تقف خلف الخط الابيض ... ولازم تكون شايف كويس الخط الابيض .. موش واقف عليه

اما اذا كان فيه عربية متوقفة امامك
يبقى فى الحالة دى لازم تشوف عجل السيارة الخلفى للسيارة التى امامك

بالطريقة دى هايكون فيه مسافة "طول سيارة" بينك وبين السيارة التى امامك او بينك وبين الخط الابيض فى اشارة المرور

طيب المسافة دى تفيدنا فى ايه ؟
ممكن السيارة التى امامك ترجع للخلف "بالبلدى كده تريح عليك"
فى الحالة دى فيه مسافة كويسة بينك وبينه ... تقدر تضرب له كلاكس عشان يصححص معاك وما يخبطش فيك

طيب لو السيارة التى امامك توقفت عن السير بسبب اى عطل مثلا
مافيش مشاكل ... هاتقدر تعدى منه فى منتهى السهولة لانك تارك مسافة كويسة قوى
ودى حصلت معايا مرتين
وكل مرة كان فيه عربية نص نقل متوقفة فى الجانب الايسر للطريق
الحمد لله رب العالمين .... اعطيت اشارة يمين ... وعديت منهم فى منتهى السهولة واليسر


ثالثا: لو حصل والعربية التى امامك اتحركت
انت اصلا تارك مسافة كويسة بينكم
اول ما العربية التى امامك تتحرك
المسافة بينكم هاتزيد شوية
بالطريقة دى هاتحافظ على المسافة اللى مفروض تكون بينكم وانت ماشى سريع
يعنى مثلا:
انت تارك مسافة "طول سيارة"
اول ما العربية التى امامك تتحرك ... تزيد المسافة مثلا الى "طول 3 سيارات"
وانت ماشى واره على سرعة مثلا 60 كيلوا ... كده انت حافظت على المسافة الآمنة اثناء سير العربية

وكمان وده مهم قوى
لو حصل وان العربية التى امامك دخلت على اشارة و"نور الإشارة كان احمر"
العربية التى امامك هاتتوقف ... فى الحالة دى انت كمان هاتتوقف بشكل مثالى وبدون مفاجآت لأن المسافة بينكم كويسة قوى

نصيحة غالية
لو حصل ونور الإشارة نور اخضر
احترص من الإندفاع داخل التقاطع
يعنى ما تمشيش بالعربية بسرعة بمجرد انك شاهدت نور إشارة المرور اخضر
لازم الاول تنظر يمينك .. وتنظر شمالك ... وترجع تانى تنظر يمين وشمال ... وتتأكد ان الشارع اصبح خالى .. وبعد كده تدخل وتعدى فى امان

انتم عارفين فيه اصحاب سيارات كثيير للأسف زى الآلة ... انا آسف على اللفظ ده
اول ما يشوف إِشارة المرور خضراء ...
يجرى زى الاهبل
قال يعنى النور الأخضر للإشارة هو اللى هايحمى عربيته
عايز يعدى الشارع
وفى نفس الوقت ما زال هناك سيارات فى التقاطع
وممكن يكون فيه سيارات بتلف "الصينية"
لازم الاول قبل ما اعدى الإشارة حتى ولو كانت خضراء .. لازم انظر اكثر من مرة يمين وشمال ... ممكن لا قدر الله يظهر لك سائق متهور عايز يعدى الإِشارة فى آخر لحظة ... وبيجرى بسرعة جنونية
ودى شاهدتها فى مصر الجديد "اول هارون" ... والنتيجة ان صاحب السيارة التاكسى ربنا يسامحه ويسترها معاه
اخذ له خبطة جامدة جدا فى العجلة اليمين الامامية
ورفعوا العربية وركنوها جنب الرصيف .. ربنا يعوضه ويسترها معاه ... برغم انه غلطان هو واللى خبطه ... بصراحة

موش معنى إن الإشارة خضراء تعدى بدون حرص

اخيرا عرفت اين تقف بسيارتك ؟
طبعا تقدر تقف حالا إذا كنت عايز كده ...
لكن افتكر معايا قبل ما تقف لازم ...
تركز على ضوء الإشارات سواء كانت اشارات العربية التى امامك او اشارات المرور


لازم تقف خلف خطوط المرور البيضاء ... ده لو كنت فى الإشارة
طيب اذا لم يوجد خطوط مرور على الارض ... يبقى فى الحالة دى اتوقف فى اقرب مكان من التقاطع .. اقترب بحرص شديد بحيث استطيع كشف التقاطع ورؤية السيارات القادمة فى التقاطع
بدون الدخول على التقاطع

طبعا لو فيه سيارات داخلة يمين او شمال
مافيش داعى ان اقف فى الحارة اليمين او الشمال ... عشان ما اعطلش العربيات دى ... على قدر المستطاع
يعنى شايف ان الطريق يمين سالك ... وفيه عربيات داخلة يمين
ابتعد عن الحارة اليمين ... واستمر فى التوقف فى الإشارة مثلا فى الحارة الوسطى ... يبقى انا واقف براحتى وبدون مشاكل واللى عايز يلف يمين فى التقاطع هايستمر فى السير عادى

لكن لو كنت مبتدأ وقفلت الحارة اليمين مثلا
موش هاتخلص لانك غلطان ... كلاكسات ... وكلام مالوش لازمة ... وكل حاجة على مزاجك ...

فى انتظار التواصل

مع اطيب التمنيات
اخوكم حسين غزالة

[M.Radwan]

جزاكم الله خيرا يا أستاذ حسين على الموضوع الرائع
واله بقالى أكتر من 3 أيام بقرأ فيه من كتر جماله وفائده الكبيرة
للمبتدئين في السواقة
وكنت عايز أخد رأيكم في موقف وقعت فيه كذا مرة بس الحمد لله جت سليمة


لو العربية الخضراء عايزة تعدي من الأهداف الثابتة دي
وممكن يكونو أى حاجة غير العربيات مش شرط يعني عربيات
المفروض الواحد يعمل ايه عشان يعدي بثقة ويتأكد انه مش هيخبط؟