إعـــــــلان

Collapse

.

,
See more
See less

نصائح سائق جديد .. وخوفه قل شوية من موضوع السواقة .. والبركة فيكم تعلمونا الباقى

Collapse
This is a sticky topic.
X
X
 
  • Filter
  • الوقت
  • Show
Clear All
new posts

  • بارك الله فيك وجعل مجهودك فى ميزان حسناتك وارجوا ان يتسع صدرك لكل اسئلتي انا وباقي الاخوة والاخوات فى المنتدي بجد مجهود تشكر عليه ولكن يبقى جزء من سؤالي وهو الاهم كيف اركن سيارتى بالاتجاه العمودى على الرصيف بين سيارتين بحيث ادخل هذا المكان بظهرى "اي مؤخره السياره وليس بوجه السيارة وهو الموقف الذي اتعرض له كثيرا خصوصا ان عرض الشارع المستخدم ضيق وتوجد سيارات راكنه بمحاذاه الرصيف المقابل لوجه السياره "المكان مخصص كجراج"
    ثانيا : بالنسبه لتجاربى السابقه مع موضوع القيادة الحمد لله "فالله خير حافظا وهو ارحم الراحمين" انا اقود سيارتى منذ شهرين بمعدل كل يومين مشوار بسيط لا يتعدى ال7ك ذهابا وايابا ولكن فى شارع مزدحم وهو ش الترعه البولاقيه بدايه من نفق القللي وحتى نهايه ش شبرا مع العودة من ش شبرا الي نهايه النفق وطبعا بعد فتره تعلم فى شوارع خاليه مع احد اصدقائي في مساكن شيراتون وبجوار الاستاد الحمد لله الامور على ما يرام حتى الان دون خسائر ولكن
    اولا : تقدير المسافه للسياره القادمه من الخلف حين النظر فى المراه الجانبيه "المنطقه العميه" خصوصا عند الانتقال من حاره لحاره لاخذ يوتيرن قريب مثلا مازلت لا استطيع تقديرها بالضبط والنتيجه كلاكس مزعج من الخلف
    ثانيا : مازلت باللغه الدارجه ملجم سيارتى بوضع قدمى على الدبرياج نصف ضغطه مع استخدام الفرامل وممكن اسرح على هذا الوضع كثيرا وذلك لتجنب تعطل الموتور فى حاله التوقف المفاجي او تهدئه السرعه والتي لم تزد معى حتى الان عن 40كيلو نظرا لظروف طريقى وشده الزحام وقد سمعت من احد اصدقائي اننى سوف اقوم بعمليه تغيير لاسطوانه الدبرياج قريبا بسبب ذلك الموضوع ولا اجد له حل واحاول التخلص من هذه العاده السيئه
    ولك مزيد من الشكر على الجهد الرائع

    اخوكم احمد

    Comment


    • بسم الله الرحمن الرحيم
      اللهم صل على محمد وعلى آله وصحبه أجمعين


      كيف تركن سيارتك

      5 خطوات اساسية لركن السيارة

      فى البداية يجب ان يكون التدريب فى مكان واسع .... ثم يتدرج التدريب الى مكان مناسب لحجم السيارة ... ويتم التدريب فى الاول فى اماكن خالية من السيارات ... يم يتدرج مرة تانية فى اماكن طبيعية وبها سيارات تسير بشكل طبيعى.


      1- تفحص حركة المرور ثم اعطى اشارة ناحية الرصيف "اليمين" ... ثم اترك مسافة بينك وبين السيارة الامامية حوالى (70 سم) متر تقريبا مع مراعاة ان يكون الاكصدامات الخلفية للسيارتين على نفس المحاذاة.

      ملحوظة: يفضل البعض احيانا ان يكون متأخر بعض الشىء عن السيارة الامامية



      2- تأكد من حالة المرور ثم استخدم الغيار العكسى "للرجوع الى الخلف" ... لف عجلة القيادة "الدركسيون" الى اليمين على الآخر "ناحية الرصيف"



      3- اول ما الباب الامامى لسيارتك "يمر" على اكصدام السيارة الامامية ... بسرعة اعدل "عجلة القيادة" على شكل مستقيم

      ملحوظة: اذا كنت موش سريع بما فيه الكفاية تستطيع التوقف ثم تحريك عجلة القيادة فى الإتجاه المطلوب .. لكن يفضل ان يتم تحريك الدركسيون اثناء السير للمحافظة على كاوتش السيارة ولخفة تحريك الدركسيون خصوصا اذا كانت السيارة ليست "باور"



      4- عندما تظهر خلفية السيارة الامامية بشكل واضح .. ابدأ فى عكس عجلة القيادة اتجاه اليسار "عكس الرصيف" .. والرجوع للخلف بشكل بطىء جدا.

      ملحوظة: يعنى اول ما اكصدام سيارتك يمر من اكصدام السيارة الامامية



      5- استخدم الغيار الاول وتحرك الى الامام لكى تقف فى منتصف المسافة بين السيارتين .. وعلى بعد 45 سم تقريبا من الرصيف



      ارجوا ان اكون وفقت
      فى المرات القادمة نتكلم عن الركن الافقى

      فى انتظار التواصل

      نسألكم الدعاء لى ولوالدى الله يرحمهم


      مع اطيب التمنيات
      اخوكم حسين غزالة

      الملفات المرفقة
      [sor1]https://s15.postimg.org/to3r0graj/Untitled7_jpg.jpg[/sor1]
      [URL="http://www.nilemotors.net/Nile/127724-a.html"]نصائح سائق جديد .. وخوفه قل شوية من موضوع السواقة[/URL]
      [URL="http://tinyurl.com/jkc87mj"](حصريا ) سلسلة نصائح سائق جديد _ اول كتاب فى اساسيات القيادة الدفاعية [/URL]
      [URL="http://tinyurl.com/M323E"]جروب اصدقاء وملاك مازدا 323 على الفيس بوك[/URL]

      Comment


      • شكرا علي النصائح الغالية دي ككككككككككككككلها
        [CENTER][FONT=Tahoma][SIZE=5][COLOR=blue][COLOR=blue][IMG]http://img560.imageshack.us/img560/9168/featurew.jpg[/IMG] PeaceMan[/COLOR] [COLOR=sienna]@[/COLOR] [COLOR=green]Nissan[/COLOR] NileMotors [IMG]http://img560.imageshack.us/img560/9168/featurew.jpg[/IMG][/COLOR][/SIZE][/FONT][/CENTER]

        [CENTER][URL="http://www.nilemotors.net/Nile/226179-a.html"][IMG]http://img194.imageshack.us/img194/2737/presvj.png[/IMG][/URL][/CENTER]

        Comment


        • شكرا على الشرح الجميل

          Comment


          • السلام عليكم
            فين يااستاذ حسين باقى موضوع الركنه "الركن الافقي" لعل المانع خير
            وفي طلب تاني ارجو ان يكون فى محور اهتمامك موضوع حدف السياره اثناء تغيير الغيار يعني لما بغير من الثاني للثالث مثلا للاسف السياره بتحدف مني من حاره الي حارة وطبعا حضرتك عارف النتيجه "الكلاكس المزعج" القادم من الخلف مع استخدام بعض حركات اليد لصاحب السياره القادمه من الخلف عندما يقترب مني والتي تعبر عن حاله السخط وبعض عبارات التأفف بس معلهش بنستحمل وياريت هما كمان يفتكروا انهم كانوا زينا فى يوم من الايام

            Comment


            • السلام عليكم
              الي كل الاعضاء المشتركين فى هذا الموضوع الرائع والمنضمين مثلي الي مدرسه المبتدائين هل انتهت الدروس بنجاح ام ماذا لعل المانع خير؟؟؟؟؟؟؟؟؟؟؟؟؟؟؟؟

              Comment


              • الكلام فعلا جميل و ممتاز يا استاذ \ حسين
                و انا بسوق من اكتر من سنتين و اتعلمت حاجات من كلامك الجميل ده زي النقاط العمياء في المراية كنت بفتكره عيب مني انا اني مش بركز في السواقة و كده لكن كويس انك وضحتهلنا
                مشكوور علي المجهود الرائع ده
                و هبعت اللينك ده لاصحابي اللي هيتعلموا السواقة لأنه هيفيدهم بجد والله
                جزاك الله كل خير
                [FONT=Palatino Linotype][SIZE=4]nour.anwar[/SIZE][/FONT]
                [SIGPIC][/SIGPIC]

                Comment


                • [quote]
                  السلام عليكم اشكركم جميعا على النصائح الغالية لكن عايز حد ينقذنى والقصة باختصار ان انا رحت مدرسة تعليم قيادة فاشلة
                  وبعدين قررت انا اعلم نفسى بنفسى والا عمرى ماحسوق سيارة فى حياتى بالطريقة دى خصوصا انى كنت ناوى اشترى سيارة ترحمنى من المواصلات... المهم اتفقت مع سواق على ان احنا نطلع مرتين كده نضبط المسائل يعنى كان فاهم شوية بس مش قوى... مشينا فى يوتيرنات وطلعنا كبارى المهم زادت عندى الثقة قوى واللى زودها السواق الله يسامحه وقاللى ان انت كده مش محتاج حد جنبك تانى انت ممكن دلوقتى تركب سيارة على طول وفى يوم كان معايا واحد صاحبى كان عارف ان انا طلعت رخصة واتعلمت السواقة فعرضت عليه بعد حوار بينا ان انا بقى استعرض مهارتى اللى هى ولا الحاج (شوماخر) ركبت السيارة وفضلنا نلف ساعة كاملة بدون مشاكل وهو قعد يشجع فيا ( انت بقيت ميه ميه انت جرىء ...فيه غيرك بيقعد سنه عقبال مايفكر يركب سيارة لوحده...انت رجليك تقيلة على السيارة يعنى عاقل ..وانت وانت .. وانت المهم اتنفخت اكتر والثقة و الجراءة قلبت لغرور لدرجة انى كنت ماسك الدركسيون بايد واحدة وفى اللحطة اللى قررت انى اخلص بقى ويركب هو ( ماانا بقيت واد جامد) والله العظيم ياجماعة لحظة واحدة وانا بالف ملف عادى جدا وسهل جدا مثل عشرات الملفات اللى انا دخلتها ....عارفين حصل ايه...

                  1- نسيت الفرامل خالص ورجلى كانت على دواسة البنزين
                  2- صاحبى لقيته فجاة بدون سابق انذار بيزعق....حاسب انت دايس بنزين زيادة وانت بتلف ...الزعيق قلب لصراخ
                  3- لقيته فجاة بيقوللى اقف اقف وبعدين مسك رجلى علشان من على دواسة البنزين اتوترت اكتر ورجلى تقلت على دواسة البنزين اكتر والدركسيون فلت من ايدى ورد لوضعه
                  4- اصبحت السيارة بعد ماهى داخلة شمال بقت لللامام
                  5- حاسيت انى مشلول مش عارف اعمل حاجة نسيت صاحبى والفرامل والدبرياج وكل اللى ان عرفته وزى ماكون باحلم لقيت نفسى داخل بكل سرعة ممكن تكون 60 فى صف عربيات كانت راكنة فى امانة الله وكانى باركن وراهم
                  6-لستر ربنا ان ماكانش فيه انسان معدى وحسيت انى مجنون سايق سيارة
                  كل الفيلم اللى انا باقوله ده تم فى لحظات وماكانش فيه مسافة او وقت لرد فعل (شلل تام)

                  النتيجة

                  1-تخبيط 3 عربيات راكنة خبطو فى بعض رغم انهم معشقين
                  2-طبعا ماالكومش حجم الخسائر فى عربية صديقى لانها دخلت بوشها (اكصدام -مروحة- شبكة امامية - فوانيس- شرخ الريادتير- طبورة الموتور - الكبوت الامامى اتعجن......باختصار وش السيارة باظ

                  3- كارثة وخسائر فادحة بكل ماتحمله الكلمة من معنى طبعا عوضت السيارات اللى راكنة( لانى طبعا انا اللى غلطان بمبلغ كبير جدا ضيع احلام السيارة اللى كنت بافكر اشتريها او حياخرها

                  4- اما صديقى ماقبلش تعويض وقاللى احنا اخوات

                  5- غير الغرامة المالية حجم الالم النفسى الرهيب جدا جدا والاحساس بالذنب تجاه صديقى والناس اللى انا خبطت فى سيارتهم

                  6- اسبوعين بالكامل تعبان نفسيا جدا وكرهت السيارات وركوبها كلها


                  المحصلة قررت انى انا ماشتريش سيارة ولا اركب سيارة حد ابدا واصبحت عندى عقدة

                  افيدونى الله يكرمكم ايه الفوبيا اللى حصلتلى دى وياترى لو فكرت اجيب سيارة فى يوم من الايام لو حصل موقف زى ده احضرب لخمة كده وماعرفش اتصرف واتشل كده مع العلم انى انا من النوع اللى مابخفش ؟

                  طبي المرة دى جت سليمة و المرة اللى جاية؟

                  هل انا كنت واخد الموضوع ببساطة شديدة ولاايه ؟

                  هل فيه نوع من الناس لايصلح لقيادة السيارات ؟

                  اجيبونى واسف للاطالة كان لازم احكى القصة دى علها تكون عبرة لاى حد تانى وربنا يسلم لكم طريقكم كلكم...... يارب

                  Comment


                  • بسم الله الرحمن الرحيم
                    اللهم صل على محمد وعلى آله وصحبه أجمعين



                    آسف على التأخير ... وبعتذر بشدة


                    كيف تركن سيارتك بشكل رأسى









































                    ارجوا ان اكون وفقت

                    فى انتظار التواصل

                    مع اطيب التمنيات
                    اخوكم حسين غزالة

                    الملفات المرفقة
                    [sor1]https://s15.postimg.org/to3r0graj/Untitled7_jpg.jpg[/sor1]
                    [URL="http://www.nilemotors.net/Nile/127724-a.html"]نصائح سائق جديد .. وخوفه قل شوية من موضوع السواقة[/URL]
                    [URL="http://tinyurl.com/jkc87mj"](حصريا ) سلسلة نصائح سائق جديد _ اول كتاب فى اساسيات القيادة الدفاعية [/URL]
                    [URL="http://tinyurl.com/M323E"]جروب اصدقاء وملاك مازدا 323 على الفيس بوك[/URL]

                    Comment


                    • [marq="3;right;3;scroll"]
                      الاساتذة الافاضل برجاء الرد على مشكلتى وحلها وشكرا


                      مبتدىء اثبت فشل زريع
                      [/marq]

                      Comment


                      • للمرة الثانية ارجو من السادة الافاضل الرد على المشكلة اللى طرحتها وخاصة الاستاذ حسين والاستاذة سارة وجميع الاخوة

                        الجمال ...... الحقونى

                        Comment


                        • موضوع جميل جدا .. بس ماقدرتش اقراه كله هرجع تانى اكمل
                          انا بردو بتعلم سواقه جديد و لسه ماطلعتش رخصه فالموضوع بالنسبالى مفيد جدا و اسلوب الشرح كمان شيق اوى.

                          شكرا جزيلااااااااا

                          Comment


                          • [QUOTE=pop2010;3872874952]
                            السلام عليكم

                            وعليكم السلام ورحمة الله وبركاته

                            اشكركم جميعا على النصائح الغالية لكن عايز حد ينقذنى والقصة باختصار ان انا رحت مدرسة تعليم قيادة فاشلة

                            وبعدين قررت انا اعلم نفسى بنفسى والا عمرى ماحسوق سيارة فى حياتى بالطريقة دى خصوصا انى كنت ناوى اشترى سيارة ترحمنى من المواصلات... المهم اتفقت مع سواق على ان احنا نطلع مرتين كده نضبط المسائل يعنى كان فاهم شوية بس مش قوى... مشينا فى يوتيرنات وطلعنا كبارى المهم زادت عندى الثقة قوى واللى زودها السواق الله يسامحه وقاللى ان انت كده مش محتاج حد جنبك تانى انت ممكن دلوقتى تركب سيارة على طول

                            ههههههههههههههه
                            معلهش أنا آسف جدا غصب عنى ضحكت
                            لأن نفس الكلام قالوا لى سائق فى مدرسة القيادة ... انت كده تمام قوى ... وموش محتاج حاجة تانى
                            الكلام ده فعلا للأسف انا عن نفسى صدقته ... لكن فى الحقيقة وبعد الإطلاع اكتشفت ان موضوع التعليم ده موضوع كبير وسهل فى نفس الوقت ... لكن محتاج الى جدول وعدم الإستعجال والإستعانة بالله سبحانه وتعالى بالإضافة إلى الإستعانة بناس فاهمة وعندها قدرة على التوصيل ... يعنى موش كل سائق عنده قدره انه يفهم ويكون عنده صبر عشان يعلمك ... ده بالإضافة إلى ان الموضوع للأسف محتاج بصراحة "فلوس" .... عايز تتعلم صح .. تخرج مع سائق عشرة على عشرة ... وتدفع فلوس ... معلهش يعنى الواحد يشترى عربية "زيرو" بالشىء الفلانى ويستخسر يدفع له 500 ولا حتى 700 جنيه عشان ياخد 20 ولا 30 حصة ده بافتراض ان الحصة تكلفتها 20 جنيه مثلا ... بعد كل الحصص دى لازم مستواك هايتحسن جدا وهاتكون عشرة على عشرة


                            وفى يوم كان معايا واحد صاحبى كان عارف ان انا طلعت رخصة واتعلمت السواقة فعرضت عليه بعد حوار بينا ان انا بقى استعرض مهارتى اللى هى ولا الحاج (شوماخر) ركبت السيارة وفضلنا نلف ساعة كاملة بدون مشاكل وهو قعد يشجع فيا ( انت بقيت ميه ميه انت جرىء ...فيه غيرك بيقعد سنه
                            عقبال مايفكر يركب سيارة لوحده...انت رجليك تقيلة على السيارة يعنى عاقل ..وانت وانت .. وانت المهم اتنفخت اكتر

                            هنا فيه خط فاصل للأسف ... فعلا فيه ناس كثيير قوى تقولك: اللى انت بتعمله ده غيرك بيحتاج سنة عشان يعمله والكلام ده كله كويس للتشجيع ... لكن موش للتهور ... فيه فرق بين ان الواحد يكون فاهم وواثق فى نفسه ... وبين انه يكون جرىء او متهور

                            والثقة و الجراءة قلبت لغرور لدرجة انى كنت ماسك الدركسيون بايد واحدة وفى اللحطة اللى قررت انى اخلص بقى ويركب هو ( ماانا بقيت واد جامد) والله العظيم ياجماعة لحظة واحدة وانا بالف ملف عادى جدا وسهل جدا مثل عشرات الملفات اللى انا دخلتها

                            فعلا كلامك سليم جدا ... ملف اقل من عادى مرة واحدة تنسى نفسك تفاجأ بحاجات موش كويسة

                            ....عارفين حصل ايه...


                            1- نسيت الفرامل خالص ورجلى كانت على دواسة البنزين

                            لا حول ولا قوة إلا بالله
                            والله العظيم يا استاذ حكاية رجلك فوق البنزين دى ... كانت اول دافع لى عشان افتح موضوع "نصائح سائق جديد" ... وكنت عارف اهميته وخطورة الموضوع ده .. واكتشفت ان موضوع القيادة ده ملىء بالأسرار والأفكار والمهارات اللى كثير منا لا يعلم عنها شىء حتى من السائقين القدام وموش عيب ان الواحد يكون موش عارف العيب انه لا يجدد او يصحح معارفه ومعلوماته


                            2- صاحبى لقيته فجاة بدون سابق انذار بيزعق....حاسب انت دايس بنزين زيادة وانت بتلف ...الزعيق قلب لصراخ

                            للأسف هو كان لازم من اول ما خرج معاك كان يكتشف هل انت بتدخل على الملفات ورجلك فوق البنزين ولا فوق الفرامل .. وكمان كان لازم ينبهك دائما قبل الدخول بمسافة كافية .. يعنى موش بعد الدخول فى الملف بيزعق ويلغبطك .. هو كان كل تركيزه انك ماشى كويس .. لكن ماشى ازاى الله اعلم معلهش حصل خير

                            3- لقيته فجاة بيقوللى اقف اقف وبعدين مسك رجلى علشان من على دواسة البنزين اتوترت اكتر ورجلى تقلت على دواسة البنزين اكتر والدركسيون فلت من ايدى ورد لوضعه

                            ابسط حاجة كان شد فرامل اليد ... عشان العربية تقف

                            4- اصبحت السيارة بعد ماهى داخلة شمال بقت لللامام

                            طبعا وجدت نفسك فى نص الشارع ده طبيعى جدا ... وحصلت معايا .. لكن كنت ماشى بطىء ... وبعد كده ربنا كرمنى بواحد فاهم خرج معايا 3 مرات فقط وضبط لى حاجات كثيير

                            5- حاسيت انى مشلول مش عارف اعمل حاجة نسيت صاحبى والفرامل والدبرياج وكل اللى ان عرفته وزى ماكون باحلم لقيت نفسى داخل بكل سرعة ممكن تكون 60 فى صف عربيات كانت راكنة فى امانة الله وكانى باركن وراهم

                            فى الزحام وعند اليوتيرن والمواقف الصعبة لو رجلك كانت فوق الفرامل .. اى لغبطة هاتحصل هاتضغط عليها ... اما لو كانت رجلك فوق البنزين .. اى لغبطة هاتحصل هاتزود بنزين بدل من الفرامل ... وده اسوء مشكلة مع المبتدأين .. وبعد مرور اكثر من 6 حصص فى مدرسة القيادة التابعة للحى .. ولا واحد قال لى حاجة عن الموضوع ده ... كل اللى يقال ... خفف سرعتك .. انما المعلومة الصح ... خفف سرعتك وارفع رجلك من على البنزين وضعها فوق الفرامل على استعداد للتوقف واضغط فى نفس الوقت الدبرياج عشان العربية لا تتوقف .. طبعا للاسف لا هما قالوا الكلام ده ولا واحد صاحبى عزيز على قال الكلام ده ... الوحيد اللى قال الكلام الصح واحد صاحبى فاهم كويس .... المشكلة يا صديقى انك تلاقى الشخص الفاهم كويس واللى عنده قدرة على التوصيل ... انا موش عايز حد يرفع لى الثقة فى نفسى وانا محتاج شغل كثيير ... انا عايز حد يفهمى الصح .. كويس انى اكون واثق فى نفسى .. لكن ثقة بدون فهم خطر جدا وربنا يحفظ الجميع

                            6-لستر ربنا ان ماكانش فيه انسان معدى وحسيت انى مجنون سايق سيارة
                            كل الفيلم اللى انا باقوله ده تم فى لحظات وماكانش فيه مسافة او وقت لرد فعل (شلل تام)

                            الحمد لله رب العالمين فعلا ان مافيش انسان ماشى فى الشارع وقدر الله وما شاء فعل


                            النتيجة

                            1-تخبيط 3 عربيات راكنة خبطو فى بعض رغم انهم معشقين
                            2-طبعا ماالكومش حجم الخسائر فى عربية صديقى لانها دخلت بوشها (اكصدام -مروحة- شبكة امامية - فوانيس- شرخ الريادتير- طبورة الموتور - الكبوت الامامى اتعجن......باختصار وش السيارة باظ
                            3- كارثة وخسائر فادحة بكل ماتحمله الكلمة من معنى طبعا عوضت السيارات اللى راكنة( لانى طبعا انا اللى غلطان بمبلغ كبير جدا ضيع احلام السيارة اللى كنت بافكر اشتريها او حياخرها

                            يا ساتر يا رب
                            معلهش حصل خير


                            4- اما صديقى ماقبلش تعويض وقاللى احنا اخوات

                            ده انسان راجل ومحترم وابن ناس وربنا يعوضه خير إن شاء الله

                            5- غير الغرامة المالية حجم الالم النفسى الرهيب جدا جدا والاحساس بالذنب تجاه صديقى والناس اللى انا خبطت فى سيارتهم

                            6- اسبوعين بالكامل تعبان نفسيا جدا وكرهت السيارات وركوبها كلها

                            ده طبيعى جدا

                            المحصلة قررت انى انا ماشتريش سيارة ولا اركب سيارة حد ابدا واصبحت عندى عقدة

                            افيدونى الله يكرمكم ايه الفوبيا اللى حصلتلى دى وياترى لو فكرت اجيب سيارة فى يوم من الايام لو حصل موقف زى ده احضرب لخمة كده وماعرفش اتصرف واتشل كده مع العلم انى انا من النوع اللى مابخفش ؟

                            طبي المرة دى جت سليمة و المرة اللى جاية؟

                            إن شاء لله مايحصلش حاجة وحشة تانى وربنا الستار فى الأول والآخر

                            هل انا كنت واخد الموضوع ببساطة شديدة ولاايه ؟

                            انت جرىء وده شىء كويس خصوصا لو كان فى نفس الوقت كان فيه تدريب كافى ووقت كافى وعدم استعجال

                            هل فيه نوع من الناس لايصلح لقيادة السيارات ؟

                            قليل قوى ... يعنى القيادة موش مشكلة المشكلة التدريب والفهم ... انك تلاقى اللى يعلمك صح هى دى المشكلة وانك تصرف فلوس فى التدريب يعنى واحد شارى عربية بحولاى 40 او 50 الف على الأقل ايه المشكلة انى ادفع لى 1000 جنيه وآخد 40 حصة مع سائق ممتاز وفاهم وعشرة على عشرة ... بالمبلغ ده اوفر على نفسى كثيير قوى ... لكن احنا للأسف كلنا بلا استثناء .. اول ما العربية تتحرك ونمشى بيها شوية نقول لنفسنا خلاص احنا مية مية ومحتاجية ممارسة فقط ههههههه .... طبعا الكلام ده غلط جدا ... فى بعض الدول الاوروبية تمشى سنة والعربية مكتوب عليها حرف P مبتدأ .. وبعدين تمشى مده وتضع حرف آخر وبعدين تمشى مده تانية وتكتب حرف آخر وبعد تقريبا 3 سنوات او اربعة تاخد الرخصة النهائية ... احنا حتى النهاردة نخاف نكتب على العربية من الخلف سائق مبتدأ .. نخاف الرخصة تنسحب مننا ... واقصى نصيحة اننا نكتب على العربية من الخلف "السيارة فى التليين" ههههههههههه

                            اجيبونى واسف للاطالة كان لازم احكى القصة دى علها تكون عبرة لاى حد تانى وربنا يسلم لكم طريقكم كلكم...... يارب

                            والله احنا اللى آسفين لحضرتك جدا اننا قلبنا عليك المواجع زى مابيقولوا
                            كل اللى انت محتاجه انك تبعد عن السواقة شوية
                            وتجلس فى مقعد الركاب مدة كافية ... حتى اعصابك تهدأ وترتاح وتنسى المشكلة اللى حصلت لك دى تماما .. تفضل فى الحاكية دى اسبوعين شهر .. اى مده المهم انك تهدأ واعصابك ترتاح وتنسى الحكاية دى تماما
                            وبعد كده ترجع تتدرب على القيادة بشكل علمى وسليم وعدم استعجال مع شخص فاهم كويس جدا ولو وجدته سائق موش تمام وموش بتفهم منه حاجة .. غيره على طول وشوف واحد غيره ... موش عيب انك تاخد وقتك فى التدريب .. العيب هو الإستعجال
                            وكل شىء هايكون تمام التمام إن شاء الله
                            وربنا يحفظ الجميع

                            مع اطيب التمنيات
                            اخوكم حسين غزالة


                            [sor1]https://s15.postimg.org/to3r0graj/Untitled7_jpg.jpg[/sor1]
                            [URL="http://www.nilemotors.net/Nile/127724-a.html"]نصائح سائق جديد .. وخوفه قل شوية من موضوع السواقة[/URL]
                            [URL="http://tinyurl.com/jkc87mj"](حصريا ) سلسلة نصائح سائق جديد _ اول كتاب فى اساسيات القيادة الدفاعية [/URL]
                            [URL="http://tinyurl.com/M323E"]جروب اصدقاء وملاك مازدا 323 على الفيس بوك[/URL]

                            Comment


                            • المشاركة الأصلية كتبت بواسطة shetoos2009 مشاهدة المشاركة
                              السلام عليكم

                              وعليكم السلام ورحمة الله وبركاته

                              فين يااستاذ حسين باقى موضوع الركنه "الركن الافقي" لعل المانع خير

                              والله لو فيه اى جديد هانضيفه إن شاء الله ربنا يسهل
                              لأن الموضوع ده فعلا مهم جدا وقابلنى مرة واحدة فى الشارع ومحتاج تدريب بشكل علمى ربنا يسر الاحوال

                              وفي طلب تاني ارجو ان يكون فى محور اهتمامك موضوع حدف السياره اثناء تغيير الغيار يعني لما بغير من الثاني للثالث مثلا للاسف السياره بتحدف مني من حاره الي حارة وطبعا حضرتك عارف النتيجه "الكلاكس المزعج" القادم من الخلف مع استخدام بعض حركات اليد لصاحب السياره القادمه من الخلف عندما يقترب مني والتي تعبر عن حاله السخط وبعض عبارات التأفف بس معلهش بنستحمل وياريت هما كمان يفتكروا انهم كانوا زينا فى يوم من الايام

                              لازم تتأكد الأول ان العفشة بتاعة العربية سليمة وبعد كده تكشف عليها "زوايا عجل" .. ولو محتاجة ضبط .. ضبطها اما لو كانت العربية سليمة وموش بتحدف لاى سبب ... يبقى حضرتك ايدك هى اللى بتحرك الدركسيون وموش مثبتاه كويس على شكل خط مستقيم ... والإنتقال من حارة الى حارة اخرى محتاج تدريب كويس جدا ومراعاة للمنطقة العمياء سبق الكلام عنها

                              المشاركة الأصلية كتبت بواسطة nouranwar مشاهدة المشاركة
                              الكلام فعلا جميل و ممتاز يا استاذ \ حسين

                              الله يكرمك ويسعدك دنيا وآخرة

                              و انا بسوق من اكتر من سنتين و اتعلمت حاجات من كلامك الجميل ده

                              العفو يا استاذ حضرتك انسان مهذب ومتواضع فى نفس الوقت ... لان كثير من السائقين المبتدأين يرفضوا فكرة انه لسه بيتعلم ... فما بالك بسائق لمدة اكثر من 2 سنتين وبيقول انه اضاف الى معلوماته حاجات جديدة .. ده يدل على ان حضرتك محترم جدا وعند حضرتك شغف بالعلم والمعرفة وده شىء جميل جدا ونادر جدا وانا سعيد جدا ان حضرتك تكتب لنا تجاربك وتعليقاتك عشان نستفيد كلنا منها

                              زي النقاط العمياء في المراية كنت بفتكره عيب مني انا اني مش بركز في السواقة و كده لكن كويس انك وضحتهلنا



                              المنطقة العمياء دى ... تقدر تقول عليها ثلاثة اربع المشاكل عندى وعند الكثيرين ... لدرجة انى بفكر اغير المراية اللى فى منتصف العربية مرة تانى ...

                              مشكوور علي المجهود الرائع ده

                              العفو حضرتك واحنا اللى متشكرين لزوقك واخلاقك العالية

                              و هبعت اللينك ده لاصحابي اللي هيتعلموا السواقة لأنه هيفيدهم بجد والله
                              جزاك الله كل خير

                              ده كلام عشرة على عشرة ... ولو كل واحد فكر انه يطلع رخصة وانه يتعلم ويدخل يشارك معانا قبل ما يمشى بعربيتة .. فى الحالة دى ممكن يوفر على نفسه معظم المشاكل إن شاء الله وربنا يحفظ الجميع
                              وشكرا لحضرتك على مجهوداتك

                              وفى انتظار التواصل
                              مع اطيب التمنيات
                              اخوكم حسين غزالة


                              المشاركة الأصلية كتبت بواسطة Innovation مشاهدة المشاركة
                              موضوع جميل جدا .. بس ماقدرتش اقراه كله هرجع تانى اكمل

                              وأنا بكون سعيد جدا لما اسمع الكلام ده ... واشعر بالسعادة وان كل الكلام اللى كتبناه ده موش رايح هباء ... وان فيه ناس فعلا بتستفيد منه

                              انا بردو بتعلم سواقه جديد و لسه ماطلعتش رخصه فالموضوع بالنسبالى مفيد جدا و اسلوب الشرح كمان شيق اوى.

                              شكرا جزيلااااااااا


                              العفو حضرتك ... وإن شاء الله تطلع الرخصة ... وبعد كده تبدأ فى مشوار التدريب على مهل وبدون استعجال وربنا يسر لك الأحوال إن شاء الله


                              مع اطيب التمنيات
                              اخوكم حسين غزالة

                              [sor1]https://s15.postimg.org/to3r0graj/Untitled7_jpg.jpg[/sor1]
                              [URL="http://www.nilemotors.net/Nile/127724-a.html"]نصائح سائق جديد .. وخوفه قل شوية من موضوع السواقة[/URL]
                              [URL="http://tinyurl.com/jkc87mj"](حصريا ) سلسلة نصائح سائق جديد _ اول كتاب فى اساسيات القيادة الدفاعية [/URL]
                              [URL="http://tinyurl.com/M323E"]جروب اصدقاء وملاك مازدا 323 على الفيس بوك[/URL]

                              Comment


                              • استاذ حسين
                                بدايه اشكرك للتواصل
                                ثانيا: ارجو توضيح الركن الراسي عندما يكون بين سيارتين متوقفين تماما وعرض الشارع لا يزيد عن سته امتار ورصيف مقابل مع احتمال وجود سياره تركن افقيا على الرصيف المقابل
                                انا اسف لا اصعب الامور فى سؤالي ولكن هذا ما اتعرض له بالفعل
                                وشكرا

                                Comment

                                Working...
                                X