Tweet
المشاركة الأصلية كتبت بواسطة husseinoo
مشاهدة المشاركة
الف مبروك على التثبيت يا اشتاذ حسين و نرجو المزيد
-
السلام عليكم ورحمة الله وبركاته
الف مبروك على التثبيت يا اشتاذ حسين و نرجو المزيد
[aldl]http://4.bp.blogspot.com/-ErjDUZ8vyBE/T17cPdPyECI/AAAAAAAAwPg/esBRUJ5Tnf0/s1600/%D9%85%D9%8A%D9%86%D9%89+%D9%83%D9%88%D8%A8%D8%B1+2012.jpg[/aldl] -
بسم الله الرحمن الرحيم
اللهم صل على محمد وعلى آله وصحبه أجمعين
شكرا لك يا استاذة لبنى انت وماجد على مشاعركم الرقيقة ... وشكرا للإدارة على التثبيت .. وشكرا لجيمع الاصدقاء الاوفياء.
وداعا للغضب ... ومرحبا بالأذكياء
- المطلوب منك انك تسير فقط بعربيتك مع باقى السيارات ... موش مهم سرعتك اد ايه ... فقط استمر فى السير.
- لازم تهتم بالأطفال .... استخدم الكراسى الخاصة بالأطفال ... اهتم بربط الحزام سواء لك او لأفراد اسرتك.
- مافيش داعى للجرى بسرعة ... مافيش داعى انك "تلزق" للعربية التى امامك .... مافيش داعى انك تفضل تغير فى الحارات زى "الاراجوز" عمال على بطال ... الصح انك تكون هادىء وانك تصبر شوية وتمنع نفسك من الرغبة فى الجرى والسير بسرعة.
- استمتع بالرحلة ... انت خارج فى مشوار وقابلك واحد "غلس" قليل الأدب ... مافيش داعى "تعكنن" على نفسك ... إذا ظهر الغلس .. وسع له الطريق على قدر المستطاع بدون ان تعرض نفسك للخطر ... خليك ذكى ... مافيش داعى انك تتحدى "الغلس الرخم" ... ما تحاولش تعطى للسائقين الآخرين درس فى القيادة.
- اجعلها رحلة آمنة ... نام كويس ... عيون مفتحة ... دماغ "رايقة" ... فايق كويس ... مركز كويس ... ورد فعل كويس وفى توقيت كويس.
- طول ما انت ماشى بعربيتك فى المواصلات هاتشوف "عجايب" من اللى حواليك ... مافيش داعى تفضل تشتكى .. مافيش داعى انك تمشى زى المجنون بالعربية ... موش كويس انى اكون قليل الادب ... حاول تستمتع بالمشوار هاتوصل بيتك فى سلام.
- ما تضايقش نفسك ؟ ... خليك هادى ... وفر جو من الهدوء داخل سيارتك ... وبالتالى طريقة سيرك سوف تكون آمنة وبدون انفعال يعرضك للخطر.
- حاول تحب المواصلات ... ههههههه ... الزحمة جزء من حياتنا ... عادى ... حاول تتعايش مع الازدحام ... وتستمتع بالمشوار بتاعك.
- عامل السائقين الآخرين ... كما تحب أن تعامل ابنك او بنتك ... ههههههههه اعتبره واحد من العائلة ... عشان ترتاح.
فى انتظار التواصل
تابــــع
مع اطيب التمنيات
اخوكم حسين غزالة
[sor1]https://s15.postimg.org/to3r0graj/Untitled7_jpg.jpg[/sor1]
[URL="http://www.nilemotors.net/Nile/127724-a.html"]نصائح سائق جديد .. وخوفه قل شوية من موضوع السواقة[/URL]
[URL="http://tinyurl.com/jkc87mj"](حصريا ) سلسلة نصائح سائق جديد _ اول كتاب فى اساسيات القيادة الدفاعية [/URL]
[URL="http://tinyurl.com/M323E"]جروب اصدقاء وملاك مازدا 323 على الفيس بوك[/URL]Comment
-
الله عليك ، يا سلام لو كل الناس تفكر كدةالمشاركة الأصلية كتبت بواسطة husseinoo مشاهدة المشاركة
استمر يا استاذ حسين
الموضوع يستحق التثبيت بجدارة وارفع لك القبعة على هذا الموضوع المتكاملComment
-
اللهم صل على محمد وعلى آله وصحبه أجمعين
شكرا يا استاذ عمرو على كلامك الجميل المشجع .. بارك الله فيك
وداعا للغضب .. ومرحبا بالأذكياء- الإحباط ... المفاجأت ... السرعة ... الغضب ... ممكن الحاجات دى تعرضك للخطر .. حاول تهدى شوية ... لدرجة انه بينصحك انك تقلد اصوات بعض الحيوانات الكوميدية ... عشان تهدى شوية هههههههه .
- فكر بشكل سىء ... اتصرف بشكل سىء ... هاتكون انسان سىء
فكر بشكل جيد ... اتصرف صح ... هاتكون انسان جميل
- مافيش داعى للمشاكل فى الطريق ... فقط اتبع السيارات التى امامك فى هدوء ... ما تعملش تصرفات غلط ... واتعلم انك لازم تكون حريص على نفسك وعلى غيرك.
- تجنب موقف الكسبان والخسران ... لازم تكون كسبان على طول ... ساعد الآخرين على الطريق ... خليك لطيف مع السائقين الآخرين.
- تجنب متاعب القيادة فى الحارة اليسرى .... بصراحة اصبحت الحارة اليسرى مزعجة جدا خصوصا داخل المدينة من كثرة وجود اليوتيرن ... وعشان تتجنب السيارات المتجهة الى اليوتيرن لازم تغير حارتك مرة تانية وده يسبب مشاكل خصوصا للمبتدأين ...
لو حاولت تمشى فى الحارة اليمين خصوصا فى الطرق السريعة .. هاترتاح مية مية ... هاتمشى على راحتك ... حارة غير مزعجة .. وأكثر امانا وبطيئة ... اما لو كانت سرعتك معقولة ومتوازنة .. فى الحالة دى افضل حارة لك هى الحارة الوسطى ... سواء كنت تسير فى المدينة او على الطرق السريعة.
- لا تجعل تفكيرك السىء هو الذى يقود سيارتك .... يعنى ما تخليش مزاجك يؤثر على طريقة قيادتك للسيارة ... معلهش فيه ناس للأسف "شياطين" اعوذ بالله ... سواء اتعلم جديد .. اتعلم قديم .. هو سواقته بتعكس شخصيته ... والله انا شوفت عربية نقل ماشية ورايا.. وبتجرى زيها زى الملاكى ... طبعا انا ملتزم بالسير فى الحارة الوسطى اليومين دول ... هديت العربية شوية ... وتركته يجرى من على شمالى ... فى نفس الوقت عدى من على يمينى سائق سيارة ملاكى مجنون ... عايز يعدى من النقل بأى طريقة .. والنقل كبرت معاه انه يجرى زى الملاكى ... لدرجة ان السيارة الملاكى كانت هاتدخل تحت النقل مرة واحد "ببوز" العربية .. عشان النقل توقف بشكل مفاجىء ... شغل مجانين اعوذ بالله وربنا يسترها مع الجميع.
- العلاج فى ايديك ... الغضب غير مفيد لصحتك .. ولا تحاول زيادة وضغط الغضب داخلك ... "فش" الغضب هههههههههه عشان تعيش كويس.
- لا تفكر بطريقة "يا أنا .. يا هو" ... فكر بطريقة لازم اساعد اللى حواليه ممكن يكون عندهم ظروف ومستعجلين.
فى انتظار التواصل
تابـــــع
مع اطيب التمنيات
اخوكم حسين غزالة[sor1]https://s15.postimg.org/to3r0graj/Untitled7_jpg.jpg[/sor1]
[URL="http://www.nilemotors.net/Nile/127724-a.html"]نصائح سائق جديد .. وخوفه قل شوية من موضوع السواقة[/URL]
[URL="http://tinyurl.com/jkc87mj"](حصريا ) سلسلة نصائح سائق جديد _ اول كتاب فى اساسيات القيادة الدفاعية [/URL]
[URL="http://tinyurl.com/M323E"]جروب اصدقاء وملاك مازدا 323 على الفيس بوك[/URL]Comment
-
اللهم صل على محمد وعلى آله وصحبه أجمعين
وداعا للغضب .. ومرحبا بالأذكياء
- اذا كنت تشعر ان تصرفاتك غير لائقة ... تصرفك وكأنك شخص لطيف سوف يجعل منك شخص لطيف ... حسب طريقة تفكيرك ... واخد الدنيا عافية .. هاتواجه طول ما انت ماشى مشاكل مع السياراة الآخرى ... عاقل وماشى بشكل عاقل .. رحلتك هاتكون ظريفة وآمنة إن شاء الله.
- لا تحاول تقليد الآخرين ... يعنى انت شايف العربيات بتجرى فى الحارات الأخرى ... بعد مرور بعض الوقت سوف تشعر بأنك راجل عجوز فى سواقتك .. ويمكن تسخن وتحب تقلد السيارات الأخرى فى موضوع الجرى ده ... لأ .. اوعى تقلد الآخرين .. واستمر فى السير فى حارتك بدون تغير بطريقة آمنة ... وسوف تحصلهم فى اول إشارة مرور ... فى منتهى الأمان.
- هيا ابدأ يومك .... كن سائق لطيف على طول الطريق.
- اترك السائقين الآخرين يسيروا امامك ... هدى سرعتك عند رؤية المشاة واعمل لهم حساب خصوصا اثناء المرور من الطريق ... تجنب عمل بلوك فى الحارة اليسرى ... او الحارة اليمنى اثناء التقف فى الإشارات ... قاوم الرغبة الشديد فى انك تكون "لازق" للعربية التى امامك ... توقف تماما إذا احتاج الامر لذلك .. هدى سرعتك فى المنحنيات ... وانا ماشى فى إحدى الطرق وجت "ترابزين" الكوبرى واقع فى الشارع ... تخيلوا كام عربية خبط الترابزين فى المنحنى ... كل عربية طالعة الكوبرى عايزة تمشى عليه بسرعة حتى فى المنحنيات ... والنتيجة طبعا انه من كتر ما خبطوا الترابزين بتاع الكوبرى ... تخيلوا "الترابزين وقع فى الشارع" ... اعط إشارة فى الوقت المناسب ... يعنى ماتستخدمش الإشارة بدرى قوى ولا تستخدمها متأخر ... اهتم بالكلام اللى نتناقش فيه وسوف تكون سائق محترف إن شاء الله.
- القيادة الدفاعية ... هو اسلوب ذكى جدا للقيادة .... القيادة الحريصة المتأنية زيادة عن اللزوم يعتبر اسوء انواع القيادة ... القيادة الدفاعية هى افضل اساليب القيادة على الإطلاق .
- قيادة السيارة تحت السيطرة والتحكم الكامل العاقل .. ينقذ الارواح
- كم من الوقت وانت تقود سيارتك بسرعة اكثر من المحدد ... هل رأيت السيارات التى تسير بسرعة مناسبة ومعقولة ... انهم يقودوا سياراتهم بحكمة وعقل وبطريقة ممتازة ... انهم يوفروا الأمان للأخرين ... ليس هناك اعز من حياة الإنسان ... ربنا يحفظ الجميع
- هل تعلم ان معظم حوادث الطريق سببها هى اخطاء من قائد السيارة ؟ ... من فضلك فتح عينيك كويس قوى وخليك منتبه ومركز جامد.
- اخيرا مافيش داعى للغضب .. هاتترك سيارتك غضبان هههههههه هاترجع غضبان ... هاتزود الضغط على اعصابك ... حاول تتعايش مع زحمة المواصلات ... وتهدى اعصابك وتستمتع بالمشوار ... وتستغل طول الطريق فى حاجة مفيدة ... اسمع درس قرأن او شوية موسيقى هادئة ... مافيش داعى للإنفعال بدون داعى ... حافظ على صحتك وعلى قوة قلبك وربنا يحفظ الجميع.
فى انتظار التواصل
مع اطيب التمنيات
اخوكم حسين غزالة[sor1]https://s15.postimg.org/to3r0graj/Untitled7_jpg.jpg[/sor1]
[URL="http://www.nilemotors.net/Nile/127724-a.html"]نصائح سائق جديد .. وخوفه قل شوية من موضوع السواقة[/URL]
[URL="http://tinyurl.com/jkc87mj"](حصريا ) سلسلة نصائح سائق جديد _ اول كتاب فى اساسيات القيادة الدفاعية [/URL]
[URL="http://tinyurl.com/M323E"]جروب اصدقاء وملاك مازدا 323 على الفيس بوك[/URL]Comment
-
اللة ينور عليك يا استاذ يا كبير
[aldl]http://4.bp.blogspot.com/-ErjDUZ8vyBE/T17cPdPyECI/AAAAAAAAwPg/esBRUJ5Tnf0/s1600/%D9%85%D9%8A%D9%86%D9%89+%D9%83%D9%88%D8%A8%D8%B1+2012.jpg[/aldl]Comment
-
بسم الله الرحمن الرحيم
اللهم صل على محمد وعلى آله وصحبه أجمعين
كيف تواجه المشاعر السيئة
1- الخوف من زحمة المواصلات ...
الأعراض: تفضل تقول لنفسك "احنا لو فضلنا ماشيين بالشكل ده موش هاوصل ابدا فى ميعادى" .... هههههههههه .... انا حاسس انى موش بتحرك من مكانى ... دلوقتى انا "لازق" للعربية البطيئة دى كمان .... الخ
العلاج: انزل مشوارك بدرى شوية ... اشغل نفسك مع شوية موسيقى .. او الاستماع الى الراديو ... استمتع بالمناظر المحيطة ... اتمرن على طريقة صحيحة للتنفس .... فيه تمارين للتنفس خصوصا للناس اللى تمارس "اليوجا" التمارين دى يا جماعة ممتازة جدا ... بتخليك متحكم فى نفسك وتجعلك اهدأ فى تصرفاتك ... هى طريقة بسيطة بس انا كل اللى فاكره هو انك بتاخد نفس عميق وتحتفظ به داخل صدرك مدة طويلة ... ثم تخرج النفس ده بالكامل ... والموضوع ده له زمن ... يعنى الاحتفاظ بالهواء له مدة معينة ... وبعد كده بتخرج الهواء من داخل صدرك له مدة معينة ... يعنى الخلاصة بتخضع عملية التنفس اللا إرادية ... إلى تنفس إرادى .. افتكرت حاجة ... مرة وانا فى الجيش كان عندنا تدريب قوى .. وهانجرى مسافة كبيرة جدا ... النتيجة كنت آخر واحد فى الكتيبة ههههههههههههه وصلت ونفسى مقطوع ... تانى مرة افتكرت موضوع التنفس اليوجى ده .. وطبقته وانا بجرى ... وسبحان الله كنت من اوائل الناس ههههههههههههه.
2- حاسس انى عايز اضرب حد ... ههههههههههههه
الأعراض: انا ما بحبش الناس اللى بتعمل حركات ... موش انا اللى يتعمل معايا كده ... تفتكر انى هاسيبك يعنى والله هاوريك ههههههه
العلاج: قلد بعض اصوات الحيوانات المضحكة ههههههههه ... فكر فى اعذار للسائق الآخر ... فكر فى اسرتك فكر فى والدك او اخواتك اللى ممكن يعملوا نفس الشىء وهما بيقودوا سيارتهم ... تذكر ان السائق الآخر موش "شيخ" معصوم من الخطأ.
3- الاحساس بالمنافسة الجامدة جدا
الاعراض: الله يخرب بيت الواد ده ... ازاى ينور نوره فى "وشى" .. طيب ما انا اقدر انا كمان انور النور واعميه ... ازاى العربيات دى ماشية بسرعة فى الحارة دى واسرع مننا.
العلاج: خليك كبير وقول لنفسك كفاية شغل العيال ده .. احنا موش فى المدرسة ... وانى لازم اكسب على طول ... مافيش مشاكل لو انا مشيت متأخر شوية عن باقى العربيات ... المهم انى اكون انسان مهذب وعاقل ومتحضر موش متخلف عمال اخبط فى اللى حواليه.
4- نفسى اعلمه حاجة
الاعراض: تقول لنفسك "شوف الواد ده دخل ازاى ونسى يستخدم حتى الإشارة" ... هو عمال يعمل حركات عمال على بطال ... مرة يجرى بسرعة زى المجنون ومرة يقف جامد بدون داعى ... موش عارف ازاى هاينتبه للطريق وهو عمال يكلم فى المحمول
العلاج: قول لنفسك "البنى آدمين هما اللى بيعملوا اخطاء" ...... افتكر شوية الاخطاء اللى انت كنت بتعملها ... تذكر ان الصبر فضيلة ... حاول تبعد عن العربية اللى عاملة مشاكل دى او حتى تعدى منها لو فيه فرصة.
5- بحب المخاطرة
الاعراض: نفسى اجرى لكن انا حريص شوية ... انا ممكن اعمل الحركة دى لو كنت سريع شوية ... انا لو شديت شوية ممكن اوريك مقامك هههههههه
العلاج: افتكر الناس اللى بتحبهم ولو حد عمل معاهم الحركات دى ممكن يحصل لهم ايه ... لازم تقول لنفسك انك لازم تكون انسان ناضج وحكيم ومهذب
مع اطيب التمنيات
اخوكم حسين غزالة
[sor1]https://s15.postimg.org/to3r0graj/Untitled7_jpg.jpg[/sor1]
[URL="http://www.nilemotors.net/Nile/127724-a.html"]نصائح سائق جديد .. وخوفه قل شوية من موضوع السواقة[/URL]
[URL="http://tinyurl.com/jkc87mj"](حصريا ) سلسلة نصائح سائق جديد _ اول كتاب فى اساسيات القيادة الدفاعية [/URL]
[URL="http://tinyurl.com/M323E"]جروب اصدقاء وملاك مازدا 323 على الفيس بوك[/URL]Comment
-
سلام عليكم
الف شكر لك يا استاذ حسين ربنا يجازيك كل خير... حضرتك تغطي كل شيء تقريبا... والله ما قصرت..على راي الاخوة السعوديين اللي كنت عندهم
انا كنت انقطعت لفترة لظروف السفر لكن افتقدت المنتدى وخصوصا هذا الموضوع ونصائح حضرتك المميزة جدا
وطبعا كنت نسيت السواقة شوية لاني سقت 3 اسابيع ثم سافرت مثلهم وعدت من اسبوع سقت 3 ايام اعتقد عملت فيهم غلطات ال3 اسابيع اللي قبلهم!!!
ومنها اني بامشي في حارة اليوترن قبلها بمسافة كبييييرة باعدي فيها على 3 مثلا قبل ما اوصل لليوتيرن اللي عايزة ادخله وكل دا عشان ما اضطرش اغير حارتي لان الشارع سريع وانا باترعب... لكن النتيجة طبعا ومع صغر عربيتي ان في احدي ال"يوترنات" كل العربيات زنقتني واتعدتني وفين لما سمحوا لي اكمل مع باقي الشعب اللي مش هايلف اليوتيرن وكنت هادخل في الرصيف الموجه لي من كتر الزنقة بس ربنا ستر
وعلى ذكر المرايات...عندي مشكلتين في المرايات يبقى كتر خيركم لو نصحتوني فيهم
الشمال واحد منه لله عدى زي الصاروخ في شارع ضيق ففتت زجاجها وهي في مكانها رجعت لقيت اخويا مغيره بس حاسة ان الرؤية اختلفت تماما يعني الاصلية كانت بتجيب مدى اعرض من السيارات خلفي..فهلا المشكلة في نوع الزجاج البديل وازاي اتاكد ان النوع اللي يركب يكون مضبوط زي الاصلي
المراية اليمين بقى اللي كان بيعلمني جه يعدلها طلعت في ايده وقالوا لي ان كلها عايزة تتسال وتتغير بواحدة كاملة جديدة والبعض بيقول مالهاش داعي قوي واعتمدي على مراية الصالون بس هي عاملة فرق باسمعه كل ما اجي اركن يمين!!!..فهل حد يعرف حد في شارع احمد سعيد بالعباسية مثلا (المشوار الوحيد اللي باعرف اروحه) ممكن اعمل عنده الموضوع دا؟
مرة اخرى جزاكم الله كل خير يا ا. حسين..حضرتك وكل الاخوة والاخوات هنا..المتمرسين والمبتدئين..ربنا يحفظكم جميعاComment
-
المشاركة الأصلية كتبت بواسطة abeeron مشاهدة المشاركة[sor1]https://s15.postimg.org/to3r0graj/Untitled7_jpg.jpg[/sor1]
[URL="http://www.nilemotors.net/Nile/127724-a.html"]نصائح سائق جديد .. وخوفه قل شوية من موضوع السواقة[/URL]
[URL="http://tinyurl.com/jkc87mj"](حصريا ) سلسلة نصائح سائق جديد _ اول كتاب فى اساسيات القيادة الدفاعية [/URL]
[URL="http://tinyurl.com/M323E"]جروب اصدقاء وملاك مازدا 323 على الفيس بوك[/URL]Comment
-
الف شكر يا استاذ حسين على تعبك ومجهودك ونصايحك القيمهالمشاركة الأصلية كتبت بواسطة husseinoo مشاهدة المشاركة
بس صعب جدا موضوع حب المواصلات والزحمه ده
النهارده حصلي موقف مثير للأعصاب وانا في الجوله السياحيه بتاعتي حول منطقة السكن
كنت بلف من شارع جانبي وخارجه على شارع رئيسي زحمه جدا وفي على شمالي عربيه في الإتجاه المعاكس والعربيه دي رجعت لوراء شويه علشان اعرف اعدي والف يمين في الشارع الرئيسي
وفجأه لقيت طفل من المتسولين متشعلق في الشباك اللي جنبي وماشي معايا والعربيه ماشيه عادي جدا وبيجري معاها
يا ابني امشي يهديك يرضيك الشنطه في الكنبه الخلفيه حرام عليك سيب العربيه
وكنت خايفه جدا انه يقع تحت العربيه وهو بارد جدا ومش راضي يبعد خالص ومدخل رأسه من الشباك
لغاية ما وقفت وكل اللي حواليا كلاكسات كلاكسات
اكتشفت حاجه مهمه ان انا لازم اكون قافله الشبابيك للأمان او على الأقل اكون مجهزه فلوس في درج التابلوه مثلا للطوارىء علشان الحاجات اللي زي دي[CENTER][SIZE=5][COLOR=Navy][SIZE=4][SIZE=5]* لا اله الا انت سبحانك اني كنت من الظالمين *[/SIZE] [/SIZE]
[/COLOR][/SIZE][CENTER]
[/CENTER]
[/CENTER]Comment
-
المشاركة الأصلية كتبت بواسطة sara2001 مشاهدة المشاركةالف شكر يا استاذ حسين على تعبك ومجهودك ونصايحك القيمه
بس صعب جدا موضوع حب المواصلات والزحمه ده
هههههههههه
اهلا بحضرتك يا استاذة سارة
هو المقصود بحب المواصلات ... ان الواحد يتعايش معاها ... يعنى هو كده كده مسير .. موش مخير .. وكده كده هو ماشى مثل باقى السيارات .. هايروح فين ... يبقى الافضل انى استفيد من الوقت ... استمع لاى حاجة مفيدة ... ومافيش داعى لتغيير الحارات خصوصا فى الزحمة ... مافيش منه اى فائدة ... وما فيش اى توفير للوقت ...
مثلا بالامس .. راكب الميكروباص .. والطريق زحمة ... خرج من على اقصى اليمين سيارة ملاكى ... عايزة تمشى فى اقصى اليمين ... يعنى فى المنطقة اللى كلها عربيات راكنة وابواب بتتفتح واتوبيسات بتقف .. ومصمم "يزنق" نفسه ويمشى مترين او ثلاثة امتار ويدخل صف رابع فى الشارع ... وبعدعذاب المناورة .. وبعد تعريض نفسه للخطر مع الاوتوبيس ... وقف امامنا ... طيب ليه العذاب ده كله .. ايه اللى انت وفرته ... بالعكس ... انت زنقت نفسك وكان ممكن اى عربية تخبطك بدون داعى
ملحوظة: احيانا الشارع بتكون علامات المرور البيضاء ممسوحة من على الارض ... فى الحالة دى .. لازم تقدرى حجم الشارع .. هل هو يسمح بسير مثلا ثلاث عربيات بجوار بعض ... وبالنظر اختار الحارة المناسبة .. مثلا الحارة الوسطى .. وانتظم فى السير فيها ...
ما فيش داعى انى امشى بين الحارات ... يعنى فيه سيارات اصحابها محيرين نفسهم ... موش عارف يعمل ايه .. موش عايز يلتزم بالحارة اللى هو ماشى فيها ... وفى الآخر تجديه واقف على الخط اللى بين الحارتين ... طبعا ده بيعرض عربيته انها تتخبط
لكن الالتزام بالحارة اثناء المشى فى الزحام ... مهم جدا ومريح للاعصاب ... ولو شعرت ان فيه واحد "غلس" داخل بين الحارات .. انا عن نفسى ... بهدى شوية ... لحد ما يعدى من جانبى ... ويبعد عنى ... ممكن يكون موش فاهم .. انك لازم تلتزم بالحارة اللى انت ماشى فيها .. ده لسلامتك ولسلاسة المرور
النهارده حصلي موقف مثير للأعصاب وانا في الجوله السياحيه بتاعتي حول منطقة السكن
كنت بلف من شارع جانبي وخارجه على شارع رئيسي زحمه جدا وفي على شمالي عربيه في الإتجاه المعاكس والعربيه دي رجعت لوراء شويه علشان اعرف اعدي والف يمين في الشارع الرئيسي
وفجأه لقيت طفل من المتسولين متشعلق في الشباك اللي جنبي وماشي معايا والعربيه ماشيه عادي جدا وبيجري معاها
يا ابني امشي يهديك يرضيك الشنطه في الكنبه الخلفيه حرام عليك سيب العربيه
وكنت خايفه جدا انه يقع تحت العربيه وهو بارد جدا ومش راضي يبعد خالص ومدخل رأسه من الشباكلغاية ما وقفت وكل اللي حواليا كلاكسات كلاكسات
اكتشفت حاجه مهمه ان انا لازم اكون قافله الشبابيك للأمان او على الأقل اكون مجهزه فلوس
في درج التابلوه مثلا للطوارىء علشان الحاجات اللي زي دي
احيانا تلاقى نصابين كثير .. عشان كده لازم تكونى حريصة شوية .. زى ايه
مثلا انت وضعتى "الموبايل" بتاعك على التابلوه
يجى واحد يقول لحضرتك مثلا .. العجلة اللى وراه نايمة شوية ... تخرجى رأسك عشان تنظرى على العجلة ... يقوم هو سارق الموبايل
او يكلمك من الشباك بتاعك .. وواحد تانى يسرق مثلا شنطة من الشباك التانى
اما العيال المتشردة دى ... فدى شغلتها ... اهاليهم رامينهم فى الشارع ... وهما عارفين بيعملوا ايه
هههههههه وماتخافيش .. هو عشان عارف ان حضرتك مهذبة فكان واخد راحته شوية ... لكن يخاف يعمل كده مع حد تانى
ممكن تفتحى الشباك اللى بجوارك حاجة بسيطة عشان يدخل هواء ...
وفى الاماكن اللى انت متوقعة تقابلى فيها العيال المتشردة دى ... ساعتها تقفلى شباكك افضل
بس انت برافوا عليكى انك بتنزلى اماكن زحمة
انا عندى شوية شغل اليومين دول
لكن قررت انى انزل انا والاولاد اروح بيهم الملاهى ههههههههههه ... عشان يشعروا شوية بالاستفادة من العربية هههههههه
فى رعاية الله
مع اطيب التمنيات
اخوكم حسين غزالة
[sor1]https://s15.postimg.org/to3r0graj/Untitled7_jpg.jpg[/sor1]
[URL="http://www.nilemotors.net/Nile/127724-a.html"]نصائح سائق جديد .. وخوفه قل شوية من موضوع السواقة[/URL]
[URL="http://tinyurl.com/jkc87mj"](حصريا ) سلسلة نصائح سائق جديد _ اول كتاب فى اساسيات القيادة الدفاعية [/URL]
[URL="http://tinyurl.com/M323E"]جروب اصدقاء وملاك مازدا 323 على الفيس بوك[/URL]Comment
-
سلام عليكم
الف شكر يا ا. حسين على اهتمامك و نصايحك القيمة .. ربنا يجعلها في ميزان حسناتك
انا ابتديت فعلا احاول امشي في الحارة الوسطى لانها اقل الحارات مشاكل فعلا ولو ان النقل من حارة لاخى مازال مشكلة كبيرة ..مابيرضوش يعدوني وبعضهم بينظر لي شذرا
رغم اني بادي اشارات وباستنى وباصبر... بس عموما الحمد لله حتى الان مفيش خساير جديدة
ربنا يكرمك ويجازيك خير ويحفظنا جميعا
مؤخرا جاءني على البريد الالكتوني نصيحة بان اذكر دعاء الاستيداع عند الله في النفس والدين والاهل والمال وحتى السيارة قبل التحرك بها
بان افول: اللهم اني استودعتك نفسي وديني واهلي ومالي وسيارتي فاحفظهم لي
ارجو ان نقولها جميعا وكلنا رجاء ليس فقط لحفظ سياراتنا ومالنا وانما الاهم دينناComment
-
المشاركة الأصلية كتبت بواسطة abeeron مشاهدة المشاركة[sor1]https://s15.postimg.org/to3r0graj/Untitled7_jpg.jpg[/sor1]
[URL="http://www.nilemotors.net/Nile/127724-a.html"]نصائح سائق جديد .. وخوفه قل شوية من موضوع السواقة[/URL]
[URL="http://tinyurl.com/jkc87mj"](حصريا ) سلسلة نصائح سائق جديد _ اول كتاب فى اساسيات القيادة الدفاعية [/URL]
[URL="http://tinyurl.com/M323E"]جروب اصدقاء وملاك مازدا 323 على الفيس بوك[/URL]Comment
-
السلام عليكم ورحمة الله وبركاته
اخوكم لسه مبتدأ فى السواقة واشترى كمان عربية جديده( نيو اكسنت)
طبعا انا بشكركم كثيرا لانكم اخرجتونى من هم ونكد كبير
انا كنت فى ازمة نفسية بسبب السواقة لانى كنت فاكر ان انا لوحدى اللى تواجهنى هذه المشاكل
وكان حيجيلى قرف من العربيه والسواقه عموما مع نظرات كل اللى حولى والتعليقات السمجه اللى الواحد سمعها
وخصوصا انه سمعها (( او شاف نظرات عينهم وتعبيرات الوجوه اللى باديه عليهم )) من اقرب الناس اليه ومن ناس عمر ماكان يتوقع ان يسمع منهم الكلام ده وخصوصا الدعاء ليك اللى بيكون سخرية اكتر من ان يكون دعاء
معلش انا حطول عليكم شويه (عاوز افضفض واطلع كل اللى فى قلبى) بس ورائى ميعاد اخلصه
وان شاء الله اكمل فضفضه معاكمComment
-
المشاركة الأصلية كتبت بواسطة husseinoo مشاهدة المشاركةكلام جميل
اسمح لي ابدي اعجابي بقلمك وتميزك واسلوبك الراقي وتالقك
اشكرك بشده عليه
صحبه جميله ورائعةComment
Comment