Tweet
بسم الله الرحمن الرحيم
اللهم صل على محمد وعلى آله وصحبه أجمعين
اللهم صل على محمد وعلى آله وصحبه أجمعين
كيف تقود سيارتك بآمان
وكيف تصبح سائق جيد
راكبى الدراجات
راكبى الدراجات ايضا يستخدموا الطريق مثلك تماما ... والكثير منهم يطلع فوق الرصيف .. ومرة واحدة ينزل من على الرصيف الى الشارع وهكذا ... ومن الصعب رؤيتهم خصوصا لو كانوا اولاد صغيرين ... وتذكر ان فيه اولاد فى سن 12 واصغر من كده كمان بيجروا بالعجل على الرصيف .... لكن لا تتوقع انهم هايفضلوا ماشيين بالعجل على الرصيف وتوقع انهم مرة واحدة ينزلوا من فوق الرصيف الى الشارع ... انت تحتاج الى كشف الشارع وكشف الرصيف للبحث عن الاولاد الصغيرين راكبى الدراجات.
بالامس شاهدت مشهد فى منتهى الغرابة ... اثناء سيرى فى ميدان الحجاز وجدت طفل صغير بعجلته ماشى فين تخيلوا ؟ ... ماشى فى وسط الميدان والعربيات ماشية حواليه وهو موش عارف يخرج بالعجلة من الازمة اللى هو فيها ... عارفين الطفل ده كان عنده كام سنة .. انا اعتقد انه سنه لن تزيد عن 9 سنين او اقل كمان ... تخيلوا ... مصيبة ماشية بعجلة فى وسط الميدان والعربيات عمالة تلف حوالين الميدان ربنا يحفظ الحميع
اول ما تشوف حد راكب عجلة سواء كان طفل صغير او راجل كبير لازم تعطى له مساحة وفرصة عشان تعدى منهم بسلام خصوصا لو كنت داخل شارع يمين او شارع شمال
ولازم تتبع معاهم ايضا طريقة "الاتصال بالعين" لكى تتأكد انهم رآوك جيدا وعارفين انك ماشى وراهم ... واضرب لهم كلاكس فى حالة انك متأكد انهم لم يروك خالص ولا يشعروا بوجودك ... وتوقف عند اللزوم تماما ... العجلة تستطيع السير طبعا اسرع من المشاة ... ولكنها تسير بشكل بطىء خصوصا فى التقاطعات وطبعا ابطأ من العربيات والموتوسيكلات ... وطبعا الكثير منهم لا يحترم قواعد المرور ...
ومن الممكن انك تشاهد احد راكبى الدراجات وهو يسير عكس الإتجاه فى نفس طريقك ههههههههههههههههه عادى خالص او ماشى وبيعدى الطريق برغم ان الإشارة حمراء ... والأخطر انك ممكن تفاجأ بأحد راكبى الدراجات مساء والعجلة مافيهاش اى اشارات ضوئية من الخلف ههههههههههههه والله الكلام ده بجد وخطر جدا ... يعنى اللى راكب العجلة حتى موش مركب فيها من الخلف اى "اشارة بلاستيك عاكسة" عشان لم تضرب نور العربية تستيطع رؤيته بسهولة ... يعنى الكلام ده موش ضحك هههههههه والله كلام بجد
ده معناه ايه ؟ ... معناه انك لازم تكشف على راكبى الدراجات بعناية وحرص خصوصا لو كنت ماشى مساء او النور على الطريق ضعيف ساعة غروب مثلا او الجو فيه مطر او شبورة وهكذا
معروف ان فى الاقاليم الكثير منهم يركب دراجة ويسير بها على الطريق السريع للانتقال الى عمله وهكذا
راكبى الدراجات البخارية "الموتوسيكلات"
مثلهم مثل الناس الغلابة الآخرين سواء كانوا مشاة او راكبى دراجات
راكبى الموتوسيكلات من الصعب رؤيتهم على الطريق خصوصا فى الزحام لأن حجمهم صغير واصغر طبعا من اى سيارة .. وطبعا عددهم قليل مقارنة بالسيارات ... طبعا الموتوسيكل يتميز بالخفة فى الحركة والمناورة بخلاف السيارة .... ويستطيع اغلبهم زيادة سرعته عن السيارة والدخول فى اماكن ضيقة جدا لا تستيطع السيارة الدخول فيها .. ويستطيع الموتوسيكل مزاحمة السيارة فى الحارة التى يسير فيها .. وانه يتحرك من حارة الى حارة زى ما هو عايز هههههههههههههههههه يعنى يفضل يترقص بالموتوسيكل يمين وشمال على مزاجه ......... حتى ولو كان اللى ماشى على الطريق عربيات نقل تقيل مافيش اى مشاكل عند الموتوسيكل هههههههههههههه ... يعنى من الآخر لا تستيطع التنبؤ بإيه اللى ناوى يعمله راكب الموتوسيكل .....
راكبى الموتوسيكل من الممكن يكون مختفى خلف اى سيارة كبيرة ... على سبيل المثال: انك ممكن ما تعرفش ان فيه موتوسيكل ماشى بجوار او خلف سيارة نقل اخرى ... من الصعب جدا انك تشاهدهم جيدا
يظهر فى الصورة ان الموتوسيكل مختفى بجوار السيارة وفى ثانية واحدة يظهر امامك
الموتوسيكل يستطيع ايضا الدخول فى المنطقة العمياء سواء على اليمين او شمال سيارتك ... يعنى ممكن تفاجأ به ناحية اليمين او ناحية الشمال ولا تستطيع رؤيته بسهولة إلا إذا استخدمت طريقة النظر المباشر من فوق كتفك .... لذلك يجب ضبط المرايه جيدا لكشف المنطقة العمياء والحرص جيدا خصوصا عند التحرك من حارة الى حارة
الخلاصة: لازم تكون حريص جدا اثناء المرور من التقاطعات وتتأكد من "الفجوة الآمنة" قبل المرور او الدخول الى الشارع الرئيسى وتكون حريص قبل تغيير حارتك
فى احد المرات كنت واقف بشرب حاجة ساقعة ... وكان فيه راجل غلبان بيعدى الشارع بموتوسيكل تعبان ... وشاهد سيارة داخلة على التقاطع مسرعة ولا تعطى له فرصة لكى يعبر فى سلام
المهم الراجل شاف العربية ... كل اللى كان بيقول له .. "والله حرام عليك يا ست حرام .. ده انا راجل غلباااااااااااااااااااااان بوووووم" ... طيرت الراجل فى الهواء حوالى 10 متر والغريبة انه نزل فوق الراجل اللى جنبى هههههههههههههه لولا كده كان اعتقد اقل حاجة كانت هاتحصله انه يتوفى فورا ههههههههههههههههه
ومرة اخرى فى نفس التقاطع .... سيارة داخلة على التقاطع بسرعة وخرج له الموتوسيكل ... وسرعة الموتوسيكل كانت بطيئة وبيقطع ... النتيجة ان العربية خبطت الراجل فى رجله وطار فى الهواء زى افلام السينما وخبط فى زجاج السيارة الامامية وكسره وموش هاقولك حصل لرجل ايه عشان اعصابكم ما تتعبش ... وصاحب العربية هرب وجرى على طول من المشهد اللى حصل معاه ... ربنا يحفظ الجميع
الكثير منا يتعامل مع الموتوسيكل على انه حاجة على علجتين ومافيش مشكلة انى امشى بجواره ... اعتقد ان ده اكبر خطأ وانك لازم تعطى له مساحة كافية زيه زى اى اعربية تانية ولازم تعرف ان الموتوسيكل لن يتوقف بسهول مثله مثل اى عربية.
سيارات النقل والاوتوبيسات
النقل الثقيل زى سيارات النقل والاوتوبيسات من السهل جدا رؤيتهم ههههههههههههههههه يعنى اللى ما يشوفش اوتوبيس او عربية نقل احسن له انه ما يركبش عربية هههههههههه طبعا حجم العربيات النقل والاوتوبيسات من السهل جدا انه تراهم ... ولكنهم فى نفس الوقت من الممكن ان تختبىء بجوارهم او خلفهم موتوسيكلات او عجل او مشاة او حتى سيارات ملاكى ....... ده معناه ايه ؟ انك لازم تكتشف ايه اللى حول العربية النقل او حول الاوتوبيس ....
اذا كنت ماشى وامامك عربية نقل او اوتوبيس .. فى الحالة دى لازم تترك مسافة كافية بينك وبينه ... عشان تقدر تكشف المنطقة حول العربية النقل ... وطبعا من المعروف ان السيارة النقل تحتاج الى مكان اكبر يعنى ممكن تستخدم مكان اكبر من الحارة التى تسير فيها وتحتاج الى مكان اكبر اثناء الدخول الى اليمين او الشمال
فى الصور السابقة
يظهر ان مسافة 3 ثوانى بينك وبين العربية النقل غير كافية لكشف ما يدور حول السيارة النقل
اما لو كانت المسافة بينك وبين السيارة النقل حوالى 5 ثوانى فى هذه الحالة تستطيع كشف ما يدور حول السيارة النقل
تذكرت مرة وانا ماشى فى السيدة زينب ... كان فيه سيارة 127 ماشية خلف اوتوبيس سياحى وكان الفرق بينهم حوالى متر او مترين تقريبا ... ومرة واحدة الاوتوبيس خفض سرعته فقط عشان المشاة يمروا من امامه ... والنتيجة ههههههههههه بووووووووووووم صاحب السيارة الـ 127 خبط الاوتوبيس من الخلف خبطة تمام ... طبعا صاحبنا ولا فتح فمه ... عشان عارف انه غلطان راح ماشى على طول ... كل الحكاية انه عمال يجرى بدون تفكير وفاكر نفسه ناصح انه ماشى خلف الاوتوبيس مباشرة ... وان الاوتوبيس هو اللى هايوسع له السكه ههههههههههه واهه ربنا وسعها له على الآخر ههههههههههههههه ربنا يحفظ الجميع
طبعا لازم نؤكد مرة تانية : اوعى تتنافس مع الاوتوبيس او السيارة النقل اثناء الدخول يمين او شمال ... يعنى انت شايف ان الاوتوبيس داخل يمين وانت عايز تدخل قبله
نصيحة: اذا لم تستطيع رؤية المرايه الخاصة بالاوتوبيس او السيارة النقل ... فى هذه الحالة تأكد تمام ان قائد الاوتوبيس او السيارة النقل لن يراك هو ايضا ولن يستيطع انه يعرف اى حاجة عنك ولن يشعر بوجودك تماما ... لذلك ابتعد تماما عن المنطقة العمياء للاوتوبيس او السيارة النقل
طبعا سبق واتكلمنا على موضوع مراعاة الوقت اللازم للمرور من سيارة طويلة مثل النقل او الاوتوبيس خصوصا السيارة الشاحنة الحاوية "الطويلة جدا"
ولازم تعرف ان السيارات النقل تحتاج وقت كبير ومسافة كبيرة لكى تتوقف ... عشان كده لازم تترك مسافة كبيرة بينك وبينه ... واوعى تمشى امامه وتتوقف فجأة خصوصا لو كانت المسافة بينك وبينه صغيرة ... لان ببساطة العربية النقل ممكن يكون وزنها اكثر من 40 مرة من وزن عربيتك ...
تابــــع
فى انتظار التواصل
مع اطيب التمنيات
اخوكم حسين غزالة
وطبعا السواق بدل ما كنت خايفة منه انه يهزقنى فى الاول لقيتنى صعبت عليه وبيقولى جمدى قلبك يابنتى ... شدى حيلك ---.gif "Majd(4)")
Comment