إعـــــــلان

Collapse

.

,
See more
See less

نصائح سائق جديد .. وخوفه قل شوية من موضوع السواقة .. والبركة فيكم تعلمونا الباقى

Collapse
This is a sticky topic.
X
X
Collapse
 
  • Page of 82
  • Filter
  • الوقت
  • Show
Clear All
new posts
السابق 1 12 16 17 18 19 20 21 22 23 24 25 26 27 28 32 72 82 template التالي
  • #316
    بسم الله الرحمن الرحيم
    اللهم صل على محمد وعلى آله وصحبه أجمعين


    18 نصيحة ذكية
    للسائقين المبتدأين

     9- الاستماع الى الكاسيت ممكن "يشتت" تفكيرك .... خصوصا لو كان عندك كاسيت فى العربية "شديد" ... وطبعا عايز تعيش معاه ... لكن لازم تحذر لأن الصوت العالى يمنعك من الاستماع الى العربيات المحيطة ... يعنى فيه ناس قديمة فى القيادة زى صاحبى كان يقول لى: انا اسمع صوت موتور العربية اللى ماشية واريا اعرف هو ماشى ازاى ... من غير ما يضرب لى كلاكس ... آخد بالى على طول.

    10- احترس من الاصدقاء اللى معاك فى العربية .... انت قائد السيارة وانت المسئول ... ماتخليش حد منهم يعمل لك ربكة بدون داعى ... واحيانا فى منهم يشجعك على انك تمشى بالعربية بطريقة انت موش بتحبها ... لو كان فيها اى حد من اصحابك هايعمل لك ربكة فى العربية ... نزلوا علطول ياخد له اوتوبيس ههههههه

    11- حرك عينيك على طول ... حاول تنظر على كل السيارات التى حواليك ... تنظر فى المراية الوسطى والجانبية وامامك وفوق كتفك ... لكن اوعى تحاول ترعب اللى راكبين معاك هههههههههههه يعنى موش عشان تكلمهم فى موضوع مهم ... تبطل تنظر الى الامام وبدلا من ذلك تنظر للراكبين معاك عشان تحسسهم انك واد مية مية .... ركز على الطريق حتى ولو كنت بتتكلم مع اللى جانبك ... احيانا فعلا الواحد فى الوقت اللى بيتكلم مع اللى جنبه ... مرة واحد يلاقى مشاكل امامه وهو موش مركز ...

    12- لا تضع اشياء ثمينة داخل سيارتك .... هاتشجع اى حد مالوش لازمة يكسر العربية عشان يسرقها ... طبعا الواحد بيكون فرحان بالعربية وعايز يركب فيها كل حاجة جميلة ... اصبر شوية

    13- حافظ على مسافة كافية ........... بينك وبين العربيات التى حولك وخصوصا لو كان امامك عربية وصاحبها مصنف "بالقائد المتهور" او "السائق الجرىء" ........ الجرىء زيادة عن اللزوم ده ممكن يعملك مشاكل جامدة جدا ... حاول تبعد عنه بقدر الإمكان ... بالنسبة لنا ... احنا كفاية علينا الميكروباص هههههههه والمينى باص

    14- إذا كنت بتسوق عربيتك فى منطقة فيها مثلا على الارض مياه امطار او زيت او بنزين او ما شابه ... حاول تخف البنزين وترفع رجلك عن الدواسة ... ولا تحاول ان تضغط الفرامل ... على ما تعدى المنطقة الخطر دى. لانك لو عملت اى حركة مثلا فى شارع بجوار محطة بنزين او بجوار احدى ورش الزيت او حتى فى ملف ضيق وصعب مثلا على احدى الكبارى او الطرق السريعة ... ممكن العربية تعمل معاك حركات موش كويسة ... فى الحالة دى لازم رجلك على البنزين والفرامل تكون حساسة جدا جدا .


    فى انتظار التواصل

    تابــــع

    مع اطيب التمنيات
    اخوكم حسين غزالة
    [sor1]https://s15.postimg.org/to3r0graj/Untitled7_jpg.jpg[/sor1]
    [URL="http://www.nilemotors.net/Nile/127724-a.html"]نصائح سائق جديد .. وخوفه قل شوية من موضوع السواقة[/URL]
    [URL="http://tinyurl.com/jkc87mj"](حصريا ) سلسلة نصائح سائق جديد _ اول كتاب فى اساسيات القيادة الدفاعية [/URL]
    [URL="http://tinyurl.com/M323E"]جروب اصدقاء وملاك مازدا 323 على الفيس بوك[/URL]

    Comment

    • #317
      اللهم صل على محمد وعلى آله وصحبه أجمعين


      18 نصيحة ذكية
      للسائقين المبتدأين


       15- لو كنت بتاخد دواء مهدىء ... يبقى مافيش داعى تركب عربيتك فى اليوم ده .... طبعا فيه شباب بياخدوا مهدئات من نوع تانى هههههههههههه ربنا يحفظنا ... لكن احيانا مثلا دكتور العظام او الاسنان يكتب لك مسكن قوى او مهدىء عشان استرخاء العضلات ... تضرب الدواء من هنا هههههههههههههههه هاتبقى عال خالص وانت سايق .... ربنا يسترها مع الجميع

      16- احتفظ ببعض الادوات الاساسية داخل سيارتك .... انا اول يوم اشتريت العربية فيه كنت شارى شنطة بلاستيك على شكل صندوق ... واشتريت مفكات ومفاتيح بلدى ومفتاح بوجيهات و فيوزات وعلبة صغيرة فيها شوية شحم عشان كابل البطارية واسبراى منظف للكربراتير وعلبة منظف wd40 واتأكد من سلامة الكوريك ... ممكن علبة جلانس لتنظيف زجاج السيارة ... علبة ورنيش لتشميع جسم السيارة ... علبة شامبو اطفال ... الخ

      17- اذا كنت هاتخرج بالعربية لوحدك ... خصوصا لو كنت "سيدة" طبعا لازم اى بنت هاتخرج بالعربية لوحدها تعمل حسابها فى:
      - ان اللى فى البيت يعرفوا هى هاتخرج فين يعنى خط سيرها بالعربية هايكون ازاى
      - لازم يكون معاها موبايل والشحن تمام التمام
      - لازم تتأكد ان العربية مية مية ... وصيانتها لو كانت جديدة فى التوكيل
      - مافيش داعى تمشى بالعربية لوحدها فى مناطق خطر او معزولة تماما
      وربنا يحفظ الجميع

      18- إذا حصل للعربية اى حاجة ... لا تقلق كل شىء هايكون تمام التمام ... وسوف تجد كثير من الناس الجدعان اللى هايسعدوك فى الطريق ... يعنى انا مثلا لما العجلة نامت ههههههههههههه طلعت روحى على ما غيرتها ... صاحبى قال لى ببساطة: ولا تتعب نفسك ... وقف اى تاكسى وخليه يغير لك العجلة واعطى له اللى فيه النصيب ... مافيش اى مشاكل بإذن الله. لو ركنت عربيتك على ما تشوف مساعدة ... اتأكد ان العربية متقفلة كويس ... والدركسيون معملول له "لوك" ... ويفضل انك تكلم اى صديق بالموبايل قبل ما تترك عربيتك على الطريق وربنا يحفظ الجميع


      فى انتظار التواصل

      مع اطيب التمنيات
      اخوكم حسين غزالة
      [sor1]https://s15.postimg.org/to3r0graj/Untitled7_jpg.jpg[/sor1]
      [URL="http://www.nilemotors.net/Nile/127724-a.html"]نصائح سائق جديد .. وخوفه قل شوية من موضوع السواقة[/URL]
      [URL="http://tinyurl.com/jkc87mj"](حصريا ) سلسلة نصائح سائق جديد _ اول كتاب فى اساسيات القيادة الدفاعية [/URL]
      [URL="http://tinyurl.com/M323E"]جروب اصدقاء وملاك مازدا 323 على الفيس بوك[/URL]

      Comment

      • #318
        13- حافظ على مسافة كافية ........... بينك وبين العربيات التى حولك وخصوصا لو كان امامك عربية وصاحبها مصنف "بالقائد المتهور" او "السائق الجرىء" ........ الجرىء زيادة عن اللزوم ده ممكن يعملك مشاكل جامدة جدا ... حاول تبعد عنه بقدر الإمكان ... بالنسبة لنا ... احنا كفاية علينا الميكروباص هههههههه والمينى باص

        النقطة دي فعلا مهمة لكن الواحد ممكن يقدر يحافظ على المسافة دي من الامام لكن ازاي يحافظ من الخلف؟
        [CENTER]نحـــن بحاجــة "للخلافـــات" أحيــــانا ، لمعــــرفة ما يخفيـــــه الأخــرون فــي قلوبـــهم ، قد تجــــد مـــــا يجعــلك فــي ذهــــول و حيــــرة ، وقـــــد تجـــد مـــا يجعلـــك تنــزع قبعتــك إحتـــــــرامـــا لــــــه
        [/CENTER]

        Comment

        • #319
          المشاركة الأصلية كتبت بواسطة muslima مشاهدة المشاركة
          النقطة دي فعلا مهمة لكن الواحد ممكن يقدر يحافظ على المسافة دي من الامام لكن ازاي يحافظ من الخلف؟


          ههههههههههههه
          اكيد طبعا هو موش هايقدر يتحكم فى المسافة بينه وبين العربيات التى فى الخلف
          لكن على الأقل مثلا: لو فيه امامه تجمع لسيارات او هايظهر امامه مجموعة من السيارات المتزاحمة
          فى الحالة دى هو يهدى شوية
          ومافيش داعى يحشر نفسه معاهم

          يتركهم يتجمعوا مع بعض ويمشى هو فى الآخر وباقى العربيات امامه

          اما لو عمل فيها عشر رجالة ههههههههههههه وراح حاشر نفسه بين مجموعة عربيات تسير امامه
          يبقى هو كده بيصعبها على نفسه
          لانه هايكون محاصر بالعربيات من كل ناحية

          ولو ظهر له اى مشكلة لا قدر الله
          وحب يتخلص منها
          وخصوصا انه مبتدأ
          اى حركة فى تغيير الحارات هاتعمل له مشاكل على طول

          النصيحة: مافيش داعى تحشر نفسك بين مجموعة عربيات بتتسابق على الطريق

          لكن لو انت ماشى عادى والعربيات وقفت فى إشارة ... انت فى الحالة دى مسير موش مخير
          يعنى غصب عنك العربيات هاتكون حواليك .... عادى مافيش مشاكل
          ما دام الجميع يسير ببطء فى الإشارة ... خلاص ... التزم بحارتك ... وامشى فى منتهى الهدوء وحافظ على المسافة بينك وبين اللى امامك ... وماتغيرش حارتك بدون داعى ... ولو مشيت فى الحارة الوسطى يكون احسن لك ... و اللى عايز يجرى خليه يجرى ... واللى عايز يعدى من اليمين براحته ... عايز يعدى من الشمال برده براحته
          انت امشى فى الحارة الوسطى وريح دماغك من المناورات
          ودى احسن حاجة انا عملتها الاسبوعين دول
          لو مشيت شمال سوف اجد يوتيرن كل شوية
          لو مشيت يمين سوف اجد عربيات راكنه ومتوقفة وتاكسيات وخلافه
          احسن حاجة تمشى فى الحارة الوسطى بشرط عدم تغيير الحارة بدون داعى وبمنتهى الحرص

          مع اطيب التمنيات
          اخوكم حسين غزالة
          [sor1]https://s15.postimg.org/to3r0graj/Untitled7_jpg.jpg[/sor1]
          [URL="http://www.nilemotors.net/Nile/127724-a.html"]نصائح سائق جديد .. وخوفه قل شوية من موضوع السواقة[/URL]
          [URL="http://tinyurl.com/jkc87mj"](حصريا ) سلسلة نصائح سائق جديد _ اول كتاب فى اساسيات القيادة الدفاعية [/URL]
          [URL="http://tinyurl.com/M323E"]جروب اصدقاء وملاك مازدا 323 على الفيس بوك[/URL]

          Comment

          • #320
            الله عليك يأستاذ حسين وعلى كلامك الجميل اللى مفروض يتعمل موسوعة
            [CENTER][SIZE=5][COLOR=darkgreen][B][FONT=Times New Roman]سبحان الله وبحمده عدد خلقه [/FONT][/B][B][FONT=Times New Roman]ورضا نفسه [/FONT][/B][/COLOR][/SIZE][/CENTER]
            [CENTER][SIZE=5][B][COLOR=darkgreen][FONT=Times New Roman]وزنة عرشه ومداد [/FONT][FONT=Times New Roman]كلماته[/FONT][/COLOR][/B][/SIZE][/CENTER]


            [CENTER][img3]http://www.nilemotors.net/Nile/signaturepics/sigpic54595_4.gif[/img3][/CENTER]

            Comment

            • #321
              بسم الله الرحمن الرحيم
              اللهم صل على محمد وعلى آله وصحبه أجمعين


              المراجعة النهائية .. فى القيادة الدفاعية



               - افسح الطريق للسائق المتهور او الجرىء .... يعنى مثلا لو شايف سائق ميكروباص على سبيل المثال جاى وراك ... حاول توسع له فى اقرب فرصة من غير ما تعرض نفسك للخطر



              - القيادة الدفاعية ... لا تفترض ان الآخرين هايحترموا قواعد المرور ... يعنى لازم تتعامل مع الآخرين بحذر على طول الخط وتوقع منهم اخطاء وعليك انت اكتشافها.



              - لا تتحدى الآخرين .... يعنى لو كنت انت ماشى صح والطريق بتاعك .. وظهر لك سيارة اخرى بتتحداك ... وعايزة تعدى منك ... مافيش مشاكل اتركه يعدى منك ... ومافيش داعى بالبلدى كده زى ما بيقولوا "تسخن" والعملية تكبر فى دماغك ههههههههه وتصمم انك تجرى بجواره او انك تمنعه انه يعدى منك.



              - وانت بتنظر فى المرايه خصوصا المرايه الوسطى ... لو شاهدت سيارة ماشية وراك ... بالبلدى كده بيقولوا عليه "لازق وراك" ... غير الحارة بتاعتك عشان تتركه يعدى منك ... مافيش اى مشاكل



              - خليك مصحصح ... وخد بالك من اى سائق سيارة بيعمل حاجة داخل عربيته ... مثلا ممكن تلاقى سيدة هههههههه بتحط "مكياج" ... او سائق بيكلم اللى بجواره ... او سائق بيكلم فى الموبايل ... او سائق بيكتب حاجة .. او يقرأ ورقة .. ههههههههه أو بياكل سندوتش ....... او اى سائق عموما موش مركز فى الطريق.



              - لو ظهرت عربية عايزة تدخل امامك مافيش مشاكل ... هدى نفسك شوية واتركه يدخل امامك ... مافيش داعى تقفل عليه ... وتعند معاه



              - اوعى تنظر فى عين سائق آخر ....... هههههههههه يعنى مثلا لو قابلك فى الطريق سائق متهور او جرىء ... مثل سائق الميكروباص ... وعمل فى الطريق اى حركة موش عجباك ... اوعى تنظر فى عينيه ... على طول هايسخن اكثر .. ويمكن يقرفك فى الطريق ... ويعمل لك مشاكل ... واحيانا يقل ادبه ... بكلام مالوش لازمة ... فأرجوك لو قابلك اى سائق حتى ولو كانت عربية ملاكى وعملت معاك اى حركة اوعى تبص فى عينيه ... تجاهله تماما ... احد اصدقائى قال لى: انا اضحك ابتسامة خفيفة ... واشاور له بإيديه اتفضل ... ويمكن اعتذر له بلطف ... واترك الامور تسير بهدوء وده عين العقل موش عيب.




              فى إنتظار التواصل


              تابـــــــع


              مع اطيب التمنيات
              اخوكم حسين غزالة
              [sor1]https://s15.postimg.org/to3r0graj/Untitled7_jpg.jpg[/sor1]
              [URL="http://www.nilemotors.net/Nile/127724-a.html"]نصائح سائق جديد .. وخوفه قل شوية من موضوع السواقة[/URL]
              [URL="http://tinyurl.com/jkc87mj"](حصريا ) سلسلة نصائح سائق جديد _ اول كتاب فى اساسيات القيادة الدفاعية [/URL]
              [URL="http://tinyurl.com/M323E"]جروب اصدقاء وملاك مازدا 323 على الفيس بوك[/URL]

              Comment

              • #322
                السلام عليكم ورحمة الله وبركاته
                يا استاذ حسين الف شكر لموضوعك الجميل بصراحة انا تعبت من كتر شكرك ممكن تحط فى توقيعك لينك للموضوع دة انا كتنت موضوع فى الينكدة http://www.nilemotors.net/Nile/153963-a.html




                :::: نــايــل مــوتــورز:: - :: NileMotors.net :: > الإقتراحــات و الشكاوى > * إقتـــــــراحـــات و إستفــســارات الأعضــاء *
                و يا رب الادارة تثبتة
                [aldl]http://4.bp.blogspot.com/-ErjDUZ8vyBE/T17cPdPyECI/AAAAAAAAwPg/esBRUJ5Tnf0/s1600/%D9%85%D9%8A%D9%86%D9%89+%D9%83%D9%88%D8%A8%D8%B1+2012.jpg[/aldl]

                Comment

                • #323
                  بسم الله الرحمن الرحيم
                  اللهم صل على محمد وعلى آله وصحبه أجمعين


                  شكرا يا ماجد على مجهودك بخصوص التثبيت
                  شكرا للاستاذة لبنى .. طبعا
                  شكرا للدكتور صلاح
                  وشكرا لكل الاصدقاء .. على مساعدتهم المخلصة لتثبيت الموضوع

                  وطبعا شكرا للإارة المحترمة على إستجابتها لرغبة الإعضاء

                  بصراحة الموضوع محرج جدا ... أنا بالنسبة لى متعود على ان اى مشاركة فى اى موضوع فى اى منتدى بتكون لوجه الله تعالى ... وعملية التثبيت دى اتركها حسب رغبة ورؤية الإدارة والمسئولين عن الموقع

                  طبعا عشان الموضوع يفضل فى الصدارة ... كان الواحد بيضطر أنه يضيف دائما كل جديد ... وده كان بيخوفنى انى اكون بصيف موضوع سخيف او اى حاجة لا تشد الأصدقاء ....

                  على العموم شكرا مرة تانية ... لجميع الأصدقاء فى هذا المنتدى الرائع

                  مع اطيب التمنيات
                  اخوكم حسين غزالة
                  [sor1]https://s15.postimg.org/to3r0graj/Untitled7_jpg.jpg[/sor1]
                  [URL="http://www.nilemotors.net/Nile/127724-a.html"]نصائح سائق جديد .. وخوفه قل شوية من موضوع السواقة[/URL]
                  [URL="http://tinyurl.com/jkc87mj"](حصريا ) سلسلة نصائح سائق جديد _ اول كتاب فى اساسيات القيادة الدفاعية [/URL]
                  [URL="http://tinyurl.com/M323E"]جروب اصدقاء وملاك مازدا 323 على الفيس بوك[/URL]

                  Comment

                  • #324
                    اللهم صل على محمد وعلى آله وصحبه أجمعين



                    المراجعة النهائية ... فى القيادة الدفاعية


                     - استخدم الكلاكس بإعتدال .... فيه ناس كثيير بتعتبر ان الكلاكش "شتيمة" ههههههههههه خصوصا لو كان زيادة عن اللزوم ... يعنى استخدم الكلاكس عند اللزوم فقط لا غير .. موش عمال على بطال ... واحنا للاسف عندنا متخصصين لعمل "الحان" بدل الشتيمة عن طريق الكلاكس والحدق يفهم ... خلينا احنا ناس مؤدبين ومالناش دعوه بالناس الوحشين.

                    - ممنوع تعمل "بلوك" فى الحارة السريعة ... يعنى لو كنت انت ماشى بطىء .. ابعد عن الحارة اليسرى السريعة وخليك احسن فى الحارة اليمين او الوسطى حسب سرعتك.

                    - ممنوع تغير حارتك بدون اى اشارات ... يعنى فيه ناس كثير قوى فاكرة ان لما تغير الحارة موش مشكلة انك لا تستخدم الإشارة .... لأ كده غلط ... الصح انك لو فكرت تغير حارتك استخدم الإشارات ...

                    - لو انت هاتقف فى الإشارة ... مافيش داعى تقف فى الحارة اليمين ... لأن فيه عربيات بتكون داخلة يمين اساسا وموش هاتتوقف فى الإشارة. .... عشان كده ابعد عن الحارة اليمين.

                    - اوعى "تلزق" للعربية اللى امامك ... فيه ناس عايزة فاكرة انه لما "يلزق" ورا العربية اللى امامه ... بالطريقة دى هايكون سواق مية مية ... لأ طبعا الكلام ده غلط جدا جدا ... لازم تترك مسافة بينك وبين السائق اللى امامك حسب السرعة.

                    - لا تشتت انتبهاك بالموبايل

                    - لا تستمع الى الكاسيت بصوت عال ومزعج

                    - خد وقتك اثناء السفر ... او اى مشوار انت هاترخج فيه بالعربية ... حاول تخرج بدرى شوية .. عشان تمشى براحتك وبدون استعجال

                    - قيادة السيارة .. هى وسيلة للنقل وليست وسيلة للتحدى .. إذا كنت عايز تجرى وتعمل حركات روح اشترك فى اى سباق من السباقات بس بعيد عننا.

                    - خليك مؤدب ... حتى ولو كان السائق الآخر غير مؤدب ... ومافيش داعى تفتكر ان السائق الآخر يتحداك ... ممكن يكون السائق الآخر عنده ظروف ومستعجل شوية وانت موش مقصود بأى حركة هو عملها ... يعنى موش بيغلس عليك انت بالذات .. كل الحكاية هو عنده ظروف ومستعجل شوية.

                    - موش شغلك انك عايز تعلم الآخرين السواقة ...... ههههههههههه يعنى مثلا ... ممكن تفكر تعمل "بلوك" يعنى تمنع السيارة اللى وراك من المرورعشان العربية اللى وراك تهدى سرعتها شوية ... انت كده بتدخل نفسك فى مشاكل مع العربيات الأخرى ... اترك قواعد المرور لضباط المرور ... وخليك فى حالك احسن لك.


                    - وفر وقتك ... اذا كنت هاتروح شغلك فى 25 دقيقة ... ليه تنزل قبل الشغل بـ 15 دقيقة ... انزل بدرى شوية .. ولو كنت بتزهق بسرعة من موضوع السواقة شغل شوية موسيقى خفيفة فى العربية او شوية قرآن عشان تهدى والوقت يعدى.


                    مع اطيب التمنيات
                    اخوكم حسين غزالة

                    [sor1]https://s15.postimg.org/to3r0graj/Untitled7_jpg.jpg[/sor1]
                    [URL="http://www.nilemotors.net/Nile/127724-a.html"]نصائح سائق جديد .. وخوفه قل شوية من موضوع السواقة[/URL]
                    [URL="http://tinyurl.com/jkc87mj"](حصريا ) سلسلة نصائح سائق جديد _ اول كتاب فى اساسيات القيادة الدفاعية [/URL]
                    [URL="http://tinyurl.com/M323E"]جروب اصدقاء وملاك مازدا 323 على الفيس بوك[/URL]

                    Comment

                    • #325
                      المشاركة الأصلية كتبت بواسطة husseinoo مشاهدة المشاركة
                      اللهم صل على محمد وعلى آله وصحبه أجمعين






                      المراجعة النهائية ... فى القيادة الدفاعية



                      - استخدم الكلاكس بإعتدال
                      - ممنوع تعمل "بلوك" فى الحارة السريعة
                      - ممنوع تغير حارتك بدون اى اشارات
                      - لو انت هاتقف فى الإشارة
                      - اوعى "تلزق" للعربية اللى امامك
                      - لا تشتت انتبهاك بالموبايل
                      - لا تستمع الى الكاسيت بصوت عال ومزعج
                      - خد وقتك اثناء السفر
                      - قيادة السيارة .. هى وسيلة للنقل وليست وسيلة للتحدى
                      - خليك مؤدب
                      - موش شغلك انك عايز تعلم الآخرين السواقة
                      - وفر وقتك

                      مع اطيب التمنيات
                      اخوكم حسين غزالة
                      الله يفتح عليك .................
                      انت كده جبت خلاصة الخلاصة ....................
                      [SIZE=3][COLOR=navy][gdwl]
                      [SIZE=3][COLOR=navy]سبحانك اللهم وبحمدك ، أشهد أن لا إله إلا أنت أستغفرك وأتوب إليك[/COLOR][/SIZE]
                      [/gdwl][/COLOR][/SIZE][SIZE=4][COLOR=navy][/COLOR][/SIZE]
                      [SIZE=4][COLOR=navy]مـحـمـد الـطـويـل - إسـكـنـدريـه[/COLOR][/SIZE]

                      Comment

                      • #326
                        الف مبروك يا استاذ حسين على التثبيت وشكرا للإداره لإستجابتها لنا
                        الموضوع يستحق التثبيت من زمان وحضرتك مش عارف كلنا بجد استفدنا منه
                        افي الأول دخلت دورت عليه تحت في القسم التعليمي وبعد كده اكتشفت انه اتثبت
                        انا لسه والله ما خلصتش الموضوع كله زي ما قلت لحضرتك (بذاكره) على مراحل مع التدريب وبرجع اشوف كل جزء انا محتاجاه معلشي بطيئه شويه
                        الف شكر لك وجزاك الله كل خير عنا
                        [CENTER][SIZE=5][COLOR=Navy][SIZE=4][SIZE=5]* لا اله الا انت سبحانك اني كنت من الظالمين *[/SIZE] [/SIZE]
                        [/COLOR][/SIZE][CENTER]
                        [/CENTER]
                        [/CENTER]

                        Comment

                        • #327
                          الف مبروك يا استاذ حسين على التثبيت وشكرا للإداره
                          [CENTER][SIZE=5][COLOR=darkgreen][B][FONT=Times New Roman]سبحان الله وبحمده عدد خلقه [/FONT][/B][B][FONT=Times New Roman]ورضا نفسه [/FONT][/B][/COLOR][/SIZE][/CENTER]
                          [CENTER][SIZE=5][B][COLOR=darkgreen][FONT=Times New Roman]وزنة عرشه ومداد [/FONT][FONT=Times New Roman]كلماته[/FONT][/COLOR][/B][/SIZE][/CENTER]


                          [CENTER][img3]http://www.nilemotors.net/Nile/signaturepics/sigpic54595_4.gif[/img3][/CENTER]

                          Comment

                          • #328
                            الف الف مبروك على المجهود الرائع وعلى التثبيت

                            اخوكم
                            م.عصام مهنى
                            [B][COLOR=Navy]أبا الزهراء قد جاوزت قدرى
                            بمدحتك بيد ان لى انتسابا
                            مدحت المالكين فزدت قدرا
                            وحين مدحتك اجتزت السحابا [/COLOR][/B]
                            [COLOR=Green][B]اللهم صلى على سيدنا محمد [/B][/COLOR]

                            Comment

                            • #329
                              بسم الله الرحمن الرحيم اللهم صل على محمد وعلى آله وصحبه أجمعين


                              انا سعيد جدا بمعرفتكم ... بصراحة انتم مجموعة مهذبة وفى منتهى الجمال .... اشكركم جدا على مشاعركم النبيلة
                              واتمنى اننا نفضل متواصلين حتى ولو اتعلمنا السواقة كويس هههههههههههه
                              شكرا لحضراتكم جدا



                              وداعا للغضب ... ومرحبا بالأذكياء


                              - تعلم الصبر ... لازم تصبر شوية وماتحاولش تستعجل الأمور ... لو صبرت شوية هاتقدر تفكر كويس ... وتتصرف كويس فى المواقف اللى هاتقابلك



                               - حاول تسوق عربيتك بذكاء ... وضع ابتسامة جميلة داخلك ... عشان اعصابك تهدى وتعرف تفكر صح

                              - اسأل نفسك سؤال ؟ ... هل صح انى افضل "لازق" للعربية التى امامى ؟ ... ما هو شعورك والعربية التى خلفك "لازقة" وراء عربيتك ؟

                              - لو كان اللى ورايا ماشى بسرعة جامدة ... وموش عجبانى طريقة قيادته ... هل صح انى اضرب له فرامل عشان "اخوفه شوية" ويهدى سرعته ههههههههههه طبعا الموقف ده بيحصل كثيير خصوصا بين الشباب .. وممكن يعرضنا للخطر


                              -                               هل اتحشرت فى زحمة المواصلات ؟ ... هههههههه وموش قادر تتحرك من مكانك ... وحاسس بالقلق لأنك موش قادر تخرج من الازدحام ده ... فى الحالة دى حاول تغير مزاجك شوية .... مثلا: "دندن" شوية مع اى اغنية هههههههه .... استمع الى شوية موسيقى هادئة ... شغل الراديو واستمع الى اى برنامج اذاعى ... شغل شوية قرأن ... او درس دينى ... ولو كنت مسافر على طريق سريع حاول تستمتع بالمناظر الجميلة التى تقابلك خصوصا وقت الغروب مثلا.

                              فى انتظار التواصل

                              تابــــع

                              مع اطيب التمنيات
                              اخوكم حسين غزالة
                              [sor1]https://s15.postimg.org/to3r0graj/Untitled7_jpg.jpg[/sor1]
                              [URL="http://www.nilemotors.net/Nile/127724-a.html"]نصائح سائق جديد .. وخوفه قل شوية من موضوع السواقة[/URL]
                              [URL="http://tinyurl.com/jkc87mj"](حصريا ) سلسلة نصائح سائق جديد _ اول كتاب فى اساسيات القيادة الدفاعية [/URL]
                              [URL="http://tinyurl.com/M323E"]جروب اصدقاء وملاك مازدا 323 على الفيس بوك[/URL]

                              Comment

                              • #330
                                مبرووووووووووووووووووووووووووك على التثبيت ياأستاذ حسين وهو فى الحقيقه مبروك علينا وعلى كل واحد هيدخل ويستفيد من أى معلومه مكتوبه هنا مهما كانت صغيره وشكرا للإداره على استجابتها لطلبنا

                                مبروك ياجماعه

                                Comment

                                السابق 1 12 16 17 18 19 20 21 22 23 24 25 26 27 28 32 72 82 template التالي
                                Working...
                                X